رواية صفقه ثم عشق الفصل السادس عشر 16 والسابع عشر 17 بقلم مريم جلال
استيقظت عشق وجدت نفسها بالفستان الي كانت لابساه امبارح بس الجزمه والطرحه خلعاهم عرفت ان زين الي عمل كدة وبصتله لقته نايم زي الملايكه بالظبط قعدت تلعب ف دقنه وتلعبله ف وشه وهو صحي لكن مثل النوم عشان يشوفها هتعمل ايه
عشق وهي بتلعب ف دقنه:لو تعرف انا بحبك قد ايه حتي لو انت بتحبني عادي نفسي تحبني نفس حب مراتك القديمه انا عارفه ان الحب الاول صعب يتنسي واكيد بتفتكرها وكنت تتمني متعملش كدة وهحاول انسيك علي قد ما اقدر مراتك ووجعك منها ونفسي تحبني زيها وتنهدت بيأس
زين زعل من تفكيرها واتكلم بهدوء:انا مكنتش بحب صافي
عشق اتخضت واتوترت:انا... انا .. كن.. كنت
زين بتنهيدة وهو لسه مغمض عنيه:عشق انا مكنتش بحب صافي لما قابلتك حسيت بحاجات كتيرة حلوة ف حياتي عمري ما حسيتها مع صافي خالص ممكن اكون اتعلقت بيها لكن حقيقي انا طلعت مكنتش بحبها انا بقيت بعشقك ونسيتها خالص وعمري ما فكرت فيها ولا اشتقتلها ابدا
عشق بدموع:يعني انا الي ف قلبك بس
زين:والله ايوة واياكي تشككي ف حبي تاني وسكت وكمل
عشق اياكي تخونيني اياكي تجرحيني لان جرح صافي طلعت منه بسهوله لكن انتي صعب انتي كدة هتبقي بتدفينيني بالحيا فاهمه غير ردة فعلي مش هتتخيليها لاني هدوس علي قلبي قدام كرامتي فاهمه يا عشق
عشق:مستحيل يا زين اخونك مستحيل
زين:مصدقك يا عشق يلا عشان بابا جاي شويه كدة ااه صح اياكي تقعدي قدامه بشعرك فاهمه
عشق بضحك:حاضر حاضر
وقام ياخد شاور وعشق نزلت تحضر الفطار عشان ابو زين جاي ونزل زين وقعد يتكلم مع عشق ف أمور عشوائيه وهما مستنين ابو زين
وقاطع حديثهم رن الجرس
زين:دة بابا هقوم افتحله
عشق:وانا هقوم احط الاكل
زين راح يفتح الباب
ابو زين:ايه يا زين بيه نستني هو الجواز ينسي كدة
زين بضحك وحضنه:وهو فيه حد ينساك بردة يا بابا
ابو زين بمرح:ايوة انت
زين:ماشي ادخل يلا عشان تفطر عشق محضرة فطار تحفه الصراحه
ابو زين:عشق وفطار تحفه ف ايه
زين:ادخل طيب هتقف علي الباب
ابو زين: هدخل لما نشوف اخرتها
دخل ابو زين لقي عشق حاطه الاكل علي السفرة
عشق:حمدلله علي سلامتك يا عمي
ابو زين:عيب كدة انا اسمي بابا
عشق بإبتسامه:حاضر يا بابا
زين بغيرة:ايه اجبلكوا اتنين لمون
ابو زين بإستغراب:لاء فيه حاجه غلط مالك يا حبيبي انت سخن
زين ضحك وراح حط ايده علي كتف عشق:لاء بس الي يعيش مع عشق لازم يتغير
ابو زين بفرحه:اخيرا يا زين قولتلك عشق غير كل البنات
زين:عندك حق الحمدلله اني سمعت كلامك
عشق اتكسفت وسكتت
ابو زين:ربنا يخليكوا لبعض فرحتوني يا أولاد والله يلا نفطر عشان اقضي معاكوا اليوم دة واروح البيت انام
عشق بزعل مصطنع:ايه الكلام دة الي انت بتقوله يا بابا عيب يبقي بيت ولادك موجود وتروح ف حته تاني لاء انا زحلانه منك
ابو زين بضحك:لاء ميهونش عليا زحلك بس عشان تاخدو راحتكوا
عشق بتصنع زعل:زين قول لأبوك اني زحلانه ومقموصه منو
زين بضحك:انا كمان مقموص منك
ابو زين ضحك ومبسوط ان ابنو رجع تاني زي زمان:خلاص هقعد معاكوا
عشق:زين قول لأبوك اني خلاص مش زحلانه ومستعدة نعمل معاهدة صلح
زين ضحك:وربنا طفله
ابو زين كان مبسوط وافتكر صافي بنت اخوه لما كانت بتتخانق مع زين واحيانا تسيب البيت بسبب اني قاعد معاهم ف نفس البيت
قعدو يفطرو ف جو مرح واجواء لطيفه
عند مروان
مروان راح لسلمي عشان ينزلو ينقو الفستان بتاع الخطوبه وصل مروان البيت وخبط
ام سلمي فتحت:ازيك يا ابني تعالي
مروان بخجل:مينفعش ادخل معلش قولي لسلمي يلا
ام سلمي بصتله بفخر انو راجل مرضيش يدخل عشان هما ستات لوحدهم:ادخل يا حبيبي عادي
مروان:اول ما اكتب علي بنتك ابقي ادخل يا امي معلش سبيني علي راحتي
ام سلمي:ماشي يا حبيبي معلش تعباك معايا سلمي ملهاش صحاب غير عشق وعشق عندها مشاكلها ربنا معاها وانا مقدرش انزل ومعاها ونلف
مروان:عيب الكلام الي بتقوليه دة يا امي انا افضي نفسي واتعب عشان سلمي واعمل اي حاجه عشان سلمي
ام سلمي:ربنا يخليكوا لبعض يارب
وجات سلمي
سلمي:انا جاهزة يلا
مروان بحدة:مش شايفه ان الدريس دة ديق شويه يا سلمي
سلمي:ماله يا مروان
مروان:بعد اذنك غيريه
سلمي بعند:انا شايفه ان مفيهوش حاجه ومش هغيره عشان مصدقت لبسته
مروان بغضب:روحي غيري يا سلمي وربنا ما هخرج
مامت سلمي:سلمي اسمعي كلامه يلا
سلمي بصتله بغيظ ودخلت غيرت الفستان لواحد تاني اوسع
بعد فترة
سلمي بغيظ:كدة حلو
مروان:ايه الي انتي حطاه ف بوقك دة
سلمي بغضب:دة روج خفيف ايه
مروان:ماشي يلا وأخد سلمي ونزل وقبل ما يطلعه من باب العمارة مسكها وطلع منديل ومسح الروج كله ورمي المنديل
مروان بغضب:وربنا لو شوفتك حاطه زبدة كاكاو حتي وربنا لأفشفش دماغك فاهمه ولا لاء
سلمي حبت غيرته عليها:حاضر
مروان بغضبة:قدامي
وركبو العربيه رايحين لمحل فساتين للخطوبه
عند زين خلصو أكل وعشق لمت الاطباق وزين ساعدها وغسلت الاطباق
عشق:اعملكم قهوة
زين:ايوة يا بابا عشق عليها كوبايه قهوة تحفه جدا
ابو زين:نجربها وماله
عشق بإبتسامه:من عيوني
ابو زين:ف ايه بقا
زين:مفيش بس حبيتها وطلعت نضيفه من بره ومن جوه
ابو زين:ربنا يفرحك يا زين يارب واشوفك فرحان طول عمري
زين:ربنا يخليك لينا يا بابا
الفصل السابع عشر
ف محل الفساتين عند مروان وسلمي
مروان بغضب:وربنا يا سلمي ما هتاخدي الفستان دة
سلمي بحزن:ليه دة جميل
مروان بغضب:هضربك قلم يعدلك ادخلي غيري الزفت دة انا الي هنقيلك فستانك يلا
سلمي بتذمر دخلت تخلع الفستان ومروان قعد يدور ف الفساتين لحد ما لقي فستان احمر جميل وعليه حجاب اسود تحفه ف الجمال طلعه مروان
الموظفه:حضرتك نقيت من احسن الماركات عندنا بس غالي
مروان:مش مهم وراح لسلمي
مروان:حببتي جربي دة
سلمي بغضب:حاضر وأخدته لبسته وطلعت
مروان انبهر من جماله عليها هو عارف انو حلو لكن معرفش انو هيبقي تحفه عليها
مروان بحب:جميل جدا جدا جدا
سلمي بفرحه:حقيقي بصراحه عجبني أوي هأجره
مروان:توء توء هنشتريه عشان لما احب اشوفه عليكي تلبسيه
سلمي بخجل ودخلت تغيره بسرعه وبعد ما غيرته وطلعت وبصت علي سعره طلعت بسرعه
مروان:يلا عشان نحاسب
سلمي راحت بسرعه وهمست ف ودنه:لاء يا مروان مش هينفع
مروان بإستغراب:ليه
سلمي:يا مروان الفستان ب 10000تلاف جنيه انت بتهزر لاء طبعا كفايه طقم الالماظ الي انت جبته
مروان بإبتسامه:لو كان بمليون جنيه هجيبه بردو يلا
ومشي راح يحاسب وهي وراه وبالفعل اشتراه وهما طالعين من المحل سلمي كانت هطير من الفرحه لانها حبت الفستان وكل شويه تفتح الكيس تشوفه
مروان بصلها وابتسم:فرحانه
سلمي بصتله وعنيها فيها دموع:انا فرحانه جدا جدا شكرا يا مروان لانك بتحاول تفرحني حقيقي انت بتعوضني عن حنان الاب الي اتحرمت منه من زمان شكرا جدا
مروان وقف قدامها مسح دموعها:انا لو اطول اديكي عمري عشان اشوف الفرحه دي الي ف عنيكي هديهالك وانا مرتاح وبعدين مفيش واحدة تقول لجوزها شكرا اوعدك اول ما هكتب عليكي هعوضك أكتر والله متعيطيش بقا عشان معيطش معاكي
سلمي بصتله وابتسمت وركبو العربيه وروحها مروان لبيتها
عند زين
عشق:اتفضل يا بابا يارب تعجبك
ابو زين:اكيد هتعجبني
عشق:اتفضل يا زين
زين بصلها:تسلمي وقعدت جنبه
ابو زين:الله تسلم اديكي يا بنتي جميله جدا عندك حق يا زين القهوة تحفه
عشق:بالهنا والشفا ااه صح انا جهزت اوضتك امبارح ونضيفه وزي الفل
ابو زين:تسلمي يا بنتي وكمل يا أولاد انا مش هيعشلكوا كتير
عشق بشهقه:بعد الشر عليك يا بابا انا مصدقت حسيت بوجود أب ف حياتي وعنيها دمعت
زين:بعد الشر عليك يا بابا
ابو زين:عمر الموت ما كان شر يا أولاد المهم انا نفسي اشوف أحفادي قبل ما اموت
عشق:بعد الشر عنك يا بابا
ابو زين بمرح:متغيريش الموضوع انا داخل انام
وقام راح اوضته وعشق كانت مكسوفه وبصت علي زين لقته بيبصلها
زين بجديه:عشق انا نفسي ف طفل من زمان جدا ولما اتجوزت كان نفسي بس حمدت ربنا ان كان مفيش بينا اطفال الحمدلله حتي لو كانت حامل مكنتش هصدق اني ابوه المهم ان الموضوع اختلف دلوقتي انا نفسي ف طفل منك يا عشق موافقه
عشق:ومين مش بيحب الاطفال ومين منفسوش يبقي أم
زين فرح:بحبك يا عشق
عشق:وانا أكتر وأكملت أحم أحم زين ممكن اسألك سؤال
زين:ااه طبعا قولي
عشق:عمرك ماجبت سيرة مامتك ليه
زين تغيرت ملامحه للحزن:اصلي مش بحب افتحه كتير
عشق:ليه هي كانت وحشه
زين:لاء طبعا بس وسكت
عشق:خلاص لو مش جاهز تحكي
زين:لاء لازم تعرفي عني كل حاجه تعالي بس نطلع فوق
عشق:ماشي يلا
وبالفعل طلعو فوق ونامت عشق علي السرير وزين نام جنبها واتنهد تنهيدة حزينه جدا
عشق:للدرجادي الموضوع صعب يا زين
زين:هتعرفي لما أحكيلك
عشق:احكي يمكن ترتاح
زين:حاضر الحكايه ابتدت ان ابويه وامي أخدو بعض عن حب وكانو بيعشقو بعض جدا جدا واتحدو كل الظروف واتجوزو وبعد سنه من الجواز ماما حملت فيا وطلع عندها كانسر علي الرحم بابا حاول يخليها تنزلني رفضت رفض تام وكملت الحمل رغم انها عارفه انها ممكن تموت لكن حصلت معجزة يوم ولادتي وهي عاشت كانت فرحانه جدا وشالو الرحم وكدة الكانسر راح وانا كبرت وبقا عندي 10 سنين وكانو مكتفين بيا بس وبدأت ماما تتعب وراحت تكشف لقت عندها كانسر ف الدم وف مرحله ممكن تتعالج فيها وبدأت العلاج لكن مكنش بيعمل مفعول معاها قعدت تتعالج منو 6 سنين وبردو مفيش فايدة لحد ما جابت اخرها والدكتور قال انها مش هتكمل الشهر دة لان المرض تملك جسمها كله وقعدت ماما ف السرير كان عندي ساعتها 16سنه عدي شهر ولسه عايشه لكن تعبانه جدا قولنا ممكن تعيش وف مرة كنت معاها وقالتلي وسكت زين وعيط
عشق:باااس اهدي يا زين اهدي يا حبيبي خلاص متكملش
زين ببكاء:لاء هكمل واكمل زين قالتلي تعالي يا زين نام ف حضني عايزة اشم ريحتك وانا نمت جنبها وف حضنها وكانت حضناني جامد وانا حضنتها جامد ومرة واحدة حضنها خف واديها بدأت تقع من حضني شهقه... .... ولما حسيت بكدة قومت بصتلها لقيتها مغمضه عنيها ومفيش نفس عرفت انها ماتت عرفت ف حضني
عشق بقت تعيط هي كمان:انا أسفه يا زين اني فكرتك والله مكنتش أعرف كنت موت قبل ما اسأل
زين:متجبيش سيرة الموت كفايه بقي عايزة انتي كمان تسبيني
عشق:انا أسفه بس بابا لما عرف عمل ايه
زين:دخل عليا لقاني بعيط وبصحيها عرف انها ماتت تماسك قدامي وطلعني بره وقفل الباب عليه وسمعت صوته وهو بيكسر ف الاوضه الي هي فيها وبيعيط بحرقه جامد جدا وكانت أصعب سنه علينا من ساعتها بابا هو بقي كل حياتي
عشق:طب اهدي يلا نام كانت عشق اول مرة تشوف ضعف زين ونيمته وقامت عشان تعمل الغدا.