الفصل السادس والثلاثون 36
بقلم نور ربيع
صلي على الحبيب المصطفى ❤️
في منزل السيوفي
كان بعد العصر
احمد طلع من الجامع هو و وليد
اميره بابتسامة: يلا يا شباب علشان الغداء
شهد حطت الاكل على السفرة هي سميره …امال قعدت و الكل منهم بابتسامة و فرحه في قلوبهم
ميار بابتسامة: احنا نشغل اغاني يا وليد
سميره بتوتر: احم
وليد بهدوء: لا
شهد بزهق: عاوزين نفرح شويه نشغل شويه صغيرين بس علشان خاطر نحس ان في عندنا فرح بقا
وليد: الفرحة في القلب مش بالاغاني و كل ده
ميار ضحكت: عاوزين نرقص
شهد بضحكه: اه والله
اميره بضحكه: لا ما انتي حامل مش هينفع ترقصي يا شهد
امال بضحك: مش مهم مين حامل دلوقتي المهم عاوزين نرقص
سميره بــ اقناع فيه: نشغل شويه بس يا وليد
احمد بسخرية: يعني هما شويه الصغيرين دول هيرد ليكم روحكم يعني منك ليها
ميار: احنا نشغل شويه بس وخلاص
وليد بهدوء: ساعة كتب الكتاب بليل ان شاءلله
اميره: اه صح كدا يبقي كفايه عليكم كلي وانتي ساكته بقا انتي وهي
ميار بزهق: طيب
شهد بضحكه: والله انتوا عالم تشل اوي
وليد بسخرية: لا سلامتك من شلل
امال: كلي يا شهد
احمد قام بزهق من ع الاكل
سميره باستغراب: انت اكلت بسرعه
احمد: شبعت الحمدلله يا مرات عمي راح ماشي
(يا جماعه ربنا قالنا افرحوا عادي بس بالحلال بدل الأغاني فيه اناشيد افراح كتيررر اوي واللهم بارك تحفة وبالدف وبترقص عليها عادي الأغاني حرام لان بها موسيقي وده حديث صحيح عن النبي صلى الله عليه وسلم "سيكونن من امتي اقوام يستحلون الحر والحرير والخمر والمعازف " ويستحلون يعني يحللون يعني هي حرام اصلا وكمان حرام لو فيها كلام مش كويس لكن لو مفهاش موسيقي او كلام مش كويس يبقي حلال يا قمري )
_________________________
في منزل هاني
امينه بحزن جواها: طيب وبعدين بقي فين نور دلوقتي و ميار امتي تتكشف بقي انا عاوزه نور ترجع باي طريقه وعايزه حقها يرجع عارفه اني ظلمتها كتير بس مش زي ميار ابدا والله نور انا متاكده انها هتسامحني والله لكن هي عملت اكبر غلطه في حقها اتهمتها في شرفها…بحيرة اتكلمت بصوت وتنهيد: عاوزه اعمل ايه حاجه بس اعمل ايه بس دلوقتي حيرانه اوي عايزه نور ترجع باي طريقه يا رب هي اللي تعرف تتصرف في كل حاجه
امينه فكرت في حاجه بعدها قالت بتوعد لي ميار: وحياتك يا ميار لقلب دماغك زي ما عملتي في نور كدا
_________________________
في منزل السيوفي في غرفه احمد
احمد كان بيكلم مازن في الفون
احمد بتنهيد: باذن الله بعد الفرح راجع هرجع في نفس اليوم
مازن بابتسامة: ان شاء الله يا صاحبي ربنا معاك عقبالك
احمد بابتسامة بسيطه: تسلم ياغالي عقبالك انت كمان
ميار خبطت و. دخلت
احمد بهدوء: هكلمك وقت تاني يا مازن
مازن: تمام يا غالي في حفظ الله
احمد: في حفظ الله … وقفل
احمد بزهق: عاوزه اي يا ميار
مياربابتسامة: وحشني يا احمد اوي احنا بقلنا اكتر من سنتين ونص وداخله تالت سنه هو احنا متخاصمين مش هتصالحني بقى
احمد: لا … ميار مسكت في جامد بدموع
ميار بدموع وحزن: لازم نتصالح مش هسيبك غير اما تصالحني
احمد بغضب: بس انا مش عايز اصالحك ابعدي بقى
ميار بدموع و عند: لا علشان
احمد بتنهيد و زهق: بس انا مش عاوز اتكلم معاكي يا ميار
ميار بحزن: انا معرفش ليه كل ده اصلا انت ايه اللي خصمتني لوحدك والله من الاول
احمد بحزن: اللي تمشي بدماغها ما تسمعش كلام اخوها اللي اكبر منها يبقى دا اسمه ايه
ميار بدموع: بس دا حلمي من زمان الحلم اللي كنت بحلم بيه طول عمري
احمد ببرود و استهزاء: والله امم تمام ابعدي بقا كدا علشان مش عاوز ولا كلمه منك اكتر من كدا … زقها وقعت في الارض اتخبطت في السرير
ميار بدموع وجع: ااه احمد
