رواية الحب الحرام
الفصل الثاني عشر 12
بقلم نور ربيع
ولا حول ولا قوة الا بالله 💛
استغفر الله العظيم واتوب اليه
في غرفه جنات
سجدة بحزن شديد: فينك كده مختفيه من اسبوعين يا جنات من ساعه الموضوع اللي حصل
جنات بتعب جواها: موجوده يروحي اهو بس كنت تعبانه شويه فتره اللي فاتت دي
سجدة بحزن عليها: الف سلامه عليكي ياقلبي مالك؟
جنات: الله يسلمك يروحي. لا مفيش شويه تعب بسيط والله الحمدلله على كل حال
سجدة بدموع وحزن: حقك عليا يا جنات علشان فهد اللي عملو فيكي ده متزعلش منى بالله عليكي وانا والله عايزاكي في حياتي عايزاكي تكوني صاحبتي الاخر ونكون صحاب في الجنة ان شاءلله
جنات بحزن شديد: انا عارفه انك بتحبيني يا سجدة و عارفه انك بتعتبريني اختك عارفه اللي في قلبك ليا والله. وانتي ملكيش دعوه باللي حصل
سجدة بدموع : متزعليش نفسك يا جنات والله العظيم ربنا ليعوضك بــ احسن الزوج الصالح انتي بس ادعي ادعي كتير وحافظي علي مشاعرك يروحي لحد ما ربنا يبعتلك اللي انتي بتتمنيه وانا دائما معاكي اهو
نزلت دموعها منها بوجع: لا لا مش زعلانه يروح قلبي
سجدة حاسه بيها حاسه باللي هي فيه حاسه بالوجع اللي في قلبها بسبب اخوها اللي زود عليها وجعها لكنها مش قادره تهون عليها بشيء
سجدة بحزن وخنقه عليها: ولا حول ولا قوة الا بالله العلي العظيم ربنا يريح قلبك وبالك يارب بالله عليكي هوني علي نفسك يا جنات
ــــــــــــــــــــــــــــــــــــــــــــــــــــــــــ
فرشت سجاده الصلاه جنات وهي ناويه لفرد من صلاتها وهي تتحاكى مع نفسها و دموعها بتنزل منها بوجع وقهره جواها. ثم حطت المصحف والسبحه
بتاعتها
جنات: يارب انا عارفه اني غلط يارب عارفه اني عملت ذنب كبير ذنب ما كانش ينفع اعمله سامحني يارب على جميع الذنوب وهديني وهدي قلبي اللهم ردني اليك ردا جميلا اللهم ردني اليك ردا جميلا سامحني يا رب سامحني وهون علي قلب عبدك الضعيف اللهم هون على قلبي واغفر لي اغفر لي يا رب وسامحني … خدت الاسدال بتاعها بتاع الصلاه من على السرير اللي لونه ازرق بتاع الصلاه ولبسته ولبست الخمار بتاع الاسدال " ثم وقفت على السجاده ورفعت ايديها وقالت بدموع: الله اكبر الله اكبر اشهد ان لا اله الا الله واشهد ان محمد رسول الله …و بدأت في صلاتها وهي تشكي كل همها لربها
و بعد ربع ساعه كانت خلصت صلاه. ثم صبحت وقالت الاذكار بتاع الصلاه بعدها مسكت المصحف ونوت انها لازم تحفظ المصحف كامل لاحتي قلبها يهدي و تنسي كل شيء مؤلم مر في حياتها في ماضي
ــــــــــــــــــــــــــــــــــــــــــــــــــــــــــ
عند فهد في المسجد كان قاعد مع شيخ يتحدث معه
فهد بحزن شديد: يا شيخ انا عملت ذنوب كتيره والذنوب دي ضميري وجعني بسببها طول الوقت بفكر فيها وحاسس باليأس والعجز في حياتي عايز حاجه تشغل عقلي زي العباده زي العمل الصالح والخير و بدل معقلي مشغول فيها عايز اشغل عقلي في الحاجه الصح اللي تغفر لي ذنوبي وتمحيها من حياتي وانساها
الشيخ ابتسم بتنهبدة: بص يا ابني اولا كده.انت تقول الحمد لله وتشكر ربنا انك فهمت وحسيت وعرفت وفهمت ان الطريق اللي انت ماشي فيه ده غلط لازم تعرف ان الله غفور رحيم ومهما اخطانا ورجعنا لي واخطانا ورجعنا لي واخطانا ورجعنا لي لازم تعرف انه يغفر الذنوب كلها حتى لو الذنوب دي من الكبائر و الله يحبنا رغم جبال الذنوب اللي بنعملها ربنا بيقبل التوبه مع الاخلاص والنيه الحلوه والنوايا اللي خارجه من القلب ولو نويتها فعلا من قلبك يبقى باذن الله مغفوره واعلم ان رحمة ربنا واسعة ومن سعة رحمته انه يغفر الذنوب جميعا
فهد بخنقه وشتات: بقالي خمس سنين يا شيخ انا حاسس بالتعب ضميري واجعني. اليأس مش بيفارق عقلي وقلبي تاعبني حاسس بالشتات حاسس بالذنب بالفعل بــمعنى الكلمه انا عايز اللي اللي وجعتها دي اعمل ليها اي حاجه عشان خاطر ربنا يهدي قلبي ويغفر لي ذنوبي دي كلها وضميري يكون مرتاح وحقها يرجع عايز ربنا يريح قلبي.
الشيخ بهدوء: بص يا ابني انا مش فاهم حاجه ولا فاهم قصدك. بس لو انت ناوي علي حاجه في دماغك علشان خاطر ضميرك يكون مرتاح من نحياه الذنب اللي انت عملته انا اللي اقدر اساعدك في هو انك تجهد نفسك و تساعد نفسك بنفسك حتى تقدر تكون امام مسجد و في الصلاة بس قبل ده الشروط لازم. تكون مسلم حقيقي لازم تكون فاهم في الدين اوي فاهم معني كل كلمه في القرأن الكريم …و بقا يشرح الشيخ لي ازاي يكون ملتزم لاحتي يكون امام مسجد
اقتنع فهد بــكلام الشيخ لي وفهم وفهم كلامه وافق على الكلام ده واخدها تحدي من هنا انه لازم يعمل بكلام الشيخ ويمشي على الطريق ده وجواه اطمن انه كل الامور هتمشي وهتبقى تمام لما يغير من نفسه للاحسن اكتر واكتر عن الاول
فهد بضيق شديد جواه: يا شيخ نفسي حياتي تتغير والله العظيم نفسي ربنا يسامحني علي كل ذنب نفسي اصلح من نفسي للاحسن كل اللي زعل مني نفسي ارضيهم عشان يرضى عني واول حاجه ربنا واهلي يكونوا راضيين عني
الشيخ بطمانيه فيه: يا ابني. يقول الله تعالى { يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ } "يونس 57" يعني يا ابني القران ده شفاء للمؤمنين يهدي القلب ويشفي كل قلب يا ابني احنا كلنا عيوب لولا ستر ربنا قرب من ربنا اكثر قرب واحفظ القران واعرف معناه وغير حياتك وباذن الله حياتك هتتغير للاحسن وبكره تقابلني وتيجي تقولي انت كان معاك حق يا عم الشيخ باذن الله الشهر ده مش هيعدي غير وانت مجبور بخاطرك وفرح كل اللي حواليك ودي بشرى مني ليك "ربنا سبحانه وتعالى قال"{ وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ} الإسراء: 82) شوف بقى ربنا بيطمنك قد ايه كل ده برضو ربنا ما طمناكش ابدا
فهد بتنهيده وراحه جواه: لا طبعاً الحمدلله يا شيخ. انا حاسس ان الروح ردت فيا والله انا خلاص انا بقى عندي امل من اللحظه دي وانا هعمل بكلامك ان شاء الله وسايبها على الله يا شيخ انا عايز اصلح كل حاجه بوظتها وانا هكون قد المسؤوليه المره دي اصلح اللي كسرته
الشيخ: في حفظ الله يا ابني و دايما اكون فاكرك في دعوتي
ــــــــــــــــــــــــــــــــــــــــــــــــــــــــــ
فرش سجاده الصلاه وحضر لفرده لحتى يصلي وقف على السجاده ورفع ايديه و بقا يصلي
فهد: اللهم ارحنا بعد التعب وأسعدنا بعد الحزن وكافئنا بعد الصبر اللهم إنا نعوذ بك من وحشة الدنيا وكدرها اللهم أزح من قلوبنا كل خوف يسكننا وكل ضعف يكسرنا وكل أمر يبكينا وقوينا بك يا الله ولا تعسر أمرنا وافتح لنا الأبواب المغلقة
اتنهد بــهم كبير ظهر عليه: مسيره تعدي مسيره يا فهد اعمل اللي في بالك و ان شاءلله ربنا هيسهلها عليك هو اللي هيغفر هو اللي هيرزق هو اللي هيجبر وهيعوض سيبها تاتي زي ما تاتي زي ما هو عايز
فهد: استغفر الله العظيم واتوب اليه
ــــــــــــــــــــــــــــــــــــــــــــــــــــــــ
بدات رحله جديده وبدايه جديده في حياه الابطال حياه في الاحسن تغيير للاحسن من هنا ودي من احسن الخطوات اللي اخدوها في حياتهم من اللحظه دي
