الفصل السابع والعشرون 27
والثامن والعشرون 28
بقلم نورة عبد الرحمن
سلطان اسرع واحتضن سليم ورفعه عن الارض ليهدر بغضب :اجننتي ..اياك…كيف تمدي يدك على سليم كيف
شهد بارتباك وألم وهي تضع يدها على بطنها : ضربني ومقدرتش احوشه عني .. اني بعدته عني ومكنتش عرفه انه..هيقع اكده كنت والله ياسلطان
سليم شهقاته زادته.
سلطان بغضب وتهديد : كله الا سليم ياشهد …الناس كلها بكفه وسليم بكفه لوحده..واني قولتلك مليون مره قبل اكده
شهد : اني مقدرتش اتحمل ضربه على بطني عشان خفت لاني حام..
قاطعه بغضب :كفايه مش عايز اسمع حاجه ..انتي تطلعي برااا مش عايز اشوفك دلوقتي..
شهد بضيق :سل..
سلطان بحده :غوررري..اسرعت بدموع الى غرفتها لتوقفها الحجه نعمه مالك يابتي عتبكي ليه..
شهد بشهقات :مفيش ..اني هطلع اوضتي..
سلطان : ششششي ياسليم عتبكي ليه دلوقتي..
سليم : اني بكرهها مبحبهاش مشيها معايزهاش اهني معانا..
سلطان :ليه ياسليم مش شهد صاحبتك..
سلطان بدموع :لا مش صحبتي..انا مبحبهاش خليها تمشي من هنيه لو بتحبني بصحيح..مشيها..
سلطان :هي عملت فيك ايه…
سليم بطفوله :هي السبب اني امي مشيت من هنيه اني مبحبهاش ياسلطان بكرههها.
سلطان :مين قالك الكلام ده..
سليم ….
سلطان بضيق :سليم ياغالي شهد مالهاش دعوه بان امك سابت البيت ..امك مشيت عشان مينفعش تبقى معانا..
سليم : لا امي مشيت بسبب شهد و اني مش عايزها معانا بالبيت ده..والا اقولك..وديني عند امي..وديني عند امي احسن..
سلطان باختناق :اوديك فين..اني مقدرش استغنى عنك ..انت والد الغالي..
سليم بعند :يبقى تمشيها اني مبطيقهاش..مشيها من هنيه..مشيها
تنهد بضيق :ماشي ياسليم ماشي هشوف هعمل ايه..
____
سلوى : اقدر اخش..
شهد مسحت دموعها :تعالي سلوى.
سلوى: سلطان بيزعقلك ويشخط فيكي اكده ليه..الشغالين كلهم كان بيتفرجوا عليكم..
شهد…..
سلوى :هو انتي اجوزتيه كيف…كنتوا بتحبو بعض.. اياك
شهد: ابوي جوزني ليه..بس بعد اكده هو قالي انه بيحبني..
سلوى بخبث :واللي يحب حد يزعقله اكده..ويبكيه..
شهد :مش فاهمه..
سلوى :اني وخالد الله يرحمه اجوزني وحبينا بعض عمره بحياته معلاش صوته عليا..كان بيخاف عليا من نسمت الهوى…وقدام الخلق عمره مازعلنا او شخط فيا..الحب يبقى اكده..
شهد بضيق :قصدك ايه..
سلوى :مش عارفه شايفه.. سلطان ببهدلك قدام الخلق وكانك لا مؤخذه مبتحسيش..هو لو كان بيحبك هيعمل فيكي اكده
شهد :لا سلطان بيحبني..بس هو كمان بيحب سليم..
سلوى :والي يحب حد يزعله اكده يخليه يعيط وميجيش يصالحه..على فكره اني شفته خد عربيته وطلع ..ومسالش فيكي.ولا بزعلك..
شهد بغصه: انتي عايزه تقولي ايه..
سلوى :اني بصراحه مكنتش عايزه اتدخل..بس من ساعت ماشفتك حبيتك ودخلتي قلبي..ومعيزاش اسيبك اكده
شهد نظرت اليها باستفهام…..
سلوى بتحريض : مش لازم تسكتيله..لازم تخليه يقدرك ويعملك قيمه قدام الخلق ..مش يشخط ويزعق براحته..
شهد :انتي عايزه تقولي ايه..
