رواية روح الفهد
الفصل الثالث 3 والرابع 4
بقلم شروق احمد
٣ _ احساس غريب
فهد كان حواليه معازيم و فرح و اغاني و دوشه لكن هو مهموش كل ده، كل اللي همه انه كان يشوف نظره من وش يارا نظره غيره أو نظره ندم، اقسم بداخله لو هي جت و قالتله دمر الفرح ده ل هيقوم و يدمره بلمح البصر، لكن لا يا فهد هذا في مخيلتك فقط، ها هي يارا نازله بابهه زينه يا الله طالعه حلوه، شوف يا فهد ها هي معشوقتك نازله مع عروستك الجديده
فاق فهد من أفكاره على صوت أخيه الصغير حازم
حازم / فهد انت كويس
فهد بوجع / انا كويس يا حازم متقلقش
نزلت روح و هي متغطيه كلها بفستانها الأبيض و موش باين منها حاجة و نزلت قعدت جنب فهد، و جسمها كان بيتوجع اوي لأنه كالعاده قبل الفرح بس مرات ابوه كانت مودعها بس بدل ما تودعها بالورد و دعتها بالضرب و طبعا اللي كان حاسس بوجعها اخوه رامي لأنه كالعادة دافع عن اخته و اخد نص الضرب بدالها
فهد اول ما روح قعدت جنبه صح عينيه كانت متعلقه ب يارا بس اول ما روح قعدت جنبه حس احساس غريب اوي، حس ان قلبه بيدق بعنف و بطريقه غريبه هو ميعرفش سببها، شيء تلقائي خلها يبص ناحيه روح
فهد بص على روح اتلاقها كله متغطيه و لابسه ابيض في ابيض، لكن ايديه بتترعش بشكل ملحوظ كأنه قلقانه أو خايفه من حاجة كأنه مغصوبه على حاجة
فهد بتلقائيه حط ايديه على ايدها اللي بتترعش معرفش هو عمل كدة ليه بس حس ان هو عايز يعمل كده و سأله برقه
فهد / انتي كويسة بتترعشي ليه كده
روح اول ما فهد لمس ايديه حاجة تلقائيه خلتها تهدأ و الخوف اللي عنده بدأ يتلاشى تدريجياً، و فهد سأله مره تانيه
فهد / انتي كويسة
روح هزت راسه بمعنى ايوه
فهد ماسك ايد روح و موش عارف ليه موش عايز يسيب ايديه و بالفعل فضل ماسك ايديه، حتي لو حد جاه يسلم عليه يسيب ايد روح لغايه اما يسلم و يرجع ياخد ايديه يمسكه تاني
يارا واقفه بعيد شويه و متابعه فهد و لاحظت أن فهد كان بيبص عليه و مره واحده ركز مع عروسته بس ده مهماش لأن عارفة ان هي مهما تعمل ف فهد انه خاتم في أصابعه بتمشيه زي ما هي عايزه ، ألم تعرف هي البنت الغبيه أن خسرت حبه و انه هي اللي هتبق في اصبعه و ان هي اللي هتجري وراه بعد كده
رامي واقف بعيد و كالعادة جنبه محبوبته سوسن
سوسن بهمس ل رامي
سوسن / شوف يا رامي شوف فهد بيه ماسك ايد روح و موش راضي يسيبها ازاي، موش انا قولتلك روح هتقعد هنا معززه مكرمه
رامي بحب بيبص لأخته و قاله
رامي / فعلا معاكي حق يا سوسن فهد بيه موش راضي يسيب ايد روح، انا كده بدأت اطمن على اختي، و بعديه دعا بداخله أن فهد يسعد اخته و يعوضها على الايام العذاب و يصبرها هو كمان على العذاب و انه ربنا يجعل سوسن من نصيبه
يارا قربت على فهد و حضنته قدام الكل و قالتله في ودانه
يارا / مبروك يا حبيبي الف مبروك
فهد بص ل يارا بصت عتاب و كأنه نسا اللي هو ماسك ايديه و قاله
فهد بوجع / مبسوطه يا يارا مبسوطه بفرح جوزك، ايه رايك
يارا بلا مبالاة : فهد خلاص حبيبي انهارده الليله ليلتك انت و عروستك و انا متأكده ان انت هترفع راسنا ولا ايه
يارا بسخريه بصت ل روح و حضنته جامد و بتتك عليه اوي و ده وجع روح اووي بالنسبه للوجع اللي في جسمها و قالتله
يارا/ الف مبروك يا عروسه يلا شدي حيالك و هتيلاقنا الواد علشان تخلصي مهمتك بسرعه
روح اتوجعت اوي و حست أن كرامتها بقت في الأرض و ان هم اشتروها بس علشان تخلف
فهد مقدرش يتحمل أن البنت البريئة دي تتهان اكتر من كده
