رواية ترويض الشياطين الفصل الاول 1 بقلم ميار زاهر
في مدينه القاهره تحديدا عند شركه راغب الزيناتي
كان قاعد راغب علي مكتبه بيفكر في حل لولاده الي مفيش واحد فيهم عدل الكبير زين رائد في الشرطه وبيطلع مهمات كتيره جدا وراغب مبيشوفهوش الا بالصدفه تقريبًا ورافض فكره الجواز نهائيا وهو خلاص بقا عنده 30 سنه ولا ابنه التاني اسر الي عنده 26 سنه وخاربها في الكبريهات شرب وسهر ودايما بيرجع سكران البيت وراغب مش عارف يقعدلهم بسبب شغله ومامتهم ماتت بقالها اكتر من 10 سنين
راغب: انا بجد مش عارف اعمل ايه دول عايزين حد يربيهم من اول وجديد اذا كان الاول الي عايز واحده تعدله وتخليه يحبها والتاني الي تخليه ميشوفش غيرها ويبطل القرف الي هو بيعمله ده
واتنهد بتعب وقال: يارب ساعدني
ونروح لحاره شعبيه في بيت عادي كانت قاعده حليمه بتسرح لبنتها تماره الي عندها 15 سنه
حليمه بغضب: يا بت اسبتي خليني اعرف اسلكهولك
تماره: يا ماما مانتي ايدك تقيله اوي بصراحه دي اتقل منك انتي شخصيا
حليمه بشهقه: هييي قصدك ايه يا بت انتي ها قصدك اني طخينه لا بقولك ايه يا حبيبتي دانا ارفع منك وبعدين انتي الي شعرك عامل زي ليفه المواعين يا معفنه يلي مبتسرحيش الا مره في الشهر
تماره: انا انا مبسرحش الا مره في الشهر يا حليمه عيب تقولي كده دانا بسرحوا مره في الاسبوع
حليمه: لا لا لا دانا غلطت في حقك دانتي كده نضيفه بقا
تماره: لا استني اقولك علي التقيله بقا
حلميه: اصدميني يا بنت بطني
تماره: انا كمان بحط زيت علي شعري
حليمه: اكيد زيت الشعر دبر امله
تماره: لا يا حليمه انا بحط فاتيكا زيت زتون للشعر لو الشعر مقصف ماشي
حليمه: يااه داحنا تخطينا مرحله النضافه بقا
تماره: امال يا حلول دانا واخده جايزه اعفن واحده.... اقصد انضف واحده
حليمه: انتي هتقوليلي ما هو باين علي شكلك الي كل اما بتنزلي عليه الميه بينزل طينه
وقبل اما تتكلم تماره جت عليها اختها تقي والي عندها 23 سنه
تقي: ماماااااااااا انتي يالي اسمك حليمه الحلماء
حليمه: نعم ياختي
تقي: فين السنسكرين بتاعي
حليمه شهقت : هييييي
تقي: فيه ايه يا ماما هو انا قولت كلمه عيب
حليمه: هو دي مش عيب ايه السنكرين ده
تقي: يخربيت الجهل يا ماما
حليمه قلعت الشبشب الي فرجليها وحدفته عليها
تقي: تسلمي يا ست الكل احلي ضربه شبشب من احلي حلوله
حليمه: اتنيلي يا بت وقولي ايه السنكرين ده
تقي: ده كريم مرطب يا حلول بيتحط كده عشان يمنع اننا نتحرق لما ننزل في الشمس
حليمه: الله حاجه سحريه
تماره: انا خدته يا بت يا تقي وحطيت منه ونزلت اجيب شويه طلبات من السوق رجعت لقيتني محروقه اكتر هو ده مضروب
تقي بكل فخر: يا حبيبتي انا جايباه من عم حسين الي واقف علي اول الشارع بيبع اي حاجه في اي حاجه
تماره: اكيد جبتيه بي تلاته جنيه ونص
تقي: لا يا فلاحه جبته بي 4 جنيه
حليمه: طب حلو ده ابقي هاتيلي احط منه عشان مسمرش
تقي: من عونيا يا حلول احط منه وارجع اديهولك ساروخ بس متكتريش منه لانه ممكن يخفي وجهك للابد