سلوى :كيف مافهمتي ياشهد انتي مش هتفضلي ملطشه ليه..النهارده حتى الود الصغير ضربك وشخط فيكي من غير سبب ..مش اكده دي بيعمل كيف عمه سلطان..وبكرا الله واعلم مين كمان هيذلك ويهينك..يمكن حتى الشغالين لما يشوفوكي مالطشه اكده مش هيسمعوا كلامك.
شهد….
سلوى بابتسامه خبيثه : اني هروح عشان اشوف اللي ورايا واعدي عليكي بالليل انشاء الله
شهد….
______
سلطان :اتصلت بيا ليه يابكري..
بكري :مخنوق ومش طايق روحي ومعارفش اروح فين..
سلطان :ليه ..مخنوق من ايه..
((بكري اخبره بما اخبرته الطبيبه..))
سلطان :وانت هتعمل ايه دلوقتي..
بكري :معرفش هعمل ايه..
سلطان :اكيد مش هتهمل البت عشان مبتخلفش .
بكري باندفاع :لا اهملها كيف دي روحي ياسلطان مقدرش ابعد عنها..
سلطان :اومال متضايق ليه..
يكري :اني بحب هدى بس كمان عايز عيال..اكيد مش هفضل اكده ياسلطان..اني عشت طول عمري وحيد امي..وماليش اخوات..عايز يبقالي عزوه وظهر وولاد كتير..
سلطان تنهد بتفهم : ناوي تتجوز يابكري..
بكري بضياع :معارفش ..انت رأيك ايه..
سلطان :معارفش ربنا بيقول “المال والبنون زينة الحياة الدنيا ” وانت الحمد لله ربنا ادالك المال ..ومش ناقصك الا العيال..
بكري بغصه يعني شايف اني اجوز احسن..
سلطان :اني بشوف انك تروح لدكاتره تانيين يمكن في امل..ولو مفيش..يبقى انت تقرر تعمل ايه..
بكري :بس اني قلقان عليها .لو عرفتو.لو طلعت بجد مبتخلفش اني هعمل ايه..اكيد معايزش اصدمها ياسلطان..
سلطان : والله معارفش اقولك ايه والبت يتيمه ومالهاش حد غيرك..حتى عمها طمعان فيها..ليربت على كتفه ربنا يعينك ياخوي..
بكر بضياع : يارب ياسلطان..يارب..
____
رباب كانت نائمه في السرير مع ابنه همام
همام : رباب ..يارباب.
رباب بتعب: ايوه..ياهمام فيك ايه..
همام : انتي امتى قومتي من جنبي.و جيتي هنيه.. صحيت الصبح مشفتكيش جنبي..
رباب بنوم: قلقت بالليل وعديت عالعيال اشوفهم ولقيت رباب الصغيره سخنه وتعبانه قوي ..اديتها دوى والظاهر اني غفيت جنبها..
همام اسرع الى صغيرته بقلق: مالها…
رباب :متقلقش بقت كويسه قالت كلماتها وهي تتحسس جبين الطفله: والسوخنيه راحت كمان الحمد لله
همام قبل جبين طفلته :الحمد لله يارب..وجلس بجانب رباب امسك كفها وقبلها ليقول بحب ربنا ميحرمناش منك ومن حنيتك.يارب.
____
حملت حقيبت ثيابها واتجهت الى الباب..
الحجه نعمه :على فين يابتي..
شهد بصوت غلب عليه البكاء :هروح لاهلي ياحجه ماليش قعاد اهنيه..
نعمه :ليه كفاالله الشر حصل ايه طب اقعدي احكيلي سلطان زعلك..بحاجه..
شهد بغصه :سلطان من ساعت ماتجوزنا وهو يزعلنا واني صابره وساكته..انما خلاص اني مش حمل بهدله وذل اكتر من اكده..
نعمه :اهدي يابتي واقفي خلينا نتفاهمه..
سلوى بخبث :اهدى ياشهد سلطان غلط اني عارفه بس تعملي ايه لازم تتعودي على طبعه اكده هو دايما اكده..مبيحسش باللي حوليه همه روحه وبس
شهد بغصه :اني مش هتعود على البهدل والذل خلاص
نعمه نظرت الى سلوى بتهديد :اتكتمي انتي يابومه ومالكيش صالح..
