رواية ورود ذابلة
الفصل السادس 6
بقلم شفق أحمد
التفاعل بقا في الحضيض ... مفيش اي تفاعل لو التفاعل فضل كده مش هعرف انزل حبه لا يموت الجزء الثاني
ياريت تقدرو تعبي وتتفعلوا
رواية ورود ذابلة
الفصل السادس
صحيت من النوم ومخضوضه كل ده حلم.......... مكنتش قدرة اتلم علي اعصابي قومت من علي السرير وطلعت عند فهد اطمن عليه وأعدت اخبط علي الباب واول ما فتح حضنتوا علي طول من غير ما اقول ولا كلمة هو استغرب ومكنش فاهم اه الي حصل بس لما لقاني كده ضمني ليه اكتر معملش حاجه غير انو بادلني الحضن كنت بعيط كأني طفلة تاهت من ممتها في وسط زحمة وكانت خيفه ولما شافت ممتها جريت عليها علشان تتحمي فيها ومسكت فيها جامد علشان خافت تعيش نفس الخوف الي سكن قلبها الصغير في اول مره هو اعد يسمي عليا وانا حضنه مش رضيا افكو انا كنت منهارة وبقولو: متسبنيش تاني يا فهد
هو كان بيقولي: مش هسيبك بس فهميني يا عيون الفهد
هو دخلني الاوضة وجبلي ميه واعد جنبي وانا حطة راسي في حضنوا فهد بعد ما هديت قام من جنبي واعد قدامي وسألي مالك؟ -كابوس وحش ومش عيزا اشوفوا تاني
- انشاء الله مش هتشفيه تاني بس شفتي فيه اه الكبوس ده ؟
- شفت فيه أكبر عدو ليا واكتر شخص بكرهو
- مين؟؟؟؟
- الموت شفتوا واخد مني حد بحبوا اكتر من نفسي
- اخد مين ؟؟
كان باصص علي عيوني انا نزلتها بعيد ومردتش علي السؤال لقيتوا رفع راسي وبص في عيوني وقال :الشخص ده يبقى انا!!
هزيت راسي وبدأت اعيط بهستيرية تاني هو اخدني في حضنوا وقال: يا عيوني الدموع دي علشاني
- اوعدني انك هتفضل معايا ومش هتسبيني ابداً
قال وهو بيشد الخصلة نفسها وبيلفها علي سببتوا ورجعها ورا ودني - مقدرش اوعدك بحاجة مش بأيدي بس ممكن اوعدك اني مش هسيبك طول ما انا عايش وبتنفس وقلبي بينض هفضل معاكي ومش هسيبك
- وانا رضيا بالوعد ده
بصلي وقال: نامي معايا النهارده
- ليه ؟؟؟
- علشان الكبوس ميجيش تاني
ابتسمت ليه وهزيت راسي بالموافقة سألتوا: صحيتك من النوم قال لا كنت صاحي علشان صلاة الفجر وقام وقال:
- تصبحي علي خير يا كل الخير
ومشي هو مكنش لابس تشرت كان عاري الصدر واكتشفت انو ديما بينام كده لما قام شفت ضهرو كان مشوه قومت بخضة وسألتوا قال: ورد كانت بتذكرلك معايا الفقة الحد بتاع شارب الخمر كام جلده
قولت بصدمة: اه الي خلاك تعمل كده ؟؟؟
- علشان كل ما افكر اشرب افتكر الوجع الي حسيت بيه وافتكر عذاب ربنا ليا ومعملهاش تاني
سبني و راح نام سبني مع افكاري أقام الحد علي نفسوا مش فهمه الشخص ده اوقات يبقي احن واحد وسعات يقصي لدرجة انو ممكن يكب عليكي ميه نار علشان يسمع آهاتك ومنداتك ومنجاتك انو يرحمك عده علي الموقف ده اسبوع وبقي يخلي العملات يسعدوني انا مش من النوع الي يفضل شايل من حد وأهلي صفيت من نحيتهم ولو جاهو تاني مسمحاهم بس يعتزرو انا لما كنت بغلط بعتزر من غير مبررات يجي ويقول انا اسف وسمحتو خلاص الموضوع سهل لو واحد فيهم اعتذر انا سمحت الكل بس يعتذروا علي احساس الظلم الي حسيت بيه انا قلبي لو قصي علي الدنيا كلها هيجي عند اهلي ويقف هيعجز قدامهم
جه يوم فهد قال : ان عندو شغل وهيتاخر انا مكنتش مهتمه لأنها حاجه لا تعنيني ومن تدخل فيما لا يعنيه سيسمع ما لا يرضيه
راح وعلى الساعة ١بليل الباب لقيت الباب بيخبط انا قومت فتحت الباب علي اساس فهد لقيت خواتي الاتنين دخلين وهدومهم عليها دم وسندين فهد الي هدموا غرقانه دم انا بصيت علي خواتي وقولتلهم بصدمة: قتلتوه ؟؟؟؟!!!
