رواية حقى أكون أب
الفصل الرابع والثلاثون 34
بقلم نجلاء فتحي
إسلام/ أوعى يا أميرة من وشى 😡😡
أميرة/ أبوس رجلك كفاية كلام على الدكتورة حرام عليك مش تدخل بحالتك دى ،،،وكانت فاردة دراعتها على الباب حتى لا يعبر
إسلام/ أوعى ثم أبعدها من أمام الغرفة وفتح الباب
،،قامت أميرة من الأرض وهى بتلطم على وشها ودخلت الغرفة تحاول تخرجة برا فهو غضبان،،،وجد جنة نايمة فى منتصف السرير وحوالين منها مخدات حتى لا تسقط فى الأرض وحوالين منها كل مجوهرات مرفت الثمينة وورقة كبيرة متعلقة بدبوس فى ملابس الصغيرة ،،،،،،أمسك الورقة بيد مرتعشة
💌💌💌💌💌
[ كل حاجة جبتهالى من مجوهرات حتى إللى لابستها ودبلتك ليا وفلوسى بقا ملك لجنة ،،،جنة إللى اخترت أسمها ومولودة على إيدى لا يمكن أأذيها الشك دخل قلبك يا حبيبى بينى وبين بنتك ،،كدة تبهدلنى وأنا غيرانة عليك،، ليك حق أذيتك كتير وأى بلوة تحصل أنا موضع أتهام خلى بالك من ماما ممكن تأذيك،،،، مشيت من الدنيا بسببك ،،زمانى ميتة بسببك دلوقتى ،،،،دة إللى أنت عايزة أنت ومامتك أهو مشيت من الدنيا كلها ،،،،،أريح دماغك حاضر كفاية نكد ريحتك منى ،عارفة كافرة مش فارقة معايا المهم أسيب حبيبى مرتاح وعلشان مش اوصل لسن الخمسين وامرض وأحتاج حد يقف معايا أسيب الدنيا بكيفى مليش لازمة ولا عيل ولا أهل ولا زوج كلة راح معاملتك ليا وحشة دفعتى أخلص من حياتى ، مش زعلانة منك حقك تخاف على أسرتك منى أقسم بالله بحب أميرة بس غيرتى منها اكتر إسلام وصيتى مش عايزة ماما تحضر عزايا ويكون قاصر مش عايزة أكلفك وصية الميت تتنفذ ،،،كان نفسى أخلف منك وتكون ليا لوحدى ،،،،عارفة إللى عملتة بمزاجى وأتعاقب علية لحد يوم القيامة بس ربنا غفور رحيم رحمتة واسعة صح ياحبيبي وأكيد يسامحنى ويدخلنى الجنة معاك، أدعيلى عمرك كلة يسامحنى ، معنديش حد يدعيلى بالرحمة كان نفسى أوصل جنة المدرسة لحد الجامعة وأوصلها لعريسها، ،بحبك يا حبيبى أوووى ،،مراتك وحبيبتك وأول واحدة فى حياتك مرفت إللى ماتت بسببك ]]]]]
لكن ما جعل الغضب يتلاشى ويحل الصدمة ولحظة قطع الأنفاس دموع إسلام
أميرة/ الجواب فية إيه
إسلام بدموع الندم / قتلت مراتى قتلت حبيبتى وصاحبة عمرى
أميرة بصدمة/ أزاى
أعطى لها إسلام الجواب قرأتة أميرة وهى تتنفض مع كل كلمة ،،،،، صرخ إسلام بأسم مرفت أخذتة أميرة فى حضنها وبنتة تصرخ من صوتة ،،،
إسلام بهياج / مرفت يا مرفت طب أنتى فيييين ،، والله أصلحك ذنبك فى رقبتى ليوم الدين. عمرى مريض م كنت سبب فى موتة،،،،،،،، أموت مراتى عااااااااااااااا
أميرة مش قدرت علية أتصلت على إياد بدون الدخول فى تفاصيل طلبت يأتى الدكتور تعبان لكى يأتى بسرعة ٠فقال لها هو بايت عند ناجية طلبت محدش يعرف يأتى بمفردة ،،،،طريقتها وبكائها وسماع صوت إسلام لكن غير واضح كلامة يؤكد فى كارثة منتظرة ،،