حليمه: لا تقلقي يا حبيبت امك هيحح ولا وبقا في ساكرين
تقي: يا ماما اسموا سانسكرين
حليمه: يعني هتفرق هي
تقي: اه اوي الصراحه
حليمه: يعني انا لو حبيت اشتريه وروحت للراجل وقولتله هاتلي ساكرين هيقولي لا مفيش فيه السنسكرين
تقي: بالظبط الله ينور عليكي
وقطع كلامهم دخول تغريد اختهم الكبيره والي عندها 26 سنه و كانت لابسه زي الشرطه بتاعها
تغريد: ماما انا راحه القسم عندي شويه شغل كده وراجعه ولا تقلقي المرادي معنديش مهمات
تقي: انا مش عارفه ايه الي خلاكي تبقي ظابط
تغريد: مش احسن ياختي من الي قاعده ومبتشتغلش
تقي: احم وهنا ساسكت قليلا وبعدين مين قالك اني ساكته انا بدور اهو
تغريد: حصل وانا اشهد باماره انك قاعده شاربه نايمه واكله ويوم ما بتنزلي بتجيبي طلبات
تقي: اهو اديكي قولتي اهو طلبات ده مش شغل ولا مش شغل
حليمه: سيبك منها يا بت يا تغريد دي بت عامله زي البطه البلدي الي نقعد نزغطها المهم انتي خلي بالك من نفسك
تقي: شاهد علي ام بي سي مصر ام تفرق المعامله ما بين اولادها
تماره: تفرق ولا تجمع كر كر كر يخربيت خفه دم امي
تقي: قصدك يخربيت تقل دم امك
تغريد: طالعه عسل كده لامك يا بت يا تماره
حليمه قلعت الشبشب التاني وقالت: تقصدي ايه يا بنت الجزمه انتي
تغريد: جرا ايه يا حلول مش كنتي من شويه خلي بالك من نفسك حصلك ايه البت تقي حسدتك ولا ايه الحقي يا بت يا تقي حسدك بيوصل بسرعه دانتي نظرك 200 علي 200
تقي: امال يا بنتي هو انا اي حسوده برضوا
حليمه: امشي يا بت انجري من قدامي انتي وهياااا
تماره : وانا كمان يا ست الحبايب
حليمه: انتي اولهم ياختي
تماره: تشكري يا ست الكل
حليمه: انا هعد من واحد لواحد ونص لو مختفتوش من قدامي هيبقي في جريمه في البيت ده وعلي التلفزيون شاهد ام تقتل بناتها الي شلنهاا
تغريد: هو بقا من واحد لواحد ونص انا هاخد ديلي في سناني واجري سامو عليكوا
تقي: استني خوديني معاكي يخربيتك
تماره: انتي مش المفروض ظابط يا بت يا تغريد خودي امك علي الحبس
تغريد: لو ودتها هتهد القسم بلي فيه
حليمه: واااحدد
تغريد جريت علي بره
وتماره وتقي جريوا علي اوضتهم وقفلوا عليهم
حليمه: ونص
وبصت حواليها وملقتش حد
حليمه: لا لا شطار وبتسمعوا الكلام اما الحق انا بقا اعملي شويه فشار واقعد شويه قدام التليفزيون
ونسيبها مع فشارها ونروح عند تغريد الي كانت ماشيه في الحاره
وجه عليها واحد واسمه حماصه وده في الراحه وفي الجايه بيقف قدامها ويدايقها ولكن هي بتصده
حماصه: هو التغريد مش ناوي يغرد ولا ايه
تغريد بعصبيه: لا ياخويه مش ناوي يغرد ناوي يصوصو
حماصه: طب مادام ناوي يصوصو يبقي يصوصو لحبنا سيو سيو سيو
تغريد: الحقوني يا جماعه هاتولي تشط ارجع فيه من كتر خفه دمه
تغريد كانت لسه هتمشي ولاكن حماصه وقف قدامها وقال
حماصه: لا بقا انا سايبك وقت كتيرر اوي انا عايز اتجوزك يا قمر انتي
تغريد: القمر انطفي ياخويه ومش عايز يتجوز
حماصه: وماله نجوزه ونجوزه حد من مكانه عاليه
تغريد: ومين ده ياخويا
حماصه: انا
تغريد: ههههههه بقا انت ابو مكانه عاليه دانت ابو مكانه واطيه
حماصه: طب ليه الغلط طيب وبعدين انا حماصه صاحب اكبر ورشه فيكي يا حاره
تغريد: الواحد نفسوا في ربع غرورك وانت بتقول اكبر ورشه اللهم غرورك يا اخي ووسع بقا من وشي بدل ما البسك قضيه تخليك في السجن مأبد
حماصه: حاضر يا قمر ما هو انا مش قدك ولا قد قوتك بس برضوا مش هسكت لحد اما تبقي ليا سلام يا جميل
تغريد: جتك الهم وانت عامل زي فرده الشبشب
ومشيت تغريد واتجهت للقسم
وعند راغب كان خلص شغله ونزل من الشركه وركب عربيته وراح لفيلته واول ما وصل نزل من العربيه ودخل
وطلع علطول علي اوض اولاده ولاكن كالعاده مش لقاهم فيها
راغب نادۍ علي فاطمه ودي تبقا الي بتعمل شغل البيت كلوا وهي الي مهتميه بيه
جت عليه فاطمه وقالت: نعم يا راغب بيه
راغب: هي العيال مجتش من امبارح ومشيت تاني
فاطمه: لا يا راغب بيه زين بيه لسه في المهمه ومرجعش من ساعتها واسر بيه خرج امبارح بعد اما حضرتك مشيت وبرضوا مرجعش
راغب اتنهد بيأس من ولاده الي نفسوا يقعد معاهم زي اي اب وولاده
راغب: تمام روحي انتي يا فاطمه
فاطمه: تحب احضر لحضرتك الغدا
راغب: لا لا مش عايز ممكن تعمليلي شاي
فاطمه: حاضر
ومشيت فاطمه
وراغب طلع تيليفونه ورن علي زين هو احياناً مبيردش عليه لانه بيكون مش فاضي وبيتدرب للمهمه واحياناً بيرد لما بيكون فاضي
وقطع تفكيره صوت زين الي رد عليه
راغب حمد ربنا وقال: زين يابني عامل ايه بقالي شهر مشوفتكش
زين : الحمدلله يا بابا انا الحمدلله وحضرتك عامل ايه
راغب : الحمدلله يابني انت واحشني اوي وانت بقالك شهر مبتجيش
زين: معلش يا بابا اعمل ايه شغلي بقا وكمان انا لسه في المهمه
راغب: يخربيت المهمه الي مش راضيه تخلص دي
زين: هههه هي فعلا مهمه معقده بس مش علي زين الزيناتي
راغب: ماشي ياخويه بس بقولك ايه المهمه دي تخلص وترجع تقعد معايا شهر انا بقولك اهو مش كل مره تيجي تقعد معايا يومين وتقولي اصل في مهمه جديده
زين: ههههه حاضر يا بابا عايز حاجه
راغب: عايز سلامتك يا حبيبي خلي بالك من نفسك
زين: حاضر يا بابا الله يسلمك
وقفل راغب معاه
ورن علي اسر ولقه موبايله مغلق
راغب: عادي هستغرب ليه يعني اكيد في الزفت وقافل موبايلوا ياارب الحل من عندك ياربب
ونسيب راغب في حيرتوا مع ولادوا ونروح عند تماره وتقي الي كانوا لسه قاعدين مكانهم في الاوضه
تماره: جرا ايه يا بت يا تقي انتي هتفضلي قاعده كده مش ناويه تشتغلي ولا ايه
تقي: اشتغل ايه هاا قوليلي
تماره: بصي انا هقيم شكلك يشتغل ايه
تقي: اكيد مديره اعمال
تماره: لا شكلك يدي علي زباله
تقي: تسلمي يا اختي يا حبيبتي
تماره جه في بالها حد وظهر علي وشها ابتسامه حب
وفاقت علي ضربه قويه من تقي
تقي: ايه يا جزمه الابتسامه دي انا عارفه هي بيبقا اولها الابتسامه دي بعد كده بنروح لحته تانيه خالص قري يا بت واعترفي مين الي وقعتي في غرامو
تماره: حاضر بس متقوليش لحد
تقي: انتي تعرفي اني بقول اسرار لحد
تماره: اه اعرف
تقي: يبقا احكي يا اختشي
تماره: عارفه جرانا الي ساكنين تحتينا الي لسه مأجرين الشقه من شهر
تقي: اه مالهم وقعتي في غرامهم
تماره: يا غبيه اصبري انا هقولك اهو عارفه بقا الواد الي شعروا بني ده الي كان معاهم
تقي: اوعي تقولي انووو
تماره: ايوه هو ده
تقي: يا بختككك ده الواد قمر اوي
تماره: بس يا حبيبتي اقعدي انتي علي جمب وبعدين ده اصغر منك اتهدي بقا
تقي: وانتي عرفتي منين
تماره: هو انا معقوله احب حد ومدورش وراه انا روحت لامه واديتلها حاجات حلوه كده بما انهم لسا قاعدين في الشقه وجداد هنا وقعدت معاها شويه وفضلت اجبها اجبها لحد اما عرفت ان هو عنده 17 سنه يعني في ثانويه عامه دلوقتي واسمو ريان
تقي: اههه دانتي طلعتي من العيال الي بيجيبوا الناس بكلامهم وافعالهم
تماره: بالظبط كده
تقي: يلا مليش نصيب فيه المهم يا بت حبتيه امتي وازااي بالسرعه دي ده ولا اكن الحب جاي رشق سكينه في قلبك وقالك حبي الواد ريان
تماره: والله ياختي معرفش انا اول مره شوفتوا اتشدتلوا اوي ولما روحت عندهم قابلني وسلم عليا وانا كنت تايهه في عنيه الحلوين
تقي مسكتها من قفاها وقالت: وعمل ايه تاني يا بت انطقي وبعدين ايه سلم عليكي دي اوعي يكون سلم عليكي بالايادي
تماره: ايوا سلم عليا بالايادي
تقي بدات تغني وتقول: تسلم الايادي ترا ترا تسلم يا جيش بلاادي
تماره: اديلوا ياختي
تقي رجعت مسكتها من قفاها تاني وقالت: فكراني هسيبك. كده يا جزمه الي مشمتيش ريحه التربيه
تماره: ده سلام برئ
تقي: ولو مينفعش يلمسك الا لما تكتبي كتابك عليه
تماره: يسمع من بوقك ربنا ياختي
تقي: لو حصلت تاني هحكي لامك وانتي عارفه بقا امك لو عرفت هتعمل ايه
تماره: خلاص حاضر يا فتاانه
تقي سابتها وقالت: انا الاخت الصالحه ربنا يهديني اكتر واكتر كمان
وعند تغريد كانت قاعده مع المقدم محمود الي دايما بتعتبره زي ابوها بالظبط
تغريد بصت عليه وعرفت من شكله ان هو بيفكر في حاجه
تغريد: بتفكر في ايه يا سيدت المقدم
محمود: بفكرلك في مهمه
تغريد: يارب ميكونش فيه
محمود: هو فيه كتير بس عشان انا بحبك وبعتبرك زي بنتي
تغريد: طبعا حضرتك هتقولي
محمود: انا بحاول ادورلك علي مهمه صعبه
تغريد: طب ليه ليهه ما السهل موجود ليه لازم حضرتك تطلع عيني
محمود: حد قالك تنجحي في المهمات وتبقي اكفأ رائد عندي هنا
تغريد: حصل حضرتك عندك حق انا غبيه واستاهل الضرب بالجزمه
محمود ضحك عليها
وعند راغب كان قاعد قدام التليفزيون ومش مكرز في اي حاجه وبيفكر في حال ولاده وقطع تفكيره صوت خطوات جاي من باب الفيلا بتاع الجنينه
راغب بص وراه لقا اسر ماشي وهو بيتسحب
راغب راحله واسر اتخض
وقال: ا... عامل ايه يا حج ليك وحشه والله
راغب: دانت الي ليك وحشه بقا يا اسر بيه بقالك يومين مارجعتش البيت
اسر: يوم لو سمحت
راغب: اياً كان انت عارف لو ده شغل زي اخوك مكنتش هقول حاجه لاكن انت في الكبريهات وبتشرب ياا اسرر
