رواية حقى أكون أب
الفصل الخامس عشر 15
بقلم نجلاء فتحى
إياد/ مبسوطة
أميرة/ شكرآ وقفت معايا
إياد/ أنتى غالية عندى أقصد عندنا كلنا ،،أي رأيك فى البلد
أميره/ جميلة ،،هادية ،،ناسها طيبة ،،هى دى بلدكم
إياد/ بلد أمى وخالتي ناجية العزبة بتاعة جدى ولما مات ماما وخالتي رفضوا يبعوها علشان من ريحة أبوهم وكنا بنيجى هنا فى الأعياد و لما كبرنا أنشغلنا وفى يوم أمى طلبت تبعها وهى مش محتاجة خالتى رفضت بشدة وأعطتها نصيبها وبقت ملك خالتى ناجية والشهادة لله لما كبرت خالتى أدتنى نسخة من المفتاح وقالت أنت ذى إسلام العزبة مفتوحة ليك فى اى وقت ووصتنا انا وإسلام ممنوع تفرطوا فيها وسكت حتى لا يذكر أمة فهى غير موجودة بالنسبالة وخالتة هى إللى مربياة
أميرة/ نفسى أعيش هنا على طول وأبعد عن المشاكل
إياد/ كل حتة فيها مشاكل المهم الشخص يعدى أزمتة ويفوق ويقوى
أميرة بتفكير/ عندك حق
إياد/ شايفة الأرض الكبيرة دى بتاعة أمى لوحدها أبويا أشترها ليها هدية وهى كتبتها ليا علشان عارفة حبى للبلد لو كدة كانت بعتها من زمان ومازالت تلح عليا أبيعها طب أزاى ودة المكان إللى بيروق دمى ويهدى أعصابى مخبئ السرى
أميرة/أوعا تبيعها فى يوم
إياد/ مستحيل تعرفى لما أزهق بجى هنا أريح أعصابى يبقا أبيعها أزاى دى هدية من أمى ليا لسة قايل من شوية
أميرة/ ربنا يزيدك من فضل الله
إياد/ أنا وأنتى يارب،،، أية رأيك نمشى فى الأرض شوية وسط الزرع
أميرة/ ياريت
__________
[[[بعد وقت ]]]
بلع إياد ريقة حين وجد خالتة تجلس أمام الباب تنظر لة بغل وقالت :- كنتم فين
أميرة/ الدكتور فسحنى
ناجية/ المهم أنبساطك ،،،،أدخلى البيت أستريحى
أميرة/ حاضر،،،،،
ناجية/ شدت ودن إياد وقالت:- بتبص على أي!!!!!،،تانى مرة متخرجش مع أميرة ،،بقالك ٤ أيام هنا ملكش شغل
إياد/ ودنى ودنى أةةةةة،لا وأخذ أجازة مفتوحة ثم قفز بعيد عنها يتألم
ناجية نفسها/ كدة مش نافع البت فى تحسن وإياد بيقرب وأبنى قافل على حزنة ياربى أخلص من أميرة يطلع إسلام هو الحزن ورايا ورايا ،،
تسريع للأحداث مر أسبوع
_________
إسلام/ لازم نرجع إسكندرية
ناجية/ لا أبوك كلمنى وجة بالسلامة من السفر وجاى يريح أعصابة هنا كام يوم
إسلام/ عندى مركز كتير أسبوع بعدت عنة مينفعش أغيب وشغلى فى المستشفى الحكومى
ناجية بحدة / خدت أي !! من الشغل ها،،أعتبر نفسك فى مؤتمر ولازم تنجح فية وتركتة
نفخ إسلام وأجرا أتصال يضبط شغلة،،،،،،
أتفزع إياد من ضربة ناجية على كتفة وقالت ملكش شغل يا صايع
إياد/ واخد أجازة يانااااااااس
ناجية/ أممممم،أميرة تعالى عايزاكى
أميرة/ حاضر،،،،بعد أذنك يا دكتور وأبتسمت
إياد/ أتفضلى يا قمر،،،
ناجية/ مسكت إيد أميرة وسارت للداخل وهى بتقول أرجع إسكندرية يا إياد أمك عايزاك
إياد بلهفة/ أمى ،،ثم أخرج الفون يطمن عليها وبعديها عرف هى بخير ،،وسؤال يدور فى رأسة لماذا خالتة تبعدة عنها من هنا ،،،
بقلم نجلاءفتحى عاشقةالكلمات
_________
خدى يا أميرة صنية الشاى دى للدكتور إسلام فى أوضة
أميرة/ ميصحش
ناجية/ أسمعى الكلام يلا
تنهدت أميرة/ حاضر ،،ثم ترجلت لغرفتة خبطت على الباب ودخلت بعد ما أذن لها وقالت/ الشاى
إسلام/ مطلبتش حاجة
أميرة/ خالتى قالتلى
إسلام/ طيب ،،هاتى أشربة
أميرة/ تأمر بحاجة تانية
إسلام/ لا ،،،أقصد تعالى عايز أكلمك شوية أقفلى الباب
أميرة/ أنا وحضرتك أزاى
إسلام بأبتسامة/ متخافيش منى
أميرة / عمرى مخفت منك أبدآ،،ثم سارت وأغلقت الباب،،،،لمحتها ناجية ونظرت يمين شمال ثم تسللت ووضعت أذنها على الباب لم تسمع شئ لمحت إياد يبحث عن أميرة ذهبت لة وأخذتة لمكان الفرن خارج البيت بحجة يسندها لهناك وفى نفس الوقت تترك أبنها مع أميرة
_______
إسلام/بقيتى أحسن دلوقتى
أميرة/ الحمد لله
إسلام/ بتخرجى مع إياد لية
أميرة/ عادى فرجنى على البلد
إسلام/ لو رجعنا إسكندرية تروحى فين
أميرة بوجع نفسى/ أرجع بيت بابا
لمس إسلام حزنها وعيونها حابسة دموعها،،،،فقال روحى لأهلك فى البلد وعمك
أميرة/ مستحيل محدش بيحبنى هناك بابا الله يرحمة دايما يخوفني منهم عمرى م شوفت حد زارنا ولا حتى جدتي دايما يتصلوا علية ويشتموة معرفش لية
إسلام بين أسنانة/ حياتنا وقفة بسببك
أميرة بكسرة/ منكرش وقفتوا جنبى فى أزمتى كتر خيركم عليا صدقنى عايزة أرجع خالتى ناجية رافضة أوعدك أبعد عنكم وحياتكم ترجع ذى ماهى أفضل من الأول بدونى أسفة تعبتكم ،،ثم أستأذنت ودخلت غرفتها جلست تفكر ماذا تفعل لم تمتلك المال للعودة. خرجت برا البيت ومنها سارت برا البلد من وصف أهل البلد ليها ،،واقفت على السريع أو الطريق الزراعى تشاور لأى سيارة راجعة أسكندرية توصلها بدون مال
دقائق معدودة أجتمع الجميع على سفرة العشاء
ناجية/ أميرة فين
إياد بصوت عالى/ أميرة تعالى العيش مخبوز سخن خالتى كدرتنى أدام الفرن حر قت نصفة مش مشكلة طعمة حلو
بهنساوى/ زوبة شوفى أميرة فين
تعلق عيون إسلام على باب غرفتها حين دخلت زوبة ليها
زوبة/ مش موجودة فى الأوضة
ناجية بخوف/ أخر مرة البت معاك فى الأوضة حصل أي
إسلام نظر للجميع الذين ينتظرون ردة/ قولتلها حياتنا واقفة بسببك بس
أتنفض إياد وبدون مقدمات ألتقط مفتاح سيارتة وخرج برا البيت لسيارتة بعد م قال أميرة لو جرالها حاجة مش أسامحك يا أبن خالتى العمر كلة دى ممكن تأذى نفسها لسة مش سوية نفسيآ
____
الأم بعويل/ ضيعت البت وأرتاحت
بهنساوى/ كرشت أميرة لية أكتر حاجة مميزة فيها عزة نفسها وكرامتها دى أمانة عندنا لو أختك تقبل تمشى بالليل وجمالها دة و شيطاين الأنس حاضرين
إسلام بعصبية/ مش أمانة واحدة أبوها اتقتل ووقفنا جمبها وبقت كويسة تروح لأهلها بقا بيتى أنخرب بسببها طلقت مراتى بسببها حياتى وشغلى واقف بسببها ثم تركهم
ناجية/ ط٠ط٠طلق أمتى
بهنساوى بعتاب/ محسبتهاش صح يا حاجة المرادى نسيتى أبنك راجل ٤٥ سنة مش مراهق شكلك بوظتى حياة أبنك
بقلم نجلاءفتحى عاشقةالكلمات