احمد راح ليها بلهفه وزعل من نفسه: ميار مالك
ميار بدموع: خبطتيني في السرير اتخبطت في ضهري بسببك
احمد بحزن: حقك عليا قومي
ميار بدموع: انت مصالحني صح ومش زعلان مني
احمد بحزن شديد منها: تؤتؤ
ميار بقت تعيط اقوي: وانا مش مسامحك اصلا
احمد بهدوء قوامها في حزن: اهدي ليه العياط ده كلو …بتنهيد حزن منها مالي قلبه.: مسامحك خلاص
ميار مسحت دموعها بفرحه: وانا بحبك كتير اوي اوي …
احمد بتنهيد: وانا كمان بحبك يا حبيبتي
ميار: بابتسامة ربنا يديمك ليا ي روح قلبي انت بحبك يا حميدو
احمد ضحك ضحكه بسيطه: خلاص يا ميار عرفت انك بتحبيني كفايه دلع بقا فيا
ميار ضحكت جامد
_______________________
و بعد وقت طويل
كأن منزل السيوفي مالي بالناس
و الفرحة عارمه في قلوبهم
في غرفه ميار
ميار كانت لبست الفستان كتب الكتاب السواريه اللي اخترته هي كانت جهزت نفسها هي و شهد
و كأن كل منهم كان جاهز
ميار بابتسامة: ها اي رايك فيا يا شهد
شهد بابتسامة: اللهم بارك والله شكلك قمر اوي ياقلبي لو من غير ميك اب كمان كنتي هتبقى قمرين
ميار بابتسامة: حبيبتي انتي احلي طبعاً بس انا حابه الميكب بقا
شهد بابتسامة: هو حرام بس ربنا يهدينا جميعا
ميار: امين
الكل لابس الهدوم والفساتين اللي اختاروها هو كانو فرحانين جدا وشكلهم جميل خالص
و امال لبست فستان الستان اللي اخترته
(لو الفرح منفصل حطي ميكب واعملي ال عايزاه طالما مفيش رجاله لكن حتي في فرحك اعملي حساب انك ممكن تموتي في أي وقت هتقولي ده كام ساعه وفرح وبتاع هقولك هتتحاسبي علي كل ده انت مش قد جهنم
ويجماعه خدوا بالكم في الافراح الاسلاميه لو انت قالعه النقاب وكده ممكن بنات تصورك عادي لكن إخواتهم يفتحوا الفون او حاجه ف خلوا وقت معين للتصوير تكوني لبستي نقابك او شيلتي الميكب وربنا يفرحكم جميعا يا سكاكر )
_________________________
وليد لبس البدله اللي اختارها هو بدله كلاسيكي لونها ابيض جواه مبسوط جدا فرحان بــ ميار من جواه وحبه ليها
اخد البرفان بابتسامة مرسومه علي ملامحه و رش منه اخد الساعة بتاعته الفخمه لونها ذهبي لبسها بابتسامة جواه
_________________________
احمد لبس هو ايضا البدله اللي اختارها وليد ليه اللي عبارة عن/ جاكيت بدله رصاصي عليه تيشرت ابيض بتاع البدله من تحت و بنطلون البدله نفس اللون رصاصي … لبس الساعة بتاعته السوده حط بعدها برفان
_________________________
امال دخلت عند البنات بابتسامة
امال بابتسامة وعجاب فيهم: اللهم بارك يا بنات اي القمر ده
ميار بضحكه: والله العظيم ما حد قمر غيرك يا قمر انتي
شهد بضحكه وغرور: دا اقل حاجه عندنا يا ماما
امال بضحكه: ربنا يحفظنا من اي عين وحشه يارب و و يفرح قلوبنا كده دائما
شهد و ميار بابتسامة: يارب
سميره دخلت بابتسامة: يلا علشان المأذون جه بره وليد بينادي عليكي
اميره دخلت بابتسامة: اللهم بارك ربنا يحفظكم يا بناتي يارب: اتنهدت بحزن جواها قالت: ياريتك كنتي موجوده يا نور ياريتك والله اليوم اللي هشوفك كدا فيه قدامي مستحيل اسيبك تروحي كده من حضني تاني يا بنتي
_______________________
في منزل كريم
نور دخلت الاوضه بتاعتها بتعب قعدت على السرير
حياة جت قعدت جنبها واتغطت
نور بتعب: قومي يا حياتي ما تناميش عشان ما تسهريش بالليل
نور بنعس و طفوليه: نعسانه يا ماما هناني
نور: لا قومي روحي العبي مع ساره بره انا هنا شويه صغيرين بس و اجي اقعد معاكم
ساره دخلت قعدت جنبها
ساره: مالك يا جميلتي وشك اصفر ليه انتي تعبانه
نور بتعب: بطني وجعاني شويه بس
ساره: سلامتك ياقلبي هروح اعمل ليكي حاجه سخنه طيب استني ما تناميش غير لما تشربي
نور بابتسامة وتعب: تسلميلي يروحي هتعبك معايا والله