اخويا زعق فيا وقال : قتلنا مين يا مجنونه انتي
قولتلهم بنفس الصدمة: جين تلبسوني الجريمة معاكم بعد ما قتلتوه
اخويا اعد فهد علي الكنبه وقالي: فكريني بعد ما نشوف الي بيموت ده ان ليكي علقه علا تفكيرك ده
- امال اه ده الدليل عليكم انا مليش دعوة بالجريمة دي
قال و هو لسه بيزعق يا حيوانة اتخنقنا وهو أتعور
- اه طب انتي جيبه هنا ليه روح وديه المستشفى
- انتي يا بت مش دكتورة ؟
- مين الي قال الاشعات دي
مسكني من افيا وقالي اكشفي عليه يا نسب احسنلك انا رحت براحة رفعت تشرت فهد ونزاتو بسرعة وانا بقول بصدمة ده متعور اخويا التاني صبرو نفد وقام عليا وقال: يعني احنا مش عرفين انو متعور علجية
- انتو بتزعقولي طب مش هساعد حد
- والله الذي لا إله إلا هو انك لو ما تعدلتي وشفتي مالو لنا معلقك - - انتوا اغبية طلعوه فوق الواد هيروح مننا
اخويا الكبير طلع فهد والتاني بعتوا يجيب من الصيدليه شوية حاجات محتجاها اخويا راح علي طول يجيب الحاجه وخليت التاني بعد لما طلع فهد خليتوا يخلعو التشرت ويسد جرحوا كنت اعده قلقانة شوية علي فهد بس الجرح كان بسيط مش عميق اوي علشان كده اطمنت كنت بستهبل في الأول بس بعد كده بدأت افتكر الحلم وخفت علي فهد اوي ولما اخويا جه بدأت علي طول اداوي جرحوا ولما خلصت حسيت براحه كبيرة ولميت الحاجه الي استعملها ورحت عقمت نفسي ورجعت اخويا الكبير مشي يغير هدومة علشان الدم الي عليها وبعد ساعة ونص جه وراح اخويا التاني علشان يغير هو كمان ولما جه كنت اعده مع فهد واخويا الكبير هو الي نزل يفتح كنت بصه عليه وانا مخنوقه ومديقة عوزاه يقوم الموضوع بسيط بس دموعي نزلت لما اخواتي طلعوا وشفوني بعيط اخدوني في حضنهم وقالولي ان الموضوع مش مستاهل واني مأذمة الدنيا
وبعد لما سكت اخويا الكبير نزل قدامي لمستوى الكرسي بتاعي ومسك ايدي وبساها وقال: انا اسف يا نسب
اول ما قال كده حضنتوا انا ما صدقت انو اعتذر نسيت كل حاجة في اللحظه دي اخويا التاني البارد لما شافوا اعتذرلي قال: هتسامح من غير اعتذار ومتعمليش نفسك اننا عزبناكي وتعيشي الدور انا من غير ما اعتذر واثق انك مسمحاني
- مسمحاهم كلهم الا انت
- كدابة يا نسب
- لا مش مسمحاك
- واهون عليكي سكت وهو اخدني في حضنوا وقالي مبقتش لاقي حد اتخانق معاه ضحكت وقولتلو: علشان تعرف قمتي
- عرفها من زمان متبقيش تبعدي تاني لو فعلا غالي عليكي
كانت عنيه عوزاه تنزل دموعها بس انا قولت الجو بقي خنيق اوي ورحت اتخنقت معاه ودموع الي كانت في عينو بقت شرارة وبقي عايز يقوم يولع فيا لما لقيتوا كده قولتلو: اتصدق مش هسمحك
- اتفلئي
كده انا اتأكد أن كل حاجة بقيت تمام وكانو عيزين يمشوا ويجوا الصبح بس انا مسكت فيهم وأعدت اقولهم هتسبوني لوحدي ومفيش معايا حد وفهد متخدر لو جبتوا جنبو طبل بلدي مش هيصحا افرض دخل خاطف ومتحرش ومختصب اعمل ايه انا هما بعد زن ساعة اقتنعوا وانا طرت من الفرح واعدنا الليلة دي سهرنين للفجر كان بقالي كتير مقعدتش معاهم وتاني يوم لما صحيت كان فهد فاق واخواتي كانو عندو انا طلعت اطمن عليه واول ما دخلت فهد قال : صباح الخير يا كل الخير
- صباح النور
اخويا محمد الي كنت متخنقه معاه امبارح والي مرداش يعتزر اول ما دخلت قالو :انت ليه بتكلمها كده
فهد : مراتي
اخويا محمد : انا عارف انها مراتك بس قدر مشعري يا عم دي برضو اختي
فهد مسك ايدي وبساها قدامو علشان يغيظوا اخويا متحركتش ليه شعره وقالو انت معرفتش الي حصل امبارح
فهد : ايه ؟؟
اخويا محمد : مراتك نامت في حضني واعدنا مع بعض وعملت لينا اكل واعدنا نتفرج على فيلم وهي كانت اعده مابيني انا وهو وانا ماسك أديها ابوس فيها وأسر الي هو اخويا الكبير اعده في حضنوا
فهد: انت اتجننت ازاي تقرب منها
اخويا محمد قال بانتصار: اختي
فهد : انا عارف انها اختك بس قدر مشاعري وانك بتتكلم علي مراتي
محمد : انا قولت حاجه
فهد بغيظ : بتقولي أن مراتي نامت في حضنك وشايف انو عادي محمد قام من مكانوا وجه اخدني في حضنوا وقالي كل يوم بعد كده تنامي في حضني بحس بالراحه طول ما انا جنبك فهد سحبني واعدني جنبوا علي السرير وقالي : اترزعي هنا بسببك شمتي فيا الكلب ده
كان اخويا محمد هيرد علي فهد بس أسر سكتهم هما الاتنين
وقال: جوزك جدع لما عرف اننا شبكين مع الناس دول جه معانا ومسبناش الجرح ده كان هيبقي في اخوكي محمد بس فهد اخدو مكانو
فهد: انا كنت غلطان سعتها
ومحمد ؛ تستاهل الي حصلك
اخويا أسر سكتهم لتاني مره انا قولت في نفسي انت طلعت العاقل الوحيد بعدها سحبني من عند فهد واخدني جنبوا واعدني في حضنوا وقال: تعالي يا قلبي وكبري دماغك منهم دول
فهد : ايدك تتشال من علي مراتي
محمد : ايدك من علي اختي لحسن توحشك
قالهم وهو بيرفع حوجبوا وماسك أيدي :اختي
قولت في نفسي طلعت زيهم وقومت من جنبوا ورحت اعدت بعيد عنهم شوية بيتعملو علي اني لعبة بيتخنقوا عليها وزهقت من غظهم لبعض اخويا أسر بصلي وقالي: نسب حببتي عوزين موضوع الخناقة ده ميطلعش مبنا علشان ابوكي ماشي يا قلبي
فهد أكد على كلاموا وقال: صح ابوكي هيقلب علينا لما يعرف اننا رحنا نتخانق من غير ما نقول لحد
محمد أكد علي كلمهم وقال :ابوكي هيجلدنا لو عرف انتي عرفه انو مش بيحب الخناق والمشاكل
انا قولتلهم بصدمة: هو بابا مكنش يعرف؟؟؟؟
قالولي: اه
قولتلهم انا معنديش مانع مقولش لحد بس فيه مشكلة هما بصولي بشك وقالو اه هي؟؟
قولتلهم :اني قولت للعيلة كلها وأولهم بابا ولما عرف ان فهد اتعور قال إنما ورتهم الكلاب دول بتوع المشاكل
زعقو فيا وقالو امتي لحقتي عملتي كده؟؟؟؟؟؟؟
قولتلهم بكل تكبر وغرور: طريقتي
