رواية زمزم قلبي الفصل الاربعون 40 والاخير بقلم بيان الجارحي

رواية زمزم قلبي

الفصل الاربعون 40 والاخير 

بقلم بيان الجارحي

ليلةٌ لم تكن جيدة ولطيفة على الفتيات،فقد كانت كل واحدة غارقة في ذكرياتها مع إحسان،يتذكرنها ويتذكرنَّ ملامحها ووجودها واسلوبها،بسمتها وضحكتها،وصاياها وأعمالها،آهٍ من هذا الألم،لا زلنَّ تحت تأثير الصدمة،هنَّ لم يعترضن على حكم الله،لكن القلوب تحن وتشتاق لمن باتت تحت التراب....

"سلام،أزهار،ورود،قمر،شمس،بشرى،زمزم،مرجان،رتيل،جنان،

شروق،ولاء،إلهام" استطاعت إحسان قبل وفا...تها أن تترك أثراً في قلب كل فتاةٍ،.....

=====================================

صباحٌ جديد،هادئ،حزين،استيقظ الجميع وتناولوا الإفطار،ثم جلسوا بغرفة المعيشة 


نهلة: البنات فين؟وزنود؟


آينور: عند زمزم فوق 


إشراق: ما طلعتش اطمن عليها،سايبينها تلات ايام،هطلع اشوفها


وتبعتها نهلة وآينور 


إيهاب: حد كلم شادي يا شباب


راجح: كلمته انا،وقالي انه عنده وليد ووالدته وإسماعيل واخته


إيهاب: إن شاء الله خير 


لم يكن رؤوف معهم،كان شارد الذهن،ذكرياتٌ تزوره،وكأن هذه الذكريات كانت تنتظر موت أحدٍ ما حتى تخرج،تذكر والده عندما تو...في،تذكر الأ...لم الذي عاشه عندما سمع خبر وفا...ته..


خرج من أفكاره على صوت تامر: رؤووف،ايه فينك،بنكلمك 


رؤوف بهدوء: معلش مكنتش مركز


نظر له راجح بحزن،فقد عرف ما الذي شغل تفكيره،وقال إيهاب: اخواتك فين،أحمد ومحمد من وقت الفطار وهما مختفيين 


رؤوف بحزن: راحوا على بيتنا


إيهاب بقلق: حصل ايه؟


رؤوف: متقلقش يا عمي،عايزين يقعدوا لوحدهم شوية 


إيهاب بحزن: ربنا يستر،ثم ذهب إلى المكتبة حيث الراحة والهدوء،وبدأ يرتل في كتاب الله....


اقترب راجح من رؤوف وربت على كتفه وقال: ربنا معاك،متقلقش،ادعيله بالرحمة


أخذ نفسا عميقا ثم قال بحزن: ونعم بالله العلي العظيم 

=====================================

عند عائلة إحسان


كانت خديجة تجلس مع سلمى وسلام وولاء والهام زوجة إسماعيل وقمر....


سلام بغمز لقمر حتى تُغير من نفس خديجة: عروستنا ايه اخبارها


خديجة بابتسامة: حبيبة قلبي،هنفرح بيكِ اي وقت


قمر بتصنع: لا انا هفركش مش عايزة 


نظرت لها خديجة بصدمة،وقالت بغيظ: بت،تبطلي ايه ومش عايزة ايه،اتعدلي كدا


قمر بضحك وصدمة: عيوني يا ماما،انا قلت حاجة 


ضحكنَّ على صدمتها وقالت خديجة بغيظ: ناس متجيش الا بالعين الحمرا


ضحكت قمر وقالت: ها بقا،هتشرفي كت الكتاب،ولا اغير رأيي


خديجة بابتسامة: بإذن الله،وبس فكري ها،فكري بس تقولي هغير رأيي،اكون معلقك 


احتضنتها قمر بفرح،ثم قالت سلام بغيظ: وانا،مفيش ليا حضن،ولا انا بنت البطة المنكوشة 


ولاء بضحك: هي مش كانت بنت البطة السودة؟!


سلام بضحك: نحن نختلف عن الآخرون 


ضحكت خديجة من كل قلبها على تجمع الفتيات حولها لرؤية بسمتها،وحمدت الله على وجودهنَّ وترحمت على ابنتها الغالية والتي كانت محاطة بصحبة طيبة،واخواتٌ لطيفات....


خديجة بضحك: تعالي هاتي حضن يا ضنايا 


ضحكت سلام واحتضنتها وقالت: والله انا بقول انك عسل والله،سامعة يا سلمى 


سلمى بضحك: سلمى حاف يا ولية،مقبولة علشان الست الي حاضناها دي


عبير بتذمر: ابعدي انتِ وهي عن تيتة خديجة،دي ليا لوحدي


خديجة بابتسامة لقمر وسلام: ابعدي انتِ وهي،تعالي يا حبيبة تيتة 


ركضت عبير التي تبلغ من العمر عشر سنواتٍ لأحضان خديجة وقالت بابتسامة نصر: هييي تيتة لوحدي بس،يلا من هنا انتِ وهي


قمر بصدمة وغيظ: انتِ أكيد مش توأم عمر وعدي مستحيل


ضحكت الفتيات،وفرحنَّ لأنهنَّ استطعنَّ اضحاك خديجة،صحيحٌ أن الأ...لم ما زالَ أثره،لكن هذه سنة الحياة....


