رواية وصيه زواج
الفصل التاسع 9 والاخير
بقلم منال كريم
صلوا على الحبيب المصطفى صل الله عليه وسلم ❤️
❤️❤️❤️❤️❤️❤️❤️❤️❤️❤️
وقفنا الفصل اللي فات لما آدم ضرب جنا لأنها كلمت أمها بطريقة مش كويسة.
صفعة قوية من آدم ، كانت عقاب جنا على حديثها لفاطمة.
وضعت يدها مكان الصفعة
و قالت بعصبية: أنت عملت ايه.
قبض على حجابها بقوة و قال بغضب شديد: قولتك صوتك مش عايز اسمعه ،وأنتِ مش فاهمة، أمي تكلمها با اداب واحترام ، لكن أنتِ مش عارفه عنهم حاجه.
أكمل أدهم بنظرات قاتلة: تعرف منين هى لو كانت تعرف حاجه عنهم كانت علي الاقل عرفت أهلها.
ليكمل أحمد : للأسف عمي مش عرف يربي.
كانت تحاول أن تكون قوية أمامهم.
لكن هى من الداخل تنهار ولا تستطيع التنفس.
:حرام عليكم هى مش عملت حاجه.
قالتها ياسمين بحزن.
ذهبت أسراء إليها و ضمتها
و نظرت إلى زوجها بعتاب و قالت: دي بنت عمك يا أدهم.
سألت حنين بحزن: ليه كده يا أحمد
صرخ و هي مواجه حديثها للفتيات : بس من امت وانتوا تدخلوا فى كلامنا ولا هى أثرت عليكم.
لتكمل فاطمة المسرحية و تردف ببكاء: قولت لمحمد بلاش بنت بسمة تكون مرات أبني.
لم تتحمل إهانة على أمها أكثر ، لتصرخ بصوت عالى: أنا امي أحسن منك فاهمه وأنا أحسن من ولادك فاهمة.
للمرة الثانية كاد يصفعها و هو يقول بغضب: قولتلك اسكتي.
نزل أيدك يا آدم.
كانت هذه جملة محمد، الذى جاء في الوقت المناسب.
لم تتحمل انهارت من البكاء الشديد و نظرت إليه و قالت من بين دموعها: أضرب يا ادم يلا يلا.
سأل محمد بصوت عالى: في ايه.
لم يجيب أحد عليه
ذهبت جنا أمام صورة أبيها و قالت بدموع شديدة مع صوت عالي: بابا هي دي الوصية بتاعتك ،علشان تطمن عليا خلتني أتجوز واحد أمه مش تكرهه فى حياتها غيري أنا وأمي.
خلتني أتجوز واحد أخواتي شايفين أني مش محترمة، ولا متربية و أخوك اللي قولت أنه يعاملني بحنان أنا مش شوفت الحنان دي يا بابا.
و أدم عرفت منين أنه الشخص المناسب ليا ،ده واحد كل ما يتعصب يرفع أيده عليا وصدق أمه وحتى مش سمع مني
أنت كده مطمئن عليا،
أنا غلطتي أني نفذت الوصية أول مره أشوف وصيه كده
أنا عمري ما اسامحك فاهم يابا عمري ما اسامحك لاني بسببك عايشه فى سجن
عمري ما اسامحك
أنا بكرهك وبكرهه كل أهلك.
صعدت إلى غرفتها
أغلقت الباب وجلست خلفه تبكي بحسرة.
في الاسفل
محمد بصوت عالى: ممكن اعرف ايه اللي حصل.
لم يجيب أحد
محمد : حد يتكلم.
قصت ياسمين ما حدث.
محمد بصوت عالى: أنت ضربت مراتك وبنت عمك.
قال أحمد باندفاع: تستهل يا أبوي.
قال بصوت عالى جد: أنا مش عايز حد يكلم.
آدم بحزن: ابوي طريقتها مع أمي غلط.
ليردف بعتاب: حتي لو طريقتها غلط، لكن مش بالضرب يا آدم أنا سالتك وقولتك إن جنا طبعها غيرنا ،قولت موافق صح، دي أمانه عمك، عجبك الكلام اللي جنا قالتها دلوقتي .
ثم نظر إلى فاطمة و قال : وأنتِ يا فاطمة، أنا شايف وعارف أنتِ تعاملي جنا ازاى ،و اسكت وأقول بلاش أدخل فى أمور الحريم لكن كل كلمه جنا قالته هى صح وأنا وأنتِ عارفين كده..
ثم نظر إلى أدهم و أحمد و قال بعتاب : المفروض جنا قبل ما تكون مرات أخوك ،تبقي اختكم زي ياسمين بضبط.
لكن أنا كنت فاكره أني مخلف رجال ،لكن طلعت مش خلف غير عيال ،اي حاجه تحصل للبنت اليتيمة اللي فوق دي ذنبها فى رقبتكم.
و صعد محمد الي غرفه جنا
دق الباب لكن جنا لم تجيب يسمع صوت بكائها فقط.
ليردف بندم و بحزن: حقك عليا يا حبيبتي افتحي أنا آسف.
صعد آدم خلفه.
قال بندم: جنا آسف افتحي و اعملي اللى أنتِ عايزها.
محمد بصوت عالى: جنا ردي عليا.
صعد الجميع يقف امام غرفة جنا، صرخت بعصبية من دق الباب المستمر : ابعدوا عني بقا أنا مش عايزه حاجه من حد.
آدم بحزن: آسف يا جنا.
رن هاتف جنا كانت خالتها أسماء
فتحت جنا الخط و قالت بصوت عالي: عايزه ايه يا خالتي، أنتِ كمان سبتني و مشيتي هنا وأنتِ عارفة أني مش بحب أعيش هنا أنا بكرهك كلكم، أنا فعلا يتيمه ومش عايز حاجه من حد حتي بابا زعلانه منه ولو ماما كانت عارفه زعلانه منها هي كمان أبعدوا عني بقا حرام عليكم.
ألقت الهاتف على الأرض بغضب.
و فردت جسدها على الأرض و تبكي على حالها
شعر بحجم ما فعل و قال بحزن: جنا كده ممكن يكون عندها انهيار عصبي.
أجابت إسراء بحزن مختلط بعتاب: عرفت دلوقتي يا دكتور أدهم.
أحمد:مش وقته كلام لازم ندخل عند جنا.
صرخ بغضب محمد بصوت عالى: أمشي كلكم من هنا مش عايز أشوف حد.
ذهب الجميع غرفته الا محمد وآدم ظلوا أمام غرفتها.
فى القاهره
فى منزل أسماء
اسماء بدموع: أختي زمانها زعلانه مني علشان جنا تعبانه.
جاسر : ماما أحنا نسافر بكره أن شاء نطمئن عليها.
نورهان بدموع: يا ماما يعني هى مش قالت مالها.
أسماء بدموع: لا صرخت وقالت بكرهكم كلكم و قفلت.
كان منزل أسماء ومحمد يحزنون جدآ بسبب جنا.
والجميع يلوم نفسه أنه سبب حزنها لكن لا أحد مثل آدم لانها عشق الطفوله ولم ينتبه عليها جيدا.....
ذهب الليل وجاء الصباح
مازال محمد وآدم أمام غرفة جنا.
دق محمد الباب و قال بحزن: جنا افتحي بقا.
فتحت و عيونها ممتلئة بالدموعِ و الحزن و الهزيمة و الانكسار ، لكن قررت التحدث بقوة مصطنعة: أنا عايزة اطلق.
نظر محمد إليه بعتاب و قال: كلام بنت عمك يتنفذ.
قال بصدمة: نعم.
وللحديث بقية
#وصية_زواج
#منال_كريم
❤️❤️❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
لا اله الا انت سبحانك اني كنت من الظالمين
❤️❤️❤️❤️❤️❤️❤️❤️
#وصية_زواج
#الفصل_العاشر_الاخير"
"كانت تعيش بحرية مطلقة، لم تبالي بما يحدث حولها، حتى وجدت نفسها أسيرة لوصية غريبة، تجبرها على أن تكون سجينة مدى الحياة. وكلما حاولت الهروب، وجدت نفسها عالقة أكثر."
فتحت و عيونها ممتلئة بالدموعِ و الحزن و الهزيمة و الانكسار، لكن قررت التحدث بقوة مصطنعة:أنا عايزة أطلق.
نظر محمد إليه بعتاب و قال: كلام بنت عمك يتنفذ.
قال آدم بصدمة: نعم، لا طبعا يا أبوي، أنا عارف أني غلطت لكن من فضلك بلاش موضوع الطلاق.
لتجيب بصوت عالي: عايزه أطلق أظن كفاية كده، أنا كده نفذت وصية بابا كفايه بقا ذل وإهانة لحد كده.
جاء كل من فى المنزل على صوتها المرتفع.
تحدث محمد بهدوء: اهدي يا حبيبتي و أنا أعمل اللي أنتِ عايزه.
لتردف بدموع : أنا اللي حصل لي فى البيت ده كفايه اوي عليا.
آدم بعصبية: وأنا مش أطلق و اخبطي راسك فى الحيطه.
تحدثت بعصبية: خلاص أرفع قضيه خلع.
كانت الكلمة كالصاعقة على الجميع.
ليردف محمد بهدوء : خلع يا جنا عايزة تفضحنا فى البلد بعد العمر ده كله بنت السوهاجي تخلع جوزها اللي هو أبن السوهاجي دى فضيحه كبيرة.
صرخت بعصبية: مش عايز تبقي فضيحه خلي آدم.
شعرت فاطمة بحزن حقيقي على حالة هذه اليتيمه : جنا أنا الي غلطانة مش آدم ، آسفه يا بنتي.
قالت بمشاعر باردة: مش مقبول.
آدم بهدوء: لو سمحتم أنا عايز أكلم مع مراتي على إنفراد.
ذهب الجميع
آدم بهدوء: تعالي نكلم فى الاوضه.
دلفت جنا و هو خلفه.
جلس على الأريكة و قال بهدوء: تعالي اقعدي نتكلم بهدوء.
جلست بجواره و قال هو بندم و حزن :آسف والله غصب عني طريقتك مع أمي كانت غلط يا جنا ،وأنتِ عارفة أني مش بحب الصوت العالي و برضو صوتك يعلي عليا قولتك اسكتي مش تسكتي آسف يا جنا آسف يا حبيبتي.
نظرت له بدموع: خلصت كلام أنا عايزه أطلق ،لانك إنسان حيوان و أنا عمري ما أقبل اعيش معك.
نظر لها نظرة عتاب و قال : من غير قلة أدب ، جنا أنا قولتك أني آسف أنتِ عارفة أنك حب الطفولة ومش أقدر أبعد عنك، ما صدقت تكوني مراتي و أعمل ايه حاجه أنتِ عايزه مني لكن اوعى تبعدي عنى.
لتردف بدموع: كل اللي عايزة دلوقتى اراجع بيتي.
أجاب بهدوء : ده بيتك يا جنا.
تحدثت بعصبية: لا ده مش بيتي أنا بيتي اللي في القاهره مش ده.
آدم :موافق.
سألت باستغراب: بجد.
آدم: أيوه بجد لاني غلطت معاكي.
قالت بعصبية: اسافر حالا.
أجاب بابتسامة: حضري الشنط و نسافر حالا.
تم تحضير الشنط
وطلب آدم نقله من جامعة سوهاج الى جامعة القاهرة لتنفيذ رغبه جنا.
بعد ساعات طويلة
تقف جنا وآدم أمام منزل أحمد ولم تستطع جنا الدخول.
آدم بهدوء:جنا يلا ندخل.
قالت بدموع: مش قادره أتدخل وأنا عارفه أن بابا وماما مش جوه.
احتضن يديها بحب و قال بهدوء حبيبتي أنا معاكي اوعى تخافي.
نظرت له بابتسامة و دلف هو و هي خلفها، كانت تنظر إلى ركن في المنزل، و هي تتذكر الذكريات التى جمعت بينهم و تذرف الدموع.
عندما رأى حالتها سيئة ، ضمها إلى حضنه و هي انهارت أكثر من البكاء.
يرتب على ظهرها حنان و قال: اهدي يا جنا وقولي الله يرحمهم ويغفر لهم.
لتردف من بين دموعها: يارب يرحمهم.
بعد وقت هدأت بعض الشئ ،صعدت إلى غرفتها و هو خلفه
لتردف بهدوء: أنت رايح فين.
أجاب باستغراب: أكون رايح فين داخل أنام تعبان من السفر.
أومأت رأسها بالموافقة و قالت : تماما بس مش هنا نام فى اوضه تانيه.
سأل بتعجب : ليه أن شاء الله أنت مراتي.
قالت بحزن: اه مراتك لكن أنا مجروحه أوى من ضربك ليا و معاملتك الوحشه ليا فا يلا روح اوضه تانيه.
صرخ بعصبية: أنا قولت آسف عايزه ايه تاني وبعدين أنا بنام على الكنبه يعني بعيد عنك.
لتردف بعصبية :أخرج يا آدم من الاوضه.
غادر الغرفة بعصبية و هي ابتسمت.
بعد قليل كانت في المطبخ تحضر طعام، ذهب إليها و قال بهدوء: جنا أنا عارف أنك مش بتحبني، و الوصية السبب في الجوزة دي، لكن أنا شايف نبدا كل حاجة من البداية، بعيد عن الوصية، من دلوقتي نحاول نتعامل مع بعض بشكل أفضل، و حياتنا هنا بعيد عن العيلة تكون أفضل، و يمكن تحبني في يوم من الايام.
لم تجيب لكن اقتنعت بحديثه ، فهو الآن زوجها و هذا أمر واقع ، لذا سوف نحاول لبناء حياة جديدة بعيد عن الوصية.
و بالفعل تمر الايام و هما دائما معنا إذا في المنزل أو الجامعة نظرا أنه الدكتور و هي الطالبة.
أصبحت جنا تشعر بمشاعر حب تجاه، كانوا حريصين على زيارة الصعيد دائما، اكتشف جنا أن ما يقال من أمور و عادت سليبة عن الصعيد ليس حقيقي.
انتهت من الجامعة و تولت العمل في شركة ابيها، و رفعت أسم ابيها و عائلتها.
و تحسنت علاقة فاطمة و جنا.
أنجبت جنا جوري و جودي.
و كان الجميع سعيد لم يشغل تفكير أحد انهن فتيات.
بعد مرور عامين.
فى الصعيد
تجلس كل عائلة محمد على السفرة
استقر ادم وجنا فى القاهرة لكي تدير جنا شركة أبيها.
و يزورن الصعيد دائما.
وتعيش جنا مع آدم و بناتها في سعادة و حب
بناء على وصية زواج.....
تمت و ليس للحديث بقية
❤️❤️❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل على سيدنا محمد وعلى ال سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
❤️❤️❤️❤️❤️❤️❤️❤️..
تمت بحمد الله
لقراءة جميع فصول الرواية من هنا