رواية ملاكى الصامت الفصل الواحد والعشرون 21 والاخير بقلم نرمين محمد
سليم بغضب : قصدك على مين
مجدى : قصدى على الجميلة اللى جنبك دى
سليم : ............
عشق بخوف : ارجوك يا سليم متعملش حاجة ....علشان خاطرى اهدى لو سمحت
سليم : .............
زياد : والنبى يا سليم ما تعمل حاجة ....انا عاوز اتجوز حرام عليك ....بص خلينا نخرج من هنا وبعد كدة اعمل اللى انت عايزه بس عدى الموضوع دلوقتى ...مش انت عاوز تخلص من قرفى جوزنى بقى
سليم : ..............
عشق : أنت ساكت ليه يا سليم ....سليم
زياد : انا خايف .... أستر يا رب وخليك معايا والنبى ده انا عبيط .....انا شوفت هدوء ما قبل العاصفة دلوقتى هشوف هدوء ما قبل البركان وانهيار الكوكب
سليم : هى عجبتك اوى كدة
مجدى : فوق ما تتصور ...بس برضو مفيش حد عرفنى على القمر
زياد بصراخ : انت بتقول اييييييييييه الله يخربيتك انت بتولعها اكتر هى ناقصة يا اخويا وبعدين هو إشعال ذاتى لوحده مش محتاج حاجة ....انا خايف عليك وانت مش خايف على نفسك.....اسكت ومتتكلمش .....اسكت بدل ما نصلى عليك اسكت
مجدى : انا مش فاهم حاجه
زياد : يا اخى عنك ما فهمت ....بص تعالى نلعب انا وانت تماثيل ولو اتكلمت تبقى حمار بس انت كدة أساسا خلاص تبقى تور
مجدى : انت بتقول ايه !!!؟؟
زياد : حط طرف الجلبية ف بوءك واهرب يا مجدى إلحق نفسك انت لسه صغير يا قلب امك
سليم : بس خلاص اسكت
زياد : حاضر بس اهدى هااا اهدى وخليك هادى ماشى يا سليم الهادى ده صاحبى الهادى سليم الهادى المشهور بهدوئه
سليم : احب اعرفك يا استاذ .....هو كان اسمه ايه ....مش مهم ...مدام عشق سليم التهامى مرررررررررراتى
مجدى بتردد : ايه !!!! انا .....انا آسف يا أستاذ سليم والله ما كنت اعرف .....آسف يا مدام
حسام : أستاذ سليم هو ميقصدش الكلام اللى قاله هو كان بيهزر
زياد : كنت قوله يا أخويا قبل ما يتكلم ده انت سيد العارفين ولا ايه
سليم : يلا نقرى الفاتحة
زياد : على روحه صح .....الواد لسه مراهق وانت عارف اى حد ف السن ده بيبقى متهور وهو باين عليه اهبل أساساً
مجدى : مين ده اللى اهبل يا راجل انت
زياد : يا اخى والله لو ما سكت انا اللى هقوم اقتلك ...بص الموضوع مش ناقص غبائك ....انت عندك خلل ف النمو ياض ما تسكت بقى
سليم : يلا نقرى الفاتحة يا جماعة مش الكل موافق ولا ايه
الأب والام : ايوه يا ابنى موافقين
سليم : طب يلا على بركة الله اقروا الفاتحة
زياد : لولولولوووووووى .... أخيراً النحس اتفك وهتجوز هتجوز ....مبروك يا جماعة عليكوا انا ....مبروك يا حوسو مبروك يا طنط ام حوسو مبروك يا ابو حوسو
سليم : انت قولت اسمك ايه
مجدى : احم مجدى اسمى مجدى
سليم : بتشتغل ايه ؟
مجدى : انا دكتور بيطرى يا فندم
سليم : طب كويس جدا اصل انا عندى بهيمة تعبانة وكنت هشوف دكتور يكشف عليها ...بس انت موجود اهو ولا عندك اعتراض
زياد : عندك ايه !!!!!!؟؟؟؟
سليم : بهيمة
زياد : بتعمل بيها ايه !!!؟؟؟؟؟
سليم : قولت ايه يا دكتور مجدى
مجدى بضحك : اكيد هاجى معاك
سليم : هو انا قولت نكتة وانا معرفش
مجدى : لأ اصل مستحيل حد يتوقع إنك عندك بهيمة
سليم : هو انت لسه شوفت حاجة ....ده انا هخليك تتوقع لحد ما تقول بس
زياد : أيامه فى الدنيا بقت معدودة
سليم : طب يلا اتفضل معايا
مجدى : دلوقتى
سليم : ايوه طبعاً ...خير البر عاجله يلا يا دكتور
مجدى : ماشى
سليم : طب عن اذنكوا يا جماعة
نزل سليم وعشق وزياد ومعهم مجدى أيضاً وأمر سليم الحراس بأن يأخذوا مجدى إلى المخزن
مجدى : ايه ده هما بيمسكونى كدة ليه ....فى ايه
سليم : مفيش حاجة دول هيسلموا عليك ....خدوه
عشق : سليم لو سمحت سي........