عند الشباب في الحديقة


كان شادي يجلس مع إسماعيل ووليد،ويحاولون إضحاكه وقد نجحوا في ذلك


عمر لعدي بغمز: بقولك يا عدي،الراجل دا لو محدش اخده من قدامي مش عارف ردة فعلي هتكوني ايه


شادي بصدمة: الي هو انا،انت بتأشر عليا يلا!!،دا انا هعلقك تعال هنا بقا


ركض عمر بسرعة من أمامه،وقال: بس يا باشا،روق،ابوس ايدك اقعد مكانك 


شادي وهو يركض وراءه: عاملي فيها سبع الليل،أقف مكانك


عمر بضحك: لا انت فهمت غلط،انا بقول اقعد بلا ما تتعب،وانتَ اصلا كام يوم وتودع


وليد بضحك وصدمة: دا ابنك!!!،اسكت يا غالي احسن ما توحشني


عمر بضحك: قول وربنا اني هوحشك


شادي بصدمة: اقول عليك ايه،مستحيل تكون طفل وعندك عشر سنين،بص اخوك قاعد ازاي ومؤدب


وقع عمر على الأرض وهو يضحك بشدة،والجميع يضحك على ضحكه وقال عدي بضحك: ايه أبدأ انا؟


عمر وهو يستند على أحد جذوع الأشجار: تعال ساعدني يا ابني،تارك الطلعة دي لوحدي 


عدي لشادي: دا صحيح انك نكدي،كنت اقول عن اختي نكدية،دا انتَ غلبتها بصحيح


شادي بجنون من هذا التوأم الذي أمامه: تعالولي هنا بقا،انتوا توأم بس بالعقل والجنان والعلقة الي هتاكلوها دلوقتي أما الشكل ولا تقربوا لبعض 


وبقي يركض وراءهم،وإسماعيل ووليد يضحكان عليهم،وغلى مرحهم وأنهم استطاعوا إخرج شادي من الحزن والزعل،واكرر مازال أثر الألم موجود لكنها سنة الحياة...والصبر هو الصديق الوحيد في مثل هذه الأوقات،وباقي الأوقات....♡♡♡♡♡♡

==============≈≈=====================

 عند زمزم 


زمزم بغيظ: بت انتِ وهي خلاص بقا،دا ايه النكد دا


أزهار بصدمة: بت،بت،احنا نكديات،ثم قالت بضحك: ولا ناسية نقسك يا هانم


زمزم بضحك: مش ناسية يا اختشي،أهو اضحكن،عندنا عروسة ينفع تنكدن عليها كدا


جنان بضحك: بشرى،انتِ معانا،ثم قالت بخبث: سوري مكنتش عارفة انك سرحانة في عالمك


بشرى بصدمة: تعالي هنا،عالم وسرحانة!،دا انتِ قصيرة بس طولك جاي بلسانك


جنان وهي تجلس بجانب زمزم وتقول وهي ترفع أحد حاجبيها: من بعض ما عندكم


إشراق بضحك: تستاهلي،محدش علمها تكون قوية الا انتِ،واول ما تكلمت تكلمت عليكِ،جدعة يا جنان


بشرى بضحك وصدمة: عيوني يا ماما،دا انا بنتك والله 


ضحكت الفتيات عليها،وأكملن جلستهن بمرح وسعادة....

==================≈==================

عند عائلة الاحمدي 


أسمهان لصباح وسماح: حد كلم فيكم خديجة؟


سماح: انا كلمتها،وهي كويسة وسلوى وإلهام عندها


أسمهان: الحمدلله،والشباب حد كلم شادي 


ساهر: انا كلمته،وقاعد مع إسماعيل ووليد


رأفت: انا استأذنكم بقا،لازم امشي محتاجيني في الشغل،علي وتحسين جاهزين


علي وتحسين: ايوا يلا


صلاح: محمود سميح،خلينا نمشي ونشوف شغلنا


أسمهان: انتبهوا لنفسكم

=====================================

مرَّت الأيام،ومرَّ شهرٌ على الأحداث التي حدثت...


خفَّ الألم والحزن من قلوب الجميع،وخديجة بالرغم حزنها إلا أنها وكلت أمرها لله،وباتت أماً أخرى للفتيات،وخاصة قمر وسلام...


وشادي سلَّم أمره لله،واستعان بالله ثم الصبر والصلاة،وعاد لعمله بالمشفى فهو يعمل طبيب ج...راح....


عائلة المالكي...


بشرى تحضر لزفافها،فقد تمَّ تأجيل الزفاف بسبب ما حدث


ورود وأزهار وشروق تم تحديد عقد قرانهما قبل أسبوعٍ من زفاف بشرى....


رتيل ومرجان بدأ الحمل يصعب عليهما،والتعب الدائم بسبب الحمل...


زمزم والتي ما زالت ممنوعة من الحركة،وقد أوشكت أن تجن أو لنقل أن والدتها التي أوشكت ان تجن من طفولتها وتصرفاتها..


وراجح 😂 الذي ليس بيده حيلةٌ لشيء،وما عليه إلا أن يصبر على زمزم،وتصرفاتها وهرموناتها،وتقلب مزاجها....


رؤوف وتامر،القلق على رتيل ومرجان بدأ يتسربُ إلى قلبيهما،لكن رغم هذا يظهرون العكس أمام رتيل ومرجان حتى لا تخافا،ويحاولان بذل جهدهما في أن يطمئنا رتيل ومرجان،والصبر أيضاً على مزاجهما المتقلب....


جنان التي قاربت على ختم حفظ القرآن الكريم،وفرح العائلة بها وتشجيعها....


نهلة وآينور وزنود وإشراق،استطعنَّ التغلب على كل الظروف،ومساندة الجميع،وفرحهنَّ بهذه العائلة 


إيهاب الذي اطمأن قلبه على أولاده بما فيهم أولاد أخيه وبناته وخاصة زمزم وجنان،ودعا الله أن يسعد الجميع...


عائلة الأحمدي...