لتنظر الى شهد : عشان خاطري مش انتي بتقولي بتحبيني كيف امك..امك مالهاش خاطر عندك. اياك
شهد :خاطرك كبير ياحجه بس اني خلاص ماليش قعاد اهني وياريت تبلغيه يطلقني ..((كل هذا. الحديث يدور امام سلوى المبتسمه بنصر.))
نعمه ضربت على صدرها بصدمه :يامصيبتي طلاق..طلاق ليه يابتي..طب استني كلميني..
شهد جرت حقيبت ثيابها خلفها لتجده امام الباب..
سلطان بهدوء :على فين العزم يابت منصور.
شهد : ابعد عن طريقي ومالكش كلام معايا..
نعمه :الحق يابني مراتك عايزه تتطلق..وتروح بيت ابوها..
سلطان ببرود صدم الجميع: طب جهزتي حاجتك كلاتها..اوعاكي تكوني نسيتي حاجه..
نعمه بغضب: انت بتقول ايه
شهد باختناق وغصه:..لا اطمن منسيتش حاجه وابعد عن طريقي دلوقتي ..
سلطان :لا مايصحش..اني هوصلك لبيت منصور بعربيتي..
شهد :كتر خيرك مالوش لزوم..اعرف طريقي لوحدي…
سلطان بهدوء اثار غضب الحجه نعمه :بلاش مناهده وحصليني على العربيه..
نعمه :ايه ياسلطان انت هتمشى معاها بالهبل ده..
سلطان ببرود: مش هي عايزه اكده يبقى خلاص براحتها..يلاا..
نعمه :ربنا يهديكم ياولاد..
سلوى ابتسمت بخبث لتحدث نفسها ولسه الخير قدام..ياسلطان…عشان تعرف تعمل فيا اللي عملته..
____
هدى بضيق :بكري انت مالك من ساعت مارجعنا من المشفى وانت قالب وشك اكده..اني عملت حاجه زعلتك..
بكرى شارد الذهن..ويكتم دخان سيجارته بصدره ..امام النافذه..
هدى : بكري ..يابكري..لتهزه من كتفه بكري مالك..
بكري : ايوا ياهدى مالك عايزه حاجه..
هدى بضيق : مين واخده عقلك اكده يابكري..اني شايفاك سارح طول النهار..
بكري : قصدك ايه ..
هدى :قصدي بتفكر بمين..
بكري :مفيش بالشغل..
هدى بشك :بالشغل برضوه..
بكري :مش فاهم بتقولي ايه..
هدى :مش عارفه ..بقيت بتسرح كتير..لتشهق بخوف اوع تكون بتخوني يابكري..
بكري بسخريه :اخونك..اي اللي خلاكي تقولي اكده..
هدى :هما بيقولوا اللي يخون مراته يبقى بيسرح كتير..
بكري بتوجس : وافرضي اني بخونك بجد..هيحصل ايه..
هدى بغصه :قصددك ايه مش فاهمه..
بكري :مش بتقولي اللي بيفضل سرحان بيكون بيخون مراته .
هدى بضيق ايوا..هما بيقولوا اكده..بس اني بهزر على فكره..
بكري :طب افرضي اني بخونك مع وحده تانيه وعايزه اجوزها..
هدى بتوتر وارتباك واختناق :انت ..انت. بتقول ايه..انت..انت ..بتتكلم بجد..
بكري :اني بسالك..افرضي اني هتجوز ..هتعملي ايه..ياهدى..
هدى بصدمه….
_____
فايق بضيق :يعني ايه كمان اسبوع يابوي مش قولتلك الخميس..
منصور بكذب :عبدالله بيقول البنت مبتلحقش تجهز..
فايق: يابوي عشان خاطري يابوي اني مش هقدر استنى اكتر من اكده ..انتو مش حاسين بيا ليه..
همام :ماتتطمن بقى البنت بقت مراتك خلاص خايف من ايه..
فايق :مش خايف بس عايزها تبقى معايا بسرعه متحسوا بيا بقى..انتو ايه مش حاسين بيا ليه.
همام : متجمد يابني ..احنا بنهزروا معاك..ابوك حدد معاد الفرح الخميس اللي جاي..
فايق بسعاده : ربنا يخليك لينا يابوهمام ..وربنا يسامحك خضتني اكده..
