رواية حب المراهقه 2
الفصل الثالث والثلاثون 33
بقلم نور ربيع
لا اله الا الله 🤍
صلوا على النبي 💚
ليلي حطت محمد ع السرير طلعت ل حياة في الصالون. اتصدمت انها في الانهيار ده
ليلى بقلق: حياة مالك.. راحت ليها بسرعه اخدتها في حضنها: مالك ي حبيبتي في اي اي اللي حصل
حياة حضنها جامد وهي بتعيط مكنتش بترد ع اي شئ
ليلي بحزن عليها وقلق: مالك ي حياة اهدي لا اله الا الله استهدي بالله كدا و فهميني مالك مره واحده
حياة بعياط شديد وحزن: اياد اياد يا ليلي.
ليلى طلعتها من حضنها بقلق: مالو اياد ي حياة فهميني
حياة بعياط وحزن شديد: بعد كل هاد سبني انا مو مسامحه ع شئ بعد ما علقني فيه يقولي سامحيني مو في حياتي راح اسامحه
ليلى جواها حزنت عليها: اي يعني هو اللي كان موجود و ده السبب اللي خلاكي في الانهيار ده
حياة راحت قعدت ع كرسي الانتريه وهي بتعيط جامد وحزينه جواها منه
ليلي راحت قعدت جنبها تهدي فيها
_________________________
عند لانا و ام اياد طلعو من المستشفى. بعد ما عملت فحص و الدكتوره قالتلها انو ولد
ام اياد بابتسامة بسيطه: مبارك ي قمر. هيكون اسمه اي ان شاءلله بقا
لانا بدموع: زين ان شاءلله ع اسم ابوه الله يرحمه يارب
ام اياد بحزن: باذن الله ي حبيبتي بس يا لانا هوني ع نفسك ي حبيبتي علشان خاطر ابنك اللي جاي انتي اللي هتبقي قدوة لي في الدنيا دي لازم تبقي قويه كدا
لانا كانت ماشيه سرحانه في كل لحظه حلوه ما بينها هي و زين و دموعها بتنزل منها بحزن شديد وجع جواها
فلاش بااك ________________
لانا بصت لقت زين داخل الغرفه معاه اكياس كتيره جدا بتاعه هدوم
لانا بابتسامة: حمد لله على السلامة ي حبيبي.. باستغراب: انت رحت فين كل ده و اي ده
زين حط الحاجات اللي معاه. قرب منها باس راسها بابتسامة كلها حب ليها: الله يسلمك ي قمر
لانا بضحك: اي ده
زين ضحك بابتسامة عليها: مستعجله ع اي هقولك.. جاب الحاجات بقا يطلع منها فساتين. و اخمره
لانا بفرحه: الله دول ليا
زين ضحك بمرح: اومال ليا
لانا ضحكت جامد بسعادة. حضنته بحب: ربنا يديمك ليا ي احلي حاجه في حياتي
زين بدلها الحضن بحب: و يديمك ليا ي قمر يارب اكون قادر اسعدك يا لانا
لانا بصت لي بخجل وحزن: انت مش ما خليني محتاجه حاجه نهائي عاوزه منك اخر حاجه وبس
زين بحب: اللي انتي عاوزه هيكون عندك ي قمري
لانا بدموع تلمع في عيونها: انك تحبني محتاجه كدا والله العظيم
زين بابتسامة حب: بس انا بحبك
لانا بعدم صدق: والله العظيم
زين بصدق وحب: والله العظيم بحبك يمكن كنت بحب واحده تانيه بس مع الوقت القلب بتحب اشخاص تانيه يا لانا والله وانا فعلاً حبيتك ي عسل انتي
لانا جواها في كل لحظه حاسه انها بقت تمتلك الدنيا بــ وجود زين و بحبه ليها و اهتمامه. فيها
زين بحب: حاجه تاني ي ست البنات