تم تحديد عقد قران كل من ساهر،علي،وائل،قبل اسبوعين من زفاف رأفت...


أما تحسين فعلى حاله ورافض أن يتزوج...


زفاف شمس ويحيى تم تأجيله بسبب ما حدث،وتم تحديده بعد انتهاء شمس من امتحاناتها....


والباقي يعيشون بسعادةٍ وهناء....

====≈================================

في صباحِ أحد الأيام،وتحديداً عند الساعة العاشرة


زمزم بملل: نهلة زهقت من القعدة دي،انا حرفيا مبعملش حاجة غير اصلي وآكل وأنام،دا ايه السجن دا 


نهلة بضحك: معلش اتحملي،لو سمعتي كلامنا من الاول مكنش هيحصل كل دا 


زمزم بغيظ: بالله؟!، عاملة زي راجح 


وقبل أن ترد نهلة،رن هاتف زمزم


زمزم بضحك: جا على السيرة،دا راجح


ضحكت نهلة وقالت: رايحة اشوفهن بيعملن ايه


خرجت نهلة من الغرفة بينما ردت زمزم على راجح،وبعد إلقاء السلام،قالت زمزم بغضب طفولي: بقولك ايه،وربنا انا لو فضلت بس قاعدة هطق،هولع بنفسي


راجح بضحك: بس بس في ايه،ايه كل دا،مالك


زمزم بابتسامة غيظ: ابدااااا،بس عايزة اتحرك،وامشي،ولا حضرتك حابب اني افضل قاعدة علشان تروح هان وهان؟!


راجح بضحك: ربنا يسامحك،تعرفي عني كدا،المهم لما اخلص شغل هنروح للدكتورة


زمزم بفرح: يعني هقوم من تاني،ثم ضحكت وقالت: أنا نسيت ازاي امشي


ضحك راجح بشدة وقال: هساعدك،واسمعي الكلام علشان الدكتورة تسمح الك تقومي يا هانم


زمزم برفع حاجب: تعال هنا يا حبيبي،انت كلمت الدكتورة!


راجح بسرعة: اهدي كدا،مكلمتهاش،هي كلمت امي،وامي سألتها عنك ويا عيني علشان امي بتحبك وشايفة قد ايه بتعاني وانتِ قاعدة،سألتها لو ينفع تتحركِ،وقالت ليها اننا نروح اليوم ليها ونشوف الوضع عامل ايه 


زمزم بضحك: ايوا،كنت عايزة انكد عليك،بس للاسف مقدرتش


راجح بصدمة: كفاية الي فات كنتِ يا عيني هااااادية اوي 


ضحكت زمزم،وأغلقت معه،وأمسكت بمصحفها وبدأت بمراجعة ما حفظته سابقا...


بالأسفل 


زنود: مرجان ورتيل مكنش لازم نوديهن يشتغلن ويدرسن 


نهلة باستغراب: ايه؟،ليه هن نزلن


إشراق: ايوا مرجان مع إيهاب في الشركة،ورتيل عندها محاضرة،دي آخر سنة ولازم تنتبه لدراستها ونفسها 


آينور: متقلقنش،كلمت مرجان وهي كويسة،ومش بتعمل حاجة صعبة ومرتاحة،وبشرى معاها،ورتيل البنات معاها...


إشراق: خير إن شاء الله،فين جنان؟


آينور بابتسامة: بتلعب مع القطة في اوضتها

=====================================

في الجامعة 


انتهت ورود من محاضرتها،وخرجت بغيظ من القاعة،بينما ابتسم مالك وقال في نفسه: كتب الكتاب هيكون نكد،ربنا يستر،هو الامتحان صعب!،ربنا يعيني


قابلت ورود سلام،شمس،قمر،أزهار،رتيل،وقالت بغيظ: عايزة اروح يلا 


سلام بضحك: الامتحان اخباره ايه؟


ورود بغيظ: كتب الكتاب هيكون نكد عليه،معرفتش احل حاجة او اني حليت بس الاجوبة معرفش اذا صح او لا،دا جيب الامتحان من المريخ!!!!


ضحكت قمر وقالت: الراجل اتنكد عليه من قبل ما يتكتب الكتاب


ضحكت الفتيات،وعادت كل واحدة منهن لمنزلها....

=====================================

في الشركة عند إيهاب وبشرى ومرجان


بشرى بملل: دا ايه الملل دا 


مرجان بضحك: كملي الملفات الي قدامك،إيهاب باشا عايزهم دلوقتي 


بشرى بغيظ: ما انا كنت محترمة حالي وقاعدة في البيت ايه الي خلاني اتسحب من لساني واقول عايزة اشتغل بالشركة


وقفت مرجان وهي تضحك ثم قالت: خلصي الي قدامك،وانا هودي الملفات دي 


بشرى: اوديهم انا،بلاش تتعبي


مرجان برفع حاجب: بت خلصي الي قدامك يلا


ضحكت بشرى،وتوجهت مرجان لمكتب إيهاب


عند إيهاب،دق الباب فأذن بالدخول 


مرجان: الملفات دي راجعتها كبها ومحتاجة توقيعك وتكون جاهزة


إيهاب بابتسامة وهدوء: تمام،متتعبيش نفسك يا بنتي،وابعتيلي بشرى


مرجان بابتسامة: حاضر،ثم خرجت من مكتبه


رن هاتف إيهاب،وكانت زمزم،ردَّ عليها فقالت: السلام عليكم ورحمة الله وبركاته،عامل ايه


إيهاب بابتسامة: وعليكم السلام ورحمة الله وبركاته،الحمدلله


زمزم: والله أنا بقول اني بحبك معرفش ليه


إيهاب بضحك: قولي الموضوع بسرعة يا حبيبتي


زمزم بضحك: خلاص هقول


بعد خمس دقائق 


إيهاب: بس انتِ تعبانة،ازاي هتعملي كل دا 


زمزم: سيبها على ربنا،إيه هتكلمهم


إيهاب: هكلمهم واقول لإشراق ردهم ايه


زمزم بمرح: محدش بحبني قدك والله


ضحك إيهاب،وأغلق معها،ثم قال: ربنا يسعدك يا زمزم،ويسترها معكِ


دق الباب فأذن بالدخول،فكانت بشرى


بشرى: وشك منور،كنت بتكلم مين،ماما ولا زمزم....