سليم بصراخ : اخرسى مش عايز اسمع صوتك انتى فاهمة ....يلا اركبى ومتتكلميش معايا طول الطريق
زياد : ليه كدة يا سليم ...هى ذنبها ايه حرام عليك
سليم : ابعد عنى دلوقتى ....انا مش عملت اللى انت عايزه اسكت بقى ومتتكلمش معايا دلوقتى احسنلك
زياد : خلاص هسكت
لم يتحدث سليم مع عشق أثناء الطريق اما هى فكانت تبكى وتمسح دموعها لكى لا يلاحظ
سليم : وانتى فاكرة إنك كدة بتخبيهم منى يعنى
عشق : .............
سليم : انتى ساكتة ليه ما تردى
عشق : ..............
سليم بصراخ : لما اكلمك تردى عليا انتى فاهمة ولا لأ
عشق : ببكاء : حاضر
سليم : اعملى حسابك بعد كدة مفيش خروج من البيت نهائى لوحدك ومش هتخرجى الا معايا
عشق : بس ....بس أنا عندى كلية
سليم : حضرتك اتكلمتى دلوقتى اهو
عشق بصراخ : انا تعبت ....تعبت منك والله انت ايه ....انت فاكرنى عبدة عندك وانا معرفش .... عشق هتعمل كدة عشق هتلبسى كذا عشق متأكليش من ده عشق كلى من ده .....شوية تقولى مش عاوز اسمع صوتك وبعدها تقولى ردى عليا وانا بكلمك ....انا مش بتحكم فى حياتك كدة يا سليم ليه بتعمل معايا كدة
سليم : والله ده اللى عندى وهتنفذيه سواء بمزاجك أو غصب عنك
عشق : انا بكرهك ....بكرهك وعمرى ما كرهت ف حياتى حد زى ما كرهتك
نزلت عشق من السيارة وصعدت إلى غرفتها مسرعة اما هو فظل مكانه لم يتحرك وكلماتها تتردد في أذنه وبعد فترة صعد ورائها ووجدتها نائمة وآثار البكاء على وجهها ولكن وجع قلبه من كلامها معه كان أكبر
سليم : افتحى عينك يا عشق انا عارف إنك صاحية
عشق : لسه فى كلام تانى عاوز تقوله قصدى أوامر تانية
سليم : عشق أنا اس.......
عشق : بس خلاص كفاية بقى ....انت على طول بتعمل كدة وترجع تتأسف انا تعبت منك ....تعبت من عصبيتك وغيرتك المجنونة دى
سليم : يا عشق انا راجل عاوزانى اعمل ايه لما اشوف واحد بيبص لمراتى نظرات مش كويسة وكمان بيعاكسها وكمان فضلت ساكت هناك علشان خاطرك انتى بس والله وصدقينى دى كانت حاجة صعبة عليا جدآ
عشق : طب انا ذنبى ايه يا سليم .....ليه تتكلم معايا بالطريقة دى هو انا يعنى اللى خليته يقول الكلام ده او حتى يبصلى ده انا والله مش رفعت راسى من ع الارض ولا حتى اعرف شكله
سليم : عارف والله العظيم عارف اللى انتى بتقوليه ده ومتأكد إنك مستحيل تعملى حاجة غلط بس صدقينى انا مكنتش شايف قدامى وكمان انى اقدر اتحكم ف اعصابى علشان مبوظش الدنيا ده كان صعب جدآ بالنسبالى ....ف لوسمحتى سامحينى واوعدك ان دى اخر مرة صوتى هيعلى عليكى .....سامحينى بقى ده انتى قلبك قاسى اوى
عشق : هسامحك بس بشرط
سليم : موافق على كل اللى هتقوليه
عشق : اسمعه الاول وبعد كدة اتكلم
سليم : حاضر
عشق : متتعصبش عليا ماشى
سليم : يا حبيبتى قولى بقى وانا هعمل اللى انتى عايزاه ومش هتعصب
عشق بخوف : انا عوزاك تسامح باباك وتروح تشوفه مرة أخيرة هو نفسه يشوفك ويحضنك مرة واحدة يا سليم لو سمحت علشان خاطرى شوفه ولو دقيقة واحدة
سليم : ............