لقيتهم كلهم اتعصبوا مني معرفش ليه
فهد قالهم: خاليكم النهارده اعدين معانا
انا قولتلهم : هو انا ماقولتلكمش؟؟؟؟
قالو: لا مقلتيش
قولتلهم: كلهم جيين النهارده علشان يطمنوا علي فهد امال انا موصي علي الحلويات ليه فهد بصلهم وقال: طب انا دلوقتي تعبان وواخد غرز في بطني يعني مش قادر اقوم قومو انتو هاتو النصيبة دي
هما قالولو :معاك حق الكلبه الصغيرة دي ودتنا في دهيه
انا قومت وقولتلهم: مش كنتوا بتحبوني من شوية اه الي خالكم تتحولو كده
اخويا محمد : حبيبت مين يا كلبة انتي
انا قولت: فهد الحقني عيزين يموتني
قالي : خواتك
قولتلو وانا بجري بره الاوضة وبقفل الباب عليهم مراااااتك...... ورحت استلمت الحاجه الي طلبتها وأعدت مستنية بابا يجي ده انا حبستهم في الاوضة مخصوص علشان بابا وعماني لما يجوا عدت نص ساعه ولقيتهم بيخبطو رحت وانا بكامل سعدتي افتح الباب وقبل ما اسلم مسكت ايد بابا وسحبتوا هو عماني علشان يشوفوهم فوق وطبعا عيال عماني مفوتوش المعركة الي هتحصل وجهم معاهم واول ما فتحت الباب شفت البابا بيقول ليهم :
- جدعان يا عيال
هما بصولو بصدمة انو ميديقش هما سألو وقالو:
- انت مديقتش
- ابو الي اتخنقوا معاهم جه يشتكي واسلوبو معجبنيش ولا طرقتوا وهما يستاهلوا الي حصل ليهم علشان يعرفو بعد كده بيتعملو مع مين
هما بعد ما سمعو كده شمتوا فيا شماته صدق المثل الي قال كما تدين تدان وبنفس الطريقة تتهان
اعدت مع اهلي بعد الوقت ده كلو وتلم الشمل بتاع العيلة كان احلي وقت قدايتوا من فترة طويلة عده اليوم واليوم جر ايام وفهد جرحوا اللتأم وبابا رن علي فهد في يوم وعزمنا عندهم انا كنت عرفه ان يسرا اتظلمت وهي كانت لسه غضبانه ومش رضيا ترجع انا قررت اعمل مفاجأة رحنا عند يسرا وأعدت أقنعها ان اخويا تعبان وعيزك هي بعد زني وفقت وقالت: هجي معاكي نطمن عليه مش اكتر قولتلها: ابشري
ورحنا وطبعا اخويا مكنش يعرف اني هجبها ولما شفها معايا كان جي عندها زعقت فيه وقولتلو : ايداك
ومخلتهوش يقرب منها اخويا قال: دي مراتي
- وانت ظلمتها ومديت ايدك عليها
- يعني عيزا ايه ؟؟
- عيزاك تصالحها هو .....قال بس...... قطعتوا
وقولت :هتبسبس هطلقها منك واجوزها لاخوك محمد
اخوياأسر بص علي بابا وقالو :شوف بنتك
بابا قال: مليش دعوه
وبصلي وقالي: اعملي الي شيفاه صح
اخويا لما لقاني عنيدا قالي: طب هي عيزا ايه ؟؟؟
- ليك ١٠ دقايق بالضبط وريني هتعمل ايه ولو عجبتني طريقتك في مصالحتها خلاص
هو راح عندها وقال : عجبك يعني بعدنا ده هي
قالت: انت الي غلطت الاول وظلمتني
- بموت في كل دقيقه بعيد عني فيها
قالت: كداب اتلقيك مبسوط
- مفيش حاجه ممكن تبسطني في بعدك وباس أديها وقال :انا اسف انا قولتلها اه برودك ده خلاص الواد اتعلم الأدب
هي بصتلي وقالت: مش كنتي معترضه من رجوعي لي؟؟