بكت الأم بشدة ،،،،
________
سار إياد فى شوارع القرية يسأل عن أميرة فهو يفسحها فى طرقات القرية بالنهار ولم ترتدى النقاب وكانت ملفته النظر، ،،،وبعد عناء دلة شخص أنها سألت كيف تخرج على الطريق الزراعى للبلد ،،،،أسرع إياد يدعو الله إلا يصيبها أذى فى هذا الوقت المتأخر
__________________
[فى الإسكندرية ]
الأم/مش عايزة تاكلى برضو
مرفت/ لا
الأم/ وشغلك
مرفت/ مليش نفس
الأم/ علشان طلقك فى داهية بكرة أجوزك إللى يصونك
مرفت بعصبية/ حرام عليكى بقا قولتلك أعترف لإسلام بالحقيقة هو بيحبنى رفضتى
الأم بغل/ مفيش راجل يقبل بظروفك
مرفت / قولتيلى أعايرة وأمشى ،،نفذت بعديها بيومين طلقنى
الأم/ دلوقتى بقيت الشريرة فى نظرك مفيش حاجة أسمها حب ولا تضحية كل الرجالة ذى أبوكى وأبويا أندال مصلحتهم وبس علشان كدة رضعت كرهم ذى ما أمى عملت فيا عملت فيكى الأكتر خلاتك ذى الصنم أتجاة جوزك وغيرة ،،شربت أزاى تبقى واحدة قوية تاخدى على قد متقدرى،، بأيدى دول شيلتلك الرحم وأنتى عمر ١٦ سنة وعملت ليكى عملية أخليكى متفكريش فى *** علشان متمليش لأى راجل أستغربت لما كبرتى حبيتى إسلام زميلك فى الكلية سبتك تتجوزية متأكدة يطلع ذى أبوكى،،وأبويا ويطلقك طلع متمسك بيكى ،،،،،أنتى بتحسبينى ليييييية أنتى كمان كدابة وجبتى إللى فيكى فييييية طوعتينى لييية لو أقدر مخلفكيش كنت عملتها ،،أناااااا عمرى محبيتك ولا فارقة معايا عارفة لييية علشان حتة من أبوكى كبرت جوايا شوفتى بكرهك قد أية ولو أطول أمحى أسمك من حياتى أعملها
مرفت بعصبية من كلام أمها/ بحبة مش عايزة أسيبة وكشفت على نفسى الدكتور قالى مفيش رحم متشال قولتلة محصلش قالى غريب كل العلامات يدل بوجودة وفى أثر شيلة وجيت قولتلك قولتيلى خلقة ربنا أقتنعت بكلامك ،،قولتلك بحب جوزى مش عايزة أبعد عنة ،،قولتى خلاص أقنعة هو عندة مشكلة ،،،، حرام عليكى دمرتينى ،أنا بنتك الوحيدة مين أنتى علشان تشيلى حتة من أحساسى ومشاعرى ،، كدة صح وانا أقول مليش مشاعر لجوزى ولا لغيرة ليييييية بكرهك أنتى لايمكن تكونى أم 😭😭😭
الأم/كلة فى صالحك
مرفت/ بأى حق تشيلى حتة ذى دى وهى سليمة دة كيان الأنثى بكرهك مش عايزة أعيش معاكى، وتركتها متجاهلة نداها عليها
الأم بغل / يبقا كتبتى على نفسك غضبى،،،أشمعنا أنتى تتهنى وأنا لااااااااا مرفتتتت أستنى حسبى أبوكى مش أنا مضيعيش عمرك الفلوس كل حاجة مرففففت
مرفت/أتعلاجى سلمى نفسك لمستشفى وملكيش دعوة بيا أمى ماتت من زمان حرام عليكى أكتر واحدة حبتها أنتى. وإسلام لو عرف باللى حصل هسجنك سامعة يا هانننننننم مش مستعدة اخسرة لأبد وأعمل أى حاجة علشان يفضل معايا
_________
ضرب إياد على إطار سيارتة بقوة لم يجد أميرة
______
إسلام بحزن / متزعليش منى يا أمى وحياتى عندك ،،ثم قبل إيدها وخرج برا أوضيتها فهى تعرضت لأزمة مرضية من فراق أميرة
______
وقفت سيارة وركبت فيها أميرة
لقراءه جميع فصول الرواية من هنا