تجاهلت أميرة صراخ بنتها وتحاول تهدى زوجها مش عارفة وخايفة علية وهو مثل المجنون أتت لها فكرة لتمنعة من النزول بهذة الحالة ،،،،،،دخلت غرفتها وصرخت ألحقنى فى كارثة جرى ليها وحين دخل خرجت بسرعة واغلقت الباب من الخارج بالمفتاح وأصبح إسلام فى كامل عصبيتة وهياجة ويطرق على الباب بقوة ويقول بدون وعى/ أفتحى يا أميرة اقتلك سبينى أخرج أدور عليها موتت نفسها بسببى عاااااااااا😡😡😡
أميرة ببكاء/ مش فاتحة بحالتك دى
إسلام/ لو امسكك اقتلك اقتلك
أميرة/ مش تخرج غير على جثتى 😭
__________
أتى إياد وسامع صراخ الطفلة و حديث إسلام وانهيار أميرة ٠
نظر إياد فى الأرض وقال :- أسترى نفسك الأول، ،،،نظرت هى لنفسها وأنتبهت كانت ترتدى بجامة شتوى بيتى ضيقة للغاية خاصة للنوم ومحددة تفاصيلها وشعرها مفرود ،،فقالت بخجل الدكتور جوا وهدومى،،،، أنت أخويا ستر وغطا
إياد/ أكيد وعينى ليكى أخ لأختة ،،،حصل إيه
مرفت ببكاء/ مش عارفة أقولك المهم الدكتور عايز ينزل يدور على مرفت وهى وهى وهى
إياد/ إيه طفشت أحسن غارت
أميرة/ موتت نفسها سابت جواب بتقول كدة
إياد/ نهار أزرق ،،،يا بنت المجنونة ،،،كفرت ،،،،أتجننت حصل حاجة امبارح
أميرة/ أيوة المهم تمنع الدكتور مش عارفين راحت فين وهو عايز ينزل
إياد/ سكتى بنتك وهاتى مفتاح الأوضة ومهما يحصل مش تدخلى وباب الشقة معاكى مفتاحة
أميرة/ لا
إياد/ فين مفاتيح إسلام دورى على مفتاح باب الشقة وأقفلى باب الشقة كويس
أميرة/ حاضر
إياد/ تعرفى نمرة صيدلية هنا
أميرة/ لا
إياد/ خدى تليفونى دورى على أسم صيدلية ****** وأطلبى منها ******* و*******
أميرة/ اطلب انت دماغى مش رايقة
إياد بضيق/ ماشى ،، ثم اتصل على الصيدلية وطلب حقن مهدئة وأعطى ليهم العنوان وأغلق الخط وقال اقفلى الباب بالمفتاح والدليفرى يجى خدى العلاج مش تظهرى مدى إيدك بس فاهمة ،،،أقفلى على طول والحساب معايا صاحب الصيدلية صاحبى ،،،تعرفى تعبى وتجهزى الحقن
أميرة ببكاء/ أيوة
إياد/ تمام جهزيها لو احتجتها ،،ثم سمى الله وفتح غرفة النوم ودخل لإسلام ،،جريت أميرة تجرب المفاتيح حتى وجدت مفتاح الشقة واغلقتة وجريت لبنتها التى تصرخ أبعدت عنها المجوهرات واخدها فى حضنها واغلقت الغرفة وجلست فى الصالة تبكى
بقلم نجلاءفتحى عاشقةالكلمات
_________
إياد/ أهدأ
إسلام/ تحولت عيونة للون الأحمر وعروق وشة اتنفخت وأصبحت بشرتة لونها أحمر بزراق خفيف ،،، سبنى أخرج ألحق حبيبتى 😡
إياد بعصبية / مفيش خروج أهدأ عمليتك تبوظ دة قلبك يا جدع ،،مر الوقت فشل إياد أقناعة بالكلام أخذة فى صدرة رغم إسلام أطول منة سيكا وجسدة أقوى منة فى الحجم تملكة إياد جيدآ بخبرتة طبيب حالات حرجة ومتعرض لمريض يتعرض لهياج وهو مش فرفور لا دة شاطر فى مجالة وبيتعامل مع الحالة بأيدة ،،وهذا نفعة ،حضن إسلام وقيد إيدة الاثنين بإحكام وراء ظهرة وبدأ يدفعة بصعوبة على السرير وإسلام يصيح ويشتمة، ، ويبثق فى وشة ،،إسلام غير واعى مما يفعلة ولا يقولة🥺 ،،،