عشق : بص انا عارفة إنك دلوقتى متعصب منى وبتحاول تسيطر على غضبك بس صدقينى هو ده الصح ....هو خلاص يا سليم هيتحكم عليه بالاعدام وكل إللى طالبه حاجة واحدة بس أنه يشوفك ويحضنك وده من حقه .....يا سليم انا عارفة أن هو غلط ف حقك كتير بس ربنا بيسامح احنا البشر مش هنسامح .....شوفه مرة واحدة بس
سليم : مش هقدر
عشق : صدقينى هتقدر .....مفيش حد بيكره أبوه يا سليم وانا عارفة انه غلط معاك كتير بس برضو هو كان مخدوع ولما عرف الحقيقة حاول يصلح غلطه وانت لازم تحاول تسامحه .......هتروح تشوفه ولا لأ
سليم : حاضر يا عشق هعمل اللى انتى عايزاه
عشق : فى حاجة كمان عوزاها منك
سليم : حاضر يا عشق هسيبهم يخرجوا من هنا بس هبعدهم عننا يعنى هيرحوا يقعدوا ف حتة تانية مش انتى كنتى عاوزة تسألى عليهم برضو
عشق : ايوه وكنت عاوزة اسألك عن حاجة كمان
سليم : ايه تانى ؟
عشق : انت هتعمل ايه مع مرات عمك وبنته
سليم : متخافيش انا مش هعمل فيهم حاجة بس هخليهم يسافروا بره مصر وهحط بإسمهم مبلغ يكفيهم باقى الحياة بس برضو هحطهم تحت المراقبة
عشق : هو انت جاهز لكل حاجة كدة
سليم : اتعودت على كدة .........لسه زعلانة منى
عشق : لأ
سليم : بجد ولا بتقولى كدة وخلاص
عشق : انا أصلا مش بعرف أزعل منك بس مش بحب حد يزعقلى
سليم : انا اسف ....صدقينى مش هتحصل تانى
عشق : ماشى خلاص يلا نتغدى
سليم : يلا يا روحى
بعد الغداء ذهب سليم إلى السجن لكى يقابل والده
حلمى : متعرفش مين اللى جاى يزورنى يا حضرة الصول
الصول : دلوقتى هنتدخل عند الظابط وهتشوف
الظابط : جبت المتهم
الصول : ايوه يا فندم واقف بره اهو
الظابط : طب دخله
حلمى : أوامرك يا باش........سليم
الظابط : عن اذنك يا سليم بيه هسيبكوا مع بعض شوية
سليم : اتفضل ..........انت هتفضل واقف كدة كتير
حلمى : لأ بس مش مصدق نفسي إنك جيت علشان تشوفنى
سليم : انا مجتش علشانك انا جيت علشان مراتى طلبت منى ده وانا مبحبش ازعلها وبعدين هو انت مضايق إنك شوفتينى ولا ايه
حلمى : ده انا كنت بتمنى من ربنا وبدعى ف كل دقيقة انى اشوفك مرة واحدة قبل ما اموت
سليم : وانت شوفتينى اهو عن اذنك
حلمى : سليم
سليم : افندم
اقترب منه حلمى وضمه بشده ودموعه تنهمر ندما على ما فعله بإبنه
حلمى : انا عارف انى مهما قولت ومهما عملت مش هتقدر تسامحنى وانت معاك حق بس صدقنى عمرى ما كنت اتمنى أننا نوصل للمرحلة دى .....انت الحاجة الوحيدة اللى عملتها صح ف حياتى حاول تسامح ابوك يا سليم وتدعيلى إن ربنا يغفر ليا كل حاجة وحشة عملتها ولما ربنا يرزقك وتبقى أب ابقى احكى لولادك وقولهم انى بحبهم اوى وكان نفسى اشوفهم والعب معاهم .....اوعى تنسانى يا سليم افتكر ابوك على طول يا ابنى وحاول تسامحه
نزلت دموع سليم رغماً عنه وضم هو أيضاً والده وظلوا هكذا لفترة طويلة
سليم : ليه عملت كدة ....ليه وصلتنا للمرحلة دى ...انا كنت عايز اعيش حياة طبيعية معاك انت وامى ليه كل ده حصل
حلمى : انا آسف يا ابنى سامحنى
سليم : انا مسامحك بس صدقنى مش قادر أتخيل إن بعد كل ده هتسيبنى تانى
حلمى : انا أستحق كل ده يا ابنى ...لازم اتعاقب على كل اللى عملته ف حياتى .... أهم حاجة عندى إنك سامحتنى واخدتك ف حضنى يا ابنى
سليم : صدقنى انا من قبل ما اجى أو اشوفك حاولت اشوف حل للقضايا اللى عليك دى بس للأسف كلها ضدك
حلمى : انك تحاول علشانى ده أهم حاجة عندى وانا غلط ولازم اتعاقب يا ابنى
سليم : صدقنى يا بابا هحاول أعمل كل اللى أقدر عليه وإن شاءالله هلاقى الحل