لانا بضحكه خجل: عاوزه يبقي عندنا بيبي
زين ضحك جامد: بس كدا عيوني هنجيب بدل الواحد اتنين و خمسه كمان ان شاء الله
لانا شهقات بذهول: لا لا هو واحد انا مش هقدر ع كل ده ي زين
زين : انتي مش قولتي عاوزين نجيب اطفال
لانا حطت ايدها ع وشها بخجل منه: لا انا مش هقدر علي كل دول ما شاء الله
زين بضحك: الله وانا مالي مش انتي اللي بتقولي عاوزه بيبي حد قالك جيبي السيره ي بنتي
لانا بخجل: انت ما صدقت اي ده
ارض الواقع _______________
لانا مسحت دموعها بحزن شديد حطت ايدها على بطنها بقهره: انت حته من حبيب قلبي زين. ي ابني
ام اياد اتنهدت بحزن: ااسعدي نفسك بنفسك ي بنتي احسن كدا هتموتي بالبطئ والله
_________________________
في المساء
.............. في منزل السيوفي
نور حطت الاكل ع السفرة و اكرم قاعد
سميره: نور ادخلي هاتي خالتك اميره انتي
نور: حاضر ي طنط.. راحت دخلت ليها
نور قعدت جنب اميره ع السرير
اميره كانت بتقرا في المصحف نور مدت ايدها اخدته منها راحت قفلته
نور بصتلها بحزن شديد: خالتو يلا علشان ناكل الاكل جاهز
اميره: مش جعانه كلو انتوا
نور بعند: لا يا خالتو قومي كولي معانا
اميره بزعيق ليها: قولت مش عاوزه اكل روحي كلي انتي الله
نور بدموع وحزن منها:انا حاسه ان كل حاجه بتحصل بسببي انا مش عارفه ليه. حاسه ان حتى كرهكم ل ميار بسببي موتها بسببي حاسه ان كل حاجه بسببي انا والله العظيم فراق العيله بسببي. موت عمي محمد بسببي اللي حصل ذنب زمان بسببي كل حاجه.. بخنقه وعياط: فعلاً حاسه ان كل حاجه بسببي بس دا مكنتش يرضي ربنا أبداً في حاجات كتيره اوي …قامت بدموع في عيونها طلعت الصالون بــ شده خنقه جواها
♕♕♕♕♕♕♕♕♕♕♕♕♕♕♕♕
في الصالون
ابو وليد: ام احمد مش هتاكل معانا كمان انهارده
امال بحزن شديد: انت عارف من ساعه موت سلفي الله يرحمه وهي مش بتقعد معانا بتقعد لوحدها طول الوقت في الاوضه
وليد بصلهم بتشتت مالي قلبه وكمية حزن في قلبه من حالهم اللي بقا فيه و موت عمه و حاسس ان كل حاجه بقت وحشه في حياتهم و الدنيا اصبحت سود في عيونهم
عبدالله بحزن شديد: الله يرحمهم يارب
نور لنفسها بحزن شديد: ياريت مكنتش جيت البيت ده من زمان لو مكنتش جيت مكنش يبقي حالهم كدا.. بندم دموع في عيونها: ايوه انا السبب فعلاً انا لو مكنتش جيت مكنش يبقي كدا والله
(متفضلوش تقولوا علي اي حاجه ياريت ده قضاء ربنا وكان هيحصل كده كده سواء بوجودكم او لا )
-------------------------
في منزل هاني
رهف بحزن شديد: ابياهيم قوم معايا علشان انت تقنع بابا انه يسامحني
ابراهيم: ماشي قومي يلا طيب مش انتي اللي قاعده
رهف قامت. هي و ابراهيم دخلو عند هاني الغرفه
رهف بتوتر: احم عامل ايه يا بابا
هاني ___
امينه: رد عليها
هاني:___
رهف: بابا!!