خبطت أميرة على الباب فهى سامعة صوت التكسير والصراخ بالداخل وقالت الحقن جاهزة ،،،،،
إياد بصوت عالى /أدخلى الباب مفتوح
وضعت أميرة بنتها فى الصالة على الأرض متجاهلة صراخها كيف تسكت وهى سامعة كمية الضوضاء هذة ،،،،،،،،، دخلت الغرفة وجدت زوجها نايم على ظهره على حرف السرير بالعرض ورجلة فى الأرض وإياد مقيد حركتة والسرير من قوة إسلام يصدر صوت دليل على كسرة فى أى وقت فقال إياد:- هاتى الحقن ،،،
أميرة/ دى حقنة ********
ودى حقنة ********
إياد/ متأكدة
أميرة/ قرأت الأسم متخافش
إياد/ هاتى دى بتعرفي تدى حقن
أميرة/ أيوة مع أبويا
إياد/ وريد ولا عضل
أميرة/ الاثنين
إياد/ بصعوبة قلب إسلام على وشة وأنزل جزء بسيط من بنطلونة بصعوبة وصرخ فى أميرة وقال بسرعة أديلة الحقنة بزاوية أفقية
أميرة بتوتر/ عارفة ،،ثم أتت ببرفان ورشت بسرعة على منديل بديل الكحول ومسحت الجلد ثم أعطت الحقنة وأبتعدت ، ثبت إياد على وضعة حتى أرتخت أعصاب إسلام ،، رفعت أميرة ملابس زوجها ،،، أبعدها إياد وقال ألبسى حاجة بقااااااا، ،،،،، ثم عدل وضعتة فى نصف السرير بصعوبة، ،نظرآ لوزنة، ،،وسحب علية الغطاء وألتقط منديل جفف دموعة ومسح وشة وقال:- إسلام ،سامعنى
إسلام كان بين اليقظة والغفوة و قال / أممممم
إياد/ سبية يرتاح مفعول الحقنة بين (٤) لحد (٦ ) ساعات متخافيش ، أنا برا غيرى براحتك ثم خرج ودخل الحمام ووضع رأسة تحت الحنفية لكى يفوق تعب من مجهودة مع أبن خالتة ثم خرج للصالة حمل الصغيرة من الأرض لم يقدر على حملها تسطح على الأرض بدون مخدة ورفعها على صدرة ويطبطب عليها ومع هدوء المكان نامت الطفلة كأنها أطمنت أن أبيها نام ،،،
أميرة بالداخل بدلت ملابسها وعينها على زوجها وتدعو الله تمر علية هذة الأزمة خايفة تخسرة حالتة لا تبشر بالخير ،،،،،،خرجت أميرة وهى ترتدى عباية وطرحة سمراء وجدت إياد فهذا الوضع خافت أن يصيبة شئ لكنة طمنها ،،وطلب منها زجاجة ماية عطشان للغاية ،،أحضرتها لة ،،،اعتدل فى جلوسة وهى أخذت الرضيعة منة وبدأ يشرب ويقول كأنة يتحدث نفسة بصوت عالى ،،،أقول إيه لو جرالك حاجة بجد يا مرفت ممكن أخويا يروح فيها ،،لية عملتى كدة طول عمرك فى مشاكل معاة أشمعنى المرادي، ،نظر لاميرة وقال :- حصل إيه أمبارح
جلست أميرة على الأرض أحترامآ لة فلا يجوز جلوسها على كرسى وهو فى الأرض هذا ما تربت علية ،،،،،،،بلعت ريقها ،،،وبدأت تحكى وتقول :- أتصل عليا أمبارح عند مامتة وبلغني نرجع شقتنا ونعيش ونستقر كفاية كدة قولت ماشى بقيت بخير ،،، والصبح رجعت هنا ،،،،ثم رفضت البوح بما حدث بينها وبين زوجها وقتها هذا شئ خاص 🤭،،،،ثم تنهدت وقالت:- ونزل لشغلة والظهر هى جات ومعها هدوم لجنة قولتلها الدكتور جايب كتير أتكلمت معايا بأمر سبتها تأخد البنت ومش اعترضت ودخلت بيها أوضتها وطبعآ عملت قبليها تحقيق أن الدكتور وصلنى الشقة بس ولا حصل بينا حاجة، ،،،