حلمى : أنت قولت ايه
سليم : هحاول ألاقى حل بطريقة قانونية
حلمى : لأ مش قصدى ده انت قولتلى يا بابا ...... أخيراً سمعتها منك بعد كل السنين دى
سليم : كل حاجة هتتصلح صدقنى وهنرجع احسن من الاول
حلمى : وانا واثق فيك يا حبيبى
سليم : انا همشى دلوقتى ونتقابل ف المحكمة المرة الجاية هكون موجود معاك ....كل حاجة هتبقى كويسة إن شاء الله
حلمى : طول ما انت موجود معايا اكيد كل حاجة هتبقى كويسة
رجع سليم إلى البيت ودخل الغرفة وجد عشق ممددة على السرير وتقرأ فإقترب منها ووضع رأسه على كتفها
عشق : سليم انت كويس
سليم : انا سامحته يا عشق .....سامحته ودلوقتي خايف يبعد عنى انا محتاجله جنبى
عشق : بس خلاص اهدى ....كل حاجة هتبقى كويسة
سليم : انا هعمل كل اللى أقدر عليه علشان ميحصلش له حاجة هحاول صدقينى
عشق : أنا عارفة ومتأكدة كمان إنك هتساعده وواثقة إنك هتنجح .....يلا علشان تاكل
سليم : مش قادر انا تعبان عاوز انام
عشق : ماشى يلا.............سليم انت نمت
سليم بنوم : اليوم النهاردة كان مليان أحداث ومتعب بطريقة رهيبة ومع ذلك فقرة أسئلة ما قبل النوم لسه زى ما هى
عشق : خلاص مش هقول
سليم : لأ قولى يا حبيبتي انا سامعك
عشق : مش قايلة
سليم : يا روح قلب سليم والله ما قصدى ازعلك بس أنا بحب اهزر معاكى مش اكتر وبعدين انا بحب أسمع صوتك يلا قولى بقى
عشق : انا حامل
سليم : صح انتى صح براڤو عليكى
عشق : هو ايه اللى صح
سليم : اللى انتى قولتيه
عشق : وايه اللى أنا قولته
سليم : إنك حام.....ايه !!؟؟ ...انتى قولتى انك حامل
عشق : ايوه
سليم : متهزريش يا عشق
عشق : والله ما بهزر ....انت مش فرحان ولا ايه
سليم : فرحان بس ده أنا هتجنن من الفرحة انا بعشقك يا عشق سليم وقلب سليم وروح سليم ده انتى واكلة عقل سليم
عشق : سليم انت كويس
سليم : نفسك تاكلى ايه وانا هجبهولك
عشق : سليم
سليم : عاوزين نجيب لبس للبيبى بس يا ترى هنجيب لبس ولد ولا بنت بصى احنا هنجيب الاتنين
عشق : سليم
سليم : احنا هنعمل الاوضة بتاعته لونها ايه .... وكمان لسه هنجيب لعب واكل له وحاجات كتير ....يا رب بس نلحق نخلص كل حاجة قبل ما يجى وكما......
عشق : سلييييييم
سليم : نعم ....فى حاجة بتوجعك اطلب الدكتورة
عشق : دكتورة ايه دلوقتي ....اهدى يا سليم لسه بدرى على كل اللى بتقوله ده
سليم : بجد .....يعنى هنلحق نخلص كل حاجة قبل ما يجى
عشق بضحك : ايوه هنلحق.......انت نفسك يطلع ايه
سليم : أى حاجه كل اللى يجيبه ربنا حلو اهم حاجه أنه منك انتى ....انتى عايزاه يبقى ايه
عشق : انا نفسى أجيب تؤام وخلاص على كدة يبقى الحمدلله
سليم : خلاص ايه يا حبيبتى .... لأ انتى حتى لو جيبتى تؤام هنجيب غيرهم إن شاء الله أنا عاوز عشرة
عشق : نعمممممممم ......ليه هو انت فاكرنى أرنبة ولا ايه هو انا بلاقيهم ف الشارع
سليم : يا حبيبتى انتى احلى أرنبة ف الدنيا.....كل الحكاية انى وحيد وعاوز عيلة كبيرة
عشق : قصدك عاوز تخلص عليا
سليم : لأ والله ده انتى الخير والبركة
عشق : تصبح على خير يا سليم
سليم : وانتى من أهل الخير يا ام العيال
عشق : ربنا يستر منك يا أبو العيال
سليم بضحك : ده انا ناويلك على نيه سودة
عشق : بتقول ايه!!!!؟؟؟؟
سليم : بقولك نامى يا روحى
نهض سليم فى الصباح الباكر قبل أن تستيقظ عشق لكى يحضر الإفطار ولكنه صدم عندما رأى من يأكل هناك
سليم : انت بتعمل ايه هنا ع الصبح
زياد وهو يأكل : أبو سولوم حبيبى تعالى اقعد كل لقمة معايا
سليم : انت بتعمل ايه؟؟؟؟!!!!
زياد : بفطر ....تعالى اقعد متتكسفش انت مش غريب
سليم : .........
يتبع
(ملاكى الصامت )
البارت الثاني والعشرون.....(الاخير )
سليم : أنت ملاحظ مكانك ....قصدى يعنى انت عارف انت قاعد فين
زياد : ايه يا سليم ....مالك يا حبيبي انت فقدت الذاكرة تانى ولا ايه .....انا قاعد ف المطبخ بفطر
سليم : والمطبخ اللى انت بتفطر فيه ده ف بيت مين
زياد : ف بيتك
سليم : انت شايف إن الوضع طبيعي يعنى
زياد : أنت شكلك لسه نايم ... خلاص روح كمل نومك اكون انا اتغديت
سليم : يا اخى والله بحس انك مفجوع ...انت بتاكل اكل الاسبوع كله على الفطار
زياد : فين ده ....ده انا يا قلب امى هفتان اهو انت اللى مش طايقنى من ساعة ما اتجوزت..... شكراً يا سليم بيه مش واكل حاجة تانى
سميحة : صباح الخير يا سليم ......انا جبت الرز باللبن اللى انت طلبته يا ابنى
زياد : حبيبتى يا دادة والله عاوز بقى شوية مكسرات عليه
سميحة : حاضر استنى هجبلك
زياد : لأ هو انا لسه هستنى بصى أنا هاكل ده وانتى هاتى واحد تانى ب مكسرات هاكله برضو
سميحة : حاضر يا ابنى
زياد : كنت بتقول ايه يا سليم .....تعالى خدلك معلقة رز ده طعمه تحفة هيعجبك اوى
سليم : .........
زياد : انت ساكت ليه ....لو مش عاوز رز فيه مهلبية
سليم : يا صبر ايوب......انت ايه اللى جابك يا زياد
زياد : جابنى فين
سليم : ايه اللى جابك هنا ع الصبح
زياد : أه قصدك عندك يعنى ..... لأ انا قومت لقيت نفسي فاضى قولت اجى افطر معاك انا عارف إنك متقدرش تعيش من غيرى
سليم : نعم يا روح امك
زياد : خلاص يا عم ده انت رخم ياض الواحد ميعرفش بهزر معاك
سليم : اخلص وقول جاى ليه
زياد : هنتكلم هنا يعنى خلينا نقعد بره وهقولك
سليم : على أساس أنه بيفرق معاك المكان اوى وبتتكسف .... يلا يا أخويا
زياد : ماشى ....... دادة سميحة معلش ابعتيلى الرز ابو مكسرات والبسبوسة ع الصالون ...عاوز حاجة انت كمان يا سليم
سليم : ..........
زياد : يبقى مش عايز .... يلا
سليم : خير عاوز ايه ع الصبح
زياد : طب استنى اخلص اكل وبعد كدة اتكلم
سليم : زيااااااااااااااد
زياد : خلاص هقول ....انا عاوز اتجوز
سليم : نعم يا اخويا!!!؟؟ اومال احنا كنا بنعمل ايه عند الناس من يومين
زياد : ناس مين
سليم : انت عاوز تموتنى صح قول متتكسفش
زياد : بعد الشر عليك يا حبيبي ....اومال انا هاكل فين
سليم : قول عاوز ايه على طول
زياد : انا مش عاوز خطوبة والجو ده انا عاوز اتجوز على اخر الاسبوع كدة بالكتير
سليم : وانت عاوزنى اروح اقول للناس انى هجوزك بنتهم وهما لسه عارفينك من يومين
زياد : وهما هيلاقوا حد ف أدبى وحلاوتى وجمالى وخفة دمى واحترامى أصلا
سليم : لسه فى تانى ؟
زياد : طبعاً فى كتير بس أنا مبعدش ....هو انت شاكك فيا ولا ايه
سليم : انا أقدر اشك فيك ده انت خارق مشوفتش ولا هشوف ذيك
زياد : ما انا عارف ....المهم أتصرف يلا انا عاوز اتجوز اخر الاسبوع ده
سليم : وانا كمان هيكون فرحى اخر الاسبوع
زياد : الف مبروك يا صاحبى
سليم : الله يبارك فيك
زياد : عقبا.......انت قولت ايه ؟؟؟!!! فرحك ازاى يعنى ....فرحك على مين
سليم : هيكون على مين يعنى ...اكيد عشق
زياد : ده اللى هو ازاى بقى؟؟
سليم : ايه اول مرة تشوف حد هيتجوز
زياد : لأ هو انا اول مرة أشوف حد متجوز بيتجوز مراته
سليم : انا فعلاً اتجوزت عشق بس معملتلهاش فرح ولا اى حاجة من دى ....هى بنت واكيد كانت بتحلم باليوم ده زى كل البنات وانا مش عاوز احرمها من الفرحة دى وعلشان كدة هعمل فرح لينا آخر الأسبوع يوم عيد ميلادها
زياد : وهى عارفة الكلام ده
سليم : لأ هخليها مفاجأة
زياد : خلاص يبقى تتصرف وتقنع أهل ريم علشان اتجوز معاك
سليم : ادينى سبب واحد يخلينى اساعدك واعمل كدة علشانك
زياد : هفطر ف بيتى ومش هنطلك كل شوية ...ده مش سبب
سليم : معاك حق أعتبر الموضوع ده خلصان وجهز نفسك يا عريس
زياد : هو انت مش ناوى تخرج الدكتور اللى اسمه مجدى ده ....ده اتهرى من كتر الضرب حرام عليك
سليم : ماشى خليهم يخرجوه ....انا فرحان ومش هدايق نفسى بسببه
زياد : وايه اللى مفرحك يا اخويا
سليم : عشق حامل
زياد : انت بتهزر ولا بتتكلم جد
سليم : والله ما بهزر
زياد وهو يحضن سليم : الف مبروك يا حبيبى انت تستاهل كل خير يتربى في عزك
سليم : الله يبارك فيك .... عقبالك يا صاحبى
زياد : إن شاء الله ......الواد ده اول ما يجى انا اللى هربيه واعلمه الأدب
سليم : مش لما انت تتربى وتتعلم الادب الاول
زياد : ما انا هخليه نسخة منى
سليم : هو انا طايقك أساساً...... عملت ايه في موضوع الورق اللى هيتقدم للمحكمة
زياد : متقلقش كل حاجة تمام .....انا جبت الورق اللى يثبت إن عمك عثمان هو اللى ورا شغل المافيا مش عمى حلمى
سليم : طب وقضية القتل
زياد : مفيهاش حاجة دى معروفة أنها دفاع عن النفس وكمان عثمان هو اللى كان رافع على مراتك وابوك السلاح وهو عمل كدة دفاع عن نفسه وكل الكلام ده كان قدام الظابط..... متقلقش كل حاجة متظبطة وهيخرج من اول جلسه إن شاء الله
سليم : يا رب يا زياد .......انا مش عارف اقولك ايه مع انك رخم وقارفنى بس جدع ...ربنا يخليك ليا يا صاحبي
زياد : يا ابنى انت أخويا ومستعد اموت علشانك وكمان اعيش واقرفك يا حبيبي
سليم : امشى يا زياد
زياد : لأ أنا مستنى البسبوسة لو وراك حاجة امشى أنت
سليم : انا هكلم أهل خطيبتك دلوقتى واقنعهم لانى بجد مش قادر استحملك اكتر من كدة
زياد : تشكر يا صاحبى .....انت هتحضر جلسة المحكمة صح
سليم : اكيد طبعاً وهيخرج إن شاء الله وهيحضر الفرح كمان
زياد : انا بجد مبسوط أن علاقتك مع عمى حلمى رجعت تانى
سليم : عمرى ما كنت أتخيل إن اليوم ده يجى ...بس من ساعة ما عشق دخلت حياتى وهى غيرت كل حاجة
زياد : ربنا يخليكوا لبعض يا صاحبى ......انا همشى سلام
سليم : والبسبوسة
زياد بضحك : خليهالك انا مبحبش اكون تقيل على حد
سليم : لأ ما انا عارف من غير ما تقول
مر الاسبوع وخرج حلمى من السجن وجاء موعد زفاف زياد وريم وسليم وعشق وأيضاً يصادف يوم عيد ميلاد عشق
سليم : فى ايه يا حبيبتي مالك ؟ سرحانة ف ايه
عشق : سليم هو انت مش فاكر حاجة
سليم : حاجة زى أيه
عشق : يعنى النهاردة يوم عادى ولا مميز
سليم : طبعاً مميز هو فى احلى من اليوم ده
عشق : ايوه ليه بقى مميز ؟
سليم : لأن النهاردة فرح صاحب عمرى واخويا زياد اكيد لازم يكون يوم مميز
عشق : ماشى خلاص
سليم : انتى مش هتروحى لريم ولا ايه ...دى مستنياكى من بدرى
عشق : عارفة انها مستنيانى انا ماشية اصلا.....ومن غير سلام كمان
سليم بضحك : خلاص براحتك من غير سلام
ريم : عشششششق
عشق : ايه ؟؟ فى ايه مالك يا ريم بتزعقى كدة ليه
ريم : انا بقالى ساعة بنادى عليكى ايه سرحانة ف ايه
عشق : مفيش
ريم : هو ايه اللى مفيش انتى مش شايفة شكلك ....ايه اللى مزعلك
عشق : سليم مش فاكر عيد ميلادى
ريم : وانتى قولتى له قبل كدة تاريخ عيد ميلادك
عشق : لأ بس هو المفروض يعرف
ريم : خلاص متزعليش نفسك وانسى الموضوع....قوليلى بقى ايه رأيك ف الفستان ده
عشق : الله جميل اوى يا ريم ....بس ده مش فستانك
ريم : ما انا عارفة ده فستان شوفته هنا وعجبنى وقولت لازم اشوفه عليكى
عشق : وانا هلبسه ليه
ريم : جربيه يا عشق علشان خاطرى ....نفسى أشوفه عليكى
عشق : بس.......
ريم : مفيش بس يلا ادخلى إلبسيه
عشق : حاضر
ريم : الله اكبر عليكى انتى جميلة اوى انا خايفة احسدك
عشق : مش للدرجادى يا ريم الفستان هو اللى حلو
ريم : هو فعلاً حلو بس عليكى يجنن .... دلوقتى دور الميكب
عشق : ميكب ايه .... لأ أنا مش هحط حاجة إلا أما اقلع الفستان ده والبس فستانى
ريم : لما تحطى الميكب ابقى اقلعى الفستان براحتك يلا علشان انا عاوزة اشوفك بالفستان ده مع الميكب
عشق : يا ريم احنا كده هنتأخر
ريم : متخافيش مش هنتأخر ولا حاجة اقعدى انتى بس
عشق : طايب ........... انا مش عارفة مين العروسة فينا ....ايه اللى انتى عملتيه فيا ده لسه هغير هدومى تانى حرام عليكى يا ريم
ريم : اسكتى بقى وبصى على نفسك شوية ف المرايا هتلاقى قمر واقف
عشق : انا هدخل اغير الفستان ده قبل ما سليم يجى ......الباب بيخبط
ريم : دول اكيد زياد وسليم
عشق : هعمل انا ايه دلوقتي انا لسه عاوزة اغير هدومى
دخل سليم وزياد عليهم وفى يد كلا منهما بوكيه ورد ووقف كل واحد أمام زوجته
زياد : ايه يا ولاد القمر ده
ريم : شكراً
زياد : شكراً ايه هو انا بعزمك على الغدا انا بعاكسك
ريم : وكمان بتقولها ف وشى
زياد : انا جوزك على فكرة
ريم : وايه يعنى جوزى برضو مينفعش تعاكسنى
زياد : هو اللى أنا بعمله ف سليم هيطلع عليا ولا ايه
ريم : هو الورد ده ليا
زياد : لأ لعم حسن البواب اصل النهاردة عيد ميلاده
ريم : ظريف اوى انت يا زياد
زياد : هو انتى لسه شوفتى حاجة ....خدى يختى الورد ده خلينا نمشى بلاش قرف
ريم : بيئة أوى
زياد : سمعتك على فكرة
ريم : قاصدة انك تسمع على فكرة
سليم : ايه ده ؟؟
عشق : اقسم بالله يا سليم ريم هى اللى لبستنى كدة وانا قولتلها أننا هنتأخر وهى مش سمعت الكلام وانا وافقت علشان هى متزعلش انت عارف النهاردة فرحها وانا مش عاوزة ازعلها .....بص ادينى خمس دقايق وانا هلبس على طول والله
سليم : تلبسى ايه بس ده انتى تجننى انا مش عارف هخليكى تخرجى كدة أزاى....الكل هيفضل يبصلك
عشق : انا مش فاهمة حاجة
سليم : يلا بس نخرج علشان اتأخرنا وابقى افهمى براحتك بعدين
عشق : هخرج ازاى كدة ....ده انا عاملة زى العروسة
سليم : انتى فعلاً عروسة والنهاردة فرحك
عشق : ............
سليم : ريحى دماغك دى من التفكير شوية ويلا نمشى وهتفهمى كل حاجة بس يلا
ذهبوا جميعاً إلى القاعة وكان حلمى فى انتظارهم يشرف على باقى التجهيزات وأخذ كل واحد عروسته للرقص
زياد : مالك فى ايه ؟
ريم : مفيش
زياد : ازاى مفيش احنا من اول ما بدأنا نرقص وانتى مضايقة
ريم : اصلى كنت عاوزة اعرف ومعرفتش؟؟
زياد : ايه هو اللى كنت عاوزة تعرفيه
ريم : دايما ف الافراح كنت بشوف العريس والعروسة وهما بيرقصوا سلو بيضحكوا جامد ويفضلوا يتكلموا وانا كنت هموت واعرف بيقولوا ايه وقولت لما اتجوز هعرف واتجوزت اهو وبرضو لسه معرفتش
زياد : يعنى انتى اتجوزتينى علشان تعرفى العريس والعروسة بيقولوا ايه
ريم : ايوه
زياد : ..........
