رواية حقى أكون أب
الفصل السابع 7
بقلم نجلاء فتحى
وقفنا البارت السابق آن إسلام عزم زوجتة فى مطعم وكالعادة أخذت تتكلم فى الشغل والبزنس ،،حاول يخلق وجبة الغداء فى جو رومانسي لكن افسدتة هى ،،، زهق منها أتى وقت الحساب وجد فتاة منقبة لفت نظرة حركة إيدها التى تدعكها مع بعض أتى فى بالة هل هذة أميرة أخذت بالها زوجتة وقالت:- بيعاكس البنت ،،،،،أدايق ورحل وفى السيارة قرر يذهب المعرض لأبوة ،،،،أتردد ومش عارف يفتح الموضوع أزاى ،،
بهنساوى/ مالك بتلف وتدور على أي
هرش إسلام فى رأسة، ،آميرة بنت صاحبك عبد الحميد بتشتغل فين
بهنساوى/ فى صيدلية ***** لية ناوى أخيرآ تشغلها سكرتيرة
إسلام/ لا ،،،
بهنساوى/ بتسأل عليها لية
إسلام/ عادى
بهنساوى بمكر وكذب/ ماشى عادى عادى براحتك، أي رأيك بكرة الجمعة أمك عزماهم على الغداء
إسلام/ براحتكم البيت بيتكم
بهنساوى/ تعال أنت ومراتك
إسلام بضيق/ صعب يعجبها الجو مع صاحبك وبنتة
بهنساوى بحدة/ قول بقا مش عايزة تدخل بيت أهل جوزها لية دة فيلا
إسلام بدفاع وكذب/ لا يا حاج كل الحكاية يوم أجازتها بتحب تريح فى البيت
بهنساوى/ مراتك ترتاح فى البيت جديدة من أمتى دى حلباك وخربة بيتك من طلباتها والفسح والسفر ، رايح فين أستنا
إسلام بحزن/ ماشى
بهنساوى/ أهرب منى وأزعل علشان قولت كلمة الحق المهم مستنيك بردو على الغداء أنت ومراتك وتعالوا الصبح بدرى نقعد مع بعض مش على قد اللقمة وتمشى
إسلام بضيق/ ربنا يسهل ،،سلام
بهنساوى/ سلام يا بنى ،،،ثم اتصل على زوجتة ناجية وقالها على الخطة وافقت وقالت خلية يعرف الفرق بين الأثنين. ثم أتصلت هى على أميرة تعزمها وجدت هاتها مغلق لم تعلم أنها باعتة وهى بدون جوال ،،أتصلت على زوجها ،،تذكر هو موضوع الجوال ثم أرسل صبى من المحل لبيت صاحبة يعزمة على الغداء بكرة ولازم يحضروا الصبح وخصوصآ أميرة الحاجة ناجية عايزاها،،
بقلم نجلاءفتحى عاشقةالكلمات
_______
أتى المساء يجلس إسلام يرتشف القهوة وأمامة زوجتة ترتشف قهوتها إيضا،،،،،قطع الصمت حين قال :- أبويا عازمنا على الغداء
مرفت/ روح
إسلام/ بقولك عازمنا
مرفت بتأفأف/ سمعت بقولك روح أنت
إسلام / أبويا وأمى عايزينك
مرفت/ هههههههههه جديدة، ،،،أصلا مامتك مش بطقنى تعزمني لية
إسلام بهدوء حتى تأتى معة فهو لا يحب يكسر أهلة/ هما بيحبوكى،،،، أنتى إللى مش بتحبيهم معرفش لية لعلمك أنا أبنهم الوحيد ويتمنوا رضايا من فضلك متكسفنيش بكرة معاهم أدى نفسك فرصة تحبيهم ،،،تنهد وقال من يوم جوازنا عزمتهم مرة واحدة بس وبعد كدة بسببك رفضوا يدخلوا البيت
مرفت بعصبية/ هما إللى منعوا مش أنا
إسلام / صوتك ميعلاش عليا ، ١٠ سنين مدخلوش بيت أبنهم دى صعبة علشان خاطرى تعالى معايا وأنتى بقالك كتير مش شوفتيهم
مرفت بنزفزة/ أوووووووف ماشى ،،ساعة ونمشى
إسلام/ لا عايزنا الصبح ونقضى اليوم كلة سوا
مرفت/ نععععععععم لية مامتك عايزة تخليني أمسح وأطبخ
إسلام/ من أمتى أمى طلبت منك كدة وهى عارفة ملكيش فى المطبخ على العموم براحتك متجيش، ،،تصبحى على خير ،،،ثم تركها ،،
وبدون تفكير أتصلت مرفت على والدتها وطرحت عليها الموضوع وأقنعتها لازم تروح مع زوجها ربما فى شئ هام ولازم تكون مصتنتة للحديث جيدآ
