
رواية خيوط الحب
الفصل الواحد والثلاثون 31 والاخير
بقلم جنات
مرت الايام والشهور والكل عايشين بسعاده وفرحه واخيرااا جه اليوم المنتظر بالنسبه ليوسف الصياد وهو اليوم اللى هيشرف فيه ابن الصياد الصغير
الكل متجمعين فى المستشفى وتحديدا فى الاوضه اللى اتنقلت فيه فيروز بعد ماخرجت من اوضه العمليات
فيروز نايمه على السرير والبيبي الصغير جمبها ويوسف قاعد جمبها على الكرسي والكل باركو لفيروز ويوسف
نورة:مش قولتلك هيكون ولد وشبه يوسف اهو عشان تبقي تصدقينى مرة تانيه
تقى:البنت دى سرها باتع هنبقي نصدقها بعد كدا
يوسف:وانتى قولتى كدا امته
البنات ضحكو وفيروز اللى ماكنتش قادرة تضحك
تقى وهى بتضحك:وحياتك واحنا مخطوفين
عزام:كان ليكو نفس تتكلمو
نورة:داحنا رغينا رغى ياجدعان
امير:واحنا اللى كنا هنموت من القلق عليكو
تقى:ماحنا ماكنش ورانا حاجه بقي ياعم قولنا نرغى على ماالبشوات يجو يلحقونا
يوسف بص لشباب:والمصحف احنا غلطانين كنا سبناهم
عزام وامير ضحكووو
هناء:ناوى تسمى ايه ياحبيبي
يوسف بص لفيروز:ياسين يوسف الصياد
صفاء:يتربي فى عزكو ياحبايبي يارب
الكل:يارب
خلص اليوم والكل رجعو على فيلا يوسف ونورة وعزام راحو على فيلتهم عشان ولادهم اللى سايبنهم مع رحاب ومريم
************
فى فيلا عزام اللى وصلو
نورة:هروح اشوف الولاد ياعزام
عزام:وانا هطلع اخد شاور وهاتيهم لانهم وحشونى
نورة:حاضر
نورة راحت اوضه اللى مخصصنها للولاد وكانت مريم قاعده معاهم
نورة:الاشقيا دول دوخوكى يامريومه
مريم:ابدا والله معملوش حاجه
نورة:طب هاتيهم عشان عزام عايز يشوفهم
نورة اشتالت الاتنين اللى عمرهم ٤ شهور
مريم:اساعدك
نورة:لا خليكى
نورة طلعت ونيمتهم على السرير ودخلت اوضه اللبس تغير
خرج عزام من الحمام وهو بينشف شعره وابتسم اول ماشاف اللى نايمين على السرير وبيحركو ايديهم ورجليهم وقرب منهم وباسهم من راسهم
عزام:وحشتونى ياحبايبى
لين اللى ضحكت لما شافت عزام اللى متعلق بيها جدااا وهى كمان بتحبه اوى ومش بترضي تنام غير فى حضنه
عزام شالها:حبيبه قلبى انتى وحشتينى يالولى
نورة خرجت بعد ماغيرت ولبست قميص بيتى لونه احمر وشالت زين:اه حبيبه قلبك واحنا لا مش كدا
عزام بصلها بعشق:انتى نور حياتى وزين الشقى ده هيكون سندى وسندكو فى الحياه
نورة دخلت جوا حضنه وهى شايله زين:ربنا يخليك لينا ياحبيبي
عزام بغمزة:انما ايه القمر ده بعشقك بالاحمر
نورة:مش هتتغير ابدااا
عزام:عشقى ليكى عمره مايتغير بالعكس ده بيزيد
نورة:بموت فيك ياعزام
عزام باس راسها وراحو نامو على السرير ولين وزين فى النص وخلال دقايق كانت نورة ولين وزين نامو وعزام بيبصلهم بفرحه وبيحمد ربنا على عيلته الصغيرة
****************
فى فيلا يوسف تقى وامير قاعدين فى الجنينه
امير:تعرفى مش هاين عليا اسيبك وامشي امته بقي نتجوز وتبقي معايا دايماا
تقى:كلها كام شهر ياامير وهنبقي سوا علطول
امير مسك ايدها وباسها:ربنا يقدرنى واسعدك العمر كله ياتقى
تقى:هتصدقنى لو قولتلك كفايه وجودك معايا وجمبي
امير بضيق:الوقت اتاخر ولازم امشي
تقى ضحكت:تصبح على خير
امير:وانتى من اهلى ياروح قلبي يلا اطلعى ارتاحى شويا النهارده اليوم كان متعب
تقى:حاضر
تقى دخلت الفيلا وامير ركب عربيته ومشي
