رواية نحن معا للأبد
الفصل التاسع والعشرون 29
بقلم لوجينا إبراهيم
سديم نزلت الكافتيريا وسابت مراد ينام ويرتاح
بعد شوية الساعة 11 مساءا والمستشفى هادئة تماما نجد ذلك الشاب المتنكر بزى الممرض الذى دخل غرفة مراد واخرج من جيبة حقنة واقترب من مراد علشان يديها لو لكن فى حد حط ايده على كتفه
الشاب بذعر......
سارة : انت فاكر انى مش هعرف اكشفك واعرف انت ناوى على ايه يا اركان
اركان: انتى مين وعرفتينى منين
سارة : مش مهم تعرف انا مين بس لو قتلت مراد ونفذت الى فى دماغك دلوقتى هتخسر كتير اوى ومش هتاخد الى انت عاوزه عموما ده عنوانى لو حبيت انى اساعدك لان مفيش حد هيقدر يعمل ده غيرى وضحكتك بخبث 😈 وسابته وخرجت بره الاوضة
كلام سارة فضل يرن فى ودن اركان وقرر انه مش هيقتل مراد دلوقتى ويستنى لحد ما يشوف مين دى وهتساعده ازاى
فى بيت السباعى وخصوصا فى مكتب محمود
محمود: مش ان الاوان بقا خلاص نخلص على ابراهيم ونمحى اسمه تماما هو ومراته وابنه
منى: دلوقتى يا محمود طيب سديم هتعمل معاها ايه
محمود. : سديم هخليها خدامة تحت رجلى بعد ماخد كل ثروة ابوها الى بعد مايموت هتتنقل تلقائيا لحساب مراد ابنى
منى: اه يا خبيث علشان كده شرط على ابراهيم انه يكتب لمراد واحد وخمسين فى المية من ثروته
محمود: بالظبط علشان يبقا ابنى الامر الناهى
منى: وطبعا مراد ميعرفش بشروطك انت وابراهيم، بالفلوس هتبقا بتاعتك انت
محمود: ذكية يا منى ولمحتيها وهى طايرة
منى : طب وانا يا محمود نصيبى كام
محمود: هديكي عشرين مليون
منى بعصبية: ننننننننننننعععععععمممممم ، ده انت هتاخدي ثروة بلمليارات من ابراهيم وهتدينى عشرين مليون بس
محمود: منتى ليه هتاخدي ورثك من ثروة بابا
منى: مليش فى يا محمود
محمود: عايزة ايه يعنى
منى : النص بالنص
محمود بعصبية مسك منى من شعرها : انتى اتجننتى ونسيتى نفسك ولا ايه يا منى هما اربعين مليون وده كرما منى معاكى غير ورثك غير كده ملكيش ولا مليم عندى ولوفكرتى تتحدينى هسجنك بالورق الى معايا
منى : خلاص خلاص انا اسفة الى تجيبه انا موافقة عليه
محمود: ايوه كده اتعدلى ويلا روحى كلميهم خليهم يخلصو على ابراهيم وميسيبوش دليل وراهم وسابها ومشى
منى : كده يا محمود تعمل معايا انا كده ده انا منى السباعي وهدفعك تمن الى عملته ده غالى اوى يا محمود هخليك تخسر عيلتك كلها وهفرقكم وهخليك تتمنى الموت من الى هعمله فيك وابتسمت بخبث😈😈😈
وطلعت موبايلها
منى : نفذو كل المطلوب لكن قبل متنفذوا تنقلوا زين لمكان تانى ملهوش اى اثر انتو فاهمين
(ياترا ناوية على ايه يا منى انتى طلعتى مش سهلة خالص)
تانى يوم الصبح
فى شركة السباعي للعمارة
عمار راح لسما مكتبها
عمار: ازيك يا سما عاملة ايه انهرده
سما: قول يا عمار اخلص انا عارفة الدخلة دى كويس عايز ايه
عمار: هو انا مقفوش اوى كده
سما: اوى 😂😂
عمار: حيث كدا بقا انا عايز نطلع نفطر مع بعض فى اى مكان
سما: بس انا مشغولة اوى علشان اجتماع انهرده لازم الورق يخلص
عمار: يلا بس وانا هخلى السكرتيرة تخلص كل الشغل