إياد/ الحاجات دى بالليل أزاى الصبح،،،،،، كملى ،ومنبة علية بلاش علشان العملية
أميرة بلعت ريقها فهى لم تعلم ذلك وإسلام أهمل هذة النقطة/ الدكتور جة العصر من شغلة واتغدينا وطول الوقت رافضة تديني جنة ،،والدكتور هنا جنة ملكة،،،،،، علق على فستانها مش أشتراة الدكتورة قالت أشترتة ليها،،،شكرها
إياد/ لحد هنا طبيعى عادى
أميرة/ طلب كلنا نخرج والدكتورة رفضت أتحايل عليها رفضت بشدة ودخلت غرفتها
إياد/ عارف دماغها براحتها عادى برضو
أميرة/ خرجت أنا والدكتور وجنة وجابلى شبكة إللى لابستها دى فرحنى وكنا مبسوطين وأحنا راجعين هو أشترى ليها حلويات نوع غريب كدة مش عارفة أسمة وأشترى حلويات شرقية ليا ولية
إياد/ ذى الفل بيحاول يراضى كل واحدة فيكم
أميرة/ أزاى يشترى دهب ليا ممنوع وبدأت تتباهى جايب ليها ألماظ وسولتير والغالى يلبس الغالى معنى كلامها هو جايب ليا حاجة ملهاش قيمة ،،طبعآ ميفرقش معايا أى حاجة من الدكتور غالية عندى لو بلاستك أتغاظت من ردى ،، تدخل هو وحكم أدخل أوضتى بالبنت ،،هو أخذها يكلمها فى أوضتها وصوتهم عالى وفهمت أنة وضع حدود فى البيت مش ينام فى أوضتها كل يوم
إياد/ كل ليلة تاركك وأنتى على زمتة
أميرة/ أيوة معنديش مشكلة عايزة أعيش وخلاص ،،،بس هو كان بيجيلى بالليل سرقة ويرجع تانى
إياد/ ومتحملة
أميرة/ بحبة وعايزة أفضل جنبة،،المهم اتخانقوا سوا وهو دافع عنى وقال كلام فى حقى حلو وقسم نفسة فى النوم بينا وفهمها ليا حق فية وفى البيت وهى مش عجبها وأنتهى الحوار مش تقرب لجنة ممكن تأذيها واتهمها ذى أمها غدارة ومش تتغير وممكن يطلقها بلا رجعة لو رجعت لطبعها القديم وبس
إياد/ عمل كل دة، ،،أزاى دة ميقدرش يكلمها نصف كلمة جاب الجراءة دى منين ،،،،،كملى
أميرة/ حالتة وقتها صعبة وصداع ومش قادر يقف وبردان وطلب يستريح فى أوضتى وأخذ وقت لحد منام ،،،صعبت عليا دخلت بالليل ليها غصب وتقبلت أعترضها وعصبتها واتهمتنى خطفت حبيبها وبيتها منها أعمل كدة أزاى وحضرتك أكتر واحد شاهد على طريقة جوازى
إياد/ متحطيش فى بالك وضع طبيعى
أميرة/ حسيت فيها حاجة مش مفهومة حبيت أرضيها وجبت ليها جنة وقلبى يقول كدة غلط ممكن تأذيها وسبتها جنبها تنام معاها رفضت وقالت كسرتى كلمة إسلام مانع دة قولتها مش قالى وأنا كأنى مش سمعت حاجة جنة مولودة على إيدك وأنتى ذى أمها لا يمكن تأذيها بنتى أمانة معاكى وبوست رأسها وهى تعصبت وسبتها وأنا عارفة ممكن مش أشوف بنتى تانى ،،حبيت أرضيها ،، حتى بالليل سمعت عياط البت ورفضت أدخل وسكتت الشيطان صور قتلتها عملت فيها حاجة من رعبى من الدكتور منمتش لحد الصبح لدلوقتى، ، ولما صحى سأل على جنة قولتة مع الدكتورة ،،،،،،، ذاد هياجة حاولت أمنعة ميدخلش ليها كفاية كلام وخلاف زقنى فى الأرض ودخل بس لأسف مكنتش موجودة