اسر: طب يا بابا انا عايز انام دلوقتي ومش فايق لاي مناهده
راغب: مش فايق انا هربيك من اول وجديد
اسر: تصبح علي خير يا بايا
وطلع اسر اوضته
راغب: اههه والله لاوريك
وطلع راغب اوضته ونام
وفي صباح يوم جديد عند فيلا راغب صحي راغب ودخل الحمام اخد الشاور بتاعه واتوضي وطلع لبس وصلي الفرض الي عليه
وطلع من اوضته وراح لاوضه اسر ولقاه لسه نايم
اتنهد بحزن ونزل فطر
وبعد اما خلص طلع من الفيلا وركب عربيته واتجه علي الشركه
ونروح في محافظه تانيه كان قاعد زين مع زميله ياسر
ياسر: يا عم انت ايه مش ناوي تتجوز انت خلاص قفلت التلاتين
زين: يا عم انا قولتلك اني مش عايز اتجوز
ياسر: ليه ده حتي الجواز حلو اوي وبعدين انت ليه مش عايز تتجوز انت يعني مفيش واحده دخلت حياتك وخزوقتك انت سنجل زي مانت لسه مش عايز ليه بقا
زين: الستات بقت وحشه اوي يا ياسر الي بشوفه مش سهل الي بتخون جوزها كل يوم مع واحد شكل والي بتزهق من جوزها وترفع عليه قضيه خلع بدون اسباب والي تكون عايزه تتطلق وجوزها ميرضيش وهي تقتله والي والي والي حجات كتيره اوي وجاي تقولي اتجوز
ياسر: انت فاكر ان كل الستات زي بعضها لا يا زين مش كلهم زي بعض وخليك فاكر كلامي ده كويس لما تيجي واحده وتخطف قلبك وتكون بنت حلال هتعرف ان كان عندي حق زين صوابعك.مش زي بعضهااا خليك فاكر كلامي ده كويس
زين: بقولك ايه يلا عشان ورانا شغل
ياسر اتنهد بيأس من صديقه وقام معاه
وفي ملهي ليلي
كان قاعد اسر وهو متضايق من ابوه الي كل شويه يتكلم في حوار سهره وشربه ومش بيبطل كلام
وقطع تفكيره صاحبه وهو بيقول: مالك يا عم اسر مكشرهاا ليه
اسر: يا عم ابويااا
= تاني ابوك تاني
اسر: مش عارف اعمل ايه وانت عارف اني بحبوا ومش عايز ازعلوا بس انا اعمل ايه
وقبل اما يتكلم صاحبه جت عليهم واحده وقعدت جمب اسر واتكلمت بمياعه وقالت: اسوره وحشتني
صاحبه =يا بختك يا عم اهي جاتلك الي هتهون عليك اهو
اسر ابتسم
وعند راغب كان خلص شغلوا ونزل من الشركه وركب عربيته وروح
واول ما وصل نادي علي فاطمه
فاطمه: نعم يا راغب بيه
راغب: انا جعان اوي وحاسس اني عايز اكل اكله من بتووع زمانن كده اكله كده ترم العضم
فاطمه: زي ايه؟
راغب: يعني مثلا نفسي في قولقاس
فاطمه: قولقاس؟
راغب: اه قولقاس
فاطمه: بس حضرتك ده مش هتلاقيه هنا
راغب: طب فين
راغب: حضرتك ممكن تروح اي سوق من الاسواق
راغب: طب خلاص انا هروح
فاطمه: لا لا حضرتك انا هروح
راغب: لا خليكي انا هروح اجبلك الحاجه وهاجي
فاطمه:تمام
راغب: قوليلي بس علي اي عنوان سوق
فاطمه: بص حضرتك في سوق بيبع الخضار جميل وحلو وبسعر كويس ده هتلاقيه عند.....
وقالتلوا فاطمه العنوان
راغب طلع وركب عربيته واتجه للعنوان الي فاطمه قالتلوا عليه
وبعد نص ساعه كان وصل الحاره الي فيها السوق ووقف بالعربيه وقال: يلهوي هي الحاره زحمه كده ليه استعنا علي الشقا بالله
واتحرك راغب بالعربيه وفجاهههه..