رواية عشقت مغتصبه الفصل الواحد والعشرون 21 والثاني والعشرون 22 بقلم حنين هاني
سندس. يعني انتا معملتش حاجه تخليني امسك فيك تاني انتا عملت كل حاجه تخليني اكرهك انا بقيت بكرهك يادم مسبتليش حاجه حلوه اسامحك بيها للاسف انتا ظلمتني وجيت عليا وقبل كل ده كسرت قلبي كسرت الحاجه الحلوه الي كانت فيا ديما كنت محافظه عليه عشان اسملو للشخص الصح بس للاسف طلعت غلطانه وادتو لاكتر شخص كسرني وكسرلي قلبي امشي يادم عشان خلاص انا مش حمل وجع تاني
ادم بوجع. لا مش همشي مش هسيبك تحكمي عليا من الغلاف وانتي مفتحتيش الكتاب ومتعرفيش اي الي جوه
سندس. وانا مش عاوزه اعرف بجد مبقاش فارقلي حاجه اصلا
ادم. لا وانا من حقي اتكلم ادافع عن نفسي عاوزه تعرفي اتغيرت ليه وديما بتهرب منك ماشي هقولك فاكره لما سافرت شهر بره انا بعد ماسفرت كان ليا صديق رايح المستشفى بيعمل تحاليل وبيطمن علي نفسو الموضوع هناك عادي راح قالي تعالي انتا كمان واتطمن علي نفسك روحت وانا مش في دماغي حاجه قولت انا كويس يعني عملت التحاليل لقتهم بيتطلبو من تحاليل واشعات تاني استغربت شيكت انو في حاجه فضلت اسال محدش بيرد عليا لغايت ما الاشاعات والتحاليل طلعو والدكتور كلمني وروحت عشان افهم وللاسف طلعت عندي عقم ومبخلفش ومستحيل ان اخلف توهت في افكاري طيب اقولك ازاي خوفت من ردة فعلك ومكنتش قادر استوعب طيب اعرفك ازاي خوفت تقوليلي عادي بس بعد الجواز تتخنقي بسبب كده ووتطلبي الطلاق وساعتها كنت هحس بالنقص اوي
سندس بصدمه. انتا ازاي متقوليش حاجه زي كده
ادم بكسره. كنت خايف عليكي خوفت عليكي
سندس. وانتا جاي دلوقتي بعد فوات الاوان
ادم. خوفت اعرفك خوفت اكسر فرحتك بحاجه زي كده اكسر فرحتك ازاي واحنا كنا لما بنتكلم وتجي سيرة الموضوع عيونك كنت بتطلع قلوب وكنتي بتبقي فرحانه مقدرتش اكسر فرحتك كان غصبن عني سامحيني
سندس. جاي تتكلم بعد فوات الاوان جيت متاخر يادم حسبتها ساعتها علي كيفك وان انا كنت هعايرك وجاي دلوقتي تقولي كان غصبن عنك فات الاوان علي الكلمه دى
ادم. يعني انا ضحيت عشانك وانتي جايه في الاخر تقوليلي فات الاوان
سندس. انتا ضحيت عشان خاطر نفسك مش عشاني لو كان عشاني كنت عرفتني ساعتها وده هيبقا اقتراحي بس لا عشان متحسش بنقص بعد الجواز انقنعت نفسك بكده
ادم. عشان خاطر الي كان بينا سامحيني انا عشت الشهر ده من غيرك ولا حاجه
سندس. صدقني يادم مبقاش في قلبي ليك ذرة حب واحده تشفعلك
ادم. يعني ده اخر كلام عندك
سندس. ايوه وياريت تنساني يادم لاني خلاص مبقاش فيها رجوع تاني بصلها ادم وقام وهو ندمان انو مقالهاش ومشي وهي عيطت مش بايدي يادم بس حقيقي مخلتش جويا ذرة حب ليك ابقا عليها
في مكان تاني
شهد. يبنت الايه يعني اتقبلتي
مليكه. اومال انتي فاكره اي غيث عشان ميبنش انو مال قدامي عمل نفسو انو قفل التوظيف عشان محسش انو مدلوق بس انا عارفه يعني
ايه. وهتروحي امتا
