رواية من أول لحظة
الفصل الخامس عشر 15
بقلم شيماء الجندي
نزل عمر يجري وطارق وراه بيجري معاه وبيسأله بلهفه:-يابني رد عليا في ايه؟؟
( لحد ما شاف والدته بتبكي و حاضنه منار وهي واقعه علي الارض ببجامه ضيقه، طارق اول ما شافها غمض عينه فورا ولف وشه الناحية التانيه، اما عمر شد مفرش السرير بسرعه وغطاها عشان طارق موجود وبعدها سأل والدته بلهفه ومش قادر ياخد نفسه من الخضه:- في ايه وايه اللي حصل لمنار يا ماما؟؟
زينب ما بين دموعها:- مفيش والله يابني كنا كويسين خالص وقالتلي انها دايخه ومصدعه دخلت المطبخ اعملها كوبايه شاي عشان الصداع يهدأ شويا وجيت لاقتها مرميه علي الارض كده
طارق بحزم:- مش وقت عياط يا ماما لبسيها حاجه بسرعه وانا هنزل اجهز العربية وانت يا عمر شيلها وانزل عشان نروح نشوف في ايه.
( عمر ساعد زينب في اللبس وهو بيحاول يفوقها وقلبي بيتعصر عليها وشالها وبص لوشها بحزن:- اوعي تسبيني يا منار عشان خاطري
(زينب طبطبت علي كتفه:- متقلقش يا حبيبي هتبقا كويسه انزل يلا عشان نطمن.
« وبعد ربع ساعه وصلوا اقرب مستشفي وعمر نزل شايلها وبيجري بسرعه وطارق بينادي علي التمريض:- حد يساعدنا معانا حالة طؤاري بسرعه لو سمحتم.
« بعد دقايق كانت في اوضة الكشف وعمر ماسك ايدها وايده بترتجف من الخوف وأمه واقفه جمبه وقلقانه وطارق قدام الاوضة وفجاة دخل دكتور ومعاه ممرضة.... الممرضة قالت بعملية:-هي دي الحالة يا دكتور.
« الدكتور حط ايده علي ايد منار اليمين عشان يقيس النبض ولسه بيسأل عن اللي حصل، جه عمر شد ايدها منه وقال بغضب:-اياااك تلمسها انت فاهم!
«انتبه طارق علي زعيق عمر ودخل بسرعة ووقف جمب عمر اللي كان بيزعق للدكتور وامه بتهدي فيه
طارق:- اهدأ يا عمر في ايه؟
الدكتور:- انت مجنووون اطلع برااا خليني اشوف شغلي
زينب موجه كلامها للدكتور:- اسفين يا بني هو بس قلقان علي مراته
الدكتور بعصبية:- وهو انا بلعب يا حجه انا هنا عشان اطمنكم عليها اهووو.
عمر بغضب اكتر:- انا عايز دكتورة ست مفيش راجل هيلمس ضوفر مراتي انت فاهم
طارق:- طيب اهدأ والدكتور مغلطش في حاجه ده شغله يا عمر.. احنا اسفين يا دكتور بس بعد اذنك ياريت دكتورة ست هي اللي تكشف عليها افضل.
الدكتور خرج وهو بيضرب كف بكف وبيسب فيهم)
طارق وجه كلامه للمرضه وقال بأدب:-بعد اذنك ياريت دكتورة ست هي اللي تكشف عليها ياتري نلاقي حد موجود في الشيفت ده ولا لا؟؟
الممرضة:- ثواني هنادي الدكتورة.
« جت دكتورة ست وكشفت علي منار بعد ما طارق أخد عمر برا الاوضه لانه خاف يعمل مشكله تانيه وبعد دقايق خرجت الدكتورة وقالت بود:- مين جوزها؟
رد عمر بلهفه:- انا جوزها.. طمنيني بالله عليكي انا هتجنن
ابتسمت الدكتورة بسعادة:- لا خلي عقلك سليم لانه كده كده هيطير لما البيبي يشرف
(طارق وعمر بصوا لبعض بتعجب)
عمر:-بيبي مين؟؟
الدكتورة:- الف مبروك المدام حامل في الشهر التاني..
(عمر اتصدم ومحسش بحاجه غير بحضن طارق له بسعادة وبيقوله:-مبروك يا غالي الف مبروك يا حبيبي
(عمر بسعادة وهو بيحضن طارق جامد:-هبقي أب يا طارق اخيرااا هبقي اب.. الحمدلله ياارب
(خرج من حضن طارق وسأل الدكتورة:-طب ومنار عاملة ايه طمنيني؟
الدكتورة:- الحمدلله احسن الضغط كان واطي جدا ولازم تاخد بالها من اكلها وانا كتبتلها علي فوليك أسيد وفيتامين ب 12 وكمان نقط للضغط واشوفها كمان اسبوعين بإذن الله.
طارق وعمر في نفس اللحظه:-شكرا يا دكتورة
(بصوا لبعض بسعادة وضحكوا سوا)
~~~~
في السجن كانت في مؤامرة بتتدبر ضد ملك وهي فاكرة انها بقت في امان... لكن لا شئ يدوم سوي الله..
ايه توقعاتكم وايه هيحصل لملك في البارت الجاي باذن الله نعرف ايه هيحصل واسمه عمر مش ذياد اسفه علي البارت اللي فات اتلخبطت بس...
الفصل السادس عشر من هنا