إيهاب بضحك: وليه دول بالتحديد


بشرى بضحك: الوحيدات الي يقدرن يغيرن حالك وتضحك،حتى في عز الشغل،أما احنا راحت علينا


إيهاب برفع حاجب: مين الي من الصبح قاعد بضحك انا واياه ومرجان،بت ربنا يعينك يا ابني يا رأفت،انت ابتليت بيها


بشرى بضحك: دا واضح الكل بحبني


ضحك إيهاب،وبدأ يتكلم بأمورِ العمل

=====================================

في مبنى المخابرات


رماح بسعادة على الهاتف: يعني هتستقروا هنا؟


:ايوا،متقولش لمرجان،هنعملها مفاجأة،احنا بعدنا اوي عنها


رماح بابتسامة: دي هتفرح اوي،مستنيكم 

ثم أغلق الخط


رأفت بابتسامة: ايه سر السعادة دي؟


رماح بفرح: العيلة قررت تنزل مصر وتستقر هنا


احتضنه رأفت والشباب بفرح،وقال راجح: اعمل حسابك مادام هينزلوا يبقا هيجوزوك


رماح: قول إن شاء الله 


تحسين بصدمة: ولا،ايه لقيت بنت الحلال


رماح بابتسامة: ايوا


علي: مين؟


رماح: أخت مالك،مالك الراوي صاحبنا من ايام المدرسة،هو كان مسافر ورجع


راجح بابتسامة: دا ايه القرار الجميل دا،عقبال تحسين 


تحسين بضحك: لا ما انا لاقيتها خلاص 


علي بضحك: مين يا اخويا


تحسين: راجح يعرفها


راجح بابتسامة: اخت حازم الصياد 


رأفت بضحك: لازم نضم حازم معانا زي ما عملنا مع مالك،ووليد وشادي وإسماعيل


ضحك الجميع وقال راجح: دا أكيد،يلا كل واحد على شغله 


رأفت برفع حاجب: ولا،انا افتكرت حاجة دلوقتي


راجح: ايه هي؟


رأفت: هو مش عايزة اعكر مزاجكوا بالسيرة دي،لكن المرة التانية الي القينا القب...ض فيها على باقي عصا...بة مازن ازاي عرفت انهم يعرفوا مازن،وازي وصلوا ليكم،ومازن بالس...جن


راجح: وقتها مازن قبل ما يدخل الس...جن،قالي انتبه اوي،دا غير انه كان بيجيني تهدي...دات على شكل مسج او رسائل ورقية،خلاني اشك انه لسا في أطراف تانية متمش القبض عليهم،وغير كدا آلبرت كلمني وقالي انتبه انه لسا في أطراف متمش القبض عليها،أطراف أجنبية،وقتها بدأت اشتغل لوحدي وادور هان وهان على ما وصلت للباقي،وكمان آلبرت ساعدني 


رأفت: والصورة الي كانت بالسلسلة


راجح: يوم كتب الكتاب كان فيه رجال أعمال والمعارف وكدا،ومن ضمنهم حد تابع لمازن،ووقتها صور زوجتي لما كانت هي واخواتها في البلكونة،وكام تعديل على الصورة،ظهرت زوجتي لوحدها،وقدر يبعت الصورة لمازن عن طريق التنكر بإنه عسكري، مازن والي معاه مغفلين،اطمنوا للكل،جتى رمزي،فرمزي لما شاف كدا،طلب يشوفني،وقالي الي حصل...


تحسين بصدمة: يا جدع،ايه كل دا،حسيت نفسي في فيلم بس مش عارف الفيلم دا هندي ولا ايه


علي: بجد معاك حق،دي قلوب مريضة أكيد 


راجح: خلصنا منهم،يلا على الشغل 

=====================================

في المصنع عند رؤوف وتامر وأحمد ومحمد 


رؤوف: دا ايه الشغل دا،حاسس نفسي هروح وانا متكسر 


تامر بضحك: بسبب تقصيرنا،انا اتكسرت بجد،يلا خلينا نخلص علشان نروح


أحمد: اشتغل انت وهو


محمد بضحك: أوامر تانية يا فندم 


ضحك الشباب وأكملوا عملهم

=====================================

عند عائلة سالم...شمس


سامية بابتسامة: شمس حبيبتي،رجعتي،الامتحان كان عامل ايه


شمس بابتسامة وهي تقبل رأسها: الحمدلله تمام،ايه البنات نزلن الشركة


ابتسام من ورائها: رنا ورانيا وسوزان نزلن،وانا وشمس قاعدات نشتغل على تصميم لفيلا هطلع عينينا


ضحكت شمس وقالت: ربنا يعينكن


سامية بابتسامة: ادخلي يا حبيبتي بدلي هدومك على ما اعملك حاجة خفيفة تاكليها علشان دراستك


شمس: مفيش داعي يا ماما


سامية بابتسامة: اسمعي الكلام،يلا


ابتسمت شمس،بينما دخلت سامية للمطبخ


ابتسام بغمز: الدلال اشتغل من قبل ما يحصل الفرح 


شمس بضحك: وانتِ مالك،ابعدي كدا رايحة اخلص دراسة

=================================≈===

في منزل سلام


دخلت سلام المنزل وقالت: السلام عليكم ورحمة الله وبركاته،انا جيت يا قوم


سلمى بضحك: وعليكم السلام ورحمة الله وبركاته،تعالي يا مجنونة،ربنا يعينك يا ساهر يا ابني


سلام بضحك: حصل،هجننه 


ولاء بضحك: معترفة انك مجنونة


سلام بفزع: بسم الله الرحمن الرحيم،هو انتِ مش كنتِ في المشفى عندك شغل!