مليكه. هروح بكره ولو حد اتكلم هقولهم اصلي محتاجه الشغل
شهد. ده هتبقا معاكي خراب بقا اكيد مش هتنسينا
مليكه. ده كده كده اصلا يعني المرتب انا متاكده انو مش اقلل من 15الف مبالك بقا لما نتصالح اي الي هيحصل
ايه. ده كده هنلعب بالفلوس لعب
مليكه.متقلقوش كده كده هروق عليكم
ايه. بس هتعملي ايه لو عرف الحقيقه
مليكه. وهيعرف منين يعني
شهد. ماممكن يقلب وراكي
مليكه. محدش يعرف اني واخده ورث من بابا 5مليون غيركو انتو اما حد تاني قولت 100الف بس واكيد يعني هيخلصو
ايه. صح عندك حق
شهد. يلا بقا عاوزين الخمسه مليون دول يبقو عشره مش عايزين نضيع وقت
مليكه.ده كده كده ياصحابتي استنوني وشوفو الفلوس اللي هتغرقنا من كترها واعدو يشروبو وهما مبيفكروش غير في الماديات
**************
ليث. حقيقي الفتره دي اثبتت ليا انتي قد اي جدعه
فرح. ماهو بردو لازم نقف جمب بعض في الوحش قبل الحلو
ليث. وانتي بصراحه زين ماعملتي حقيقي انا اول مره اكون فخور اوى كده بختيارتي وعشان كده ان شاءلله بعد عملية سندس هاجي ونقرا الفاتحه ونلبس الشبكه علي طول
فرح بفرحه. بجد ياليث
ليث. بجد ياقلب ليث من جوه حقيقي انا بعشقك وكنت غبي اني مكنتش شايفك طول الفتره دي بس الحمدلله فوقت من الغيبوبه وعايش اجمل ايام حياتي معاكي كلها بجد انتي فرحه كنت مستنيها من زمان ولقيتها اخيرا يافرحتي واعدو يتكلمو مع بعض شويه
بارت22
في بلاد بره
زين. يعني حضرتك ينفع انزل اجازه
المدير. اه يازين الشركه مديه مكافأة لكل واحد اجازه شهر
زين.شكرا يافندم شكرا بجد وسابو وطلع وهو ميت من الفرحه عاوز ينزل عشان يشوف حبيبتو زين لسه مقنتع ان ليل هتبقا ليل خلاص هجيلك وهنتكلم انا وانتي وعارف كويس انك هتوافقي متعرفيش ياليل انا بحبك قد اي وهعمل اي حاجه عشان تكوني ليا وراح عشان يجهز نفسو
عدا يومين سندس عملت العمليه وبقت كويسه واسبوعين وتخرج من المستشفى ومن ساعت مابقت كويسه كلهم ارتاحو وكان هم وانزاح من علي قلبهم
في البيت
ليل. ريم حبيبتي عامله ايه انهارده
ريم. الحمدلله كويسه ياليلي
ليل. طيب الحمدلله جايه اطلب منك طلب
ريم. ده انا عنيا ليكي
ليل. دلوقتي مكنتش بتنزلي الدورس عشان سندس ومش قادره تنزلي والكلام ده وهي دلوقتي الحمدلله بقت كويسه ومن انهارده عاوزكي تنزلي وتعوضي الي فات
ريم. حاضر ياليل وحضنتها بجد شكرا اوي انتي بقيتي زي سندس بالظبط مش عارفه كنت هعمل اي لو مكنتش موجوده معايا في الفتره دي
ليل. متقوليش كده ياحبيبتي انتي زي زينه بالظبط ويلا بقا روحي عشان تنزلي الدروس
ريم. حاضر وراحت عشان تكلم صحابها وتقولهم انها هتنزل دروس تاني
في اوضة ليل
غيث. خلي بالك انا زعلان منك
ليل. ليه في اي انا معلمتش حاجه
غيث. والله اسالي نفسك انتي بقا
ليل. طيب عملت اي منا مش عارفه
غيث. يعني كمان مش مهتميه بالموضوع
ليل. طيب عشان خاطري قولي وانا مش هعمل كده تاني
غيث. حضرتك ياهانم قولتيلي صباح الخير بس من غير صباح الخير ياغيوثتي
