رواية نبض قلبي لأجلك
الفصل الثاني عشر 12 والثالث عشر 13
والرابع عشر 14
بقلم لولا
بعد حديثهم الطويل في مكتبه، سارت الامور ببنهم طبيعيه وهادئه فقد اتفقتا علي ان يصبحوا اصدقاء ويعطوا انفسهم فرصه للتعرف علي يعضهم خارج نظاق الاسره والعمل . ومن قوتها وكلاهما بشعر بسعاده وراحه .. فعاصم اصبح هاديء الطباع دائم الابتسام وهي اصبحت مشرقه اكثر من قبل...
دلفت سلمي السكرتيره الي مكتبه تريد محادثته في امراً هام، بينما يقوم بمراجعه بعض اوراق العمل : مستر عاصم كنت عاوزه حضرتك في موضوع مهم...
تعالي يا سلمي.. ثم رفع نظره من علي الاوراق نظراً لها في اهتامام.. خير في ايه .. موضوع ايه المهم ده..
تنحنحت سلمي محرجه مما سوف تقول: بصراحه يا مستر عاصم مش عارفه اقول لحضرتك ايه ... حضرتك عارف ان وخطيبي المفروض بنجهز لجوازنا في خلال كام شهر.. بس الظروف اتغيرت فجاه وجاله عقد عمل باره مصر ولازم يسافر في خلال شهر علشان يستلمه ... فكل حاجه اتلغبطت وخصوصا انه مصمم اني اسافر معاه فهنكتب الكتاب ونسافر علي طول ونكمل بيتنا مع بعض علي مهلنا... فانا كنت يعني حابه ابلغ حضرتك اني هسيب الشغل علشان الحق اخلص الاوراق بتاعه السفر والجواز وكده ...بس غصب عني والله لولا الظروف يعني عمري ما كنت اسيب الشغل مع حضرتك ابدا....
عاصم مبتسماً: الف مبروك يا سلمي ولو اني زعلان انك هتمشي وتسببنا بس مش مهم ربنا يوفقك في حياتك انت تستاهلي كل خير
سلمي : ربنا يخاليك يا مستر عاصم وعموماً انا مش هسيب الشغل قبل اسبوعين تكون حضرتك قدرت تلاقي حد بدالي ...
عاصم متفهماً : ربنا يسهلها ..بس عاوزك تنزلي اعلان عن طلب سكرتيره وطبعاً انت عارفه انا محتاج ايه في السكرتيره بتاعتي !!تكتنبي الاعلان وتنزليه علي النت وفي الجرايد ...
وقبل ما تمشي ابقي عدي علي الحسابات علشان تاخدي بقيه حقوقك وكمان في مكافأه كويسه علشانك...
سلمي بابتسامه شاكره: متشكره جداً جداً يا عاصم بيه وبنا يخالي حضرتك .. عن اذن حضرتك هروح اكمل شغلي....
اذن لها بالخروج وهو يتناول هاتفه لمهاتفه عدي... ايوه يا عدي عملت ايه في موضوع السواقين بتوع شركه النقل الي عاملين اضراب... صمت بستمع لرد عدي ثم اضاف بعدها... تمام اهم حاجه لو ليهم حق ياخدوه وزياده كمان انت عارف انا مش باكل حق حد ... المهم اشوفك بعد ساعه في البريك نتغدي سوا....
اغلق الهاتف وعاد لمتابعه عمله....
كانت تعمل علي الحاسوب تنقر باصابعها الصغيره بسرعه ومهاره علي لوحه المفاتيح تدون بعض الارقام والبيانات الخاصه بالعمل وفي نفس الوقت تتابع حديثها مع زميلتها نور والتي تحسنت قليلاً...انت الي غلطانه يا نور ولازم تعتذزي له .. احمد بيحبك بلاش تزعليه منك...قالت بصدق ناصحه اياها
نور : ما انا عارفه بس هو بيستفذني ومش بعرف امسك لساني بصراحه...
سوار بتاكيد وبنيره ذات مغدي: لسانك ده اللي جايك ورا!!
نور: ما يبقاش قلبك اسود بقي .... المهم انا هقوم امضي الورق ده من الاستاذ عبد العزيز تكوني خلصتي شغلك علشان نلحق تتغدي في البريك ويكون احمد ويونس رجعوا ...
اومأت سوار براسها موافقه نور وهي لازالت علي جلستها تعمل علي الحاسوب معطيه ظهرها لنور ولباب المكتب ...
بعد فتره كانت سوار ونور يتجهون الي خارج الشركه لتناول الغذاء في مطعم قريب منهم ..واثناء خروجهم قابلوا يونس واحمد وتحركوا جميعهم نحو وجهتهم واصر احمد علي ان يذهبوا جميعهم بسيارته فالمطعم قريب ولا حاجه للذهاب باكثر من سياره خاصه عندما رغبت سوار بالذهاب بسيارتها ... تقدمهم احمد ونور نحو السياره وتبعهم سوار ويونس... فتح يونس باب السياره لسوار في حركه ذوقيه منه عله يحظي باعجابها!! ثم ركبت سوار ونور في الخلف واحمد يقود السياره وبجانيه يونس...
حدث كل ذلك امام زوج من العيون السوداء المشتعله بنيران قاتله تود حرقهم احياء...كيف لها ان تذهب معهم؟؟ آلم يحذرها من يونس؟؟ كيف تسمح لنفسها ان تركب برفقتهم السياره حتي وان كانت صديقتها معها !!! هناك رجلين تجلس برفقتهم وحدها!!! تتحدث معهم .. تبتسم لها ابتسامتها الرائعه... ستظهر غمازاتها الساحره... وتبتسم شفتاها المهلكه!!!!
لا لا لا لن يستطيع سيقتلهم ويمثل بجثثهم وهي سيكسر قدميها التي جعلتها تخرج معهم ويقطع شفتيها التي تبتسم بها سيقطعها بشفتيه حتي يدميها حتي لا تستطيع الابتسام لاي مخلوق غيره...
صبراً سوار صبراً....
ذهب برفقه عدي لاحد المطاعم ...با عاصم اهدي مش كده ... انت من ساعه ما شوفتها معاهم وانت مولع كده ... فيها ايه بعني لما خرجت تتغدي مع زمايلها....
رشقه عاصم بنظره ناريه من عينيه المشتعله...اهدي !!! عاوزني اهدي وانا شايفها خارجه مع الوسخ الي اسمه يونس وانا محذرها منه قبل كده وقايل لها تخالي بالها منه ... والهانم ولا هي هنا وعادي خرجت ومش في دماغها حاجه ... والبيه بيرسم وبيفتح لها الباب علشان تركب وهي زي الهبله ركبت معاه!!!
ثم صمت لثواني وقال بنبره خطيره : ولا يكونوا خارجين مع بعض كابلزز!!! نور واحمد ...وهي والزفت ... عند هذه الفكره احس ببركان ينفجر داخله ... اطاح بكوب المياه من امامه نافساً فيه غضبه المشتعل....
ايه يا عاصم .. انت اتجننت .. اهدي الناس ابتدت تاخد بالها مننا والكل عارفين احنا مين ... اهدي علشان منظرنا بقي زفت!!!
طاب ما تتصل بيها وتكلمها اهو علي الاقل تهدي شويه علي ما نرجع المكتب تاني!!!
وانا مستنيك تقولي اتصل بيها !!! ما انا بتصل بيها بقالي ساعه والهانم تليفونها خارج الخدمه ... قالها بنبره ساخره مغلوله...
وبعدين بدل ما انت عامل في نفسك كده ما تروح تقولها انك بتحبها وتتجوزها وساعتها محدش هيجي ناحيتها ... وتبقي ريحت نفسك وريحتنا من وجع القلب ده!!! قالها عدي ضاغطاً عليه لجعله يعترف بعشقه لها الواضح وضوح الشمس ورغم ذلك ينكره وينكر وجوده بشده....
توترت نظرات عاصم من حديث صديقه وقال بارتباك: حب وجواز ايه يا عدي الموضوع مش كده ... الموضوع انا خايف عليها من الي اسمه يونس ده ... ما انت عارف هو اللي لعب في دماغها وقالها ايه عني .. ما انت سمعته بنفسك لما فصلنا الصوت من كاميرات المراقبه...وبعدين انا مش بتاع لا حب ولا جواز انا كده مرتاح وميت فل...
لا واضح بصراحه انك مرتاح علي الاخر وواضح اكتر انك مش بتاع حب...قالها متهكماً من عند وغباء صديقه....
بعد قليل كانوا جميعهم وصلوا لمقر الشركه ... لمحته سوار يترجل من سيارته برفقه عدي .. ابطئت خطواتها حتي يتسني لها رايته والحديث معه فهي لم تراه من الصباح ...
ابتسمت ما ان اقترب منها وكادت ان تحادثه الا انه مرق من جانبها كالاعصار العاصف دون ان ينظر لها .... نظرت في اثره باحباط وقد فشلت خطتها ... قال وانا كنت فاكراه اول ما بشوفني هيقف ويكلمني..تنهدت باحباط وسارت بكسل حتي دلفت الي داخل الشركه....
دلف مكتبه بخطوات غاضبه وملامح قاتمه .... وقف امام سلمي قائلا : سلمي عاوز مدام سوار الناجي في مكتبي حالا ... ولج الي مكتبه صافقاً الباب خلفه بقوه كادت تحطمه!!!
اخذ يدور ويدورحول نفسه كالاسد الهائج الذي يريد الفتك بقريسته الا انه توقف لثواني عندما لمعت تلك الفكره الماكره في راسه والتي تجعله يضرب كل العصافير بحجر واحد!!! فطع تفكيره صوت طرقات علي باب مكتبه ... طرقات يعلمها ويعلم هويه صاحبتها وبستطيع يميزها جيذاً ... تبع الطرقات دلوف سوار الي داخل مكتبه ....
استدار بجسده لها ليقف في امامها ليصبحا متقابلين ... ابتسمت له بود... حضرتك طلبتني يا مستر عاصم ....
نظر اليها بملامح غاضبه وبصوت آمر غاضب سالها: قافله تليفونك ليه !!! ا
انا مش قفلاه انا نس......قاطعها هادراً: متكدبيش !!! بقولك مقفول انا كلمتك ميت مره وقت البريك كان مقفول ولا تكوني عامله كده مع رقمي انا بس لما انصل يديني مقفول علشان تكوني علي راحتك البيه بتاعك...ومقطعش عليكم قعدتكم الرومانسيه مل انتوا مقاضينها كابلززز!! ملامحه مشتعله وعروق نحره تكاد تنفجر من فرط غيرته وعصبيته ...انهي كلماته السامه المليئه بظنونه التي ليس لها اي اساس من الصحه.... الا ان نيران غيرته هي التي صورت له الامر !!!
ااندهشت من عصبيته وشكوكه الغريبه بحقها!!! قالت منفعله مدافعه عن نفسها : اولا انا ما بكدبش وما اسمحلكش تكلمني كده ولا تقول عليا كدابه... ثانياً لو كنت بس سمعتني للاخر كنت هتعرف ان نسيت تليفوني في المكتب ولما رجعت لقيته فاصل شحن علشان كده لما سالتني قلت لك بشحنه بس انت مسمعتنيش !!! يعني مش قفلاه ولا قاصده اني اعمل كده مع رقمك ...وهعمل كده ليه وانا اصلا ... وبعدين ايه خارجين كابلز دي !!! انا كنت رايحه انا ونور لوحدنا وبعدين قابلناهم واحنا خارجين وجم معانا ...
قال ومازال غضبه مشتعل حتي بعدما علم حقيقه غلق هاتفها...
وازاي تسمحي لنفسك تركبي العربيه مع راجلين لوحدكم والزفت اللي اسمه يونس ده موجود وانا حذرتك منه قبل كده ومن نظراته وطريقته معاكي لا وكمان يفتح لك الباب بنفسه .،، ايه عاجبك!!!
ازدات غضباً من تلميحاته الجارحه: ايه عاجبني دي ...انا ما اسمحلكش !!! وبعدين انا ماكنتش معاهم لوحدي نور معايا مع خاطبها ...ولو قصدك علي يونس انت عارف كويس اوي انه زميلي زيه زي احمد مش اكثر ومش هيكون اكثر من كده ...اما بقي هو فتح الباب ولا قفله ...عاملها قصد ولا لا ... في حاجه جواه ناحيتي ولا ببعمل كده عادي ... ماليش فيه هو حر في تصرفاته ... ماتجيش تحاسبني علي تصرفات غيري.....وبعدين ما انا قاعده معاهم علي طول في المكتب وساعات ببقي لوحدي ونور مش موجوده وهما موجودين ايه الفرق بقي!!!
وبعدين انت بتعمل معايا كده ليه ..، هي دي الثقه اللي كلمتني عنها !!!! هي دي انا واثق فيكي !!! بتحاسبني علي ايه وليه؟؟؟
قالت ذلك وهي تنظر داخل عينيه برجاء تمني نفسها ان يعترف بحبه لها والتي تستشعره في تصرفاته .. نظراته ... غيرته... حتي عصبيته تفضح عشقه لها ولكنها تريد منه اعتراف يريح قلبها ... قلبها الخائن الذي وقع بعشقه دون ان تدري .... نعم عشقته بكل جوارحها !!!
رغم قرارها بعدم السماح لقلبها بالوقوع في الحب مره اخري الا انه تغلغل داخلها بخبث شديد واوقعها بشباكه في غفله منها....
بماذا يجيبها ؟؟؟ هو نفسه لا يعرف ماذا يحدث له... يشعر بنيران هوجاء تحرق احشاؤه كلما لمح اي رجل بجانبها او ينظر لها!!! يريد ان يخفيها عن الجميع ... ان يسجنها داخل قلبه ...اذا كان هذا هو الحب الذي يتحدثون عنه !!! اذاً فهو يحبها بل يعشقها
حد الجنون... ولكنه خائف ...خائف وبشده من ان تكون لا تشعر به ولا بعشقه ... خائف من رفضها لحبه .....
ولكن حتي لو رفضته ورفضت حبه لا يهم....حبه لها يكفيهم .. سيفرض عليها عشقه بالقوه .... سيجعلها تهيم به عشقاً وتبادله عشقه بعشق اكبر ...هي له وانتهي الامر .. وعليها تقبل هذه الفكره شائت ام آبت!!!
قال محاولاً ضبط انفعالاته :انا بثق فيكي بلاش كلام اهبل ... وبعدين انا بخاف عليكي ومن حقي احاسبك علي التصرفات اللي مش عجباني...
خايف عليا من ايه وليه وتصرفات ايه اللي غلط كل ده علشان خرجت اتغديت معاهم ...قالتها بتزمر!!
اشتعلت غيرته من جديد عند ذكرها للامر مره اخري... ايوه علشان خرجتي واتغديتي معاهم لوحدك وركبتي العربيه معاهم لوحدك ..وما تقوليش نور كانت موجوده علشان ما يفرقش معايا... ويكون في علمك انا مش هسمح للي حصل ده انه يتكرر تاني...ثم صمت لثواني واضاف بثبات.. انت خلاص شغلك في الحسابات انتهي!!!
زهلت من رد فعله وجزع قلبها من قسوته ... قالت يتوجس: يعني ايه الكلام ده !!! انت عاوزني اسيب الشغل!!!
قال بغموض: مش بالظبط ...ردت بعدم فهم : يعني ايه...
قال موضحاً : يعني هتسيبي شغلك تحت في الحسابات وهتشتغلي معايا هنا في مكتبي ... هتبقي مديره مكتبي بدل سلمي ... علشان سلمي هتسيب الشغل علشان هتتجوز...
قالت برفض:لا طبعااااً...انا محاسبه مش سكرتيره .. افهم ايه في شغل السكرتاريه ...انا بحب شغلي ومرتاحه فيه ... انا مش موافقه...
قال بعند: انا مش باخد رايك علشان تقولي اه او لا... ده اوردر شغل وانت عليكي تنفذيه ... من بكره تكوني موجوده مع سلمي هتعرفك الشغل في مكتبي ماشي ازاي....
قالت بعند اكبروهي تشتعل غيظاً من تسلطه .. هي لا تحب ان يجبرها احد علي شيء ... هو لو فقط يحادثها بهدوء ويقنعها ستفعل ما يريد بكل رضا نفس ولكن ليس بالاجبار :وانا مش هنفذ اوردرات انا هفضل في مكاني يااما هسيب الشغل !!!
نظر لعينيها بتحدي : مش بمزاجك اوامري هتتنفذ ومش هتسيبي الشغل احنا في شركه مش بنلعب !!! وبعدين تقدري تراجعي العقد بتاعك هتلاقي فيه اني من حقي كصاحب الشركه اشغلك في المكان اللي اشوفه مناسب لمصلحه الشغل ومن غير موافقتك ... اما موضوع سيبان الشغل برضه مش هينفع الا لما يعدي علي تعيينك في الشركه خمس سنين او انك تدفعي الشرط الجزائي الي هو ٢ مليون جنيه!!!!! وحتي لو معاكي تدفعي انا مش هسيبك علشان انا والشغل محتاجين لك....
بهتت ملامحها وشعرت بالاحباط منه ومن ادراكها لحقيقه عقدها المبرم مع شركته.... ردت بيأس شديد : والمطلوب!!!
قال وعينيه تلمع بوميض انتصار رهيب: بكره الصبح تكوني سلمتي كل حاجه تخص شغلك في الحسابات للاستاذ عبد العزيز وبعد كده تستلمي شغلك مع سلمي لحد ما تعرفي منها كل حاجه...
صمت قليلا واضاف بتحذير.. وبالمناسبه لبسك ده يتغير مش عاوز الاقيكي لابسه ضيق او قصير ومش عاوز اشوفك لابسه كعب عالي نهائي انت فاهمه ....وشعرك ده يتلم مش عاوز اشوفه مفرود ومش عاوزك تحطي مكياج ... احنا جايين نشتغل مش رايحين حفله... انهي كلامه وهي يتلوي من نيران غيرته الهوجاء...
نظرت له ببلاهه وكانه براسين... ما كل هذه الممنوعات التي يفرضها عليها.....
قالت باستهزاء لحديثه: طاب ما اجي باسدال الصلاه احسن!!!
قال مستحسناً الفكره: يا ريت ولا اقولك ايه رايك تتحجبي او لا بلاش حجاب ايه رايك في النقاب .. حاجه اخر احترام وحشمه...
قالت باندهاش: انت بتتكلم جد!!! انا طبعاً بحترم الحجاب والنقاب ومش بقلل منهم واكيدعارفه ان الحجاب فرض عاوزه اتحجب بس لسه ربنا مارادش ولما ربنا يريد هعمل ده علشان ربنا وعلشان ديني بيآمرني بكده مش علشان شغل او اي حد وبعدين ده بيني وبين ربنا محدش له انه يدخل في حاجه زي كده....
قال مؤكدا: انا مقصدش اني افرض عليكي الحجاب انا بقول المفروض يتعمل ..
وبعدين انا بقول كده علشان بخاف عليكي انت عارفه انا هنا مكان هشام اخوكي وواجبي اني احافظ عليكي واحميكي...
اغتاظت من وصفه انه مثل اخيها ... فقالت تتحداه: اولا انت مش اخويا .. ثانياً هشام عمره ما بيدخل في لبسي ولا بيفرض عليا رايه في حاجه ..
ثم اقتربت منه وقالت بنبره ماكره: وبعدين معتقدش ان العقد بتاعي في بند بيلزمني اني اسمع كلامك في موضوع لبسي مش كده ولا ايه ...
نظر لعينيها معجباً بها وبتحديها له ... هنشوف مين كلامه الي هيمشي في الاخر يا بنت الناجي...
بادلته ابتسامته بابتسامه متحديه...هتشوف بنت الناجي هتعمل فيك ايه يا ابن ابو هيبه....
...............
انتهي الفصل الثاني عشر عرض أقل
الفصل الثالث عشر .....
استيقظت سوار متاخره علي غير عادتها ..فقد ظلت مستيقظه لوقت طويل تذاكر مع اولادها وتراجع معهم دروسهم فقد بدات امتحانات اخر العام ...فقد سقطت نائمه مره اخري بعد ان ايقظتهم للذهاب الي الامتحان.. فقزت من السرير ما رات تاخر الساعه ... نصف ساعه وكانت تطير بسيارتها نحو عملها ...
فاليوم لديهم اجتماع مع الشركه الايطاليه وهذا اول اجتماع تحضره منذ ان اصبحت مديره مكتب عاصم منذ شهر ومن حظها التعيس تتاخر علي موعد الاجتماع .... دخلت مهروله الي داخل الشركه متوجهه نحو مكتبها قبل ان يبدا الاجتماع .....
لمحت عاصم يتجه نحو قاعه الاجتماعات وبرفقته الوفد الايطالي ...هوولت تحضر اشيائها من مكتبها ولحقت بهم ....
دلف عاصم ومعه الوفد الي قاعه الاجتماعات مرحباً بهم وكل بضع دقائق يطالع ساعته متوعداً لها علي تاخيرها ... ثواني واستمع الي صوت طرقعه كعبها العالي والتي لا تتخلي عنه عنداً فيه كعادتها منذ ان انتقلت للعمل في مكتبه .....
التفت براسه نحو المدخل وجدها تدلف سريعاً وترسل له بنظره اعتذار...ولكنها كالعاده تريد ان تصيبه بجلطه قلبيه بسبب ما ترتديه... فكانت ترتدي فستان من اللون اللبني الفاتح قصير يصل الي ركبتيها وفوقه جاكيت من اللون الكحلي وحذاء ابيض ذو كعب عالي وحقيبه يد حمراء وشعرها كعادته حر طليق يثير جنونه!!!
اشتعلت نيران عينيه علي الفور وكتم غيظه داخله حتي ينتهي الاجتماع فهي منذ شهر وهو يتجاهل ما تفعله لتثير حنقه لكن اليوم سيضع حداً لها....كان يتراس طاوله الاجتماعات وعلي يمينه يجلس عدي ومحامي المجموعه ..وعلي يساره يجلس السيد"الكسندرو" صاحب الشركه الايطاليه ومديره مكتبه وصاحبته"صوفيا والمحامي الخاص بهم... جلست بجانب عاصم تتوسطه هو وعدي!! مال ناحيتها ما ان جلست بجانبه قائلاً بتحذير: ما تتحركيش من مكانك لحد ما الاجتماع يخلص .. ثم رمقها بنظره محذره من عينيه تاكيداً لحديثه!!!
تعلقت نظرات اليكسندرو بسوار منذ دخلوها القاعه وظهر اعجابه بها واضحاً من نظراته لها طوال الاجتماع فقد وصفها "بالحوريه الشرقيه"..وكذلك صوفيا التي انبهرت بعاصم ما ان رات وسامته وملامحه الشرقيه الواضحه وجسده الرجولي المهيب...
استمر الاجتماع لوقت طويل ناقشوا فيه الكثير والكثير من الامور الهامه ولكن عاصم كان يجلس علي جمر مشتعل بسبب ذلك نظرات ذلك الايطالي الوقح نحو سوار والذي بدي ظاهراً بوضوح علي وجه عاصم المتجهم .. فقد لاحظت سوار نظرات ذلك الايطالي ناحيتها ولكنها تجنبت التعامل معه حتي لا تتسبب في مشكله لعاصم ولكنها لم تغفل عن النظرات الوقحه من تلك الصفراء التي تنظر لعاصم وتكاد تلتهمه بعينيها....
احست سوار بالضيق الواضح علي ملامح عاصم .. فاستغلت انشغال الجميع بمراجعه بعض الاوراق ...فمالت ناحيته تحدثه بهمس .. عاصم انت كويس ..شكلك مضايق في حاجه حصلت زعلتك!!! رقصت دقات قلبه فرحاً لاهتامها به ولنطقها اسمه مجرداً دون القاب رغم وجود الجميع !!!
كانت قريبه منه لدرجه خطيره رائحتها القويه تغلغت داخل صدره تعيث في قلبه ومشاعره فساداً... استنشق عبيرها الاخاذ داخل رئتيه ومال براسه هو الاخر ناحيتها وتحدث بهمس مماثل لها.. انت شايفه ان مفيش حاجه حصلت!!! وبعدين من امتي بتقوليلي عاصم كده من غير حاجه واحنا وسط الناس قصداها صح!!
قالها بغيظ ثم اضاف بتوعد بعد الاجتماع نتكلم..
نظرت له بقلق من حديثه وفضلت الصمت حتي انتهاء الاجتماع!!!
انتهي الاجتماع بعد فتره طويله واسفر عن وجود تعاون مشترك بين الطرفين...اتجه عدي ومعه المحاميان الي مكتبه لمراجعه بنود العقد بينهم وتركوا عاصم والكسندرو والسيدتان معاً....
مد الكسندرو يده مصافحاً عاصم بحراره....
الكسندرو بالايطاليه: سعيد جداً للتعاون معك سيد عاصم
عاصم متحدثاً بالايطاليه بطلاقه مثله: وانا ايضا سيد الكسندرو
صوفيا بنظرات وقحه وهي تصافحه: انا واثقه ان التعاون بيننا سينال رضاك وسنستمتع بيه كثيراً ايها الوسيم!!!
عاصم ببرود وقد فهم مغذي كلامها: نامل ذلك..
اشتعلت نظرات سوار واحست بالنار تاكل احشاؤها من وقاحه تلك الصفراء وحديثها مع عاصم ... هي لا تجيد التحدث بالايطاليه ولكنها متاكده ان هذه الوقحه تتغزل بعاصم من نظراتها ... فبدون تفكير اقتربت من عاصم حتي التصقت به ونظرت لها بنظره ذات مغذي ان هذا الوسيم خاصتي واياك والاقتراب منه!!!
لم يعلق عاصم علي تصرف سوار فكان كل اهتمامه مع الكسندرو ونظراته نحوها...
مد الكسندرو يده لمصافحه سوار وهو يتظر لها باعجاب قائلاً: شرُفت بمعرفتك ايتها الحوريه الشرقيه!!!
لم تفهم سوار معني كلامه ولكنها فهمت انه يريد مصافحتها وقبل ان تمد يدها اليه ...
كان عاصم قد التقط يديه ضاغطاً عليها بقوه متحدثاً من بين اسنانه وملامحه تنذر بقدوم عاصفه قويه.....
هي لا تصافح الرجال ولا تنعتها بالحوريه الشرقيه مره اخري..
وابعد نظراتك من عليها حتي لا اضطر للتعامل معك بشكل غير حضاري!!!!
الكسندرو: اوووو. اهديء يا رجل ما بك .. انا فقط ابدي اعجابي بها ليس الا .. لم اقصد اي شيء سيء!!! ولكن واضح انها تمثل لك الكثير ... هل هي عشيقتك!!!
عاصم بغيره واضحه: انها امراتي .. خاصتي .. وليس عشيقتي!!
الكسندرو: معذره سيد عاصم لم اكن اعلم .. اكرر اعتذاري
عاصم بجمود : لا عليك واتمني الا يتكرر الامر مره اخري والا تعتبر العقد بيننا كانه لم يكن
الكسندرو:كن مطمان .. الي اللقاء
غادر الكسندرو وصوفيا التي تشتعل غيظاً من برود عاصم معها وفشلها في التاثير عليه الي جانب معرفتها بان سكرتيرته الحسناء هي محبوبته .. ولكنها لم تياس ستحصل علي عاصم ففد اعجبت به ووبوسامته الشرقيه المثيره....
ما ان غادروا حتي استدار اليها ينظر اليها بملامح مبهمه لا تفصح عما يدور بداخله من صراعات تتمركز كلها نحوها ... اقترب منها وتحدث بهدوء حذر: انا عاوز افهم انت ليه بتعانديني ..ليه بتعملي الي يضايقني... ليه مش بتسمعي كلامي!!!!
قالت بنعومه ومكر انثوي فقد نجحت في اغاظته واثاره غيرته عليها ولكنها تريده ان يعترف بعشقه لها الواضح في كل تصرفاته ولكنه يكابر ويعاند !!! وانا عملت ايه بس يا مستر عاصم ... ما انا متحركتش من مكاني زي ما حضرتك آمرت!!!
ابتسم علي مكرها ومراوغتها له مقرراً مجاراتها فيما تفعله....
فحاول ان يحافظ علي ملامحه الجامده قائلاً: الي عملتيه حضرتك انك اتاخرتي عن معادك .. في مديره مكتب يكون عندها اجتماع مهم وتتاخر عليه وتيجي بعد مديرها والاجتماع كان هيبدا من غيرها!!!!
تلاشت ابتسامتها وشعرت بفشل خطتها وقالت بحرج معتذره بعد توبيخه لها عن تاخيرها.: اانا اسفه والله ما قصدتش اتاخر عن الاجتماع بس غصب عني نمت متاخر امبارح .. عموماً مش هتتكر تاني ... عن اذنك هروح اشوف شغلي...
كادت ان تتحرك من امامه الا انه مد يده يجذبها من يدها يمنعها من التحرك...وقف امامها مباشراً وسالها بشك من ان تكون تسهر للتحدث مع احد علي الهاتف ليلا ...وايه بقي الي نيمك متاخر!!!
قالت بصدق: كنت بذاكر مع الولاد علشان امتحانات اخر السنه بدات وكان عندهم امتحان انهارده....
تنهد بارتياح ولام نفسه علي شكه فيها ولكن غيرته المجنونه عليها هي السبب... علي فكره انا لغايه دلوقتي ما اتعرفتش علي ولادك .. انا عاوز اتعرف عليهم لو مش هيضايقكً يعني!!!
قالت مبتسمه: لا بالعكس دي حاجه تبسطني .. اول ما الامتحانات تخلص ابقي اعرفك عليهم...
عن اذن حضرتك يا مستر عاصم هروح اشوف شغلي المتاخر ده!!
قالتها وتحركت بضع خطوات الا انه جذبها اليه مره اخري من يدها ولكن بشكل اقوي مما جعل جسدها يرتطم بصدره... شهقت مجفله من فعلته ووضعت يدها علي صدره العريض كرد فعل طبيعي لجذبه لها بتلك الطريقه ..وهو بدوره ممسك بها من ذراعيها ...
قال مشاكساً اياها: هو انت ايه حكايتك بالظبط .. في الاجتماع تقوليلي قاصده تقوليلي عاصم ...ودلوقتي واحنا لوحدنا تقوليلي مستر عاصم .. انت عاوزه تجننيني!!
قالت بخجل وارتباك من قربه الشديد منها ونظرات عينيه ورائحه عطره لا تساعدها علي تجميع جمله مفيده..قالت بلجلجه.. اااناااا...كككنت... اقصد ...مكانش قصدي هي جت كده...
قال بمكر اكبر :انا حذرتك قبل كده وقلت لك لو غلطتي هعاقبك واخاليكي تصالحيني .. وانت غلطتي .. صالحيني بقي انهي كلامه غامزاً لها بطرف عينيه في عبث!!!!
قالت بارتباك ونظرات متوتره من حديثه المتواري.. اصالحك ازاي يعني!!!
طالعها بنظرات عاشقه ممراً عينيه علي كل انش بوجهها الجميل حتي استقر بنظراته فوق شفتيها المنتفخه المهلكه لاعصابه... يريد ان يلتهم شفتيها بين شفتيه ... يريد ان يتذوق طعمها.. يريد ان يقبلها حتي تنقطع انفاسهم لعله يشبع جوعه لها ... ولكنه متيقن ما ان يلمس شفتيها بشفتيه لن يتركها الا وهي زوجته يوشمها بوشم رجولته ولكن عليه ان يسيطر علي وحش رغبته الجائع لضمها اليه قليلاً حتي تصبح له....
استجمع رابطه جأشه وهو لايزال علي نفس وضعه وتحدث بصوت رجولي اجش: تصالحيني باننا نخرج نتغدي سوا مع بعض بعد الشغل...
اومات براسها سريعاً عده مرات موافقه بدون تفكير .. هي فقط ترغب الهروب من حصاره المهلك لاعصابها.. موافقه ... موافقه قالتها وهي تنفلت من بين ذراعيه مهروله الي مكتبها ...
تنهيده حارقه خرجت من جوف عاصم وقد عزم امره علي ضروره الاسراع في الارتباط بها في اقرب وقت ممكن!!!
...........
بعد منتصف اليوم كانت تجلس في مكتبها وتتحدث مع اولادها علي الهاتف تطمئن عليهم وعلي ادائهم في الامتحان بعد عودتهم من االمدرسه... انهت اتصالها معهم وعادت لاستكمال عملها ...
شعرت بدخول احد ما الي مكتبها ... رفعت راسها لتري من دخل اليها ولكنها صدمت عندما علمت هويته...
شهقت بصدمه وهي تقوم من جلستها : انت !!!!!!
كان ايمن طليقها وابو اولادها ... اول مره تراه بعد انفصالهم ... لقد قاربت علي سنه لم تراه او تسمع صوته ...شعرت بالنفور والكره الشديد ما ان راته امامها...نظرت له بازدراء من اعلي الي اسفل وسالته بحده: انت ايه اللي جابك هنا؟؟؟
نظر لها ايمن نظرات اسفه مشتاقه ...لقد اشتاق اليها كثيراً ..لقد ندم علي تفريطه بها وتطليقها وهدم حياته وحياه اولاده ....
تردد كثيراً قبل ان ياتي اليها ...خائف منها ومن رد فعلها ... ولكنه يريدها ويريد استعاده حياته معها ومع اولاده ... لذلك قررالمجيء اليها والتحدث معها لاقناعها بعودتهم مره اخري...
ايمن: اذيك يا سوار ... عامله ايه ... وحشتيني... ثم قدم لها باقه من الزهور قد احضرها معه من اجلها...
سوار: وقفت عاقده ذراعيها حول صدرها ونظرت ليده الممدوده بباقه الزهور بنفور ثم رفعت نظراتها المحتقره اليه وقالت ...
اسمي مدام سوار... يا ريت ما تنساش .. وبعدين ايه اللي جابك هنا وعرفت مكان شغلي ازاي!!!
وضع ايمن باقه الورد امامها علي المكتب قائلاً: سوار انا محتاج اتكلم معاكي ...
سوار : مفيش كلام بينا ممكن يتقال ...ولتاني مره بقولك اسمي مدام سوار...
ايمن باصرار: لا لسه في ما بينا كلام .. احنا علاقتنا ببعض عمرها ما هتنتهي ...احنا في ببنا ولاد ولا نسيتي...
جلست سوار علي مكتبها واضعه قدم فوق الاخري مريحه ظهرها للخلف علي ظهر المقعد: لو جاي علشان تتكلم في حاجه بخصوص الولاد اظن ان الموضوع ده في ايد هشام اخويا .... بعني مفيش ببنا اي كلام... ولو سمحت ده مكان شغل وما ينفعش فيه الي انت بتعمله ده من فضلك امشي علشان ما تتسببش ليا في مشكله...
ايمن باستعطاف: انا مش همشي غير لما تسمعيني ... ارجوكي...
نظرت في ساعه يدها ثم رفعت نظراتها اليه قائله: قدامك خمس دقايق تقول عاوز ايه وتمشي من هنا ومش عاوزه اشوفك هنا تاني...
ايمن بامل: ماشي موافق... سوار انا عارف اني غلط في حقك وحق ولادي ومهما قلت مش هيشفع لي عندك... بس انا عاوزك تنسي اللي حصل ونرجع لبعض ونبدا من جديد ... وانا اوعدك هعوضك عن اللي عملته... انا جالي عقد عمل في دبي وهسافر كمان شهر ... احنا ممكن نخلص كل امورنا في الشهر ده ونسافر علي طول احنا والولاد علي بي...ها قولتي ايه!!:
في نفس الوقت كان عاصم منهمك في مراجعه بنود عقوده مع الشركه الايطاليه وما ان انتهي منها حتي اراح ظهره للخلف ممسداً عنقه الذي تشنج من جلسته ... نظر نحو حاسوبه ليكي يراها عبر الكاميرا... قطب جبينه ما ان راي شخص غريب لم يعرفه معها في المكتب!!
لفت نظره باقه الورد الموضوعه فوق مكتبها .... حدث نفسه بان من المؤكد ان هذا الشخص الغريب هو الذي احضرها معه !!! اليها!! استشاطت نظراته واشتعلت نيران غيرته الهوجاء عليها...
قام مسرعاً متجهاً نحو مكتبها بخطوات غاضبه .... سيقتله ... سيقتله علي جراته وقدومه اليها... ويضع تلك الزهور اللعينه فوق قبره ...
امسك بمقبض الباب لكي يفتحه ولكنه تسمر مكانه ما ان استمع الي حديثهم ... فمكتبها يعتبر جزء من مكتبه يفصله عنها باب خشبي... عرف من سياق الحديث انه طليقها اللعين ... شبيه الرجال .. من تسبب في جرحها وحزنها .... اقسم سيريه العذاب الوان ويمحوه من علي وجه الارض لو تعرض لها بكلمه ....
ولكنه انتظر عندما استمع حديثه عن رغبته في عوده الحياه بينهم مره اخري .... انتظر ونيران الغيره والخوف تستعر بداخله اكتر واكتر... خوف من قبولها طلب طليقها .... وخوف من تجرعه مراره فقدانها!!!!!
قالت سوار بثبات وهي تنظر لايمن: ومراتك هتعمل معاها ايه.... انا سمعت انها خلفت!!!
قال دون تردد: لو عاوزاني اطلقها انا معنديش مانع ... بس توافقي ترجعيلي...
سوار بابتسامه صفراء: اممممم !! والمفروض بقي اني اصدقك وارقص من فرحتي انك هتطلقها علشان خاطري ونرجع بقي نعيش مع بعض من تاني ولا كان حاجه حصلت ... مش كده!!!
ابتسمت بتهكم وقربت وجهها منه قائله بنفور: انت ازاي كدهً... ازاي انا كنت عاميه ومش شيفاك علي حقيقتك السنين دي كلها !!!
انا بجد قرفانه منك ومن وساختك ... انت اقذر انسان شوفته في حياتي ... انت مصمم تكرهني فيك اكتر واكتر ... انا بكره نفسي لما افتكر ازاي كنت كنت فاكره نفسي بحبك في يوم من الايام ... للاسف انا معرفتش اختار اب محترم لولادي ... اب بيتقي ربنا في خلقه ويخاف منه...
اطلع باره ... مش عاوزه اشوف وشك تاني ....
شعر ايمن بالخزي من نفسه وعلم ان سوار كرهته وطردته من حياتها لابد ... حاول التحدث مبرراً حديثه... الا ان فتح الباب منعه من الحديث...
ما ان استمع عاصم الي حديث سوار حتي هدات روحه الملتاعه خوفاً من فقدانها ... فقرر الدخول للوقوف بجانبها ضد هذا الحقير...
فتح باب مكتبه ودخل الي مكتبها ووقف بجانبها متحدثاً بنبره جاده وهو ينظر لايمن بنظرات محتقنه: ايه اللي بيحصل هنا !!'ومين الاستاذ!! قالها وهو يشير بطرف اصبعه علي ايمن بحركه مقلله من شانه!!!'
اوتجفت سوار ما ان وقف عاصم امامها وشعرت بالقلق الشديد من نظراته نحو طليقها ...قامت سوار من جلستها ووقفت امامه واشارت نحو ايمن قائله:
الاستاذ ايمن الحديدي طليقي ... كان جاي في حاجه كده خلاص ماشي...وده الاستاذ عاصم ابو هيبه صاحب الشركه....
نقل نظراته بين ايمن وبين باقه الزهور قائلا : ولما هو طليقك ايه الي جابه هنا ... هو مش عارف ان هنا شركه محترمه مش محكمه الاسرهً ... ثم امسك باقه الزهور ونظر لها باستخفاف ثم القاها في سله المهملات التي بجانبه !!!
احتدت نظرات ايمن تجاهه واستشاط غيظاً من عجرفته وتصرفاته الفظه: انت ازاي تسمح لنفسك تتكلم معاها ومعايا بالطريقه دي!!انت مين اصلاً وازاي تدخل ما بينا!!!
جاءت سوار ان تتحدث الا ان عاصم رفع يده امام وجهها كاشاره لكي تصمت : انا اتكلم زي ما انا عاوز مش واحد زيك هيعرفني اتكلم ازاي ولا اقول ايه ... واتفضل يالله من هنا ورجلك ما تخطيش عتبه الشركه مره تانيه ...
ايمن بحقد لسوار: في ايه بينك وبينه يا هانم علشان يسمح له انه يكلمك بالطريقه دي!!! هو ده اللي رفضتي ترجعي لجوزك ابو ولادك علشانه!!!قال ذلك وهو يمد يده محاولاً جذبها من ذراعها!!!!
شهقت سوار من وقاحته واضعه يديها حول فمها في صدمه.....
بحركه سريعه ووقف عاصم امام سوار كالسد المنيع يخفيها وراء ظهره مانعاً ايمن من الوصول البها.... ثم جذب ايمن من ياقه قمبصه متحدثاً بشراسه؛ اخرس يا وسخ يا ابن ال...، اللي بتتكلم عليها دي انضف منك ومن اهلك ... انت فاكر كل الناس وسخه زيك وزي الوسخه اللي اتجوزتها عليها .... قسماً عظماً لو شوفتك او لمحتك بس بتهوب ناحيتها مش هخالي الدبان الازرق يعرف لك طريق ... ولو بس فكرت ان اسمها يجي علي لسانك ساعتها عاوزك تفتكر الاسم ده كويس اسم عاصم ابو هيبه علشان ده هيبقي عملك الاسود في الدنيا... ثم نطره من يده بقوه كادت ان توقعه علي الارض ...
استند ايمن علي الحائط خلفه حتي لا يقع ثم نقل نظراته بينهم قائلا بحقد وتوعد: انا هواريكم انا هعمل ايه ... هواريكي ايمن الحديدي هيحرق قلبك ازاي ... والله لاحرق قلبك علي عيالك وبكره تقولي ايمن قال !!!!
هرول عدي ناحيه مكتب عاصم ما ان استمع لصوته العالي .... وقبل ان يفهم ماذا يحدث وجد عاصم يتشاجر مع رجل لا يعرفه!!!!
ما ان استمع عاصم لكلماته الحقيره حتي سدد له لكمه قويه جعلته يرتد للخلف وانفه ينزف بغزاره ... ثم كال له العديد من اللكمات منفثاً عن غضبه المشتعل منه..
انقذ عدي ايمن من براثن عاصم الذي اصبح فاقد للسيطره .... اهدي يا عاصم ... اهدي هيموت في ايدك ... اهدي كفايه احنا في الشركه ...وسحبه عدي باتجاه المخرج الخلفي للشركه تجنباً للفضائح ....حمد الله عدي بداخله ان ما حدث بعيداً عن باقي الشركه والموظفين فمكتبهم في الدور الاخير ولا وجود لمكانب اخري معهم !!!
كانت سوار ترتجف بشده وكلمات ايمن تتردد داخل عقلها وكل ما تستوعبه انه سوف ياذيها في اولادها .... سيحرق قلبها كما قال ...
سياخذ اولادها ويحرمها منهم ....ترنح جسدها ولم تعد تستطيع السيطره علي ارتجافه جسدها .... داهمها دوار شديد وشعرت بالارض تدور بها وقبل ان يغشي عليها نطقت اسمه تنادي عليه هتفت اسمه بضعف وكان اخر حاجه قالتها وسقطت مغشياً عليها
عاصم!!!!
كان يتنفس بقوه وصدره يعلي ويهبط بجنون من انفعاله ... وقف لثواني مستجمعاً هدوءه قبل ان يلتفت اليها ويحدثها .. فقد كان يقف وسط الغرفه واضعاً يديه في خصره ينفس نيراناً حارقه من جسده باكمله ... ولكن ندائها باسمه بهذه الطريقه الضعيفه جعلته يستدير في طرفه عين .....هوي قلبه بين قدميه عندما راي جسدها يفقد توازنه ويقع علي الارض .... قطع المسافه الفاصله بينهم في خطوه واحده والتقتها بين يديه قبل ان تسقط ارضاً وصرخ باسمها منادياً عليها بفزع ... سووووااااار!!!!!.
..........
💕💕💕💕
الفصل الرابع عشر .../
سوووواااارر!!!!
ارتجف قلبه بشده ما ان تهاوي جسدها بين يديه....حملها سريعاً ودخل لمكتبه ومددها علي الاريكه الجليديه ...فتح احد ادراج مكتبه وجلب زجاجه عطره...جلس بجانبها وفتح زجاجه العطر مقرباً اياها من انفها في محاوله منه لاقاقتها ولكنها لم تستجيب !!!!
مد يده تحت راسها ورفعها داخل حضنه وييده الاخري يضرب بخفه علي وجنتها منادياً عليها بلوعه.... سوااار...سوااار فوقي علشان خاطري... فوقي متوجعيش قلبي عليكي ... سوااار...
دلف عدي الي مكتبه مهروله بعد ان اخرج ايمن من الباب الخلفي للشركه!!! مالها سوار يا عاصم ايه الي حصل لها؟؟؟ ساله مستفهماً في ذهول!!!!
عدي ... الحقني ... سوار هتروح مني!!! قال يجزع شديد...
انت مستني ايه ... يالله نوديها المستشفي بسرعه... اومأ براسه موافقاً واسرع يرتدي جاكيت بدلته ثم امر عدي بجلب اشياؤها من مكتبها...
تقدم نحوها وحملها مره اخري متجهاً بها للخارج ... سار باتجاه المصعد ولكن استوقفه عدي قائلاً : انزل بيها من السلم الخلفي بلاش تنزل ببها كده قدام الموظفين والشركه كلها ...
كاد عاصم ان يعترض فعاجله عدي قائلاً بنبره ذات مغدي: ده علشانها وعلشان سمعتها !!!
نظر الي ملامح وجهها المسترخيه وضمها الي صدره بقوه بحمايه ثم نزل بها من السلم الخلفي... وصل الي سيارته وضعها علي المكنبه الخلفيه وجلس بجانبها واضعاً راسها داخل حضنه وجسدها ممد جانبه وتولي عدي قياده السياره نحو المشفي.
.......
دخل ايمن الي منزله بخطوات غاضبه وجسده كله يأن وجعاً ويكتم انفه بمنديلاً ورقياً لكي يقف نزيفه...ارتمي بجسده علي الاريكه في صاله منزله... شعرت زوجته برجوعه فدهبت لملاقاته الا انها شهقت فزعاً ما ان رات حالته المزريه!!!!
نهي: ايه اللي حصلك يا ايمن ... مين اللي عمل فيك كده... ثم انحنت علي قدميها تجلس بجانب الاريكه تتحسس وجهه في قلق: انت كويس يا حبيبي ... قوم نروح المستشفي نطمن عليك !! قالت وهي تجذبه من يده تحثه علي الذهاب معها....
جذب يده من يدها قائلاً بوهن:اهدي يا نهي مفيش حاجه انا كويس ما تقلاقيش... انا بس اتخانقت وانا راجع... قال كاذباً...
اتخانقت!! هتفت مستنكره حديثه...ازاي وامتي ومع مين!!!
يووووووه يا نهي هو تحقيق اتخانقت وخلاص زي كل الناس ما بتتهانق ... وعلشان تهدي وترتاحي .. اتخانقت مع واحد زنق عليا بعربيته ونزلت وانخانقنا مع بعض مش حوار يعني!!! انهي حديثه وهو متجهاً لغرفته تاركاً زوجته تتبع اثره في توجس!!!
........
وصلوا الي اقرب مشفي لهم سريعاً بعد قياده عدي المسرعه ....دلف الي المشفي مهرولا حاملا سوار بحضنه ...
صرخ بهم بصوت جهوري عالياً لكي يسرعوا لانقاذها ...
دكتوره بسرعه ... عاوز دكتوره ... حد يساعدني !!!!
اسرع المسعفون اليه ومعهم السرير النقال الخاص بنقل المرضي ... مد احد المسعفين يديه حتي يحمل عنه سوار ... الا انه زجره بعينيه بنظره قالته ثم ووضعها هو بنفسه علي السرير النقال!! سار معهم بخطوات راكضه وهم يدفعون بالسرير المحموله عليه سوار حتي وصلوا الي احد غرف الكشف...
منعوه المسعفون من الدخول معهم الي داخل غرفه الكشف الا انه وقف علي باب الغرفه هادراً فيهم بغضب: عاوز دكتوره هي الي تكشف عليها ... مش هتتكشف علي دكتور رجل...عاوز دكتوره ست ومعاها المساعدين بتوعها ستات ...الا والله لاهد المخروبه دي فوق دماغكم...
صاح عدي: اهدي يا عاصم مش كده !!خالي الناس تشوف شغلها....الا ان راسه كالحجر الصوان وظل علي عناده!!!!
اوما المسعفون مسرعين يجيبون طلبه خوفاً من بطشه ... خاصه وهو يدل من هيئته علي انه من اصحاب النفوذ!!!
ثواني وكانت دكتوره ومعها طاقم تمريض من السيدات يفحصون سوار التي لا تزال غائبه عن الوعي!!!!
ربط عدي علي كتفه في محاوله لموساته وتهدئه غضبه... اهدي ياعاصم ان شاء الله هتفوق وتبقي كويسه...
انا بس عاوز افهم ايه اللي حصل ومين الرجل الي طحنطه ده !!!ساله بعدم فهم لما يحدث حوله!!!!
فرك عاصم وجهه عده مرات في محاوله منه لضبط اعصابه ..ثم قص عليه كل ما حدث.... ثم قال آمراً عدي : اسمع يا عدي انا عاوز كل حاجه عن الواد ده ... عاوزه تحت عنيك لاني وديني ما هرحمه لو حصل لها حاجه... وبعدين عاوز تعين حراسه علي سوار وولادها بس من غير ما تاخد بالها .. مش عاوزها لا هي ولا ولادها يغيبوا عن عنيهم لحظه... عاوزهم عيال مخلصه وفاهمين شغلهم مش عاوز اي غلطه ....
اومأ عدي موافقاً: اطمن اعتبره حصل .. قاطع حديثهم خروج الدكتوره من غرفه سوار...اسرع عاصم هاتفاً بقلق ولهفه...
خير يا دكتوره فاقت!! سوار فاقت!!بقت كويسه !!
الدكتوره بعمليه: هي كويسه الحمد اللهً بس واضح انها انفعلت جامد واتوترت فجاه وده عملها اضطراب في الضغط وضربات القلب بقت سريعه ... علشان كده انا اديتها حقنه مهدئه ودواء ينظم الضغط وضربات القلب ...قدامها ساعتين علشان تفوق ويكون المحلول خلص ...
شحب وجهه وهربت الدماء منه ... سالها بنبره مرتعشه قلقه... يعني تقصدي ان في خطر علي حياتها ... ممكن يحصل لها حاجه وتروح مني!!!
الدكتوره بنفس طريقتها العمليه: طبعاً الضغط المضطرب ده خطر علشان كده انا بنصح انكم تعملوا لها شويه تحاليل للاطمئنان مش اكتر ..، لكن هي كويسه ما تقلقش..
عاصم بجديه: اعمليها كل التحاليل اللازمه ... اعملي check up كامل من فضلك وبسرعه....
اومأت الطبيه وتوجهت لعمل الفحوصات اللازمه لسوار....
ربط عدي علي مكتفه بأخوه مطمئناً : الحمد الله انها كويسه وانك اطمنت عليها .... مش المفروض تبلغ اخوها باللي حصل !!!
شرد بتفكيره لثواني ثم استطرد قائلاً: اكيد هبلغه ... اخرج هاتفه واتصل بشقيقها هشام واخبره بما حدث وطلب منه عدم الحضور لان الامر لا يستدعي وهم في غضون ساعتين سيكونا في المنزل......
............
دلف عاصم الي داخل غرفتها بالمشفي.... شعر بوخزه في قلبه عندما وجدها ممده علي الفراش لاتدري بما حولها ويديها موصله بمحلول مغدذي.... مال عليها طابعاً قبله طويله علي جبينها ثم جلس بجانبها علي الفراش ممسكا ً بيدها الاخري بين يديه ....
همس لها بنبره متحشرجه وقد لمعت الدموع داخل مقلتيه...
كده برضه يا سوار .. هونت عليكي ... هونت عليكي تعملي في قلبي كده... فوقي يا حبيبتي وفتحي عنيكي ... فوقي يا قلب عاصم ورجعي لي روحي اللي راحت مني لما غمضتي عنيكي !!!
قالها وهو يطبع العديد من القبلات علي كف يدها...
ظل ينظر لها كثيراً مراقباً لها عن كثب .... بدأت ترفرف باهدابها دلاله علي افاقتها من عفوتها المؤقته...
تهللت اساريره ما ان وجد اهدابها تتحرك ... هتف بلهفه مقبلا كف يدها: سوار حبببتي ... حمد الله علي سلامتك ... خضتيني عليكي يا قلب عاصم...
حركت انظارها حولها تطلع الي المكان الغريب الموجوده فيه حتي اتاها صوته الملهوف ... لم تكن في حاله تسمح لها ان تدرك جيداً معني كلماته...قالت بوهن: انا فين وايه اللي جابني هنا...
ثواني وقد استرجعت ما حدث معها .. ايمن ... عاصم ... عراك... تهديد ايمن بحرقه قلبها....
قامت من رقدتها سريعاً محاوله نزع ابره المحلول من يدها ودموعها تتساقط علي وجنتيها وتبكي بحرقه تنادي علي اولادها:
ولادي ... ولادي هياخدهم مني ... هيحرق قلبي عليهم ... هو قالي كده ... قالي هيحرق قلبي ..ولادي انا عاوزه اروح لولادي...
انتفض بفزع علي حالتها واحاطها بذراعيه محاولاً تهدئتها...
اهدي يا سوار ... ولادك بخير ... محدش هيقرب منك ومنهم ولا يقدر يحرمك منهم طول ما انا فيا نفس...اهدي يا حبيبتي انا جانبك...
انهارت تبكي بانهيار داخل صدره العريض ... كانت بحاجه لصدره تحتمي به من كل ما يخيفها ويطمئنها ويحتوي ضعغها .... وصدره كان اكتر من مرحب بها ... فمكانها الطبيعي داخل صدره وبين احضانه ... هنا مكانها ... امانها ودرعها الحامي التي تحتمي به ...هنا ملجأها وملاذها .....
ظل يضمها الي صدره بقوه ويطبطب علي ضهرها ويهدهدها كالطفل الصغير ويقبلها قبلات صغيره علي مقدمه راسها حتي هدأ بكاؤها واخرجت كل ما يجيش في صدرها من آلام...
شعرت بالخجل الشديد من احتضانهم لبعض بتلك الطريقه ... خرجت من احضانه واطرقت راسها بخجل ومازالت تنشج من اثارالبكاء...
شعر بالخواء بعد ابتعادها عنه ... كان يريدها ان تظل داخل احضانه باقي عمره ولكنه مقدراً ما تمر به من توتر نفسي... ابتسم علي خجلها وقاوم رغبته في ضمها الي صدره مره اخري واشباع جوعه لها ... مد انامله ممسكاً طرف ذقنها رافعاً راسها حتي يتمكن من رؤيه وجهها ...ولكنها اطرقت بنظراتها ارضاً خجلا منه.....
نداها بعذوبه: سوار... بصيلي!!! رفعت نظراتها اليه ملبيه نداؤه...تلاقت نظراتهم معاً لثواني قبل ان يقول برقه....
اوعي تاني مره تخبي عنيكي عني ... بحب اشوف نفسي جوه عنيكي....شعرت بقشعريره غريبه تدب في اوصالها من كلماته الرقيقه....
ثم اضاف بقوه: مش عاوز اشوف نظره الخوف في عنيكي الحلوين دول تاني طول ما انا عايش.... مفيش مخلوق خلقه ربنا يقدر يمس شعره منك او من ولادك طول ما انا موجود... انا في ضهرك متخافيش من اي حاجه .. مش هسمح لحد ولا لاي حاجه انها تضايقك او تجرحك طول ما انا فيا الروح ... فهماني!!!
احساس غريب بالامان والاطمئنان اجتاحها ... شعرت انه امانها وحمايتها ... ان هناك من تستطيع الاحتماء به من شرور الدنيا...
قالت بضعف وهي تنظرداخل عبنيه: بجد يا عاصم ... مش هتخاليه ياخد ولادي مني ...
بجد يا قلب عاصم .... لو فكر بس مجرد تفكير انه يقرب منك او من الولاد همحيه من علي وش الدنيا... ما ابقاش عاصم ابو هيبه اما ندمته ع الي عمله وخالاكي تنهاري بالشكل ده...انهي كلامه وقد تحولت ملامح وجهه لملامح مظلمه تنذر بان ايمن قد وقع بيد من لا يرحم ....
ارتجف قلبها من وصفه لها بانها قلبه ولكن حديثه عن طليقها ازعجها فقالت بقلق من مغذي كلامه: انا مش عاوزاك تاذيه يا عاصم ..ده مهما كان ابو ولادي ولسه مخلف بيبي صغير ... مش عاوزه ولادي يلوموني في يوم من الايام لو عرفوا اني اتسببت في اذي لباباهم !!! انا كل اللي عاوزاه يبعد عني انا وولادي ويسبنا في حالنا ... علشان خاطري ما تاذيهوش...
قال مستنكراً: انت بتدافعي عنه ... ده كلب ولا يسوي !!!
انا مش بدافع عنه بس انا فهمتك ده ابو ولادي ... علشان خاطري مش عاوزه مشاكل ... ارجوك !!! قالتها بضعف واستعطاف جعلته يرضخ له من اجلها واجل اولادها ... فهي محقه فهذا النذل ابو اولادها وربما يلوموها لو تاذي بسببها...
حاضر علشان خاطرك مش هعمله حاجه .. بس لو فكر يكررها تاني مش هاخد رايك .. هنفذ علي طول...
اومأت براسها وهي تبتسم بيأس علي عناده... بادلها ابتسامتها قائلاً: هنادي علي الممرضه تيجي تشيل المحلول ده وتساعدك تظبطي نفسك علشان نمشي منها ... طبع قبله خفيفه علي جبينها وتحرك مغادراً وهي تتابعه بنظراتها العاشقه له....
بعد مده كان يحملها علي ذراعيه مغادرين المشفي بالرغم من اعتراضها علي حمله لها وخجلها منه ومن نظرات الناس خاصه عدي المبتسم ببلامه ، كما انها تستطيع السير وحدها .. هي ليست مربضه لا تقوي علي الحركه...
نزلني يا عاصم ... الناس بتبص علينا ... وبعدين انا كويسه واقدر امشي علي رجليه انا بقيت كويسه ومش تعبانه...
كان يتابع سيره ولا يعير اعتراضها وتزمرها اي انتباه ... هو يعلم انها بخير ولا تعاني شيئاً ولكنه هو الذي يريد ضمها الي صدره بجانب قلبه مره اخري بعد ان ذاق حلاوه احتضانها ورقه جسدها البض وهو قابع داخل احضان جسده الرجولي الصلب...
وصل الي سيارته انزلها واجلسها في المقعد الخلفي وجلس في المقعد الامامي بجانب عدي الذي قاد السياره نحو منزل شقيقها.ومن خلفهم سياره الحرس الخاص بعاصم !!!!
.......
صف عدي السياره امام منزل عائله الناجي .. ترجل عاصم اولاً وتبعه عدي ... تبعتهم سوار ولكنها ترنحت قليلاً ما ان خرجت من السياره .. اعتدلت و كادت ان تتقدم نحو بوابه المنزل ولكنها شهقت مجفله ما ان وجدت نفسها ترتفع من علي الارض وتستقر داخل احضانه من جديد!!!
عاصم انت اتجننت نزلني.. مش هينفع ادخل كده قدام هشام والولاد .... علشان خاطري نزلني ...نزلني !! انا بقيت كويسه ....ظلت تتململ بين ذراعيه محاوله الفكاك من بين ذراعيه...
اهمدي بقي!!!! والله بقيتي كويسه !! ده علي اساس ان اللي داخ اول ما نزل من العربيه كان خيالك...
قالت بعفويه : انت شوفتني ازاي .. ده انا قلت مش واخد بالك!!
قال بغيظ من عنادها ..اسكتي يا سوار وخالي يومك يعدي علشان انا علي اخري ... ثم تحرك متجهاً نحو بوابه منزلها.....
هو محق فهي متعبه للغايه ..صمتت علي مضد حتي لا تثير غضبه والذي علمت انه يتحول لشخص اخر عندما يغضب ... شخص تخشاه كثيراً ..
احاطت عنقه بذراعيها كرد فعل علي حمله لها ... شعرت بسعاده غامره وهي بين ذراعيه .. كم شعرت بقوته وقوه جسده الرجولي وهو يحملها بخفه كانها لا تزن شيئاً...
همس بجانب اذنها: علي فكره انا باخد بالي من كل حاجه تخصك!!
ضربت دقات قلبها بعنف داخل صدرها وعضت علي شفتيها خجلا من كلماته الرقيقه وشعرت انها مراهقه صغيره يرفرف قلبها من غزل ابن جيرانهم الوسيم!!!
اشتعلت رغبته بها اكثر مما هي مشتعله عندما ضغطت علي شفتيها!!! فوضعه اصبح حرجاً للغايه ليس فقط وهي بين يديه بهذا القرب المهلك لرجولته ولكن تزيدها بضغطها علي شفتيها المنتفخه باغراء يغوي القديس!!!
يقسم لو كان المنزل خاوي من عائلتها لكان اخذها وجعلها زوجته دون ان يرف له جفن!!! ولكن صبراً يا مهلكتي ومعذبتي فان غداً لناظيره قريب وقريب جداااااااً.....
قطع الثلاث درجات الرخاميه حتي وصل امام باب المنزل الداخي ..
كاد ان ينزلها الا ان الباب اتفتح وظهر من خلفه شقيقها وزوجته التي راتهم من الشرفه وهم يدلفون الي الداخل....
هشام بقلق ونظرات منزعجه من وضعهم : حمد الله علي سلامتك ... كويسه !! قالها وهو يفسح لهم المجال للدخول...
مد يده لينتزع شقيقته من داخل احضانه فقال جاززاً علي اسنانه بغيظ: عنك يا عاصم بيه .. تعبناك معانا ...
انزعج عاصم من نظرات هشام طريقه كلامه ورفض اعطاؤه سوار بل علي العكس شدد من ضمها لصدره اكثر وتحدث بقوه ودون اكتراث لنظرات هشام المحتقنه.... تعب سوار راحه.!!!!
ممكن بس توريني طريق اوضتها علشان اوصلها ترتاح!!!
صدم هشام من وقاحته ووقاحه طلبه جاء ان يرد عليه الا ان نزول اولاد سوار علي الدرج فزعين من منظر والدتهم المحموله وقلقهم عليها جعله يصمت ويوجهه نحو غرفتها ..ثم لكل حديث بقية!!!!
اسر وسيلا معاً : مامي حصلك ايه //سيلا ببكاء: مامي انت كويسه
سوار بحرج شديد وصوت مرهق : انا كويسه يا ولاد اطمنوا...
اشار هشام لاعلي نحو غرفه سوار ... صعد عاصم الدرج بخفه ورشاقه حاملاً سوار بين ذراعيه وخلفهم اولادها وشقيقها وزوجته!!!!
ولج لغرفتها ووضعها برفق علي الفراش...ارتمي اولادها داخل احضانها يضموها بقلق شديد...وبادلتهم سوار احضانهم بحضن ومشاعر امومة صادقه ....
اسر: ايه الي حصل لحضرتك.../سيلا: مامي متخابيش عليا حصل لك ايه ومين اونكل ده ....رفعت سوار نظراتها نحو عاصم بابتسامه ممتنة ثم نظرت الي اولادها متحدثه بهدوء .....
اطمنوا يا ولاد انا كويسه انا بس دوخت شويه في الشغل واغمي عليا واونكل عاصم هو اللي لحقني ووداني المستشفي ولما فوقت والدكتور طمنا رجعنا علي طول....
سيلا: ميرسي يا اونكل ان حضرتك لحقت مامي وانقذتها ...انت مش عارف مامي بالنسبه لي ايه...
ابتسم عاصم باتساع علي تلك الصغيره النسخه المصغره من والدتها فهي تشبهها في كل شيء ...
عاصم بابتسامه حانيه: انا معملتش حاجه علشان تشكريني عليها ..ثم نظر لسوار واضاف.. مامي مهمه عندنا كلنا....
طاطات سوار راسها بخجل من كلماته ونظراته لها امامهم....
هشام مقاطعاً نظراتهمً: اتفضل معايا يا عاصم بيه نشرب قهوه ونكمل كلامنا وبرضه نسيب سوار ترتاح...
رفعت راسها سريعاً تنظر نحوه بنظرات قلقه لا تريده ان يتركها ويرحل ...فهي تشعر بالامان والاطمئنان بوجوده جانبها ....
شعر عاصم بخوفها الواضح داخل مقلتيها فهو ايضاً لا يريد ان يتركها ويرحل ولكنها ستظل تحت حمابته ونصب عينيه حتي وان كان بعيد عنها ... فاراد طمئنتها وتبديد خوفها قبل رحيله ...
فاوماً عاصم موافقاً حديثه وقبل ان يتحرك معه اقترب منها وقال بجديه مطمئناً : انا موجود وفي ضهرك مش عاوزك تخافي او تقلقي ...ثم اعتدل في وقفته وتوجه الي خارج الغرفه ولكن ما ان وصل لباب غرفتها حتي استدار ناحيتها قائلا: اعتبري نفسك في اجازه مفتوحه لحد ما ترتاحي واعصابك تهدي خالي بالك من نفسك..انهي كلامه بغمزه عابثه بطرف عينيه لم يلاحظها احد غيرها ..وتحرك للخارج مع شقيقها...
جلست داليا زوجه شقيقها بجانبها علي الفراش تسالها بفضول واهتمام :انا عاوزه اعرف الحكايه كلها من اولها لاخرها قالتها وهي تنظر لها نظرات ماكره تخبرها انها هناك شيء يحدث لا تعلمه...
سوار بارتباك: ولا حكايه ولا روايه ... زي ما قلت لك اغمي عليا وبس ... قالتها وهي تشير بعينيها تجاه اولادها وانها لا ترغب بالحديث امامهم....
اومأت داليا متفهمه نظراتها.... ولكن اسر شعر ان هناك سبب اخر وراء تعب والدته لذلك تحرك للخارج خلف خاله وضيفه في محاوله منه لسماع كلامهم ومعرفه سبب تعب والدته....
..........
جلس عاصم برفقه هشام في غرفه مكتبه ....
هشام: انا عاوز اعرف بالتفصيل ايه اللي حصل ومعناه ايه الكلام اللي قلتهولي في التليفون....
قص عاصم علي هشام ما حدث من طليقها وتهديده لها والذي تسبب في اغمائها وانهيارها...
هشام بعصبيه: ابن ال....ده اتجنن ده ولا ايه !! هو فاكر انه هيقدر يلوي دراعنا علشان ولاده!!! هو نسي اللي خيانته ليها وجوازه عليها ...دلوقتي حس بغلطته وعاوز يرجعها ... يبقي بيحلم!!!!
عاصم : اهدي يا هشام بيه ....الواد ده انا حاطه تحت عينيه ولا هو ولا عشره زيه يقدر يمس شعره من سوار واولادها طول ما انا موجود..اطمن !!
هشام باستنكار لتدخله في شئون عائلته : معلش يا عاصم بيه الموضوع ده يخصنا احنا ... انا مقدر اللي عملته مع سوار انهارده ووقفتك جنبها ...بس كفايه لحد كده!!!
انت مش هيرضيك ان الناس تجيب في سيره اختي لما يشوفوها انهارده راجعه مغمي عليها واحد شايلها في حضنه وهما عارفين انها ست مطلقه !!! وكمان شكلي انا ايه قدام الناس وقدام ولادها وقدام نفسي !!!
اعتدل عاصم في جلسته ووضع ساق فوق الاخري وهتف بثقه وغرور وهو ينفث دخان سبجارته: اظن الناس مش هتقول حاجه لما تعرف ان اللي كان شايل سوار في حضنه يبقي جوزها!!!!
انتقض هشام من جلسته كالملسوع وحدق في وجه عاصم بنظرات مستنكره مدهوشه: جوزها!!!! انت اتجوزت انت وسوار!!!
عاصم بنفس الثقه: باعتبار ما سيكون... الحكايه كلها مساله وقت !!! انا بس بقولك تقول ايه لو حد سالك...
هشام باستفهام: يعني انت عاوز تتجوز سوار... طاب وهي عارفه !!! وموافقه ولا لاء!!
عاصم : ما تشغلش دماغك بسوار وموافقتها!!! كل اللي انا عاوزك تعرفه ان انا وسوار في اقرب وقت هنكون متجوزين...
هشام بدهشه: يعني ايه ما اشغلش دماغي بموافقه سوار!!!!
هو انت هتتجوزها غصب عنها ولا تكون هي مش موافقه وانت بتهددها بحاجه !!! صمت لثواني ثم اضاف.. ولا انت عاوز تتجوزها شهامه ورجوله علشان تحميها من جوزها!!!
اهتاجت اعصابه من حديث هشام المستفز واراد لكمه في وجهه حتي يشفي غليله ولكنه كتم غيظه حتي لا يزيد الامر سوء!!! ولكنه اضاف بحده وبنبره خطره: مش عاصم ابو هيبه اللي يتجوز واحده غصب عنها ولا يفرض نفسه علي واحده مش عاوزاه ... اعقل كلامك كويس وشوف انت بتتكلم عن مين ومع مين!!!!
ومش سوار اللي اتجوزها شفقه ولا انا محتاج اتجوزها علشان اطلع في دور البطل الشهم !!!
انا مش مراهق ولا عيل صغير علشان اتصرف كده !!!
انا عاصم ابوهيبه !!! عارف مين هو عاصم ابو هيبه ولا لاء!!!
وعلشان اريحك انا عاوز اتجوز سوار علشانها هي علشان بحبها... بس انا لسه متكلمتش معاها في حاجه ... ومش عاوزها تعرف عن كلامنا ده حاجه لحد ما اقرر افاتحها في الموضوع...
واظن كده انا عداني العيب انا دخلت البيت من بابه وطلبتها من واخوها وولي امرها....
ثم رمقه بنظره غاضبه واستقام واقفاً من جلسته ...اغلق زر جاكيته واتجه للخارج بخطوات قويه واثقه....
شيعه هشام بنظرات قلقه ومستغربه من ثقته بنفسه وغروره!!!!
غافلين عن الذي كان يقف خلف الباب يستمع الي حديثهم وقد تاكدت ظنونه حول تعب والدته المفاجيء!!!!
اقترب عاصم من البوابه الخارجيه لفيلا الناجي وكاد ان يخرج منها ولكنه وقف متخشباً عندما سمع صوتاً من خلفه يقول....
انت بجد عاوز تتجوز ماما!!
الفصل الخامس عشر والسادس عشر من هنا
لقراءة جميع فصول الرواية من هنا