رواية نحن معا للأبد
الفصل الثاني 2
بقلم لوجينا إبراهيم
سديم وقفت على سطح الفلة لا مستحيل اتجوز مراد وقررت خلاص انها تنط وتنتحر وفجأة.......... ابراهيم شدها من ايديها واخدها فى حضنة وهيه كانت منهارة من العياط وبتفتكر لحظة ما فلاش باك
سديم كانت مع مامتها فى الاوضة بيظبطوا لبس الجامعة لسة اول سنة ليها بقالها سنين بتحلم بيها ايوه هيه كلية طب حلم سديم من الطفولة تعريف سريع لسديم
سديم ابراهيم السباعى: 18 سنة بنت محجبة مؤدبة ورقيقة اوى وخجولة و مجتهدة جدا عندها حلمين فى حياتها الاول انها تسعد اهلها و التانى انها تبقا دكتورة علشان تساعد كل انسان وكل طفل وتخفف الامهم
دخل ابراهيم الاوضة سديم حبيبتى عايز اتكلم معاكى انتى عارفه بابا بيحبك قد ايه ويهمه مصلحتك وعمره ما هيعمل حاجه تضرك
سديم: اكيد يا بابا
ابراهيم: انتى هتتجوزى انهرده
الام بصدمة: انت ايه ال انت بتقوله ده انت اكيد بتهزر
ابراهيم: لا مش بهزر انتى لازم تتجوزي مراد انهرده
سديم: بابا حبيبى لو ده مقلب صح خلاص يا بابا متهزرش معايا كده انا مبحبش الهزار ده
ابراهيم: ده مش هزار ديه وصية جدك ابويا الى بحبه وبحترمة وانتى بتحبيه وانا لازم اريحه في تربته
سديم: لا جدو مستحيل يعمل فيا كده وبدأت تعييط وانت مستحيل ترمينى كده مش ده مراد ابن عمو محمود الى بقالكوا 3 سنين متخانقين مع بعض مش ده عمو محمود الى بيكهرك اكتر حاجه فى حياته وعايز يدمرك ويدمرنا كلنا مش ده عمو محمود الى ميهموش حاجه غير الفلوس
ابراهيم: انا مغلوب على امرى يا بنتى اعمل ايه ديه وصية جدك
الام: لا مستحيل بنتى مش لعبة فى ايدك ترميها فى النار بالشكل ده انت نسيت كل حاجه عملها محمود فيك ده كفاية انه حاول يقتلك كمان عايز ترميله بنتك لا مستحيل
ابراهيم : بس اهدى يا مى وتعالى هنتفاهم فى اوضتنا وانتى يا سديم جهزى نفسك وده قرارى النهائى
مى ( الام): انت بتقول ايه انت اتجننت
ابراهيم مسكها من ايديها واخدها يتكلموا بره الاوضة
سديم انهارت من العياط وجريت طلعت على سطح الفلة لا مستحيل اتجوز مراد وقررت انا تنتحر فباباها لحقها نرجع تانى من الفلاش باك
سديم بتعيط فى حضن باباها
ابراهيم: هما ست شهور بس يا روح بابا انتى لو تعرفي انا موجوع قد ايه هتعزرينى ديه وصية جدك ولازم انفذها متصعبيش الموضوع عليا اكتر من كده انا هسيبك تفكرى شوية فى الموضوع ومش هغصبك على حاجة
______________
نروح عند نهال ومنى كانوا عايزين يتأكدوا ان الخطة ماشية كويس فاتصلت نهال بابراهيم وفتحت الاسبيكر
نهال: ايه يا ابراهيم قولت لسديم ايه ده ابراهيم انت بتعييط
ابراهيم: نهال انا لا يمكن اعمل كده وفى بنتى انا خلاص رجعت فى قرارى انا لو عملت فيها كده مستاهلش اكون اب انا ايه الى فكرت فيه ده انا خليت بنتى الرقيقة الى طول عمرها تعرف ربنا تفكر تنتحر
نهال: اهدى بس وكل حاجه هتتحل وقفلت معاه
نهال: هنعمل ايه كده الخطة هتفشل
منى بنظرة كلها خبث وشر : متقلقيش انا عندى خطة قوية و المرادى بالذات مش هتفشل وسديم ومراد هيتجوزوا ولو مش انهرده هيبقا بكره بالكتير
نهال: ناوية على ايه يا منى انا النظرة دى مش بتريحنى
منى :لا المرادى مش هقولك هحتفظ بالخطة سر بس هطلب منك حاجة ولازم تنفيذها من غير متسألى وطلعت علبة دوا من شنطتها نهال هتروحى لمحمود ولازم تديله الدواء دا باى طريقة اتصرفي بومن غير اسئلة فاهمة
نهال: ماشى وراحت لمحمود
فى الوقت ده منى طلعت علبة دواء تانية من شنطتها