همام: اني الي قولتله يعمل اكده ..بعدين يااخي مالك مدلوق اكده عالبنت متجمد شويه..وتبقى راجل..
فايق بسخريه :لا ياخوي كفايه انت جامد مع رباب..
همام :. انتي بتعايرني ياجزمه..
فايق بضحك :لا تعيرني ولا عايرك..
منصور بضحك : ربنا يهديكو ياولاد.
همام بغمزه : ايه ياحجه بتضحك علينا.شمتان..اياك ..اومال ست ايمان ايه نظامه..
فايق على قولتك ياهمام ايه نظامه..يابوي..
منصور :بس ياولاد.ال***.اجروا من قدام..معرفتش اربي..بصحيح..
ليسرعا الى الخارج..
فايق :اديني مفتاح عربيتك..
همام :ليه هتروح فيني..
فايق يااخي كمان يومين وهبقى عريس عايز افرح عيالك واجبلهم حاجه حلوه بالمناسبه..دي..
همام : لا مالوش لازوم..
فايق بعند :لا ليه..اساساً اني عربيتي اتعطلت وسبتها بالمزرعه..ونصر ورباب الصغيره طلبوا شويت حجات ولعب عايز افرحهم..
همام ماشي ياخوي خد..المفتاح..وخد بالك من روحك..
فايق بابتسامه مشرقه : متوصيش..
غادر فايق في السياره وابتعد عن المنزل وفي الطريق شعر بانه لم يعد يستطع التحكم بها لتنقلب السيارة ووووو
#الفصل_٢٨
الفصل الثامن والعشرون
شهد : جايبني فين ..
سلطان :انزلي
شهد :مش نازله رواحني بيت ابوي..
سلطان :مفيش مرواح ..انزلي يلاا..
شند بعند :بقولك مش نزله
سلطان بتحذير :شهد متختبريش صبري.
نزلت من السيارة بغيظ : هااا عايز ايه
سلطان :اطلعي نتكلم فوق..
شهد :اي المكان اللي انت جايبني فيه انت كل مره تجبني مكان شكل..
سلطان :دي شقتي … يللااا
وبعد لحظات كان يجلس مقابلا لها..ليقول بهدوء :احنا امتى هنبطل لعب العيال ده..
شهد :لعب عيال..
سلطان :ايوه مهو مش كل حاجه او خناقه طلقني ياسلطان..وديني بيت ابوي ياسلطان..
شهد :انت شايف اللي عملته الصبح فيا عادي يعني.
سلطان :معملتش حاجه
شهد بضيق :معملتش حاجه طب ينفع تشخط فيا قدام الشغالين والناس أكده..
سلطان :عايزاني اعمل ايه يعني واني شايفك بعيني بتضربي الواد وهو بيعيط.. معرفتش.. بقول ايه انتي خابره سليم غالي عليا قد ايه..
شهد :مضربتوش ياسلطان اني حوشته عني ..وبعدين سليم غالي عليا اني كمان..اني بحب سليم ..بس معرفش النهارده ماله..الحجة قالتلي اصحيه عالاكل الصبح .دخلت اصحيه زعق فيا وقعد يضربني على بطني..كان لازم ابعده عني..
سلطان بهدوء ياحبيبتي : ابعديه ..بس مش اكده..
شهد :اومال كيف ..كيف عايزاني ابعده عني..وانت خابر سليم ..عنيد ولما يتعصب ..مبعرفش اسيطر عليه
سلطان بضيق :اني قولتلك من الاول بلاش نوديه عند امه ودي اخرتها..
شهد: وامه مالها في ده
اخبرها سلطان بان سهام من حرضت سليم عليها..
شهد : وانا هتحمل أكده كتير يعني..
سلطان :حقك عليا ياشهدد
شهد بدموع : متغلطش وتجي تقول حقك عليا..انا عايزاك تقدرني قدام الخلق..مش تشخط فيا ..وكأني مبحسش ياسلطان اني مش جبله..اني بني ادمه مش بهيمه..
احتضن وجهها بحنان ومسح دموعها: انتي خابره دموعك دي غاليه عليا قد ايه
شهد…
سلطان :بلاش تبكي..واني جبتك الشقه هنيه عشان نقعد لوحديني ..نقضي شويه وقت..بعيد عن كل الخلق..وهاخدك نتفسح وننبسط ونغير جو كمان ايه رايك..