*******************
فى جناح يوسف وفيروز اللى نايمه فى حضن يوسف وجمبهم ياسين والاتنين بيبصو عليه بحب
يوسف:واخيراا جه ونور حياتنا
فيروز:انا فرحانه بيه اوى يايوسف
يوسف:ربنا يقدرنى واكون اب كويس ليه
فيروز بصت ليوسف:انت احسن واحن ابن واخ وزوج وصديق واللى متاكده منه انك هتكون احن اب فى الدنيا كلها
يوسف باس راسها:وانتى احلى واطعم وارق مامى فى الكون
فيروز ابتسمت ويوسف باسها بحب
فيروز:انا نفسي انام اوى يايوسف
يوسف شدها لحضنه اكتر:نامى ياروحى قبل ابن الصياد الصغير مايصحى
فيروز ضحكت:معاك حق
فيروز نامت بمجرد ماغمضت عينيها من التعب ويوسف فضل يتامل فى ياسين واد ايه هما معاهم حق لانه نسخه مصغرة من يوسف وبعدها نام هو كمان
*****************
بعد اسبوع الكل متجمعين فى جنينه فيلا يوسف اللى متزينه كلها بلون الابيض والبيبي بلو وكان شكلها قمر طبعاا ما ده مش اى سبوع ده سبوع ابن الصياد اللى حضره ناس كتير والكل باركو ليوسف وفيروز وقدمو هدايا كتير لياسين والعيله كلها قدمت ليه هدايا من الدهب
بعد وقت طويل السبوع خلص والضيوف كلهم مشو ومفضلش غير العيله
امير بتعب:اياكو حد يفكر يعمل اى حفلات تانى لحد مااتجوز
عزام:اجمد كدا ياميرو لسه قدامك طريق طويل
يوسف:هو اتمرمط معانا جامد والله الايام دى
امير:ولا اعرفكو بعد كدا
فيروز بصت ليوسف:مش قولتلك ياچو هاخدلك حقك اهم اتمرمطو معانا اخر مرمطه
يوسف ضحك اوى
امير:فرحان اوى انت مش كدا
نورة:دى فيروز واجر عالله والله انا مش مصدقه ان عزام كان بينفذلك اللى انتى عايزاه
فيروز:هو يقدر يقول لا
عزام:اه طبعاا اقدر وبعدين انا عملت كل ده عشان ابن الصياد
يوسف:الله يخليك ياصاحبى
عزام:الصغير مش انت
يوسف:الله يهدك
كلهم ضحكو عليهم
تقى:عايزاكو تفضولى نفسكو خالص الفترة الجايه عشان هننزل كتير فى حاجات كتير نقصانى
نورة:شوفى عايزة تنزلى امته وانا معاكى
فيروز:وانا طبعااا
يوسف:واحنا ايه قراطيس لب
تقى:وحضرتك يااستاذ يوسف ممكن تقول لا
امير:لو جدع رد بقي
يوسف:كله عشان خاطرك ياتقى
عزام اخد زين من هناء:يلا هنمشي احنا بقي
نورة اخدت لين من تقى وودعت الكل وركبو عربيتهم ومشووو
وامير كمان مشي والكل دخلو الفيلا يرتاحوو
**********************
مرت الشهور والبنات كل يوم ينزلو مع تقى عشان تشترى كل حاجه محتجاها وكمان كانو بيختارو كل حاجه سوا للفيلا اللى اشتراها امير قريبه من فيلا يوسف عشان تقي تبقي معاهم دايمااا والبنات مسبوش تقى ابدااا اللى كانت فرحانه بعيلتها الجديده اللى مش سيبنها تحس انها وحيده ابدااا وكل حاجه جهزت وجه اليوم اللى بيستناه امير بفارغ الصبر
*******************
فى فيلا يوسف اللى تقى اصرت ان الفرح يبقي عائلى جدا وحبت تعمله فى الجنينه
البنات بتجهز الاوضه كلهم سوااا
تقى اللى اختارت فستان رقيق جدااا وخصوصا ان الفرح عائلى وكانت رقيقه جداا وجميله
نورة وفيروز اللى قررو يلبسو شبه بعض فساتين بسيطه ورقيقه جداا بلون اللافندر وطرحه بنفس اللون
ونورة لبست لين فستان بنفس لون فستانها وزين وياسين لبسو لون ابيض وكان شكلهم قمر
والشباب كانو بيجهزو فى اوضه تانيه وكلهم لابسين بدل بلون الاسود
************
فى اوضه البنات الباب خبط
نورة فتحت كان امير وماسك فى ايده بوكيه ورد
نورة:اتفضل ياعريس
