رواية هذا قدري الفصل الثالث عشر 13 بقلم حنين شريف
عند مريم وحياه
مريم
ايوه يعني هنجيب التحاليل امتي؟؟...
حياه
ما قولتلك بعد بكره،(كملت بقلق)بس انا خايفه اوي يا مريم،
مريم
من ايه يا حبيبتي
حياه
خايفه ليكون حالتي صعبه ومحتاجة عمليه،وساعتها هحتاج فلوس كتيره،ومش هعرف اردها لدكتور عمر
مريم وهي بتحاول تخفف من توترها
متخفيش ،ان شاءالله خير
~~~~~~~~~~~~~~~~~~~
عند اسر في المكتب
اسر وهو بيدور في مكتب منير علي ورق معين
اسر لقي الورق الي عايزه
اخيرا لقيتك
اسر كان لسه هيمشي لقي منير
منير بغضب
انتتتتت بتعمل ايييييييه؟!!
اسر بتوتر بيحاول اخفائه
مفيش يا فندم كنت بدور علي اوراق طلبت من حضرتك توقعها
منير
وهو انت ماينفعش تقولي قبل ماتيجي كده زي الحراميه
اسر بأسف
متأسف يا منير بيه
اسر كان هيمشي لكن منير وقفه
منير بحده
ايه مش هتجيب الورق الي كنت عايزه
اسر
انا ملقتوش ،ممكن اكون اخدته من حضرتك ،هدور عليه كويس
منير بحده
اسر انا وثقت فيك ،متضيعش الثقه دي
اسر هز رأسه بأسف وخرج من المكتب
اسر بعد ما وصل لمكتبه،اتنهد بتعب
هووووو،كنت هتكشف،(كمل بتوعد) هانت يا منير،نهايتك قربت اوي
~~~~~~~~~~~~~~~~~~~~~~~~
بعد يومين عند عمر وحياه ومريم في المستشفي بعد ما التحاليل ظهرت
مريم بتوتر
خير يا دكتور ،ايه اخبار التحليل
عمر بحزن
للاسف يا حياه،حالتك محتاجه عمليه
مريم
ااييييه؟،(تابعت بخوف) طيب ه هي العمليه دي ممكن تتكلف كام
عمر بحزن على حاله حياه
يعني هي هتتكلف فلوس كتير،لكن دي مش مشكله اهم حاجه راي حياه
مريم بصت لحياه الي كانت بتبص بشرود
مريم
حياه انت كويسه
حياه انتبهت
هاا،ااه كويسه
عمر
طيب رايك ايه؟
حياه
طيب هي العمليه دي ايه احتماليه نجاحها
عمر
احم ٧٠في الميه
مريم بدموع بتحاول تخفيها
حياه حبيبتي مش عايزاكي تقلقي من اي حاجه ،ان شاءالله هتعملي العمليه وهتخفي ان شاءالله
حياه بهدوء
احم طيب انا هفكر وارد علي حضرتك،يلا يا مريم نقوم نمشي
~~~~~~~~~~~~~~~~~~~
عند خالد وهو بيسوق العربيه
حسن
للاسف يا فاندم.. اسر معرفش يجيب الورق
خالد اتنهد
طيب مش مشكله كده كده احنا هنقبض عليه النهارده
حسن
ان شاءالله
خالد
حسن انت جاي برده
حسن
اه يا فاندم ،انا مش هعرف اسيب اسر لازم اكون معاه
خالد
لو اسر عرف هيزعل اوي،انت ناسي في اخر مهمه حصلك ايه
ملحوووظه
حسن يبقي صاحب اسر من زمان وهما الاتنين متخرجين من كليه الشرطه
حسن
ان شاءالله خير
خالد
ان شاءالله
خالد قفل التيلفون مع حسن ووقف بالعربيه
شهد دخلت العربيه
خالد
ايه كل ده تأخير
شهد بضيق
والله محدش قالك توصلني الشغل
خالد اتحرك بالعربيه
والله انا مش عارف انت مكشره ليه على الصبح
شهد بنرفزه
يعني مش عارف
خالد
لا
شهد
انا عايزه اعرف انت عايز ايه،مش كنت خلاص كل حاجه انتهت وانت سبتني، وقولت ان احنا مش هننفع لبعض...ايه بقي الي اتغير
خالد وقف بالعربيه
للاسف مفيش حاجه اتغيرت يا شهد،ولا انا عرفت انساكي ولا انت عرفتي تنسيني.....فضلنا عايشين علي الماضي ومفيش اي حاجه اتغيرت....مهما كذبنا قدام بعض الحقيقه هتفضل زي ما هي.... بطلي بقي تكذبي عليا وعلي نفسك
