رواية حب المراهقه 2
الفصل الخامس 5
بقلم نور ربيع
سبحان الله 💜
شهد دخلت بسرعه المستشفى بعياط وجع: حد يلحقني بسرعه انا بموت
ممرضه جت ليها بسرعة بقلق: مالك اهدي
شهد بعياط وجع: انا حامل اتعرضت ل ضرب شديد
الممرضه بصدمه: اي طيب تعالي تعالي اقعدي هنا لما الجوه دي تخرج هدخلك بعدها اقعدي علي ما اقول ل الدكتوره حاله خطرة
شهد بعياط وتعب: بالله عليكي بسرعه احسن البيبي يكون مات
الممرضه بخوف عليها: متخافيش متخافيش ان شاءلله مفيش حاجه فيه …سندتها قعدتها على الكرسي دخلت ل الدكتوره بسرعه
_________________________
في شقه وليد
ميار قامت بسرعه بدموع لما سمعت الباب اتفتح
ميار بصدمه وعياط: اصلا مكنتش مصدقه لما قالي انك موتت بعد الشر عليك من اي حاجه يا حبيبي
احمد بسخرية وحزن: حبيبك فعلاً حبيبك اللي كانت عاوزه تموتني بقيت حبيبها دلوقتي
ميار راحت حضنتها بسرعه بعياط
ميار بعياط وندم: حقك عليا انا اسفه والله العظيم مكنش قصدي انت انا عاوزه ادمر حياة نور اللي كانت سبب كل حاجه بتحصل لينا يا احمد
احمد مسكها بعنف من شعرها وغضب طلعها من حضنه
احمد بغضب شديد: انا مش جاي علشان اسمعك انا جي احطك في السجن يا ميار قولتلك احمد مات من زمان …بحزن وعتاب: وانتي اللي موتيه بايدك من زمان ليه كدا يا ميار ليه انتي خساره فيكي اصلا العتاب ده مينفعش
بعياط وخوف: احمد احمد انا اختك ازاي عايز تعمل فيا كدا وبعدين والله العظيم مش قصدي انت صدقني
احمد طلع الكالبش من جيبه بعدم اهتمام ليها
احمد بتعب وحزن شديد: كنتي عاوزه تموتي نور ضربتها بالسكينه كنتي هتموتيها و حطيتي سم ل بنت كريم و انا شربته علشان تبقي نهاية اخوكي علي ايدك و يبقي شرك ليه نهاية معاكى ساره اللي كانت هتموت بسببك و قفت قدام الموت علشان خاطري لولا ستر ربنا كانت ميته ولا كان حصلها حاجه دلوقتي البنت هي و بنت اخوها بسببنا وسبب شرك و حقدك…بغضب وحزن: منك لله منك لله والله يا ميار ل احطك في السجن و نسيبك نسيبك خلاص علي كدا انتي موتي
ميار بصرخه وعياط: احمد سبني انا اختك انا بكره نور و هما اتفقو معاها تستاهل
احمد بغضب معمي: انا كمان كنت متفق معاهم علشان انا كرهتك كرهتك من اليوم اللي عرفت فيه الحقيقه بتاعتك يا ميار
ميار بانهيار وكره: بكرهكم كلكم والله بكرهكم
احمد بسخرية: مش قدنا والله
ميار شدت ايدها بغضب: سبني
احمد ضربها بالقلم علي وشها بغضب معمي. قال: انتي تمشي بأدب كده معايا و تقولي كل حاجه يلا
ميار بخوف وعياط: لا لا مش هيحصل
احمد بغضب: هيحصل غضب عنك …شدها بعنف راح نزل علي تحت في عياط ميار الشديد وخوفها
_________________________
في منزل هاني
هاني بغضب: انتي نايمه علي نفسك ولا انتي اي بالظبط نور بقولك مشيت مشيت انا مش قولتلك تاخدي بالك منها اوعي تسبيها علشان هتمشي
امينه قرأت الورقه بتاعت نور بدموع و صدمه من الرساله بتاعها
(محتوي الرساله … انا مشيت اسفه محدش يزعل مني بس انا مش قادره انسي اللي حصل ليا بسببكم ياريت محدش فيكم يحاول يصل ليا علشان انا عاوزه اعيش في هدوء لوحدي زي زمان سلام)
امينه بعياط: انا اسفه يا هاني والله العظيم انا كنت مشغوله سبتها و دخلت معرفش انها هتمشي كدا والله
هاني بغضب وحزن: يا شيخه دا انتي واحده مغفله اوي انتي طلع مفيش منك فايده مش قد المسؤليه أبداً
امينه بعياط وحزن: الله يسامحك يا هاني انا اعمل اي طيب قولي
هاني بغضب: مش عاوزك تعملي حاجه عاوزك تغوري من وشي مش عايز اسمع صوتك نهائي
امينه مسحت دموعها بحزن: انا هروح ليها و هحاول معاها والله هخليها ترجع مش هسبها أبداً والله ان شاءلله
هاني قاعد بغضب جواه وحزن شديد مالي قلبه
_________________________
في منزل نور
نور بصت حواليها بدموع وحزن شديد جواها ان البيت فاضي كدا مفيش غيرها و حياة وحاسه بخنقه جواها
نور بدموع وضيق: لوحدي فعلاً بس كدا احسن ليا بعيدة عن اللي بيأذيوني والله في الجو الهادي ده انا مش عاوزه ولا حد فيهم خلاص علي كدا
