رواية الحب الحرام
الفصل التاسع 9
بقلم نور ربيع
الحمدلله 💚
قرأت رساله سجدة بصدمة و كان فيها " انا كنت مرتبطه بــ واحد من السوشيال مديا كنت بحبه اوي بس غصب عني لان كنت لوحدي حرفيأ من خمس سنين
سجدة بصدمة وحزن عليها لنفسها: ازاي عملتي في نفسك كده و علقتي نفسك في شخص مش محرمك ضيعتي نفسك بجد ربنا يسامحك و يغفرلك يا جنات يارب و يعوضك
بعتت رساله ليها لقيتها اللي ردت جني قالتلها: معلش ي سجدتي والله جنات قالت مش قادره تتكلم اكتر من كده راحت تنام
ردت سجدة في رساله: تمام ي حبيبتي مفيش مشكله المهم خليكي معاها و هوني عليها طول الوقت و ابقي خليها تكلمني وانا لما ابقي قاعده فاضيه هرد عليها ان شاءلله
ــــــــــــــــــــــــــــــــــــــــــــــــــــــــــ
تمر الايام علي الابطال ولا شئ جديد في حياة عليهم غير ان الايام تجري بــ اقوى سرعه عليهم.
جنات بقت في الاحسن تمامأ عن الاول بالعباده بفضل ربنا وعلاقتها بسجده كانت حلوه جدا وبقى اصحاب جدا مع بعضيهم ودايما كانو علي تواصل مع بعضيهم وكانت بتتغير للاحسن كل مدي بسبب وجود سجده بحياتها لانها صلحت منها جدا زيها وجنات اصبحت شخصيه جديده وتغيرت تمامأ عن الاول اتغيرت 180 درجه بالفعل بقت شخصيه حلوه جدا عن الاول
علاقتها تتحسن مع مامتها والدها عن الاول وبيحاولوا يصلحه علاقتهم ببعضيهم. و مامتها باباها بيحاولوا يقربوا منها ويفهموها بيحاولوا يغيروا من نفسهم لاجلها والاجل جنى و مش عايزين حاجه في حياتهم غير ان بناتهم يكونو في وسطهم مبسوطين و مش مستعدين انهم يخسروهم زي ما خسروا جنات قبل
و الاسره البسيطة اصبح متمسكين ببعض جدا واصبحت الاسره جميله في اللمه مع بعضهم والتصالح مع بعض
ــــــــــــــــــــــــــــــــــــــــــــــــــــــــــ
في منزل اهل فهد
سجدة كانت بتتكلم مع فهد مكالمه
سجدة بــ لهفه: بجد مش قادره استني اكتر من كده تعال بقا يا فهد استني اي اكتر من كده ها؟
فهد ضحك: يومين بس والله
سجدة بزعل منه: لا لا كتير اوووي الله
فهد: هيعدوا بسرعه والله استنيتي كتير ما بقى الا القليل يا روحي
سجدة بزهق: لا زهقت بجد بقا اها
شرين الام ضحكت بسيط: اي عدم الصبر ده اهدي ما قالك خلاص ما بقاش كتير صبورتي كتير ما بقي اللي قليل ي بنتي
فهد بضحكه: قوليلها قوليلها بالله يا امي
سجدة بعدم صبر: تمام هعمل نفسي صبره وخلاص علشان مش استني اكتر من كده بجد بقا ياك تقعد اكتر من كده
فهد بابتسامة: لا يروحي خلاص هانت جاي بعد يومين بالظبط وهتلاقيني عندك والله ان شاءلله
سجدة بسعادة: يارب يارب يارب ان شاءلله تجي بسلامه يارب … بحماس اكبر: بجد مش مصدقه مش مصدقه ان اخيرا بعد خمس سنين ونص كمان هشوف يا حبيبي
ابتسم فهد بابتسامة جواه من فرحتها دي وانتظارها لي وسعدتها اللي في قلبها وحبها لي اللي في قلبها بالطريقة دي
فهد بابتسامة وحب : بقولك ي سجدتي مش عاوزه حاجه من هنا اجيبها ليكي
سجدة بابتسامة: عاوزه سلامتك يعمري كفايه اللي انت.بــتبعته كل فتره و المصاريف
فهد بابتسامة: ماشي ي قمر لو احتاجتي اي حاجه وانا لسه هنا قوليلي بس وهيكون عندك ان شاءلله
سجدة بحب: منحرمش منك ابداً ي حبيبي
ــــــــــــــــــــــــــــــــــــــــــــــــــــــــ
"" " "" "" "" في منزل جنات
عثمان الاب: جنااات جنيي تعالو
طلعوا البنات من الغرفه وراحوا لابوهم وقعدوا جنبه
جني بابتسامة: نعم يا بابا
عثمان جاب من جنبه. شنطه و الشنطه دي كان فيها شيء
جني بفضول : اي ده يا بابا؟؟ و العلبه دي فيها اي؟
طلع عثمان من الشنطه علبه وفيها تليفون جديد لجنات مد ايده بابتسامة
عثمان: اتفضلي يا جنتي احلي تلفون ليكي ي قمر بدل اللي انكسر وقت الحادثه
ابتسمت جنات و مدت ايدها اخدت منه التلفون
جنات بابتسامة: شكرا يا بابا ربنا يديمك لينا يارب
جني بتمثيل الحزن وبمرح: اممم وانا بقا جبت ليا اي انا فوني معلق
عثمان ضحك بسيط: انتي انجحي بس وعدي من ثالثه ثانوي عام و ادخلي كليه الطب اللي انا عايزها وانا اشتريلك واحد اغلي من ده كمان ان شاءلله
جني بابتسامة: ربنا ما يحرمني منك ابدا يا بابا
عثمان بابتسامة: انا عندي كام جنات و كام جني يا حبايب قلبي انتوا
باس عثمان راس جنات بابتسامه وحب و قلبه ندم على كل لحظه قاسي فيها عليها
عثمان بابتسامة وندم نفس الوقت: حقك عليا يا جنتي سامحيني على معاملتي اللي عملتك بيها اخر فتره قبل خمس سنين عارف اني عليكي اوي فيها سامحيني يا بنتي
جنات بدموع وحزن شديد: انا مسامحك يا بابا مسامحك والله
اخدها في حضنه بابتسامة حنان: ربنا يباركلي فيكي يا يا اولادي " اخد جني في حضنه ايضأ بحنان و بابتسامة
فاطمه بابتسامة: جنات انتي زعلانه منى
جنات بحزن مالي قلبها: لا
فاطمه: مش باين ابدا والله!!
جنات بدموع: قولتلك لا مش زعلانه
فاطمه قربت منها مسحت دموعها: متزعلش منى يا جنات
جنات بدموع وحزن منها: انتي بقا مش مسامحك و زعلانه منك اوي اوي و مش عاوزه اتكلم معاكي
فاطمه بحزن: ليه كده دا انا امك اللي جبتك ع الدنيا دي
جنات بدموع: كده وخلاص علشان انتي سبب المشاكل اللي كانت بتحصل ما بيني انا وبابا
فاطمه بــندم: حقك عليا عارفه اني كنت جحده وقلبي قاسي عليكي
جنات بدموع وحزن منها شديد: لا
عثمان بتنهيده: خلاص ي جنات انسي اللي فات
جنات: لا يا بابا
جني: علشان خاطري انا يا جنتي سامحيها مهما ان كان برضو دي ماما
جنات بدموع وعند: لا برضو زعلانه منها سيبوني على راحتي
عثمان لفاطمه: خلاص يا فاطمه سيبيها على راحتها لما تتنازل عند دماغها دي جنات بنت جدعه و بــ تسمع الكلام وهتسامحك بسرعه ان شاءلله
فتحت دراعاتها جت تحضنها بعدت بعيد عنها وراحت دخلت غرفتها بدموع وحزن منها
جني بلطف: ماما سامحيها عشان خاطري واستني عليها. لحد ماهي تنسي بالله عليكي
ــــــــــــــــــــــــــــــــــــــــــــــــــــــــــ
قعدت جنات ع حرف السرير و بقت سرحانه في كل شيء في حياتها مش قادره تصدق ان كل ده مر عليها .
بصت حواليها بـدهشه من اللي حصل في حياتها اللي فتره اللي فاتت مره واحده
جنات لنفسها بذهول من الواقع: معقول ده واقع...؟ دا حقيقي؟ واقع ده يعني كل ده حلم وانا مش قادره اصحي منه:؟ يالله يالله علي الحياة اللي بتمر بينا من غير ما نحس وبيجي منها الحلو والوحش ولما تمر فتره علينا بنقول ياااااه كل ده حصل ده مش واقع ده حلم مش قادرين نصدق اللي بيحصل وبيبقى فايت فتره كبييييره جدا لا فرح بيدوم ولا حزن بيدوم " حطت راسها ع المخده وغمضت عينيها ثم قالت بّـــدموع في عيونها و بابتسامة في نفس الوقت من تغيير حياتها الاحسن
جنات: بس الحمدلله على كل شيء في حياتي انا دلوقتي بقيت بنت ملتزمه و اهلي راضيين عليا و ده من احسن الاشياء اللي في حيات كل بنت ومش كل البنات اللي تقدر تحصل على اللي انا حصلت عليه العبادة و رضا اهلي وانا بقيت بنت صالحه خلاص الحمدلله يارب و الجنة هي اللي تستاهل بجد …كملت بنفس الابتسامة اللي مرسومه على ملامحها: و صاحبه صالحه جميله وهي سجدة في حياتي. ربنا عوضني بيها. و اختي الجميله و ده بشكر ربنا عليه يارب " راحت في نوم جنات و نامت مكانها وهي قاعده تكلم نفسها
دخلت جنى الغرفه لقيت جنات نامت راحت قعدت جنبها وظبطت المنبه لصلاه الفجر
ــــــــــــــــــــــــــــــــــــــــــــــــــــــــــ
في منزل عصام
سجدة بعصبيه: الو انت فين بقا زهقت الله
فهد بضحكه: اطلعي بره وانتي تلاقيني
قامت بسرعه سجدة طلعت بره وهي معاه ع التلفون و فتحت الباب
سجدة بسعادة: هيهيهي اخيراااا مكنتش مصدقه اصلا انك فعلاً جاي بعد يومين فعلاً صدقت …قفلت المكالمة و جرت عليه و دخلت في حضنه وهي طايره من السعاده
حضنها فهد وهو بــ يضحك وقلبه طاير من السعاده ان اخيرا بعد خمس سنين شاف اخته واسرته
سجدة بابتسامة وفرحه: مبسوطههههه قددددد كدااااا انك اخيرا نزلت القاهره يا حبيبي
فهد بابتسامة: والله انا اكتر يروح قلبي مش مصدق اني اخيرا شفتكم بعد غربه خمس سنين
سجدة بابتسامة: حمدالله علي السلامه يا حبيبي
شرين حضنت فهد بابتسامة: حمدالله على السلامة يا غالي
ــــــــــــــــــــــــــــــــــــــــــــــــــــــــــ
" كانت بتروق في الصالون جنات في الانتريه باب بيتهم خبط حطت الطرحه على شعرها وراحت فتحت
جنات بصدمه كبيره: فهد!!
بصلها بوجه جميل مبتسم: مصدومه صح؟ حقك عارف انك ما كنتيش تتوقعي المفاجأة دي في حياتك و فهم دلوقتي دماغك بتفكر في ايه وعقلك بيدور ازاي وبتقولي دا يا ترى حلم والله ولا حقيقي بس لازم تصدقي ان ده حقيقي مش حلم يا جنتي
جنات بعدم صدق تام: فهد فهد دا اللي هو ازاي. و امتي رجع ها؟
ثم دموعها نزلت منها في لحظه دي و افتكرت كل كلمه طلعت منه اخر مره ليها
جنات بعتاب وبقاء: طيب ليه؟ ليه كده ي فهد ليه حرام عليك يا شيخ حرام عليك عملت كده فيا ليه!؟.