شهد
ومين قالك اني بكذب علي نفسي
خالد اتنهد وقال بحزن
طيب يا دكتوره شهد....واضح انك مش طايقاني....بعد ما ارجع من المهمه كل واحد يروح لحاله،مادام انت فعلا مش عايزاني
شهد
مهمه ايه؟
خالد اتحرك بالعربيه وقال
مهمه كده عندي النهارده...ادعي بس اني ارجع منها
شهد لنفسها
ان شاءالله هترجع
~~~~~~~~~~~~~~~~~~~~~~~~~
عند حياه ومريم في البيت
حياه كانت هتدخل الاؤضه لكن مريم قالت
حياه ممكن اتكلم معاكي
حياه قالت بتعب
مريم لوسمحت سيبيني لوحدي
مريم
حاضر.....بس اقولك حاجه واحده بس.... انا عارفه ان الي انت فيه ده صعب ومش سهل ابدا....لكني برده عارفه ان ربنا مابيسبش حد...وان ربنا مابيسبش حق مظلوم....وان ربنا مش هيسيبك....وعارفه ان كل حاجه بتحصلك دلوقتي في ميزان حسناتك..... وبرده عارفه انك قويه وهتقدري تعدي كل ده.... اه هيبقي صعب لكن ربنا ادري بعباده وعارف انك قد الابتلاء ده
حياه بدموع
انا عارفه ان ده اختبار من ربنا وان كله هيعدي ...وواثقه ان ربنا معايا ومش هيسبني....بس برده خايفه...خايفه من كل حاجه..
مريم
متخفيش يا حياه.... متخفيش... دكتور عمر قال ان نسبه النجاح مش قليله ...وانا واثقه انك هتعدي من المحني دي...وواثقه برده ان ربنا هيجيب حقك من منير... وواثقة ان ربنا هيجبر بخاطرك...وهيعوضك عن كل حاجه
حياه بدموع
مريم لوسمحت سيبيني
حياه دخلت الاؤضه
عند عمر في مكتبة
قال بشرود وهو بيبص لشباك المكتب
ياتري ليه يحصلك كل ده ....عرفتي تستحملي كل الظلم ده ...اوعدك يا حياه اني هعوضك عن كل حاجه...ومش هسيبك ابدا
قاطع شروده لما الباب خبط
عمر
ادخل
شهد دخلت وقعدت قدام المكتب
عملت ايه مع حياه يا عمر؟
عمر اتنهد وحكالها
شهد بدموع
لا حول ولا قوه الا بالله ،طيب هي عامله ايه دلوقتي.
عمر
طبعا مشيت اول ما عرفت الخبر ،ولسه مقالتليش هتعمل ايه
شهد
خليك جنبها يا عمر...واضح انها ملهاش حد
عمر هز رأسه بمعني ماشي
شهد قالت بتوتر
ص صحيح يا عمر هو انت كلمت خالد؟
عمر بأستغراب
كلمته النهارده الصبح وكان رايح ليكي....هو انتو اتخنقتو؟
شهد قالت
يعني...
عمر
شهد هو انت عايزه ايه....يعني خالد بعد ما سيبتيه رجعلك تاني...شهد انت عايزه تفضلي مع خالد ولا لا...لازم تعرفي انت عايزه ايه...متعلقهوش بحاجه مش هتحصل مع اني متأكد ان دماغك الناشفه دي هي الي مودياكي في داهيه
مشيت شهد وهي بتفكر في كلام عمر... وبرده قلقانه علي خالد
~~~~~~~~~~~~~~~~~~~~
عند خالد بجديه
ها يا رجاله جاهزين
الرجاله
ايوه يا فاندم
خالد اتكلم في التيلفون الاسلكي
جاهزين يا فاندم
~~~~~~~~~~~~~~~~~~~~~~~~~~~
عند اسر في العربيه مع منير
منير
كله جاهز مش كده يا اسر
اسر
ايوه يا فاندم ...متقلقش السفقه هتتسلم وكله تمام
في الناحيه التانيه عند قاسم ومدحت
قاسم لمدحت
جهزت الرجاله
مدحت
ايوه متقلقش ....هنهجم علي منير اول ما يوصل... مش هيعرف يفلت
قاسم بشر
واخيرا هعرف انتقم لابني ولمراتي
~~~~~~~~~~~~~~~~~~