الفصل الثانى عشر 12
بقلم نور ربيع
في منزل كريم المحمدي
حياة كانت بتعيط جامد
سارة كانت بتعمل ليها اللبن في المطبخ
كريم قام شالها بإبتسامة
كريم بإبتسامة: حبيبت قلب بابا اللي مش بتسكت دي خالص
حياة كانت بتعيط حاطه ايدها في بوقها علشان جعانه. سارة بسرعة ادتها الببرونة فيها اللبن.
سارة بحب بإبتسامة: يا عيوني انتي جعانه
كريم بإبتسامة: حياتي انتي كل ده عياط
سارة بضحك: كل الفضايح دي علشان خاطر جعانه يا كريم
كريم هو ايضأ ضحك: نعمل فيكي اي يا حياتي في الموضوع. ده بس
سارة بإبتسامة مسكت ايدها:كيوت خالص يا كريم ايدها صغنونه ما شاء الله لا قوة إلا بالله
كريم بإبتسامة وحب: دي اميرتي وروحي هي كل حاجه ليا قلب ابوها
سارة بإبتسامة،: اتعلقت فيها بسرعة يا كريم
كريم بحب: اوى هي كل دنيتي
سارة بإبتسامة: ربنا يحفظكم لبعض ويبارك لك فيها ي خويا و تشوفها عروسه كده يارب
كريم: امين ويحفظك ليا يا حبيبتي
قام من علي السرير باس راسها هي و حياة قال: طيب انا أمشي بقا علي الشغل خدي بالك من نفسك و من حياتي يا حبيبي
سارة بإبتسامة: حاضر هي في عيوني يا خويا
كريم بإبتسامة: في رعاية الله.
سارة: في رعاية الله
كريم مشي علي الشغل.
و سارة قعدت تاكل في حياة لحد مانمت بعدها قامت تذاكر
_________________________
في منزل السيوفي.
جرز الباب كان بيرن اميرة راحت فتحت. نور كانت قاعدة في الصالون
نور بفضول: مين يا خالتو
اميرة بإبتسامة: في حد بعتلك حاجه
نور باستغراب: مين؟؟
اميرة قعدت جنبها بإبتسامة مدت ايدها ادتها الكيس
اميرة: امسكي يا ستي شوفي
نور اخدت الكيس باستغراب: اي ده؟؟
نور فتحت لقته فون
نور بإبتسامة: تلفون بتاع مين ده مين اللي باعته
اميرة: ابوكي
نور بغير استوعاب: اي هو اللي بعتلي الفون ليه؟
اميرة بهدوء: هو اي اللي ليه علي فكرة هو بيحبك لو مكنتش بيحبك مكنش بعتلك اي حاجه دلوقتي بعتلك الفون ده علشان خاطر يتكلم معاكي علي طول و يطمن عليكي
نور بدموع: خالتو هو مش بيحبني والله مكنش سبني انا و ماما
اميرة بتفهم: والله بيحبك انتي غاليه عليا اوى لو مكنش بيحبك مكنش بعتلك اي حاجه من دي اقبلي ابوكي يا نور حبيه علشان ربنا يرضي عنك يا حبيبتي
نور بحزن اتنهدت فضلت ساكته
اميرة مسكت الفون بإبتسامة بدأت تشغل فيه.
قالت بإبتسامة: يلا بقي سيبك بقا من الحزن ده امسحي دموعك بقا
نور بدات تمسح دموعها بحزن: اهو يا خالتو
اميرة بإبتسامة: يا نور عيني مفيش حاجه في الدنيا دي تستاهل كل الحزن ده والله
نور ابتسمت ابتسامة بسيطه بحزن جواها
_________________________
ست شهد كانت قاعده تفوق فيها بخوف عليها جامد
كانت بتحط مايه علي وشها علشان تفوق
ستها بخوف عليها شديد: فوقي يا شهد بقا يا ترى مالك يا بنتي
كانت بتفوق فيها بدموع
لحد ما بدأت تفوق ل الواقع
فتحت عيونها وقلبها بيهدم بسرعه من الرعب.
