رواية حقى أكون أب
الفصل التاسع 9
بقلم نجلاء فتحى
فى نفس اللحظة يأست أميرة من البحث عن عمل مناسب ليها جلست على الرصيف بين السيارات تريح رجليها التى ألمتها بشدة ،وجدت شئ جعلها تنسى تعبها وتحمست وتقدمت لة ، فتحت باب المحل وعيونها تبحث عن شخص مسؤول،،،،
دفعت الباب الزجاجى للداخل وسارت داخل المحل الكبير فكان للملابس الكجوال،،،سألت عن المسؤول وتفاصيل أكثر عن الإعلان الموضوع على الباب ،
وبعد وقت خرجت مطأطأة رأسها لأسفل من خيبة الأمل تم رفضها مثل السابق ،،من يأسها رجعت بيتها وجدت أبيها نايم لم تستيقظة أطمنت أن علاجة يكفى مدة تنفست براحة ثم غيرت ملابسها السمراء لملابس بيتى وأتوضت وصلت فرض العصر ودعت ربها تجد عمل ،الجميع يريد فتاة غير منتقبة كأنهم يردون الفتاة ملكة جمال لجذب الزبائن لمحلاتهم تعمل أي!!! الفتاة التى فى مثل ظروفها ،،أنتهت ودموعها تسرى على وجنتيها فهى عزيزة النفس ولا تقبل تمد إيدها وتطلب سلف من أحد ،الأن شاغل رأسها أبيها ومرضة وعلاجة أما نفسها لم تفكر فيها ، توجهت للمطبخ تجهز وجبة الغداء،
بقلم نجلاءفتحى عاشقةالكلمات
_______
[فى شقة إسلام ]
أنتهت الخادمة من رص وتقديم الطعام وذهبت للمطبخ ،،ألتقط إسلام معلقتة وسم الله وبدأ فى تناول طعامة بهدوء ،،ومن الحين لأخر ينظر لزوجتة بطرف عينة وهى شاردة ،،،
إسلام/ مالك
مرفت/ فى موضوع
إسلام بهدوء / خير ،،،ثم توقف عن طعامة ونظر لها بكل أذان صاغية،،كلمى البنت تقلل الملح جوزك مريض برضو
مرفت/ بحبة كدة مالح
نده إسلام على البنت التى تعمل عندة وقال حين أتت،،عايز عيش وجبنة بيضا بدون ملح وخيار موجود
البنت بأبتسامة/ موجود بأذن الله، ،و الأكل دة مالة فى حاجة
إسلام/ لا
البنت/ لحمة ورز وسلطة تسيبهم وتأكل جبنة
إسلام/ ملح السلطة صعب وكمان الرز واللحمة ناشفة قوى وفيها لسعة شياط
البنت بلجلجة/ طلب الدكتورة
مرفت بتوتر/ أنا يا كدابة
البنت بخوف/ أيوة ،بأمارة قولتلك الملح الكتير غلط على صحة الدكتور قولتيلى ملكيش فية
،،،،سوى اللحمة زيادة ،،،،قولتلك جهزت حكمتى عليا أحطها بالفرن قولت مينفعش
مرفت/ أمشى على مطبخك
إسلام/ تعالى هنا،،،،،،هى الدكتورة دخلت المطبخ
البنت بربية / المفروض فى طبيخ بسلة بالجزر الدكتورة حطت عليها نصف كوباية برتقان طعمها أستغفر الله العظيم عليهم مش رصتها على السفرة ،،واللحمة كنت عاملها مسلوق ووقت الأكل أحطها فى الطبيخ تغير لونها وحضرتك أكلت من إيدى كذا مرة
إسلام/ أيوة اللحمة بحبها كدة برضو طعمها غريب
البنت/ الدكتورة أخدت اللحمة من الشوربة وغسلتها تحت الحنفية وحطتها فى صنية من غير دهنها وحطتها فى الفرن قبل ميتسخن
الدكتورة بأعتراض/ كدابة مش قاعدة فى بيتى محصلش
البت/ حضرتك واكل الأكلة دى من إيدى كذا مرة، ،مليش مصلحة أكدب،،،عايزة تتعلم أعلمها مش تقطع عيشى
مرفت بتوتر / أ٠٠٠٠،،قطع كلامها رنين الهاتف ألتقطة إسلام من جوارة وضغط على الزر،،،،ألو خير فى أي!!!!!،،،،،،أنتم فين ،،،،،،،،،طيب جاى حالا،،،،،سلام
مرفت/ فى أي!!!!
إسلام بلهفة/ ماما تعبت تعالى معايا
مرفت بلجلجة/ لا،أصل تعبانة شوية ،روح أنت
نظر لها إسلام بعتاب ثم دخل غرفة نومة وأرتدى ملابسة وخرج مسرعآ للمستشفى ،
نفخت مرفت بضيق / وبعدين هو دة وقتة أعمل أي!!! لازم تتعبي دلوقتى ،ألتقطت فونها وأتصلت على مامتها تحكى ما حدث ليها ،ثم عملت أشتباك قوى مع الخدامة أنتهى بطردها
___________
【فى بيت أميرة 】
خير يا بنتى حقك عليا بهدلتك دى يارتنى مضيعت المحل
أميرة/ المحل مضعش فلوسة راحت على علاج ماما الله يرحمها الحمد لله على كل حال بكرة ربنا يفرجها عندى أمل
عبد الحميد بحزن/ رايح لعمك بهنساوى المعرض،،،،
أميرة فهمت والدها يتهرب من حزنة مع صاحبة ،،تنهدت وقامت تلم الملابس لكى تغسلها وهى حزينة على حال أبوها الغير قادر على العمل ،،،
________
بعد مدة يجلس بهنساوى على كرسى على باب غرفة زوجتة حزين ،،أتى عبد الحميد وأميرة
عبد الحميد/ سلامة الحاجة
بهنساوى/ الله يسلمك ،عارفت منين
عبد الحميد/ روحتلك المعرض قالوا الحاجة هنا
أميرة/ مليون سلامة على خالتى
بهنساوى/ يسلمك يا بتى
تنهد بهنساوى/ كانت كويسة فجأة جالى تليفون من البيت قاطعة النفس طلبت الإسعاف وجيت هنا وأتصلت على إسلام وهو جوة مع الدكاترة خايف عليها غيبوا أووى
أميرة/ خير يا عمى متقلقش
أخذ عبد الحميد يواسي صاحب عمرة فهو مر بمثل هذا الظرف فى السابق وانتهى بفراق صعب،،
وأخيرا فتح الباب وخرج الأطباء أتحدثوا باللغة الإنجليزية والجميع لم يفهم شئ مما زاد قلقهم
بهنساوى/ خير
إسلام بتوتر/ خير
بهنساوى بترجى/ أمك بخير صح طمن قلبى
ضمة إسلام من كتفة وقال بعيون حزينة / بأذن الله أزمة وتعدى ،جلطة فى دراعها الشمال، ،زعلة
أتهز بهنساوى مما سمعة/ ج ٠ج٠جلطة ،،لا رد لقضاء الله، ،ثم جلس على الكرسى بتعب أسرعت أميرة لة وجلست بجواره تطبطب علية وتصبرة بكلام يريح القلب ،،، ثم أبتعد إسلام وواقف سند ظهرة على الحائط وعقلة شارد فى أمة ،فأول أزمة تتعرض لها وهو يحبها بشدة ،،نظر لأميرة التى تواسي أبوة أما هو واقف لم يواسية أحد أين زوجتة التى لم تتصل تتطمن ولا تأتى، نفخ وكتم غضبة منها ،،،،
__________
أتى إسلام وأحضر شنط بلاستيكة فيها مياة وعصير وباتية
بهنساوى/ مين لية نفس ياكل
إسلام/ لازم علشان علاجك
وهنا أميرة وجهت لة الكلام ودة أول حديث بينهم فى هذا الظرف ،،بعد أذنك يا دكتور هات الكيس ،ثم ألتقطت منة علبة عصير فتحتها وباكو باتية وقربتهم من فم بهنساوى وتتحايل علية حتى أكل الطعام
فقالت أميرة/ علاجة فين يا دكتور
إسلام/ فى الكيس أكيد نسى يجيبة معاة
أعطتة أميرة الدواء وهى تقول لة بالشفا يا عمى
تنهد إسلام براحة فهو مش حمل تعب أبوة كمان وشكر أميرة، التى قالت لا شكر على واجب عمى ذى أبويا
تانى يوم الظهر وضع ناجية أستقر وأطمنوا عليها
الممرضة/ أنتى بنتها
عبد الحميد/ ذى بنتها خير
الممرضة/ الحاجة ناجية عايزة الحمام
أميرة بتفهم / عنيا حاضر ثم دخلت الغرفة
بهنساوى بتمنى/ خلفة البت بتنفع فى ظرف ذى دة ،،،،لو أميرة مش موجودة الوضع يبقا أزاى
أبتلع إسلام غصة فى قلبة المفروض زوجتة مع أمة ستر وغطا عليها وليست فتاة غريبة تكشف عورة أمة فى هذا الظرف ،،،،
انتبة على خروج أميرة وشوشت بهنساوى فى أذنة ،،شاور بهنساوى لأبنة وقالة بجوار أذنة "- أمك محتاجة غيارات وهدوم خد أميرة معاك الفيلا تجيب ليها هدوم ،،،هز إسلام رأسة بتفهم
بهنساوى/ بعد أذنك يا عبد الحميد أميرة تروح البيت عندى مع إسلام تجيب حاجات لأم إسلام
عبد الحميد بتفهم / ومالة أخت رايحة مع أخوها ،،،
شاور إسلام لأميرة تسير معة لخارج المستشفى ثم ركبت بجوارة السيارة ووصلوا الفيلا دون النطق بحرف
إسلام/ أوضة ماما فوق شوفى عايزة منها أي
أميرة دعكت إيدها بتوتر/ ممكن حد من إللى شاغلين هنا يجى معايا محرجة أدخل أوضة النوم
إسلام بضيق مخفى/ تمام ،،،ثم ندة على خادمة تطلع معها لغرفة نوم مامتة وباباة وبعد وقت نزلت هى بشنطة صغيرة أخذها منها ورجعوا المستشفى، ،،
بقلم نجلاءفتحى عاشقةالكلمات
________
أتى المساء تجلس أميرة بجوار ناجية على حرف السرير تجفف فمها بمنديل ،،،
أتى إسلام وأعتذر على التأخير
بهنساوى/ لو عايز ترتاح أمشى
إسلام/ وأمى هنا مستحيل ،،،لولا فى عملية مكنتش سبتكم ،،،،أنتم قاعدين برا الأوضة لية
بهنساوى/ أميرة جوا مع أمك بتأكلها
إسلام/ تمام،،،،ثم فتح باب الغرفة وجد أمة بمفردها ،،أنحنى ليها وقبل رأسها من الأعلى وقال:- حمدلله على السلامه، ،
ناجية/ الله يسلمك ،،كنت فين
إسلام بحنان/ معاكى من أمبارح ،،،ومشيت ٤ ساعات بس وجيت عندى عملية
ناجية/ ماشى ،،ربنا يعينك
إسلام/ أكلتى
ناجية بأبتسامة/ أميرة أكلتنى
لم يرد إسلام
خرجت أميرة من حمام الغرفة وجدت إسلام وظهرة ليها أنزلت نقابها بسرعة على وشها،،،وقالت:- لو عايزة حاجة تانية يا خالتى أنا برا
لف ليها إسلام برأسة ثم رجع نظرة لأمة تانى
ناجية بأبتسامة/ كتر خيرك يا بنتى تعبتك من أمبارح للنهاردة
أميرة/ تعبك راحة المهم سلامتك عن أذنكم،،،ثم خرجت بهدوء رهيب
ناجية/ مراتك فين
هرش إسلام خلف رقبتة بأحراج وقال بكذب/ مامتها تعبانة
ناجية بعدم تصديق/ سلمتها ،،ناديلى أميرة
إسلام/ أنا موجود
ناجية/ عايزة حمام
إسلام/ أساعدك
ناجية/ أميرة يعنى أميرة
إسلام/ حاضر ثم برم قبضة الباب وفتحة وقال :- أنسة أميرة ماما عايزاكى ،،مرت بجوارة ولم تنظر لة ثم خرج هو وأغلق الباب وجلس بجوار أبوة ،،،،،و والد أميرة
_______
【فى فيلا والدة مرفت】
مرفت/ مش عايزانى أزور مامته لية
الأم/ خليكى تقيلة ،مينفعش ،،،،لازم تحسسية بعجزة ومن غيرك محتاسين
مرفت بعدم فهم/ أزاى
الأم/ دول عالم بيئة عندهم أعتقاد مرات الأبن تشيل ،،، حماتك مخلفتش بنات وأكيد محتاجة بنت تساعدها وياترى مين العبيطة إللى تشيل مرات أبنهم الوحيد، ،مفيش مرات أبن علشان حماتك بتعملك وحش خليها تحس بقيمتك
مرفت بأنبهار/ يا سلااام عليكى يا ماما دماغك حلوة ،،،،ثم قالت بغل:- خليها لوحدها بقا وإسلام يعرف قيمتى. ثم نظرت لوالدتها ،،هو أتصل كتير أمبارح لحد الصبح ومردتش قلبى وجعنى علية وحشنى ملامحة قوى
الأم/ مترديش عادى ،،،أجمدى كدة،،،،قولتلك مفيش حاجة أسمها حب الراجل صفقة لازم تكون كسبانة ،،سامعة ،،لازم يبنى ليكى مستشفى خاصة،،،دة غنى ،،،أقولك أتصلى علية أطمنى ليكون أمة ماتت كدة ولا حاجة ونفرح بالخير وأتجوز بهنساوى والعز دة كلة ملكى
مرفت/ يا سلام لو سألني مش رديت أقولة أي!!!!
الأم/ قولى ٠٠٠٠٠٠
بقلم نجلاءفتحى عاشقةالكلمات
_________
أميرة تتحدث مع أبوها فى زاوية
أميرة/ أروح البيت بسرعة أجهز أكل وأجى
عبد الحميد/ فى أكل
أميرة/ الحاجات إللى كان عمى بهنساوى جابها زيارة لينا أزود حاجات بسيطه بس
عبد الحميد/ ومالة يا بنتى كتر خيرك
أميرة/ أجبلك هدوم معايا
عبد الحميد/ لا،،
_______________
[مر الوقت ]
أميرة فين ،،قالتها ناجية ٠
إسلام / معرفش،،،عايزة الحمام
ناجية/ لا،،،هى بتسلينى
عبد الحميد/ راحت البيت تجهز لقمة ليكى ولينا
إسلام/ لية والمطاعم موجودة هنا
عبد الحميد/ الأكل البيتى أنظف يا دكتور
ناجية/ ربنا يبارك فيكى يا أميرة يا بنتى
الجميع / اللهم آمين، ،،أما إسلام لم ينطق ،،وهنا رن جوالة بأسم زوجتة ،،آستأذن من الجميع وخرج برا الغرفة يكلمها
وقال:- لسة فاكرة تتكلمي
مرفت بألم مصتنع/ أخذت منوم أةة
إسلام بلهفة/ مالك
مرفت/ بطنى مرة واحدة كدة بتتقطع
إسلام/ أنتى فى البيت عندنا
مرفت بكذب/ أيوة
إسلام/ جايلك
مرفت بتسرع/ لا أقصد مامى جاية ،،ثم قالت بمسكنة خليك مع طنط هى بخير
إسلام / الحمدلله جلطة فى دراعها الشمال
مرفت بخضة مصتنعة/ يا حرام زعلتنى عليها طيب أنا جاية
إسلام/ لا يا حبيبتى متتعبيش نفسك لما مامتك تجى كلمينى
مرفت/ تمام، ،أممم وجع البطن صعب سلام
،،،ثم أغلقت الهاتف ونظرت لأمها وقالت :- لازم أرجع البيت وأنتى معايا
الأم بحدة/ بيت اي،،خليكى هنا ولو سألك قولى مامى جات وأصرت أروح أقعد عندها وبس،،،
مرفت هزت رأسة بأيجاب وحاسة مش مستريحه للوضع، ،
،تنهد إسلام حين أغلق مع زوجتة المكالمة ،،أبتسم بمرار وقال :- لو وجع بطنك دة أعلان عن حتة منى جواكى ،، مجرد أمنية صعب تحقيقها، لمح أميرة تأتى فى الممر عارفها من شنطتها وماشيتها ترجل ليها
وقال :- أنسة أميرة
أميرة/ نعم ،،عارفتنى أزاى
إسلام/ عادى ،،،هات أشيل عنك
أميرة/ شكرآ، ،الشنط خفيفة
إسلام/ لا أشيلها تعبتى نفسك
أميرة/ مينفعش دكتور يمسك شنط بلاستك
إسلام/ عادى ،،كدة كدة مش شغال هنا
أميرة/ برضو وضعك عن أذن سيادتك ثم سارت لغرفة أمة
سار هو خلفها ودخل جلس على مقعد ركز معها،،،أحضرت هى طاولة حديدية خاصة للمريض وضعتها على السرير وعقمتها كويس ثم غسلت إيدها ورجعت أفرغت محتويات الشنطة الأولى على الطاولة وكانت عبارة عن ربع فرخة مسلوقة وأرز أبيض وشوربة لسان عصفور وزجاجة مياة معدنية ،،ثم وضعت فوطة على صدر ناجية بعد تعديل وضعية جلوسها حتى تعرف تأكلها وجلست بجوارها تأكلها برفق ولين ومن الحين تجفف فمها وبعد الإنتهاء غلست فمها بالمياة والصابون ،،ثم نظفت مكانهم ،،،،ترجلت وحركت طاولة خشب بالغرفة لمنتصف الغرفة والكراسي إيضا وعقمت الطاولة ثم أفرغت محتويات الشنطة البلاستيكية الثانية ودعت الجميع يتناول وجبتهم وكانت عبارة عن فراخ مشوية وأرز وسلطة ومخلل فهذا إللى مستطاع فى بيتها
كانت ناجية تنظر لأميرة وعلى وجهها أبتسامة تمنى ورضا وفعلا أكل الجميع من جوعهم وشبعوا وهى كمان أكلت وبعد الطعام نظفت الغرفة ورجعت كل حاجة لمكانها
ناجية/ أستريحى شوية
أميرة/ مش تعبانة
ناجية/ لو ليا بنت مكنتش عملت كدة
بهنساوى/ عندك حق يا حاجة
أتكسفت أميرة وطأطأت رأسها لأرض بخجل ودعكت إيدها
إسلام/ أتصل على الكافتريا تشربوا أي!!!
أميرة/ جايبة كاتل وشاى وسكر وكوبايات ،،ثم قالت بكسوف ممذوج بلجلجة،وقهوة لحضرتك
ناجية بمكر / عارفتى منين إسلام بيحب القهوة بعد الأكل
أميرة بلجلجة واضحة/ ق٠ق٠قالى لما كان عندنا
ناجية بمكر/ أممممم ماشى، ،،،هربت أميرة من الموقف وتجهز المشروبات الساخنة
بقلم نجلاءفتحى عاشقةالكلمات
___________
مرت ٣ أيام وأميرة تبات فى المستشفى مع ناجية وتذهب مرة فى النهار لبيتها تجهز الطعام وترجع بية للمستشفى تانى وكانت مهتمية بأدوية أبوها وبهنساوى وناجية ،،حتى إسلام يذهب لعملة فهو طبيب جراح ولا يصح ترك عملة ،،ثم يرجع لأمة تانى ومتابع زوجتة التى تصتنع المرض بالهاتف ، وبهنساوى وعبد الحميد يذهبوا لمنازلهم ثم يرجعون الصبح ،،،،،من الأخر أميرة شالت حمل ناجية
______
جهزت أميرة ناجية وفى أستعداد رجوعها لمنزلها لم تشفى تماما فقد تركت لها الجلطة آثر فى زراعها الشمال وتوجهوا جميعآ للفيلا بعد أصرار من ناجية بتواجد أميرة بجوارها وأبوها محرج يعترض ،،،يعلم ليس لديها أبنة تساعدها.
بعد هذا اليوم أصر بهنساوى إقامة صاحب عمرة فى البيت معة رفض حتى تكون الحاجة ناجية على راحتها أقنعة بهنساوى الفيلا فيها غرف كتير لكنة أصر على الرحيل ،،تعلقت عيون أميرة بأبيها فهو مريض قلب ولا يصح تركة بمفردة لم يشعر أحد بيها ولا يرى تعابير وجهها الحزين بسبب نقابها ،أستسلمت للوضع فهى ليس لديها جراءة على كسر كلمة الكبار ،،،أما إسلام متضايق بأى صفة تجلس مع أمة رحل لبيتة الذى لم يدخلة منذو تعب والدتة ولم يعاتب زوجتة على عدم زيارتها لأمة ،،،
___________
شعرت مرفت لازم تزور حماتها فهى لم تعرف بقرب أميرة لحماتها خلال الأيام السابقة،،فرح إسلام أنها قررت ذلك من تلقاء نفسها وذهبوا
فتح غرفة أمة ودخلوا بعد أستأذانهم سلم على أمة كالعادة لكن هى قابلت زوجتة بملامح باردة ،،
ناجية/ لسة فاكرة تزورى حماتك بعد أسبوعين
قلبت مرفت عيونها بملل/ كنت تعبانة ،وإسلام عارف كدة
ناجية بسخرية/ أمممم سلامتك وجيتى لية
إسلام/ أمى لو سمحتى مرفت كانت مريضة ولما خفت جات تزورك
ناجية بضيق/ كتر خيرها
مرفت/أنتى يا ياللى لابسة خيمة أنتى أعمللى قهوة ،لم تتحرك أميرة من مكانها ،،نفخت مرفت وقالت:- طرشة مبتسمعيش أمشى أطلعى براااااا قاعدة مع أسيادك لية خدامة حقيرة جربوعة
ناجية/😡😡😡😡😡😡
إسلام / 😲😲..
لقراءه جميع فصول الرواية من هنا