جنات ابتدت في حفظ القران والدروس الدينيه في الجامع وحياتها كانت في التغيير الاحسن كانت بتحاول تنسى مع مرور الزمن انها تنسى فهد وبالفعل فهد خرج من دماغها ومن تفكيرها تماما لكن حب مش بيطلع من قلبها نهائي وشغله وقتها بعيده عنه وعن التفكير فيه وعن الذنوب دي. وكانت مع سجده على تواصل دايما وصاحبتهم بقت قويه ببعضهم عن الاول كمان
فهد هو ايضأ حياته بقت احسن وتغير 180 درجه عن الاول احسن بكتير واصبح شخصيه جميله جدا شخصيه هو عمره ما كان يحلم ان يكون فيها عمره مكان يتخيل انه هيبقى الشخص ده يوم من الايام مبسوط جدا بنفسه وفخور بــ شخصيته الجميله. بقا فهد شخص ملتحي بالفعل. ملتزم بلدين جدا علاقته بربنا كانت علاقه كبيره جدا وايمانه كان كبير اوي في ربنا. بقى امام مسجد زي ما كان يتمني من زمان وشخصيته بقت محبوبه جدا مع العالم. و قدام الكل
سجدة اصبحت باشمهندسه كبيره معماريه وناجحه جدا في شغلها و في حياتها وبقت دعايه كبيره جدا وصوتها بقى في كل مكان زي ما كانت تتمنى من زمان حلمها اتحقق
ــــــــــــــــــــــــــــــــــــــــــــــــــــــــــ
في منزل عصام تحديدا في غرفه سجدة
سجدة كانت قاعده تشتغل علي التلفون و ترسم في في العماره الجديده اللي بدات فيها تصميم
لقيت الفون رن في الوقت ده
سجدة بعدم تركيز: يووهه مش وقت دلوقتي. عاوزه اركز بقا؛ و فصلت المكالمه كان فهد
دخلت شرين مامتها ثم قعدت جنبها وقالت
شرين بحزن: خلاص ما بقتيش فاضيه ليا نهائي يا سجدتي
بصت ليها بحزن ثم اللي في ايدها وقفلت التليفون وخلعت النظاره اللي هي لابساها ثم قالت
سجدة: اي اللي انتي بتقوليه ده بس يا ماما دا انا كلي ليكي طبعاً
شرين: فين ده؟ اخوكي خلاص ما بقاش في حياتنا أبداً و انتي خلاص علي كده كل احلامك شغلتك عننا
سجدة بحزن شديد: ليه بتقولي كده بس يا ماما يا حبيبتي مفيش كده زي ما بتقولي مانا ما بصدق يوم الجمعه يجي علشان نقعد مع بعضينا واليوم ده بيبقى فضا. ولو على فهد بقى فالله يهديه يا حبيبت قلبي هو اللي اختار يرجع اسكندريه من زمان ويسيبنا مره تانيه ويعتزل لوحده،بسخرية: شايف ان كده بيكفر عن اخطائه يعني
شرين دموعها نزلت منها بحزن شديد وقلبها وجعها جدا بسبب ان فهد مش قدام عيونها مره تانيه من زمان بقا سايبهم لوحدهم وزعلانين جدا منه من اخر مره
سجدة صعبت عليها مامتها جدا. وجواها حزينه اوي من فهد لحد الان حضنتها بحزن شديد: ماما متزعليش نفسك يا حبيبتي فهد لو بجد ندمان اكيد فهد هيرجع والله كمان بس هو اكيد عنده شغل اللي خلاه قاعد كده هناك اهدي ي ماما علشان خاطري
شرين بدموع وحزن: رني عليه قوليله يرجع يا سجدة قوليله تعال علشان خاطري انا حتي علي الاقل ماضي راح خلاص اعتذريلي من البنت دي بالنيابه عني انا قوليلها حقك عليا سامحينا. ربنا يسامحها ويسامحه. وانتي كمان سامحه يا سجدة
سجدة اتنهدت بحزن: حاضر يا ماما حاضر
ــــــــــــــــــــــــــــــــــــــــــــــــــــــــــ
في منزل عثمان
في غرفه بنات
قعدت علي السرير تلبس الشرب بتاعها الاسود جني
و كانت جنات بتلبس الجونت بتاعها عشان خارجين
دخلت فاطمه عندهم بعصبيه
فاطمه: انتي ي بنتي انتي وهي رايحين علي فين كده؟
جنات: ماما رايحين. علي الجامع هنصلي العصر هناك و لما نجي نفطر ان شاءلله
فاطمه بعصبيه: يا بنتي انتي وهي انتي كل يوم كده انتي وهي اومال هفطر مع مين و ابوكي في الشغل
جني: يا ماما هنصلي ونجي علطول قبل المغرب والله بس عندنا درس مهم انهارده بعد صلاة العصر باذن الله
جنات: لسه بدري علي المغرب يا ماما والله قبل المغرب هنكون هنا
فاطمه: يا جني هانم متنسيش المذاكرة وانك في تالته ثانوي عام و بعد العيد الامتحانات ها اوعي تنسي
جني بحزن: يا ماما لا مش ناسيه والله وبعدين ما انا الحمدلله بــسهر و اذاكر اسالي جنات. اهي
جنات بهدوء: صح يا ماما والله
فاطمه بزهق: تمام و مفيش واحده فيكم تتاخر هستناكم على الفطور ان شاءلله
جنات بابتسامة: لا ان شاءلله مفيش تأخير …لجني: يلا يا بت
جني: حاضر يلا
اخدت كل واحده فيهم المصحف بتاعها و السبحه و راحو علي المسجد
ــــــــــــــــــــــــــــــــــــــــــــــــــــــــــ
في اسكندريه
في شقه ريان
ريان كان بــ يتكلم في فون مع فهد
ريان بابتسامة: اي وصلت ولا لسه يا غالي
فهد: اه يا ابو الصحاب كمان ساعه هكون في البيت بس العصر اذن عليا وانا في الطريق فنزلت علشان اصلي
اريان: ماشي يا غالي بالسلامه في امان الله يا حبيبي
والدت ريان: يا ريان عايز اي علي الفطور ان شاءلله علشان اعمل
ريان بابتسامة: ياريت لو جمبري من تحت ايدكي الحلوين دول يا ست الكل
الام بابتسامة: ماشي ي حبيبي من عيوني
جاه اركان الاصغر من ريان بغيظ
اركان: اه و بنسبه لا تاني يا ماما هانم
ضحكت الام بابتسامة: اللي انت عاوز يا حبيبي
اركان: جمبري جمبري ومالو
ريان: لا حريف يالا
الام بضحك: كل سنه وانتوا طيبين يا حبايب قلبي اهدو
ضحك جامد اركان: لولا ان في شهر شعبان كنت زعلتك
بصله ريان: زعلت مين يا حبيبي.؟
اركان بسرعه: اي اهدي اهدي بهزر كل سنه وانت طيب في اي دا باقي علي رمضان كده 15 يوم عاوزين يدخل علينا بالسعادة يا غالي
ضحك بسيط: وانت طيب ياحبيب قلبي
الام بابتسامة: ربنا ما يجيب وحش في حياتنا أبداً يا ولاد
ريان و اركان: امين
ـــــــــــــــــــــــــــــــــــــــــــــــــــــــــ
في المسجد عند فهد
فهد بابتسامة: ممكن اطلب منك طلب يا شيخ ممكن انا اللي أذن انا الحمدلله امام مسجد بس مش هنا في اسكندريه و لسه راجع من اسكندريه حابب في اليوم المبارك ده اعمل حاجه حلوه اخد عليها حسنات و اهو الكل يدعيلي
الشيخ بابتسامة: و مالو ي ابني اتفضل
و بالفعل بدأ في الاذان فهد و هو سعيد جدا جواه
جنات بصت لجني بصدمه زهره عليها ثم قفلت المصحف وقالتلها: جني دا فهد اللي بيأذن
بصتلها بدهشه: انتي بتقولي اي ازاي؟
جنات دموعها نزلت بصدمه كبيره و حست قلبها هيخرج من السعادة بسبب انها سمعت صوته بياذن في اللحظه دي
يتبع
“تركت أمري إليك وهُوَ عَلَيَّك هَيِّنٌ ،
و وكلتك أمري كُله وأنت الذي إِذَا أَرَدَت شَيْئًا
قُلت لَهُ كُن فَيَكُونُ.))
لقراءة جميع فصول الرواية من هنا