سما: ماشى
اطلعوا يفطروا فى مكان حلو على البحر
عمار: تعرفى انا مبسوط اوى انى قاعد معاكى دلوقتى
سما: مش عارفه مش حساها اوى منك
عمار: سما انا مش بكدب عليكى انا فعلا بحبك انتى مش مصدق انى ليه
سما بحدة : عمار انا قولتك انى مبحبش ومش بفكر فى الارتباط اصلا، بلاش لف ودوران على بعض انت شاب غنى وناجح ويوم متحب تحبني انا
عمار: وايه المشكلة يا سما مانتى بردة انسانة متعلمة وجميلة وناجحة محبكيش ليه
سما: عمار انت لو عرفينى بجد هتكرهنى وصورت هتتغير عندك ، وانا قولتلك انى مش عايزة ارتبط
عمار: الموضوع مش انك مش عايزة ترتبطى يا سما فى عليكى حمل كبير وحزن هو ده الى مسيطر عليكى دلوقتي
سما انهارت وبدات تعيطي ،،عمار كان اول مره يشوفها فى الحالة دى
عمار مسك ايد سما بحنية: طيب ممكن تهدى وتقوليلي ايه الى حصل شاركي همك وانا اوعدك مش هقول لحد انا هساعدك وهقف جمبك وصورتك عمرها مهتتغير عندى
سما حست بالراحة الشديدة لكلام عمار فى اللحظة دى التقت عيون سما الدامعة بعيون عمار وفضلوا كده خمس ثوانى لان سما خلاص قررت انها هتقول كل حاجه لعمار بصراحة بعد ماشافت حبه الكبير ليها فى عنيه
سما: الى حصل انه من سبع سنين انا كنت لسه فى اولى جامعة اتعرفت على شاب قالى انو بيحبنى وانا فعلا حبيتو اوى من كل قلبى كنت لسة صغيرة ومش فاهمه اى حاجه ولما اكتشفت حملى فرحت اوى وروحت علشان اقولو بس اول ما قولتلو ابتسم ابتسامة باهته وقالى مبروك وبعدها كل يوم فى الجامعة كنت بلاقيه مع بنت شكل روحت وواجهته بالى بيعمله قالى لو مسبتهوش يعمل الى هو عايزة هيتبرى من ابنه الى فبطنى انا فضلت ساكته ومستحمله علشان ابنى لما يتولد يكون ليه اب ويوم معرفت انى حامل فى بنت فرحت وروحت اقولو علشان هو طول عمره كان بيقولى عايز اخلف منك بنت شبهك بس لما روحتلو البيت لقيت معاه بنت شوفتو بيخونى بعنيا وانهارت من البكاء
فى اليوم ده اتخانقت معاه خناقة كبيرة لدرجة انه ضربني وطردنى من البيت فضلت واقفة مصدومه من الى بيحصل معايا فى الوقت ده كانت ماما جايبالى عريس وطبعا اهلى مكانوش يعرفو اى حاجه عن حملى وافقت على العريس علطول قولت هنسى كل حاجة حصلت معايا وهبدأ حياتى من جديد علشان ابنى
وفى يوم كتب كتابى الولد الى كنت بحبه بعت ناس يقتلو عريسى وفعلا عملولو حادثة عربية ومات
والولد الى حبيته ساعتها بعتلى رسالة بيسخر فيها منى وقالى انه مش هيسمحلى اتجوز ولا ارتبط بحد بعده وان ال عمله ده انتقام منى علشان فكرت ابعد عنه انا فى الوقت ده انهارت والدنيا اسود فى وشى تعبت اوى ونقلوها على المستشفى والهى كلهم عرفوا انى حامل بس هما لحد دلوقتى فاكرين انى كنت حامل من عريسى الى مات، بعد كل الى حصلى ده انا بقت انسانة مغرورة وانانية مبتحبش غير نفسها حتى بنتى نسيتها وسيبتها للدادة تربيها لحد مشوفت تعلق چنى بسديم غيرت اوى منها وقررت انى اهتم بچنى وانى احسن حياتى واهتم بشغلى وبس
انا عارفه انك دلوقتى يا عمار شايفني انسانة وحشة بعد كل الى قولتهولك ده بس ........