حياة بحزن: ماميي مش تعيطي
نور بصت ل حياة بدموع وحزن حضنتها
نور بدموع وبابتسامة: انتي اه مش بنتي اللي جبتها بس انتي حته من قلبي مستحيل اسيبك يروح قلبي انا من ساعه لما شوفتك وانتي خلاص بقيتي بنتي لوحدي يروح قلبي يا حياتي
حياة باستها بابتسامة طفوليه
حياة بطفوليه بابتسامة: بحبك مامي
نور بابتسامة وحب: وانا بموت فيكي يا حياتي كلها انتي
_______________________
شهد دخلت و الدكتوره عملت ليها فحص ايكو علشان تطمن علي البيبي
الدكتوره بابتسامة وطمانينه: زي ما انتي شايفه اهو قدام عينك البيبي زي الفل بيتحرك كمان
شهد كانت باصه للشاشه بدموع و بابتسامة و نفس الوقت فرحه شديدة
الدكتوره بابتسامة:ولد اللهم بارك بقيتي في الشهر الرابع من اسبوعين اهو و اطمني البيبي مفيش حاجه فيه الحمدلله الضرب بعيد عن بطنك
شهد بفرحه و دموع: الحمدلله يارب الحمدلله انا مش مصدقه والله العظيم: كانت في لحظه دي حاسه انها طايره من الفرحة انه كويس وطلع ولد
_________________________
في الوقت ده مهران وصل المستشفى بلهفه وخوف شديد عليها
مهران بقلق ل ممرضه: لو سمحتي في مريضه جت دلوقتي كانت حامل متعرضه ل ضرب
الممرضه بتفكير: من شويه جت حاله زي كدا هي في غرفه رقم.....
_________________________
مهران فتح الباب داخل بسرعه بلهفه
مهران بخوف شديد: شهد انتي كويسه
شهد بدموع وحزن: عجبك اللي حصل ده
مهران بخوف شديد وقلق: البيبي كويس اهم حاجه الاول … بص للشاشه
لاقي البيبي بيتحرك ابتسم جامد بفرحه و جواه كان ملهوف عليه
الدكتوره بهدوء: اطمن البيبي كويس مفيش حاجه الحمدلله
شهد بابتسامة و دموع: ابني حبيبي كويس الحمدلله الحمدلله يارب …بعياط وغضب: بس اقسم بالله العظيم لو ما جبت البنات دول و اخدت حقي منهم براحتك
الدكتوره: ممكن تهدي علشان البيبي
مهران قاعد قصدها علي السرير
مهران بحزن: اهدي وانا والله العظيم ما هسكت غير لما اعرف هما مين دول و اجيبهم تحت رجلك انتي و تاخدي حقك بايدك
شهد بدموع وحزن: شايف وشي الضرب معلم فيه ازاي كان هيموتوني انا و البيبي انهارده حسبي الله ونعم الوكيل فيهم وربنا ما هسيبهم بس
مهران مسح دموعها بحنان: والله العظيم ما هسكت ابدا و لازم اعرف هما مين بس انتي اهدي بلاش تعيطي …حط ايده بابتسامة علي بطنها: و الحمدلله ان ابننا كويس بقا
شهد شألت ايده بغضب: لا ابني لوحدي مش ابنك علي فكره
مهران بزهق: ما كنا حلوين اي اللي حصل
شهد بدموع وتعب: انا عاوزه امشي دلوقتي يلا نروح
مهران بهدوء.: حاضر
_________________________
في منزل السيوفي
وليد قاعد جنب اميره
اميره بحزن: وليد
وليد قائلا بحزن: اه يا مرات عمي اللي انتي عاوزه تسألي عليه حصل احمد خرج وهو تعبان و راح يسلم ميار
اميره بدموع وحزن: يارب صبر قلبي يارب
وليد بص ليها بحزن شديد: تصدقي بالله الواحد مكنش عمره يتوقع كده أبداً يا مرات عمي انه يحصل في يوم و ليله الحال انقلب علينا كدا … بحزن شديد جواه: ابتدت اول حاجه بموضوع شهد و المصائب بدأت تنزل فوق راسنا كلنا
اميره بعياط وحسرة: احنا في كارثه كبيره يا وليد كارثه كبيره اوي كل يوم و التاني نتصدم في حاجه احنا ما لحقنش نفرح والله العظيم
وليد اتنهد بحزن شديد: استغفر الله العظيم يارب لا اعتراض ابدا علي امرك احنا في مننا ظلم و افتر و انا اكتر واحد بس تعبنا من اللي بيحصل في البيت والله خلاص ده ذنب وبيخلص وفعلا كما تدين تدان
امال قعدت بحزن
امال بحزن شديد: بتعيطي ليه بس يا اميره
وليد بسخرية: احنا في مصيبة في حياتنا مش عاوزه تعيط يا مرات عمي كمان … اتنهد وقام بحزن راح طالع بره البيت
امال بدموع بحزن: مش اي رد فعل ولا تهوين ولا حاجه علشان كلنا حالنا زي بعض خلاص محدش قادر يهون على التاني البيت ادمر حقيقي
اميره بعياط وحزن شديد: يارب يارب
_________________________
في منزل كريم