إياد / راحت فين
أميرة/ معرفش ،حطة بنتى فى نصف السرير ومأمنها علشان مش تقع ،،وكل مجوهراتها على السرير حتى إللى لابساها وسابت ورقة على صدر جنة أستنى أجبها لحضرتك، ،،ثم دخلت غرفة مرفت جات الورقة وأعطتها لأياد الذى قرأ كل كلمة فيها ،،،،،وقال:- نهار أزرق تنتحر طب فين حتى وأنتى ميتة أخترتى طريق غلط،،،، كدة تموت إسلام وراها
أميرة بلهفة/ بعد الشر والعمل
إياد/ مش عارف أعمل إيه كارثة لو رمت نفسها فى المالح ،ماكانت خلصت هنا وأدفنت وخلاص ولا طلبت الطلاق والبُعد ،،،،،،أستغفر الله العظيم أدعى عليها أزاى أكيد بين إيد ربنا دلوقتى
أميرة/ الحل إيه
إياد بحيرة شد شعرة بعنف :- مش عارف مفيش فى إيدى حاجة أقدر أعملها ,, الجواب دة لو بلغت البوليس جوزك يتحبس
أميرة/ هى كاتبة موتت نفسها ملوش هو دعوة
إياد/ خناقتة معاها دفعتها لكدة وذكرت كذا مرة ،،،،،فى حاجة غلط فى الجواب حاجة غامضة ذى ميكون السم فى العسل،،،،،،،،،،، والبوليس مش فاضى لينا الله يعينهم وممكن إللى يحقق يقفل القضية بحبس إسلام وخلاص أخفى الجواب دة وأوعى تقطعية والمجوهرات حافظى عليها محدش عارف الظروف ومين يدخل ويخرج البيت علشان كدة إسلام بيرفض حد من زمايلة يدخل البيت ،خلى بالك مرفت فلوسها كلها هنا معندهاش فى البنوك حاجة وإسلام مش بيخليها تصرف جنية فى البيت أكيد فى كتير أوضتها تتقفل بالمفتاح لحد إسلام يفوق وبتصرف ،،،،
أميرة/ مش داخلة أوضتها خوفت منها ،،،
إياد/ أدخلى جنب جوزك أرتاحى ومش عايز أعتراض الأيام الجاية صعبة وأنا قاعد
أميرة/ مفيش نوم
إياد/ هاتى جنة و أرتاحي حتى ساعتين تفوقى شكلك أنتى كمان صعب مددى جنب جوزك هتنامى وخدى بخة من دواء الحساسية بتاع اللزوم ،،،،،شفايفك فيها زراق خفيف
أميرة/ حاضر ثم أعطت لة البنت وتركتة ذهبت لغرفتها وأغلقتها بدون مفتاح ثم تسطحت بجوار إسلام وحضنتة وحاولت تغمض عيونها ،،
أما إياد وضع الصغيرة على الكنبة نايمة ودخل المطبخ يعمل لنفسة قهوة دوبل حتى يفوق ليس نوم بل صدمة وعقلة واقف عن التفكير ،،،
بقلم نجلاءفتحى عاشقةالكلمات
_____________
حبيبة/ مش بترد عليا لية معندكش شغل النهاردة ماشى يا يويو لو قدامى أبهدلك ثم حزنت أما هو يسمع رنين الهاتف وتجاهلة غير قادر على الكلام فى مثل هذا الظرف
______________
أتصلت ناجية على إسلام تطمن علية مثل كل يوم ،، أمسك إياد التليفون لأنة كان فى الصالة ،،،وبعد أنتهاء الرنة ،،بعت ليها رسالة على الواتس كتابة كأنة إسلام
صباح الخير يا حبيبتى
مش رديت أسف داخل أعمل عملية مستعجلة حادثة ونزلت يوم أجازتى طوارئ
شافت ناجية الرسالة وكتبت:- المهم أنت بخير ،،،ربنا يقويك لما تخلص كلمنى قلقانة عليك معرفش لية
كتب إياد لها/ كلنا بخير دعواتك معايا
ناجية كتبت/ بدعيلك سلام يا ضنايا