امير دخل وانبهر بجمال تقى قرب منها وباس راسها واداها البوكيه وحضنها بحب بعد عنها ومسك ايدها ونزلو وعزام شال لين ومسك ايد نورة اللى شايله زين ويوسف شال ياسين ومسك ايد فيروز وخرجو من الاوضه والكل نزلو ورا العريس والعروسه وخرجو الجنينه اللى كانت متزينه بشكل جميله بالانوار ووصل مجموعه من الضيوف القريبين جداا من العيله واتصورو صور كتير جدااا سوا والكل كانو فرحانين واكتر حد كان مبسوط هى تقي اللى كانت فرحانه بعيلتها الصغيره
وبعد وقت طويل قضوه فى التصوير امير مسك ايد تقى وراحو على المكان المخصص لرقص واشتغلت اغنيه رومانسيه ورقصو سوااا وامير شال تقى ولف بيها وهى اتعلقت فى رقبتها وكانت فرحانه جداا وخلصت الاغنيه وامير شاور لشاب الدى جى وطلب اغنيه تانيه وشاور لشباب اللى كل واحد فيهم مسك ايد مراته وراحو رقصو سلو كلهم سوا والبنات كانو فرحانين جدااا وبيحمدو ربنا على السعاده اللى هما فيها
الشباب بصو كلهم لبعض وكل واحد شال مراته ولف بيها كتير جداااا
وخلصو رقصه السلو و اشتغلت المهرجانات والكل رقصو سواا والفرح كان جميل جدااا
بعد وقت طويل الفرح خلص وتقى ودعت العيله وكانت زعلانه جداا انها هتسيبهم وتمشي وراحت على فيلا امير اللى قريبه جدااا من فيلا يوسف
امير فتح الباب ودخل:اتفضلى ياعروسه
تقى دخلت وكانت متوترة ومكسوفه جدااا
امير ملاحظ توترها:مالك ياتقى
تقى:مافيش انا كويسه
امير:طب تعالى نطلع الجناح يلا
تقى لسه هتتحرك امير شالها وطلع السلم
تقى:نزلنى ياامير انا هطلع لوحدى
امير:وانا عايز اوصل عروستى لحد اوضتنا بنفسي
تقى ابتسمت وحاوطت رقبته وامير باسها من خدها اللى بقي عبارة عن كتله حمار من الخجل
امير ضحك:يالهوى على الفرواله
تقى خبت وشها فى حضنه بخجل وامير وصل عند الجناح ودخل وقفل الباب برجله ونزل تقى اللى اتفاجت ان الجناح كله متزين بورد والشموع
امير حضنها من ضهرها:ايه رايك
تقى بفرحه:بجد حلوة اوى ياامير ربنا يخليك ليا
امير:ويخليكى ليا ياقمرى يلا ادخلى غيرى واتوضي عشان نبدأ حياتنا سوا بصلاه عشان ربنا يباركلنا فى ايامنا مع بعض
تقى:حاضر
امير:انا هروح اغير فى الاوضه التانيه وانتى خدى راحتك هنا
تقى:اوكى
امير خرج من الاوضه وتقى كانت فرحانه جدااا دخلت اوضه اللبس وطلعت القميص اللى جبتهولها فيروز كان بلون الابيض وقصير
تقى:الله يخربيتك يافيروز انا هلبس ده ازاى
تقى اخدت نفس وخرجته:اهدى ده امير حبيبك وبقي جوزك اهدى ياتقى
تقى لبست القميص وفوقه اسدال وراحت الحمام شالت الميكب واتوضت وخرجت كان الباب بيخبط
تقى فتحت كان امير
امير:يلا نصلى
تقى:يلا
امير صلى بتقى وبعد ماخلصو دعو ربنا يرزقهم السعاده طول حياتهم ويبارك فى ايامهم مع بعض
امير قام وقف ومد ايده لتقى اللى كانت متلجه
امير:ايه ده ياتقى ايديكى تلج كدا ليه
تقى بتوتر:لا عادى
امير باس ايديها:تقى حبيبتى انا عايزك تهدى خالص انا عمرى ما هأذيكى ابداا فى حد يأذى روحه بردو ممكن تهدى بقي ابوس ايدك توترك ده بيوترنى انا شخصيااا
تقى هدت شويا وضحكت:هدخل اغير
امير:اتفضلى
تقى دخلت اوضه اللبس قلعت الاسدال ولبست الروب بتاع القميص وفردت شعرها اللى كان واصل لكتفها وعملت ميكب خفيف وكانت قمرايه وقفت قدام المرايا وكانت مكسوفه تخرج كدا
