رواية جمعتنا الذكريات الفصل الثاني والعشرون 22 والاخير بقلم حنين شريف
بعد اسبوعين
سليم فضل طول الاسبوعين بعد وفاه سعد قاعد في بيت سعد ، كان حزين ، مش قادر يعمل حاجه ، تم العزا والدفنه وسليم حاسس وكأنه مغيب ، مش قادر يتخيل ان سعد خلاص مش هيشوفه تاني ، كان دايما قاعد في غرفه سعد وبيفتكر كل لحظه عديت معاه ، وكل قصه خياله من دماغ سعد عن ذكرياته مع ساره.
___________________
عند كريم في المستشفى
كريم كان لسه مفقش من الغيبوبه ، وحسام كان كل يوم بيزوره ولسه سهر عند مامتها ومصره علي الطلاق
في يوم كريم كان ممدد علي السرير كالعاده ، لكنه فتح عينيه وبدأ يستوعب ويفتكر الي حصله ، لكنه مكنش عارف مين الي جابه هنا ولا اي حاجه.
الممرضه دخلت لكريم ، ونادت للدكتور
الدكتور بابتسامه
الحمدلله صحتك كويسه ..
كريم بتعب
هو ايه الي حصل؟..
الدكتور
مفيش بس ابنك جه هنا وجابك من اسبوعين بالظبط ، وكل يوم بيجي يتطمن عليك هو ومراته...
كريم
ابني؟؟..
الدكتور كان هيتكل لكن قاطعه دخول حسام ، الدكتور:
اهو جه..
حسام قرب من الدكتور وقال:
ايه اخباره دلوقتي يا دكتور ؟...
الدكتور
لا الحمدلله كويس جدا بس هيقعد معانا شويه علشان نتطمن عليه
الدكتور مشي ، حسام بص لكريم وقال:
حمدالله على سلامتك..
كريم
الله يسلمك..
حسام كان هيمشي لكن قاطعه سؤال كريم:
ليه ؟..
حسام بصله بعدم فهم، كريم كمل:
ليه انقذتني مع ان كان ممكن بكل سهوله تسيبني ، ليه انقذتني ؟..
حسام قال بهدوء:
لاني متعودش اني اشوف حد محتاج مساعده واسيبه ، حتي لو كان الشخص ده اذاني ، مقدرش اسيبه(تابع بسخرية) بعدين متقلقش الي كنت عايزه هيحصل ، انا وسهر هنتطلق...
كريم بأستغراب
ليه؟..
حسام
بعد الي حصل بينا هي قررت انها هتسيب البيت وتمشي ، وخصوصا لما عرفت الي حصل بسببي ، علي العموم يا سيدي بنتك هتقعد معاك زي ما كنت عايز اهو ، تبقي شوفلها بقي واحد يكون من عيله غنيه ومتدلع ومتعود علي الرفاهيه ، مش واحده زي اتمرمط من شغل لشغل علشان يكسب قرش حلال..
قاطعه دخول سهر وزينب
سهر جريت علي والدها
حسام مشي بحزن وهو بيبص علي سهر
_______________
عند سليم
سليم كان قاعد في نفس المكان الي سعد كان بيقعد فيه ، سليم كان قاعد سرحان قاطعه...
منه
سليم...
سليم لف لمنه وقال بابتسامه باهته
ازيك يا منه...
منه
الحمدلله ، صحيح هو سعد فين. بقالي اسبوعين مشوفتوش
سليم رجع بص للبحر وقال بهدوء
راح لحبيبته...
منه بعدم فهم
قصدك ايه ؟..
سليم
راح لساره...
منه بصيت له بصدمه
اااانت بتقول ايه ؟..
________
ايه فسخت خطوبتها من عز لانها مقدرتش تكمل معاه
عند ايه في بيتها
محمد
صحيح يا ايه في شاب متقدملك
ايه بزهق
برضو يا بابا...
محمد
بقولك ايه اقعدي معاه لو مرتحتيش خلاص ، ولو ان اشك
ايه
هيجي امتي بقي؟..
محمد
بكره
ايه بحزن
تمام
ايه دخلت غرفتها وفتحت تليفونها علي صوره مراد
لازم اسيبك يا مراد ، انا مش هفضل متعلقه بيك وانت قاعد مكانك كده ، لازم اسيبك ، مش هيبقى حياتي كلها عليك انت..
____________
عند كريم
كريم كان قاعد في المستشفى مع بنته سهر
كريم
صحيح يا سهر ، انت هتسيبي حسام ليه؟
سهر بهدوء
مستحيل ارجعله بعد الي عمله مع حضرتك ، بعدين هو دايما كان بيحملني فوق طاقتي وانا خلاص تعبت...
