يس: وااااا الجدع مصوب الفرفر لسامر اكده ليه والمجنون ده عاوز يطخه ايااااك وأقترب يس من خلف رؤوف وضربه على يده واوقع المسدس واتجه بجوار سامر
رؤوف: بفزع من ضربه يس انت مجنون ايه الي بتعمله ده وازى تتجرأ عليا كده وجاء ان ياخذ المسدس فاوقفه سامر ويس
سامر: اجف واصلب طولك واتحدت مليح وزى ما جولت لسه عندى فى العمر بجيه وضربه سامر بالروسيه علي راسه فاغشي عليه
يس: انت جنيت كيف عتضربه اكده دلجيت الرجاله دولي هيدورو عليه وهتتغفلج عليك وعليا ومش عيهملونا واصل ونظر لرؤوف الملقي على الارض وده هنهملو اهنه ولا ايه
سامر: مد يدك امعاى انى هنزله تحت فى الاوضه الي كان مربطنا فيها وهربطه كيف الدبيحه وبعد اكده هطول وادور على بوى فينه لازمن الاجيه هم بينا ننزله تحت
جاسر: خبر ايه ي عدلى لسه فاضل كتير انى جلبي واكلنى ومش عرتاح اكده انت مستنى ايه منشان نفوت لجوات البيت
عدلي: استنى هبابا الحرس اهنه هيهملو المكان وجتها احنا هندخل البيت جبل ما ياجو غيرهم وبعدين خليك حليم مالك اكده
جاسر: مخبرشي حاسس ان نفسي عيضيج منى وكان فى حاجه عفشه عتوحصول وانى مش مرتاح هاين عليا ادخل اجتلهم كلياتهم واتدلي للبيت ده واجيب مرتى وخوى
عدلي: ونظر اليه انى مجدرشي اجولك اصبر انى خابر وجعك زين بس كمانى لو حوصل ليك ايتها حاجه محدش هيطلعهم من اهنه اتمهل كلها دجيجه ويبعدو .....
فاطمه: وبعد ان اغلقت الباب ونظرت لغرفتها وبشمئزاز انى يستحيل اجعمز اهنه الجناح ده جام على الكدب والغش وانى مخبراشي الجدع ال عشت معاه السنين ظى كلياتها يبجى مين وليه خبي عنى الحجيجه دى لييييه وظلت تنظر في كل اتجاه للغرفه ولم تنتظر فخرجت منها واتجهت لغرفه منى
منى: بنعس مين فتح النور طفيه ي ناهد وهملينى انعس هبابا
فاطمه: انى مراه عمك ي حبيبتى انى مجدراشي انعس في اوضتى وجلبي تجيل وكمانى وصمتت لبرهه بجولك ايه ماتيجى تنعسي امعاى واها ناخد بحس بعض
منى: واعتدلت ووقفت مالك ي مراه عمى فيكى ايه حساكى ضيجانا تحبي تتحدتى امعاي
فاطمه: ورفعت عينيها لسقف الغرفه ونظرت لمنى هتاجى امعاى ولا اهملك تنعسي اهنه
منى: لع انى جايا امعاكى وبجولك ايه انى هتدلي اعملك عصير ليمون وبعديها هتنعسي طوالي مش هعوج عليكى
فاطمه: وانى رايحه لاوضتى بس بجولك ايه شوفي ايناس لساتها نعسانه ولا صحيت لو صحيت هاتيها معاكى الليل طويل خلينا نكسر ملله ده
منى: واشفقت على زوجه عمها وعلى قلقها على ايناس وعدم قدرتها علي ابلغ احد عن غيابها ونزلت للاسفل لكى تعد العصير
عزت: وظل جالس يحدث نفسه بين ان ينهى حياه فاطمه الليله او ثانى يوم ووقف لع ليه ااجل انى النهارده مليح وجاسر بايت في الارض وكمانى محدش اهنه هيوعالى واصل واتجه لدولابه وأخذ صندوق الثعبان وحمله بحرص
ناهد: فى غرفتها انى الفرحه مش سيعانى اخيرا هتجوز جاسر وهكون مرته وكمانى مراه عمى راضيه عنى وعتجهز لفرحى وجالت انها عتهمل السريا ليا انى اتحكم وامر فيها كيف ما أنى عاوزة انى مش جيلي نوم من الفرحه انى هدخل المطبخ واعمل وكل منشانى وشرعت في الدخول للمطبخ واااا منى اتى عتسوى ايه اهنه اتى عتاكلي
منى : بخضه حرام عليكى اتى ايه فى حدا يتحدت اكده فزعتينى وانى بعمل عصير لمراه عمك اصلها مش جيلها نوم
ناهد: ولا انى جيلي نوم خلاص بعدى اكده انى الي هعمل العصير ده لمراه عمى ونجعمز وياها لحدا ماتنعس ايه جولك
منى: وماله يلا اعمليها وانى طالعه عنديها بس متعوجيش سامعه وصعدت مني السلم فرأت ابيها يتسحب بطريقه عجيبه والاغرب انه لم يلاحظها فمشت من خلفه وتعجبت اكثر لما يحمله واتجاهه لجناح عمها ولكنها نادت عليه بوى
عزت: بفزع وخضه واااا اتى ليه صاحيه لدلجيت خلعتينى ي بت الركوب جاتك الهم
منى: واااا انت رايح لوين اهنه جناح عمى ولا بينك تهت ي بوى ومخبرشي انت رايح لوين
عزت: بخبث وااااا بينه اكده اصلي كنت نعسان وجولت انزل اكل ايتها لجمه
منى: ونظرت لما يحمله طب وايه الي في يدك ده حضرتك نازل تاكل ولا هتعبي الوكل
عزت: واحتضن الصندوق واتى مالك ومال الي اشيله فسحى اكده خلينى افوت واجفه جصادى وعاوزه تاخد منى حديت هو ايه ده وتركها ونزل للاسفل فرأي ناهد تحمل كوب عصير واتى صاحيه ليه هو خبر ايه الليله دى بينها ليله غبرا
ناهد: مالك ي بوى حمجان اكده ومالك عتتحدت ويا حالك في حاجه وشكلك اكده متعصب
عزت: ونظر خلفه انى عتجن خيتك رايحه للحجه فاطمه فى اوضتها انى مخبرشي فى ايه بيناتهم
ناهد: ولا حاجه مراه عمى مش جيلها نوم وانى عملت منشانها عصير وهجعمز وياهم فوج لحدا ماتنعس
عزت: جاتك الهم ي مخبله انى جبت الحيه الي هخلص بيها على الحجه فاطمه منشان البيت اهنه يخلي ليكى لحالك بس خيتك واتى كمانى هتجعمزو معاها
ناهد: بفزع وااااا عاوز تخلص عليها جبل فرحى منشان جاسر يلغي الفرح وكتب الكتاب كمانى انت عاوز تجلطني انى صوح ابجى خلص عليها بعد فرحى بالحيه دى ولا حتى تولع فيها انى متفرجشي معايا واصل بس جاسر لع اتمهل ي بوى
عزت: وسرح ايوة صوح كيف فاتت عليا دى وكيف مفكرتش فيها جاسر مستحيل يتجوز بعد امه ما تموت وهيحزن عليها وهو متجوز بتى مجبور انى هرجع الحيه دى لصاحبها وابجي اجيبها تانى خلاص ي بتى اطلعي اتى احداها وانى هطلع انعس وبعد فرحك عدربها تانى تصبحي على خير
ناهد: وانت من اهله وصعدت لغرفه فاطمه وطرقت علي الباب انى عملت عصير منشانك بالف هنا على جلبك وبهمس لنفسها الهى ماتوعي تشربيه وجلست بجوارها امال فينها ايناس
منى : بارتباك نعست نامت من بكير ما اتى خبراها تحب تنعس وتجوم بدري واتى من الصبح تشوفي انهى اوضه عتجهزيها
ناهد: والله مخبراشي بس انى رايده جناح جاسر انى عحب الجناح ده ونفسي اتجوز فيه انى بجول احط حاجتى فيه ولو جاسر زعل هجوله مراه عمى هى الي جالت ولا ايه رايك ي مراه عمي.......؟؟
فاطمه: بقله حيله الي ريداه سويه ي بتى اعملي الي يريحك ويلا روحى ريحى منشان تجهزى حالك ووضعت فاطمه يدها على خدها وحدثت نفسها وينك ي بتى هملتى السرايا لوين وعيالي راحو فين ضيعتهم ي عاصم وياترى لو جري لايتها حدا فيهم حاجه عترتاح ولا مبجوش يفرجو امعاك الله يسامحك علي سويته فينا منك لله ....
ناهد: وضيقت بين عينيها وتعجبت لهم الحاجه فاطمه واااا مالها مهمومه اكده خبر ايه انى بينى فاتنى كتير جوي ومخبراشي مراه عمي عتخبي ايه لازمن احكى مع بوى واخبرة اكده في حاجه وانى معرتحشى ليها واصل ونظرت لاختها انى رايحه انعس ريدين منى ايتها حاجه
منى: لع تصبحي على خير .....
ناهد: وخرجت وهى تفكر باحوال زوجه عمها واختفاء ايناس ووقفت لبرهه واااا وهو من ميتا وايناس بتجعمز في اوضتها ولا حتى بتنام من بكير انى هروح حداها واطول عليها منشان اطمن واتجهت نحو غرفه ايناس وفتحت الباب ببطى ولم تستطيع الرؤيه في الظلام واتجهت للسرير فشعرت باحد نائم فابتعدت واااا دى نايمه صوح طيب اكده مليح اروح لبوى واخبرة عن مراه عمى واحوالها المتغيرة دى لتكون درت بايتها حاجه يااالهوى معجول لع لع انى لازمن اخبر بوى واغلقت باب غرفه ايناس وانجهت لغرفه ابيها .....
شهد: بتعب وارهاق بعد عنى ي حسان والله اجتلك بعد وازاحته بكل ما اوتيت بقوة وهبت واقفه انت ايه معتتغيرش شيطانك اكده سابجك انى بكرهك ومعحبش اطول في وشك ده ونظرت بجوارها فرات سكين الفاكهه واخذتها كى تهدد حسان
حسان: بنهجان وانفاس عاليه اتى ايه فاكرة حالك مين اتى خاطيه وعايشه اهنه ويا المصرواي ولا حلال عليه وحرام عليا انى اسمعي انى جيت اهنه منشان اخد الي عاوزة منيكى وهاخده ي بت عمى وبعد اكده انى مش رايدك ولا عاوز اطول في خلجتك دى عااااد واقترب منها وبدأ يقبلها بعنف
شهد: بصريخ بعد عنى هملنى ي مجنون انت واثناء صراخها شعرت وكان احد اخر معهم في الغرفه وابعد عنها حسان .......؟؟
عاصم: واااااااا انتى مالك اكده عتفركى كتير ليه ومالك مش علي بعضك في حاجه ايااااك ....؟
صفيه: لع مفيش ايتها حاجه بس كانى سمعت حدا عيصرخ وبينها البت الي فوج دي انى هروح اطول عليها لتكون فيها حاجه ولا عيانه ....؟
عاصم: ودى عتصرخ ليه اتى بينك جنيتى ويريت تموت وتريحنى منيها تعالى اهنه جارى منشان اتحدت وياكى جبل ما اروح للتسليم عاوز اخبرك عن حجات لازمن تعرفيها
صفيه: بعدم اهتمام خير عاوز تخبرنى بايه انى هسمعك اها
عاصم: انى اتجوزتك وحبيتك كتيير جوي انى جيت عليكى كتير بس ظروف شغلى اكده وانى كتبتلك ارض وبيت كبير لو حوصلي حاجه اتى هتكونى متامن عليكى وكمانى انى هجولك على حاجه انى اسمى عاصم واتجوزتك بالاسم ده وبوكى عرف اسمى وهددنى بانه عيروح ويخبر أهل بيتى وولدى الكبير منشان اكده انى طخيته ولان بوكى عرف كتير عنى ومكنش عاوز يشتغل امعاى
صفيه: بدموع وقهر وده سبب يخليك تطخه جدامى وتجهر جلبي عليه وكمانى دفنته اكده كل ده منشان ميخبرش اهل بيتك ....
عاصم: اسمعينى الحديت ده ممنوش عازة دلجيت انى جولت اكده منشان انى مخبرشي اذا هعاود النهارده ولا لع انى متوكد إن جاسر ولدى هيراعيكى ولدى راجل مليح ويعرف الاصول ولو جالك اثبتى حديتك ده فقدم لها اوراق خدى الورجات دول فيهم جسيمه جوازنا وكمانى عجد بيتك والارض الي جولت عليها حتى اذا في العمر بجيه انى مش عهملك في الجبل اهنه واصل عخليكى تدلي للبلد وانى هاجى عنديكى من وجت للتانى
صفيه: بدموع ونظرت اليه ليه الحديت ده كتير كنت عتطلع تستلم ولا مرة اتحدت امعاى اكده وطوالى وانت مهملنى وسط الرجاله دى ليل نهار لحالى منشان ايه عتخبرنى انطج في ايه ....
عاصم: مخبرشي بس انى جولت الى يريحنى وكمانى لو كان عندى وجت كنت اتدليت للحاجه فاطمه كنت عاوزها تسامحني انى هملتها كتير وحملتها مسؤليات كبيرة عليها وكانت كدها وانى معوزشي اجرحها وتعرف انى اتجوزت عليها هى ليها عن
دى مكانه كبيرة وعحبها كتير ونظر لصفيه اوعاكي تزعلي منى ومن حديتى ده
صفيه: واعتدلت ووقفت أمامه انى اول مرة اوعالك اكده وكأنى اول مرة اعرفك انت فيك ايه.....؟؟ وليه الحديت ده ....!!
عاصم: مفيش ايتها حاجه انى جبل ما اهمل البيت ده هخرجك من المغارة الى ورا البيت وعتمشي فيها لحدا ماتوصلي للبلد احداكم وتانى يوم اذا معاودتش روحى لولدى جاسر وهو عيتصرف امعاكى فاهمه
صفيه: بتوهان وعدم فهم انى فاهمه بس لو انت المشوار ده عيخوفك بلاش منيه فكر في عيالك وبلاها الشغله دى الى حامل فيها كفنك علي يدك طوالى
عاصم: اطلعي وهاتى لجمه اكلها جبل ما امشي من اهنه همى وبلاش تفكرى كتير يلا ي صفيه ....
صفيه: وخرجت من غرفتها وحدثت نفسها هو ماله ايه مغيرة اكده انى اول مرة اوعاله بالحاله دي معجول يكون حس عليا انى عخبر خوى وخوي بيبلغ الحكومه بس لع ده لو درى كان جتلنى موطرحى ونظرت اعلي السلم بس انى سمعت صريخ شهد ولا انى مالى يكون جري لمخى حاجه اياااك انى عجهز الوكل واتدلي عنديها ....
جاسر: عدلي عرفنى اوضه مرتى فين وانت اتدلي حدا خوي واستنونى يمه المغارة وانى مش هعوج
عدلي: احنا اهنه اخر البيت عنمشي هبابا هناك في سلم عيطلعك على فوج هتلاجى اوض كتير ادخل اخر اوضه يمه الجبل هتلاجى مرتك اهناك وانى هتدلى اجيب خيتى وخوك والجدع الي معاه وهم خلينا نطلع من اهنه ...
شهد: ونظرت لحسان والذي ابتعد عنها بقوة فاذا بابيها واقف امامها وبدا ينهال بالضرب على حسان بكل ما اوتى من قوه وهى في حاله من الذهول والتعجب
عيد: انت ايه ملتك دى ايه كيف تتعدى على بتى كييييف انى لازمن أخلص عليك انت الموت فيك حلال.....؟؟
حسان: وما ان نظر لمن ابعده عن شهد فالجمته الصدمه لرؤيه عمه امامه فلم يقوى على مواجهته وهو جاحظ عينيه.....
شهد: وهى الاخري ظلت تجوب الغرفه بعينيها وكأنها بحلم بوى واجى لاهنه كيييف واتدلي للجبل .....؟؟
عيد : وظل يضرب حسان الي ان وقع أرضا مغشي عليه وبدأ بتكتيفه ونظر لابنته كيفك ي بتى واقترب منها كى يحتضنها
شهد: فابتعدت عنه خطوة للوراء وهزت راسها بوى كيف اتدليت للجبل لع وكمانى لاوضتى اهنه انى مفهماشي ايتها حاجه اوعاك تكون وصمتت ؟؟؟؟؟
عيد: كلها شويه وجت وهتعرفي كل حاجه بس جربي اخدك في حضنى منشان اطمن عليكى اتوحشتك جوى ي بتى جربي اهنه وخبرينى عملو فيكى ايه نزلو عيلك كيييف ضربوكى ولا عطوكى علاج
شهد: وبدأ يظهر عليها الزعر من أبيها انت مين وكيف دريت بالي حوصل محدش عيتدلي من الجبل غير رجالتهم وهما الي بيعاودو ونظرت لابيها بتمعن لع لع انت منيهم انت عتشتغل ويا الهجامه دولي لع جول انك اتدليت منشان تجتلنى وتغسل عارك ده عندى اهون انطج ي بوي اتحدت امعاي خبرنى ونظرت لحسان الملقي ارضا ودة عتضربه ليه منشانى مش اهنه بتعلمهوم كيف يخطفو ويسرجو يبجى كييف عتضربه كييييف هو متوعد انه ياخد كل حاجه مش ليه وانهارت من البكاء وابتعدت عن ابيها .....
جاسر: وصعد السلم وتقدم للغرفه واستمع لحديث شهد فايقن بأن ابيها معها ونظر خلفه ومن كل اتجاه وفتح الباب ودخل مسرعا واغلقه من خلفه
عيد: ونظر خلفه وبعيون جاحظه جااااااسر
شهد: وبدأت تشعر بدوار وتراجعت للخلف بارهاق وبوجه شاحب اكده صوح خلص عليا انى اكده عرتاح اجتلنى واغسل عارك بيدك منشان ترفع راسك وسط البلد واياك تتحدت امعاى خلصنى
جاسر: واقترب منها اتى عاري اتى يترفع بيكى الراس اتى عجازى وضهري الي ميتحنيش واصل اتى عشج جاسر وجلبه انى عمد يدى منشان اخدك من اهنه ونبعد واخبيكى جواتى ي نوارة الجلب
شهد: ونظرت في عيون جاسر يعنى ايه انت عرفت الحجيجه ولا متعرفش
جاسر: انى خابر كل حاجه من زمان جوى وخفت عليكى لما وعيت انك عرفتى وكنت عتجن لما عرف رؤوف وخدك من جوات بيتى وانى معرفتش الحجك بس اهاااا انى جيت منشانك
عيد: خد مرتك وبعد من اهنه وانى عشوف الطريج واياك تعاود ولا تبص وراك فاهم
شهد: واقتربت من جاسر واحتضنته بعدنى من اهنه انى معوزاشي اشوفه انى معرفش ده مين خلينى اهمل الجبل ده
جاسر: واحتضنها بكل حنان متخافيش عنهمل المكان ده بس اوعاكي تظلمى بوكى بوكى راجل جدع وانى عحبه كتييير بس لما نعاود انى عحكيلك كل حاجة ودلجيت همى بينا
شهد: ونظرت لابيها بوى مليح كيييف وهو اهنه في الجبل وكمانى انى عرفت إن الراجل الكبير مش عم عاصم يبجى مين وانى وعيت لبوى اهنه يبجى هو الكبير ........
وفتح باب غرفه شهد انى الراجل الكبير وانى الي عمشي الكل اهنه بس بوكى كان ليا وش لازمن استخدمه منشان هو شبه خوى الي مات ....؟؟
جاسر وشهد: ونظرو وبذهول وزعر عم ذكي ......؟
ذكى: وااااا مالكم اكده اتخلعتو ونظر لجاسر يعنى عرفت كل حاجه ومعرفتش توصلي ادينى اهااا جدامك وكمانى انى فرحان بجيتك للجبل اكده انى عخلص عليك كيف ماكنت رايد من زمان وعخلص على بوك اصله خلاص كبر ومعادش ينفعنى واجله اجى خلاص
شهد: ووقفت امام جاسر وكانها تحميه معجول انت ي عم ذكى طب كيف ده انى بحلم صوح طب ليه عاوز تجتل جاسر وكمانى عم عاصم انى مفهماشي
جاسر: وامسك بيد شهد وابعدها من امامه وضحك كثيرا عن جد انت اخر واحد كان ممكن اشك فيه بس لما اتدليت لغيطى وعرفت انى عايش ساعدتنى والاعجب من ده كلياته انك تتعاون مع حسان وانى سويتلك بيت وسديت دينك الوهمي يبجى كيف عتطخنى ومرتين فى السرايا وفي ارضي انى كنت شاكك فيك ودلجيت اتوكدت خلاص بوجودك اهنه
ذكى: والله براوه عليك طب انى ممكن اهملك عايش انت والى معاك بس تشتغل امعاى انى محتاج لواحد كيفك تمام وبوك حاول كتير بس مجدرشي عليك ايه جولك فى حديتى ده
جاسر: وتقدم نحو ذكى انت خابر زين ردى انى يستحيل احط يدى في يدك عااااد وانى ممكن اتفج وياك بحاجه احسن من أكده
ذكى : بتعجب تتفج امعاي علي ايه فهمنى ....
تمت بحمد الله