ساره بابتسامة: دا انتي تعبك راحه والله يا جميلتي ارقدي انتي لحد ما اعمل ليكي حاجه تشربيها…راحت دخلت المطبخ
نور بتنهيد وتعب: حياتي قومي العبي يلا
حياة قامت جبت الألعاب بدأت تلعب جنب نور
_______________________
ميار: طيب انا جايه اهو رواحو وانا طالعه انا و شهد
اميره بابتسامة حزينه: ماشي بس بلاش تأخير المأذون جه من بدري
سميره بابتسامة: يلا بقي عاوزين كتب الكتاب بسرعه …و ضحكت
امال بضحكه: مرات عمك مستعجله يا ميار يلا
ميار ضحكت: ماشي والله جايه خمسة بس
اميرة: بلاش تتأخري طيب … بعدها طلعو
شهد وقفت قدام المرايه بدأت تظبط في الخمار
ميار قعدت على السرير مسكت الفون بــ غل ل نور شافت الرسايل بتاعتها و المكالمات ع المسنجر
ميار بــ حقد جواها: عاوزة اي مني يا نور طلعتك من حياتنا من زمان برضو لسه ورانا انا بكرهك …بصت ل الفون بدأت ترن مكالمه عليها
________________________
نور سمعت الفون مكنتش قادره تقوم من شده التعب
نور بتعب: حياتي قومي هاتي الفون ليا
حياة قامت: حاتر ماما…راحت تجيبه
نور ابتسمت عليها
حياة جبت الفون ليها
نور اخدته منها
حياة طلعت على السرير نور باستها بابتسامة: ربنا يديمك ليا يا حياتي انتي و يحفظك ليا يا عمري انتي ❤
بصت ع الفون كانت ميار
نور بتنهيد وحزن: لسه ما انتي فاكره تردي عليا …فتحت بابتسامة بحزن منها
ميار بخبث: وحشاني ي جميلتي عامله ايه
نور بابتسامة حزن: انتي اكتر يروحي انا بخير دامك بخير والله انتي اخبارك ايه طمنيني عليكي
ميار بــ حقد: الحمدلله في نعمة كبيره نشكر ربنا
نور: زادك الله حمدا حبيبتي يارب دايما تكوني بخير وسعادة ياقلبي …بحزن وعتاب: فينك يا ميار يعني مش بتردي عليا كنت قلقانه عليكي والله
ميار بــ غل: معلش يروحي انا لسه جايه من سفر و كتب كتابي انهارده عروسه بقا وكدا مش فاضيه ليكي انتي
نور بصدمه من رد فعلها بدموع: تمام ربنا معاكي عاوزه حاجه
ميار بــ غل وخبث: جميلتي كتب كتابي دلوقتي استني احضري معايا لحظة بس
شهد بصت ليها باستغراب: بتكلمي مين يا ميار
ميار: يلا يا شهد خلصتي
شهد بابتسامة: اه يلا … و طلعو من الاوضه. نور فضلت فاتحه الفون
ميار طلعو حطت الفون ع الكرسي فتحت الكاميرا
نور بدأت تتفرج و الكل كان ظاهر قدام الشاشة وهي شايفهم
________________________
كتب الكتاب بدأ و الكل مبسوط جدا
نور من هنا بدأت تفتكر كل حاجه
نور بدموع و صداع: لحظه دي حاسه اني حضرتها قبل كدا والله بس فين و امتي …بدأت تفتكر لما ميار فتحت الكاميرا ساعة الخطوبه في القاعه و كانت بتعيط من شده الحزن و القهرة ع حبها … بدأت تركز اكتر و تبص ليهم كلهم حاسه ان نفسها انقطع كانت بتحاول تفتكر اي حاجه
نور شافت قدامها اميره الذاكرة من هنا رجعت ليها خالص و افتكرت لما قالتلها بدموع اميره: نور انتي امانه معايا لازم تجي معايا انا اختاري خالتك مش ابوكي علشان خاطر امك الله يرحمها
جسمها بقا يرتعش جامد مبقتش قادره تتحكم في اعصابها من شده الصداع و التفكير … فصلت التلفون بعياط و صدمه: ا خا خالتى خالتى اميره ا ميار ا ازاي ا انا مش قادره افكر في حاجه …وقع من ايدها الفون حطت دماغها ع السرير مغمي عليها
حياة: ماما ماما قومي …بقت تهز فيها
ساره دخلت شافت نور وشها مالي دموع و شها اصفر خالص …حطت الكوبايه ع الكمدينو بقلق راحت بسرعه ليها…بخوف شديد: جميله جميله مالك …بقت تهز فيها و تفوقها
_________________________
المأذون قال كلماته الشهيرة: بارك الله لكما وبارك عليكما وجمع بينكما في الخير
سميره بابتسامة و فرحه: مبارك يا حبايب قلبي…
وليد قام بسرعه بابتسامة حضن ميار بفرحه كبيره جواه بحب و ميار حضنته بابتسامة وحب لي
