رواية صمم يجرحني الفصل الثاني 2 بقلم منى محمد


رواية صمم يجرحني

الفصل الثاني 2

بقلم منى محمد


طنط ليلي إزيك؟

-أهلاً يا كتكوته 

أنا بحبك أوي 

-يا روحي عليكي أنا كمان بحبك يا عيوني 

ماما قالتلى إن ليلي الشريف شاطره أوي في الدراسه و أنا عايزه أبقى زيك 

-يا حبيبتي و عيني دمعت من لطف الطفله هي فين ماما يا حبيبتي؟

-لقيت مامتها بتبتسملي و بتشاور ليا و أنا شاورت ليهم و بضحك و كلي طاقه و كإن حزن الدنيا إختفي لما شفت الطفله


ليلي إنتي في البلكونه؟

-تعالي يا نسمه 

قاعده لوحدك ليه؟

-بشم شويه هوا و هدخل

طب أنا هروح أعمل القهوه عشان بابا طلبها دلوقتي و هاجي نقعد

-ماشي يا نسمه


فضلت ادندن مع الأغنيه و جمالها و بسرح في لحظات جميله بتخيل إني عيشاها

بصيت في البلكونه إللي فوق في الدور التاني و لقيت شخص ماسك عود و باصص للسما و مبتسم 


-لو سمحت إنت إللي كنت بتغني؟

اه صوتي حلو؟

-ياه جمال فوق الخيال إحساسك جميل و عالي

ربنا يخليكي كلك ذوق أنا أول مره أشوفك إنتي ساكنه معانا هنا؟غريبه أول مره أشوف جمال كده

-اه أنا كمان أول مره أشوفك ميرسي لذوقك

إسمك إيه؟

-ليلي

أنا إسمي كمال

-تشرفنا

الشرف ليا يا ليلي 

-عن إذنك تصبح علي خير

سلام يا ليلي


دخلت أوضي و صوته في وداني و أنا لسه بدندن

ليلي صاحيه؟

-تعالي يا نسمه

نامى بقي عشان بكره يوم طويل نسيتي العريس؟

-فاكره هنام اهو

ماشي تصبحي علي خير

-و إنتي من أهل الخير


الباب خبط

مين علي الباب؟

أنا يا ليلي

-يا نهار أتفضل يا بابا

جبتلك فستان حلو أوي عايزك بكره تحطي ميكب و تبقي جميله أكتر

-حاضر يا حبيبي


بابا ساب الأوضه و راح ينام 

فضلت أفكر يا تري العريس شكله إيه؟أنا هنام و بكره ربنا يحلها


نسمه:خلصتي يا ليلي؟

-حاضر بلبس الفستان

نسمه:أساعدك؟

-أكيد

نسمه:أختي قمر طول عمرها ربنا يكتبلك الخير

-حبيبتي يا نسمه يارب


-دخلت أسلم علي العريس و أول ما شفته إتصدمت كمال؟

كمال:بصوت واطي ليلي؟

-إبتسمت و قولت إتفضل


قعد كمال و فضل يبصلي و كان مركز معايا و أنا كنت مكسوفه 

ممدوح:شرفتونا 

والد العريس:الشرف لينا يا أهل الكرم

ممدوح:إنتوا تعرفوا بعض يا ليلي؟

-سمعت كمال إمبارح و هو بيغني في البلكونه صوته حلو أوي

كمال:كلك ذوق يا ليلي

ليلي:تيجي نقعد في البلكونه يا كمال؟

كمال:أكيد شئ يسعدني

ليلي:إتفضل

كمال:عن إذنك يا عم ممدوح

ممدوح:إتفضل يا كمال البيت بيتك


-بابا حكالي علي والدك من زمان كان بيقولي عمك حماده جارنا إللي سافر السعودية من سنتين شخص جميل و كان صديقي شخص صاحب صاحبه 