ستها بدموع: مالك يا شهد فيكي اي قومي معايا نروح المستشفى
شهد بتتكلم بالعافيه: ل لا لا ا ا انا ك كويسه ك كوي كويسه كويسه
مسكت الفون بايدها وهي كلها رعب بترعش
ستها بغضب: كويسه اي يا شهد انتي كنتي ميته دلوقتي علي نفسك في الأرض و كل جسمك زي الثلج وكلك علي بعضك بترتعشي تقومي علي الفون وأنتي بالحال ده انا مش عارفه مالك والله العظيم
شهد مسكت كوبايه المايه تشرب بالعافيه
قالت بدموع: صدقيني انا كويسه بس انا جاني هبوط علشان لسه لحد دلوقتي مش اكلت يا تيته
ستها بحزن: مش عارفه انتي مالك بالظبط حالك مش عجبني خالص والله
شهد كل وشها مالي بدموع قالت:حالي حالي خلاص هو انكتب عليه يبقي كدا المهم بلاش تشغلي بالك ي حبيبتي انا هبقي كويسه والله
قاامت من جبنها راحت اوضه تانيه بدأت تشوف الرسايل و الصور بصدمه كبيره وكل جسمها يرتعش
ستها بقت مستغربه عليها و حزينه من جواها عليها
-------------------------------------------
(معلومه انا غيرت اسم سامي ل اسم مهران في الرواية)
شهد بقت في حاله انهيار من الصدمه مش مصدقه انها ممكن يحصل فيها كده من واحد مش تعرفه في حياته. بصت ل الفون رجعت تقرأ تاني
" مهما عملتي مهما قولتي مستحيل اسيبك ل احمد حتى لو عملتي اي انا اللي بحبك مش هو علشان تبقي عارفه. شوفي الصور دي لو مسمعتيش اللي هقولك عليه و عملتي كل حاجه بقولك عليها اعتبري كل صورك علي كل تليفونات العالم اول حاجه تليفونات كل اهلك و ابقي وريني بقا هتعملي ايه و اهلك ابقي شوفي هيعملو فيكي اي ولا حبيب القلب ابن عمك. اه كمان لو عملتي بلوكات من جميع الأرقام هجيبك برضو حتى لو عملتي اي
بقت شايفه الرسايل و الصور في الصدمه مش مصدقه انها ممكن تكون هي اللي في الصور دي الصور كلها بتاعتها قذرة من غير حاجات و و و
شهد بانهيار: منين منين الصور دي جت انا تلفوني مفيش حتى فيه صوره واحده ليا انا انا. قالت بوجع في قلبها: ااه حطت ايدها علي قلبها بوجع. بقت تتنفس بالعافيه من شده وجع قلبها
جت رساله تاني ليها من مهران.
" لو مش عايزني اخرب حياتك بالصور دي تعملي اللي هقولك عليه مش عاوزه تسمعي يبقي انسئ اني ارحمك من تحت ايدي
شهد كانت شايفه الرساله الفون وقع منها في الأرض من كتر الرعب اللي جواها مبقتش قادره تتحكم في نفسها من العياط و الصدمه
_________________________
ميار دخلت البيت بتعب كانت جايه من الدرس
نور بإبتسامة: حمد لله على سلامتك ياقلبي
ميار بإبتسامة: الله يسلمك ي نور
اميرة:مالك يا حبيبتي وشك اصفر كدا ليه
ميار بتعب: والله يا ماما مشوار الدرس طويل و تعب اوى بروح من الدرس ده اجي ل ده اعمل ايه بقا
اميرة: ربنا يديكي علي قد تعبك يا حبيبتي
نور بإبتسامة: معلش يا روحي اتعبي شويه كمان علشان خاطر حلمك ان شاءلله خير ليكى
ميار بسخرية: قولي شوايات مش شويه بس المهم انا هقوم اغير هدومي بقا أنام شويه علشان اقوم اذاكر باذن الله
اميرة: ماشي يا حبيبتي مش تاكلي الأول
نور بسرعه: انا هقوم اعمل اكل لينا احنا الاتنين اي رايك يا مرمر
ميار بإبتسامة: اشطا قومي علي ما اغير هدومي و ذاكر شويه
نور قامت بإبتسامة هعمل بسرعه بسرعه ياقلبي
اميرة بهدوء: نور طيب اقعدي انتي وانا اعمل علشان رجلك و الجرح
نور: لا انا عاوزه انا اعمل الاكل
دخلت بسرعه علي المطبخ
اميرة ابتسمت عليها
ميار دخلت الاوضه بتاعتها تغير الهدوم
♡♡♡♡♡♡♡♡♡♡♡♡♡♡♡♡
بعد ربع ساعة نور حطت الاكل علي النار. طلعت بره في الصالون
نور وهي قاعده بصت علي اوضه وليد كأن جواها فضول تدخل تشوف الاوضه بقت عامله ازاي من جواه كل حاجه رجعت تاني زي ماهي ولا حاجه اتكسرت
قامت راحت ل عند الاوضه وهي مطمئنة انو وليد في الشغل مش جي غير بليل. وقفت قدام باب الاوضه قالت جواها بخوف،: تجيبي لنفسك مشاكل تاني انتي مالك بلاش تمشي ورا دماغك يا نور. حاجه قالت ليها ادخلي هو مش جي انتي مش هتعملي حاجه تبصي علي الاوضه وبس
بدأت تدخل كانت بتقدم رجل و تأخر رجل من الخوف.
_________________________
وليد رجع من الشغل علشان نسئ اللاب توب في البيت
أمال باستغراب: وليد يعني رجعت من الشغل بدري كدا؟
وليد بهدوء: نسيت اللاب توب هنا جيت اخده علشان عليه شغل مهم يا مرات عمي
أمال: اه ماشي ربنا معاك ي غالي
وليد بإبتسامة بسيطه: امين
داخل الاوضه بتاعته
----------------------------------------
نور دخلت الاوضه بإبتسامة بقت تبص شمال ويمين قالت جواها بإبتسامة: الاوضه رجعت احلي من الأول كل حاجه رجعت تاني بس الحمدلله قالت بغيظ: تستاهلي القلم اصلا علشان الاوضه ملهاش ذنب يا هبله وقفت قدام المرايا. بقت تبص علي كل حاجه فيها اللي كان اتكسر جاب حاجات جديدة تاني. مسكت ازازة برفان قعدت ترش علي المراية. منها وتمسح بالمنديل تاني وهي بتضحك.
وليد وهو بره الاوضه شم ريحه البرفان استغراب ان الرائحة طالعه جامده كده من الاوضه.
دخل اتصدم من نور اللي واقفه قدام المرايا بتحط برفان في كل مكان قال بغضب: اااانا مش قولتلك اوعيييي اااشوفك هناااااا تاااني قبلل كداااا
نور بصت بسرعه بخضه وراها.
غصب عنها من الخضه ازارة البرفان وقعت منها في الأرض
نور اترعبت منه راحت عيطت
نور بعياط: ا ا ان انا ا اسفه ا اس اسفه
وليد بقا مستغرب من اللي هي فيه كل حاجه تعيط
قال بنرفز: هو انتي صغيره ي بنتي علشان تعيطي انتي اي بالظبط يا ام دمعه انتي
نور سمعت كلمه ام دمعه من هنا اتفتحت في الضحك من هنا
وليد باستغراب منها ومن الحال اللي هي فيه: ولا حول ولا قوة الا بالله هو انتي ملبوسه وانا معرفش اطلعي بره لو سمحتي يلا
نور بدموع: طب طب انا هلم الازاز
وليد بزهق: لا اطلعي سبيه
نور بدموع: حاضر انا اسفه. راحت طلعت.
وهي طالعه وليد قال بغضب: استغفر الله العظيم يارب والله العظيم الواحد زهق عندنا في البيت طفله بتلعب بالبرفان و الزفت
نور بغيظ بصت وراها قالت: انا مش طفله علي فكره وانا اعمل اللي انا عاوزه
وليد بغضب: امي هي اللي طفله
نور بغيظ: ايوه. راحت مشيت علي الحمام تغسل ايدها من البرفان
وليد داخل بزهق الاوضه اتنهد وقال.: يارب صبرني كل يوم و التاني تكسري في ام الاوضه بقا
-------------------------------------------
ميار باستغراب: نور كل ده بتعمل الاكل اي ده قاامت راحت ليها في المطبخ.
ميار: نور بتعملي ايه كل ده
نور بغيظ: هو انا اقوي من النار يعني
ميار: اخلصي ي ختي علشان ناكل علشان عاوزه انام
نور: حاضر
_________________________
احمد كان قاعد يرن علي شهد كان الفون مقفول بقا يجنن منها
احمد بنرفر: يوووهههه ما تردي بقا
حط الفون جنبه بزهق جامد اغمض عينه وسند راسه علي الكراسي بضيق جواه
-------------------------------------------
البنات كانت قاعده تاكل
نور قاامت بإبتسامة: اوريكي حاجه
جبت الفون من الاوضه بتاعتها جت
قالت بإبتسامة: اي رايك يا مرمر
ميار بإبتسامة: بتاع مين ده؟
نور: بتاعي انا يا مرمر
ميار: من جبلك الفون؟؟
نور بحزن: بابا
ميار بإبتسامة: ابوكي بيحبك بجد والله شكله دا بيجبلك كل حاجه
نور: يمكن
ميار: يمكن بطلي ي بت تعالي كلي وانتي ساكته يلا علشان نقعد انا وانتي نتفرج علي الفون الجديد و اعمل ليكي اكونت واتساب بالرقم يلا
نور بفرحه: اشطا. قعدت تاكل هما الاتنين
بعد وقت كانو خلصو الاكل.
ميار بدأت تشغل ل نور الفون وتعمل ليها الوتس زي ما قالتلها وتعلمها كل حاجه
ميار بنعس: نور خدي الفون بقا انا هنام مش قادره علشان اقوم بليل اذاكر ان شاءلله انتي كمان شوفي هتعملي ايه ان كنتي مش هتعملي حاجه نامى شويه علشان نسهر بليل
نور: تمام هقوم اشوف خالتو الأول
_________________________
الأيام كانت بتعدي يوم علي يوم علي الأبطال في منهم اللي كأن عايش في فرحه بسيطه من حياته و اللي عايش في حزن و قلق و اللي عايش علي امل ان بكره يحقق الاماني اللي هو عايزاه
نور كانت طول الوقت بتاعها مع ميار نور بقت تحبها اكتر و اكتر بقت روحها مش تعرف تعدي اليوم من غير لما تشوف ميار موجودة معاها
_________________________
نور كانت قاعده علي سجادة الصلاة قاعده تقرأ الأذكار. كانت جواها حاسه انها مبسوطه جدا من شئ فرحانه بس مش عارفه اي هو قالت ل نفسها بإبتسامة و استغراب: مالك يا نور؟ انتي مبسوطه كدا بإبتسامة: بجد انا حاسه جوايا شعور حلو و غريب مش عارفه ليه اتنهدت من قلبها اغمضت عيونها اول اما اغمضت عيونها تخيلت قدامها وليد مبتسمأ فتحت عيونها بسرعه قلبها بيدق بسرعة
قالت بتوتر: انت حتي في خيالي مش سيبني في حالي قالت بخنقه و دموع وهي متخيله قدامها: انت مش عايز تروح من دماغي ليه الوقت اللي مش بتبقي في البيت بتبقي قدامي في خيالي في كل لحظه انا شكلي كده حبيتك ولا حاجه
خجلت جامد اول لما قالت كدا ل نفسها قالت بخجل جواها: لا يا نور مش بتحبي تحبي اي بس انتي صغيره علي الحب لو حد سمعك بتقولي كدا هيقطلعو لسانك
ميار كانت واقفه ورا نور سامعه كل كلمه وهي بتتكلم مع نفسها مكنتش مصدقه اللي بتقوله بس عاوزه تعرف هي بتقول علي مين كل ده(احفظوا قلبكوا للحلال)
_________________________
عند شهد كانت امها جت ليها علشان تاخذها
شهد كانت قاعده حضنها امها بدموع
أمال بهدوء: مالك يا شهد اهدي كدا ليه كل ده
شهد بعياط: ماما انا تعبانه اوى من غيرك والله
أمال بحنان: طيب اهدي يا حبيبتي وانا معاكي اهو جيت علشان اخدك معايا ابوكي بيقولي شهد وحشاني قالي روحي هاتيها
شهد قالت جواها برعب: انا حاسه اني هابعد عنكم خالص كدا ليه انا شكلي كدا هموت
أمال باستغراب: ٠انتي قفله الفون بتاعك ليه ي شهد بنرن عليكي مقفول ليه و مش بتروحي المدرسة
ام آمال بحزن: بنتك مش عارفه مالها ي آمال ولا بتتكلم ولا بتاكل ولا بتشرب من ساعه لما جت وهي في حاله انهيار وتعب مش عارفه مالها
آمال بخوف: ليه يا شهد مالك
شهد بتوتر: مفيش يا ماما عادي
امال بغضب: بقولك مالك فيكي ايه مش علي حالك من فتره وانا وخده بالي منك كويس
شهد بدموع قامت: ماما يلا علشان نمشي قولت مفيش حاجه انا بس زهقانه مش اكتر
امال بعصبيه: انا كل لما اكلمك زهقانه مخنوقه طيب ما تقوليلي فيكي اي علشان ابقي عارفه
شهد بعياط: مش عارفه انا تعبانه لوحدي كده
ام أمال: استهدو بالله انتي وهي و كفايه مشاكل مع بعض يا بنتي انتي وهي
أمال بغضب: البت دي تعبت منها يا امي
امها بحزن: معليش اتحمليها هي بنتك الوحيدة شوفيها هي عاوزه اي
شهد دخلت تجيب الحاجات بتاعتها بدموع
مسكت ايد امها: يلا علشان نمشي يا ماما
امال اتنهدت قالت: يلا
راحو مشيو
ام آمال بقت حزينه علي شهد تدعي ليها من قلبها
________________________
ميار كانت قاعده تفكر في دماغها مين ده اللي نور بتحبه بقت دماغه تجيب و تودي عاوزه تقع علي الحقيقه
قالت بشك: معقول يكون كمان بتتكلم معاه في السر. لا لا مستحيل مفتكرش انها تعمل كدا انت مش ناسيه هي عملت اي لما عرفت حقيقه شهد و احمد كانت بتقول اي. قعدت تفكر شويه... سمعت صوت شهد جت راحت طلعت من الاوضه بتاعتها
بره في الصالون.
اميرة بإبتسامة: حمد لله على سلامتك يا حبيبتي. حضنتها بإبتسامة
الكل كأن مستغرب من ملامح شهد انها اتغيرت كده الفترة اللي قعدت فيها عند ستها ظاهر عليها التعب جامد.
اميرة بصت ليها باستغراب:انتي متغيره اوي كدا ليه انتي كنتي تعبانه ولا ايه؟
شهد بهدوء: الحمدلله على كل حال انا كويسه
نور حضنت شهد بإبتسامة: وحشاني ي شهد عامله ايه
شهد: الحمدلله يروحي انتي عامله ايه
نور بإبتسامة: بخير الحمدلله
ميار طلعت بقت مستغربه منها:شهد عامله ايه
شهد بصت ليها بإبتسامة:الحمدلله انتي عامله ايه ي مرمر. حضنتها.
وبعد وقت من السلام.