وليد بفرحه وحب: اخيرا مش مصدق والله ياااه بقيتي ليا يروح قلبي انتي لا لا مش مصدق والله …باس رأسها بابتسامة وحب: بحبك بحبك لا كلمه بحبك دي قليله دا انا بموت فيكي يروح قلبي
ميار بصت لي بحب: كل دا حب وانا والله بحبك اكتر اكتر يا رفيق عمري و ي حبيب قلبي انت بحبك كتير اوي…حضنته بابتسامة وحب قالت جواها: دا انا اللي مش مصدقه حقيقي انك انت بقيت ليا اخيرا يااه كنت خايفه ل تبقي يوم من الأيام: بغل وحقد: تبقى لعدوتي نور هو انا اللي كنت خايفه منه بس الحمد لله دلوقتي بقت في حضني انت
امال بابتسامة وضحك: مبارك يا حبايب قلبي ربنا يسعدكم دائما كده يارب ويجمعكم في الخير يا رب وكفايه بقى احضان في بعض وفرو شويه لما تروحو بيتكم
احمد بغيظ: وهما يوفرو ليه
ميار طلعت من حضن وليد وهي بتضحك هي و وليد
محمد بابتسامة: مبارك عليكم
وليد بابتسامة: الله يبارك فيك يا عمي …حضنه بابتسامة
اميره بابتسامة وفرحه ليهم: يا حبايب قلبي مبارك و عقبال اليله الكبيره يارب ان شاءلله
ميار حضنتها بابتسامة: الله يبارك فيكي يروحي…حضنتها بابتسامة
شهد بابتسامة: مبارك يا عروسه مبارك يا ابن عمي
_________________________
ساره بدموع وخوف: جميله مالك يا جميله قومي يا جميله …كانت بتفوق فيها هتموت عليها من الخوف و القلق
حياة بعياط: م ما م ا ماما ماما
ساره قامت بسرعه دخلت المطبخ جابت ميه بدأت تحط على وشها براحه
بدأت تفوق بتعب و كل جسمها يرتعش
ساره مسحت وشها من الميه بدموع
ساره بدموع وخوف: جميله انتي كويسه مالك يا جميله
نور بدموع و صداع: انا كويسه كويسه يا ساره بلاش تقلقي عليا من شده الصداع بس اغمى الوجع وحش
ساره بحزن وقلق: طيب اهدي انا هروح اجبلك مسكن علشان الصداع لحظة واحده بس …قامت بسرعه تجيب ليها
نور بصت ل حياة اللي بتعيط خدتها في حضنها بعياط و صدمه من كل حاجه حواليها: ا ازاي ازاي ميار بنت خالتى اميره انا مش مش قادره افكر في حاجه حقيقي دماغي فيها شلل كده مش قادره ولا افكر ولا استوعب حاجه كدا ليه ااااه …كانت بتعيط جامد بصدمه و حزن مش فاهمه اي اللي حصل حواليها في لحظة دي
حياة طلعت من حضنها بخوف و دموع:م م ا ما ماما
نور طلعتها من حضنها بسرعه: مسحت دموعها وحضنتها بدموع وحزن: اهدي يا عمري انا مفيش فيا حاجه انا كويسه اهو اهدي اهدي
_________________________
و بعد ما الكل بارك ليهم و في قلوبهم فرحه كانوا مشغلين اناشيد بالدف
وليد بص ل احمد بابتسامة: عقبالك يا يا ابو حميد
احمد بابتسامة بسيطه: تسلم يا وليد
ميار بابتسامة: عقبالك يا حبيبي
احمد بابتسامة وخبث:امين امين
شهد فهمت انه عايز يضايق فيها اتنهدت حزن جواها منه
سميره ضحكت: طيب الحق اشوف لك بقى عروسه بسرعه عشان نكتب كتابك انت كمان عايزين نفرح بيك يا غالي بقا
احمد بضحكه: قريب ان شاءلله
عبدالله اتنهد و راح بص ل امال
امال فاهمت: احم شهد يلا بقا نطلع كدا كدا وليد و ميار طالعين علشان عاوزه اخد العلاج بتاعي يا حبيبتي
شهد قامت بحزن و دموع محبوسه ف عيونها:حاضر يا ماما يلا
وليد مسك ايد ميار و قام
احمد بغيرة عليها: لازم مسكت الايد يعني مش كفايه الاحضان و ساكت
وليد ضحك بكيد فيه: خلاص خلاص كتبنا الكتاب يا غالي يعني هي بقت ليا علي كدا بقا
ابو وليد بضحكه: كفايه كيد فيه يا وليد
وليد بضحكه: ماشي ماشي المهم سلام
ميار بضحكه: نشوف وشكم ع خير
محمد بابتسامة: خد بالك منها يا ريت بلاش تاخير بقا بره
احمد بغيظ وغيره: انت هتروح فين انا عايز افهم بيها
وليد بغرور: ملكش فيه يا غالي
ميار بغيظ: اسكت ي وليد ملكش دعوه بــ حبيبي احمد
وليد بغيرة: لا يا راجل
ميار ضحكت: اه والله
اميرة بتنهيد و بابتسامة: هتروحو على فين دلوقتي؟
وليد بابتسامة: هنروح على الشقه بتاعتنا…يلا سلام عليكم ورحمة الله وبركاته بقا