ربنا يباركلك فيه إحنا لسه راجعين من شهرين بس

-القاهره نورت بيكم

عيونك حلوه أوي 

-مصمم تكسفني؟

أبداً مقدرش شئ غصب عني سحرتيني من أول ما شفتك و عيني جات في عنيكي 

-بطل بقي عشان مش نخرج من البلكونه

حاضر يا ست ليلي

-إسمك حلو أوي

لا ضحكتك الأحلى 

-تاني؟

خلاص خلاص

مش بقولك إبتسامتك حلوه إزاي

-عن إذنك بقي يا فنان يا رومانسي

خلاص خلاص خدي تعالي


-كان يوم جميل و لما دخلت أوضتي بصيت للسما للمره التانيه بعد ما كنت ببكي علي فراق محمود و دلوقتي بحمد ربنا علي العوض الجميل رغم إن كمال ساكن الشقه من شهرين بس شخص كويس و أهله ناس محترمين و حسيت إنه هيعوضني عن تعبي مع محمود و من كلام بابا عليه حبيته منكرش كده دمه خفيف و حنين متستغربوش علي محاولة نسياني في محمود مبحبش أراهن علي قيمه حد هو ميستهلش


-بابا ممكن نتكلم شويه؟

نعم يا حبيبتي 

-مش كنت بتقول إن العريس إسمه بسيوني؟طب هو مجاش ليه؟فجأه لقيت كمال

بابا ضحك

 و قال:كمال هو بسيوني يا ليلي هو بسيوني في البطاقه إنما كل إللي يعرفوه كمال بس محدش بيقول بسيوني

-يا ضحك أنا لو أعرف كده كنت فضلت أتريق عليه

سمعت إنه عازمك بكره في مكان عام 

-اه يا بابا

ربنا يسعدك يا ليلي 

-تسلملي يا سندي

عايزك تلزمي حدودك و تخلي بالك من نفسك و مش كلام يوديكي و لا يجيبك عايزك راجل مش بس بنت تبقي وقت الجد جد هتخرجي مع كمال بس كل شئ بحدود فهماني يا بنتي؟

-حاضر يا بابا


-صحيت الصبح و لقيت كمال بيرن عليا بيقول: جهزي نفسك عشان عشر دقايق و نازل


إنتي مكسوفه مني؟

-لا

مش عيزاني أمسك إيدك ليه مش المفروض خطيبك؟

-خطيبي بس مش لازم و كمان لما يبقي كل شيء رسمي إحنا لسه حتي مش قرينا الفاتحه 

متخافيش يوم الخميس هتكون الفاتحه 

-ربنا يسهل

تعالي نقعد هنا

-حاضر يا بسيوني

إيه قولتي إيه؟

-بسيوني

هو إسمي بيضحك للدرجادي؟

-طب إبقي سلملي علي حازم حازم


فضلنا نضحك و في نص الكلام قالي:

تعرفي من أول نظره شفتك فيها حبيتك سرحت في عنيكي 

-كنت مكسوفه أوي و كنت هسيب المكان و أمشي بس هو صمم نقعد

أغنيلك؟

-بصيت في عنيه و إبتسامه علي وشي ممكن تغني عادي

أقولك يا ليلي لما نقعد في البلكونه بتاعتك أحسن هغنيلك


دينا:ليلي؟مش ممكن

ليلي:مش ممكن دينا رمزي؟

دينا:وحشتيني يا ليلي فينك من زمان؟

ليلي:كمال دي دينا زميلتي

كمال:تشرفنا يا دينا

دينا:الشرف ليا يا كمال

كمال:ربنا يخليكي

دينا:تعالي سلمي علي صحابي هناك 

ليلي:حاضر تعالي يا كمال معايا

كمال:أنا واقف مستنيكي عيني عليكي متقلقيش متتأخريش روحي مع دينا

ليلي:ماشي


محمود:بسيوني؟

بسيوني:صاحبي حبيبي محمود الأول علي الدفعه تلت سنين

محمود:فينك من زمان؟رجعت من السعودية إمتي؟

كمال:الدنيا تلاهي يا محمود و لما خلصت جامعه المشاغل كترت و راجع من شهرين بس

محمود:أنا كنت جاي أجيب هديه عشان عيد ميلاد خطيبتي بكره 

كمال:خطبت؟

محمود:بقالي أسبوع

كمال:بس إللي أعرفه إنك شقي يا محمود بس أنا كمان خطبت 

محمود:بجد يا كمال؟طب ما تعرفنا هي فين؟

كمال:تعالي هنادي عليها دلوقتي علشان نروح البيت و كمان تسلم عليها


                الفصل الثالث من هنا 

       لقراءة جميع فصول الرواية من هنا

         

تعليقات