عمار قاطعها : هششششش بالعكس يا سما انا شايفك انسانة جميلة وجميلة اوى كمان رغم كل الى مريتى بيه لسه ناجحة وقوية ومتماسكة ، واهم حاجة انك صريحة يا سما وانتى فعلا اتعلمتى من غلطتك
سما: ازاى
عمار: انك تعترفي بالغلط ده اول خطوة للنجاح ومعالجة الخطأ يا سما وعلفكرة انا لسة بحبك
سما: ..... فى الوقت ده تليفون سما رن
سما: الو... چنى مالها ايه الى حصل، طيب انا جاية حالا
عمار: فى ايه
سما بعياط: دى المدرسة بتاعت چنى بتقول انها وقعت على دماغها ونقلوها المستشفى، انا خايفه اوى على بنتى يا عمار
عمار: متقلقيش هتبقا كويسة يلا بينا بسرعة
فى لندن
كان مراد خلاص خرج من المستشفى ورجعو على البيت
مراد كان نايم على السرير وسديم كانت جامعة وبتحاول تأكله وهو مكنش عايز ياكل وكان سرحان وبيفكر ليه الدكتور عمل كده وكدب على سديم الموضوع ده كان شاغله اوى
سديم : برده مش عايز تاكل يا مراد
مراد: ارجوكى يا سديم انا مش قادر احط لقمه فى بوقى ارجوكى كفاية
سديم : حاضر وحطت طبق الاكل على الكوميدينو
وبصت لمراد الى كان سرحان وتأملت ملامحه بحب
ونامت على كتفه فى هذة اللحظة مراد فاق من شروده
سديم: تعرف انى كنت خايفه عليك اوى
مراد ابتسم لخوفهم عليه
مراد: بس ايه الساعة للخوف انا هفضل جمبك علطول حتى الموت مش هيقدر يفرقنا يا سديم
سديم: هششش اسكت بلاش تقول كده تانى، انا هروح اعملك عصير بدل الاكل
بعد ما قامت مراد شدها من ايديها ووقعها فى حضنه
مراد: انتى متعرفيش يا دكتورة ان لما يكون فى حد عيان المفروض تفضلى جمبة ومبسيبيهوش
سديم: والله
مراد: اه واللهى
سديم: حتى وانت عيان مش هتبطل شقاوة
مراد: شكله كده وفجأة شد الغطا عليهم هما الاتنين
فى الوقت ده اركان راح لسارة البيت
سارة : انا كنت عارفه انك هتيجى
اركان: انتى مين وبتعملى كده ليه
سارة: انا حبيبة مراد زى منتا حبيب سديم
اركان: انتى لتقول ايه انا مش فاهم
سارة : متستعبطش ورفعت كم التيشرت الى اركان لابسه ليظهر ذلك الوشم وشم الصقر انا عارفه ان انت الصقر
اركان: انتى عرفتى منين الى هعمله ومين الى قالك انى بحب سديم
سارة : سمعت منى وهي بتكلمك فى التليفون وبتتفقوا انك تقتل مراد مقابل انك سديم تبقا ليك، بس انت طبعا ساذج وصدقتها
اركان : قصدك ايه
سارة: منى دى واحدة كدابة ومخادعة وضحكت عليك انها هتخلى سديم ليك زى مضحكت عليا وقالتلى انها هتخلى مراد ليا
اركان: بمعنى
سارة : انت فاكر انك لو قتلت مراد سديم هتبقا ليك مستحيل يا اركان سديم بتحب مراد اوى وحتى لو مات مش هتقدر تخليها تحبك او تتجوزك
اركان: والمفروض بقا ان انا الصقر اصدق كلامك يعنى
سارة : مفيش قدامك حل تانى، انا بس الى هعرف اوصلك لقلب سديم
اركان : ازاى
سارة : سديم علشان تحبك وتوصل لقربها لازم تكره مراد الاول وهى الى تطلب منه الطلاق بنفسها
اركان: ودى هنعملها ازاى
سارة : سهلة اوى بس انا تتفق معايا وتساعدنى وتسيبك من منى خالص
اركان: اتفقنا بس لو فى يوم غدرت بيكى
سارة: متقدرش لان زى مهقدر اوصلك لقلب سديم زى مهقدر اخليها تكرهك وانت حر بقا
اركان: علفكرة كنت بختبرك بس طلعتى مش سهلة ابدا