و … ماشي
ميار بضحكه: سلام ياشوشو تجي معانا
شهد بضحكه بسيطه: سلام لا بقا وليد قالي لا ي ست
عبدالله بهدوء: طيب يلا يا شهد بقا ما تعبتيش النهارده انتي وهي
امال قامت بسرعه: لا انا تعبت والله يلا يا شهد بقا
شهد: حاضر يا ماما يلا … و راحو
سميره ل امال: ابقي تعالي يا امال
امال وهي ماشيه: ماشي يا حبيبتي
احمد: انا طالع بره شويه سلام عليكم
اميره: عليكم السلام ورحمة الله وبركاته
_________________________
في منزل كريم تحديدأ في غرفه نور
ساره بحزن: مالك بس يا جميله اي سبب التعب ده و الاغماء
نور بتنهيد وتعب وحزن شديد:تعبت مره واحده والله غصب عني يا حبيبتي معلش قلقتك عليا
ساره بحزن عليها: ياقلبي سلامتك وبعدين تعبتيني معاكي ازاي ايه اللي انتي بتقوليه ده بس يا جميله والله هزعل منك
نور بابتسامة كلها تعب وحزن: حبيبتي يا ساره ربنا ميحرمنيش منك ابدا ياروحي …بصدمه جواها ومن غير استوعاب وحزن شديد: اقسم بالله العظيم مصدومه شوف الغريبه بتعمل معايا ايه والقريبه بتعمل فيا ايه سبحان الله …غمضت عيونها
ساره: وميحرمنيش منك يا قمري …بحزن شديد عليها: وبعدين بقي بتعيطي ليه بس دلوقتي اي مالك قوليلي
نور بدموع و كسرة جواها: تعبانه اوي يا ساره انا نفسي معرفش في اي بالظبط
ساره بدموع وحزن: طيب طيب مين اللي زعلك قوليلي طيب انتي كنتي كويسه و كل حاجه اي اللي حصل مره واحده بس
نور بدموع: مش عارفه …بصدمه و خايفه من اللي جي: خايفه اوي والله العظيم انا مصدومه من حاجات كتيره
ساره باستغراب: جميله مصدومه من اي و خايفه من اي قوليلي …بصدمه وحزن: اوعي تكوني الذاكره رجعت ليكي
نور بدموع وتعب: مش عارفه مش عارفه …بصدمه وغير استوعاب: بس لا اكيد لا. مستحيل
ساره بعدم فهم وقلق: يا جميله مش فاهماك هي الذاكره رجعت ليكي ولا اي
نور مسحت دموعها بتعب وحزن: لا لا يا ساره المهم انا هنام دلوقتي علشان مش قادره والله ابقي حاولي تصحيني لما كريم يجي لو ما قدرتش اقوم خلاص سيبيني علشان راسي وجعاني اوي
ساره بحزن شديد: طيب اقعدي معايا طيب نتكلم و قوليلي انتي افتكرتي حاجه ولا ايه
نور رقدت على السرير واتغطت وغطت حياه
نور بتعب شديد ونعس: خلاص مش قادره بجد بعدين باذن الله المهم انا هنام
ساره بحزن: طيب يروحي نامى
نور غمضت عيونها التي مليئه بالدموع
نور جواها بدموع وحزن وصدمه في نفس الوقت: لا مستحيل اللي انا افتكرته يكون حقيقي ازاي ميار قريبتي وازاي هي بتقول ليا كل الكلام ده وازاي افتكرت الست دي قولتلها يا خالتي و افتكرت ما بينا حاجات كتيره انا حاسه انها فعلا خالتي وانها بس دماغي مش قادره تفتكر حاجه مش قادره افتكر اي حاجه مصدومه والله مصدومه يارب
_________________________
عند وليد و ميار … كانو جم الشقه
ميار بابتسامة وهي بتتفرج على باعجاب: واوو اي الجمال ده بجد الشقه في منتهى الجمال
وليد بابتسامة:اللهم بارك يا حبيبتي بس اي رايك بقا فيها
ميار بصت لي بابتسامة وحب: بجد جميله جدا جدا والله يا حبيبي …باستغراب: بس مين اللي ظبطها كده رص فيها كل حاجه
وليد ضحك بابتسامة: مرات عمي اميره و مرات عمي امال اي خدمه
ميار بابتسامة: بجد ذوقهم جميل في كل حاجه كل حاجه جميله جدا
وليد بحب: كل حاجه فيها جميله يا روح قلبي علشان خاطر ميارتي حبيبتي بس
ميار بابتسامة وضحك: ميارتي حلو يا حبيبي منك والله …راحت حضنته بابتسامة
وليد حضنها بحب: انا بحبكك اوي يا ميار لا بعشقك بعشقك بجنون بحبك من زمان كنت مستني اليوم اللي تخلصي في ثالثه ثانوي عشان اتقدم ليكي
ميار حضنته جامد بايديها الاثنين بابتسامه: والله وانا كمان بحبك جامد يا حبيبي و كنت بحبك من ساعه ما دخلت اولي ثانوي اااوي كنت مستنيه لحظة اللي خلص فيها تالته ثانوي وانت تتقدم لي احنا الاتنين كنا عارفين بمشاعر بعض لكن كنا مستنيين الحلال اللي يجمع بينا
