رواية إزاي اطفش عروسة بابا
الفصل السادس عشر 16
بقلم مجهول
غفـران مطت شفايفـها بفضول _ " همـم هتجيبيه منين صح بابا جبتوني زاي ، الفرخة ابنـها مرة بيبقى في كتكوت ، مرة بيض بس هي غفـران كان ممكن تبقى بيضه من غير غفـران و تعملو اومليت مني .. "
عمـر بيدغدغها ، صوت ضحكته اتخلط بضحكتـها _ " التشبيهات ديه بتجيبيها منين .. "
غفـران كشرت _ " متتوهنيش اعـترف جبتونـي زاي دخلت بطن ماما زاي طب طلعتوني منه زاي من غير ما اتخنق ، خالـتو نسرين هتجيبه منين .. "
عمـر اتوتر للحظة بعدها رفع حاجبه _ " اللي شاغل بالك هتجيبه مننين ، مش ملاحظه تجاهلتي الأهـم ، ديه بتلمحلك عاوزه تجبلك أخ .. "
الحيلة فادتـه اتلهت مبقتش تسأل عن الموضوع ، قعدتهـم هتطول لولا اتصال ليلى بعـمر اضطر بسبب استعجالها لجيته ياخد غفـران على البيت و بمجرد ما مشي سايبهم قدام الباب ، لقـو وحدة جاية عليهم ..
غفـران بتصتلها من فوق لتحت _ " خالتو عمـود النور انا تمنتلك اضاءة سعـيدة في حته بعيدة جايه تنوينـا ليه .. "
نـور سحبت خدها _ " فاكره هتخلصي مني بالسهـولة ديه ، طبعا لا جاية أشوف عمـر ، نحل سوء التفـاهم اللي حصل و بالمرة أعتذر منه .. "
غفـران بتكلم نفـسها _ " ده اللي كان ناقصنـي بدل الوحدة اثنين عمـود النور و سردينة مع بعـض ، هـمم بس شكلنـا هنتسلى كويس هولـع الأجواء .. "
نسـرين برفعـة حاجب _ " اتفـضلي استنيه جوا عمـر هيرجع بعد شوية ، معرفتنيش على نفـسك .. "
غفـران _ " ديه نور عمـود النور سكرتيرة بابا القـديمة و ديه تبقـا نسرينة السردينة أعتقد هتتفـاهمو مـع بعض بما انو هدفكو الوحيد المشترك هـو الزواج من بابا .. "
نسـرين برقت _ " الله أكبر الصفـرة ديه حاطة عينـها على أبوكي و انا مدخليها على البيت ، قاعـده بضيفـها شاي و بسكـوت ، قومي يا حبيبتي اتكلي على الله .. "
نـور حطت رجل على رجل _ " مش متحركة من هنـا غير بعد ما أصلح علاقتي بعمـر .. "
غفـران شهقت _ " هتاخد بابا منك ، هتسكتي على اللي بيقـال يا خالـتو سردينة مش من عوايدك .. "
نسـرين ضحكت _ " اسكت ، تعاليلي هنـا .. "
شبكت ما بينهـم و الخناق الشفـهي اتحول لمصارعة بالأيدي الشعـر بيطير و بيتقلع من جدوره ، كل مـرة وحدة تزق الثانية تمـسح بيها الارض ، غفـران قاعده بعيد بتشرب كباية عصير مستمتعة بالمشهد قدامـها ..
غفـران شربت آخر بـق من العصير ، زعقت _ " هـدوء ، يلا سيبي شعـرها و نت الثانية سيبي شعـرها ، عشان تتزوجو بابا الخنـاق ده مش هيفيد بحاجة .. "
نـور بتعدل هدومـها المتبهدلة _ " و ايه اللي هيفيدنـا .. "
غفـران بطفـولية _ " طبعـا أنا رضى بابا من رضايا انا لـو شاورت بـس بصباعي الصغـير على وحدة فيكو ، طلبت منه يتزوجـها بكره ممكن تبقى مراته .. "
نسـرين قعدت جنب غفـران بتعـملها مساج _ " طبعـا هتختاريني خالتك نسـرين حبيبك .. "
غفـران بلوية بـوز _ " تدينـي ايه ؟ .. "
نـور باندفاع _ " هديكي بوستين .. "
غفـران _ " بوستين ابقـي بوسي ايدك وش و ظهـر ، هتدفعي كم يا استاذة ؟.. "
نسـرين _ " هديكي عشـرين جنيه .. "
غفـران حطت ايدها على خصرها _ " مجنونة عايزاني ابعلك بابا بعـشرين جنيه .. "
نـور _ " خمسين جنيه مبلغ محـترم ، ايه رأيك ؟.. "
غفـران نفخت خدودها بزهق _ " لو هبيعك برطمان مخلل السعر ده رخيص عليه ، ده نت هتشتـري راجل بطول ، عرض و ارتفـاع و معـاه بنته هدية ....