كتب إياد/ سلام ،،ثم أغلق الجوال وهو ينفخ ويدعو الله ،،،،،سمع أذان الجمعة دخل اتوضى وصلى كيف ينزل الجامع ويترك الصغيرة و بيت أخوة فى هذا الوضع، ،،
________
أتى العصر وإياد متابع النت لعل وعسى يجد أى أخبار عن مرفت هى ليست مشهورة مثل زوجها لكن جثمانها هو المطلوب ،،،
أستيقظت أميرة وإياد عمل مشروب دافى فى الببرونة لجنة يلهو جوعها شوية
أميرة/ عارفت تعملة
إياد/ أتصلت على دكتور أطفال معرفة قالى أعمل إيه دورت فى المطبخ مش لاقيت
أميرة/ موجود
إياد/ معرفش بقا أتصلت أسهل على الصيدلية وجبت مشروب أعشاب للأطفال غليتة وسبته يبرد وشربتة ليها بنتك فى جوعها ذى فضيحة
أميرة/ تعبتك معايا عن أذنك أرضعها فى الأوضة مش أكلت من أنبارح بالليل ،ثم تركتة
تمدد إياد على الأرض كما كان يحاول يفكر فى حل لا يوجد
_______
[أتى وقت المغرب]
حالة حزن وصمت فى بيت إسلام بدأ مفعول الحقنة يخرج من جسمة وينادي بتعب على مرفت ،، وحوالين منة إياد وأميرة
رن جرس الباب أعترض إياد أميرة تفتح فهى بدون نقاب وفتح هو وجد البواب ومعة أمين شرطة بلع هو ريقة للمفاجاة
أمين الشرطة /دة منزل الدكتورة مرفت
إياد نشف الكلام فى حلقة وهز رأسة بنعم
أمين الشرطة/ حضرتك جوزها
إياد حاول يكون طبيعى/ لا جوزها تعبان جوا وأنا أبن خالتة ذى أخوة والدكتورة مرفت زميلتى فى الشغل نفس القسم،،،، هى مختفية من الصبح ومش لاقينها وجوزها الدكتور إسلام بهنساوى تعب بسبب كدة وأنا جنبة
أمين الشرطة/ حد من أهلها ضرورى فى أمر هام
إياد/ طيب شكر يا راجل يا طيب ،كتر خيرك
البواب بضيق/ مش ورايا حاجة
إياد بين أسنانة/ مشكلة عائلية اتكل على الله
البواب/ماشى ،،ونزل على السلم وهو عايز يعرف فى إيه
إياد/ لأمؤخدة يا باشا اتفضل جوا
أمين الشرطة/ ممنوع أدخل
إياد/ الجو برد تشرب حاجة سخنة ،،مينفعش تتكلم على السلم دة بيت الدكتور إسلام بهنساوى المشهور لأمؤخدة وجودك شوشرة لأسمة
أمين الشرطة بتفهم ماشى علشان عارف مكانة الدكتور غير كدة لا يمكن أخالف ضميرى أبدأ
إياد/ أكيد يا باشا اتفضل ثم نظر على السلم لا يوجد حد أغلق الباب وأجلسة فى الصالة وعمل لة كوب شاى ثقيل كما طلب ،،،،،
أمين الشرطة أنهى مشروبة وإياد على أحر من الجمر وأخيرآ نطق وقال:-شوف يا دكتور المدعو الدكتورة مرفت ٠٠٠٠٠٠٠٠٠٠٠٠٠٠٠٠٠٠٠
إياد😲😲😲😲😲😲
______________
[فى بيت حبيبة ]
الأب/ المحروس بتاعك مجاش أتقدم لية صرف نظر
حبيبة/ يالهوووووووى يانى عليك أمبارح وافقت عايزة يتقدم النهارة هى هيصة
الأب/ أوعى تفكرى نايم على ودانى عارف بتكلمية وعارف بيروحلك المدرسة والتدريب فى المستشفى رغم مش شغال فيها إللى مجنني برا البيت معاكى حراسة وبرضو مكيفة راسك
حبيبة/ دول بلطجية مش حراسة فى فرق وبعدين عادى عارفة بيبلغوك هو أنا خرجت معاة لا هو بيجى برجلية يبقا معملتش حاجة من وراك
الأب/ خايف تكونى فى البتاعة إللى بيقولة عليها مراهقة ولو عديتى منها تندمى