و حس بيه و هي بتتألم فمتحملش و معرفش السبب ايه
فهد شاور ل حازم، و حازم راحلها
حازم / فيه حاجة يا فهد
فهد/ اه فيه ممكن تفضوا المسخره دي علشان عايز اطلع ارتاح
حازم بعد ما شاف غضب فهد اللي مستحيل حد يستهوين بيه و قاله
حازم / اديني ١٠ دقايق و خليكوا تطلعوا حالا
حازم فعلا بعد شوية جاه ل فهد و قاله
حازم / فهد امسك ايد عروستك ويلا اطلعوا
فهد مسك ايد روح و طلعوا على السلم لكن قبل ما يطلع إتلاق ايد ماسكها بيبص وراه يشوف مين اللي ماسكها إتلاق شاب جميل و دمعه في عينيه على وشك نزولها، ف فهد باصله باهتمام و مستنيه يكلم
رامي بدموع نزلت من عينيه غصبا عنه قال ل فهد
رامي بدموع / ممكن لو سمحت تاخد بالك من اختي صدقيني هي طيبه اوي و هتسمع كلامك و الله في كل كلمه هتقوله بس و النبي متأذيهاش
فهد بتأثر من دموع هذا الفتى،فهد قاله
فهد / صدقني اختك في عنيه و موش هسمح لأي حد انه ياذيها
رامي بامتنان / شكرا لحضرتك شكرا بجد
رامي قرب على أخته و حضنها براحه اوي لأنه حاسس بوجعها أو بالأصح بيتوجع زيها بالظبط و همسله في ودنها
رامي/ حبيبتي اسمعي كلام جوزك هو طيب هو احسن من مرات ابوكي صدقيني، اسمعي الكلام هنا و محدش هياذكي، انا ماشي يا روح و انتي يا حبيبتي خدي بالك من نفسك
روح مسكت في اخوه لأنه كانت خايفه بس اخوه طمنه و سابه و هو الاتنين بيعيطوا جامد و فهد معرفش ليه حس بوجعهم هم الاتنين مشي رامي بعد ما وداعوا بعض و فهد اخد روح
و دخلوا اوضتهم و يارا و اسيل كانت معاهم
فهد كان مستغرب الوضع اللي هو فيه، مستغرب كلمه عريس، مستغرب أن هو ماسك ايد واحده تانيه، كان مستغرب كل حاجة بتحصل معاها
اسيل حضنت اخوها و قالتله
اسيل / الف مبروك يا حبيبي عروستك ماشاءالله جميله اوي اوي يا ابيه
فهد مكانش سامع اسيل بتقول ايه كانت عينيه متعلقه ب اللي واقفه وراه و مبتسمه ولا كأن جوزها هيبات في حضن واحده تانيه غيرها
يارا قربت على فهد و باسته في خده و قالتله
يارا / بالتوفيق يا حبيبي بس براحه على البنت لأن شكله ضعيفه اوي و صغيره اوي موش متأكده ازاي هتتحملك زيي ولا ايه بصراحة
خرجت يارا بعد ما ضربت الكوره في ملعبها لأن هي عارفة ان فهد هيفكر في كلامه و ان هو موش هيلمس البنت دي بعد اللي هي قالته، لأن دي موش أخلاقه
فهد بهدوء راح قفل الباب وراهم و دخل عند روح اللي قاعده و القلق و الخوف هيموتوها
فهد لاحظ رعشة ايديه ف حب يطمنها و قاله
فهد / متقلقيش و خدي راحتك متخافيش مني يا
فهد /الا صحيح هو انتي اسمك ايه
روح/ روح
قالته بصوتها العذب اللي ثار فضول فهد أن هو يشوفها بعد ما سمع صوته الجميل الرقيق، و فهد بعديه قاله اسمه باستمتاع داخله
فهد / طيب يا روح اقعدي
روح بهدوء قعدت على السرير و فهد راح قعد جنب روح و سأله بهدوء
فهد / انتي كويسه
روح هزت راسه بمعنى ايوه
فهد / طب يا روح انتي مغصوبه انك اتجوزتيني قصدي يعني حد غصبك عليا
روح هزت راسه يمين وشمال بمعنى لا
فهد اتعصب و قاله هو احنا هنقضيه نظام خرس كده كتير و مالك مكلفته نفسك ليه كده و شد الشال الأبيض من عليه بعنف و كانت الصدمه من نصيبه
الفهد
الفصل الرابع
٤_ و اخيرا اتقابلنا
وصلنا الفصل اللي فات أن فهد اتعصب من أن روح مكانتش بتتكلم معاه و بتهز راسه فقط
اتعصب منه مره واحده و قام انتفض من جلسته ليقول لها بغضب
فهد / اتكلمي ورودي عليا و اقلعي الطرحه إلى متكتفه بيها دي