ليل. اوف نسيت معلش كنت عاوزه ريم في حاجه
غيث. وهي يعني ريم اهم مني بس عادي كده كده انا مش فارق معاكي
ليل. لا طبعا فارق معايا خلاص حقك عليا ياغيوثتي
غيث. لا لا انا زعلان
ليل. لا وانا مقدرش علي زعل غيوثتي خلاص سماح المرادي
شاور غيث علي خدو. بوسه هنا وممكن اسامحك
ليل. بس كده ده انا عنيا ليك وراحت باستو حليب ياشطا
غيث. لا لا لسه زعلان ممكن الناحيه التانيه واسامحك
باستو من خدو التاني. غيوثتي لسه زعلان حضنها غيث وقالها. تؤتؤ مقدرش ازعل منك ده انتي حبيبت ايامي وليلي كمان مقدرش ازعل منك وبجد عمري مهنسا وقفتك جمبي انتي وقفتي جمبي في وقت انا كنت هضيع فيه انا عايز اشكرك لاني لو كنت سبت نفسي كنت هدمر تعب سنين بايدي انتي اثتبلتي ان حبي ليكي كان هو الاختيار الصح وربنا يديمك نعمه في حياتي
ليل. ويديمك انتا كمان في حياتي
غيث. حبيبتي يام أبرار
ليل بتسغراب. مين ابرار
غيث. بنتنا في المستقبل ان شاءلله ولااي رايك انتي وغمزلها
ليل. ان شاءلله يلا بقا اتاخرنا واتكسفت وطلعت طلع وراها ومسك ايدها عشان ينزلو
غيث. ليث بقولك ابقا عدي ليا انهارده عشان كنت عاوزك
ليث. خلاص ماشي عندي كام حاله هخلصهم واجيلك
غيث. متتاخرش عليا هتسناك ونزلو يلا ياقطتتي ونزلو وراحو على الشركه
جهزت مليكه عشان تبدأ لعبتها واتشيكت علي الاخر وخدت شنطتها والورق ونزلت علي الشركه
بعد ساعه وصل غيث وليل
غيث. ليل القهوه ياحبيبتي
ليل. حاضر وراحت بدأت تجهز
علي ناحيه تانيه وصلت مليكه الشركه بس بتركن بعيد عشان غيث ميعرفش ان معاها عربيه وخلصت وطلعت الشركه وراحت علي مكتب ليل
مليكه بغرور. انتي قولي لمستر غيث اني بره
ليل بستحقار. وحضرتك عاوزه مستر غيث في اي
مليكه. نفذي شغلك وانتي ساكته
ليل. وانتي بقا ااي هتفهميني شغلي عاوزه مستر غيث في اي
مليكه. عشان ورق التوظيف اول يوم انهارده
ليل. اه لا ماهو المسؤل عن التوظيف مستر عز ااي ماسك الادراه مكتبو اخر المنر اتفضلي قامت مليكه وهي شايطه منها. ماشي انا هوريكي مقامك اتقلي عليا وراحت عن مكتب عز وخبتط ودخلت
عز. اتفضلي يانسه مليكه وهو اصلا مش طايقها
مليكه. اذيك ياعز
عز. الحمدلله بس خلي بالك يامليكه عشان هنا انا مديرك يعني اسمي مستر عز
مليكه. فاهمه اكيد مش قصدي يعني
عز. ولا يهمك هاني الورق خد الورق وبص فيه
تمام وداها ورق سجلي هنا بياناتك هنا وده عقد سنوي وده بيانات الفيزا
ملكية. هو المرتب كام
عز. ب4500وفي حافز شهري ب2500 واه بردو عشان تكوني عارفه الشغل في تدريب لمدّة اسبوع بعد الاسبوع بيدأ الخصم لو في حاجه غلط
مليكه بصدمه. بتقول اي
عز. الي سمعتيه واتفضلي انجزي عشان في مقابلات عندي ومش فاضي
بدات تملا الورق وهي مصدومه وهو متابعها
عز في سرو. لا ولسه ده اخنا هنوريكي النجوم في عز الضهر بقا جايه تشغلي دماغك علينا احنا تبقي غبيه لو فاكره نفسك اذكا منينا لا وقال اي ركنه بيعد عشان منشكش فيها خلصت الورق وخدو