ولاء: لا اجازة اليوم ليا 


سلام: الواد وليد بكلمه مش بيرد ليه


سلمى بابتسامة: قال انه عنده شغل مع شادي وإسماعيل ومرضى كثير


سلام: دا كل رفقاته دكاترة،حتى هو


ولاء بضحك: هو دكتور اطفال،شادي دكتور جراحة،إسماعيل دكتور تخد...ير،وابن عم رتيل ساهر طب عام،ما شاء الله،وانا ممرضة 


سلام بضحك: اللهم زد وبارك،رايحة اخلص دراسة،حد يلحقني بكوباية شاي بنعناع الله يستركوا


سلمى بضحك: عيوني

=====================================

في منزل قمر 


قمر: إلهاااااام،يا قوم انا جيت،السلام عليكم ورحمة الله وبركاته 


إلهام بضحك: وعليكم السلام ورحمة الله وبركاته،شكله الامتحان كان فل


قمر: ليه يعني؟


إلهام: مروحة فرحانة


قمر بلا مبالاة وضحك: لا كتبت للدكتور اجوبة ميعرفهاش،لأنه جابلنا أسألة معرفتهاش


إلهام بضحك: ايه العبقرية دي،بت روحي خلصي دراسة يلا،وحاااضر هعملك اكل خفيف لأنك متعرفيش تدرسي من دون ما تاكلي


قمر بضحك: قلبي الي فهماني،ثم دخلت غرفتها

======================≈≈=============

في منزل إيهاب 


وصلت كل من رتيل وأزهار وورود إلى المنزل 


أزهار: السلام عليكم ورحمة الله وبركاته،انا جييييت،شوفوا البيت نور ازاي 


ضحكت إشراق وقالت: وعليكم السلام ورحمة الله وبركاته،ورود مالك


أزهار بضحك: سبيها،دي بتفكر ازاي تنكد على مالك ليلة كتب الكتاب


آينور بضحك: ليه،حصل ايه


رتيل بضحك: ابدا،قدموا الامتحان،والبت دي قالت صعب ومش متأكدة من الاجوبة


ورود بغيظ: انا كتبت ليه أجوبة ميعرفهاش،لأنه جاب لينا أسألة منعرفهاش،انا والبت قمر عملنا كدا


زنود بضحك: دا ايه العبقرية دي كلها يا حبيباتي،هو ايوا صح انتِ بنتي،بس قلبي على مالك الي هيتنكد عليه،ربنا يكون معاه


ضحكت الفتيات،وصعدت كل واحدة منهنَّ إلى غرفتها...

=====================================

مرَّ الوقت،وعاد الجميع من العمل...


عند عائلة المالكي 


دخل تامر ورؤوف المنزل،ألقيا السلام ثم قال تامر بغيظ: كل دا شغل في المصنع،دا ايه الحظ دا 


إشراق بضحك: مالك بس يا حبيبي


تامر: بالله يا أمي،قولي لإيهاب باشا يعطينا إجازة 


إيهاب من ورائه: إجازة ايه يا قلب ابوك


تامر بفزع: بسم الله الرحمن الرحيم،انا قلت إجازة أعوذ بالله


مرجان وهي تكتم ضحكتها: معلش يا بابا،الشغل مأثر عليه،وهو مش عارف بيقول ايه


تامر بتوعد: ليكي روقة 


رؤوف: سيادة المقدم شرف 


ألقى راجح السلام ثم قال: وطبعا كالعادة،تامر انصدم من كمية الشغل الي في المصنع،وعايز إجازة 


تامر بضحك: يا جدع تقول قاعد معانا


إشراق: بشرى فين


إيهاب: جاية،شوفتها بتلعب مع القطة 


بشرى وهي تحمل القطة: السلام عليكم ورحمة الله وبركاته،لحظة،عاملين اكل ايه النهاردة.


رتيل: خذي نفس يا غالية


بشرى بضحك: لا ما انا شامم ريحة أكلة كدا لينا زمان عنها


زنود: ايوا يا شيف زمانك،ايه هي بقا؟!


بشرى: ورق عنب


نهلة بضحك: البت دي مش شاطرة الا بالأكل 


بشرى بضحك: حصل 


إشراق: يلا روحوا بدلوا هدومكم نكون جهزنا الغدا 


راجح بابتسامة: انا وزمزم مش هنقدر،هنروح اليوم للدكتورة ونشوف حالة زمزم 


إشراق: خير بإذن الله 


الجميع: آمين 


ثم صعد كل واحد إلى غرفته 


في غرفة راجح 


دخل الغرفة،فوجد زمزم تقرأ القرآن،أغمض عينيه براحةٍ،فقد كان صوتها جميلٌ للغاية،والأجمل من ذلك أنها كانت تتلو سورة يوسف♡♡♡♡🥹🥹


انتهت زمزم من القراءة،وانتبهت لراجح فقالت بابتسامة: حبيبي من أيمتا هنا


جلس راجح أمامها وقال بابتسامة: من شوية،


زمزم بتساؤل: هنروح للدكتورة اي وقت؟


راجح: دلوقتي 


زمزم بفرح: أخيرا...