وليد بحب: مفيش احسن من الحلال والله وانا كنت مستني اللحظه دي تكوني حلالي واخدك ف حضني كده يا ميار … شالها بحب وفرحه جامده في قلبه:بحبككككك يااااا ميااااار
ميار حضنته جامد وهي بتضحك:وااااناا بحبككك ااكتر يااا وليد
( افرحو ببعض شويه عشان الايام الجايه هتبقي فيها انتقام يا غاليين😌😅)
وليد نزلها وبص ليها في عيونها بحب
وليد بحب: عيونك الحلوين دول في قلبي
ميار ضحكت بخجل: انت الاحلى يروح قلبي
_________________________
في الصباح و يوم جديد
في منزل كريم
كريم خبط ع غرفه نور. كأن بينادي عليها: جميله قومي كل دا نوم قومي يلا
نور بدأت تفوق بتعب شديد و صداع
غطت حياة كويس نزلت من على السرير بتعب فتحت
كريم: صباح الخير يا جميلتي كل دا نوم
نور ابتسمت لي بتعب: صباح النور والسرور …بتنهيد وحزن: انت عارف بقا حال جميله لما يبقي فيها حاجه
كريم درا ضهره بتنهيد: جميله ادخلي كده اغسلي وشك واتوضي وصلي الصبح علشان عايز اتكلم معاكي عشان بكره باذن الله هنزل القاهره
نور براحه في قلبها : حاضر
_________________________
ساره حطت الفطار والشاي لكريم
و قعدوا هما الاتنين
ساره بحزن: ما بقتش كويسه شويه جميله
كريم اتنهد: تفوق كده وتتوضا وتصلي وتجي
ساره بتنهيد: ماشي يا حبيبي
كريم قام مسك الفون: طيب هرن علي وليد ابارك لي على كتب الكتاب عشان كان كتب الكتاب امبارح بتاعه
ساره بابتسامة بسيطه: ماشي بارك لي بالنيابه عني
كريم بابتسامة: ماشي يا حبيبي
_________________________
في منزل السيوفي
اميره بغضب جواها: من امبارح بليل ما رجعتش ولا هي ولا هو ياربي عليكم والله ربنا يسترها من ابوكي بقا
احمد طلع قاعد جنبها في الصالون
احمد: جيت متاخر بليل ميار جت امتي هي و وليد
اميره انتبهت لي مكنتش اخدت بالها هو قال اي: بتقول ايه يا احمد
احمد باستغراب منها: سرحانه في اي؟ بقولك ميار جت امتي؟
ميار بتوتر: هي لسه ما جتش اصلا من امبارح هما الاتنين
احمد بغضب: دا ليه ان شاءلله راحو فين ماتو مثلا ولا اي
ميار بهدوء: احمد اهدي هما خلاص كتبو الكتاب يعني من حقهم يفضلو مع بعض عادي بلاش تتعصب وليد كأن مستني اللحظة دي من زمان
احمد بسخرية: اقنعتيني انتي كدا
اميرة بصت لي اتنهدت وقالت بهدوء: احمد انت مجرب الحب و عارف اد اي الانتظار وحش عن اللي بيحبه حط نفسك مكانه انت
احمد اتنهد وقال: انتي عاوزه توصلي لاي يا ميرو
اميره بجديه: عايزك بطل مشاكل انت وميار و بلاش تزعلها ولا تنكد عليها ولا حتي تزعقلها لما ترجع سيبهم يفرحو شويه هما خلاص متجوزين دلوقتي وهي بقت مراته هما كاتبين الكتاب كده كده
احمد اتنهد بضيق جواه شديد و غيره عليها
اميره ضحكت بغيظ: و بطل غيرة شويه
احمد بغيرة: اللي يشوفني انا و ميار لما كنا متخاصمين مع بعض يقول كنا منعرفش بعض يقول مش اخوات ابدا لكن انا جوايا ببقي هموت كدا عليها لو شوفت حد قرب منها…ببرود عكس اللي جواه: براحتها بقا
اميره ابتسمت: في الأول و الاخر الاخوات مستحيل يبقى في كره ما بينكم والله يا احمد مهما حصل ربنا يسعدكم ويهديكم يا احمد يا بني
احمد: امين و يديمك لينا يا ست الكل
_________________________
في منزل كريم
كريم باستغراب: تلفونه مقفول ليه دا
نور طلعت من الاوضه بابتسامة مرسومه ع ملامحها رغم كل اللي جواها و تصنع الابتسامة علشان خاطرهم
نور بابتسامة مليئه حزن: صباح الخير
ساره بابتسامة ليها: صباح الفل والياسمين عليكي ياقلبي اخبارك ايه دلوقتي طمنيني عليكي
نور بابتسامة وتعب: الحمدلله ياقلبي احسن بكتير
كريم بتنهيد: مش باين عليكي
نور اتنهدت: صدقني انا تعبانه اه بس مش اوي …بحزن شديد وصدمه زي ماهي: مصدومه بس جوايا مش اكتر يا كريم …بتوعد ل اللي جي: بس صدقني الصدمه و التعب و الخوف ده كلو هطلعه في انتقامي قريبا اوي لو طلع اللي في بالي ده صح
ساره باستغراب: سرحتي في اي يا جميله
نور انتبهت ليها: لا يروحي ولا حاجه
كريم بهدوء: طيب علشان نفطر يلا يا بنات
ساره بضحكه بسيطه: انا قاعده الحمدلله اهو
نور ضحكت بابتسامة عليها
كريم بابتسامة: ماشي يا حبيبتي
نور قعدت بداونا في الفطار
كريم بص ل نور باستغراب منها: مالك بقا يا جميله من امبارح
نور بصت لي بابتسامة بسيطه: شويه تعب صغيرين وراحو لحالهم الحمد لله بقيت احسن صدقني
كريم بتنهيد: يعني انتي مش تعبانه ولا وحاسه بأي حاجه ولا حتى حاسه انك انتي بدأتي تفتكري حاجه
نور اتنهدت بحزن: مش عارفه مش متاكده اول لما اتاكد هقولك علي اللي جوايا علي طول امتي هنروح القاهره ان شاءلله
كريم بحزن: بكره ان شاءلله
ساره بحزن: ليه عاوزه ترجعي القاهره يا جميله ها شكلك خلاص علي كدا
نور بصت ليها بدموع بتلمع في عيونها وحزن: انتوا حته مني والله العظيم بلاش تفكري غلط انا عايزه ارجع علشان خاطر بس اعرف ايه حكايتي مش اكتر لكن انا عاوزكم في حياتي طول عمري انا حاسه اني انا مش هلجا غير ليكم انتوا بس في الأيام الجايه والله
كريم بحزن شديد: جميله من غير حلفان والله اهدي وبلاش تزعلي نفسك احنا مش قصدنا حاجه في كلامنا والله
ساره بحزن شديد: يعني انتي مش هتسيبيني والله
نور وهي بتحاول تتمسك دموعها: ان شاءلله ان شاءلله يا ساره
________________________
في شقه وليد
وليد قام من النوم
ميار دخلت الاوضه بابتسامة:صباح الخير ياحبيبي
وليد بص ليها بابتسامة: صباحك عسل ياعسل
ميار بابتسامة: حبيبي انت يلا قوم بسرعه خد دش و صلي كده علي ما اعمل الفطار
وليد قام قاعد علي السرير
وليد بضحكه: تمام لما نشوف اكل ميار بعد ما تعلمت الاكل والعميل وكل حاجه حلوه مكنتش بتعرف تعملها من بعد ما راحت اوروبا اتعلمت كل حاجه لوحدها
ميار بثقه: حبيبي انا هدوقك احلى اكل من ايدي دلوقتي
وليد بضحكه وفخر: طيب لما نشوف يا دكتوره ميار
_________________________
في منزل هاني
امينه بابتسامة: صباح الخير يا حبيبي
هاني بابتسامة بسيطه: صباح النور يا حبيبتي
امينه حضنته بابتسامة: وحشني كتير كتير والله
هاني بص ليها بطرف عينه: انتي محسسني ان انا كنت مسافر ولسه راجع
امينه ضحكت بابتسامة: قولتلك قبل كدا حتي وانت معايا بتوحشني والله
هاني بابتسامة وحب: دا انتي اكتر اللي وحشاني والله
امينه باسته بابتسامة من خده
هاني راح باس الأطفال بحب
هاني وهو راح تجاه الباب: سلام يا حبيبي
امينه: سلام يروحي
و ماشي
امينه قعدت على السرير بعتت رساله ل شهد فيها: صباح الخير يا شهد عامله ايه طمنيني عليكي يا حبيبتي
جت ليها نقطة واحده
امينه بزهق: دي قافله اكيد نايمة …بعتت رساله تاني / شهد ابعتي ليا رقم ميار علشان ابارك ليها على كتب الكتاب…حطت الفون جنبها بتوعد ليها: دا انا هقلب دماغك يا غاليه زي ما عملتي في نور كدة بالظبط اه ما انتي مش احسن منها يا حبيبتي
_________________________
عند وليد و ميار
كانت ميار خلصت حطت الاكل على السفرة … وليد كأن خلص
وليد بضحكه: ريحه الاكل في البيت كله يا روحي حاسه كدا هيبقي جميل من ايدك
ميار بابتسامة: دا انا عامله ليك اكل اي تحفه علشان خاطرك انت بس يا حبيبي والله…بدأت تحط الاكل بابتسامة
وليد بصدمه وضحكه: لا لا مش مصدق معقول انتي اللي عامله كل دا محشي.من جميع و فراخ و حلويات انتي جبتي منين الاكل دا ها
ميار بضحكه وثقه: اومال لما تاكل بقا …يلا يلا يا حبيبي بسم الله الرحمن الرحيم … وبداوا في الاكل