شهد…
سلطان :هااا مش سامع حسك..اياك..
شهد ..
بغمزه طب متيجي اصالحك بطريقتي…
شهد بدلال :لا معايزاش..واوعى اكده..
ليحملها لا عايزه اصلك مشفتيش اوضت النوم هنيه..تحففه
شهد بضحك :بس ياسلطان..
سلطان بحب :يخربيت سلطان من حبات التوت دي..ليقبلها وووو.
_______
همام :اشتري فستان احمر اني بحب .اللون الاحمر عليكي..
رباب :لا اني عايزه ازرق عشان كل هدومي باللون الاحمر..
همام : اني قولت احمر يعني احمر..بعدين ده فرح اخويا واني هختار لك هدومك بنفسي..
رباب بتذمر :بس اني زهقت من الأحمر..ياهمام عايزه اغير..
همام : خلاص اني قولت كلمتي ومش هتتكرر تاني..
رباب : يووووووه ياهمام هتتدخل حتى بدي..
همام بغمزه : ايوا.وكل حاجه تخصك كمان…ليقاطعهم رنين هاتفه..
همام :ايواا
…
همام :انت بتقول ايه هو كويس…
___
طيب باي مستشفى…
…..
همام :اني جاي جاي ثواني وهكون عندكم..ربنا يستر يارب..
رباب :في ايه قلقتني
همام بارتباك :فايق عمل حادثه..
رباب :يامصيبتي..يامصيبتي..هو بخير..
همام بقلق :معارفش اني هطلع أبلغ أبوي ونروحله..ولم تمضي لحظات حتى علت صرخات ايمان من هول الصدمه ..لتعلم بان ما خططت له وقع ضحيته ابنها الوحيد..
_____
هدى بدموع :انت هتتجوز عليا يا بكري..
بكري بابتسامه : انا بهزر يابنتي مالك عتبكي ليه وهو يضم راسها لصدره.
هدى :لا أنت قلتها من قلبك..
بكري بضحك :والله مش من قلبي بس بناغشك شويه مينفعش..
هدى : هزر بكل حاجه الا دي اني مش هتحمل اشوفك بحضن وحده تانيه يابكري ..انتي بقيت كل حياتي ..
ابعدها عن احضانه واحتضن وجهها بكفيه وانتي حياتي وعمري كله ..وقلبي ده مش هيحب غيرك..وعيوني عمرها ماتشوف غيرك ياهدى اني كنت بس بهزر معاكي..
هدى :متهزرش أكده مره تانيه ماشي..
بكري بغمزه :اوامرك يا بت عزام مش هنهزر أكده ..حاجه تانيه..
هدى بابتسامه :لا خلاص…
بكري : طب يلاا عشان تروحي سريرك وترتاحي.
هدى بتذمر :بس انا زهقت يابكري..معايزاش انام خلاص..
بكري : مينفعش الدكتوره منبهة علينا لازم
ترتاحي….يلاا ..نامي وارتاحي..وبلاش تتعبيني ..
هدى بضيق :حاضر..
بكري بابتسامه : بحبك وانتي بتسمعي الكلام.
هدى بغيظ : مهو انا دايما بسمع كلامك..
بكري :عشان اكده بحبك وبموت فيكي..…
_____
همام بقلق :طمنا يادكتور..
الطبيب :الحمد لله المريض نزل من السياره قبل ماتسقط من الجبل ..هو بخير وصحته كويسه..بس..
منصور :بس ايه ..
الطبيب : وقع على يده اليسار والضربه جت جامده قوي..عشان اكده يده اتضررت..قوي
منصور بقلق :مش فاهم يعني هو كويس والا ايه..
الطبيب:.كويس بس لازمه علاج عالمدى البعيد .ياحج..
همام : ممكن تدينا تفاصيل اكتر
الطبيب بعملية : هو مش هيقدر يحرك يده الا بعد فتره كبيره تقريبا .. لازمه علاج..وكمان في احتمال انها مش هترجع زي الاول..عشان فيه تمزق أربطة وخلع الكتف للاسف ولازمه عمليها مش هنقدر نعملها دلوقتي ..وكمان لازم يسافر عشان يعملها..ادعوله بعد اذنكم..