كريم مسك ايد ساره علشان تقوم
ساره بتعب شديد: كريم انا مش قادره اقوم سبني قاعده
كريم: معلش يا حبيبتي لازم تقومي علشان خاطر تبقي كويسه بسرعه و علشان الغرز دي
ساره بتعب: لا لا مش قايمه والله جسمي مقشعر جامد و رجلي وجعاني سبني بقا
سميره دخلت الاوضه حطت الاكل علي السرير جنبها و قعدت
سميره: يا حبيبتي انتي لازم تقومي و تمشي علشان تبقي كويسه القاعده مش كويسه كده والله
ساره بتوتر وتعب: ماانا مش قادره مش حاسه بجسمي منمل كله مش قادره حتى اتحرك كدا صدقوني
كريم اتنهد: خلاص قومي نروح المستشفى يلا
ساره بتعب وحزن: لا
كريم بزهق: يوهه انتي ده لا و ده لا اومال هتفضلي قاعده كدا كتير مش بتتحركي في السرير ولا اي
سميره بحزن: استهد بالله يا كريم هتبقي كويسه باذن الله يا بني
ساره بدموع وحزن: ان شاءلله خير انا هبقي كويسه صدقني
كريم بحزن: يا حبيبتي هتبقي كويسه ازاي بس وانتي قاعده كده يلا كده عمتي تساعدك في البس و نروح ل الدكتور يلا
ساره بحزن شديد: حاضر
سميره: كلي الاول طيب
ساره بدأت تاكل
_________________________
عند احمد و ميار
احمد بحزن: ميار محمد اللي طعنت نور هاني بالسكينه جايه تعترف بكل حاجه
الظابط بدهشه: أخيراً ظهرتي
ميار بعياط وصرخه: اااحمد اااي اللي انت بتعملو ده حرام عليك انت اختك
احمد بعدم اهتمام: انا معنديش اخوات للاسف اختي ماتت من زمان …بص ليه بغضب: اخلصي بقا قولي كل حاجه علشان خاطر نخلص من ام اليله دي بقا
ميار بعياط وكسرة: حسبي الله ونعم الوكيل حسبي الله ونعم الوكيل
_________________________
في بيت نور
نور بابتسامة بسيطه: يااه انتي وحشاني ااوي يا للوشتي والله
ليليّ بابتسامة: انتي اكتر يروح قلبي والله العظيم
نور بابتسامة: حبيب قلبي طمنيني بقا عليكي عامله ايه اي اخبار … وسكتت بعدم تفكير: انتي في سنه كام دلوقتي صحيح..؟
ليلي ضحكت جامد بحزن شديد: سلامتك يروحي انا دلوقتي في داخله تانيه كليه حقوق باذن الله
نور ابتسمت بحزن: معلش انتي عارفه اني اكتر من سنتين كنت فقده الذاكره يا ليلي
ليلي بحزن: يروحي ولا يهمك و الحمدلله انك دلوقتي في وسطنا وكويسه الحمدلله
نور بحزن شديد: الحمدلله ياقلبي.. بابتسامة: اللي قوليلي عاوزه تبقي اي ان شاءلله
ليلي بابتسامة حزينه جدا: نفسي ابقي محاميه والله يا نور بس خايفه والله
نور بابتسامة: باذن الله هتبقي محاميه كبيره ياقلبي مفيش حاجه بعيده علي ربنا المهم انتي بتصلي و كل حاجه الحمدلله
ليلي بابتسامة: الحمدلله ليلي متغيرتش يا نور عيني
نور بابتسامة: الحمدلله ان شاءلله ربنا يجبر بخاطرك و يعوضك يروحي
ليلي بحزن: يارب يارب يا نور انا وانتي يارب
_________________________
الباب خبط
نور قامت فتحت …كان وليد
نور بتوتر: انت عايز اي
وليد زق الباب و داخل بغضب
نور بعصبيه: انت بتزق الباب كده ليه و تدخل كانه البيت بيتك
قاعد بعدم اهتمام علي كرسي الصالون
نور بغضب: قوم اخرج بره هو البيت كان بيتك يا جدع انت
ليلي بتوتر: ينفع اللي انت بتعملو ده
وليد ببرود: وانتي مالك …بص شمال ويمين: اومال فين حياة
نور بغضب: ملكش دعوه قوم امشي بقا
وليد ببرود: حياااة
حياة طلعت من الاوضه بسرعه
حياة بابتسامة طفوليه: عمو وليد
وليد شالها بابتسامة: روح قلب عمو وليد
ليلي قامت بتوتر: نور هو جاي يشوف البنوته تعالي ندخل لحد لما يمشي طيب
نور بعصبيه: لا مش داخله هو هيمشي دلوقتي اصلا مش هخليه يقعد اكتر من كدا
_________________________
وليد بابتسامة باس حياة و نزلها: طيب روحي يا حياتي العبي زي ما كنتي بتلعبي يلا
حياة بابتسامة: حاتر … دخلت الاوضه
وليد قام
وليد ل ليلي: بقولك ايه
ليلي بتوتر: امم
ليد: انتي مش عاوزه صحبتك اللي هي واقفه تغلي دي تبقي مع اللي بتحبه و تشوفيها سعيده
ليلي بابتسامة: ياريت والله
وليد بابتسامة: يبقي ادخلي كده اعملي ليا كبايه شاي قهوة عصير اي حاجه