هاني:___
رهف بصت ل ابراهيم بدموع
ابراهيم راح قاعد جنب هاني بهدوء
ابراهيم بهدوء: بابا رد ع رهف انت بقالك اكتر. من خمس شهور وانت مش عايز تتكلم معاها صالحها هي مكنش قصدها حاجه والله وبعدين هي. صغيره السن بتاعها مراهق والله علشان ده السن وحش بتاعها هي اللي مقدرتش تحافظ ع مشاعرها
رهف بدموع وحزن: انا اثفه يا بابا انا ندمانه ع كل حاجه اصلا…بعياط شديد وندم: وانا اصلا عمري ما حب تاني علشان خاطر انا اصلا غلطانه من الاول انا مش حب ولا احب ولا عاوزه احب انا بــ كره حاجه اسمها حب خلاص ع كدا
هاني بقسوة: غوري ي رهف مش عايز اسمع صوتك
رهف بعياط وحزن: بابا بالله عليك سامحني
امينه بحزن شديد: انت صعب كدا ليه سامحها يا هاني
هاني بغضب شديد:اخرسي علشان انتي لو عرفتي تحفظيلي عليها وتعرفيها الصح من غلط ما كانش يبقي ده حالها
ابراهيم بحزن: ي بابا انت برضو مش عايز تسامح رهف؟؟
هاني: لا
رهف راحت الاوضه بتاعتها وهي بتبكي جامد
-------------------------
في منزل اياد
ام اياد بحزن وعصبيه: انت بعد كل ده ازاي تسبها ي اياد انت عارف انت بتقول اي ي بني
اياد بحزن شديد:وانا مش حابب كدا مش عايز الجواز المكروة ده منها مش هجبرها اكتر من كدا
امه بحزن: مش يمكن تكون حبتك انت شوفت منها حاجه وحشه طول الفتره دي مش يمكن تكون اتعلقت بيك و عايزك ليه تعمل كدا من دماغك
اياد بسخريه: اصل بعد كل ده هتحبني وتتعلق فيا انا متهيقلي بتشوفني. حاجه معقده في حياتها والله.. اتنهد بحزن شديد راح قام داخل الغرفه بتاعته بضيق جواه
ام اياد بحزن شديد لنفسها: الله يهديك يا بني انت عايز تخطب. وبعد كدا تسيب ع مزاجك وتوجع قلبها انت كدا بــ تعقد حياتها من الحب و الجواز
_________________________
في منزل كريم
كريم بعصبيه: انتي مش قولتي يا بابا .وافق اهو هو اللي سابك اتحملي انتي بقا بطلي وجع دماغ فيا
ليلي بحزن: كريم براحه في اي
كريم بغضب: انتي مش شايفه حالتها
حياة بعياط وقهره: بابا ارجوك اتركني الحين لحالي انا هبقي. كويسه ان شاءلله
ليلي بحزن عليها: حياة متزعليش ي حبيبتي تصدقي بالله هيجي يوم و يطلب منك انك ترجعي لي و هيطلب منك السماح وهو غلطان انه يسيب واحده زيك ي حبيبتي اصلا والله
كريم اخدها في حضنه بحنان: يغور مع السلامه هيجي احسن منه والله كتير ما انا دايما بيجي كتير ليكي بس مش بــ وافق مش عاوزك تروحي دلوقتي من حياتي ي حياتي انتي. متزعليش دا. خير ليكي اصلا انه يمشي الله واعلم ممكن يمكن مكنش هيريحك والله بلاش تزعلي نفسك يا اميرتي انا ما صدقت انه غار في ستين داهيه تقومي انتي تعملي كل ده في نفسك
حياة بعياط شديد: انا حبيته يا بابا
ليلي بحزن لنفسها عليها: الله يسامحك انت بعد ما علقتها فيك تسبها والله انت اللي خسران
كريم طلعها من حضنه بزهق: حياة انا عارف اني مش في مكانك في لحظه دي بس انتي تقولي الحمدلله ي بنتي يمكن خير مع الوقت هيروح من جواكي بطلي تفكري فيه…بغضب وغيرة: ولا هو عامل ليكي حاجه علشان تتعلقي فيه كدا