منصور :ربنا يستر يارب..
همام :يارب تقوم يافايق وتبقى بخير ياخوي…
___
شهد وهي تستند برأسها على صدره.:سلطان..
سلطان :هممم
شهد :اني حامل
اعتدل بجلسته وهي ابتعدت عنه لينظر إليها بصدمه وعدم تصديق.:.ايه..
شهد :انا يعني انا…لما كنت انت بمصر.يعني.. وهي تفرك يديها بابتسامه اني عايزه اقول يعني انك هتبقى اب .
سلطان :اب …لترتسم على وجهها السعاده انتي بتتكلمي بجد يعني انتي
هزت راسها بابتسامه..
سلطان :يعني اني.و.انتي ..هنبقى…
ابتسمت.جذبها الى احضانه بشده يحمد الله كثيرا..الحمد لله يارب الحمد لله اديتني من نعمك كتير يارب..انزل يده يتحسس بطنها:يعني اهنيه بنتي او ابني نايمين..
هزت رأسها بدموع .
سلطان :الحمدلله ده احسن خبر سمعته بكل حياتي الحمدلله..
شهد :انت مبسوط ياسلطان..
سلطان : مبسوط دنا الفرحه مش سيعاني الحمد لله..اني هقوم افرح الحجة نعمه..
بعد مرور يومان..
دخلت عيشه عليهم..في المنزل..
فايق صدم وقلبه بدا ينبض بقوه فقد اتت لينتهي كل شيء..
عيشه نظرت لوالدها: ممكن تسيبونا لوحدينا يابوي..
عبد الله :بس
عيشه بابتسامه باهته:..مش فايف جوزي يابوي انا عايزه اتكلم معاه..
همام بتفهم :بعد اذنك. ياعمي سيبهم يتكلموا …ليغادر الجميع..
عيشه بهدوء وغصة : حمد الله عالسلامه..
فايق باختناق :الله يسلمك..تعبتي روحك وجيتي ليه يا عيشة كفايه امك جت..وقالت اللي انتي عايزه..
عيشه :اني مش عايزه حاجه..ولا طلبت حاجه ..
فايق :مش انتي عايزه تطلقي..ليكمل بغصه :ماشي انتي ط..
اسرعت ووضعت يدها على فمه بدموع : لا متنطقهاش..مطلقنيش
فايق نظر اليها مطولاً..ليه هتقضي عمرك مع راجل خسر يده ا..ياك..
عيشه باندفاع :ومن قالك انك خسرت يدك ..انشاء الله تخف وتبقى احسن من الاول….ده قدر من ربنا يفايق..واخنا نرضي باللي ربنا يريده
فايق :بس انتي مش مجبره تكملي معايا..واني ناقص حته من جسمي اكده..
عيشه :ومن قالك انك ناقص..انت كامل يافايق واحسن من كتير ناس ..ناس كتير ناقصها عقل وناس ناقصها ضمير وناس متعرفش تدي حب وحنيه ولا احاسيس ومشاعر ..انت مش ناقص يافايق.. وبعدين اللي فيدك ده ليه علاج..وهتخف تبقى احسن من الاول بكتير..
فايق بغصه :صعبان عليكي يابت عبدالله ..
عيشه :لا صعبانه عليا روحي..
فايق نظر اليها باستفسار….
عيشه :اني لوخسرتك هبقى خسرت حاجه عمرها ما تتعوض..
جلست بجانبه وتجرأت بيدين ترتعش امسكت كفه واحتضنتها..بيديها لتقول :انت بتقولي انك عتحبني مش اكده..
فايق ….
عيشه :انت عارف كل عمري بتمنى حد يحبني..كيف منتا بتحبني اكده..اشوفها بعنيك…انت عايز تحرمني من ده يافايق..عايز تحرمني من حبك..تبقى اناني ومحبتنيش ..
فايق بضيق :أمك عايز اطلقك..
عيشه باندفاع :امي تقول اللي هي عايزاه..اني ماليش صالح بيها المهم اني عايزه ايه .
فايق :وانتي عايزه ايه..
عيشه :يعني كل اللي قولتهولك مالصبح مافهمتش ..ماشي اني هقولك وهريحك ..اني عايزه افضل جنبك..عاوزه اشوف حبك ليا كل يوم..وعايزاه يزيد مش عايزاه ينقص.. يافايق..