ليلي بابتسامة وضحكه: عيوني اوعي تزهق خليها هي اللي تزهق و غصب عنها ترضي بالواقع
نور بغضب: انتي يا زفته انا اللي صحبتك ولا هو هاا اقعدي اياك تجيبي حاجه اطردك انتي كمان
ليلي مشيت من غير ما ترد عليها وهي بتضحك
نور بعصبيه: والله انك بارده زيه اصلا
وليد ببرود: تسلمي يارب
نور بصت لي بغضب: هو انت اي مش بتفهم يا جدع انت انا مش قولتلك امشي اي مش بتفهم أبداً
وليد بغضب: لا لمي لسانك تمام علشان هقطع لسانك ولا انتي متعرفيش وليد بيعمل اي وليد مش بيحب اللي يوقف في وشه وانتي عارفه كدا
نور ببرود: تمام يبقي انت كمان تلم لسانك لا مش بس لسانك وكمان نفسك و تاخد بعضك و تمشي من هنا يا خفيف و ياريت طلقني يلا علشان انا عاوزه اخلص بقا من كتاب الكتاب اللي كأن مكتوب ده بقا
وليد مسك درعها بعنف وغضب: انتي برضو مش عاوزه تسمعي الكلام انتي ناويه علي اي بالظبط …بصوت عالي وغضب: هااا انتي مبقتيش تخافي شكلك
نور بوجع وخوف: ااه سيب درعي كده اوعي انت واحد بارد اصلا وانا بكرهك
وليد داس اكتر علي دراعها
نور بدموع وجع: سبني والله العظيم لو ما سبتني ل اقول ل كريم ولا بابا هما يتصرفو معاك انت بتستقوي عليا
وليد بغضب وسخريه: يا راجل وانتي فاكره كده اني هخاف روحي قولي ل اللي انتي عاوزه وانا غصب عنك و عند فيكي هاخد كدا و خليكي ليا
نور عضت جامد في دراعه
نور بدموع وغضب: انا بكرهك اصلا و غصب عنك هطلقني و برضو مش هبقي ليا و ا … وليد قطع الكلام بتحدي وعد: طيب لما نشوف هتعملي اي قسما بالله يا نور غصب عنك و عن اهلك برضو مافيش طلاق و هتفضلي علي ذمتي و غصب عنك هتبقي ليا و هتشوفي
نور بغضب وعياط: ليه بتعمل كده ليه انت بتكرهني … بكذب و دموع: وانا كمان صدقني انا مش عاوزه حاجه اسمها وليد في حياتي نهائي علشان انتوا كلكم كدا سبب المصائب ليا بتحصل ليا والله انا مش عاوزه ولا الحب و الجواز وكل ده اصلا سبني بقا في حالي سبني علشان انا تعبت تعبت والله العظيم تعبت ااوي افهم بقا عاوزه اعيش في هدوء مش عاوزك اصلا …بحزن شديد: انا فعلاً كنت كنت
وليد بحزن: مزاجي كده بقا كنتي اي مش فاهم
نور بدموع وقهرة: بحبك دلوقتي لا دلوقتي مش عاوزه حاجه اصلا عاوزه ارتاح وبس علشان تعبانه اوي حقيقي تعبانه بسببكم كلكم
وليد بحزن شديد وندم: انسي يا نور انسي كل اللى فات خلينا نفتح صفحه جديده و نبدأ حياة حلوه في سعاده مع بعض
نور بدموع وحزن شديد: انا مش ميار علي فكره روح ل اللي اتصنعت عليك دور الحب روح ربنا يسامحكم علي التعب اللي انتوا عيشتوني فيه طول السنين دي كلها
وليد بحزن شديد: نور انا و ميار خلاص اتطلقنا وانا ميار من يوم مع عرفت الحقيقه بتاعتها وانا فعلاً كرهتها استحكرتها والله العظيم وانا خلاص مش عايزها اصلا …بحزن شديد مالي قلبه: دي موتت ابني في بطنها اللي ملحقتش افرح بيه موتت علشان خاطر حقدها و كرهها ل العالم
نور بحزن: متقولش العالم قول ل نور …بدموع: عملت ليها اي ها..؟ عملت اي ليها انا ربنا ينتقم منها
وليد اتنهد بحزن شديد: كلنا وجعت قلوبنا صدقيني انتي متعرفيش حاله خالتك عامله ازاي دلوقتي …رفع ايده مسح دموعها بحزن وتعب جواه: نور انا محتاجك جنبي اوي والله تعالي نبدأ حياة حلوه سوا و ننسي اللي فات من حياتنا عاوزك في حياتي صدقيني
نور رجعت ل ورا بعدم اهتمام وليد وعياط وحزن: مستحيل مستحيل انت اذيتني جسديا و نفسيا وانا مش قابله بكدا …بعتاب و دموع: ليه كدا جيت عليا ليه دا انا حبيتك و كنت اول حب ليا اول مره احس بالحب ده سبحان الله كنت اول مره احب في السن ده معرفش ازاي كان دايما عندي امل انك هتبقي ليا…بحزن شديد و دموع: بس اتصدمت اتصدمت لما عرفت انك انت و ميار بتحبو بعض وبعد ما تخلص امتحانات تالته ثانوي هتتخطبو دي عملت فيا عمايل سوده مكنتش اتوقعها ابدا تحصل فيا والله العظيم
وليد بحزن: نور
نور بغضب وعياط: بسس بسس مش عاوزه اصلا تجيب سيرتي علي لسانك انا بكرهك بكرهك اطلع من حياتي مش عاوزه اشوفك كده لو صدفه حتى انا خلاص من ساعه لما فقدت الذاكرة وانت طلعت من قلبي تماماً سبني بقا سبني علشان ارتاح بالله عليك …درات ضهرها دخلت الاوضه وهي بتبكي بقهرة وحزن شديد جواها
وليد بغضب وحزن شديد: والله العظيم اللي في دماغك ما هيحصل و هفضل وراكي برضو لحد لما تستسلمي وتعترفي بااللي جواكي و غصب عنك ده و هتبقي ليا … و دار ضهره بحزن شديد وتعب جواه ويأس
_________________________
ليلي طلعت من المطبخ بحزن معاها القهوة
ليلي بحزن: القهوة
وليد وهو داير ضهره قال بسخرية:خليها ليكي بقا يا غاليه
ليلي بحزن وعصبيه: طيب وانا مالي مش انتوا اللي عالم قلوبكم سوده حرام عليكم ليه عملتو كدا فيها ربنا يهديكم
اتنهدت بحزن شديد: نور بتحبك لسه علي فكره اوعي تسبها غير لما تبقي ليك
وليد بحزن شديد: هتبقي ليا و مش هيأس هتشوف … راح ماشي
ليلي حطت القهوه راحت خبط علي نور بحزن
ليلي بحزن وهدوء: نور افتحي هو عايزك ليه بتعملي كدا انتي مش كنتي بتتمنى كده من زمان
نور وهي جوه قالت بعياط وغضب: بس يا ليلي انتي متعرفيش انا حصل ليا اي بسببهم و هو اكتر واحد دا انتي اكتر واحده عارفه اللي ليه غبيه بالطريقة دي محدش يسامح بالساهل كده
ليلي بحزن عليها: عارفه والله عارفه وحاسه بيكي كمان بس هو ندمان و عاوز يفضل معاكى عايز ببدأ حياته معاكي انتي هو خلاص سبها و شاريكي انتي والله
نور بدموع وغضب: لا لا لا اسكتي بقا
ليلي اتنهدت بحزن: طيب خلاص لا لا اهدي بقا تعالي اطلعي بقا ولا امشي انا
نور فتحت و طلعت
ليلي حضنتها بحنان: متزعليش والله مافيش حاجه تستاهل زعلك و حزنك وكل ده صدقيني يا حبيبتي
نور حضنتها بحزن شديد و دموع
_________________________
في شقه مهران
مهران قاعد شهد علي السرير
وليد بهدوء: ارتاحي بقا شويه كده قومي غيري و نامى
شهد بتعب شديد وحزن: انت هتجيب حقي منهم صح
مهران بحزن: اه والله بس انتي متزعليش نفسك و اهدي علشان خاطر البيبي …مهران باستغراب: انتي تعرفيهم البنات دي صح؟
شهد بدموع وتعب: ولا عمري شوفتهم حتى انا مكنش عندي صاحبه غير الحيوانه لمياء اللي انت رميتها عليا اعرفها من اول سنه تانيه و انهيت الصدقة اللي ما بينا من يوم ما شوفتك اهو اما رجعت تاني الدروس لقيت مصيبه تانيه علي دماغي لا مش واحده اتنين مش عارفه بتجي ليا منين البلاوي دي
مهران افتكر لما لمياء حلفت لي انها مش هتسيب حقها علي اللي عملو فيها لما جت لي السجن
فلاش بااك ________________
لمياء بدموع وحزن: انا روحت قولت كل حاجه ل القاضي هتخرج ان شاءلله
مهران بسخرية: فيكي الخير يا غاليه …باستغراب وسخريه: مين اللي لعب في وشك كدا
لمياء بدموع وغضب: الست شهد هي و امها و ابن عمها اللي انت بتدمر نفسك علشان خاطرها
مهران ابتسم بعداهتمام: ولسه هعمل اكتر من كدا علشانها متشغليش نفسك انتي بس …باستفزاز: ولا علشان مفيش حب ليكي جوايا زيها وبضحي بحياتي علشانها
لمياء بحزن وغضب: تصدق بالله انك واحد اصلا واطي انا عملت علشانك كل حاجه في الاخير سبتني علشانها …قامت بتوعد: بس والله العظيم ما هسيبها و خد حقي منها
مهران بغضب شديد: وعز وجلال الله لو شهد حصل ليها حاجه ل اقتلك يا لمياء شهد حامل اياك تفكري بس ل مجرد تفكير وانا اشرب من دمك
لمياء بعدم صدق وهتمام: وانت فاكر اني هصدق خلي تهديدك ليك
ارض الواقع ________________
مهران بغضب شديد وعد: دا انا هخليهم يجو لحد هنا و تاخدي حقك بايدك و مترحميش حد فيهم بقا
شهد بحزن وتعب: يجو بس وانا مش هرحمهم
مهران قام بتنهيد بدأ يخلع الجاكت
شهد بغضب وخجل: انت بتعمل ايه
مهران بضيق: هغير هدومي
شهد بغضب: تاخد بعضك كدا و تروح الاوضه التانيه تمام و تنام هناك يلا
مهران بزهق شديد: ماشي ما هو اصل انا جيبك هنا علشان تزهقي فيا و في اهلي
شهد بلا مبالاة: ان كان عجبك مش عجبك طلقني
مهران طلع بره الاوضه من غير رد علشان ما يتعصبش عليها
شهد بتعب وحزن: حالي ده بسببك …قامت تغير هدومها علشان تنام وهي تعبانه جامد
ندت عليه بصوت: مهران اعمل ليا اكل علشان جعانه علشان اكل و اخد العلاج و نام …ضحكت جامد بتعب
_________________________
في الغرفه التانيه من ضمن الغرف اللي في الشقه
مهران بزهق وغضب:والله العظيم انا اللي جبته ل نفسي اصلا يارب جت ليا منين البلوه دي من ساعه لما عرفتها دخلتها بالخساره والله العظيم
-------------------------------------------
في يوم جديد
في منزل السيوفي في غرفه احمد
احمد عقله سرحان جامد عقله سرحان في كل اللي حصل مره واحده في حياتهم جواه مش مصدق اللي بيحصل وحزن الدنيا جواه و مهموم بشده
حط ايده علي دراعه بوجع شديد في جسمه من الحادثه
احمد بحزن متملك قلبه: الكسور و الوجع ده بيروح لكن الحزن مش هيروح و لا الصدمه من جوايا أبداً …بحزن و هموم: ياريت كانت صدمه واحده بس لا صدمات كتيره اوي ليه كدا حصل انا مكنتش اعرف حاجه عن الحزن انا مكنتش كده نهائي كانت كل حياتي في الضحك و الهزار و المرح مكنتش بشغل عقلي بحاجه عمري ما زعلت زي ما الزعل و الصدمه دي دخلت علي حياتي مره واحده كدا من اكتر من سنتين شئ من شهد و شئ من ميار …بحزن وعدم صدق: البلوى الاكبر هي ميار ميار اللي دمرت حياتنا كلنا بس ده حق نور وربنا بيخلصه
اميره دخلت قعدت جنبه بحزن
اميره بحزن شديد: احمد ميار خلاص اتقبض عليها
احمد بحزن وتعب: امم خلاص علي كده يوم *** يتحكم عليها بقا الله و اعلم كام يوم او كام شهر ولا كام سنه
اميره بدموع وحزن: انت عملت ليها محضر انت كمان
احمد بحزن: ايوه محضر محاولة قتلي بوظت فرامل العربيه بتاعتي و محاولة قتل ساره
اميره بعياط وحسرة جواها: ليه عملتي كدا في نفسك يا ميار ليه الله يسامحك
احمد بحزن وسخريه: الانسان بيتعلم من الغلط و دي نفس الدماغ مفيش فايده
اميره بعياط وحزن: احمد الحل اي هنعمل اي هنسبها خلاص علي كدا
احمد بقسوة وحزن: من يوم ما اكتشفت الحقيقه دي عنها وانا كرهتها و مبقتش اختي وهي ماتت خلاص ماتت انتي كمان انسيها ميار ماتت ماتت من قلوبنا يا امي انسيها
اميره بدموع وحزن شديد: لا لا مستحيل يكون اللي بيحصل ده واقع انا مش مصدقه اللي بيحصل ده والله العظيم انا في حلم او في كابوس يارب مش قادره اقوم منه ليه كدا
احمد قام بتعب وحزن شديد: صدقي دا حقيقي حقيقي …مره واحده حس بدوخه وتعب
اميره قامت بسرعه اخدته في حضنها بدموع وحزن وخوف عليه: خد بالك يا بني خد بالك مش عاوزه اخسرك انت كمان كفايه اختك اللي راحت مننا كفايه
احمد حضنها بتعب وحزن: هي اللي عملت كدا في نفسها هي سبيها خليها تتعلم من الغلط ده
اميره بعياط: معقول دي النهايه خلاص تنتهي كده بالتعب و الحزن ده هنفضل طول عمرنا كدا لحد ما نموت في الوجع والتعب ده
احمد سرح في شئ: لا بالعكس دي البديه يا امي مش النهايه من هنا هتبدأ الحياة تتغير و هيبقي الاصعب و في نفس الوقت الاحلي من الصعب مش كل مشكله تحصل و البشر تتعب منها و وتحزن مفيش حد بيموت من الحزن و الزعل و تبقي دي النهايه خلاص العالم هينتهي دي بتبقي اول البدايه بكره في جديد بعد الفرحه اللي هتدخل حياتنا هييقي اصعب من ده … قلبه بقا ينبض جامد بتعب شديد وحزن: يا عالم في اي بكره يا نموت يا نعيش من هنا لبكره هيكون جه اوجع من كده الجاي صعب صعب صدقيني لكن ربنا مش بيحمل حد فوق طاقته
اميره بقت تعيط جامد بحسرة علي ميار و جواها بيموت من الحزن بسببها …احمد فاضل حضنها بحزن شديد وجواه تعب الدنيا والحزن
_________________________
في غرفه امال
امال بدموع وغضب: ليه بتمشي انتي ليه عاوزه تخلينا نتحسر عليكي تاني يا بنتي هاا
شهد بحزن شديد: ماما صدقيني انا كويسه دا انا اللي ما خليه يزهق مش انا انا مخلياه ماشي كدا علي رجل واحده هو مش قادر يخليني ازعل كده ولا اتعب والله متخافيش عليا