قولت بصدمة: انا انا اعترض علي رجوعك للوالد ده وبعدين حتى لو اعترضت بعد الكلمتين دول المفروض كل حاجة تصفي
هي بصت ليه وقالت: مسمحة
بعد ما قالت كده اخويا جه عندي ومسكني من افيا وقال:
- لو سمعتك قولتي الواد دي تاني هقتلك احترميني أنا أكبر منك
- مش هقولها بس سبني
اول ما سبني رحت عند فهد علشان اضمن اني اكون في امان وقولت: واد وستين واد
هو قام وكان عايز يمسكني بس فهد قالو: عيب عليك هي في حميتي
اخويا بصلي وقال: علشان خاطر فهد بس
طلعتلو لساني وهو مشي بعد وقت جالي مكالمة طلعت رديت بره وبعدها نديت فهد واخدتوا علي جنب وقولت:
- نادين بره
- نادين الي كانت سبب في الي حصل ؟؟؟
- وطي صوتك انا عيزا اخلي اخويا يرجع ليها هي غلطانه بس مش هنعلقلها حبل المشنئة كلنا بنغلط بس الشاطر هو الي يعرف يصلح غلطو وهي عيزا تصلح هتيجي انت تهدم بدل ما تبني معايا
- انتي نسيه اني بسببها اتجوزتك غصب عني نسيه انها سبب الغلطة الزفت اللي حصلت هي كانت سبب دخول غلطة في حياتي واتطر اني اتقبلها علشان اعرف اعيش معاها
- أنت كرهتها علشان كانت سبب في جوازك مني أنت شايف ان جوزنا غلطة شايف اني غلطة دخلت حياتك غصب عنك ؟
- نسب انا مش قصدي كده
- ولا أصدق مش فرقه
قلت كده ومشيت وسبتوا وانا حسه بخنقه من كلاموا انا ازاي فكرت ان فهد ممكن يحبني او اننا ممكن نعيش حياه سعيده انا الي غلطانة وعيشت نفسي في الوهم فهد هيفضل شايف اني غلطة في حياتوا قولت في نفسي كل واحد يشوف حياتو في أقرب فرصة هلقيها هخليه يطلقني ده كان عقلي لاكن قلبي كان رافض وبيعيط وحزين انا حبيت فهد بس هو مبدلنيش نفس الشعور وبعدين هو عمرو ما قالي بحبك انا الي اتعلقت في حبال ديبه انا عرفت اني مليش مكان في قلب فهد مسحت دموعي ورسمت علي وشي الضحكه الي ديما بضاري بيها كل أحزني ودموعي وطلعت ليهم بره وقولتلهم: اني عمللهم مفاجأة وشورت علي اخويا محمد وقولت وانت بتحبها اوي
قال: مكرونه بالباشميل؟
- هتعرف دوقتي
طلعت بره البيت ورجعت وانا مسكة في أديها ومدخلها نادين انا عرفة ان اخويا بيحبها هو لما شفها قال:
- دي الحاجه الي هحبها اه الي جيبها
- ولد عيب دي مهما كان مراتك صحح علي كلامي وقال:
- طلقتي
- هترجع مراتك
- وانا مش هرجعها كدبت خلتني اشك في اختي فرقت بين اخويا ومراتو هي كانت بصه في الارض راحت عند اخويا وقالت :انا عرفة اني غلطانة بس والله حرمت انا بحبك ومش عيزا ابعد عنك
- وانا كنت بحبك
- استحالة تكون كرهتني انت بتقول الكلام ده من ورا قلبك انا عرفة انك مدايق بس اديني فرصه
- مبقاش ليكي مكان في قلبي
انا قلت لاخويا: انا صحبة الشأن ومسمحاها انت ليه بقا زعلان منها؟؟؟؟
- فرقتنا عن بعض
- واتجمعنا تاني خلاص متبقاش علشان نكتمل زي الاول غيرها - ملهاش مكان هنا!!!