ثم يقوم بنزع الطرحه عن رأسها لتقع على الأرض لينساب شعرها البنى الكثيف كشلال من الذهب حول وجهها و ظهرها في تموجات ناعمه تسحر القلوب
ترفع رأسها إليه لتصطدام عينيه بوجهها الملائكي ذو العيون العسلي اللازورديه كموج البحر واسعه تظللها رموش كثيفه تزيد من روعه عينيها و شفتان صغيرتان ممتلئتان شهيتان كالكريز الناضج
تسمر فهد مكانه و كأنه فقط النطق و قد أخذ بجمالها الطاغي ليتوقف عن الكلام و هو يتأملها بذهول بدءا من وجهها الفاتن المدور لشعرها المنتشر حول وجهها كأطار من الذهب لقوامها الفاتن في فستان الزفاف العاري الكتفيين الذي يبين زراق المها اللي في جسمه، و الظهر و الضيق من عند الصدر و الوسط ليبرز مفاتنها الخلابه لتنتشر تنورته الواسعه حواليها في طبقات من الدانتيل في مشهد أقرب لمشهد الاميرات
ينعقد لسانه تماما و يمر بعض الوقت و هو صامت ينظر إليه بدهشه و هو يتأملها
استغربت روح صمت فهد و نظراته اللي خجلتها، فات وقت طويل و هو يتأملها
قربت روح من فهد و قررت هي تقطع الصمت و قالتله
روح/ فيه حاجة يا فهد بيه
يرد فهد بدهشه و صدمه و هو مازال يحاول استيعاب ما يره
فهد / انتي مين؟!
روح بدهشه من سؤاله قالتله
روح ببراءه/ انا روح مرات ساعتك يا فهد بيه، سلامه حضرتك هو حضرتك تعبان
يتنحنح فهد بحرج من سؤاله الغبي و قاله
فهد / اه طبعا ما انا عارف ان انتي بتكوني مراتي، انا قصدي انتي مبتروديش عليا ليه
ليه كل ما أسألك أو اكلمك تهزيلي راسك مع ان انا شايف ماشاءالله أن انتي عندك لسان ترد بيه، اظن ان دي موش قله ذوق
روح بعصبيه / بس انا عندي ذوق بس حضرتك انا كنت بجاوبك و بهز رأسي عادي لأن ده طبعي
فهد و هو ما زال على صدمته من جمالها وقاله
فهد : بس انا بحب اللي يكلمني يرد عليا موش يهزلي راسوا فاهمه، ثم انتي ازاي تعلى صوتك عليا، و كان لسه هيقرب عليه، روح افتكرته هيضربها و انكمشت على نفسها و قعدت على الأرض و بتعيط جامد و بصت و قالتله
روح بدموع : انا أسفة أنا معرفش ازاي رفعت صوتي عليك بس و النبي ما تضربني و النبي انا جسمي وجعني من كتر الضرب و النبي بلاش ضرب
فهد اتفأجا و اصدم من اللي هي قالته و بيفكر هو أن ليه هي فكرت ان هو هيضربه و نزل لمستواه و قال بحنيه و برقه
فهد / اهدي اهدي انا موش هضربك تعالي
روح بدموع مزقت قلب فهد
روح ببراءه / لا انت هتضربني علشان انا عليت صوتي بس والله ما كان قصدي
فهد راح ناحيته و مسكه من اكتافه برقه و قومها و قعده على السرير و قاعد جنبه و بكل حنيه و بكل رقه سأله
فهد برقه و بتوهان/ ممكن اعرف القمر بيعيط ليه هو بذمتك في قمر بيعيط
روح ببراءه دوبت قلب فهد و بصتله و قالتله باستغراب و هي بتمسح دموعها مثل الأطفال، ولم لا فهي بالأصل طفله بريئة في جسد مراه فاتنه
روح باستغراب / بس القمر في السما موش بيعيط انا بشوفه على طول بينور بس مبشوفش بيعيط خالص
فهد بصله شويه بدهشه و ذهول من برائتها و مره واحده انفجر في الضحك و عينيه دمعت من كتر الضحك لدرجت أن كل اللي في القصر سمعوها واستغربوا أن ده فهد الشناوي اللي بيضحك
فهد كأنه نسي انه متجوز غصبا عنه و كأنه نسي كل حاجة و ضحك من كل قلبه بعد سنين طويله بسبب هي الصغيره كما سماها هو
فهد بص ل روح و حاول يوقف ضحكته بصعوبه و قاله
فهد / بس انا موش قصدي القمر اللي في السما انا قصدي القمر اللي قاعده هنا جنبي انتي القمر يا روح