سارة : انا عارفه لما ببقا عايزة حاجة مش هسكت غير لما اخدها ده انا سارة
اركان : ايه الخطة
سارة : بص انا ********************************
اركان: لاء ده انتى طلعتى شيطانة 👹👹
سارة : شيطانة اه بس شاطرة
اركان : طيب يا شاطرة هتنامى امتى
سارة : انهرده بليل بس عايزاك كده تبقا جمب سديم وتحتويها
اركان عيب عليكي ده انا اعجبك اوى فى الحته دى
سارة: انا عارفه طبعا انت هتقولى
_______________________________________
ماهر ولينا كانو خلاص وصلو لندن عند مراد وسديم
وقعدنا يتعشوا مع بعض فى الوقت ده الجرس رن
اركان :ازيك يا استاذ مراد عامل ايه دلوقتى
مراد: انا الحمدلله بقيت احسن
اركان: الحمد الله استأذن انا بقا
سديم: لاء مينفعش لازم تشرب معانا القهوة الاول
اركان : مدام مصرة ماشى
مراد: اعرفك ده ماهر صحبى وديه لينا بنت خال سديم
اركان : اهلا
لينا وماهر : اهلا بيك
وقعدت وضربوا القهوة مع بعض لكن اركان كنت نيته حاجة تانية دلق القهوة على نفسة
سديم: انت كويس
اركان: حصل خير بس لو ممكن اروح الحمام
مراد: اتفضل الحمام فى الدور الى فوق
اركان ارتسمت على وجهه ابتسامة خبيثة وراح الحمام لكنه فى الاصل دخل اوضة مراد وسديم وزرع فيها جهاز تنصت ونزل بسرعة قبل محد يشوفه
اركان : فرصة سعيد لازم امشى انا بقا، والف سلامة عليك يا استاذ مراد
مراد :الله يسلمك
بعد ما اركان مشى
كانوا قاعدين كلهم فى الصالة بيتفر جوا على فيلم
و مبسوطين مع بعض بعد الفيلم سديم ولينا طلعوا الاوضة يتكلموا ومفضلش غير ماهر ومراد
ماهر:انت ازاى متقوليش عن موضوع تعبك يا مراد
مراد: ملحقتش يا ماهر علشان حصل معايا حاجة غريبة
ماهر : ايه
مراد: الدكتور الى فى المستشفى قال ان الى حصلى كان ضغط شغل ومقلش الحقيقة لسديم
ماهر: طيب ده شئ كويس مش انت عايز كده
مراد: ماهر افهم انا متفقتش مع الدكتور اصلا
ماهر: اومال الدكتور كدب ليه
مراد: مش عارف علشان كده عمال بفكر
ماهر : حاجة غريبة، بس مش اغرب من الى اسمه اركان ده ، شكله مش مريح انت مشوفتش كان بيبص لسديم ازاى
مراد: انا كمان......
وقبل ما يجيب مراد على كلام ماهر تليفونه رن برقم غريب
مراد: الو
سارة : ازيك يا ماروووو
مراد: مين معايا
سارة:اخص عليك تنسى صوت حبيبتك بكل سهولة
مراد باستغراب : سارة انتى بتكلمينى ليه بعد الفترة دى كلها
سارة:عايزة اشوفك يا حياتى
مراد:تشوفيني.......، خير فى حاجة
سارة بدلع : لاء لاء اصلك وحشتنى موت وعايزاك تجيلى
مراد: ارجوكى يا بنت خالتى من غير كلام كتير لو محتاجة حاجةقوليهالى ولو مفيش حاجه يبقى....
قاطعته سارة : بنت خالتك 😂😂 وهو انت فاكر انك تقدر متجيش بص بقا يا حياتى لو مجيتش بكرا بيتى عشان نتكلم حقول لحبيبة القلب مراتك انك يا حرام بتموت ومش عايزها تعرف
مراد بصدمة : ايه انتى بتقولى ايه انتى عرفتى ازاى وامته
سارة:لاء انا سارة ولا انت نسيت وبعدين فاكر الدكتور كدب على مراتك ليه كل ده بأمر منى ، هتيجى عندى بكرا والا انت عارف انا ممكن اعمل ايه سلام يا حبى
مراد:.....
كاااااااااات
تتوقعو ايه خطة سارة واركان وهل مراد هيروح ولا لاء
الى هيتوقع صح هنزل اسمه في البارت الجديد
وتتوقعوا منى هتعمل ايه فى محمود