حبيبة/ المراهقة للبنات مش بنتك صدقنى يا بابا سعادتى مع إياد
الأب بحيرة/ ٢٠ مرة يتقدم ومش بيزهق
حييبة/ ومستعد يتقدم أكتر من كدة دة حب
الأب/ حب ،أممم دة أختيارك متجيش فى يوم تعيطى بكلم بنتى إللى ربتها ذى الرجالة مش حبيبة أم ١٧ سنة
حبيبة/ مقتنعة ،،،،يعنى مش تكون فى ظهرى لو زعلني فى يوم ،،،،إيه وارد
الأب بغضب/ يفكر يزعلك مفيش غير دة ثم أخرج سلاحة من جيبة
بلعت حبيبة ريقها/ لا أن شاء الله مش نحتاجة بابا بلاش تفشكل الجوازة أنت وافقت يتقدم وعارفاك من حتة تانية تطفشة من الطلبات
الأب بمكر/ عارفتى منين
حبيبة/ تربيتك يا معلم
الأب/ مالة بس الواد المحاسب دة ماسك حسابات المحلات بتاعتى وبتاعة ناس كتير ،،،، وأبوة صاحبى ونفس كار التجارة رايحة لحتة دكتور يعنى موظف مرتبة على قدة
حبيبة/ المحاسب دة خرع نحنوح مايع ملزق بتاع دلع لو اتجوزتة أديلة على قفاة ويضحك ،،،،،أما يويو قلبى أنا أضربة يتعصب يشتمنى أشتمة لسانك دكر وحمش ثم تذكرت قربة ليها يخرصها ويتوترها فقالت لأبوها:- من الأخر إياد يقدر يسيطر عليا أوقات أبن اللذينة بيعرف يشكل حبيبة أمتى يعصبها وأمتى يهديها غيور أوووى فى حجات حلوة تخلينى أقول عايزة أتجوزة وأنا مقتنعة خرجت إللى جوايا بدون خوف ليك
المعلم/ المحاسب برضو ألفتى نظرة لكدة
حبيبة غمزت لأبوها/ دى أفعال وحاجات تتحس مفهاش لافت نظر
الأب/ أنتى عكس البنات
حبيبة/ أيوة ،،تخيل كدة يا معلم بنتك أتجوزت ودة أن شاء الله من يويو ،،وأنا فى البيت أحطلة صاروخ بتاع رمضان دة تحت البطانية وهو نايم أخلية يوهوج. هو يردلى المقلب بأى حاجة ياةةةة على جو الأكشن
نظر أبيها ليها بقرف/ قومى ذاكري كلمتين تنفعوكى بدل دماغك السايحة دى بدل متقولى أخلف واد يشيل خيرك يا أبويا
حبيبة/ لا العيال جاية جاية مش فارقة معايا أحنا الاثنين سافلة مش متربين ،،ثم قفزت لغرفتها من نظرة أبوها لها القاتلة ،،، أخرجت رأسها من الباب وقالت:- نسيت أنك أبويا عديها ،،أنت عارف لسانى وإللى فى رأسى بقولة
أبوها بعصبية/ مش كدة فى حدود تقولى خلفة وقلة أدب
حبيبة/ الله معرفش حاجة أسمها عيب يوةةةةة جزاتى بطمنك على أحفادك
أبوها/ أخفى من وشى دلوقتى تأكدت إللى ينفعك السافل بتاعك ودينى لو موتك كدة مش مدخل نهار أسود مفيش خشا امك لحد م ماتت كانت بتتكسف
حبيبة خرجت لية/ وأهون عليك يموتني وأنت واقف بكرشك تتفرج
غمض عينة بيأس من تلك المجنونة / كنت كلتة بأسناني
صقفت حبيبة وحضنتة/ حلاوتك يا ملك الكشرى بس لا مهما يعمل فيا متجيش جنبة علشان أنا السبب أكيد فى رد فعلة ادعيلى بس أخلف منة على طول يارب
الأب/ لو شفتك قدامى أرميكى من البلكونة يا ********
باست هى خدة ودخلت لغرفتها تضحك ،،
وأخذت ترن على إياد وهو مش بيرد
_______________
دخل إياد غرفة إسلام بعد رحيل أمين الشرطة وقال:- مرفت
لقراءه جميع فصول الرواية من هنا