روح خجلت من الكلام اللي لو اول مره تسمعه في حياته ونزلت وجه للارض من كتر خجلها التي زادها جمال على جمالها
فهد كأنه ناسي الدنيا و بما فيه و رفع وجه باصباعه و سأله برقه
فهد / جعانه
روح كانت جعانه لأنه مكنتش أكلت حاجة بقاله يومين مأكلتش بس إلا الضرب من مرات ابوه الظالمه بس مع ذلك اتحرجت و قالتله
روح / لا موش جعانه
فهد بهزار / لو انتي صحيح موش جعانه معناه ايه الأصوات اللي انا قاعد اسمعه من بطنك دي
روح باحراج و خجل قالتله
روح / بس انا
فهد حط صباعه على شفايفها التي من اول ما لمسه حصل له قشعريه مخلتوش على بعضها و شال اصبعه بسرعه من على شفايفها علشان ميضعفش و قاله
فهد / بس أنا جعان اوي و مبحبش اكل لوحدي ممكن تأكلي معايا لو سمحتي
روح الجوع غلبها و قالتله ماشي
فهد كان لسه بيقوم روح و يمسكه و حاطط ايده على ضهره فإذا حط ايديه على جسمه الذي يؤالمه بشده و تاوه بصوت عالي افزع فهد
روح/اااااااه
فهد بفزع / مالك يا روح مالك
و لسه بيشوف ايه اللي وجعها و انصعق اما شاف زراق جسمها اللي واضح من على ايديه و نازله من على ضهرها
فهد بكل غضب و صدمه و بيجز على أسنانه و قاله
فهد / مين اللي عامل فيكي كده
روح بكل وجع قالتله
روح بتلعثم / اصل اصل انا انا وقعت ف علشان كده جسمي ازرق
فهد كتم عصبيته و غضبه و مردتش انه يضغط عليه و اقسم بداخله انه لازم يعرف كل حاجة عن صغيرته
فهد بكل حب و حنيه / يلا نأكل
فهد قعد روح و قعد جنبها و كشف عن الصنينه اللي عليه ما أطيب و ما ألذ
روح باستغراب من الاكل اللي اول مره تشوفها في حياته
موش زي العيش و الجبنه اللي اتعودت عليهم هو و اخوه من ١٨ سنه و هم بياكلوه في ٣ و جبات و مكانش بيشبعهم كمان
فهد قدام ل روح حته من الفرخه و قاله
فهد / اتفضلي يلا كلي
روح مسكت الفرخه و مستغربها اوي و سألت فهد
روح باستغراب / هي ايه دي
فهد بدهشه و استغراب من سؤاله /دي فراخ ايه مبتحبيهاش
روح : موش عارفة اصل انا عمري ما شافته ولا عمري دوقته
فهد باستغراب شديد/ افندم، ازاي يعني عمرك ما شوفتيه ولا عمرك دوقتيه، انتي طبيعيه يا بنتي ولا من كوكب آخر
روح / اصل انا معرفش حاجة غير العيش و الجبنه انا معرفش ايه اللي محطوط على الصنيه ده كله
فهد بدهشه أكبر و قال ل نفسه
ايه البنت الغريبه اوي دي معقول تكون بتكدب عليا بس هتكدب في الأكل ليه موش فاهم معقول عمره ما شافت الفراخ معقول عمرها ما شافت الاكل اللي على الصنيه ده بس ازاي اللي انا اعرفه ان هم موش فقراء لدرجادي يعني البنت دي وراه سر و انا لازم اعرف
فاق فهد على صوت روح و هي بتشاور على كفته و برجر و بتسأله
روح/ هي ايه دي
فهد / بصي يا روح ايه رايك تاكلي و بعدين تبقا تسألي
روح هزت راسه و قالت بكل براءه و طاعه
روح / حاضر بدل انت موش هتضربني و بتعميلني حلو يبق هسمع كل كلمه انت هتقولي عليه
فهد حس بيه و بجد عاملها كأنها بنته موش مراته و قاله و هو بيمشي ايده على شعرها
فهد بحنيه / شاطره يا حبيبتي يلا كلي
روح كانت بتأكل و كانت بتأكل لي اول مره في حياته حاجة تانيه غير العيش و الجبنه، كانت بتأكل و هي مغمضه عيونه و بتستمتع و هي بتأكل حاجة جديدة عليه و فجأة افتكرت و قعدت تعيط جامد
فهد بلهفه / مالك، مالك يا حبيبتي بتعيطي ليه
روح بدموع و براءه قالتله / علشان انا هنا قاعده اكل الأكل الحلو ده و رامي اخويا هناك بيأكل العيش و الجبنه لوحده و انفجرت في العييط و فهد مقدرش يتحمل و قام شدها و حضنه جامد بس بحنيه و رقه...