ضحك راجح عليها،ثم ذهب لتبديل ثيابه

=========≈===============≈==≈======

في غرفة تامر 


تامر بغيظ: الشغل مأثر عليا،وانا مش عارف بقول ايه؟


مرجان بضحك: بس اهدى،صلي على النبي كدا،متعصبش نفسك يا باشا وروق 


تامر بصدمة: ايه؟!ثم أكمل بغيظ: روحي من قدامي يا مرجان،انا هم..وت بسكت...ة قلبية بسببك


مرجان بضحك: انت مشفتش حاجة لسا،خلي بالك طويل 


قال تامر  بغيظ قبل أن يذهب لتبديل ثيابه: انا مش عارف هو كم طفل هيكون عندي


مرجان بضحك: اتنين،الي في بطني،وانا كمان 


ضحك تامر بغلب،وقال: يارب الصبر 


( لا إله إلا الله،مش رايحة غير على تامر،مش عارف انه بعد الولادة هيكون نكد كله🙂🤣)

=====================================

في غرفة رؤوف 


رتيل: حبيبي،عارف والله بحبك اوييي


رؤوف بضحك: ايوا منا عارف،ها عايزة ايه


رتيل بضحك: الي فاهمني،المهم،عايزة عصير قصب


رؤوف بهمس: مادام بدأت بعصير القصب،يبقا اتوفقنا،ثم أكمل بصوتٍ واضح: وايه كمان


رتيل: جمبري،وجبنة رومي 


رؤوف بصدمة ورفع حاجب: دا ايه الاكل الي ملوش دعوة ببعضه،كل أكلة جاية من الشرق والغرب 


رتيل بتذمر: علاقتي ايه ها


رؤوف بصبر: ايوا خلاص تمام تمام،حاضر من عنيا هجبهملك 


ثم دخل لتبديل ثيابه وهو يحدث نفسه: افهم بس،ايه دخل الجمبري بالجبنة وعصير القصب! دول ميقربوش لبعض والله،دي واضح من هان لحد ما تخلف اكون جنيت رسمي...


رتيل من الخارج: سمعتك


رؤوف بفزع: بسم الله الرحمن الرحيم،يارب الصبر بس


( وعندنا كمان استاذ رؤوف هيلحق أخوه الاستاذ تامر🤣🙂)

=====================================

في غرفة أحمد ومحمد


أحمد: انا ما صدقت اروح،بقولك قول ليهم مش عايزة اتغدا،انا هنام 


محمد بنعاس: ماشي،ثم ذهب للنوم


نظر له أحمد بصدمة ثم قال: اقول عيك ايه بس،هنزل اقول لامي وارجع انام...

====================================

بالأسفل 


زنود: محمد فين وأحمد يا رؤوف


أحمد من ورائها: محمد نايم،وانا هطلع أنام 


زنود: مش هتاكلوا 


أحمد.بنعاس: لا،لما نصحى،ثم صعد إلى غرفته 


بعد دقائق 


نزل كل من راجح وزمزم،فقالت إشراق: كنتوا اكلتوا بعديها مشيتوا


زمزم: لا،انا عايزة اروح بسرعة،علشان اعرف الدكتورة هتقول ايه،ثم أكملت بتذمر: اصل نسيت ازاي امشي،وحابة اطمن على نفسي


ضحك الجميع،وخرجت هي وراجح...


آينور: مرجان ورتيل مالكن


مرجان بابتسامة: مالي،كويسة،بس بفكر في زمزم اتمنى بجد ان حالتها تكون تحسنت 


رتيل: يارب،القعدة صعبة 


بشرى بصدمة لأزهار وورود: انا ليه كنت فاكرة اني لما اتجوز هتكون حياتي هنا وفل؟


نهلة بضحك: دا منتظرك نكد ايااااه،عسل 


إشراق بضحك: انتِ بطمني فيها ولا بتخوفيها 


إيهاب بضحك: والله على حسب يا بشرى،لو كنتِ عاقلة حياتك هتكون فل،إما لو كنتِ مجنونة فربنا يكون معاك يا رأفت 


جنان بضحك: باين الكل بحبك يا بشرى


ضحك الجميع،وجلسوا لتناول الغداء...

=====================================

عند عائلة الأحمدي 


أسمهان بفرح وصدمة: محمد،انت رجعت من سفرك


احتضنها والد رتيل بابتسامة وقال: ايه طولت الغيبه؟


احتضنه كل من يعقوب وايوب بفرح،سلَّم الجميع عليه ثم جلسوا بغرفة المعيشة 


أسمهان: صلاح انت كنت عارف 


صلاح بضحك: ايوا،وانا الي جبته من المطار 


رأفت بضحك: الله الله يا صلاح باشا،صاير تخطط من ورانا،دا حتى عمي سميح مش عارف


صلاح بغيظ: اسكت ليوحشك لسانك


ضحك الجميع،وقال محمد: رماح باشا منورنا


رماح: دا نورك يا عمي 


وائل بغيظ: يا عم انت وهو الاحترام دا مش متعود عليه


أمسك محمد بأحد الوسائد وألقاها على وائل وقال: تقصد ايه يا استاذ وائل 


تحسين بضحك: ميقصدش يا غالي،ثم قال لوائل: وربنا لسانك دا هيوديك في دا..هية


رماح بغيظ: اصبر بس،ابقى ودع الحبايب،لأنه لو وقعت تحت ايدي هتكون من عالم الام...وات


وائل لوالدته: متتكلمي يا صبوحة،ومرات عمي سميح عاجبك الكلام دا


سماح: محدش هيروقك غير رماح


صباح: حصل،دا يكسب فينا ثواب لو ريحنا منه


وائل بصدمة: تشكرات،دا الكل يحبني


ضحك رماح ثم قال: القعدة جميلة بجد،بس لازم اروح اجيب العيلة من المطار 


أسمهان بابتسامة: ايه هيرجعوا يستقروا هنا؟


رماح: بإذن الله

=====================================

عند راجح وزمزم 


وصلا إلى المشفى،وصعدا إلى الطبيبة إيمان،ودخلا إليها


د.إيمان بابتسامة: اهلا بالغالية،عاملة ايه 


احتضنتها زمزم بابتسامة،فقد الطبيبة إيمان أختاً ورفيقةً لزمزم وهكذا زمزم...


