واية الاخ الاكبر
الفصل الرابع والستون 64
بقلم حبيبه
روح: خير يااستاذ ايه اللي جابك هو مش خلاص نهينا كل حاجه بينا في ايه تاني خلاك تيجي ولا لسه في لعب تاني
فارس: احم بصراحه انا جاي لمحمد
روح برفعة حاجب: ليه
فارس:..........
روح: انا بتكلم علي فكره
فارس: مش عارف
روح: تمام ثواني هانادي لمحمد
فارس: روح
روح: لو سمحت حاول ماتتكلمش معايا خالص مهما يكون
فارس بندم: سامحيني ياروحي حاولي تسامحيني والله العظيم اللي حصل ده كان زمان كان قبل مااندم واقرب من ربنا سبحانه وتعالى
#احبت روح ذلك اللقب ولكن اخفت ذلك: خلاص اللي اتكسر مابيتصلحش تاني حاول تكمل حياتك بعيد عني واسفه مابعرفش اسامح بعد اذنك
محمد: اهلاً يافارس اتفضل ايه مالك
فارس: لاء مافيش المهم في حاجه ولا ايه
محمد: مافيش يابني عادي كلنا متجمعين النهارده والقعده نقصاك فكلمتك تعال تعال
فارس: بلاش يامحمد خليني امشي احسن
محمد: امممم هي روح قالتلك حاجه
فارس: لاء هو بس انا ورايا مشوار
محمد: عارف اختي وعارف دبشها المهم طنش ادخل يافارس عز واسلام جوه بيحاولوا ينقشوا كحك ومستنينك
فارس: روح بتزعل لما بتشوفني يامحمد وانا مش بحب اشوفها زعلانه بلاش ادخل يامحمد سيبني امشي احسن
محمد: ياعيني علي الحب بختك ياروح يابنت المحظوظه
ناديه: تمشي فين ياواد انت طب دا انا عملتلك بأيدي محشي ورق العنب اللي بتحبه مش حبيته بردوا ولا كنت بتكدب عليا
فارس: لاء والله ياامي حبيته اوي
ناديه: طيب يرضيك اتعب واعمله ليك مخصوص وبعدين تمشي والعيال اللي جوه دي تاكله
فارس: بس
ناديه: مابسش ياواد يلا ادخل ماحدش هاياكل ورق العنب غيرك
محمد: يابني خلص بقى عاوزين نلحق نرسم الكحك
فارس: هههههه حاضر بجد شكرا الف شكر انكم حسستوني بدفا العيله وشكرا انكم سامحتوني
ناديه: انت طيب يافارس وقلبك ابيض يمكن غلطت وغلطك كبير وجرح قلب بنتي بس انت ندمان ودا كان ماضي انا يهمني حاضرك دلوقتي وان شاءلله روح هاتسامحك انت بس هاتتعب شويه معاها واستحمل دبش لسانها
فارس: هاستحمل والله هاستحمل وراضي اتعب معاها بس هي تسامحني وماتبعدش عني
ناديه: هاتسامحك يابني هاتسامحك بنتي قلبها ابيض يلا ادخل صلي العصر مع الشباب جوه
فارس: حاضر
#يافرحتي ان مر اسمك عابرآ يزداد من فرط الحنين توجعي حاولت ان اخفي هواك وكلما اخفيته في القلب فاضت ادمعي..
♡♕♕♕♕♕♕♕♕♕♕♕♕♕♕♡
*فتاوى_الحويني*
السـ❓ـؤال: يهجم على الإنسان أحياناً وسواس قهري فيسمع سب الله تعالى والتشكيك في ذاته وفي نفسه مما يسبب كرباً عظيماً وخوفاً من الموت على هذا فهل هذا كفر أم ماذا؟
الجـ✍ـواب:
كل كذا لا يؤاخذ الله به العبد حتى يعتقد ذلك بقلبه ويفعله بجوارحه، وذلك لحديث: "إن الله تجاوز لي عن أمتي ما حدثت به أنفسها ما لم تكلم أو تعمل".
ونقول لهذا الأخ: لا تفزع ولا تخاف ولتستعذ بالله من الشيطان الرجيم وأكْثِر من ذكر الله.