امير بينادى عليها من برا:تقى انتى كويسه
تقى:اه فى حاجه
امير:لا انا شايفك طولتى اوى قولت يمكن بتفكرى تنامى عندك ولا حاجه
تقى ضحكت وخرجت وامير تاه فى رقتها وجمالها وقرب منها:انتى حلوة اوى ياتقى
تقى بصت فى الارض بكسوف وامير رفع وشها بايده:انا عايز افضل ابص فى عينيكى كدا طول العمر
امير قرب منها وباسها بعشق وشالها ونيميها على السرير:جاهزة تكونى مراتى وروحى وقلبي
تقى ابتسمت بحب وامير قرب منها لتصبح زوجته امام الله
*****************
امير وتقى راحو شهر العسل فى المالديف بعد طبعاا مالبنات حكو لتقى انهم اتبسطو جدا فيها وامير وتقى قضو سواا احلى شهر فى حياتهم ورجعو وعاشو كلهم سوااا فى عيله جميله وجو هادى والكل فرحانين
ومرت الشهور وتقى عرفت انها حامل وكانت فرحه امير كبيرة جدااا وفرحته زادت لما تقى ولدت وجابتله بنت زى القمر وسموها جميله
*****************
مرت سنين وسنين على الكل اللى كانو عايشين حياه مافيش اروع منها وعشقهم بيزيد كل يوم لبعض
وفى يوم الكل كانو متجمعين على تربيزة كبيرة فى قاعه افراح
هناء وصفاء اللى علاقتهم حلوة جداا وبيهتمو بعيله بشكل كبير
يوسف اللى شايل بنته لارين اللى عندها سنتين اللى نسخه مصغرة من فيروز وجمبه فيروز وابنها ياسين وصدق اللى قال عليه ابن الصياد الصغير ولانه اخد كل صفات يوسف الصياد
وعزام وجمبه نورة وجمبهم ولادهم زين اللى شخصيته جد جدا زى عزام ولين الرقه كلها زى مامتها طبعااا
وامير وتقى ومعاهم بنتهم جميله اللى كانت اسم على مسمى
والكل عينيهم على العروسه اللى كانت زى البدر المنور جمب عريسها وبيبصولها بفرحه
فيروز:مش مصدقه ان نيرو كبرت وبقت احلى عروسه
يوسف:نيرة طول عمرها قمرايه
نورة:طبعااا دى الدكتورة نيرة
تقى:احلى دكتورة والله
عزام:لازم تقولو كدا دانتو مرمطنها مع عيالكو
امير:حد قالها تطلع دكتورة اطفال حظها كدا بقي
الكل ضحكوو
فى الوقت ده اعلن الدى جى على رقصه الكابلز والشباب بصو للبنات وقامو وقفو واتكلمو سوا:تسمحيلى برقصه دى
البنات فرحو جداا ومدو ايدهم لشباب وراحو رقصو حولين نيرة وادهم عريسها
يوسف بص لفيروز بعشق:ربنا يخليكى ليا يافراشه قلبي
فيروز:ويديمك فى حياتى ياابن الصياد
عزام باس نورة من راسها:انا بشكر ربنا على الصدفه اللى جمعتنى بيكى يانور حياتى
نورة:وانا بحمد ربنا كل يوم انك خطفتنى ودخلتنى حياتك
عزام ضحك وحضنها
امير بيبص لتقى بحب:تعرفى انى بشكر عمى وبدعيله دايماا ينور قبره لانه جوزك ليا وخلاكى تنورى حياتى
تقى:انت احلى حاجه حصلت فى حياتى
الشباب كلهم بصو لبعض وشالو البنات ولفو بيهم كتير اوى والبنات فرحانين لانهم فى كل فرح يعملو كدا
**************
هناء:يلا ياولاد عشان نتصور مع نيرة وادهم كلنا
الكل قربو من نيرة وادهم وباركو ليهم ووقف كل واحد ومراته وهناء وصفاء والاطفال وقفو قدامهم واتصورو كلهم سوا صورة عائليه جميله......
&&&&&&&&&
وبكدا يا قمرات تكون روايتنا خلصت ويارب تكونو استمتعتو بيها وهستنى رايكوو طبعاا فى الكومنتات♥️
ونلتقى فى روايه جديده ان شاء الله😍
وكل سنه وانتو طيبين وربنا يجعل شهر رمضان شهر خير وسعاده وبركه عليكم جميعااا يارب🌙📿🕌..
تمت بحمد الله
وأيضا زرونا على صفحة الفيس بوك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك