رواية غصن
الفصل الثاني عشر 12 ج2 والاخير
بقلم منى عبدالعزيز
وهو في طريقهم قابلوا ست قاعدة قدام بيت اول ما قربوا من البيت حس بجسمه بيتنفض نزل عينه في الارض وسرع في خطواته وماسك غصن بایده بیمد بسرعه عاوز يبعد عن البيت وقف بعد كام خطوة على صوت حد بينادي عليه.
الصوت يابيه يابية.
صهيب وقف مردش عليها وخطى خطوه ووقف مرة تانيه على صوت الست.
الست معرفتنيش يابيه
صهيب وضهره ليها هز راسه كانه بيقولها عارفك كويس.
الست: سامحني يابيه السكينة كانت سرجاني ونار ابني كانت لسه جايدة في قلبي عقلي مكنش فيا وكلام الناس كان بيودني ويجبني بس والله العظيم من ساعة ما عقلي ارتاح وربنا نور بصرتي وعرفت ان ده قضاء وقدر وانك ملكش يد وانا بدعي اني اقابلك واستسمحك ودعاتلك في الحرم وانا في العمرة وقلت ربنا يروق بالك ويريح قلبك ويرزقك بالبنات والولاد لحد ما تتلخبط في اسماءهم، ويديك ويراضيك ما انا عرفت انك اللي طلعتني العمرة من كام يوم لما شيخ الجامع قالي انك طلبت منه يختار عشره من اهل البلد يطلعوا على حسابك واختارت اسمى وقلتله ما يعرفنيش انك اللي مطلعني...
ابتسم صهيب وهز راسه وقال: ده حقك عليا صحيح جه متأخر بس زي ما حد قالي متأخر احسن من انه ما يجيش خالص.
الست قبل ما تمشي سؤال يابية صحبك اللي كان معاك وايا الحاج قاسم بتشوفه.
صهيب شهاب.
الست مش فكرة اسمه بس الله يجبرك ان شفته سلم عليه وقوله ربنا يخرجه من كل ديقه زي ما خرج ابني من العربية قبل ما تتحرج ويرزقه بسعادة الدنيا والاخرة انا دعايتله هو راخر، ربنا يسعدكم يابيه ياريت تسامحني انا كنت شديده عليك.صهيب التفت ليها شكرهها واخد مسك ومشي للاستراحة اخد غصن وقف قدمها ومن غير اي كلام حضنها وفضل يبك وصوت بكاه عالي طبطبت علي كتفه وقالتله.
غصن : تعالي اقعد ارتاح شكلك محتاج ترتاح باين عليك التعب والارهاق.
صهيب بعد عنها ومسح دموعه وابتسم ليها انا من اكثر من ثلاث سنين ما حستش براحه الا لما دخلتي حياتي ودلوقتي لما ام أشرف كلمتني .
غصن : ربنا عنده كل حاجه بمعاد احمد ربنا واشكره على النعمة دى وخرج حاجة الله تشكره بنعمة وكرمه عليك.
عدت ايام رمضان وفي يوم من أيامه الأخار جات سناء تعزم غصن وصهيب على الفطار عندهم واصرت غصن انها تقعد معها.
الله يخليك يا أبله سناء خليك شوية انا عاوزه اتكلم معاك من زمان مقعدناش سوى نفسي اشبع من كلامك واتعلم منك.
صهيب: اتفضلي يا أستاذة انا كمان من كثر ما غصن بتكلم عنك وعن ودروسك اللي بتعلمهالي غصن حبيت أشكرك وارجوا انك تكرمي وتدرسي لغصن لان ناويت اخليها تتعلم القراية والكتابة واقدم لها في مدرسة.غصن: ههههه هو بعد ما شاب انا الحمد لله راضية بنصيبي اهم حاجه اتعلم اقراء عشان اقرأ القرآن من المصحف صح واتعلم ديني عشان ولادي اعرف اعلمهم لما يكبروا ان شاء الله.
سناء : وليه مش الإثنين ياغصن القراية والكتابة وتكملي علامك عشان تذكري لولادك ويفتخروا بيك.
غصن وعنيها على صهيب لو على القراية والكتابة انا متأكدة ان صهيب هيعلمني بنفسه ولو على انهم يفتخروا يكفني نظرة ابوهم ايه ليا وولادي هيطلعوا لا بوهم وزي ما هو شايفني عيالي هيشفوني.
سناء: لا انت فصيحة يا غصن وشطرة وانا واثقة انك ان شاء الله هتكوني ام عظيمه وولادك هيكونوا فخورين بيك.
غصن: ربنا يسعدك يا ابلة سناء، انا الاهم دلوقتي اتعلم اقراء من المصحف لان في سور كتير مش حفظها وعاوزة اتعلم آيات التحصين والرقية لأجل كل يوم اقراها لصهيب وهو ورايح جاي من مصر لهنا كل يوم عشان راحتي انا وهو ماشي ببق حتي ايدي على قلبي وبد عليه ودمعتي مبتنشفش لحد ما يرجع بالسلامة.
صهيب بلع ريقه وعنيه لمعت وبص لغصن بحب لولي كلام سناء مسك نفسه يقوم ياخد غصن بحضنه.سناء: حاضر يا غصن ان شاء الله كل يوم بعد المدرسة هعدي عليك يا اما تجيلي البيت واهو يبق صلاح يحفظك القرآن بالتجويد.
صهيب بحده لاء صلاح لاء.
سناء ها.
صهيب بسرعة لحق نفسه قصدي حضرتك تجي هنا افضل عشان ظروف غصن والحمل وكده، هنا انا مش موجود معظم الوقت هتكونوا برحتكم.سناء اتفهمت كلامه تمام ان شاء الله هقول لبابا وماما ونبتدي من بعد العيد.
غصن: طيب بعد اذنك تحفظني كام صورة اقراهم في الصلاة وترجعي معايا أية الكرسي اصل صهيب غلب معايا وانا مش عارفه احفظها وراه.
سناء: اكيد طبعاً وبدءت تقرأ وغصن وراها وصهيب بيردد في سرة زى عيل صغير خايف صوته يعلي.
قاسم المحامي اتصل عليه بلغه ان النيابة انهت التحقيق مع جيداء وحولتها للمحكمة وان تصريح الدفن خرج من مده والنيابة أمرت بالدفن قفل مع المحامي و جه لصهيب يعرفه ان النيابة أمرت بدفن جثة أريام وهو ماشي في المزرعة قرب من الاستراحة سمع صوت رفع عينه ناحيته لقي صهيب وغصن ووحده منقبه قاعدين بيتكلموا وبعد شويه قراءت القرآن | قرب يشوف مين دي بتقرأ القرآن.
وقف مكانه يسال نفسه : ياتري صوت مين ده؟ انا اول مرة اسمعه ؟
بس حلو قوي.
ضحك على نفسه: جن انه با قاسم هم من كتر قعدتك لوحدك تميز الأصوات ده بتاع فلان و ده بتاع علان اهو صوت واحده وخلاص
شافه صهيب جاى قام وقف يرحب بيه اهلا عمى.
قاسم اهلا بيك يا بن اخويا.
غصن سلمت مد ايده وعينه راحت على البنت المنقبة يسلم عليها .
: سلمت عليه غصن علشان متحر جهوش ابله سناء مش بتسلم على رجاله
صهيب علق: عمى بعرفك على ابله سناء كانت جارت غصن وفى مقام اختها.
قاسم: أهلا وسهلا نورتي المزرعة .
قاسم وهو بيرجع ايده وعينه بتلمع بينطق الجملة بهمس بين شفايفه باستمتاع ابلة سناء مش بتسلم على رجالة.
صهيب واقف بيبص على عمه ولمعه عنيه فابتسم : اتفضل اقعد يا عمى واقف ليه.قاسم : لا ندخل المكتب علشان الابله وغصن ياخدوا راحتهم في الكلام.
قاسم اتفضل ياعمي بعد اذنكم هندخل احنا جوه.
دخل صهيب وقاسم اللي فتح الشباك اول ما دخل المكتب ووقف عينه على سناء.
قاسم مين دي يا صهيب وبنت مين في المنيسة.
صهيب بضحكة خفيفة .. دى مش من المنيسة ياعمي دي ساكنه هنا في الخبيري.
قاسم في الخبيري تطلع بيت مين دي.
صهيب هي ساكنه في الخبيري مش من عيله الخبيري.
قاسم: ايه ألغازك دى ما تقول كلام مفهوم وبتها فين فر الخبيري.
صهيب دي بنت تمرجي شغال في الوحدة الصحية وساكنين اخر الخبيري مع التماميه.
قاسم: قول كده.
صهيب على فكرة مش متجوزه وهتجي كل يوم تدي غصن درس.
قاسم بفرحه خفها بسرعه واتحمحم وانا مالي متجوزه ولا لاء وماتجي برحتها انت حر في بيتك.
صهيب ههههه من باب العلم بالشيء وان شاء الله هتبتدي من بعد العيد.
قاسم بعد العيد حلو اهو الواحد يقدر يمشي كل يوم لهنا برحته.
صهيب بتقول حاجه ياعمى.
قاسم احمم بقولك المحامي اتصل.
صهيب خلاص ياعمي فهمت هتصل على سليم وشهاب وحضرتك اتصل على المحامي يستلموا الجثة ويجوا على هنا ندفن ونعمل العزاء.
قاسم بصوت مكسور عارف يا صهيب قد ايه انا ندمان على جوازي من جيداء وندمان أكثر إني متجوزتش بعد ما طلقتها، قول غباء مني قول خيبة بس خوفي أكسر بنتي هو اللي منعني زائد وهم اني مش بخلف والكذبة اللي عيشت هالي جيداء خلتني مش عاوز اظلم اي ست وحرمها تكون ام اتريها خدعتني عشان تورثني.
صهيب انسي ياعمي والوقت لسه قدامك حضرتك تقدر تجوز وتخلف وتعيش حياتك اللي اتحرمت منها بخدعة حقيرة.
قاسم بحصرة اخلف في سني ده انا خلاص الحمد لله على كده.
صهيب : عمي فكر بلاش موضوع الخلفة بس اتجوز تلاقي واحدة تونسك تعدى الليل عليك لو في يوم تعبت تبق جنبك تديك العلاج وتسهر على راحتك تبقوا عكاز بعضيكم.
قاسم في سنى ده يا صهيب انا قربت من الستين .
ماله سنك ياعمى ولو سبعين ثمانين الحمد لله صحتك كويسه وجسمك رياضي ولولي وفاة بابا الله يرحمه ومسكت العيلة والارض كان زمان حضرتك من اكبر رجال الأعمال.
قاسم خلينا في موضعنا الاساسي واي حاجة تانيه خليها بعدين.
صهيب : في حاجه كمان ياعمي كنت هاجي اخد رايك فيها بعد الفطار.
قاسم حاجه ايه دى.
مهران
في جديد في القضية.
النهاردة اتحكم على بثينة خمستاشر سنة شغل بتهمة القتل الخطاء ومحاولة القتل، ومهران هيخرج بعد كام يوم انا زرته إمبارح واتكلمت معه، لاول مرة يصعب عليا لو شفته مكنتش تصدق ده مهران أبداً.
زرته انت يا صهيب.
تصدق ياعمي انا نفسي مش مصدق بس كلام غصن عن صلة الرحم وتقولي خد اخوك تحت باطك ده من ريحة أبوك لو مكنتش انت الكبير تخده في حضنك وتحاجي عليه مين هياخد يا اه لو فضلت اقولك على اللي قالته محتاج يومين خلاصة القول ياعمى لخصته في ايه واحدة « ادفع بالتي هي أحسن فاذا الذي بينك وبينه عداوة كانه ولي حميم» وكان عندها حق مهران هزني يا عمي هزني لدرجة اول ما عيني وقعت عليه شفقت عليه ومقدرتش ابعد عنه اخدته في حضني ومن وقت ما رجعت من عنده وانا بفكر اخرجه من حالته ازاي اخدت براي غصن هو ايه الرأي ده.
قبل ما اقول رايها الاول هدخله مصحة يتعالج فيها وغصن اقترحت انه يكون معايا منين ما روح وانا اقتنعت بكلامها ، هاخدة معايا القاهرة واشغله بالشركة
ويكمل دراسة وان شاء الله هتكون عيني عليه وسليم وشهاب الوقت اللي انا هنا فيه بالبلد.
عين العقل يا صهيب مهران كويس ابوك مربية زي مرباك على الرجولة والشهامة وحب الخير هي امه منها الله زرعت جواه الغيرة والحقد عليك، خده في حضنك وحاجي عليه زى ما مراتك قالتلك وان شاء الله ينصلحوينعدل حالة.
صهيب وقاسم فضلوا يتكلموا واتفقوا على مراسم دفن والعزاء واتصل صهيب بسليم وفهمه كل المطلوب منه وقاسم اتصل بالمحامي وبعد وقت من النقاش بينهم خرج قاسم وصهيب وراحوا ناحية غصن الواقفة تسلم على سناء وتودعها، استاذن قاسم بسرعة منهم وخرج ركب عربيته وقرب من سناء هدى العربية وبصوت هادي.اتفضلي يا ابلة اوصلك الطريق طويل غير الهيش والبوص كلب ولا تعلب يطلعوا فجأة قدامك.
- متشكرة يا حج قاسم زي ما جيت منه هرجع ان شاء الله مفيش حاجه هتحصل.
قاسم بحرج السعادى ساعة ضهريه ومفيش فلاحين في أراضيهم والطريق زي ما انت شايفه ومش من الزوق ولا الواجب أمشي واسيبك يا اما تركبي العربية يا اما هنزل انا وامشي قريب منك لحد ما توصلي البيت.
لو سمحت يا حج ما يصحش كده ازاي بس تنزل وتمشي المسافة دى والناس لو شفونا يقولوا ايه.
طيب نقسم البلد نصين ايه رايك اركبي العربية وراء وانا هسوق قبل بيتكم ابق انزلي.
بعد تفكير وافقت سناء ركبت العربية وراء وساق قاسم لحد ما وصل بيت سناء ورجع البيت عنده، فضل طول اليوم يفكر في كلام صهيب.غصن دخلت الاستراحة وصهيب جالة اتصال تليفوني من الشغل فضل يتكلم وقت وبعد شوية دخل الاستراحة لفت انتباه صوت غصن بتكلم حد قرب من المطبخ سمع غصن.
مبروك البراءة يا ام هاني فرحتلك قوى.
يبارك فيك يا غصن لولي جوزك واللي عمله كنت اسجنت ظلم اشكر هولي وانا بشكرك يابنتي على مساعدتك ليا.
تصدقي بايه معرفتش باللي صهيب عمله غير النهاردة الصبح بعد المحامي ما كلمة وقاله انك خرجتي.
باينه بيحبك أوى يا غصن، ربنا يسعدكم ويخليكم لبعض يارب.
صهيب قلبه ابيض زى البفته وحنيته مش على حد ربنا يسعده زي ما بيسعدني.
يارب يا غصن يارب شكلك بتحبية اوى.
بحبه دى حاجه بسيطة صهيب مش بس يتحب صهيب ابويا واخويا وجوزي وابني وكل حاجه بالنسبالي صهيب ينعشق يا ام هاني انا نفسي اسعده واعمله حاجه وحده قصاد اللى بيعمله عشاني.صهيب طاير من الفرحة من كلام غصن قرب بشويش منها اول ما خلصت كلام مع ام هاني وحضنها من غير ما تشعر بدخوله المطبخ
دفس راسه في رقبتها يتنفس ريحتها بحب اتخضت غصن وقعت تليفونها على الارض انكسر، اديرت بسرعة
تتأسف لصهيب ان التليفون انكسر قطع كلامها واخد شفيفها في بوسه طويله كل ما غصن تحاول تبعده يتعمق اكثر فيها، بعد عنها بصعوبة يأخد نفسه وانحن شلها ودخل بيها اوضة النوم نزلها على السرير وهو معها لتصرخ فيه غصن.
- صهيب احنا في رمضان حرام اللي هتعمله ده.
بعد صهيب ووقف بسرعة يبلع ريقة بصعوبة وصدرة بيعلي وبيهبط وعينه على غصن اللي وقفت بسرعة صهيب قرب منها مسكها من وسطها قربها منه، عينه في عينها.
انا بقيت مجنون غصن اعمل فيك ايه كل كلمة بتخرجيها من بقك بتوديني لعالم تاني، غصن انا مش بس بعشق انت بقيت الدم اللي ماشية في عروقي.غصن بصت للارض تداري دموعها صهيب مد ايده رفع وشها
وقرب شفايفه يبوس مكان الدموع بعدت غصن لوراء وهي بتفك ايديه
من حولين وسطها وتجري تخرج من الباب خرج صهيب وراها لقاها دخلت الحمام وقفلت عليها.
صهيب قرب من الباب غصن افتحي الباب قفله بالترباس ليه.
غصن منطقتش بحرف شغلت الماية وفضلت وقفه بعيد كلمت صهيب مش خارجة لما تخرج برة الاستراحة ما تجيش غير على المغرب.
صهيب : كده يا غصن ماشي اوك هخرج بس متنسيش انت اللي بديتي.
غصن من وراء الباب : اخرج يا صهيب عاوزة اخرج اجهز الفطار.
صهيب مشي ناحية باب الاستراحة فتحه وقفله بصوت جامد ومشي بشويش لحد ما وصل قرب الحمام
وغصن اول ما سمعت صوت الباب فتحت باب الحمام وجريت على المطبخ وقبل ما توصل مسكها صهيب وهو بيضحك.فكره نفسك شاطرة وذكيه وهتهربي مني.
غصن بصرخه اخص عليك يا صهيب خضتني، طاه انا زعلانه منك
صهيب ههههه وانا مقدرش على زعلك وهصلحك دلوقتي وهجهز معاك الفطار.
صهيب بعد عن غصن وبداء يساعدها في تجهيز الفطار، خلصوا الفطار والمغرب أذن وفطروا وصلي صهيب بغصن المغرب، وبعد الفطار جالة اتصالا تليفوني
وشه اتغير تمام.
غصبن قربت منه مالك يا صهيب في ايه.
صهيب أخد نفس: سليم اتصل النيابة رفضت تسليم جثة أريام ليه وانا اللي لازم أستلمها.
غصن قربت منه روح يا صهيب دى مراتك، ومكتوبة باسمك وفوق كل ده مالهاش ذنب في اللي حصل.
صهيب نزل مصر بعد ما اتصل على عمه ورجع مع شهاب وسليم
وتم دفن اريام وعمل عزاء حضره كبار رجال الأعمال والسياسة في البلد و معارف صهيب وقاسم.
رجع صهيب الاستراحة بعد يوم حافل من الإرهاق والتعب حاسس بقلبه موجوع ومش عارف يخرج وجعه رمي نفسه على السرير
وغمض عينه، قربت غصن وقعدت جنبه تلعب في شعرة زى ما بيحب وقالت له.
ابك يا صهيب متكسفش ولا تخاف بلاش تكتم وجعك.
فضلت تكلمه وتطلب منه يكلم بلاش حالته دي.
- صهيب بصوت مخنوق عارفه يا غصن وانا بدفن أريام متأثرتش وقلبي موجعنيش زي يوم ما دفنت ابوي وامي وابني مش عشان اللي عرفته لاء صدقيني هي ملهاش ذنب
فيه بس جالي تبلد غريب امكن لان كنت متوقع اللحظة دى أي وقت، مش عارف ايه حصلي وقتها ولكن وانا راجع بالطريق حاجه قالتلي لو ده
حصل لحد تاني قريب منك حالتك هتكون عامله ازاي، وقتها قلبي جاله نغزه غريبة.
اتعدل صهيب وقعد قدام غصن غصن اوعدني متسبتيش أبداً ولا تخبي عليا اي حاجه واوعدك اكون كتاب مفتوح قدامك واحكيلك كل ماضيا واللي جاي من عمري بس متبعديش عني أبداً.
غصن رفعت اديها تمسح عرقه من على جبينه و بعفويه زي عادتها ماضيك ده خلاص ما يهمنيش حصل وخلاص المهم اللي جاي واحنا مع بعض صهيب انت طيب قوى يا تبان شديد وعصبي والحقيقة دمعتك قريبه وحنيتك متتوصفش ربنا بيحبني وراضي عليا اني مراتك وان شاء الله هبق ام ولادك العشرة وهنعيش مع بعض لغاية ما يجي أمر الله اللي لازم نستعدله ونعمل ليه، صهيب أنا بحبك اوي.
صهيب اخدها بحضنه وطبطب عليها انت جيتي ليا منين يا غصن للدرجة دى ربنا بيحبني عوضني بيك انا بعشقك يا غصن بعشق لدرجة حاسس ان قلبي متفتحش قبل منك كل نبضه فيه بتقول كده من اول لحظه ليا معاك مش الغريزة اللي حركتني ده شعور وانجذاب مكنتش عارف ايه أساسه لكن عرفت دلوقتي.
عدت الايام وانتهي رمضان وسناء بقت كل يوم تيجى تدي الدروس لغصن ومعظم الوقت صهيب مش موجود وقاسم بقت عادة عنده يروح المزرعة ومعظم الوقت صهيب مش موجود وقاسم بقت عادة عنده يروح المزرعة ينتظر سناء وهي دخله وهي خارجه يلح عليها يوصلها سناء كانت بترفض وتسيبه وتمشي وفي يوم وقف العربية ونزل قدمها كلمها.
أبله سناء بعد اذنك عندي كلمتين عاوز اقلهملك وياريت تقولي رايك بعد ما انهي كلامي انا هروح لوالدك اتقدملك هينفع ولا لاء، انا قلت اشوف رايك وهل والدك هيوافق ولا يرفض ؟
سناء بخجل : والدي ليه مطلق الحرية بالموافقة والرفض لكن بابا قبل اي قرار هيجي يسألني على رايي وانا هقولة موافقة بس الاول اعمل صلاة استخارة.
قاسم مش مصدق قلبه بيدق ومش قادر يسيطر على فرحته قلتي ايه.
سناء : بعد اذنك تقدر تروح لبابا تكلم معه.مشيت سناء بسرعه من قدامه وهو باصص عليها وهي ماشية وابتسامته على وشه لحد ما بعدت فاق من حالته وطلع تليفونه واتصل على صهيب وقاله يجي البلد في موضوع مهم جداً.
صهيب بفزع عمي غصن.
قاسم: يابني بقلك عاوزك في موضوع مهم غصن مالها بس انا هستناك قدام الوحدة مدامك قربت من البلد هنروح نقابل حد هناك.
وصل صهيب ونزل بسرعة من العربية لقي عمه واقف مستنية قرب منه.... عمي قلقتني في ايه.
تعالي بس وهتعرف كل حاجه
دخلوا المستشفى سال قاسم عن ابو منصور ابتسم صهيب وبص لعمه بمكر جه ابو منصور سلم عليهم ، قاسم ابو منصور في موضوع خاص عاوز اكلمك فيه.
بقلق اتكلم ابو منصور خير يا قاسم بيه.
قاسم من غير مقدمات وكلام فاضي انا طالب القرب من كرمتك هوالمفروض كنت اتشرف واجي بيتك بس قلت لو في قبول اجي واجيب عالتي كلها مفيش يبق ما سببش حرج ليا وليكم.
واقف مش مستوعب اللي بيتقال: انت يا قاسم بيه عاوز تجوز بنتي أنا.
ليا الشرف يوم ما نسبك واسم كرمتك يبق على اسمي.
انا لو عليا موافق بس لازم أخد رايها في الاول هي واخواتها ووالدتها اتفضل شرفنا اشرب الشاي انت وصهيب بيه ونشوف رايها.
خرجوا وركبوا عربية صهيب وراحوا لبيت ابو منصور دخل الاول عرف مراته بان معه ضيوف وخرج مرة تانيه رحب بيهم ودخلهم البيت قعدوا في الصالون دخل منصور وصلاح اللي طول الوقت متجنب الحديث مع صهيب ويبصوا لبعض بغيرة وضيق.
قاسم طلب ايد سناء مرة تانية قدام الكل وام منصور سألت بنتها قالت هتعمل صلاة استخارة وهترد بعد يومين.
عدي اليومين وقاسم على اعصابة وصهيب بيضحك على عمه اللي شبه مقيم عنده كل يوم يجي يشوف سناء من بعيد يفضل واقف في شباك مكتب صهيب لحد ما تمشي ومفيش مرة كلمته يسال غصن قالت ليها حاجه غصن تقوله لاء، غصن ابتسمت وردت عليه عمى قاسم أبله سناء قالت تقدر تروح لوالدها تتفقوا.
قاسم صهيب سمعت غصن قالت ايه ولا بيتهيقلى.
صهيب ضحك هتفضل واقف كده يلا بينا على بيت ابو منصور قبل ما العروسة تغير رايها.
بالفعل قاسم اخد كبار عيلته وصهيب واتقدم لسناء ووافقت وتم كتب الكتاب واصر قاسم يعمل فرح يفرح بيه سناء ولبست فستان أبيض وجاب ليها ميكب ارتست وغصن كانت معها معظم الوقت وبعد انتهاء الفرح ومشي كل المعازيم طلع قاسم وسناء اوضة نومهم رفع قاسم النقاب وشاف وش سناء لتاني مرة اول مرة في الشوفة الشرعيه وكتب الكتاب في نفس اليوم ودى المرة التانية ساعدها تشيل الطرحة والحجاب ودخلت تبدل هدومها و اتوضت وصلوا مع بعض سنه الزواج وركعتين شكر الله اخدها قاسم وراحوا للسرير قعدها عليها وكلمها بحنان.
سناء عاوز اقولك كلمتين، هو سؤال حيرني كنت عاوز اساله قبل كده بس كنت بخاف تفهمني غلط وبردة كنت بخاف اصدم من الإجابة.
- سناء بابتسامه أسال مع اني عارفه السؤال.
جوبي عليه مدام عارفه.
وفقت عليك ليه وفرق السنن كبير ما بنا انا قربت من الاربعين وانت ستين، مش هقولك اني مخفتش من الخطوة دي لاء خفت ولما بابا سألني قالي السن وانتي رفضتي كتير بعد خطيبك الله يرحمه، جوبته وقلت له انا رفضت كل اللي اتقدمولي لان محستش معهم بالأمان يا اما مطلق وعاوز زوجه لعيله او زوجه وخلاص مش هتكلفه حاجه او ارمل محتاج ام لولادة وفي الحالتين لو كنت حسيت مع حد بالأمان كنت، وافقت على واحد فيهم لكن انت يا قاسم من اول يوم شفتك فيه حاسيت اني في آمان.
قاسم ريحتي قلبي.
قرب منها وسألها هي جهزه تبق مراته شرعًا هزت راسها وعنيها في الارض من الخجل.
بعد شويه
صرخه مكتومه أعلنت عن ملكيته لها تزامنا مع تلك الدمعة التي سقطت من عيناها ليزيحها بطرف أصبعه ينظر إلى ملامحها المتألمة عيناها المغمضة يهمس بدفء : حاسة بايه موجوعة، اوقف؟
سخر على حاله بداخله حقا سيتوقف كيف بعدما ذاق عسل وصالها.
سناء ببراءة زادت نيران بقلبه مش عارفة يا قاسم.
قاسم: اااه يا سناء قوليها تأنى.
فتحت عيناها له لملامح وجهه القريبة منها للغاية بعد نبرة التوسل التي لمستها بصوته: اضطرب قلبها بجنباتها وهى تراه بهذا الضعف ليكمل هو بعدما رأى نظراتها له : انا محتاجك اوى يا سناء اقترب منها دفن راسه بعنقها : انتى الست الوحيدة ال رجعتي قلبي يدق تأنى انتى ال رجعت يلى ثقتي بنفسي ورجولتي وعلشان كده سامحيني مش هقدر اوقف.
سناء بهمس بأذنه القريبة من شفاهها وانا ملك ايديك.
لم ينتظر اكثر من هذا ليجر معها لذاك العالم تستكشفه على يده هه لا لم ينتظر اكثر من هذا ليبحر معها لذاك العالم تستكشفه على يده هو لا غير.
____________ اللهم نصرا لغزة.
سليم في المستشفى رايح جاي قدام اوضة العمليات صهيب وشهاب اول ما عرفوا.
صهيب: اهدي يا سليم ان شاء الله هتقوم بالسلامة.
شهاب يابني امال لو كانت اول مرة كنت عملت ايه.
سليم عاوز اعرف مالك بارد كده مش اختك اللي جوه دي مش خايف عليها.
شهاب طبعاً اختي حبيبتي وقلقان بس هتستفاد ايه من قلقي، انا ادعلها ان ربنا يقومها بالسلامة والبيبي يطلع ليها قمور ورقيق زيها مش شبهك خالص.
سليم عجبك كده يا صهيب سامع كلامه.صهيب مصيرك تقف الوقفة دى في يوم وهقولك نفس الكلام.
بعد وقت خرجت الممرضة تشيل بنت جميله اوي على اديها ادتها لسليم.
اتفضل بنوتة زي القمر.
سليم شالها وباس جبنها وعنيه دمعت قرب صهيب وشهاب.
الحق يا صهيب بنت اختي طبق الاصل سليم لاحول الله البنت مش هتجوز.
- سليم ابعد الشيئ ده بعيد عني يا صهيب.
صهيب أذن للبنت يا سليم وقلها اسمها، وسيب شهاب عليا.
سلیم هسميها غصن زي ما قلتلك قبل كده.
صهيب: لاء غصن لاء.
سليم: لاء ليه.
صهيب لاء وخلاص سميها اي اسم غير غصن.
سليم خلاص ياعم هسميها ورد بلاش غصن تعالي ياورد يا حبيبتي لابوك بكرة يتحايل عليا اجوزك لابنه وانا ارفض.
شهاب ههههه سلیم اتهبل
صهيب بهمس : قال غصن قال عشان يعملهالي سلوانة وكل شوية ينادى علي بنته غصن حببتي واتجنن أنا.
بعد اسبوع صمم صهيب وعمل سبوع بنت سليم عنده في بيته الجديد اللي حضر السبوع قاسم وسناء وزبيدة وسنابل وغصن وام شهاب.
شهاب دخل المطبخ يجيب مايه للرجالة وهو خارج اتخبط في حد رفع عينه شاف واحدة جميله اتأسفت ليه ودخلت المطبخ جابت مشروبات وخرجه شيلهم وهو واقف مكانه جاله صهيب لما اتاخر لقه واقف وعينه على مكان مش بتتحرك، قرب منه وبحده.
شهاب واقف عندك كده ليه.
شهاب وعينه على اللي خبط فيها صهيب كويس انك جيت مين اللي قاعده جنب غصن وماما دى.صهيب بص عليها: قصدك اللي لبسه كحلي بتسأل ليه.
مین یا صهيب بجد تعرفها ولا انادي على ماما اسالها.
فهمني بتسأل ليه وانا اجوبك.
- عاوز اتقدم ليها.
۲۲۱
صهيب انت اتجننت يلا اخرج برة وبلاش جنانك ده وحسك عينك تدخل هنا لما تعوز حاجه اطلبها وانا هجبها.
شهاب في اي يا صهيب مالك اتحمقت كده ليه هي تقربلك ايه عشان تتعصبب كده.
صهيب حاجه بسيطه خالص تبق حماتي والدة غصن.
شهاب ايه.
صهيب يلا يا شهاب لو حد من الحريم اخد باله من وقفتنا كده هيبق منظرنا بايخ.
شهاب انت متاكد.
صهيب امشي يا سليم قدامي بلاش جنانك ده.
مرت الايام والشهور وشهاب بيحاول يقنع صهيب يتقدم السنابل وكلم صهيب سنابل رفضت رفض تام رغم موافقة غصن وزبيدة لكن سنابل رفضت وصممت على رايها، شهاب قابلها في المستشفى ايام ولادة غصن لابنها واتكلم معها حاول يقنعها ان فرق السن مش عائق بينهم رفضت وقالت استحالة اتجوز بعد عزيز.
بعد عشر سنين صهيب واقف يبص على غصن
وهي ماسكه فاس صغيرة بتزرع في جنينه بيتهم الجديد وجنبها ولادهم.
صهيب مفيش فايدة فيك يا غصن صحتك يا حببتي لو مش خايفه على نفسك خافي على بطنك قربتي تولدي.
غصن: قول جنابك خايف على ابنك مش عليا.
صهيب هههه هو انتي وهو ايه مش حبايبي تعالي هنا ايه اللي انت عمله في الولاد ده ممسكهم فوس وهم في السن ده.
غصن صغيرين ايه بسم الله عليهم عدنان قرب علي عشر سنين، وعزيز قفل ثمانيه وقاسم وسليم خلاص ست سنين و شهاب اربع سنين دول بقوا رجالة لازم يعرفوا ان مش عيب الواحد يشتغل ويتعب ويأكل لقمته بعرق جبينه.
صهيب حببتي الكلام ده لو محتاجين دول ولاد صهيب الخبيري لو فضلوا يصرفوا طول عمرهم في فلوسه مش هتخلص سيبي الولاد يعيشوا حياتهم ويدرسوا.
غصن: اولا قوا بسم الله ماشاء الله ما يحسد المال الله
صحابه وكمان
غصن: اولا قول بسم الله ماشاء الله ما يحسد المال اللي صحابه، وكمان انا عاوزة ولادي يتعبوا ويبنوا نفسهم ويعرفوا يحفظوا على القرش اللي تعبوا فيه، والاهم من الفلوس يتعلموا دينهم ويطلعوا حافظين القرآن.
صهيب في دي عندك حق امال فين حبيبة ابوها مش شيفها مع اخوتها.
غصن: مع امي جوة.
صهيب حسس على بطنها لسه مش عاوزة تقول لي الدكتورة قالت والد ولا بنت.
غصن: هتفرق معاك في ايه لو على الولاد الحمد لله ربنا يبارك فيهم عندك خمسه والبنات عندك حبيبة قلبك ست غصن اللي اخدتك مني اعمل حسابك اللي جاي في السكة ده انا اللي هسمية انت فاهم.
صهيب لاء المرة الجاية سمية برحتك لكن ده لو انا.
غصن بخضة هو لسه في مرة تانية.
صهيب تانية وتالته وعشرين انا وحيد وانت قلتي عشر ولاد ومش هنزل كلمتك الأرض أبداً .غصن: صهيب .
صهيب بصي كمليهم عشرة و لو تعبتي ممكن اتجوز وحده تانيه تجيب العشرة التانين.
غصن جريت وراه نعم ياخويا تعمل ايه اوقف هنا بتهرب ليه.
صهيب هههه بهزر يا حبيبتي انت عندي بكل ستات الدنيا وبردة مش هتنازل عن عشرين ولد منك.
غصن ايوة كده اتعدل بكلامك.
صهيب قرب منها اخدها بخضنه وباس جبنها ومشي معها : انا اكتفيت بيك عن الدنيا كلها عيوني مش بتشوف غيرك وقلبي مش بيدق غير باسمك وكمان انا عجزت مين هترض براجل عجوز وشعرة ابيض.
غصن بخجل: ربنا ما يحرمنيش منك أبداً يارب عجوز دا انت هتفضل في عنيا شباب على طول والشعر الأبيض ده زينك .مسك اديها وباسها شقيه يا غصن طالعه لستي زبيدة مش، لماما سنابل.
غصن انا اتعلمت الكلام بعد ما حبيتك.
صهيب مبيحللكيش الكلام ده غير قدام الولاد لما نبق لوحدنا مش بسمه منك حاجه من ده بس لما نبق لوحدنا هعرفك تقوليه ازاي. لف ايده على كتفها
وشاور لولاده اللي التفوا حوليهم يلعبوا معهم وصوت ضحكهم مالي المكان....
تمت بحمد الله
لقراءة جميع فصول الرواية من هنا