وليد بفخر و بابتسامة: يا سلام علي حلاوه الاكل اتعلمتي منين دا يا. ميار …بضحكه وعدم صدق: اوعي تكوني جبتي من مرات عمي ولا حد جاب وانا نايم
ميار ضحكت جامد بغيظ وغرور:انت مش واثق مني ولا ايه دا انا اعمل اللي مش يتعمل اعمل اللي مش يتوصف كمان يا حبيبي ده انا ميار عارف يعني اي ميار صدق بقا
وليد ضحك جامد: لا مصدق يا ست المغروره مصدق وعارفك كمان يا ميار مش بعيده عليا
ميار بضحكه وغرور: ايوه كدا
وبقى ياكلو في هدوء تام
وليد بابتسامة: بس تسلم ايدك يروح قلبي اكلك اللهم بارك …بحب وضحكه:عسل زيك كده يا عسل انتي
ميار بابتسامة وضحك: حبيب قلبي بس بقا دلع فيا عشان كده اتغر
وليد ضحك جامد: لا بلاش خليكي كده انتي كده حلوه
_________________________
وبعد ساعات طويله جداً
ميار دخلت قعدت ع السرير بتعب مسكت الفون لقيت رقم غريب بعت ليها: ازيك يا ميار عامله ايه يا صاحبه الفتنه يا خرابه البيوت لعبتك خلاص اكتشفت يا ميار اللي انتي لعبتيها على نور من زمان وقعتيها في فتنه علشان خاطر تخربي حياتها عشان خاطر نفسك وعلشان خاطر غلك وحقدك ليها اهلك اللي مخدوعين فيكي هيعرفو كل الحقيقه وهيربوكي على اللي انتي عملتيه ده خلال 24 ساعه الظلم اللي انتي ظلمتيه.ل نور ده هيتكشف وانا اللي هكشفك وهوقفك عن حدك لحد هنا وكفايه وحق نور هيرجع وانا اهو انا اللي هجيب حقها منك واهلك هعرفهم كل الحقيقه بتاعتك حرام عليك يا شيخه عملت ليكي ايه يا ظالمه يا جاحده ي اللي قلبك اسود امك دي ذنبها ايه لما تعرف الحقيقه كده وتتصدم فيك وتتعب ولا يحصل ليها حاجه ما خفتيش على امك ما خفتيش على اهلك لما يعرفوا حقيقتك ويتصدموا فيك وانت عملت مصيبه كبيره زي دي في واحده زيك زيها يا ظالمه حرام عليكي يا شيخه حرام عليكي نور ذنبها ايه علشان تعملي فيها كل ده والله لانتقم منك يا شيخه وانا اللي هروح وهقول لاهلك كل حاجه حسبنا الله ونعم الوكيل فيك ربنا يمهل ولاة يهمل ربنا ينتقم منك يا
ميار من هنا عقلها وقف من كتر شده الخوف والصدمه الفون وقع من ايدها بصدمه وخوف
ميار بصدمه وخوف: مين مين دا اللي يعرف الحقيقه دي مين مستحيل مستحيل يكون حد عارف الحقيقه دي غيري انا انا حياتي كده هتتخرب
وليد داخل لقاها بتعيط
وليد بخوف عليها: حبيبتي مالك بتعيطي ليه…اخدها في حضنه بقلق عليها: مالك يا ميار في حد زعلك ولا ايه
ميار حضنته بدموع وخوف: وليد اوعى تسيبني يا وليد اوعى
وليد باستغراب منها: اسيبك اسيبك ليه هو في حد قالك اني هسيبك مالك كدا ليه بترتعشي بالطريقة دي
________________________
وهنا كريم ونور وساره نزلو من الطياره ارض القاهره وقفو في المطار
نور اتنهدت جامد من قلبها قالت جواها بتوعد: لازم بقى اعرف شخصيتي الحقيقه لازم ولازم اعرف كل اللي انا افتكرته ده صح ولا غلط اتمنى ان يكون غلط وما تصدمش في اللي حواليا…بغضب وحزن مالي قلبها:علشان مش هرحم اي حد اذاني وصلني ل اللي انا فيه ده دلوقتي
كريم بص ليها بحزن شديد: دخلتي على حياتي من حوالي سنتين من بعد وفاه حياه مراتي الله يرحمها وانتي جيتي حياتي وحسيت بطعم الحياه من بعدها كنت فاقد الامل قلت مش هحب خلاص على كده ولا هدخل اي حد على حياتي خلاص مستحيل حبها هيروح من قلبي و احب حد تاني ولا اخلي حد ياخد مكانها ويكون ام ل حياه هي كانت حب الاول والاخير اللي جوايا هتفضل جوايا وفي قلبي وهتفضل ام حياه هي وبس بس حقيقي قلبي محاولش يمسك نفسه وحبك انتي وخليتك ام ل حياه من زمان والمكان اللي انا اخدتك منه فيه من زمان رجعتك لي اهو النهارده …اتنهد جامد بحزن جواه وهو الحزن مسيطر عليه
قائل بحزن شديد جواه: ومن هنا شكلها حكايه جميله وشخصيتها هتنتهي خلاص..