رواية من أول لحظة
الفصل الخامس 5
بقلم شيماء الجندي
"رجعت بيتي وانا مبسوط اوي وبغني ومش مصدق انها ممكن تبقا ليا وقعدت علي الكنبه وبصيت للسقف وانا مبتسم وغمضت عينيا لما افتكرت عيونها الجميلة وكنت فعلا طاير من فرحتي معرفش ليه واشمعني هي اللي حسيت معاها كل ده بالرغم من اني معرفهاش كويس... فجاة لاقيت التليفون بيرن خرجته من جيبي لاقيته رقم مجهول استغربت لان محدش لسه يعرف رقمي الجديد غير ولاد عمي وبس.. فتحت الخط
طارق:-ألو مين معايا
(بس محدش رد عليا وكررت كلمه الو كذا مرة وبردو محدش رد ولسه هقفل سمعت صوت حريمي بيقول:-وحشتني يا طارق اوي انا هند يا حبيبي
اتصدمت وقعدت بسرعة:-هند!!!
في شقة ملك كانت قاعدة في البلاكونا وبتشرب شاي وباصه للقمر وبتتامل جماله، فجاة حست بحاجه مسكت رجلها جامد اتفزعت وبعدها ضحكت ونزلت لمستوي بنتها الصغيرة'رحمة' ومسكت خدودها بحب وهي بتضحك لانها خضت ملك.
ملك:-خضتيني يا قردة بتعملي ايه هنا
رحمة:-اصل مازن مث راضي يديني اللون بتاعي وضربته
ملك فتحت بأستغراب:- والله انك مفترية بقي انتي رحمه انتي!!! ده انتي عذاب اولا الالوان دي بتاعته هو وثانيا يعني انتي ضربتيه وكمان جايه تشتكي
(رحمه بصت لملك ببراة شديدة وبعدها بصت في الارض وگانها مكسوفه.. ملك ضحكت عليها وحضنتها وشالتها معاها عشان توريها الشارع وقعدت تهزر مع رحمة بس فرحتها اختفت فورا واتحولت رعب لما شافت اللي بيبص لها بغضب وهو واقف تحت البيت
معلش بارت قصير بس هتتعوض باحسن منه باذن الله..