رواية هذا قدري الفصل الخامس عشر 15 والاخير بقلم حنين شريف
حياه قالت مره واحده
انا موافقه اعمل العمليه...بس عندي شرطين
مريم بفضول
ايه؟..
حياه
اول شرط اني اقابل منير
عمر بأعتراض
لا طبعاً....تقابليه ليه اساسا
حياه
انا محتاجه اني اقابله...عايزه اعرف هو عمل كل ده ليه...
خالد
ايوه يا حياه بس شكله مريض نفسي..مش هيفيدك بحاجه لو روحتي
حياه بعناد
ده شرطي علشان اعمل العمليه
عمر
طيب والشرط التاني
حياه بصت لمريم وابتسمت
شرطي التاني ان مريم واسر يرجعوا لبعض
مريم بصدمه
نعم!!
اسر ابتسم
والله يا حياه مع ان عمري ما قابلتك غير امبارح بس انت جدعه
حياه
هاا...ايه رايك يا مريم
مريم بضيق
طيب ...لو ده الي هيخليكي تعملي العمليه انا موافقه
تاني يوم في السجن حياه راحت تزور منير
منير
انت ايه الي جابك هنا...عايزه ايه
حياه بهدوء
انا عايزه اعرف انت عملت كل ده ليه... دمرت حياتي وقت*لت ابويا ليه...ده بابا كان بيعاملك كانك اخوه...ليه عملت كل ده
منير بوجع
علشان ده الي اتعلمته من الحياه...اتعلمت ان نفسي ثم نفسي...اتعلمت ان انا المهم ومش مهم اي حد تاني...
حياه بأنفعال
اتعلمت انك تيجي علي صاحبك!!..ده كل الي اتعلمته من الحياه...
منير
انا عارف انك دلوقتي شايفاني وحش ...لكن انت مشوفتيش اي حاجه من الي انا مريت بيها...انا كنت دايما مش مهم..عمري ما سمعت امي بتشكر فيا..عمري ما سمعتها بتمدح فيا...دايما كانت كل الي بتقوله يا فاشل انت عمرك ما هتنجح في حاجه...عمرها ما حسستني اني مهم بالنسبة لها ..لغايه ما قابلت الي غيرت حياتي ١٨٠درجه... حبيتها اوي واتعلقت بيها...اتجوزتها علي الرغم ان اهلي كانو معترضين بس انا برده عملت الي في دماغي...قعدت احلي ٤سنين في حياتي... كنت فاكر اني كده خلاص ...اخدت كل الي انا عايزه...لغايه ما جه اليوم المشؤم...لما اكتشفت ان هي كانت طول الفتره دي بتخوني...روحتلها علشان اواجها لكن للاسف لقيتها مي*ته...اترحمت من عذابي...لكني وعدت نفسي اني هجيب حقي من الي كانت بتخوني معاه...لكني اكتشفت انه غني جدا ومش هعرف اوصله...فضلت اقرب منه شويه شويه لغايه ما عرفت اصاحبه...وقربت منه اوي ...شويه شويه اتعرفت علي ناس اكتر..ناس تساعدني انتقم منه...وفعلا لما جت الفرصه عرفت انتقم منه... علي فكره يا حياه..الي بتكلم عليه د يبقي ابوكي
حياه بصدمه
ايه!!.. مستحيل انت بتكدب
منير
يا ريته كان كدب
حياه بدموع
طيب ليه..ليه عمل كده
منير ابتسم بسخريه
هو ده ابوكي..بيبين انه مثالي وان مفيش زيه..لكن الحقيقه انه اح*قر انسان
حياه مشيت من عند منير وهي مش مصدقه ان ابوها الي كان بالنسبلها كل حاجه في الاخر يطلع كده
يوم عمليه حياه
مريم بدموع
حياه انت هتقومي من العمليه.. صح..مش هتسبيني
حياه وهي بتحاول تتماسك
اه يا حبيبتي...متقلقيش..استنيني
شهد بدموع هي كمان
خلاص بقي يا مريم كفايه عياط...حياه ان شاءالله هتقوم بالسلامه
عمر دخل
احم..مش يلا بقي ولا ايه
مريم ودعت حياه وخرجت من الغرفه
عمر بابتسامه
جاهزه..