بعد مرور بضع من الوقت،جلست الطبيبة مكانها وقالت بابتسامة: الحمدلله كل حاجة بخير،وتقدري تمشي كمان،لكن بصي مشي كثير ممنوع او تطلعي وتنزلي كثير ممنوع،والاكل هنستمر على البرنامج الغذائي،وجنان نخففه شوية 


ضحكت زمزم وقالت: حتى انتِ يا إيمان،انا بريئة 


د.إيمان: ايوا انتِ هتقوليلي ما انا عارفك،المهم الفيتامينات دي استمري عليها خلال فترة الحمل،وبس كدا 


ابتسمت زمزم براحة،ثم خرجت هي وراجح من عندها 


ركبا السيارة،ثم قالت زمزم: وأخييييرا خلصت من الس...جن دا


راجح بضحك: يا عيني،كنا معذ....بينك اوي 


ضحكت زمزم بسعادة ثم قالت: اويي

=====================≈=====≈=========

في المطار 


احتضن رماح والده بسعادة،ثم والدته وقال: مصر نورت 


قاسم بنعاس: دا على أساس مصر كانت معتمة يعني،روحني البيت عايز أنام


ضحك رماح وقال: طب سلم الأول هفضل اعلمك لحد أيمتا 


احتضنه قاسم وهو يضحك،ثم توجهوا إلى السيارة 


منار: مرجان عرفت؟


رماح: دا اصلا مرجان متعرفش لسا اني رجعت من السفر 


ماهر بضحك: دا ليلتك هتبقى عنب 


رماح: الله يطمنك يا غالي

=====================================

مرَّ الوقت سريعا،وصل راجح وزمزم إلى المنزل 


دخلت زمزم المنزل فركضت إليها زنود وقالت: الدكتورة قالت ايه،حصل ايه،مالك زعلانة ليه


نظرت زمزم بأسف متصنع لزنود وقالت: للأسف 


جاءت إشراق وقالت بقلق: للأسف ايه،فين راجح


دخل راجح إلى المنزل بعد أن ركن سيارته،ثم ألقى السلام وقال: مالكم؟


زمزم بأسف: قولهم انت،انا مش هقدر اقولهم


وهنا فهم راجح أن فتاته تتصرف بطفولةٍ وأنها تريد أن تقلقهم فقال بضحك: لسانك وعقلك في يوم هيودوكِ في دا...هية،مفيش يا جماعة،بس الدكتورة قالت إنه المجنونة زمزم كويسة،وتقدر تتجرك،لكن ممنوع اي حركة او تصرف مجنون،سامعة يا هانم


زنود براحة: ربنا يطمنك يا ابني،ثم قالت لزمزم بغيظ: انا هحترم انك حامل،وجوزك واقف،وإلا كان أبو وردة بيسلم عليكِ


ضحكت زمزم بشدة وقالت: خلاص خلاص آسفة 


احتضنتها إشراق،ثم قالت: الحمدلله انك كويسة،اطلعي ارتاحي علشان بالليل جايينا ضيوف 


زمزم: مين؟


إشراق بغيظ: على أساس مش عارفة يعني 


زمزم بضحك: ايوا،تذكرت


ثم صعدت هي وراجح للأعلى 

================≈====================

في غرفة الفتيات 


كانت تجلس بشرى في شرفة الغرفة وتنظر إلى السماء بينما جاءت أزهار وورود وقالتا: بتعملي ايه؟


بشرى بابتسامة: بفكر 


جلست ورود أمامها بينما أزهار بجانبها وقالت: بتفكري في ايه؟


بشرى: في حياتي،خايفة اني هحمل مسؤولية،واكون مسؤولة عن أمور كتيرة 


وقبل أن تجب دق باب الغرفة،فسمحت بالدخول،فدخلت كل من رتيل ومرجان وجنان ومعهن أكواب شاي 


قدمت مرجان الاكواب لهنَّ،ثم قالت بشرى بابتسامة: يااااه، دي احلى كوباية شاي بنعناع،تسلم إيدك يا مرجان


مرجان بابتسامة: صحة،ها مالك مش حاسة انك كويسة 


بشرى بهدوء: خايفة،خايفة من المسؤولية الي هحملها


احتضنتها رتيل من كتفها وقالت بابتسامة: عارفة،انا ومرجان قبل جوازنا كنا كدا،لكن زمزم قالت لينا اننا منخافش،طول ما احنا متوكلين على ربنا،وأنه الشخص الي هناخده شخص كويس وبيعرف ربنا،يبقا مفيش داعي للخوف،واننا نبتسم 


بشرى بهدوء: بس انا معرفش إذا كان رأفت كدا أو لا 


مرجان بابتسامة: زمزم كانت تقولنا لو عايزين نتأكد من اختيارنا وأنه ربنا هيوفقنا،نروح لربنا ونصلي وندعيله