فهد بــ نفس الابتسامة! ممكن تهدي يا جنات وتدي فرصه لفهد يتكلم!
جنات بعياط شديد وقهره: فهد ا ا ا…قطع كلامها من هنا دخول الشخص اللي صدمها صدمه تانيه اكبر
سجدة بابتسامة: مفاجأة ياااا جنتي
جنات بصدمه اكبر وعدم نطق: ازاي ازاي انتي سجدة!!!
فهد: سجدة اختي يا جنات اختي الصغيره اللي قولتلك عليها. قبل كده
الصدمه نزلت على دماغ جنات زي الرصاص اللي انضرب في قلبها وما بقتش قادره تصدق اللي بيحصل ده قدامها
طلعت فاطمه بابتسامة: يا اهلا يا اهلا اتفضلوا يا جماعه
دخلت سجدة اخدتها في حضنها و فهد دخل وقعد وجنى جت
جنات لنفسها بصدمه كبيره ودموع: اااه فعلاً لما شوفتك اول مره لقيت فيكي شبه من فهد معني كده انتي اخته سجدة اللي قالي عليكي قبل كده؟ ياااه معقول بس مش فاهمه اي اللي بيحصل برضو وهو بيعمل اي هنا هو و سجدة؛ بــ ألم في دماغها وشتات: ااااه يا دماغي اي اللي بيحصل في حياتي ده انا بحلم بحلم ها؟ ولا ده حقيقي
فهد قرب منها بابتسامة حب و قائلا: تتجوزيني يا جنتي؟؟
جنات بصدمه: اي اتجوزك بس ازاي؟
فاطمه بابتسامة ونفس الوقت حزن: بعد اللي حصل يا فهد
فهد بــ صدق: والله العظيم غلطه وعدت غصب عني بجد انا شاريها…بص في عيونها وقائلا بــكل صدق: اخر مره يا جنات تتجوزيني!؟..؟
جنات بصت لي بدموع و مش فاهم اللي بيحصل برضو ده اي لحد ما فاقت و كان
♕♕♕♕♕♕♕♕♕ ارض الواقع
فتحت عيونها جنات بخضه من اللي بيصحي ويهزي فيها جامد لكن جواها راحه تامه
جني: يا جنات ساعه اصحي فيكي قومي يلا علشان صلاة الفجر الساعه 5:30
قامت وتعادلت جنات وبصت حواليها بصدمه ان كان ده حلم دموعها نزلت منها بصدمه ان كان ده حلم مش حقيقي
جنات بدموع وحزن شديد: معقول حلم ياربي …بصدمه: سجدة سجدة ازاي اخت فهد معني كده انها سجدة اخته فعلاً فيها شبه منه جدا نفس فهد والله وهو قال انه عنده اخته الصغيره اسمها سجدة. اااها انا ازاي ما كنتش واخده بالي من الموضوع ده
جني باستغراب منها: يا جنات انتي بتكلمي في نفسك يا حبيبتي؟؟ وانتي بتحلمي بأي بالظبط اي اللي مخليكي مش راضيه تصحي بالسهوله دي
جنات: حلمت بحلم غريب جدا سجدة طلعت اخت فهد اللي كنت بتكلم معاه
جني بــدهشه: اي ازاي ي جنات اخته بس!؟.
ــــــــــــــــــــــــــــــــــــــــــــــــــــــــــ
قعدت سجدة بابتسامة جنب فهد
سجدة: بقولك اي يا فهود بمناسبه انك جيت بقى عاوزه منك طلب
فهد بصلها بابتسامة: اطلبي يروحي
سجدة: انا من فتره كده عرفت على بنت اسمها جنى من السوشيال ميديا من حوالي سنتين وبعدها تعرفت على اختها الكبيره ونفسي اشوفهم جدا ممكن تخليني اروح اقابلهم هما هنا جنبنا في حته اسمها،******
فهد: اممم افكر
سجدة ضحكت: لسه وبعدين تفكر لحد امتي كده
فهد بضحكه: لما الاقي عروسه اول واخطب ابقي اعزميهم على الخطوبه
سجدة بعبث: اي اي اي دا امتي الكلام ده.؟
فهد بضحك: الله اعلم لما الاقي بس عروسه الاول
سجدة بــ تفكير: بس عندي انا عروسه بجد مش هتلاقي زيها صحبتي من سوشيال ميديا واسمها جميل جدا فعلا ولما تعرف اسمها هتعرف فعلا انها جميله.
ضحك جامد فهد: قولي قولي بسرعه
سجدة بضحكه: اسمها جنا؛ قطع كلامها في اللحظه دي مامتها وهي بتنادي عليها " سجدة تعالي بسرعه عاوزاكي
فهد: قومي شوفي امك عاوزه اي الاول و تعالي كملي كلامك يا سجدة
سجدة قامت: حاضر …و راحت دخلت
ــــــــــــــــــــــــــــــــــــــــــــــــــــــــــ
في منزل عثمان
جني بصت لجنات: يا جنات يعني انتي عاوزه ايه دلوقتي؟
جنات بصتلها بحزن: مش عاوزه حاجه بس انا متاكده انها اخته والله العظيم
جني بتنهيد: تمام اخته بس انتي يعني عاوزه اي سجدة بنت كويسه جدا مفيش منها مش زي اخوها نهائي
جنات بدموع: و فهد برضو انسان كويس جدا ع فكره
جني بعتاب: لو زي ما انتي بتقولي كده مكنش عمل كل ده ي جنات
جنات بعصبيه ودموع: ليه العتاب ده ها؟ ليه مش فاهمه انا ربنا يسامحني بلاش تحسسيني انا واحده مذنبه
جني بهدوء: أبداً والله العظيم مش قصدي حاجه ي جنات ي حبيبتي وبعدين ان الله غفور رحيم مش قصدي اعاتبك على حاجه صدقيني
هزت راسها جنات بمعني تمام وجواها حزين جدا و شتات
جني: بصي رني عليها بلاش تعملي في نفسك كده وتحطي في بالك بالطريقه دي بدل كده دماغك هتتعبك وهتتعبي تاني يا جنات واحنا ما صدقنا انك انتي بقيتي كويسه الحمد لله رن عليها و اسمعي منها هي عاوزه تقولك اي
جنات: المشكله انها بقالها يومين مش بتفتح مش عارفه ليه
جني بتركيز: كنت بتكلم معاها من يومين قالت ان اخوها جاي من اسكندريه قالت مش هعرف افتح كتير علشان ما صدقت انه جاه اخيرا بعد فتره طويله بعيد عن البيت
جنات بصدمه: اي اخوها مسافر؛ كملت: اه اه هي اخته فعلاً يا جني
ــــــــــــــــــــــــــــــــــــــــــــــــــــــــــ
رنت جنات ورا بعض ع سجدة سجدة مكنتش بترد علشان الفون في غرفه وهي بره
فهد في الوقت ده كان قاعد في غرفته سامع تليفونها وهو بيرن زهق من المكالمات دي كلها اكتر من 20 مكالمه. قام راح غرفه سجدة ينادي عليها و يديها الفون
فهد: سجدة تعالي شوفي مين اللي بــ يرن عليكي …فصلت المكالمة و رنت تاني راح مسك الفون و عيونه جت ع اسم مسجل « جنتي»
فهد بصدمه: جنتي!! …افتكر مره واحده جنات و بقت زي ما يمكن خيال قدامه. و مصدوم انها لما افتكر يوم الحادثه واليوم اللي كان فيه في المستشفى في العنايه المركزه وانها ماتت قدام عيونه من خمس سنين
فتح بسرعه المكالمه ورفع التليفون وفضل ساكت
جنات: السلام عليكم ورحمة الله وبركاته عامله ايه ي سجدتي فينك كده
فهد اتصدم صدمه غير متوقعه من صوت جنات اللي في مكالمه
دخلت سجدة جت تتكلم قفل المكالمة بسرعه قبل ما تتكلم
سجدة: فهد انت هنا!؟ و بتكلم مين كده من تلفوني!؟؟
فهد بصلها بصدمه كبيره وعدم نطق في لحظه دي من صدمته في جنات..