بقلم نجلاءفتحى عاشقةالكلمات، ،
__________
[أتى صباح جديد ]
عبد الحميد/ جاهزة يا بنتى
آميرة/ أيوة،،،لسة بدرى الساعة ٩ الصبح يكونوا نايمين
عبد الحميد/ بهنساوى عايزنا بعد الفجر ههههههه
آميرة/ مكسوفة أوووى أخر مرة روحت عندهم وأنا طفلة
عبد الحميد/ مكسوفة لية عادى ،،يلا بلاش دلع
آميرة/ ناخد زيارة معانا أكيد
عبد الحميد/ أيوة، ،دى الأصول
آميرة تنهدت/ على بركة الله، ،،وذهبوا فى طريقهم لفيلا بهنساوى لكن قلب آميرة غير مطمن وهى لم تعرف السبب،،
_________
【فى فيلا بهنساوى 】
مرفت/كان لازم أجى فى حد يزور حد الساعة ٩ الصبح
إسلام/ مش زيارة دة بيت أغلى الناس عندى، مفتوح فى أى وقت ،
مرفت/ مامتك مسلمتش عليا حلو وسابتنى
إسلام بضيق/ لا ،،سلمت ،وراحت تصلى الصبح عادى
مرفت/ وباباك سلام شفوى كدة وخلاص
إسلام بسخرية / عايزاة ياخدك فى حضنة ،،،،طبعى يسلم عليكى كدة
مرفت/ شكلهم مش عايزينى
إسلام/ حبيبتى بطلى أوهام بلييييز ،،تصرفاتهم عادى أنتى مش غربية البيت بيتك
مرفت بسخرية / واضح جدآ أوووووف
إسلام/ وطى صوتك عيب كدة ،،،،ثم أنتبهوا على رن جرس الباب والخادمة تفتح الباب ثم ندهت على بهنساوى الذى ظهر بالترحيب ومعة زوجتة التى نزلت من على السلم بفرحة وقالت أهلا وسهلا ببنت الغالية حبيبة قلبى ،ثم أخذت آميرة فى حضنها
أميرة خرجت من حضنها وقبلت إيدها وقالت/ عاملة أي يا خالتى
ناجية بأبتسامة عريضة/ بخير يا ضنايا بخير
،،ذهبت أميرة بكل أحترام وقبلت إيد بهنساوى مما جعلة أبتسم وطبطب على رأسها بحنان وقال :- بارك الله فيكى يا بنتى
ناجية/ اتفضلوا اتفضلوا كل دة تأخير يا أميرة الساعة ١٠ ونصف
أميرة بخجل/ محدش يزور حد الصبح خوفنا تكونوا نايمين
ناجية/ حد ينام وحبايبة جاين
أميرة/ تسلمى يا خالتى ،،،،،،أتفضلى حاجة بسيطة
ناجية/ تعبة نفسك لية
بهنساوى/ لية كدة يا عبد الحميد دة بيت أخوك مش حد غريب
عبد الحميد/ أميرة إللى أصرت
ناجية/ بنت أصول من يومك ،،ثم ندهت على الخادمة وأمرتها تغسل الفاكهة وتضعها فى مكانها ثم أخذت آميرة من إيدها وأجلستها بجوارها على الكرسى
مرفت بغل / شايف عمايل الست والدتك مين البتاعة إللى دخلت دى
إسلام/ دى أميرة أمها الله يرحمها كانت صاحبة ماما ،وأبوها صاحب بابا
مرفت/ عازمنهم لية وأحنا هنا
إسلام بعدم فهم/ معرفش،،،،أسكتى بقا ممكن ياخدوا بالهم ،،،
عبد الحميد/ عامل أي يا دكتور
إسلام/ بخير يا حاج
عبد الحميد/ أزيك يا دكتورة أخر مرة شوفتك وأنتى عروسة فى الكوشة ،،،
أكتفت مرفت بأبتسامة صفراء
نظرت ناجية لأبنها بغيظ علشان مراتة مرفت حطة رجل على رجل قدام الكبار، ،لكنة لم ينتبة لأمة،،
مر الوقت أهتمام ناجية بأميرة فقط ،،
آميرة بأحراج/خالتى حضرتك عازمانا على الغدا
مرفت بسخرية/ متقلقيش فى أكل كتير يشبع بلد بحالها
إسلام بضيق مخفى/ دكتورة
ناجية بهدوء / عايزة أي يا بنتى
آميرة بتوتر/ أقصد أقصد فين المطبخ أساعد أكيد مش أكل على الجاهز كدة ،،مش بسأل على الأكل علشان طفسة
ناجية/ الخدم هيطبخ جوا بس لسة بدرى على الأكل
آميرة/ تسمحلى أطبخ من الألف للياء
عبد الحميد/ ههههههه مش وقتة يا أميرة ،،معلشى يا جماعة أميرة بنتى بتموت فى المطبخ
ناجية بحنان/ بعد الشر عنها،،،أعملى إللى عايزاة البيت بيتك سامعة يعنى أي!!! أعتبرة بيتك التانى
مرفت بتعالى/ خدمتى فى بيوت قبل كدة ،،،مالكم يا جماعة بتبصولى كدة لية معروفة إللى بيطبخ خدام
ناجية بعتاب/ شكرآ يا بنت الأصول سامع يادكتور مراتك بتقول أية يعنى أمك خدامة
إسلام بلجلجة/ متقصدش يا أمى أنتى عارفة تربيتها كويس
ناجية بسخرية/ المشكلة عارفة
بهنساوى لكى يلطف الجو/ صلوا على النبي، ناجية خدى أميرة وعلى المطبخ وأنت يا عبد الحميد تعال فى الجنينة
،،،،،،،،،،،،
وبعد ذهاب الجميع ،،،،،،
إسلام/ لسانك دة أي
مرفت/ معناة أي والدتك عازمة البيئة دول
إسلام بهدوء/ مش بيئة بعتبرة عمى وبنتة
مرفت/ عزومة عائلية،،، معزومين هما لية
إسلام/ بيتهم براحتهم
مرفت/ شوفت أستقبلوا الجربوعة دى أزاى
إسلام بعصبية / أميرة مش جربوعة ،،،ثم تركها حتى لا يتخانق معاها وذهب للرجالة فى الحديقة ،،،
أصبحت مرفت وحيدة ،،أتصلت على أمها تبلغها الحوار،،،،،
_______
【فى المطبخ 】
ناجية/ تحبى تاكلى أي
أميرة/ نعمة ربنا كلها حلوة ،،،،
ناجية/ ناوية أعمل رومى وملوخية بالأرانب وجلاش باللحمة المفرومة وبط
وشوية رز وسلطة
أميرة/ ربنا يوسعها عليكم ،،طيب ممكن بعد أذن حضرتك كل أللى فى المطبخ برا وأنا أعمل كل دة لوحدى
ناحية/ الخدم يساعدك
أميرة/ رفعت أكمام العباية السمراء لمعصمها وقالت"- مش عايزة تدوقى عمايل إيدى
ناجية/ صلات النبى على دراعاتك بيضة وقشطة،،،،، ذى متحبى يا بنتى بس لو عايزة مساعدة أنا هنا ،،،،شاورت للجميع كلة بالخارج ثم ظلت ناجية فى المطبخ تجلس على الكرسى وأخذت تحكى وتتحدث مع أميرة وهى تطبخ ،،كم مشتاقة تكون لها أبنة تونسها، ،وأصرت على أميرة تشيل النقاب والحجاب حتى تكون بحرية أكثر وأنصدمت من جمالها ،،،أغلقت هى الباب حتى لا يراها أحد فهى منقبة،،،
________
أستأذن إسلام من والدة وعبد الحميد وتحدث فى الفون وأثناء سيرة فى الحديقة لم ينتبة أنة أثناء المكالمة سار للجزء الخلفى للحديقة والمطل على المطبخ علقت عيونة ببنت بشرتها صافية وردية مثل الأطفال وحين رفعت عيونها زرقاء مثل البحر وحين لافت شعرها كحكة يبدو طويل وثقيل للغاية وحين رفعت زراعها لأعلى ظهر البياض الناصح تسمر مكانة فالشباك مفتوح ،،أنتبهت لة ناجية وسكتت ولم تنتبة أميرة ، طرحت ناجية عليها حكايات حتى أبتسمت فذادت جمالها وأسنانها البيضاء المرتبه، ،،أنتبة إسلام وترجل بسرعة بعيد عن النافذة حين أدرك أنها أميرة والنظرة ليها حرام شرعآ لم يهتم بتكملة المكالمة،،ورجع لمكانة كأنة عمل عملة، رجعتة شباب احم أحم 🤭🤭، وليس على بعضة ،
ناجية سعيدة الظروف تخدمها بكل الوسائل دون مجهود
بعد وقت
أتى موعد الطعام وبدأت أميرة بمفردها بوضع الطعام على السفرة بطريقة شيك ،،أما الرائحة شهية للغاية وكانت تملآ الفيلا بأكمالها ومازالت تثير الشهية ،،،،
جلست أميرة بجوار أبوها ،،،وأمامها إسلام وزوجتة مرفت وعلى مقدمة السفرة بهنساوى وقصادة على الطرف الأخر زوجتة ناجية
ناجية/ بسم الله ماشاء الله عليها عملت العزومة كلها لوحدها مخلتش خد من الخدم ولا أنا أساعدها ولا حتى رص الأكل أميرة لهلوبة حتى فى المطبخ كانت بين البوتجاز والحوض فراشة
بهنساوى/ الخدم كدة أجازة النهاردة هههههه
أميرة / غلابة يا عمى مجتش من يوم يرتاحوا فية
ناجية/ أتفضلوا يا جماعة ،،،عن نفسى أكلة كلة ،،،هههههههه،،،،،أميرة ممكن تعملى طبق للدكتور
إسلام/ شكرآ الدكتورة تعملى
مرفت بضيق/ شاورت لأحد الخدم أن يأتى ،،أوقفتة ناجية وقالت بسخرية لازعة:- مش عارفة تعملى طبق لجوزك يا دكتورة أمال فى بيتكم أبنى بياكل أي
إسلام لكى ينقذ الموقف/ خلاص يا أمى أعمل لنفسى
بهنساوى بين أسنانه/ كل واحد ياكل براحتة
ناجية بضيق / ماشى ،،
أثناء الطعام وعبارات الشكر والمدح تنزل مثل المطر على رأس أميرة التى يزيد من توترها وكسوفها فهذا طبعها لولا نقابها ليشهد العالم على هذا الخجل والحياء ،وهناك أعين لا تعجبها الوضع ،،،،،لا ينكر إسلام بينة وبين نفسة أنها طباخة ماهرة الأكل لا يوجد فية غلطة بل أحسن من المطاعم فى كل شئ ، وطبعآ يختلس لها النظرات فى الخفاء معقول هذة الفتاة التى لا يظهر ملامحها ولا عيونها هى التى رأها فى المطبخ الأن لا يظهر منها سوى كف إيدها الناعم ناصع البياض فقط ،،أستغفر ربة فهذا لا يجوز،، كانت تأكل بكل هدوء رغم نقابها ،،،
بعد الإنتهاء أصرت أميرة أن تخلو وتنظف السفرة بدون مساعدة الخدم وفى خلال ١٥ دقيقة نظفت المطبخ الكبير كامل كأنة لا يستخدمه أحد مما زاد أعجاب الخدم بيها وحبوها جدآ لأنها تعاملت معهم بكل بساطة و ود. وهذا لاحظتة ناجية،
بهنساوى/ ياااااة من زمان مستمتعتش كدة يا بخت إللى يتجوزك
ناجية/ قصدك أي ،،طبيخى وحش
أميرة بتسرع/ أبدآ يا خالتى أنتى الخير والبركة، ،عمى بيجامل مجاملة جميلة زية ،،طبعآ طبيخك لا يعلى علية دة أنا فاكرة طعمة وحلاوة الرز بلبن ولااااا البسبوسه تحفة
ناجية/ هههههههههه يا بكاشة دة أنتى كنتى صغيرة بلية
أميرة/ لا فاكرة
ناجية بخبث/ فاكرة لما كنتى بتقعدي على رجل إسلام عندى ألبوم صور ليكم مع بعض وياما عملتى حمام على رجلة
،، دعكت أميرة إيدها بتوتر وكسوف ،، وأتى أمام إسلام الفتاة التى تعمل فى الكافية فعلت ذلك، ،،،،
ناجية/ مكسوفة هههههههه فى مرة أمك الله يرحمها جات تزرنى وأنا راجعة من العمرة وأنتى معها ، اليوم دة إسلام مسبكيش أبدآ وكان عندة هنا فى الفيلا المخبآ بتاعة فاكرة
أميرة بتذكر/ أيوة كان بيقول علية العيادة و المستشفى بتاعتة
ناجية بأبتسامة / دوخنا عليكى وقلبنا الدنيا ،،،أميرة ضاعت ،،،أميرة أنخطفت
بهنساوى/ مامتك يومها عيطت عياط وكل همها أبوكى تروح البيت وتقولة أية
ناجية/ جية فى دماغى إسلام فين مختفى ،،قولت أكيد فى المخبآ بتاعة السرى ،،جرينا كلنا لاقيتة هههههههههههههه،مش قادرة أكمل يا بهنساوى هههههههههههه
بهنساوى/ هههههههههه إسلام كان شقى جدآ
أبتسم إسلام لتلك الذكرى التى أتت فى ذاكرتة
مرفت بضيق/ فى أي!!!!!!
نظرت لها ناجية بنصف عين وقالت / عايز تعرفى إللى حصل
إسلام/ مش مهم
ناجية / أقولك يا دكتورة ٠٠٠٠٠٠
عضت أميرة على شيفاها وأخذ نفسها يعلو ويهبط من تلك الذكرى الأن هما كبار وقتها صغار وضع محرج للطرفين...
لقراءه جميع فصول الرواية من هنا