📖الشيخ /أبو_إسحاق_الحويني طيب الله ثراه
♡♕♕♕♕♕♕♕♕♕♕♕♕♕♕♡
ايمان: ازاي يعني
توربيني: هو ايه اللي ازاي ياايمان احنا هانتجوز بعد العيد على طول
ايمان: هو بمزاجك هو انا ماليش رائي ولا ايه دا انت انت ماخدتش رائيي
توربيني: ماانا بقولك اهو
ايمان: بتبلغني مش بتاخد رائيي يااستاذ انت
توربيني: يابنتي منا باخد رائيك اهو
ايمان: وانا مش موافقه
توربيني: ايمان فرحنا بعد العيد بأسبوع تمام سلام
ايمان: هو انت بتعاملني كده ليه مش علشان جبرتني اتجوزك يبقى تتحكم فيا انا مش لعبة عند حضرتك
توربيني: فكري ذي ماتفكري
ايمان: انا بكرهك
توربيني: عارف
ايمان: ومادام عارف ماتبعد عني يااخي بقولك بكرهك مابحبكش هو عافيه مابحبكش افهم بقى
توربيني: عارف برضو سلام
ايمان: انت بنأدم مابتحسش ولا عندك دم
توربيني: ايماان لسانك لو قل ادبه عليا هاقطعه فااهمه
ايمان بخوف: تمام
توربيني: سلام
#اغلقت ايمان الهاتف واخذت تدعوا ربها ان يخلصها من هذا التوربيني واخرجها من هذا رنين الهاتف
ايمان: ايه ياندى عاوزه ايه
ندى: ايه يابنتي مالك في ايه
ايمان: مافيش بس كنت بكلم ابو كلنبو ده
ندى: هههههه مين ده
ايمان: هو في غير الابتلاء اللي اتكتب عليا
ندى: طب كبري وتعالي بس
ايمان: اجي فين
ندى: يعني هاتيجي فين ياختي تعالي كلنا متجمعين بنعمل كحك وبسكويت العيد تعالي يلا خالتي ابتسام جت وقاعده مع ماما
ايمان: ماليش مزاج
ندى: اخلصي يابنتي تعالي بقى ومزاجك هايروك الاجواء هنا جميله اوييي تعالي بس
ايمان: حاضر
♡♕♕♕♕♕♕♕♕♕♕♕♕♕♕♡
ذهبت روح لغرفتها وخلفها روان ومريم..
مريم: وبعدين معاكي ياعمه نكد مالك
روان: الا هو انت يابت مش قولتي انك مش بتحبيه
روح: اه طبعاً
مريم: ولما هو اه طبعاً ايه دخلك اوضتك في ثواني بعد ماهو دخل ها
روح: عادي هو علشان داخله اوضتي يبقى بسببه
روان: خلاص يابنتي اطلعي واتعاملي وكأنه مش موجود
روح:........
روان: امممممممممم سكوتك بيقول كتيير ياحب
روح: مش عارفه بصوا انا مش هاكدب عليكم من يومي صريحه وجوده موترني اوي اول مافتحت الباب وشوفته حسيت كأن في طبل 🥁شغال جوايا وكأن قلبي متحزم ونازل رقص
#كانت مريم تستمع اليها وتبتسم لانها تشعر بنفس الشعور عندما تكون بقرب محمد...
روح: بيخطر على بالي على طول بسسس
روان: بس ايه
روح: بس ليه عمل فيا كده ليه ياروان عمل فيا كده
روان: ياروحي هو ندمان ودا كان قبل مايتغير واتأسف ليكي كتير
روح: بس دا جرحني ياروان كسرني كنت مفكره انه بيحبني ذي ماكان بيقولي فكرته هايسعدني بس للاسف كسر قلبي وكسرت القلب بتوجع اوي ياروان اويي
مريم بحزن: عندك حق لما القلب بيتكسر مستحيل يرجع تاني ذي الاول
روان: لاء بيرجع وبيتصلح كمان لو اللي دخله حب حقيقي مش خيال الحب الحقيقي بيعمل كتير اوي
روح: حب ايه ياروان دا جرحني
روان: بس ندم واتأسف ليكي وانتي عارفه ان هو بجد ندامان علي اللي عمله بس بتكابري
روح: انا مش بكابر انا كل ماافكر اسامحه افتكر اني كنت مجرد لعبه عنده اكرهه
روان: صلي ركعتين لله ياروح وسلمي امرك لله وليكي نصيب فيه ربنا سبحانه وتعالى هايزرع في قلبك الحب اتجاهه وهاتسامحيه
روح: طب يلا اخرجي منك ليها وسيبوني لوحدي
روان: اه ياواطيه بقى دي اخرتها اخص يلا يابت يامريم
#سامحه ياقلب فأنه نادم سامحه لقد عاد معتذرآ وماذا ان جرحك سامح ليس انت من يستسلم لذلك الجرح حاول ان تبتسم فالحزن لا يليق بنا سامحه فأانا وانت نعلم اننا نحبه لا تكذب ياقلب فتلك الدقات القويه بقربه تفضحك سامحه ياقلب سامحه..
روح: استغفرالله العظيم يارب اعمل ايه بس ياربي انا هاروح اتوضى واصلي والباقي على الله...
♡♕♕♕♕♕♕♕♕♕♕♕♕♕♕♕♡
من عقوبات المعاصي:
أن يسلب اللّٰه منك التوفيق
فتسهر بلا فائدة
وتنام على معصية
وتفوتك صلاة الفجر
وتستيقظ متأخرا
ثم تستقبل يوم كئيباً مليئاً بالمشاكل!
المعاصي كالأغلال على الأعناق
(وَمَنْ أَعْرَضَ عَنْ ذِكْرِي فَإِنَ لَهُ مَعِيشَةً ضَنكًا)
♡♕♕♕♕♕♕♕♕♕♕♕♕♕♕♕♕♕♕♕♡
وصلت ايمان لمنزل ندى...
ندى: ايمان هافضل اتحايل عليكي علشان تيجي
ايمان: معلش ياندى ماكنتش فايقه وكنت عاوزه ابقى لوحدي
ندى: من امتى ياايمان الكلام ده انتي ناسيه ان انا وانتي اتفقنا مانقعدش لوحدنا وقت زعلنا ونتكلم مع بعض
ايمان: اللي اسمه توربيني ده
ندى: سترك يارب ماله
ايمان: عاوز يتجوزني بعد العيد على طول
ندى: نعم ياختي
ايمان: شايفه الهنا اللي انا فيه مش عارفه اعمل ايه ياندى انا مابحبوش مش عاوزاه بكرهه ياناس
ندى: اهدي ياقلبي طيب تحبي اعرف محمد يكلمه
ايمان: بلاش ليضر محمد ياندى دا شراني
ندى: طيب تعالي بس فكي واتوكلي على ربنا سبحانه وتعالى اذا كان هو شايف نفسه قوي ربنا سبحانه وتعالى قادر يكسر غروره ده...
ايمان: يارب ياندى يارب.
محمد: اذيك ياايمان الف مبروك لسه والله عارف انك اتخطبتي وبعدين يابت دا انا اخوكي معقوله اخر من يعلم اخص عليكي
ايمان: معلش يامحمد كل حاجه جت بسرعه والله
محمد: طب ماتكلمي خطيبك يجي يقعد معانا شويه كلنا متجمعين اهو اتعرف عليه واشوف اذا كان مناسب ولا لا
ايمان بحزن: حتى لو لاء ماقدرش ارفضه للاسف
محمد: مش فاهم قصدك
ندى: بقولك ايه يامحمد ماتكلم خطيب ايمان يجي يقضي شوية وقت معاكم
محمد: ينور هاتي رقمه ياايمان
ايمان: مش لازم يامحمد كبر دماغك
محمد: في ايه يابنتي انتي مش عاوزانا نشوفه ليه خايفه عليه نحسده ولا ايه
ايمان: على ايه بلا وكسه
محمد: هههههه طب هاتي رقمه بس ومالكيش دعوه
ايمان: بلاش يامحمد الله يخليك
محمد: يابنتي هاتي رقمه بقى ماتتعبنيش
ايمان بأستسلام: حاضر
#هاتف محمد توربيني وكأنها فرصه واغتنمها ووافق على عزومة محمد بصدر رحب ...