فايق :بس اني ..
عيشه :انت جوزي يافايق واني مش عايزاك تهملني..
هتملني يافايق..هتسيبني..وتطلقني وانا مش عايزاك تسيبني..
فايق بحب وامل ضغط على يدها بكفه :عمري ماهسيبك ياعيشه اني من ساعة ما شفتك..وقلبي ممال ليكي وحبك من ساعت ماشفتك مقدرتش اشيلك من نفوخي..
عيشه بابتسامه :يبقى تقوم دلوقتي وتجهز..
فايق :اجهز ليه .
عيشه :مش النهارده فرحنا..اني رفضت يتاجل..
فايق :بس..
عيشه :بس ايه اني مش هسيبك تسافر لوحدك تتعالج هسافر معاك..بدل همام اني طلبت منهم اكده..
فايق :بس امك وابوكي
عيشه :ابوي موافق..وامي مصيرها توافق والا انت خلاص عايز تسافر عند بنات برااا وتهملني…
فايق :اهملك .. اني ما صدقت..
عيشه :طب يللا.لتنهض..اني هنادي همام يساعدك
فايق جذبها بغمزه: طب ماتساعديني انتي..
عيشه بشهقه:.انت بتقول ايه ..انت طلعت..
فايق بضحكه عارف :قليل الرباية ..
بحرج اني هطلع انادي همام..وهروح اجهز كمان
فايق بحب :مش محتاجه تجهزي انتي بكل حلاتك قمر…
لتسرع الى الخارج بخجل..
وبالفعل تم الاحتفال وأصبحت عيشه زوجة فايق بحفل زفاف كبير حضره جميع وجهاء البلد… لتسافر عيشه وفايق للعلاج في الخارج
___
بعد مرور شهرين
بكري باعجاب ايه ده
هدى بحب وهي تدور : عجبتك..
بكري بانبهار: تهبلي ..
هدى :اني جهزت أكده على عشانك ..وكمان جبتلك هديه هتعجبك قوي..عشان تفتكرني بيها..واما اوحشك..تفتكرني بيها…
بكري وهو يقترب اليها ليحيط خصرها بهيام: انتي اجمل هديه مش عايز غيرك انتي وبس ..
وضعت يديها على يديه لتقول بضيق : طب خليني اوريك الهديه اكيد هتعجبك..
بكري بتذمر :هدية ايه دي..هتفضلي تفصليني أكده..كتيررر
هدى :بص ده جاكت ..شفته النهارده وعجبني قوي… عجبك اللون ..اني اشتريته عسلي زي لون عنيك..لترتديه وتدور هااا ايه رأيك..
بكري بتوهان : تجنني..
هدى :يابكري بقى انا بسالك على الجاكت..
بكري بتوهان :اه اه حلو الجاكيت ليحملها وسط ضحكتها ووووو
______
شهد :على فين يا سلطان..
سلطان ارتدى معطفه وقبل جبينها :اتصلو فيا وعايزني بالبيت..
شهد برجاء :ممكن ارجع معاك الحجة نعمة وحشاني قوي.…
سلطان : مينفعش..عشان خايف عليكي وعلي اللي ببطنك ياشهد..بعدين انتي لحقتي تزهقي مني ..اياك..
شهد بضيق: لا والله بس انا زهقت لوحدي اكده..وانت اكتر الوقت تقضيه برااا أو مع سليم..
سلطان :ياحبيبتي وانا اعمل ايه يعني انا كمان مش عارف اتصرف بستنا لحد ماسليم يهدى وانشاءالله خير .
شهد وهي تعدل ثيابه :يارب لحسن انا زهقت خلاص..
قبل جبينها سلام دلوقتي هجيلك بالليل..
بضيق ماشي…ربنا معاك..
وضع يده على بطنها بحب خدي بالك من ابني مش هوصيكي
شهد بابتسامه :متوصنيش على روحي..
سلطان :ياسلام لا لا انا بدأت اغار من دلوقتي..
شهد: مش حته منك مش عايزني احبهم..اياك
سلطان حبيهم براحتك بس مش اكتر مني..
شهد بضحك : ماشي ..
لقراءة جميع فصول الرواية من هنا