البنت فجأة بدأت تعيط تعيط جامد وبعدها وقعت اغمي عليها واخويا محمد الي كان من شوية بيقول انو مبقاش بيحبها راح علي طول شلها وكان مخضوض عليها وطبعا انا الي كشفت عليها واكتشفت انها حامل اخويا لما سمع الخبر حسيتو اتلخبط ومبقاش عارف يعمل ايه ؟
في حاجه جوه منعاه انو يسامحها لما لقيتوا كده رحت عندو قولتلو: ابنك هتسيبو يتربا بعيد عن حضنك انا عرفة انها غلطت وكل غلط ممكن يتصلح
- مش كلوا
قولت بغيظ: لا كلو بس احنا الي بنحب نعيش دور المظلمين, لو هي غلطت فا انتم كمان غلطوا كلكم ظلمتوني وظنيتوا فيا السوء عيوني بدأت تنزل دموعها وانا بتكلم قولتلو:
- جوزتوني غصب عني رميتوني من غير حتي ما تعرفوا اه الي حصل محدش جه سألني.... رمتوني في حضن فهد الي خلاني اكره حياتي عيشني معاه في جحيم كأنوا كان بيعقبني علي ظلمكم ليه انت متعرفش انا كنت بتهان ازاي علي اتفه الأسباب.... لما كنت افكر اني أقف قداموا افتكر اني مليش دهر وان اهلي هما سبب معناتي انا كنت بنام كل يوم ودموع علي خدي كان نفسي القي حد يقف في وشو ويمنعوا انو علي الاقل يمد ايدوا عليا بس ملقتش الي يقف في وشوا وبعد كل ده نسيت وسمحت وفتحت صفحة جديدة لو حد اتظلم في كل الحدوتة دي يبقا انا وانت لو عملت نادين ان مفيش غلط بيتصلح وانك مش هتسامحها يبقي انا كمان هعملكم بالمثل ومش هسامح وصدقني قلبي الي كان بيعجز قدامكم سعتها هيبقا اسود من نحيتكم لأنكم انتم سبب تعبوا وحزنو وكل وجع نفسي او جسدي حسيت بيه هسعي وانا بعيشكم اضعافوا لقيتوا بصلي وقال: فهد عمل فيكي اه يا نسب ؟؟؟؟
فضلت اضحك وقولتلو: فهد حبيبي عمل فيا كل شر ومتسألش تاني في الي ميخصكش وإياك تفكر تدخل بيني انا وفهد مش بعد ما رميتوني في النار جيين تحولو تعالجوا حروقي صدقني مهما حولت هتفضل سيبا علامات
اخدت نفس وبصت لاخويا وقولتلو:
- نادين بتحبك وهتكون اب متدمرش كل ده علشان اسباب تفهه وانا وثقة انك بتحبها ... صدقني بكره لما تكون أب وتفتكر الي حصل وانك كنت هتخلي ابنك يعيش ما بين اب وام ومتفرقين هتضحك علي غبائك
رحت مسكت ايدو و قولتلوا :اروح اخلي فهد يرن علي المأذون
مردش عليا هزيتوا وقولتلو : هااااا.... اروح
- روحي بس انتي الي صدقني ان حساب فهد تقل معايا
- صدقني كل حاجة هتتحل انهارده بس نخلص حوارك انت ونادين الاول
وقمت من عندوا ورحت عند فهد وقولتلو وانا فرحانة:
- انو يجيب المأزون علشان اخويا قرر يرجع نادين
هزلي راسو بالموافقة وكنت لسه همشي بس فهد وقفني وقال:
- انا اسف يا نسب انا مكنش قصدي اديقك بكلامي
ابتسمتلوا وحطيت ايدي على وشو انا و بصه في عنيه وقولت:
- انا عرفة يا فهدي انك مكنتش تقصد ...وقربت منوا وحضنتوا وانا عرفة انو الحضن الاخير
وقولتلو الكلمه الي كانت جوايا ومش عرفه اطلعها قولتلو:
- بحبك يا فهد!!!
وبعدت عنوا ودخلت البيت ورحت عند نادين الي كانت فاقت كان اخويا عندها لما دخلت لقيتها بتعيط وبتقول:
- انا اسفه يا نسب انا غلطت في حقك وخلتهم يظلموكي وانت معملتيش ليا غير كل خير وسعدتيني ومسبتنيش مع أن لو حد مكانك عمرو ما كان هيساعد الي اذاه
رحت عندها وحضنتها وقولتلها :
- بتعيطي ليه هتخليني اعيط معاكي وهنقلبها نكد
قالت وهي لسه بتعيط : سمحيني الغيرة عمتني
- مسمحاكي يا قلبي بس كفايه عياط البيبي الي في كرشك هيطلع نكدي
ابتسمت وقالت: انا الي غلطانة قومي من جنبي
- مش قيمة
- خليكي انا عيزاكي جنبي
- طب اتصدقي اني قيمة....وقمت
-احسن برضو
- والله لانا اعده ....وأعدت وقبل ما نادين تقول كلمه تاني جت يسرا عندي واعتزرت علي معاملتها ليا قبل كده وانها كانت بتظن فيا سوء انا قولتلها:
- مفيش داعي تعتزري انتي زي اختي الصغيره
- انا اكبر منك !!!
- وانا أصغر منك !!!
- طيب المفروض زي اختك الكبيرة
- لا هي بتتقال اختك الصغيرة
- طيب هخدك علي قد عقلك بما انك زي اختي الصغيره
انا قولتلها :اخويا أكبر منك يعني انتي الي صغيرة
- دي سنه وحده
- من أكبر منك بيوم،اعلم منك بسنة ما بالك انتي اخويا أكبر منك ٣٦٥يوم وربع يعني ٣٦٥ سنة وربع
- اني فهمه المثل غلط
- لا صح
- انتي قصدك ان الإنسان كل يوم بيحتسبلو سنة ؟؟؟
- المثل هو الي بيقول
- قصدهم الخبرة
- بلا خبره بلا بتنجان وبعدين انتي دخلتينا في كلام علمي انا بغني عنو
- فين الكلام العلمي الي قولتلو
بعد ما فكرت شوية قلت :
- خبرة دي في علمي ولا أدبي ولو علمي في رياضه ولا علوم
قالت باستغراب: انتي ازاي اتخرجتي من طب ؟؟
- عادي فتحولي الباب وخرجت ليه؟
لقيتها بصتلي بصدمة وزعقت في وشي وقالت: هتموتيني!!!!!! بصيت علي نادين وقولتلها: ملها دي
قالت: ولا حاجه يا قلبي
رحت طلعت اوضتي الي بقالي اكتر من ٧ شهور بعيده عنها كانت زي ما سبتها بالضبط رحت فتحت درج من الإدراج وطلعت منو كمية من البلالين ورحت لدرج تاني وطلعت منوا زينة ونزلت تحت ولميت كل البنات والولاد الي تحت وخلتهم يزينوا المكان وخليت الباقي ينفخ في البلالين معايا وفهد كان واقف ساند علي السلم الي كان أسر طالع عليه من غير ما يعمل حاجه أسر قالو:
- بدل ما انتي واقف من غير ما تعمل حاجه سعدني
- مين قالك اني مش بعمل حاجه انا ماسك ليك السلم
- انت ساند عليه ويراتك حتي بتسعدني في التزين
- انا مالي اختك واخترعتها
اخويا نزل من علي السلم وقالي:
- نسب فكريني انتي ليه عملة العيد ميلاد ده ؟؟
- علشان تحسوا بالجواء بتاعت رجوع نادين لي محمد
- وانا اه الي دخلني بالجنان الي بتعملية ده ؟؟
- علشان انا اختك ولازم تقدر جنانها وعلشان محمد اخوك و علشان خاطر موسي
- موسي مين ؟
- يونس يبني
- مين؟؟؟؟؟؟
- متعرفش يوسف ؟
- اتكلمي مين دول ؟
- احمد ابن اخوك محمد
- الي لسه مجاش؟
- هو.... ليه ؟؟؟
- لو جتلك هموتك يا نسب
- خلاص اشتغل وانت ساكت
كنت اعده انا والبنات بننفخ بلالين واخويا محمد خليتوا ينفخ معانا قولتلو:
- محمد .... ولاه يا حموكشة
- عيزا اه يا زفته ؟
- مالك هو انا مش بعمل كل ده لعيون سارة ده انا حتي حبيت ريماس من قبل ما تيجي دي آخرتي بعد كل اللي عملتوا علشان بنتك نيرة .....زعق وقال:
- اخرسي!!!!
سكت بعدها بدقيقة بسبست ليه وقولتلو :محمد
- عيزا اه مني ؟؟؟؟!!!!!!
- هسألك سؤال
- اخلصي
- لو انا اخدت البلونة دي وشربت الهوا اللي فيها لمراتك نادين بطنها هتتنفخ وتولد دلوقتي علشان عوزاه اشوف هارون دلوقتي
- انتي عيزا مني اه عوزاه تموتيني !!
- بعيد الشر عنك
- اياكي تفكري او اسمع ليكي نفس تاني
- انا الي غلطانة اني عوزاه جومانا تيجي بسرعة
- اخرسي!!!!
اعدت اكمل اللي كنت بعملو وبعدها بصيت علي نادين لقيتها بتشرب مياه شهقت وصرخت فيها وقولتلها :انتي شربتي من الميه قالت بخضة : اه هي فيها حاجه الميه دي ؟؟؟
- البيبي هيغرق جوا بطنك
لقتها زعقت فيا وقالت : امشي من قدامي يا نسب ولقيت خواتي اللي اتخضوا من صوتي بصوا عليا وكأنهم عوزين يقتلوني وبعد نص ساعه كنا خلصنا تزين وكل حاجة تمام بعدها بصيت علي فهد وقولتلو: امتي المأذون هيجي؟؟؟؟
- في الطريق ربع ساعة عشر دقايق هتلقيه جه
- طيب
ورحت اعدت مع عماتي وخلاتي والبنات وفضلت اعده معاهم لحد ما دخل أسر وقال:المأذون جه بره
طبعاً لا تسمع بعد الجملة دي غير صوت الزغريط بالنسبة ليهم كل حاجة اتحلت وطبعاً علي ايدي وبعض المساعدات الخارجية طلعت نادين وكلنا وراها واخويا ردها ورجعت مراتو بعدها المأذون كان هيقوم يمشي بس انا قولتلو :
- لسه شغلك مخلصش
كلهم مفهموش كلامي المأذون اعد تاني انا رحت عند فهد وقولت:
- يلا طلق اخلص من المشكلة الي وقعت فيها
- انتي بتهزري ؟؟
- لا طلقني يا فهد
مش هطلق وبطلي جنان بدأت اعيط وقولتلو: طلقني يا فهد
اخويا أسر جه عندي وقال: اهدي بس وفهمينا المشاكل مش بتتحل كده
- المشكلة مش هتتحل غير كده جوزنا هو المشكلة والحل الطلاق ابويا : يا بنتي متخربيش بيتك
قولت وأنا بمسح دموعي: مفيش بيت اصلا علشان يتخرب
رحت عند بابا وقولتلو : في الأول غصبتني علي الجواز منوا هتخصبني لتاني مره افضل معاه خليه يطلقني مش عيزا افضل معاه
رحت عند الشخص الوحيد اللي شاف معناتي بعنية رحت عند اخويا محمد وقولت :خليه يطلقني محمد
راح عند فهد وقال : المأذون هنا طلقها
سعتها أسر زعق لمحمد وقالو :هتخرب بيت اختك ؟؟؟؟!!!
محمد وقف في وشو وقال:
- انت مشفتش عمل فيها اه مشفتهاش وهي بتعيط بحرقة علي حلها انا غلطت لما مشيت وراكم وجوزتها ليه واختي مش عيزا تكمل وده اختيرها وهي اختارت الفراق وانا علي الي شفتوا لما نزلتلي وهدومها غرقانه دم وعيونها حمره من العياط ولفه أديها بسببوا اتأكدت ان فرقها منوا انسب حل
محمد راح عند فهد وقال: طلقها يا فهد
فهد قال: طلاق مش هطلق واعلي ما في خلكم اركبوا
وبص عليا وقال :مش هنولهالك يا نسب ومشي وساب البيت ومشي ........
لقراءة جميع فصول الرواية من هنا