حياة مسحت دموعها بسرعه بحزن: مو صو شيء يا بابا بس…بــ قهره: بس غصب عني حبيت و دي اول مره احب لقيت نفسي بحبه مره واحده
كريم اتنهد وقال بهدوء: طلعي الحب ده من جواكي علشان متتعبيش ي حياة متفكريش فيه مع الوقت يطلع من بالك ي حبيبي ان شاءلله
حياة بحزن شديد: حاضر يا بابا ان شاءلله خير
ليلي ابتسم بسيط:يلا ي روحي قومي كدا اغسلي وشك و تعالي نعمل اكل بقا علشان ناكل وانا اجيب محمد شويه ل كريم
حياة بتعب: مش قادره هنام شويه معلش
ليلي بزعل منها: لا قومي
كريم: حياة قومي يلا زي ما بتقولك بلاش نوم دلوقتي
حياة بتنهيد: حاضر
_________________________
بــ تمر الايام ع الجميع و هما في نفس الاجواء الوحشه . و الحزينة عليهم الكل منهم بقا بعيد عن التاني من كتر ما الفتره كانت بقت صعبه عليهم وحشه العائله اصبحت في تشتت كلهم
في منزل السيوفي
اميره: هي نور مش بتجي هنا ولا اي ولا هي ولا اكرم؟؟
سميره بحزن: لا هي من ساعه اخر مره كانت هنا هي و اكرم و وليد بعدها مجتش رنيت عليهم كتير كتر من مره قالوا مش هنقدر نيجي
امال: روحي ل نور هي شكلها زعلانه اوي و تعبانه من جواها من صوتها لما بنتكلم معاها
فضلت ساكت لوقت بحزن شديد و كميه من الحزن جواها
سميره: تعالي نروح ليها انهارده حتى تغيري جو شويه انت مش بتخرجي من البيت بقالك اكتر من كام شهر
امال بحزن شديد: ياريت العيلة ترجع زي زمان مع بعض في اللمه و الفرحة انا وحشتني حياتنا القديمه اوي
سميره بحزن شديد لنفسها: ميار هي اللي عملت فينا كدا من الاول لو مكنتش قلبها جحد كدا مكنش يبقي الحال كدا لو كانت طيبه. وحلوة معانا مكنش حفيدي اللي كان جواها زمان راح بسبب شرها ولا كان ابني يسيبها ولا احنا نتبرا منها بس نقول اي غير انها كانت شر لينا الحمد لله على كل حال
_________________________
بضحكه مليئة المكان بطفوليه: ماما ماما تعالي انا هنا
نور بسعادة وهي تبحث عليها: حور انتي فين انا همسكك. اهو
جريت من قدامها بضحك عالي طفولي: انا اهو اهو يا مامي تعالي
نور بفرحه بيها فتحت حضنها ليها:حوريتي تعالي عندي يلا
جريت في حضنها وهي ابتسامه الطفولة مرسومه ع ملامحها بسعادة
♡♡♡♡♡♡♡♡♡♡♡♡♡♡♡♡♡♡
ارض الواقع
اكرم: ماما ماما اصحي اي النوم ده كله…بدأ يهز فيها براحه علشان تفوق و يشيل شعرها من ع عيونها وهي نايمه بحنان
نور بدأت تصحي بابتسامة مرسومه ع ملامحها
اكرم بابتسامة عليها: ماما قومي اي النوم ده كله بس
نور قامت قعدت ع السرير قدامه بفرحه:عارف ي اكرم انا كنت بحلم بــ اي
اكرم بابتسامة: اي ي ستي؟؟
نور بابتسامة متخيله الحلم: حور بنوتي القمر كنا بــ نلعب انا وهي و كانت لابسه فستان ابيض منفوش جميل وهي كانت جميله ااوي اوي كل حاجه حواليها حلوه لونها ابيض و حلو و هي مبسوطه جدا
اكرم بابتسامة انمحت من ملامحه بحزن وتخيل وهي ميته قدامه: الله يرحمها يا ماما هي زمانها في الجنه دلوقتي مبسوطه علشان كدا انتي حلمتي الحلم الجميل ده
نور بدموع وحزن: انا كان نفسى اشوفها و اخدها في حضني يا اكرم كان نفسي كدا و نفسي اربيها اكون ام ليها و اديها حناني والله