امال بحزن: مش قادره اصدقك مش عارفه ليه هو اكيد بيضربك وبيجي عليكي والله
شهد بحزن: مش هيقدر علشان خايف علي ولد اللي في بطني والله متخافيش انت كويسه والله…بحزن شديد: ماما انا هجي و اعيش انا وانتي و بابا و ابني و اخويا الصغير ان شاءلله والله مهران هخلص منه كده في اي لحظه هو اللي هيقولي مش عاوزك والله بس استني الصبر حلو …سمعت صوت بره الاوضه
شهد بسرعه: ماما هكلمك بعدين سلام دلوقتي
امال بقلق: في اي يا شهد طمنيني دلوقتي
شهد: مفيش حاجه يا ماما بس في صوت حد بره هشوف مين اطمني يا حبيبتي
امال بحزن: طيب يا حبيبتي خدي بالك من نفسك بالله عليكي ي بنتي
شهد بحزن شديد: حاضر ياروح قلبي متخافيش عليا انا كويسه والله هرن عليكي كل شويه باذن الله
امال بحزن: ماشي ي بنتي ان شاءلله سلام: وقفلت
امال بحزن شديد: يارب يارب لا توريني حاجه وحشه فيها يارب بلاش توجع قلبي عليها يارب يارب
_________________________
عند ميار في السجن
ميار بصت حواليها بحزن شديد وعياط وضيق
ميار بعياط وضيق: بقا دي النهايه بتاعتك يا ميار بقا تدخلي السجن و كل احلامك تروح و بسبب مين بسبب نور …بصرخه وانهيار وعد: والله العظيم هنتقم منككك هنتقم منككك و اوجع قلوبهم عليكي و هتشوفي يااا نورر
بانهيار وصرخه: ااااااااااه
______________________
في منزل نور
نور بزهق و دموع: بالله عليكم انتوا ليه محدش فيكم عاوز يسبني في حالي بقا
هاني بغضب وحزن: احنا حالك حالك افهمي بقا ي بنتي ازاي عاوزه تعيشي من غيرنا قوليلي عاوزه تعيشي ازاي لوحدك ها.؟
امينه بدموع: نور انتي مش عاوزه تسامحينا ماشي بس بالله عليكي انتي تجي معانا بقا
نور بدموع وحزن: لا مرتاحه هنا صدقوني انا مش عاوزه حد فيكم معايا والله …بصت ليهم بدموع وحزن وضيق شديد: انا قلبي وجعني اوي والله العظيم انا مش وحشه علشان تعملو فيا كدا كلللكم
هاني بغضب شديد شديد: ما تنسي بقا و بطلي نكد علي نفسك و علينا انتي اي مش عاوزه تنسي نهائي عاوزه كدا تنكدي علي نفسك مش عاوزه تفتكري الحلو أبداً
نور بدموع: لا علشان مفيش انا حلو جه في حياتي انا نكديه سبوني بقا
امينه بغضب وحزن: ليه بتعملي كدا ليه تعالي عاتبي فينا بس بلاش القسوة دي
هاني بتعب وحزن شديد: نور قومي امشي معانا انا تعبان اوى والله مش هفضل في كل ده بسببك انا و النكد ده
نور بجمود عكس اللي جواها: محدش قالكم تتعبو نفسكم والله
امينه بعصبيه: انتي ليه كدا يا شبخه حرام عليكي
نور بصت ليها بغضب شديد: انتي تسكتي خالص انتي سبب ده كله ولا نسيتي عملتي اي فيا…بدموع وقهرة: دا انتي خلتيني ادعي علي نفسي و تمني الموت خلتيني اكفر يا شيخه
امينه بعتاب وحزن: حرام عليكي ليه بتعملي كده في نفسك كفايه بقي وجع و انسي اللي فات انسي
هاني بحزن: وهي تنسي ليه عايزة توجع في نفسها و فينا
نور بقسوة و دموع: انا بكرهكم كلكم بكرهكم بكره كل شخص في الدنيا دي جه عليا عملت فيكم اي ها.؟ علشان الوجع ده كله تسببه ليا ذنبي اي انا دا انا مش هنسي اللي حصلي
هاني قام بيأس وتعب: ربنا يهديكي يا بنتي ربنا يهديكي و يريح قلبك علشان خاطر تقدري تسامحينا احنا مش نضغط عليكي اكتر من كدا …بحزن وتعب: بس حقك قلبك تعب كتير علي رايك والله ربنا يريح قلبك الطيب يارب
امينه قامت بدموع وحزن: انا اسفه هفضل اقولك اسفه لحد لما تسامحيني يمكن قلبك يرتاح شويه و يهدي من الوجع اللي فيه
_________________________
نور خبط الباب جامد وراهم
دخلت قعدت على السرير بعيط وتعب شديد جواها
حياة بحزن: مامي
نور بصت ليها بتعب شديد: نعم يا حياة
حياة بطفوليه: مش تعيطي
نور مسحت دموعها بحزن وتعب: مش بعيط اهو يا حياتي علشانك
حياة حضنتها بحزن
نور راحت راقضه و حضنتها
نور بنعس وتعب: حياة قومي اتفرجي علي الشاشه اشغلك طيور الجنه وانا انام شويه
حياة بطفوليه: حاتر
نور شغلت ليها الشاشه بدأت تروح في النوم بتعب شديد في عيونها دموع
_________________________
في منزل كريم
كريم: مش حاسه انك احسن انهارده با ساره
ساره بتنهيد: احسن بكتير الحمدلله والله يا حبيبي
كريم ابتسم: الحمدلله يارب امشي علي العلاج بس هتبقي زي الفل باذن الله
ساره بابتسامة: حاضر باذن الله تعالى يارب باذن الله اخبار احمد اي
كريم بهدوء: احمد كويس الحمدلله طلع منها علي خير الحمدلله يارب
ساره اتنهدت بحزن: الحمدلله يارب ربنا عالم بيهم والله
كريم بحزن: ايوه الحمدلله
_________________________
في شقه مهران
مهران فتح الباب
لمياء دخلت بابتسامة: وحشني يا حبيبي …
مهران بخبث: دا انتي اللي وحشاني
قفل الباب و دخلو
شهد طلعت من الاوضه
شهد بصدمه وغضب شديد: اااه ياا ناقص يااا زبالة انت وهي تصدق بالله انت ما هتتغير ابدا يا زبالة ااانت وهي
مهران بخبث: اي جبت ليكي اللي انتي عاوزه تاخدي حقك منها
لمياء بغضب: هي مين دي اللي زبالة ولا نسيتي العلقه بتاعت البنات شكلك عاوزه واحده تاني. بصت ل مهران بغضب: وانت جيبني هنا علشان كدا
مهران ببرود:بالظبط كده كل واحد لي حق يبقي ياخده بقا
شهد بصدمه: بقا انتي اللي ليكي يد في ده انتي اللي مسلطه البنات عليا طيب وربنا ما هسيبك
…بغضب و دموع: دا انا كنت هموت انا و ابني يا حيوانه …
لمياء بغضب شديد: لا اتلمي بقا احسن اجيبك من شعرك هنا ساعاتها مش يهمني اللي واقف ده ولا حمل ولا حاجه هموتك في ايدي
مهران مسكها بغضب معمي من حجابها
مهران بغضب معمي: دا انا مش هجيبك من شعرك انا هجيبك الارض دلوقتي زبالة … و نزل فيها ضرب بغضب معمي وتوعد ليها
شهد في لحظه دي مشفتش حاجه قدامها الغضب عمه قلبها دخلت جبت السكينه من المطبخ
_________________________
لمياء بصرخه وعياط: اااابعد كداااا سبنيي عملتت لييك كل حاجه علشان خاطر تحبني انا في الاخر تسبني علشانهاااا هيي
مهران بغضب معمي وهو يضرب فيها: حذرتك قولتلك اوعي شهد تقربي منها او تعملي حاجه انا مستعد اموت علشانها برضو مفيش فايده مصرة علي كدا دا انا مش هرحمك
لمياء بقت تصرخ جامد وتعيط بشده
شهد طلعت من المطبخ في ايدها في السكينه بانهيار و مش قادره تنسي اللي حصل ليها بسببها
راحت وقفت قدامها جت تضربها بالسكينه
مهران بصدمه وزعيق: انتي بتعملي ااي ياا مجنونهه
شهد رفعت ايدها ضربتها بالسكينه
لمياء بصرخه وألم: اااه
شهد بصدمه و دموع: يا نهار ابيض …وقعت السكينه من ايدها بصدمه وكل ايدها مليئة دم
_________________________
عند نور
نور كانت نايمه دماغها في كابوس في لحظه دي حاجه اخدت روحها حست انها في عالم تاني عالم بعيد جدا
بقت سامعه صوت قرآن شغال حواليها لوحدها
نور بدموع وخوف: انا فين …بصت حواليها مفيش حاجه كل المكان هادئة خالص مفيش غير القران سمعت صوت بيقولها وهي مرعوبه و حاسه ان روحها تنسحب منها نهائي
" يا انتي تعيشي يا ابوكي اختاري واحد ما بينكم
نور برعب وتعب: لا لا بابا لا بلاش بابا انا عاوزه بابا يعيش انا اموت مش مشكله *بدأت تعيط جامد وهي لوحدها و خايفه جامد عليه
نور بعياط وخوف عليه: بابا بابا لا مش عاوزه اخسره كفايه ماما راحت مني مش هيبقي هما الاتنين هو زعلني و انا زعلانه منه اه بس لا انا مسامحه خلاص بلاش بابا
انا عاوزه بابا عاوزه بعيش بلاش هو
بقي حواليها الموت و جواها الرعب و تعب مش قادره تتنفس
بقت تستشهد باستسلام تمامأ مبتسمه و دموع في عيونها و القلب متعب
_________________________
الواقع حاليأ
حياة: مامااا مامااا ماما قومي الفون بيرن
نور قامت مره واحده مفزوعه حطت ايدها على قلبها بوجع و دوعها بتنزل منها بتعيط جامد
نور بعياط وخضه: بسم الله الرحمن الرحيم بسم الله الرحمن الرحيم في اي ولا حول ولا قوة الا بالله ااه يارب
حياة بخوف: ماما
نور بتعب دموع: متخافيش يروحي متخافيش انا كويسه …مسكت الفون اللي بيرن فتحت
نور بتعب: الو
امينه بعياط: نور
نور بصدمه وعياط: انتي بتقولي ايه ماات ازاي..