ريم : انت ساكت ليه
زياد : ده فعلاً ذنب سليم ....انت شكلك هتربينى من جديد
ريم : انت لسه شوفت حاجة
زياد : ربنا يستر
عشق : مالك يا سليم
سليم : انا عاوز امشى
عشق : عاوز تمشى ازاى .....هو مش انت اللى محضر كل ده
سليم : ايوه انا
عشق : طب عايز تمشى ليه
سليم : انتى مش شايفة الكل بيبص عليكى ازاى
عشق : اكيد لازم يبصوا عليا
سليم : وده ليه إن شاء الله
عشق : علشان انا العروسة
سليم : انتى عاوزة تعصبينى صح
عشق : انت متعصب لوحدك
سليم : خلاص يا عشق خلى اليوم ده يعدى على خير بدل ما اقتل حد دلوقتى
عشق : خلاص قلبك ابيض هسكت
*******بعد مرور سبع سنوات ********
عشق بعصبية : انتى بتضحكى عليا يا ريم
ريم : انتى مش شايفة نفسك متعصبة ازاى وبصراحة منظرك يضحك ....... وبعدين فى واحدة ف الدنيا تزعل انها حامل
عشق : انا حاسة انى بقيت أرنبة
ريم : حاسة ايه انتى فعلاً أرنبة ... يعنى جبتى حلمى وملك الاول وبعد كدة مالك وبعد كدة سليم الصغير وعشق الصغيرة وبعد كدة ادهم ودلوقتي حامل اهو .....ف انتى أكيد أرنبة يا حبيبتي
عشق : اتريقى عليا اوى وبعدين انتى مش خسرانة حاجة مش عندك غير اتنين
ريم : دول حلوين اوى وكفاية كمان ......هو سليم لسه عاوز يجيب تانى
عشق : سليم لو يقدر يخلينى اخلف كل يوم كان عمل كدة
ريم بضحك: عشق ربنا يخليكوا لبعض
سليم : حاسس إن فى حد بيجيب ف سيرتى .....مالك يا عشق زعلانة ليه
عشق : مفيش هو فى حاجة ازعل منها
سليم : انتى لسه مضايقة من موضوع الحمل
عشق : مش موضوع مضايقة يا سليم بس كفاية كدة
سليم بضحك : انا متفق على عشرة مليش دعوة انتى دلوقتى جبتيلى ستة وحامل ف واحد يبقى سبعة يبقى أنا فاضلى عندك تلاتة
عشق : انت بتهزر اكيد والنبى كفاية يا سليم علشان خاطرى
سليم : موافق بس بشرط
عشق : ايه هو
سليم : هنسافر انا وانتى لوحدنا اسبوع كدة
عشق : مش هينفع علشان الولاد
سليم : يا حبيبتى دادة سميحة هنا وكمان فى بدل المربية اتنين وكمان بابا موجود ولا ايه يا حلمى
حلمى : اتحايل عليا شوية وبعد كدة هفكر أوافق
سليم : اخبارك ايه مع دادة سميحة
حلمى : احم ......يا بنتى اسمعى كلام جوزك واحنا موجودين مع الولاد متخافيش
سليم : جدع يا حاج.......ها قولتى ايه
عشق : موافقة
ريم : زياد
زياد : نعم
ريم : هو انت بتحبينى
زياد : نعم يختى؟؟؟
ريم : انا مش بهزر
زياد : اوماال اتجوزتك ليه
ريم : معرفش
زياد : بصى يا ريم متحاوليش تقارنى علاقتنا بحد تانى أنا مش سليم وانتى مش عشق
ريم : مش قصدى حاجة والله انا بس......
زياد : عارف يا حبيبتي والله بس أنا عاوز اقولك انى بحبك جدآ كمان وبعدين احنا مش زى سليم وعشق هما حاجة واحنا حاجة تانية خالص
ريم : ازاى يعنى مش فاهمة؟
زياد : يعنى يا حبيبتي سليم لما بيرفع بس صوته على عشق هى بتعيط وبتزعل أما أنا امبارح قولتلك فين العشا خرجتيلى ب مفتاح الأنبوبة وكنتى هتفتحى دماغى
ريم : اوماال عاوزنى اسكتلك ولا ايه
زياد : شوفتى عرفتى أننا مميزين وعاملين زى أبو دومة وأبو جبل ف البيت
ريم : انت صح انا أساساً مليش ف المحن والحاجات دى
زياد : علشان كدة أنا كاتب ف القايمة ربنا يجعلها اخر الأحزان كتبها بعد النيش ربنا يجعلها اخر الأحزان
تمت بحمد الله