حياه بخوف
لا ..انا خايفه اوي
عمر قعد قدامها علي السرير
متقلقيش..ثقي فيا
حياه هزت راسها
عمر...هو ممكن اطلب منك طلب
عمر
طبعا
حياه
لو انا ماقومتش من العمليه دي خلي مريم متأجلش فرحها...خليها تفرح ومتوقفش حياتها عليا...ووصي اسر عليها.. هي اه سعات بتعاند بس هي قلبها ابيض...وانا عارفه ان هي هتبقي احلي ام.. وخليها تاخد """الف..هي محتاجه المبلغ ده...علشان خاطري يا عمر متنساش تقولها الكلام ده..انا واثقه فيك
عمر مسح دموعه ااي كانت هتنزل،وقالها
هو انت ليه فاكره انك مش هتخرجي من العمليه دي...نش واثقه فيا ولا ايه...طيب لعلمك بقي انت هتقوني من العمليه دي ..وهنجيب سيف وملك
حياه بعدم فهم
قصدك ايه
عمر
اه ..لما تقومي من العمليه دي هنروح علي الماذون...وهعملك احلي فرح
حياه بفرح
انت بتقول ايه
عمر هز رأسه بأبتسامه
يلا بقي
بعد سنه
حياه بصريخ
الحقني يا عمممممممر
عمر
معلش يا حبيبتي استحملي
حياه
ااااااااه
اسر وهو بيجري علي عمر
خير يا عمر.. حياه ولدت ولا لسه
عمر
لسه..وعماله بتشتم فيا من ساعه مادخلت
اسر
هو انت هتقولي(بص لمريم )ده انا شوفت ايام سوده لما مريم ولدت ادم
شهد راحت لعمر
حياه ولدت
عمر
لا لسه
خالد لعمر
ان شاءالله خير
شهد بخوف وهي بتقول لخالد بصوت واطي
خالد واضح ان الولاده صعبه اوي.
خالد
انت هتستعبطي...ما انت دكتوره وفاهمه
شهد بخوف
ايوه بس انا برده خايفه..لا لا انا مش لاعبه
خالد
لاعبه مين ...بت انت اهدي كده انت لسه في الشهر الخامس..ماتفضليش خايفه من دلوقتي..انا مش ناقص نكد اكتر من كده
الممرضه خرجت لعمر وهي شايله بيبي
الممرضه بابتسامه
مبروك يا دكتور عمر...ولد زي القمر
عمر بفرحه وهو شايله
خالد
هتسميه ايه
عمر بفرحه
سيف..سيف عمر الالفي
تمت
~~~~~~~~~~~~~~~~~~
واخيرا خلصنا الروايه واتمني انها تكون عجبتكم،حبيت بس اوضح نقطه..ان الهدف من الروايه اني اوصل مجموعه رسايل من خلال شخصيات الروايه..يعني بالنسبه لشخصيه حياه كان الهدف منها اني اقولك انك مهما كنت غرقان في الذنوب والمعاصي تقدر ترجع لربنا من تاني،وتتوب ..باب التوبه مفتوح في اي وقت
بالنسبه لشخصيه خالد وشهد
هي اه كان كوميديه شويه ،لكن كان الهدف من الشخصيتين دول ..النصيب.. النصيب هيجيلك هيجيلك ..فلوس بقي او حب.. مش فارقه ..مهما حصل ومهما حسيت ان الرزق ده اتأخر..اعرف انه هيجيلك..مش بشطارتك ولا بذكائك
بالنسبه لشخصيه حسن
انا عارفه اني متكلمتش كتير عن الشخصيه دي ..بس الي ممكن اتكلم عنه في الشخصيه دي .. الصداقه الحقيقيه الي مبقتش موجوده اليومين دول.. الصداقه الحقيقيه الي من غير غش ولا خداع...شخص مستعد انه يعمل ايه حاجه علشانك ومن غير مقابل..كل الي عايزه هو انك تكون مبسوط في حياتك
بالنسبه لشخصيه مريم
مريم مريم هي عباره عن كتله حب.. مريم الي ساعدت مجرد بنت مختلفه تماما عنها..مع انها كانت ممكن تسيبها بكل سهوله ..لكنها فضلت جنبها...علي فكره في تشابه كبير ما بين مريم وحسن..الاتنين مستعدين يعملوا اي حاجه علشان خاطر الي بيحبوهم
بالنسبه لشخصيه عمر
عمر كان في بدايه كلامه مع حياه..مكنش يعرفها ولا يعرف حتي اسمها..لكنه مجرد ما اتكلم كلام ممكن انت تشوفه بسيط لكنه اثر جدا مع حياه ..ومتستقلش بالمعروف الي ممكن تعمله لحد..حتي لو كان مجرد كلمه بسيطه..بتفرق مع ناس كتير.
تمت بحمد الله
وأيضا زرونا على صفحة الفيس بوك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك