رواية حب المراهقه 2
الفصل السابع 7 ج1
بقلم نور ربيع
سبحان الله 🧡
نور بلا مبالاة: مرات ابويا اه محدش ليه دعوه اقول اللي انا عاوزاه
مهران بغضب: لا دا انتي بنت
امينه بسرعه: مهران مهران بس بس انا قابله من نور اي حاجه: بابتسامة: هي الكل في الكل هنا تقول و تعمل اللي هي عاوزاه
مهران بغضب: لا دا انتوا ما دلعنها علي الاخر بقا هو اي ده
شهد بزهق: انت عايز تعمل مشاكل و خلاص مع ده و ده هي قابله كده من بنت جوزها خلاص
نور ببرود ل مهران: اللي مش عجبه يمشي البيت بتنا والله … راحت ماشيه علي الاوضه
مهران بغضب منها شديد: تصدقي انك ما شوفتي تربيه واحده أبداً
امينه: بس يا مهران
نور درات ضهرها ببرود ليهم: طيب تعال انت ربيني يا غالي تعال يلا
شهد بذهول منها: نهار ابيض عليكي
مهران جه يقرب منها بغضب معمي
راحت امينه وقفت قدامه بسرعه
امينه بغضب: مهران بس ما تردش عليها هي شايله مننا كلنا كدا سبها بقا
مهران بشده غضب: انتي مش شايفه اللي هي بتعملو
امينه اتنهدت بحزن: سيبها انت برضو قبل كدا غلطت فيها هي مبقتش تسيب حقها لحد خلاص بقي اقعد
شهد افتكرت لما كانت تعبانه في ايطاليا و كانت محبوسه
اتنهدت بدموع محبوسه في عيونها راحت ليها مسكت ايدها
شهد بابتسامة كلها حزن: بس خلاص اهدي تعالي تعالي احكيلي لبستي النقاب امتي و احكيلي عامله ايه في الدروس
نور بعصبيه: كان نفسي اديلو كلمتين حلوين
شهد كتمت ضحكتها: سبيها عليا تعالي بس… راحو دخلو الاوضه بتاعتها
_______________________
عند وليد كأن بيكلم كريم في الفون
وليد بغضب: يا جدع دا انا زهقت منها دي بتعمل عمايل والله العظيم
كريم بضحكه شديده: طيب والله تستاهل هي معاها حق
وليد بغيظ: انت كمان عليا علشانها والله انت و هي ما ليكم حل يا اخي
كريم بضحكه: خلاص يا عم اهدي انا بهزر معاك …بتنهيد: بس ان جيت للجد معاها حق اللي حصلها ده مكنش ينفع يحصل ليها والله و خصوصأ وهي بتحبك كمان من الاول
وليد اتنهد بحزن: اللي حصل بقا صدقني اتخدعت في الست ميار و ظلمتها بس صدقني هخليها تنسي كل حاجه والله بس تديني الفرصه هي بس
كريم بثقه وهدوء: عارف والله وواثق فيك كمان و انك هتخليها تنسي كل حاجه كمان حصلت ليها وحشه في الدنيا دى بس اديها وقتها
وليد بتعب بيأس شديد: لحد امتي بس لحد امتي تعبت و يأست حقيقي يا كريم
كريم اتنهد بحزن و تفكير: سبها علي الله
_________________________
في منزل هاني تحديدأ في غرفه اللي فيها البنات
في الوقت ده كانت ليلي موجوده
شهد بابتسامة:انا شهد عبدالله عندي 18 سنه: بحزن و سخريه: للاسف انا كنت المفروض ابقي في اولي جامعه بس لسه في تانيه ثانوي عام
نور ضحكت بحزن شديد: حالك زي حالي والله يا اختاه
ليلي بابتسامة حزن: حبيبتي متزعليش دا نصيبك كده والله بصي بقي انا ليلي جابر عندي 19 سنه داخله علي 2 جامعه حقوق ان شاءلله السنه دي: ضحكت: انا طيبه اوي والله نبقي صحاب ان شاءلله
شهد بضحكه و بابتسامة: احلي ليلي والله انا حبيتك يا للوشتي
نور بغيرة: بس يا بت انتي انا بس اللي اقولها للوشتي اتلمي علشان بغير علي فكره والله
ليلي ضحكت جامد: يا انهار ابيض علي الغيرة بس احسن تكلك
شهد بضحكه: خلاص خلاص ليه كل ده
نور بضحكه وغرور: ايوه كدا اتعدلي
البنات ضحكو
_________________________
في الوقت ده كريم جه هو و ساره
كريم بابتسامة: السلام عليكم ورحمة الله وبركاته
هاني بابتسامة: عليكم السلام ورحمة الله وبركاته
امينه بابتسامة ل ساره: عامله يا ساره
ساره بابتسامة: الحمدلله يا طنط: حضنتها بابتسامة
و بعد السلام و المعرفه ما بينهم
في غرفه البنات
نور بابتسامة: كنتي وحشاني يا حياتي والله اوي
حياة بابتسامة طفوليه: انتي كمان وحساني مامي
نور بابتسامة: يروحي انتي
ساره بضحكه: اللي عملتو ما يتعملش أبداً اليومين اللي كريم اخدها فيهم
نور بزعل: يا حياتي انتي كنتي زعلانه علشان مكنتش معاكي
حياة بحزن: اه
نور حضنتها بابتسامة حزن
شهد باستغراب: هي دي بنتك انتي و كريم منكم..؟
نور بابتسامة: لا هي بنت كريم و حياة مراته الله يرحمها يارب لكن انا اللي ربيتها وهي عندها كام شهر بس
شهد بابتسامة: بس حبتيها بقا
نور بحب:اوي دي روح قلبي لا مش بس كدا حياتي كلها
شهد بابتسامة: ربنا يديمكم لبعض يروحي يارب
نور بابتسامة: يارب و يديمك لينا يروحي
ليلي بضحكه: احكيلي بقا يا ساره انتي ازاي بتعرفي تسوقي عربيات ازاي الحادثة و اللي حصل سوقتي العربيه
شهد بفضول: اه انتي بتعرفي تسوقي يا ساره مين علمك.؟
ساره اتنهدت بضحكه حزن: حياة مرات كريم الله يرحمها ويجعل مثواها الجنه يارب هي اللي كانت دايما تعلمني تقولي علشان لما تتجوزي جوزك يجيب ليكي عربيه يبقي بتعرفي تسوقي هي كانت بتعرف تسوق العربيه كان عندها عربيه الله يرحمها…ضحكت بحزن شديد
نور بابتسامة حزينه: ما هي يا بنات كانت حياة سعوديه مش مصريه كانت متربيه هناك لما كريم راح هناك في الاول خالص اتعرف عليها و اتجوزها كانو شركاء في الشركه كل حاجه
شهد بحزن: يا خساره كانت قصه حب اكيد جميله بس ماتت للاسف الله يرحمها يارب
ليلي بفضول: هو مش هيتجوز تاني خلاص
البنات ضحكو جامد
ليلي باستغراب: اي اللي يضحك منك ليها
ساره بضحكه شديده:دا سؤال الله اعلم بقا …بحزن: لو حب يتجوز …قالت جواها بحزن شديد عليه: اول حب لي ماتت تاني حب مش من نصيبه للاسف و اعلم هتبقي ل اللي بتحبه ولا لا …اتنهدت بحزن شديد: ياربي علي وجع القلب و الحزن
شهد بضحكه: مالك زعلانه عليه كده ليه قولي ثالث مره
نور بضحكه حزن: خير يا ليلي ان شاءلله خير يمكن يحب محدش عارف
ليلي اتنهدت بضحكه حزن: ان شاءلله
_________________________
في منزل السيوفي
في غرفه اميره كانت قاعده تقرا في المصحف
محمد جه في الوقت ده
اميره كانت خلصت بعدها قالت الدعاء راحت قامت شألت المصحف
اميره بتعب: انا هدخل احط الاكل اهو خمس دقايق ان شاءلله يكون عندك
محمد قاعد علي السرير: لا متجبيش حاجه مليش نفس انا هقوم ابدل هدومي و اصلي و نام
اميره: لا مش هينفع تنام من غير اكل انت لسه جاى من الشغل
محمد بزعيق: قولت مش عايز انني مش بتفهمي
اميره بحزن شديد: انت بتزعق ليها متعرفش تتكلم بالهدوء خالص
محمد بحزن شديد: انتوا مفيش حاجه نافعة معاكم اصلا هدوء ولا الزعيق ولا الغضب
اميره بدموع: انا عارفه ان اللي حصل من ميار ده مقصر عليك اوي بس بس…بيأس و عياط: مش عارفه اقول اي احنا فعلا معرفنش نربيها كنا ما دلعنها علي الاخر كانت ايدها مليانه بس للاسف جاحدت و شيطانها ضحك عليها بقي قلبها اسود
محمد بحزن ونفس اليأس: متقوليش حاجه متقوليش حاجه هتقولي اي انتي
اميره بدموع وحزن: محمد محدش عارف الخير فين والله يمكن تتعلم من اللي عملتو متزعليش نفسك
محمد بخيبه امل: يمكن دا يمكن بقا
اميره قعدت على السرير بعياط وحزن ويأس من ميار و خيبه امل فيها
محمد نفس الشئ جواه بقا يأس من ميار و خيبه امل فيها
_________________________
في غرفه امال
امال بحزن: عبدالله يعني مش بتسأل على شهد كدا..؟
عبدالله بسخرية: وانا اسأل ليه مش هي اللي مشيت مش عاوزه حد فينا
امال بحزن شديد: هي مش مشيت بارادتها والله هي قالتلي انا عاوزه مهران اعيش معاه عشان ما ياخدش مني الولد علشان بيهدد فيها و احنا مش عارفين
عبدالله بغضب: امال اسكتي هي مش عايزه تعيش معاها بارادتها وهي اللي خايفه منه قالتلها اي..؟ ها مش قولتلها مش هيقدر يقرب منكم هحميها بس هي مش عاوزه تسمع الكلام يبقى تسكتي ما تجيبيش سيرتها قدامي يا اما تغوري انتي كمان من قدامي
امال بدموع وحزن منه: انت متعرفش تتكلم براحه ابدا كل كلامك زي الدبش كده وبعدين هي مش صغيره خليها تعمل اللي هي عاوزه انا اكتر واحده كنت هتجنن عليها بس هي قالتلي ان هو بيعمل ليها كل اللي هي عاوزه ولا بيزعلها ولا حاجه انا مطمئنة عليها
عبدالله ___
امال مسحت دموعها بحزن: طيب ماتردش هي كدا كدا دخلت علي الشهر الرابع و الايام بتعدي بسرعه و بكره تولد و ربنا يسهل الحال و ربنا ما يجيب غير الخير وبس يارب…بابتسامة حزن: وبعدين هي حامل بولد هي كانت حاسه بكدا دي من دلوقتي سمته لا مش من دلوقتي من اول اسبوع عرفت فيه انها حامل سمته و فرحانه بيه انت كمان افرح و سبها علي الله مفيش غير كل خير والله ان شاءلله ربنا يهدي جوزها عليها و يسيب ليها الولد بقا
عبدالله اتنهد بحزن شديد: ربنا يهدي الحال ليها و يسترها عليها في كل وقت مينفعش اللي هي عملتو ده ليه القلق ده فينا عليها هو احنا كنا ناقصين خوف وقلق عليها كفايه الكسرة اللي احنا كنا فيها لما افتكرنها ميته
امال بحزن: ربنا يسترها عليها هي و البيبي يارب يارب
و يحميها يارب من عنده
عبدالله بحزن: يارب
______________________
في منزل هاني
هاني بابتسامه ليهم: والله يا جماعه انتوا منورينا ومبسوط انكم موجودين
كريم بابتسامة: دا نورك والله ي عمي
مهران قام بابتسامة: دا نورك يا غالي تسلم
هاني باستغراب: اقعد انت رايح فين؟
مهران: همشي بقا هروح مشوار كدا شويه كدا ابقي اجي اخد شهد
كريم بابتسامة: اول مره اشوفك يا معلم بس ما لحقناش نقعد مع بعضينا اهو بس احلى قاعده معاك والله
مهران بابتسامة: انبسطت بقعدتك معايا يا ابو حياه تتعوض كتير القعدة باذن الله و اتشرفت بمعرفتك والله
كريم بابتسامة: دا الشرف ليا والله
هاني بابتسامة: تتعوض تاني بقى القعده دي يا رجاله ان شاء الله
كريم بابتسامة: باذن الله
مهران بابتسامة: ان شاءلله ربنا يسهل يا غالي
امينه طلعت من غرفه البنات
امينه باستغراب: انت رايح فين اقعد انت لحقت تقعد
مهران: معلش بقا يا حبيبتي عندي مشوار دلوقتي هبقي اجي ان شاءلله و نقعد مع بعض كتير باذن الله
امينه بحزن: طيب ان شاءلله طيب سيب شهد بقا ما لحقتش اقعد معاها ولا هي ولا البنات بسبب رهف وابراهيم عمالين يعيطو
مهران بضحكه: ما هي هي عندك خليها لو عايزه تخليها عندك على طول يا حبيبتي خليها
امينه بابتسامة وضحكه: اسكت دي عسل ده انا بحبها
_________________________
في الغرفه الثانيه غرفه البنات
ليلي بحزن شديد: بنات عمي جايب ليا عريس وانا … بدموع تلمع في عيونها وضيق: وانا معقدة من الجواز مش عاوزه اتجوز
نور بفرحه: بجد وفقي يروحي
شهد باستغراب: وانتي معقدة من اي انتي المفروض تبقي مبسوطه
ساره باستغراب وحزن: انتي زعلانه ليه بس و مش فرحانه كده هي في بنت في الدنيا دي ما تفرحش بحاجه زي كده بالعكس دي كل البنات بتبقى مبسوطه وانتي اللهم بارك سنك ده حلو للجواز وكده وانتي متعلمه وكل حاجه والحمد لله و ميت الف واحد يتمناكي بس يكون واحد شبهك وكل حاجه اهم حاجه بكل الصفات اللي انتي تتمنيها عشان بعد كده ما تندميش على حاجه ويكون متدين
نور بحزن عليها: مالك يا ليلي زعلانه ليه بس مش فرحانه ليه لازم حياتك ما تقفش على حد ما تفضليش في الماضي الكداب ده عشان كده هتتعبي مش هينفع تفضلي لوحدك طول العمر وانسي اللي فات
ليلي بدموع وضيق: انا معقدة بسبب اني كنت بحب واحد بس هو كذب عليا بالحب و الحوارات بتاعته و كل ده
ساره فاهمت: اها اللي هو كان متفق مع ميار ده
نور بحزن شديد: اه هو ده
ساره بحزن شديد: ربنا يسامحه يا حبيبتي متزعليش ولا توقفي حياتك علي حد زي ما نور بتقولك كده
شهد بعدم فهم: انا مش فاهمه حاجه في اي و اي اللي حصل مين ده
ليلي بحزن وندم: اللي حصل بقا ربنا يسامحني
نور بصت ل حياة لقتها نايمه
نور بفرحه: احسن حاجه انها نامت علشان كريم ما يخدش حياة …راحت شالتها راقضتها علي السرير و غطتها
ساره ضحكت: انتي عاوزه تخدي البت وخلاص
نور بضحكه: اه دي روحي
شهد بزعل: لو مش حابه تقولي حاجه خلاص متقوليش يا ستي …بحزن شديد: بس انا كمان كنت بحب بس للاسف مكنش من نصيبي و عملت ذنوب كبيره الاسف
ليلي بسرعه: لا مش موضوع كدا انا هقولك يا حبيبتي اكيد
ساره بحزن: متزعلوش يا بنات دا خير ليكم والله اللي مش من نصيبكم دول خير والله هو اه حرام اللي انتوا عملتو بس ربنا يسامحنا جميعا كلنا بنغلط
نور بحزن عليهم: صح يروحي انتي وهي والله متزعليش علي حاجه انتي وهي قولي الحمدلله انها بتجي علي قد كدا وربنا طلعهم من قلوبكم بقا
_________________________
بعد شويه كانت كل واحده خلصت حكايتها كامله
نور اتنهدت بحزن شديد: كل واحده حكايتها انيل من التانيه الحمدلله يارب علي اللي احنا فيه
شهد بدموع وحزن: بس انا كنت بحب احمد اوي بس مهران هو سبب كل حاجه والله
ساره بحزن شديد: بصي انتي وهي بقى انتوا كنتو بتعملو ذنوب كبيره اوي بس رحمه ربنا واسعه اوي علينا والله ربنا بيغفر وبيسامح وبيقبل التوبه مره واثنين وثلاثه والحمد لله على اللي حصل لحد كده كويس ما حصلش حاجه اكبر من كده واللي حصل ده ليكم ده ابتلاءات من ربنا عشان يصحيكم اللي من انتوا بتعملوه احمدو ربنا وما تزعلوش اقبلو بالواقع وانتي كمان يا شهد اقبلي بالواقع وحبي جوزك زي ما هو بيحبك علشان مش هينفع تسيبيه مش هينفع ابنك يتربى من غير اب وهو نفس الكلام ابنك مش هينفع يتربى من غير ام حاولي تحبيه طالما هو بيتمنى التراب اللي تحت رجليكي وسامحيه ربنا بيسامح ويغفر فانتي سامحيه واقبالي الحب ده منه وانسي اللي فات حاولي تنسي انا عارفه ان انا مش في مكانك ومش حاسه بيكي بس سامحي وخلي قلبك ابيض وصفي النيه ما بينكم وانسي وانتي يا ليلى حبي يا ليلى واتجوزي وانسي اللي فات وربنا يقبل منك التوبه باذن الله وانتي ياليلي اتجوزي وحبي وتحبي وانسي ما تتعبيش نفسك
ليلي بعياط وحزن شديد: والله نفسي ربنا يسامحني و نسي اللي فات الحمدلله موقعتش في فتنه ولا حاجه من دي كلها و ماما سامحتني وعمي ما عرفش حاجه كان زمانه دبحني مكنتش هقدر اتحمل حاجه في ماما والله العظيم بسببي
نور بحزن: بعد الشر عليكي يا روح قلبي ما تقوليش كده وبعدين دا والله ربنا ابتلاكي بالحاجه دي علشان يشوفك هتتحملي ولا لا وهتبطلي الذنب ده وربنا الحمد لله طلعو من حياتك الشر ده من زمان وفعلا ربنا اختبرك وشافك انتي بتعملي اي كويس هتقدري تنسيه وهتبطلي الكلام معاه ولا لا اهو فعلا قدرتي على كده قدرتي انك انتي تبطلي كلام معاه وبطلي الذنوب ده كفايه والله ده ربنا اداكي حسنات عليها وقدرتي تقومي الشيطان وما خلاكيش تعملي ذنب اكبر من كده احمدي ربنا كفايه عليكي كفايه دي بس انك انتي قدرتي وطلع من قلبك خلاص
شهد بحزن شديد: بس انا مش قادره احب مهران حتى لو احمد طلع من قلبي خلاص بس فاكره كل حاجه حلوه وحشه في حياتي
نور بحزن: انسي يا شهد علشان خاطر ابنك علي الاقل
ساره قالت بحزن شديد جواها: مش كل اللي بنحبهم بيكونو لينا فعلا اهم دول حبو وللاسف ما كانوش من نصيبهم بس يمكن علشان خاطر الذنب ده ربنا ما خلهوش ليهم هو ايوه فعلا والله فعلا عشان دي ذنوب وده ما ينفعش مش يرضي ربنا يا ساره دي علاقات محرمه لا ترضي ربنا ابدا ده مش حب اصلا لما بدأت احس اني بحب اهو حبيت واحد هو نفسه معقد اصلا معقد من كل حاجه في حياته هو نفسه شايف انه مخذول وحكايته صعبه جدا…بسخرية وحزن: حب هو انت عشان عجبته بشخصيته شويه يبقى ده حب وحسيتي ان قلبك دق لي بطلي يا ساره بلا حب بلا بتاع حب اي سيبك من كل ده انتي في عالم وهو في عالم تاني خالص
نور عشان تلطف الجو وتخليهم يضحكو: قسما بالله يا بنات احنا حبينا شويه اغبيه فعلا وخصوصأ بقى انتي يا شهد جوزك مهران اللي هو و زير النساء ده اخو مرات ابويا اوعى تحبيه اوعي كده
ساره ضحكت بحزن شديد: خليكي محضر خير يا غاليتي
ليلي بضحكه حزن: فعلاً والله بس ربنا يعوضنا يا بنات والله يارب بالحاجه اللي احنا بنتمناها من ربنا
ساره و نور: يارب
شهد بضحكه حزينه جدا: ده ده السبب خراب حياتي والله ان جيتو للجد يا بنات
في الوقت ده امينه فتحت الباب دخلت
امينه بغيظ: سمعت كلمه وزير النساء هو بيحبها وهي كمان هتحبه ان شاءلله
نور بغيظ منها: انتي و اخوكي شايله في قلبي منكم والله اوي
ساره بضحكه: قلبك ابيض بقا
ليلي بابتسامة: امينه بتحبك يا نور اوي قسما بالله ما تعرفيش كانت هتتجنن عليكي ازاي من ساعه ما اختفيتي كانت ليل نهار كده بتعيط وتدعي انك انتي ترجعي البيت والله بتحبك اوي انا اكتشفت فعلا كده ما كنتش اتوقع منها كده خالص
شهد بابتسامة: وانا بحب اوي امينه بحبها اوي وهي طيبه والله يا نور سامحيها وربنا يسامحنا جميعا يا رب
ساره ابتسمت: اللي فات مات انتي كمان يا نور انسي انتي قلبك ابيض اوي وجدعه وبتسامحي وبتنسي بسرعه سامحيها وانسيها اللي فات بقا
امينه ابتسمت بحب ليهم: ونا كمان بحبكم يا بنات والله العظيم …فتحت دراعها بابتسامة ليهم
ليلي و شهد و ساره قامو حضنوها بابتسامة وحب ليها
ساره بابتسامة: نور
نور اتنهدت بحزن شديد منها: اللي انتي عملتيه فيا وحش اوي وانتي و اخوكي زي بعض والله
امينه بحزن: سامحيني يا نور بقا بالله عليكي
نور سكتت ل ثواني بحزن شديد قالت
بحزن شديد مالي قلبها منها نور: خليها على الله
امينه بابتسامة حزن: ونعم بالله حاسه انك هسامحيني يا نور عيني و انك كمان بتحبيني والله
نور بتنهيد وحزن: انا مش بكرهه حد