كريم
بسببي مش كده؟..
سهر وهي تتهرب من سؤاله
لا هو..
كريم
متكدبيش
سهر سكتت ، كريم قال
عارف اني سببتلك مشاكل كتيره مع حسام ، وعارف واتأكدت اني غلطت ، وغلطت غلط كبير اوي ، كنت دايما بقول لنفسي اني قادر اعرف الشخص من نظره واحده ، واني عمري ما غلطت. لاني بحسب كل حاجه بالورقه والقلم ، لكني اكتشفت حاجه ، اني كنت غلطان ، انا غلطت كتير اوي ف حسام ، وفكره ان راجل يستحمل حاجه زي دي صعبه اوي ، كنت فاكر اني كده بفيدك مش بضرك ، لكني بعترف ، انا غلطت ، غلطت كتير اوي ، وبحمد ربنا انه اداني فرصه اصلح كل حاجه بوظتها ، ارجعي لبيتك يا سهر ، حسام بيحبك اوي
الباب خبط ، كرين اذن له بالدخول
حسام دخل وقال
طلبتني..
كريم
اه ، تعالي يا حسام..
كريم شاور لسعر انها تمشي ، حسام قال بتسأل
خير ..
كريم بصله شويه : انا اسف
حسام بصله بأستغراب ، كريم تابع:
عارف اني غلطت كتييير اوي فيك ، كنت فاكر انك بتكرهني ، كنت فاكر انك بتقرب من بنتي علشاني ، مش عارف ازاي فكرت كده، ازاي مقدرتش افهم نظرتك لبنتي ، ازاي مشوفتش حبك ليها طول المده دي ، غلطت فيك...اه غلطت ، انا بطبعتي مبعرفش اثق في الناس بسهوله ، لكني دلوقتي بس اقدر اقولك اني عايز نفتح صفحه جديده مع بعض ، حابب انك تكون ابني زي ما سهر بنتي ، لاني واثق فيك يا حسام...
حسام بصله وقال:
للاسف القعده دي اتأخرت اوي ، لان زي ما انت شايف ، سهر طالبه الطلاق ، وانا مش هقدر استحمل اكتر من كده...
كريم
سهر بتحبك يا حسام ، بتحبك فوق ما انت تتصور..
كريم نده علي سهر ،سهر دخلت ، كريم شاور لسهر انها تقعد جمب حسام ، كريم:
انا اتكلمت مع حسام خلاص وفضينا الخلافات الي بينا ، وهو بيقولي انك لسه مصره علي الطلاق ، هااا .. الكلام ده صح..؟..
سهر ببعض من التوتر
اه...
كريم بصلها شويه وقال:
بصي يا سهر انا هقولك حاجه مكنتش مصدق اني ممكن اقولها قبل كده....المشاكل الي بينك كانت بسببي ، يعني مفيش مشكله تدعي للطلاق ، علشان كده بقولك روحي بيت جوزك واتصافوا ، وواجهوا بعض بأي حاجه مدايقاكم ، لان لو انتو فضلتوا تسكتوا وتستحملوا صدقوني هيجي في يوم وكل واحده طاقته هتخلص وميقدرش يستحمل التاني ، وانا مش هتدخل في مشاكلكم ، لان دي حياتكم انتم ...
حسام بمرح
والله عمي بيقول حكم...
كريم بضحك
يلا يكش يطمر...
سهر وحسام سلموا علي كريم وزينب وروحوا بيتهم علشان يحلوا كل مشاكلهم.
____________
زينب راحت لغرفه كريم تطمن عليه
زينب بهدوء
تعبان ولا حاجه ؟..
كريم ابتسم
لا كويس ، بس تعااي اقعدي معايا بدل ما انت قاعده بره كده...
زينب
لا انا هروح بقي...
كريم بأستغراب
في ايه يا زينب من ساعه ما فقت وانت مش طايقاني ، في ايه؟..
زينب
مش وقته..
كريم بأصرار
لا وقته..
زينب بهدوء
انا عايزه اتطلق
كريم بصدمه
ايه!! ، ليه ايه ااي حصل؟..
زينب
انا تعبت وقرفت ، انا مش قادره استحمل تجاهل اكتر من كده ، مش قادره استحمل اكتر من كده ، كريم انت بتعاملني معامله مش راجل ومراته ، لو انت بتكرهني ليه اتجوزتني ، هتقولي علشان الشغل صح؟. ، اه اه قول عادي ، ما انا متعوده علي الجرح ، خلاص اتعودت علي جرحك ليا ، من زمان اوي ، لكني كنت هبله ، كنت فاكره ان مع الوقت هتحبني زي ما انا بحبك ، لكن اهو..العمر عدي وانا كبرت وانت لسه زي ما انت ..بغرورك وكبريائك ، انا كرهت نفسي ..كرهتي نفسي علشان حبيتك، ( بدات دموعها في الهبوط) كرهت اني افضل اقدملك الحب وانت تقدملي وجع القلب ، خلاص يا كريم فاض بيا...
كريم بحزن
عارف اني غلطت كتير اوي لكن...
زينب قاطعته:
لكن هتتغير صح؟..
بص يا كريم انت لو قلتلي كده من زمان كنت هصدقك واسامحك ، لكن دلوقتي انا مبقتش قادره ، مبقتش قادره ادخل في تجربه يا تصيب يا تخيب ، طلقني وريحني...
طبعا كريم مع اصرار زينب طلقها ، كريم كان حزين جدا حاسس انه بغبائه قدر يخسر كل الي حواليه ، لكنه اقسم انه هيرجع كل الي خسرهم تاني ، وطبعا قعد مده مكتئب بعد ما عرف موت سعد ،
لكنه بعدها قرر انه هيبدا صفحه جديده مع نفسه ،
______
في بيت ايه
ايه خرجت لعريسها واتصدمت لما شافت...
ايه بصدمه
مراد!!
مراد بابتسامه
ازيك يا عروسه..
ايه
انت ايه الي جابك هنا..
مراد
جاي اتجوزك
ايه
ومين قالك اني هوافق بيك اساسا..بعد الي عملته معايا..
مراد بهدوء
ايه انا بحبك ، عارف اني جرحتك زمان لكني جتي دلوقتي اقولك جربيني ، وبعدين يا ستي اهي هتكون فتره الخطوبه لو انا دايقتك ابقي اعملي الي انت عايزه وانا هنفذ كلامك
ايه وافقت علي مراد لما حست بالصدق في كلامه، لكن طبعا كانت لازم تربيه شويه.
بعد خمس سنوات
ايه ومراد اتجوزوا بالفعل بعد ما مراد فعلا اتغير للاحسن ، وحسام وسهر لسه برضو بيحبوا بعض وجابوا سيف ، بالنسبه بقي لزينب ف زينب بعد ما اطلقت سافرت وقعدت سنين ، بعدها رجعت تاني ، وكريم مملش ابدا من محاولاته في ارضاء زينب وبيخاول يرجعها دايما .
قدام النيل
سليم كان قاعد قدام النيل وجمبه بنته ساره ومنه مراته
سليم:
وبس يا ستي جدو سعد اتجوز تيتي ساره وفضل يكتب عنها ...
ساره ببرائه
علشان كده بقي يا بابا سمتني ساره علي اسمها...
سليم
اه يا حبيبتي علشان تبقي زي تيتي..
منه
طيب دلوقتي يا سليم قصتنا هتنتهي بالنسبة لهم ، تفتكر هتبدأ بالنسبه لينا بمشاكل وفراق زي سعد وساره؟..
سليم
مفتكرش يا منه. احنا اه قصتنا هتنتهي بالنسبه لهم لكنها هتبدا بالنسبه لنا ، صحيح هيبقي في مشاكل لكن مادام الحب موجود هيقدر يتغلب علي اي شئ..
سليم ابتسم لما منه وساره ناموا علي كتفه ، سليم ابتسم وبصلنا:
متستغربوش علشان انا بحكي قصه سعد الخياليه لساره ومنه ، خلي وصيه سعد تكمل احسن ، وخليها كده..كده احسن بكتير ، لان مهما حصل الناس هتفضل تكدب والخيال دايما هو الي هيفوز ، لان الخيال هو الي بيحلي الدنيا وبيدلها طعم.
سليم بص للنيل ودندن اغنيه سعد وساره المفضله
"طول عمري بخاف من الحب وسيرة الحب"
"وظلم الحب لكل اصحابه"
"وأعرف حكايات مليانة آهات ودموع وأنين"
"والعاشقين ذابوا ما تابوا، ذابوا ما تابوا"
"طول عمري بقول"
"لا أنا قد الشوق وليالي الشوق"
"وقابلتك إنت لقيتك بتغير كل حياتي"
"ما عرفش إزاي حبيتك"
"ما عرفش إزاي يا حياتي"
"من همسة حب لقيتني بحب"
"لقيتني بحب وأذوب في الحب"
"وأذوب في الحب وصبح وليل، وليل على بابه"
"فات من عمري سنين وسنين"
"شفت كثير، كثير وقليل عاشقين"
تمت بحمد الله