اكرم بحزن شديد: ماما متزعليش ع ابتلاء ربنا لينا دا كله اختبار عايز يشوف عباده يتحمل ولا مش يتحمل والله والله الدنيا دي كلها ما تستاهل اصلا احنا مؤمنين بلاش الزعل ده سبيها علي الله ياريت ننسي اللي فات نفتح صفحه جديده من اول انهارده وبعدين ان شاءلله تجيبيلي اخت تانيه بدل الله يرحمها اللي راحت و يكون اسمها حور ان شاءلله …مسح دموعها بابتسامة مرح: شدي حيلك بس انتي و بابا علشان عاوزين نونو صغير باذن الله
نور ابتسمت بخجل: اتلم يا اكرم
اكرم بضحك: عيوني
_________________________
في منزل اياد
لانا: طنط ام اياد ممكن طلب منك
ام اياد بابتسامة: اطلبي ي حبيبتي اللي انتي عاوزاه هيكون عندك
لانا بابتسامة حزينه: تسلميلي ي طنط كنت عاوزه اروح ل حياة و صالحيني انا وهي بالله عليكي
ام اياد بحزن: حاضر ي حبيبتي بس كدا يلا قومي هجزي نفسك علشان نمشي دلوقتي ان شاءلله
لانا: حاضر.. سكتت ل ثواني بعدها قالت بحزن شديد: كنت عاوزه كمان ارجع الشقه بقا كفايه لحد كدا قاعده هنا
ام اياد: لا لما تولدي ان شاءلله و اطمن عليكي انتي و الولد ابقي امشي زي ما انتي عاوزه
لانا: بس كدا مش هينفع ي طنط اقعد اكتر من كدا
ام اياد بهدوء: اي اللي مش هينفع دا انتي امانه هنا. لو عاوزه تمشي امشي بعد ما اطمن انك بخير انتي و ابنك كدا
لانا بحزن: اياد مش عارف ينزل بسبب وجودي
ام اياد: ملكيش دعوه بــ اياد هو قاعد كدا طول الوقت لوحده في الشقه حتى من قبل ما انتي تجي
لانا اتنهدت بحزن وقالت: اللي تشوفيه ي طنط
_________________________
في شقه نور
نور لقت جرس الباب رن رحت فتحت
نور بدموع تلمع في عيونها: خالتو
اميره حضنتها: عامله ايه ي نور عيني
نور بدموع وحزن شديد: الحمد لله بس مش كويسه علشان انتي مش كويسه والله
اميره: لا انا كويسه الحمدلله …طلعتها من حضنها: تعالي ندخل. ي حبيبتي
ودخلو
نور بدموع: عامله اي دلوقتي يا خالتو طمنيني عليكي
اميره اتنهدت من قلبها بحزن شديد
قائله: الحمدلله على كل حال ي بنتي
نور بدموع وحزن: انا السبب في كل حاجه انا اللي بعدت بنتك عنك كرهكم ليها بسببي اللي حصلها هي و وليد بسببي لو مكنتش حبيت وليد مكنش كل ده حصل …بعياط اقوي: بس والله العظيم غصب عني الشخص اللي قدامي حسيت انه عاقبه في حياتي حبيته في لحظه لانه قدامي طول الوقت. رغم المشاكل و كرهنا لبعض
اميره بعتاب: انتي ملكيش ذنب في حاجه يا نور بلاش الكلام ده لو انتي السبب في كل حاجه. مكنش ربنا عوضك بكل حاجه انتي كان نفسك فيها من زمان
نور بــ تشتت وحزن جواها: طيب طيب ليه مره واحده بقت كل حاجه وحشه كدا ليه بقيت حاسه ان الدنيا وحشه ليه بقيتي بالحالة دي انتي و العائله
اميره بدموع وحزن شديد: مفيش فرحه بــ تدوم ولا حزن بــ يدوم ع اد ماكان في فرحه في حياتنا ع اد.ما بقي الحزن اصبح في حياتنا امتلك قلوبنا بس فتره و بتعدي والله رغم اننا مش بــ ننسي حاجه و بــ يفضل كل حاجه جوانا فكرينها كدا
نور قامت بدموع في عيونها بحزن حضنت اميره بقهره: خالتو خليني في حضنك متسبنيش علشان تعبانه اوي والله العظيم معدتش قادره
اميره اخدتها في حضنها بحنان: اهدي يا نور عيني انا جنبك اهدي
_________________________
في منزل كريم
كانت ام اياد و لانا في الوقت ده جم
ليلي بابتسامة بسيطه: والله نورتو يا جماعه
ام اياد بابتسامة: دا نورك يا حبيبتي
حياة طلعت
لانا قامت حضنت حياة بدموع وندم:سامحيني يا حياة. مكنش قصدي اعمل فيكي حاجه وحشه والله العظيم
حياة بدموع في عيونها وحزن:الله يسامحك و يسامحنا جميعأ وانا مسامحك.انا مو صار شئ الي انا مسامحك. بس لو كان صار معي شئ مو كنت اسامحك في حياتي
لانا بدموع وحزن: وانتي كويسه الحمدلله محصلش حاجه فيكي والله اهو بحمد ربنا
ام اياد قامت بابتسامة: الحمدلله. و اللي فات مات انتوا من دلوقتي اصحاب و اخوات يا بنات ننسي اللي حصل بقا
حياة راحت حضنتها:وحشاني يا طنط عامله ايه
ام اياد حضنتها بابتسامة: دا انتي اللي وحشاني والله يا قمر وانا الحمدلله بخير
بعد شويه
حياة بابتسامة: مبارك ع البيبي بنوته ولا صبي
لانا بابتسامة بسيطه: ولد
ليلي بابتسامة: اللهم بارك ربنا يقومك بالسلامه ان شاءلله ي قمر
لانا: امين
ام اياد بحزن شديد: عقبال لما افرح بيكي يا حياة و اشوفك عروسه كدا يارب و فرح بــ عيالك انتي و اياد يارب
حياة ابتسمت بحزن: امين بس كل واحد بعيد عن التاني
ام اياد بحزن: اقصد كدا ربنا يرزقك بالزوج الصالح وهو يرزقه الزوجه الصالحه يارب
ليلي: يارب ويهدي الحال.. ل لانا بابابتسامة: كلي ي قمر الفواكه اللي قدامك يلا
لانا بابتسامة: حاضر…و بدأت تاكل
حياة بتوتر: احم طنط هو عامل اي
ام اياد ابتسمت بحزن: هقولك اي والله يا حياة مش كويس طول الوقت زعلان حاطط في نفسه اوي بينزل الشغل بالعافيه… بدموع تلمع في عيونها وحزن عليه: من كتر الحزن اللي جواه من موضوع بتاعكم و موضوع زين الله يرحمه كأن زين عنده صاحب عمره من ايام الثانوي. من وقت ما شافه مات قدامه وهو في تشتت و سرحان جواه تعبان يا حياة اوي
لانا بدموع وحزن: حياة الدنيا دي مش مستاهله حاجه احنا انهارده عايشين بكره ميتين هنروح مش هنرجع
ليلي بعدم فهم: قصدك اي بالكلام ده
حاجه بحزن لنفسها: طيب لما انت زعلان اومال ليه بتسبني انا سامحتك.وانت بكل سهوله بعد كل ده تقولي سامحيني يا حياة مكنش قصدي اعمل فيكي حاجه وحشه و تخلع الدبله و تمشي.. اتنهدت بدأت تبكي بصمت: اسامحك ع اي ولا اي ولا اي بس
ام اياد برجاء: حياة اطلبي من اياد انكم ترجعو لبعض بالله عليكي
لانا بحزن: انا قصدي كدا انتي و اياد لازم ترجعو لبعض والله العظيم انتوا الاتنين مش قادرين تعيشو من غير بعض انتي وهو جواكم زعلان لازم ترجعي لي يا حياة
ليلي بصدمه: اي لا طبعاً اوعي يا حياة
حياة بصت ليهم بصدمه و دموع
_________________________
في المساء
في شقه احمد
ساره حطت الاكل ع السفرة و قعدو
تميم بابتسامة طفوليه: بابا انهارده رحت حضانه
احمد ابتسم بسيط لي: و اخدت اي ي حبيب بابا
ليمار بغيرة: وانا كمان حبيبتك ع فكره يا بابا ها
ساره: اه علي الغيره يا ليمار
ليمار: انا مش غيورة
تميم: اه غيورة والله
احمد: بس اسكتو مش عاوز اسمع حد فيكم بيقول حاجه تمام
ليمار بزعل: بابي بيقولولي غيورة شوفت …بعصبيه: وبعدين لو غيورة ايوة بــ غير عليك والله يا بابا
احمد بهدوء ليهم: محدش فيكم يجيب سيره ليمار يا ساره تمام
ساره بسخرية: كل حاجه تاخديها ع اعصابك كدا يا ليمار عمومأ تمام محدش هقولك حاجه تاني ي ست ليمار
ليمار: ايوه كدا
تميم: واحده جاحده
ليمار بحزن: بص ي بابا بيقولي اي
احمد بزهق: اللي يشوفك ما يقول عندك عشرين سنه ع كلامك ده اهدي شويه و بطلي كلام بقا
ساره: حصل خير يلا ي تيمو ي حبيبي كل وانتي كلي ي ليمار
ليمار: حاضر عاوزين نروح البيت الكبير.بكره إن شاءلله
احمد بضيق جواه: اللي عاوز يروح يروح انا مش رايح
ساره بحزن شديد عليه: احمد بلاش تفكر في حاجه ي حبيبي طول ما انت بتفكر هتتعب والله كدا انت كرهت البيت اوي مبقتش تروح هناك نهائي استهدي بالله كدا و استغفر علشان والله طول ما انت بتفكر في حاجه الضيق مش هيسيبك أبداً لو اي
احمد اتنهد بشده حزن وخنقه: يلا ان شاءلله خير
_________________________
في بداية يوم جديد في الصباح
في فيلا شهد و مهران
مهران: شهد صحي عمر علشان الجامعه يلا
شهد بزهق: بــ يصحي بالعافيه بيزهق فيا والله ي مهران
مهران: معلش هو بــ يسهر علشان المذاكره بقا …قام يلا سلام علشان ماشي ع الشغل
شهد: ماشي ي حبيبي في حفظ الله …وهو ماشي دخلت عند عمر تصحي
في غرفه عمر
شهد باستغراب: هو مش موجود اومال راح فين كدا ع الصبح
عمر عمر داخل الغرفه: انا اهو
شهد بصت لي باستغراب: ياتري اي اللي هيحصل علشان تقوم بدري كدا يا غالي لوحدك
عمر بمرح*حاسس ان حد هيموت مش عارف ليه وانتي حاسه بــ كدا برضو يا ماما
شهد: شكله كدا بقولك اي جهز نفسك يلا كدا علشان تمشي الجامعه ع ما ارن ع سلام
عمر: تمام
------------------------
في منزل هاني
بدأ المنبه يرن في غرفه رهف ورا بعض مكنش قادره تصحي عليه
"رهف رهف اصحي يا رهف
رهف ___
" يا عروسه اصحي كل ده نوم اصحي عندك جامعه قومي
رهف___
نور: بنتك دي غيبوبه اوي والله يا طنط
امينه ضحكت بسيط: زي مين مش زي اختها بالله
نور ضحكت: حصل... راحت ع السرير بسرعه بدأت تهز فيها علشان تصحي
رهف بدأت تصحي بــ انزعاج وقلق
نور بابتسامة: صحي النوم ي عرستنا قومي يلا
رهف بستوعب من الكلام: عروسه!؟؟
_________________________
في المقابر
اياد كان واقف قدام المقبرة بتاعت زين
اياد كأن بــ يقرا ليه قران بحزن شديد جواه ع صاحب عمره اللي خسره
اياد بحزن شديد لنفسه: اد اي الحياة وحشه من غيرك يا صاحبي احنا مكنش ما بينا صحاب كدا وخلاص احنا كنا اخوت فعلاً انت كنت اخويا كنت اغلي صاحب عندي بس للاسف الدنيا اخدتك مني من يوم ما عرفتك و بقينا صاحب وانت بقيت جزء كبير في حياتي... اتنهد بشده حزن جواه عليه
(قراءة الفاتحة علي الميت بدعه)
كانت ماشيه في المقابر بعد ما زارت اللي راحو منها بالصدفة شفته. راحت تجاهو
" بنبرة كلها حزن: ازاي زين ابن ميار انا عاوزه اعرف كل حاجه عنها لو تعرف حاجه عنها هي و اللي اسمه زين ده الله يرحمه
اياد بص ورا باستغراب: انتي مين؟
" انا..