ندى: هاااا سبع ولا ضبع
محمد: عيب عليكي دا انا محمد يابت هع طبعاً جي
ندى: هههههه ياجامد
روح من خلفه: طب حاسب من النفخه بس ياخويا
محمد: ابو شكلك يابت حطمتي معنوياتي
ايمان: تسلم يامحمد
محمد: انتي ذيك ذي روح وندى عندي ياايمان دا انا مربيكي ذي ماربيت المعزتين دول تسلم دي ماتتقالش ليا يابت فاهمه
ايمان: ههه حاضر
محمد: يلا هاسيبكم انا واخش للشباب ولفروسه
روح: عارف يامحمد ان مابطلتش تحدف عسل في وشي هاعرف مريم دلعك يامحاميحوا
محمد: هاهاهاها قديمه عرفته ياختي ربنا يسامحه ابن خالتك يلا سولام
♡♕♕♕♕♕♕♕♕♕♕♕♕♕♕♕♡
- رؤية شرعية.
- تليها خِطبة.
ثم حُب صادق لا ننطق بهِ ولا نبوح، يتم الوصال فنعلن حينها ما خبأناهُ؛ بعد عقد القران مباشرةً...
حين ذاك ستعي لمَ وجبَ عليكِ الصمت كل هذا، كأنَّه افطارًا بعد صيامٍ لأعوامٍ وأعوام...
إيَّاكِ والحرام يا جميله، حتى فترة الخطوبة ما هي إلَّا وعدًا بالزواج، فإيَّاكِ والفرط في مشاعركِ، حافظي على قواعدها، لكي تنعمي بنعيمٍ سرمديّ...
♡♕♕♕♕♕♕♕♕♕♕♕♕♕♕♕♕♕♕♡
مرت دقائق ووصل التوربيني لمنزل محمد والا ان وصل حتى هاتف محمد ليعلمه عن وصوله وذهب محمد وفتحله الباب.
محمد: استاذ توربيني اتفضل نورت بيتنا المتواضع
توربيني: رشيد
محمد: مش فاهم
توربيني: اسمي رشيد توربيني لقبي بس وبلاش استاذ دي خلي البساط احمدي ياعم
محمد: عم شكلي هاحبك ياغريب والله
توربيني: هههههه شعور متبادل
محمد: اشطا نورت يارشيد تعال اعرفك على باقي الشباب
توربيني: هي ايمان مش هنا
محمد: باينه القلوب اللي طالعه من عينك وانت بتقول اسمها
توربيني: ها ايه لاء طبعاً
محمد: طب عيني في عينك اجده
توربيني: هههههه
محمد: بتحبها ياابو صلاااح عمومآ هي هنا بس جوه هي والبنات وماما وخالتي ابتسام بيعملوا بسكويت وكحك صحيح تعال في صاج جوه بنطلع مواهبنا فيه
رشيد: هههههه ماشي
محمد: ثواني هاعرفك بماما ماما ياماما
ناديه: ايوه يامحمد
محمد: رشيد ياماما خطيب ايمان
ناديه بأبتسامته الحنونه: اهلاً ياابني نورتنا احنا اهل ايمان ومادام بقيت خطيب بنتنا بقيت واحد من العيله خلاص
توربيني بحب لتلك السيد الحنونه: شرف ليا ياامي طبعاً
ناديه: تسلم يابني يلا هاسيبكم انا دلوقتي
محمد: اتفضل يارشيد
#دخل التوربيني على الشباب
محمد: ياشباب احب اعرفكم على رشيد خطيب ايمان
اسلام: هو انت
توربيني بلا مبلاه: حاسس اني اعرفك
اسلام: لا والله حاسس مش متاكده
توربيني: افندم
اسلام: انا اللي كنت مع ندى وايمان وقت المشكله تبع..
توربيني: اه اه افتكرت
محمد: هو في ايه ياشباب هو انتم تعرفوا بعض
توربيني: معرفه سطحيه بس انسى
محمد: حصل خير مع اني مش فاهم حاجه نرجع نتعرف من اول وجديد ياشباب ورمضان كريم ها
دا اسلام يارشيد ابن خالتي وخطيب اختي ودا عز جوز اختي الكبيره ودا فارس خطيب اختي برضوا ونعيد تاني دا رشيد ياشباب خطيب ايمان
توربيني: اهلاً ياشباب اتشرفت بمعرفتكم
عز: يذيدنا الشرف يااستاذ رشيد
رشيد: انا بقول نخليها رشيد بس
عز: خلاص ماشي نخليها رشيد بس اتفضل
اسلام: يلا بينا ياشباب نكمل المهمه دي كل واحد في ايده المنقاش ويشتغل بضمير بدل ماناديه تسوينا على نار هاديه...