عز. اومال مالك كده لما اتصدمتي من المرتب
مليكه بتوتر. تي لا اصل ناس كتيرر قالتلي الشركه هنا مرتبها كبيره عشان كده قدمت هنا علي طول لاني محتاجه الفلوس بس مكنتش اعرف انها بتاعت غيث
عز. اه لا معلش ملحوقه تلاقي الي قالك وصلك بس المعلومه غلط اتفضلي معايا اوريكي مكتبك وقامت معاه وهي مش مصدقه ان المرتب 7000جنيه في سرها ودول بقا اعمل بيهم اي دول انزل اتغدا بيهم يدوب بس مش مشكله لسه دي اول خطوه وراحت لقت مكتبها جمب ليل بالضبط
عز. ده مكتبك انتي هنا هتبقي مسؤله عن حسابات الصفقات الي بتم
مليكه. تمام ده انا هتشغل كويس اوي
عز. وده المطلوب وقف يوقفها هتعمل ايه وبعدين طلع دخل عند غيث
غيث. عملت ايه
عز. اتصدمت لما عرفت المرتب
غيث. وبعدين
عز. حاولت اوقعها بس رسمت الدور بسرعه
غيث. واي الجديد طول عمرها كده اهم حاجه خلي عينك عليها علشان ليل لانها مش هتسكت ليها
عز. متقلقش سيطر انتا بس علي ليل وكل حاجه هتبقا زى الفل
غيث. المشكله انا مش عارف اجبلها ازاي
عز. يعني خش عليها بطريقه خاصه
غيث. ماشي روح كمل شغلك وانا هبقا اتصرف
في الشارع عن السناتر وصلت ريم وسلمو عليها صحابها اوي وكانت رايحه تخش الدرس بس فونها رن
ريم. طيب خشو وانا جايه وراكو وردت علي الفون
مصطفى. بقا اعد كل مشوفكيش
ريم. معلش بقا بس حقيقي كنت مدمره بس شكلك ليك انك كنت بتسال دايما
مصطفى. لا شكرا علي واجب احنا صحاب ولا اي
ريم. صح
مصطفى. بس طالعه انهارده زي القمر
ريم. شكرا اي ده انتا شايفني
مصطفي. ايوه
ريم. اممم ماشي يلا بقا هقفل انا عشان بعيد عنك ورايا درس عند مستر مبيبطلش رغي
مصطفى. خلاص اشطا وقفلت اي ده درس ده انا اه يابنت ال وضحك وداخله ريم عشان تخش الحصه
شيماء. ممنوع الدخول ليكي
ريم باستغراب. ليه ممنوع
شيماء. حضرتك بقالك شهر ونص مبتجيش وجايه عاوزه تخشي هو انتي فاكرها وكاله
ريم. والله وانتي حضرتك دافعه حقهم من حسابك منا هدفعلك اهو يعني مكلتش عليكي حاجه وبدفعلك شهرين
شيماء. لا بردو فلوسك دي ياشاطره تروحي تتفسحي بيهم اما مفيش دخول درس حضرتك مطروده
ريم. طيب انا عايزة المستر
شيماء. والمستر مش فاضي لحضرتك اي مش وراه غيرك انتي ولا اي
ريم. انتي بتتكلمي كده ليه
شيماء. انا اتكلم بالطريقة الي عاوزها ويلا اطلعي بره مفيش دخول
ريم. وانتي مين انتي عشان تمنعيني ادخل ولا لا
شيماء. انتي مش محترمه واخرجي بره ياقليلة الادب
ريم. ده انتي الي قليله الادب ومش محترمه وطريقتك زي الزفت
شيماء. بقا انا مش محترمه وراحت مسكتها من شعرها وبدات تضرب فيها وريم بتضربها هي كمان وطلعو كلهم علي صوت الخناقه نزل مصطفى من فوق علي الصوت شاف ريم راح نزل بسرعه وحجز بينهم بالعافيه مصطفى مصطفى مسك ريم وهي صحابها مسكينها بالعافيه
ريم. واقسم بالله انا هوريكي ياحيوانه
منه. اهدي ياريم
ريم. ابعدو عني
مصطفى بزعيق. بس في اي اي الي بيحصل هنا ده
شيماء. طولت لسانها عليا
