رواية العاشق المغرور
الفصل الخامس عشر 15
بقلم حنان احمد ماهر
دخل الكل المكتب قرب نور من شيماء . مساء الحب والرقه
من قلب اشتكى الفرقه سمعته يهمس باسمك بين الدقه
والدقه
شيماء بجدية . لا بقولك ايه شغل حموشكا ده مش معايا
نور باستغراب . حموشكا مين
كملت شيماء كلامها . لما تبقى خطيبي على سنه الله ورسوله
هيبقى حموشكا وام حموشكا تحت امرك واحد ملزقه وسبيته ودخلت على اوضه المكتب
حس نور أنه تايه وبيكلم نفسه . خطيبك على سنه الله ورسوله ازى ومين حموشكا وأمه ده شكلك مجنونه
وهتجنيني معاكى ودخل وراها بيت ينور مين حموشكا
ده انتى يابت
عند ذياد بغضب مكتوم . ها ممكن اعرف من الاستاذ
وايه اللى حصل من شويه بره ده
نجمه . ممكن تهدى الأول ده زملنا ياسر فى الجامعة
واشطر واحد بينايم مغناطيس وبدأت تحكى له من
ساعت ما شافت جيهان وهى بتحط حاجه للعصير
وبتقدمه لعمها خالد
وبعد ما خلصت سمعته التسجيل اللى سجلته شيماء
على تليفونها
ذياد بغضب . بنت اللى أنا هطلع اخلص عليها الحيوانه
دى
وقفت نجمه قصاده . لا طبعا عايز تودى نفسك في داهيه
احنا هناخد التسجيل ده ونطلع على القسم وناخد ضدها
إجراء قانونى
اقتنع ذياد بكلمها . طيب انتى محكتليش ليه من الاول
افرضى كشفتك وحولت تاذيكى
نجمه بغيره . أولا أنا مش عايزه مساعده من حد
كفايه عليك نفين تساعدها
ذياد بخبث . دا انتى شكلك غيرانه
نجمه وتحاول تتهرب . انا اغير لا طبعا أنا بس اللى مضيقنى
شكلى المفروض يا استاذ انى مراتك والمفروض تحترمنى
ذياد . وانا اكيد بحترمك يانجمه وبعدين انتى سمعتى كلام
البنى ادمه اللى إسمها جيهان قالت ايه وهى اللى
زقت الزفته التانيه عليا
نجمه . ما هو ده اللى خلانى ما سبش البيت وامشى
ذياد بضيق من فكرت أنها كانت ماشيى . انت كنتى
عايزه تسبينى وتمشى
أستغربت نجمه رد فعله وكانت لسه هترد بس ادخل نور.
فى ايه ياجماعه استهدوا بالله وخلينا نشوف هنفكر
ونتصرف ازاى مع اللى إسمها جيهان دى ولا سنيه
قرب ياسر من شيماء وتكلم بنحنحه . احم آنسه شيماء
كنت عايزك فى موضوع كده
لاحظ نور نظرات ياسر لشيماء فحس بنار الغيره تغزو
قلبه فقرب منهم وتكلم بحده . خير ياستاذ ياسر
عايز خطبتى فى إيه
ياسر بصدمه . خطبتك ووجه نظره لشيماء هو انتى
اتخطبتى
شيماء بصدمه من رد فعل نور . ها اه اظاهر كده
ياسر بحزن وبيمد أيده يسلم عليها . ألف مبروك أنا استأذن بقى لو احتاجتى
اى حاجه فى اى وقت اوعى تترددى تكلمينى
مد نور أيده بدل شيماء وتكلم بضيق . إن شاء الله يااخ
ياسر ولو احتاجت ل اي حاجه أنا موجود متقلقش
واخده ووصله لباب الفيلا وقال. عيل ملزق
رجع نور لشيماء وتكلم بغيرة وغضب . بقولك ايه انا مش
عايز اشوفك بتتكلمى مع الشخص ده تانى حتى لو
كان فى إطار الزمله سمعه
حست شيماء أن فى فراشات بطير فى قلبها وتكلمت
بصوت خافت . حاضر
وجهت نجمه كلامها لذياد . احنا نروح دلوقتي على القسم
ونعمل محضر فى جيهان ونبقى نرجع نحكى كل حاجه
لماما ليله وعمى خالد
وفقها الكل الرأى وتحركوا على الاقسم
أما عند خالد فكان فى الشركه واتصل بالخدامه يسأل عن
ليله لانه بيحاول يتصل بيها تليفونها مغلق
ردت الخدامه وبلغته انها فى للنادى قفل معها واخد مفاتيح
سيارته وانطلق للنادى بعد فتره وصل وشافها قاعده سرحانه
فقرب منها وقعد قدمها وهو فى قمه شوقه ليها
خالد . ليلتى
انتبهت ليله لوجوده . خالد بتعمل ايه هنا
خالد . بحاول اتصل بيكى من بدرى تليفونك مغلق اتصلت
بالفيلا بلغتنى الخدامه أنك سيبه خبر انك فى النادى
ليله . خير كنت بتتصل بيه ليه و ايه اللي خالك تيجى لهنا
خالد . شوقى كلمه هزت كل خاليه جوها
وكمل كلامه .مش كفايه عقاب بقى ياليلتى أنا بقيت من
شوقى بتحرق
ليله بحزن . انت اللى عملت كده وحرقتنا احنا الاتنين
خالد . احلفلك بكل دقة قلبى بيدقها بعشقك انى معرفش
ده حصل ازاى أنا مستحيل اكون لغيرك مش عشانك لا
ده عشانى أنا مقدرش اقرب من حد غيرك جسمى
ينفره انفاسى تقف أنا مقدرش أتنفس غيرك ياليلتى
وانتى عارفه كويس
ليله بدموع . عارفه ازاى واللى معانا فى البيت دى ايه ياخالد
وحده تانيه مكتوبه على اسمك واحده تانيه بتنام فى حضنك
عينى اللى شايفه قربها منك
خالد باندفاع ومسك اديها . صدقيني ياليله أنا كنت مضطر
انا حتى مش فاكر ايه اللى حصل فى اليوم ده انا متجوزها
على الورق وبس وعلى العموم أنا هطلقها النهارده
خلاص مبقتش قادر استحمل وجودها ارجوكى ياليله
متبعديش عنى انا بموت فى بعدك
ليله بحزن على الوضع اللى وصله ليه . صدقنى ياخالد أنا
لو كنت قادره ابعد كنت بعدت وبرده مش قادرة اقرب
سيب الايام جايز تداوى الم قلبى
وعند ذياد وصل بعربيته للقسم ووجه كلامه لنجمه . انا هنزل أنا ونور وانتى وشيماء خليكم هنا
نجمه . لا خلينا ندخل معاكم
ذياد بأمر . نجمه اسمعى الكلام احنا داخلين الاقسم ياماما
مش الملاهي ياله يانور
فضلت نجمه وشيماء فى العربية ولقت اللى بيخبط على الازاز
فنزلته ولقت حد بيرش على وشهم حاجه
و .....