أزهار بابتسامة: زمزم دي بجد بتفاجئني بتصرفاتها،وشخصياتها 

وبالتحديد لما تتكلم بجدية،وكمان احسها بتفهمنا قبل ما نتكلم،وربنا انا احيانا أعتبرها أمي،واحيانا اختي،وصاحبتي


ورود بابتسامة: فعلا،زمزم بتحاول تخفف عننا،وتخلينا نضحك ونتصرف على راحتنا،ربنا يسعدها بجد،هي تعبت اوي 

=====================================

في غرفة راجح وزمزم 


جلست زمزم على الاريكة وهي تمسك بأحد الكتب لتقرأها،لكنها فجأة سألت راجح وقالت: حبيبي ممكن سؤال؟


أغلق راجح الملف الذي بين يديه وقال: ايه الهدوء دا،ربنا يستر،اسألي طبعا يا قلبي 


زمزم بضحك: هو انتوا لا مجنونة عاجبكم،ولا هادية عاجبكم،اعمل ايه،المهم أنا ايه بالنسبة ليك؟


راجح برفع حاجب: قبل ما اجاوبك،دا سؤال عايزة تنكدي فيه عليا،ولا اختبار مفاجئ ولو رسبت فيه بردو هيتنكد عليا او....لحظة دي هرمونات انا عارف؟


زمزم بضحك: على الحالتين في نكد،يلا بقا جاوب،وجاوب باللغة العربية الفصحى انت عارفني بحبها اوي،ولو معرفتش يبقا ربنا يرحمك


راجح بابتسامة: مجنونة،قلتها لكِ مراراً ولن أملَّ من تكرارها" قبل أن تكوني زوجتي،فأنتِ ابنت قلبي،وصغيرتي،ورفيقة دربي،وفي النهاية تأتي مرتبة: انتِ زوجتي...


زمزم بابتسامة: شكلك هتنجح،السؤال بقا،بتحبني قد ايه؟


راجح بابتسامة: حبي لكِ تحول إلى عشقٍ لا يعلمه إلا من جعل القلب ينبض،ومقدارُ حبي لكِ أو عشقي لكِ هو بمقدار نبضات القلب،نبضةً نبضةً...


زمزم بابتسامة: بس خلاص هعيط،آخر سؤال،" هل أدعُ حبي لكَ يملأ قلبي؟،أو ماذا أفعل"


راجح بابتسامة: مهما كان مقدار حبكِ لي،فلا تملأي قلبكِ به،فأنا إلى زوالٍ،واملأيه بحب الرحمن فهو الحي الذي لا يموت..


زمزم بضحك وهي تحتضنه: دا انا محظوظة أوييي فيك،نجحت يا قلبي 


ضحك راجح  واحتضنها ثم قال: ربنا يستر من الأسئلة الي بتيجي فجأة كدا

=====================================

في المساء 


حضرت عائلة الأحمدي،وكل من خديجة وشادي،قمر وزوجة أخيها وأخيها وأولاده،سلام وأخيها وليد ووالدته وأخته،مالك الراوي وأخته ووالدته،حازم الصياد واخته،وعائلة مرجان...


جلس الرجال بالحديقة،بينما النساء في الداخل 


إشراق بابتسامة: ايه الجمعة الحلوة دي،منورين 


منار بابتسامة: دا نوركم يا حبيبتي 


خديجة بابتسامة: البنات فين؟


زنود بابتسامة: ثواني وينزلن 


نهلة: مرجان متعرفش انكم جيتوا يا منار؟


منار: لا متعرفش،وربنا يستر لو عرفت انه اخوها كان نازل من قبل ومقالهاش


ضحك الجميع،وثواني ونزلت الفتيات" زمزم،بشرى،ازهار،ورود،جنان،رتيل،مرجان"


وقفت مرجان بصدمة عندما رأت والدتها وقالت: زمزم انا مش بحلم 


زمزم بضحك: لا انتِ مبتحلميش،دي والدتك بجد


ركضت مرجان واحتضنتها باشتياق،احتضنتها منار بحب،ثم سلمنَّ على الجميع،ثم احتضنت زمزم مرام أختَ مالك وقالت: نزلتِ ايمتا،ومتقوليش ليا


ضحكت مرام وقالت: معلش يا غالية،كنت عايزة اعملها مفاجأة


بشرى بصدمة: ايه دا انتن تعرفن بعض؟


زمزم بضحك: ايوا،أول أسبوع ليا بالجامعة تعرفت عليها،بعدين سافرت 


جنان: ماما،هي دي خالتو نورين صاحبتك،والي جات في فرح تامر ورؤوف؟


نورين بابتسامة: ايوا انا يا سكرة


احتضنتها جنان،ثم قالت ورود بصدمة: هو الدكتور مالك قالي انه عنده والدته واخته أكن مسافرات،بس مكنتش اعرف انكم عسل كدا،وتعرفوا العيلة كمان


مرام بضحك: انا لو مكانك،انكد على مالك ليلة كتب الكتاب،ازاي ميقولش ليكِ اننا نعرف العيلة واننا عسل 


رتيل بضحك: انتِ بتهدي النفوس ولا بتشعليها؟


زمزم بضحك: بتعمل الاتنين،دكتورتنا الغالية إيمان عاملة ايه


إيمان بابتسامة: الحمدلله بخير


أزهار بصدمة: ودي الي متابعة معاها،وطلعت بنت صاحبة ماما،دي ليلة كلها مفاجآت،مين لسا عنده مفاجآت كمان 


جنان بضحك: يا عيني البت انصدمت 


ضحك الجميع،وقضوا وقتا طويلا مع بعضهم يملأه سعادة ومرحٌ وفرح....


        الفصل الواحد والاربعون من هنا 

     لقراءة جميع فصول الرواية من هنا

تعليقات