ريم. انتي كدابه ورحمه امي ماهسيبك هوريكي ازاي تقوليلي انتي اهلك معرفوش يربيكي
احمد. ياريم خلاص بقا واعدين يزوقهو ومش راضيه
ريم. ابعدو عني بقولكو خدوها بره
مصطفى بزعيق. خشو كلكو جوه مش عايز حد غير. شيماء ودخلو كلهم وبصلها جامد. اي الي حصل ياشيماء
شيماء بتوتر لان هي عارفه مصطفى لما بيقلب جد. زي مابقولك هي شتمتني وراحت مدت ايدها عليا الاول
مصطفى. متاكده
شيماء. ايوه متاكده طبعا انا بقالي كتيرر شغاله معاكي وعمري مكدبت عليك
مصطفى. ماشي هنشوف دلوقتي وناده علي ريم
مصطفى. اي الي حصل
ريم. حضرتك دلوقتي انا كنت داخله عشان ادفع الفلوس الشهرين كلهم وحضرتك انا قولتلك اختي عامله حادثة ومش هعرف انزل دروس وانتا قولتلي مفيش مشكله لما اختك تقوم بالسلامه تعالي ماشي جايه بديها الفلوس بتقولي ممنوع الدخول ليكي وانتي مش في وكاله ملهاش بواب واعدت بردو اتكلم معاها بادب وبقولها انا هدفع ومش هاكل حقك يعني تقولي فلوسك دي تروحي تتفسحي بيهم واطلعي بره وبعد كده شتمتني وقالتلي انتي قليله الادب وبعد كده انا شتمتها وراحت قايمه مسكه في شعري وهي الي. بدات صر يالاول
شيماء. انتي كدابه
ريم. لا انا مش كدابه وبعد كدا شتمتني باهلي وتبقولي انا هربيكي بدال هما معرفوش يربيكو
شيماء. محصلش يامصطفي الكلام ده
مصطفى بزعيق. انا هنا المستر يعني اسمي مستر مصطفى وانا هشوف دلوقتي مين الصادق ومين الكداب وكل الطلاب طلعو تاني علي صوت الزعيق طلع مصطفى الفون بتاعو وجاب الكاميرات من الفون وبدا يجريها لغايت مادخلت ريم وشاف الفيديو وراح قفلو
شيماء. هفهمك بس هي اصلا
مصطفى. اتاسفي
شيماء. حاضر حاضر وبصتلها انا اسفه حقك عليا مكنتش اعرف انك كلمتي المستر
مصطفى. اتفضلي لمي حاجات واطلعي بره وراح كلع فلوس وادهالها وده حسابك وربنا يسهلك بعيد عن هنا
شيماء. بس ده شغلي وانا شغاله معاك من بدري ازاي يعني
مصطفى بزعيق. بقولك خدي حاجاتك واطلعي بره خدت شيماء حاجتها ومشيت
مصطفى بزعيق. يلا اتفضلو علي جوه وبص لريم وانتي واقفه ليه اتفضلي علي الحصه بردو بزعيق دخلت ريم وهي مضايقه انو بيزعقلها بس بردو هي فرحت لما خد حقها
في الشركه خلص ليث وراح لخوه يشوفو عاوز اي وطلع وهو طالع اتصدم من الي شافو لقا مليكه قدامو وشغاله جمب مكتب ليل
اتعصب ليث وراح علي مكتب غيث علي طول ودخل من غير اذن
غيث. اي ده مالك
ليث مسكو من القميص. اي لسه بتحن ليها بعد كل الي عملتو فيك لا وكمان جايبها جمبك عشان تبقا قريبه منك تاني بتحن تاني لسه بتحبها طيب والي اتجوزتها. دي اتجوزتها ليه مدام حضرتك لسه بتحب دي انتا عارف ياغيث لو فكرت بس تحرج ليل انا هعمل فيك اي ولا تفكر تجي عليها عشان خاطر الوسخه دي انا هعمل فيك اي ساعتها هنسا انك اخويا عشان انتا عارف كويس ليل مرت بي اي
بعدو عنو غيث.انتا بتقول اي ليل دي مراتي يعني عمري مافكر اجرحها
ليث. اومال اي الي جابها هنا
عيث. عشان...
يتبع