سميرة: عامله ايه في المدرسة يا شهد
شهد بتوتر: احم الحمدلله يا مرات عمي. قامت. انا هروح اغير هدومي
و دخلت
اميرة اتنهدت وقالت جواها:ان مش عارفه انتي عملتي كدا ليه انتي بقيتي عبارة عن صوره ملامحك كلها حزن يا شهد.
_________________________
شهد كانت غيرت هدومها قعدت بحزن علي السرير
قالت بدموع: لحد امتي هفضل قافله الفون و مش هروح المدرسه انا خايفه اوى خايفه اوى منه والله يارب خلصني منه بقا
قالت باستغراب: بس هو عايز مني اي علشان يهدد فيا كدا يا تري
بقت تعيط بخنقه جواها قالت بعياط: انا مش عملت حاجه ليك ولا حتي اعرفك ليه كل ده يارب. قالت بحسرة جواها دا ذنب والله ذنب علشان خاطر اللي عملته يارب سامحني بلاش توقعني في واحد زي ده يارب
مكنتش قادره توقف دموعها
نور خبطت و دخلت شفتها وهي بتبكي راحت حضنتها بحزن
قالت بحزن: انتي ليه بتعملي في نفسك كدا اهدي وبعدين هو لو كان بيحبك مكنش وصلك لا كده والله
ميار دخلت قالت بغضب: لما هو مش بيحبها اومال بيحب مين بيحبك انتي مثلا
نور بصت ليها قالت بزعل منها: لا مش بيحبني انا وبعدين هو ايوه مش بيحبها لو كان بيحبها فعلا مكنش يوصلها لا كده والله
ميار بعصبيه: نوررر اطلعييي برههه
نور باستغراب منها: انتي عصبيه كدا ليه مش هطلع اهدي بقا
ميار بعصبيه اكبر: نورررررر بقولك قومييييي اطلعييي برههه مش هقول تااااني
شهد بهدوء: بس بقا يا ميار انتي بتتعصبي ليه وانتي يا نور خلاص اقفلي علي الموضوع بلاش تدخلي نفسك في حاجه احمد قالك قبل كدا
نور من جواها ندمت انها بتدخل نفسها فعلاً في كل حاجه حلفت انها مش هيبقي ليها دعوه بيهم تاني بعد كدا.
قامت طلعت بره في عيونها دموع
ميار قعدت جنب شهد اتنهدت وقالت: مالك انتي اتغيرتي كدا ليه ي بت
شهد اتفتحت في العياط بقت هتموت من العياط
ميار باستغراب: مالك يا شهد في اي قوليلي
شهد كانت بتعيط وبس من جواها قلبها هيطلع من الحزن
_________________________
نور دخلت الاوضه بتاعتها بدموع قعدت علي السرير قعدت جنب الدولاب
قالت بحزن و دموع:ينفع كدا يا دبدوب اللي يحصل ليه انهم يزعلوني كده اصلا انا اللي استاهل كل التهزيق ده انا واحده مهزقه انا خلاص اصلا مليش دعوه بأحد فيهم تاني هما حرين
الفون بتاعها رن بصت كأن لقت رقم هاني اتنهدت مكنتش عاوزه ترد عليه فاضل يرن شويه هي مكنتش بترد من جواها زعلانه من كل حاجه. دموعها كانت بتنزل منها غصب عنها و زعلانه.
_________________________
هاني بقا مضيق انها مش بترد عليه كان كل مره يرن مكنتش بترد عليه
اتنهد وقال: وبعدهلك بقا يا نور هتفضلي كده لحد امتي يا بنتي
رجع راسه ل ورا علي الكرسي بتعب و خنقه جواه
------------------------------------------
كأن اليل جه الكل رجع من شغله
الكل كان موجود علي سفره الاكل
ابو شهد: مالك يا شهد يعني متغيره كده
شهد بحزن: لا يا بابا مش متغيره ولا حاجه والله بس كنت تعبانه الايام اللي كنت فيها عند تيته بس بقيت احسن الحمدلله
ابوها بقلق: انتي متاكده انك كويسه مش باين ابدأ انتي كويسه
شهد بهدوء: صدقني انا كويسه والله
احمد كان باصص ليها بحزن جواه وكانت كل نظرته عتاب ليها.
شهد كانت شايفه نظرات احمد بقت متوتره منه دموعها بدأت تنزل منها بوجع جواها قالت ل نفسها: لو تعرف قد اي انا حبيتك من قلبي يا ابن عمي عارفه انك بتقول ليه اتغيرت كدا معايا
أمال خدت بالها انها سرحانه قالت: سرحانه في اي ي شهد كلي علشان تنامي علشان بكره في مدرسة
شهد انتبهت ليها: مش سرحانه هاكل اهو
ابو شهد حاسس انها فيها حاجه قال بهدوء: مالك يا شهد في اي؟؟
شهد بتوتر: لا يا بابا مفيش حاجه
ابوها بشك: متاكدة
شهد بخوف منه: ا اه اهو والله
اتنهد وقال: تمام
بعد وقت الكل كان خلص اكل
شهد كانت راحت تغسل ايدها
احمد من وراها: شهد
شهد بصت وراها بتوتر. قفلت المايه جت تمشي. احمد شد ذراعها جامد
قال بعصبيه: ليه ليه بتعملي كل ده ليه كل البعد ده ليه لما كنت برن عليكي مكنتيش بتردي عليا وقافله الفون
شهد بدموع: احمد ارجوك سبني مينفعش كدا
احمد بغضب: هو اللي مينفعش هاا
شهد بعياط اقوي: عارف يا احمد بجد نور و مرات عمي معاهم حق في ده كلة مينفعش اللي احنا بنعمله ده علشان ده حرام و خيانه أهلنا اوي ربنا مستحيل قالت وهي بتبكي جامد واثقه من الكلمه: مستحيل مستحيل ربنا يسامحني الا لو تبت ولا انا ولا انت ربنا هيوقعنا في مشاكل علشان خاطر الذنب ده اللي احنا مش حسين بيه ابدأ
احمد بقا مستغرب منها قال بحزن: مالك يا شهد في اي انا مش فاهم انتي بقيتي عامله كدا ليه مش فاهم انتي اي بالظبط
اميرة دخلت قالت بغضب: علشان هي معاها حق يا غالي بحمد ربنا انها عرفت الغلط قبل فوات الاوان بقا
شهد قالت جواها بحزن شديد وقهرة: للاسف عرفت الغلط متاخر اوى حاسه اني مستحيل ربنا يسامحني مستحيل.
اميرة شدت درع شهد من ايد احمد قالت: اوعديني انك مش هتتكلمي مع احمد تاني يا شهد نهائي و انك تسبيها علي الله بقا ان كأن ليكي نصيب هيبقي ليكي مش ليكي نصيب يبقي متزعليش ي بنتي انتي غاليه اوي ربنا كتب ليكي الاحسن باذن الله
شهد كانت بتبكي وبس جواها مكنتش عاوزه كدا علشان خاطر احمد
احمد كان باصص ليها مستني رد فعلها اي و جواه قلبه حزن الدنيا
اميرة بعصبيه: شهد اوعديني يلا علشان خاطر ربنا و علشان خاطر نفسك و امك و ابوكي لو اكتشفو كل ده هتبقي مصيبة
شهد بسرعه قالت بعياط؛ لا مش عاوزه كدا والله انا عاوزه ربنا يسامحني و امي و أبويا هيبقي في مشاكل ما بينهم بسببي والله
اميرة: يبقي اوعديني يلا مستنيه اي مش خايفه من ربنا يعني
شهد بعياط بصت ل احمد وقالت بعياط: اوعدك اوعدك اني في حياتي كلها احمد مش هتكلم معاه غير غير لو ربنا كتب لينا انه نبقي من نصيب بعض وهو يبقي حلالي وبس
احمد بحزن: ارتحتي انتي كدا لما عملتي كدا صح
اميرة بإبتسامة: اه ارتاحت ي احمد انا عاوزه كدا علشان اللي انتوا بتعملوه ده غلط و حرام مبسوطه منك يا شهد علشان القرار ده اوى ربنا يغفر ليكي و يكتب لك كل خير
شهد بقت تعيط اقوي
احمد بحزن: لما انتي بتحبيني ليه بتعملي كل ده في نفسك و فيا هااا قولييي
اميرة اتنهدت وقالت: متسمعيش لي لو ليكم نصيب هتبقي لبعض صدقيني كفايه كفايه عياط و حزن روحي اتوضي صلي وقربي من ربنا انتي غاليه يا شهد.
راحت بقت في انهيار طلعت راحت علي الاوضه بتاعتها وهي بتبكي
اميرة بحزن: كنت اتمنى تبقي ابن صالح ليا يا احمد بس للاسف ماشي ورا شيطانك يا بني اوى. قالت اخر جمله راحت مشيت من قدامه
احمد اتنهد من قلبه قلبه بقا مالي بالحزن الشديد من شئ
_________________________
نور دخلت عند ميار بتوتر خايفه احسن تزعق ليها. قعدت علي السرير بهدوء
ميار كانت بتذاكر مهتمتش ليها
نور بهدوء: احم ميار
ميار ___
نور: ميارر
ميار ___
نور بقت زعلانه خالص منها بقت تسأل نفسها هي عملت ليها اي جواها زعلانه وقالت في نفسها:ياريتني مكنتش اتعلقت فيكي كدا يا ميار من الأول انا قاعده بقالي كام شهر بقيت متعلقه فيكي اوى
فضلت ساكته شويه قعدت قدام الفون. كانت قاعده تسمع علي اليوتيوب زي كل مره ما متعودة انها تسمع. جابت شيخ كانت حلقه عن الحب الحلال و اللي الحرام
الشيخ بدأ يتكلم عن الحب فيه الشهوات و نور مكنتش فهمت كانت تسمع مره و اتنين.
فصلت الفون وبصت ل ميار و قالت: ميار انا مش فاهمه حاجه خدي كده اسمعي الكلام ده بيقول اي فهمني
ميار ___
نور بزهق: ميار ردي بقا هو انا عملت ليكي اصلا.
ميار بهدوء عكس بركان العصبيه الل جواها: نور بره علشان مش عارفه اذاكر
نور ببراءة: طب فهمني بيقول اي وبعد كدا اقعد ساكته جنبك والله
ميار __
نور بزعل: علي فكره انا زعلانه منك اوى والله مش عارفه انتي اتغيرتي كدا ليه معايا اوى قالت. بسخرية جواها: انتي اصلا كنتي كده معايا من ساعه لما جت هنا بس انا شايفه منك الحلو مش الوحش والله... كملت قالت بحزن:بلاش تتغيري معايا انا بااذات علشان انا حبيبت و تعلقت فيكي كمان مش عارفه انام لما امشي هنا هعمل اي من غيرك.
ميار مسكت رمت الكتاب في الأرض بغضب و قاامت قالت بعصبيه: اخرسيييييي مش عارفههههه ااااذاكر منكككك ولا حااااجه نهاااائي نهاااائي.. عايزني اااسيب المذاكره علشان ااافهمك طيب انتييي واحده فااااضيه ملكيش قيمه اااصلا في الدنيااااا دييي لكن انا مشغوله طول الوقت في المذكرة و الدروس وانتي واااحده فااااضيه عاااوزه بس تدخلي نفسك فييي اللي ملكيش فيهههه
نور جواها اتصدمت من ميار ومن الكلام بتاعها ليها دموعها نزلت منها قالت بعياط: الله يسامحك مش عارفه انتي ليه بتعملي كدا بس طالما مش عاوزه تتكلمي معايا كنتي قوليلي بس بلاش اللي جواكي ده ليا عشان انا مش استاهل كل ده من حد الاساس
ميار بسخرية:روحي روحي كده كتك نيلة واحده مفيش عندها ذرة الشخصية اصلا كل حاجه تعيط تعيط مفيش عندها لسان اصلا تتكلم ولا حتي عندك فاهم في دماغك. قالت بسخرية اكبر: قال يا ميار فهميني دي دي انتي و الجموسه واحد انتي محدش يعبرك ابدا ولا حد يحبك يا تافهة ب شكلك ده أصلاً
نور جواها انهارت من الكلام ده اكتر راحت خدت الفون و راحت الاوضه بتاعتها وهي بتعيط جامد
قعدت على السرير وهي بتعيط جامد بتزيد في العياط اكتر
قالت بعياط: الله يسامحك يا بت خالتى انا مش زعلانه منك والله يمكن يكون فعلا معاكي حق انا كدا حتي مفيش عندي شخصية قالت بإبتسامة جواها غصب: انتي بتقوليلي محدش هيحبك ولا يعبرك لا ان شاءلله اكيد اللي تمنيته من ربنا هيحبني والله ربنا يمكن يحببه فيا علشان انا طول عمري اتمنى الخير لكل النااس عمري ما أذيت حد فا ربنا ان شاءلله مش يحرمني من الحاجات اللي بحبها.. كملت قالت بدموع و بإبتسامة: اه انا كمان هتغير علشان خاطرة وعشان ربنا مش هلبس بنطلونات تاني خلاص علشان هو مش بيحب البنات اللي بتلبس كده عايز اي بنت في بيته تكون احسن بنت في الدنيا وانا هعمل كدا علشان يحبني انا وبقا لما ان شاءلله يتجوزني هتعرفي إن أنا فعلاً اتحب اصلا مش بالشكل و الجمال جمال الروح والله العظيم
جواها كانت بتبكي جامد من كل كلمة بقت تعيط بصوت غصب عنها بتحاول تقنع نفسها انها هي الاحسن ب كل شئ و انها مش وحشه ولا بالطبع ولا بالشكل. لحد ما نامت علي نفسها من كتر العياط و التفكير في الكلام
في غرفة شهد كانت قاعده علي سجادة الصلاة و كل قلبها مالي بالتوبه و انها خلاص مش عاوزه حاجه من الدنيا دي غير انها تراضى ربنا علشان يرضي عنها وبس
كانت بتدعي وهي بتبكي اقوي و أقوي
فضلت اكتر من ساعة وهي تدعي وتبكي ان ربنا يغفر لها من كل ذنب و ان احمد يبقي من نصيبها و انها مش تقع في فتنه من مهران
اخدت قرار انها لازم تفتح التليفون و ترد عليه و انها مش تخاف منه وطلع الخوف من قلبها علشان تعرف ترد عليه تشوفه عايز اي. مسكت الفون وهي قاعده علي الارض زي ماهي فتحت التلفون بدأت تجي ليها رسايل كتيره جدا من اصاحبها و جروبات المدرسة و مهران كان بعت ليها رسايل كتيره اول حاجه فتحت الشات بتاع مهران وكل قلبها مالي بالرعب منه و الخوف
بدأت قرأ الرسايل وجسمها يرتعش
" اختاري يا تجي ليا بالذوق يا كل صورك دي تنتشر ع كل تليفونات العالم
مهما قفلتي التليفون و مهما عملتي مستحيل تعرفي تهربي مني حتى لو اي حتى لو في بطن امك هجيبك برضو انتي ليا غصب عن أي حد عند في احمد
بعدها رسايل كتيره الفترة اللي قفلت فيها التليفون شهد بدموع كانت بتقرأ الرسايل بتاعته برعب في قلبها
كانت بتحاول تتماسك اعصابه علشان تعرف ترد عليه بدأت تكتب وكل ايدها ترتعش
/ اعلي ما في خيلك اركبه انا مش هعمل زي ما انت بتقول كدا اوعي تفتكر اني هخاف منك ولا انا خايفه اصلا منك
انا معرفش انت مين ولا انت عايز اي مني ولا من احمد بالظبط انت مره واحده كدا ظهرت في حياتنا
واحنا اصلا مش عارفينك وانت لو راجل بجد مكنتش تعمل كل ده علي بنت و تعمل فيها قدر عليها لو راجل كنت تواجه احمد مش انا
وانت مع نفسك اعمل كل اللي انت عاوزاه مش خايفه منك و اهلي واثقين فيا عارفين اني مستحيل اعمل حاجه زي كدا و الصور دي خليها ليك انت بقا بعتت الرساله كانت هتعمل بلوك. كتبت بسرعة قبل ما يفتح الشات
اه و علي فكره انا مش بحب في الدنيا دي قد احمد وانت لو جيت موتني في وسط اهلي علشان احبك مش احبك ابدأ انت واحد زبالة اي علي الأقل هو مش بيلعب ب بنات النااس زي ويعمل في صورهم كده واتقي الله بعتت الرساله. جت تدوس تعمل بلوك بعت ريكورد وهي عملت بلوك من غير ما تاخد بالها انه بعت حاجه فتحت الشات لما شافت انه بعت ريكورد
شهد بتردد و خوف: مش عاوزه افتح الريكورد خايفه يكون بيقول حاجه مش كويسه و يكون مخطط ل حاجه. بعد تفكير و تردد فتحت الريكورد بخوف شديد في قلبها بدأت تسمع برعب منه
مهران في الريكورد كان بيقول
" اقسم بالله العظيم هكسر كل الثقه اللي عندك دي بالطريقة بتاعتي و كل كلمه اتقرأت منك دلوقتي هخليكي تعيشي في جحيم عشان تبقي تعملي انتي فيها القدرة هعرفك ازاي تقولي كدا وانا هعرفك انا راجل ولا لأ يا قادره حطي في بالك اسبوع هو اسبوع واحد و هتكوني في جحيم المهران ب حق هخليكي تتحسري علي نفسك و اعملي بلوك يلا كده كدا هجيبك يعني هجيبك حتى لو كنتي فين انا حطيتك في دماغي خلاص انسئ انك تخرجي بقا من جحيمي يا غاليه سلام
شهد اليأس اتملك قلبها جامد الرعب و الخوف سيطر عليها بعد ما سمعت الريكورد فضلت تعيط طويل و هي مش عارفه تعمل ايه او تقول لمين يحميها منه و مش فاهمه هو بيعمل ليه كل ده برضو فيه كده فضلت طول مش تنام غير انها تعيط وبس و تدعي من قلبها انها يكون بيقول كلام وبس علشان تخاف
_________________________
في منزل هاني و امينه
هاني كان بيرن علي نور
امينه بصت لي بنعس: هاني انت بترن علي مين دلوقتي في الوقت ده؟؟
هاني بهدوء: علي نور
امينه بزهق: يا هاني هي اكيد نامت الساعة داخله علي اربعه ونص
هاني حط الفون علي الكمدينو
حط دماغه علي المخدة امينه بإبتسامة حضنته: معلش متزعلش بقا ان شاءلله ترد
هاني بهدوء: ان شاءلله
امينه بزعل منه: هتفضل زعلان كدا كتير انت هتعمل ليها اي طيب
هاني ابتسم ابتسامه بسيطه قال: مش زعلان حابب اطمن عليها بس والله
امينه بصت بحب قالت: انا هحاول من عندي بكره إن شاءلله هخليها تتكلم معاك غصب عنها متزعلش اهم حاجه
هاني بإبتسامة: هسيبها عليكي انتي يعني هتعملي ايه هي مش راضيه ترد علي ابوها علشان ترد عليكي يا امينه
امينه بثقه: سيبها عليا ي حبيبي بس
هاني: لما نشوف
امينه ضحكت: هتشوف
هاني ابتسم عليها بعدها نامو في هدوء تام هما الاتنين.
يتبع..