منى : العلبة دى بقا من نصيبك يا ابراهيم ضحكت ضحكة خبيثة 😈😈 يا ترا ناوية على ايه
فى بيت محمود السباعى كان محمود قاعد مع مراته السوسة زيه اسمها راندا :اهم حاجة عندها منظرها قدام الناس والفلوس والمجوهرات واامكياج والللبس ومكانتها الاجتماعية
مراد كان لسه راجع البيت
محمود : مراد تعال شوية عايزك انت كونت فين
راندا: مالك يا محمود فيه ايه كان خارج هو وخطيبته سارة شوية
محمود: خلاص مفيش حاجة اسمها سارة تانى
مراد: مش فاهم
محمود: انت هتتجوز انهرده
راندا: انت اكيد بتهزر انت عارف علشان نستعد انا وسارة للفرح عايزين اسبوع قبلها
محمود: مراد مش هيتجوز سارة مراد هيتجوز سديم
راندا قامت وقفت انت تقصد سديم السباعى بنت اخوك و احولت فجأة من الصدمة ووقعت على الارض
مراد : ماما فوقى
راندا: انت مش سامع ابوك بيقول ايه انا مستحيل اخلى البنت دى مرات ابنى انت ناسى امها وعيلتها عملوا ايه فيا وفأختى وفيك ايه انا لا يمكن اسمح بكده ابدا
محمود: ده قرارى النهائى وانا مبخدش رأيكوا انا بقولكوا علشان تجهزوا
مراد :انا مش موافق ده قرارى ودى حياتى انا حر من حقى احب واختار انت عملت فيا كده برده فى موضوع سارة
محمود: مفيش نقاش اتفضل اطلع على اوضتك بعصبية
مراد بضيق طلع على اوضته فى الوقت ده وصلت نهال وبمسكنة خبيثة لا يا محمود اعصابك العصبية دى وحشة علشانك وبعدين متنساش انك تعبان انا هجبلك المهدأ بتاعك وبدلت حباية المهدأ بحباية الدواء الى منى اديتهولها و اديته لمحمود بنظرة شر بالهنا والشفا يا اخويا
(اخوكى ايه بس بعد كل ده )
مراد طلع اوضته وهوه متدايق مش علشان هيتجوز سديم لا علشان تحكم ابوه فى علطول انه بياخد كل القرارات عنه حتى اهم قرار فى حياته
بص من شباك الاوضة بضيق وهو بيفتكر يوم خطوبته هو وسارة
فلاش باك
محمود : مراد انا ومامتك قررنا اننا نجوزك سارة بنت خالتك وخطوبتكم بعد بكرة
مراد:ايه انا مش موافق
محمود: احنا خلاص ادينا كلمة للناس
مراد: بس انا مبحبهاش
محمود: مش مهم هتحب بعض بعد الجواز سارة بنت غنية وبنت ناس معروفين واكيد هتخليك مبسوط وسابو ومشى وفعلا مراد وسارة اتخطبواعلشان يرضى اهلنا بس مراد مكانش مبسوط علشان سارة كل كلامها معاه هتجيبلى هدية غالية هتعشينى فى مطعم غالى كل كلامها على الفلوس والهدايا
حتى لما مراد سافر لمده شهر برة مصر متصلتش تسأل عليه واتصلت تقوله يجبلها هدايا وبراندات غالية من برة
وفى العلاقة ديه كانت سارة هيه ال مبسوطة مش مراد ومراد عمره محب سارة او ادزها مكان فى قلبوا
نرجع تانى فاق مراد من سرحانه على صوت مامته بتصوت محمووووووود
الحقنى يا مراد
__________________
فى بيت ابراهيم السباعى راحت منى لابراهيم علشان تنفذ الخطة لقته فى اوضته و متعصب اوى وكان بيعيط
ابراهيم: انا اب وحش اوى ايه الى انا كنت عايز اعملوا فى بنتى ده
منى بمسكنة وبتمثيل:خلاص يا ابراهيم مش انتا قولتلها تفكر هنشوف لو وافقت يبقا خير وبركة ولو موافقتش خلاص هنعمل الى يريحك احنا ميهمناش غير سعادتك انت وسديم ولازم تخلى بالك من صحتك يا اخويا احنا ملناش غيرك خد منى حباية المهدأ دى وهدى اعصابك وهترتاح صدقنى مفيش دقائق كان ابراهيم وقع على الارض زى محمود
منى بضحكة شريرة بعد متأكدة من نهال ان محمود كمان وقع مغمى عليه: كده بقا اللعبة احلوت اوى والخطة هتنجح وهاخد الورث ولو سديم ومراد متجوزوش مبقاش انا منى السباعى😈😈
يا ترا منى ناوية على ايه وايه الخطة...........
كاااااات..