رواية هذا قدري الفصل الخامس 5 بقلم حنين شريف
بعد ٦شهور
بعد ال٦شهور دول انا اتغيرت ١٨٠ درجه،سواء في شكلي او لبسي أو اسلوبي، والفضل يرجع لمريم، اه اصل الي انتو متعرفهوش ان انا ومريم بقينا أصحاب لا اخوات، وهي الي كانت بتساعدني اني اعرف اكتر عن ربنا ، وعلشان كده اخدت الخطوه واتحجبت ، الي عرفته ان مريم مش من هنا هي من بلد ارياف و جت هنا علشان جامعتها وهي مأجره الشقه دي وبتشتغل بعد الجامعه ،وانا كمان اشتغلت معاها في نفس الكافيه الي هي بتشتغل فيه،علشان اساعدها في اجار البيت وطلبات البيت.
وطبعا مش هعرف انسي الي عملوا معايا استاذ عمر ،انا لغايه دلوقتي مش فاكره شكله ،لكن عمري ما هنسي الجميل الي عملوا معايا .
الصبح عند مريم وحياه
مريم
يا حياه قومي بقي ابوس ايديك هنتأخر علي الجامعه
قولت بنوم
اممم حاضر قايمه اهو
مريم بغيظ
في ايه انا لو بصحي دب من البيات الشتوي كان زمانه صحي
قولت بأستفزاز
ميرسي
قالت بضحك
طيب يا ظريفه،متنسيش تقومي وتصلي قبل ما تلبسي
قولت بابتسامه
حاضر يا احلي مريوووم
بعد ما صلينا ولبسنا ونزلنا
بعد الجامعه
واحنا رايحين الشغل جري
قولت وانا بنهج من الجري
خلاص يا مريم ،انا تعبت
قالت وهي بتجري
خلاص ايه ،احنا اتأخرتا علي الشغل وانت عارفه مستر أحمد هيعمل فينا ايه
بعد ما وصلنا الكافيه
لقينا مستر احمد في وشنا
مستر احمد
جري ايه يا انسه منك ايها ،دي مش اول مره تتأخرو
قولت بعصبية خفيفه
والله يا فندم حضرتك عارف كويس ان احنا من الجامعه بنيجي جري علي هنا
شدتني مريم وقالت وهي بتحاول تهدي الموقف
احنا اسفين يا مستر،اخر مره يا مستر احمد
مشي مستر احمد وهو بيبصلي بنظرات كلها غضب
~~~~~~~~~~~~~~~~~~
في ايه بقي دي مش طريقه!!!
سمعت صوت زبون وهو متعصب وعايز المدير،جه مستر احمد
مستر أحمد
في ايه يا فندم ،خير
قال وهو متعصب
في ان انا بقالي نص ساعه مستني الاوردر وكل ما اقول للأستاذة دي(شاور عليا) تقولي حاضر ومتجيبش الاوردر
بصلي مستر احمد بنظرات كلها غضب
طيب اوعدك ان دي اخر مره
هدي مستر أحمد الدنيا وشاورلي اني اجي معاه المكتب بتاعه
~~~~~~~~~~~~~~~~~~~~~
في مكان تاني
وبعدين في ابنك ده
(قالها راجل في الخمسينات بغضب)
في ايه يا مدحت وهو عملك ايه
(قالتها ست في اول الستينات)
طبعا لازم تدافعي عنه ماهو قلب ماما
بقولك ايه يا مدحت انت عارف كويس ان عمر ابني الي طلعت بيه من الدنيا،مش عايزاك تدايقه بكلمه،هو نازل دلوقتي
طيب لما نشوف اخرتها (قال كده بزهق)
عمر
صباح الخير يا ماما،ايه ده مش تقولي ان خالو هنا
مدحت بسخريه
هه خالو الي انت مطلع عينه
عمر
ليه بس
مدحت
بقي انا اقولك تعالي ساعدني في الشركه وسيبك من المستشفى بتاعتك دي وانت مترضاش
عمر
خالو انا بحب شغلي ومش مستعد اغيره،بعدين مش كفايه اني اساسا مش مرتاح لشراكتك مع الي اسمه منير ده
مدحت
عمر انا بقولك ساعدني مش تبوظ شغلي
عمر بزهق
طيب نتكلم بعدين علشان انا متأخر علي الشغل،سلام
~~~~~~~~~~~~~~~~~~~
في مكتب احمد عند حياه
احمد بعصبيه
حياه دي مش اول مره حد يشتكي منك ،انت بقيتي مهمله اوي في شغلك ،واعرفي ان دي اخر مره احذرك فيها،المره الجايه انا هتصرف معاكي تصرف مش هيعجبك
حياه بأسف
انا متأسفه جدا يا مستر أحمد ،اوعدك انها مش هتتكرر تاني
مستر احمد
اتمني،تقدري دلوقتي تتفضلي علي شغلك
خرجت من المكتب روحت المطبخ لقيت مريم مستنياني
مريم بقلق
خير يا حياه حصل ايه
حياه
هيحصل ايه يعني،اتهزقت منه ومشيت ،بس الغريبه ان انا فعلا مش فاكره ان الزبون ده قالي حاجه
مريم
حياه انت بقالك فتره بتنسي بشكل مش طبيعي،انت لازم تكشفي
حياه
مريم متكبريش الموضوع
مريم بأعتراض
لا يا حياه ،لازم نطمن انت بقيتي بتنسي بشكل مش طبيعي
حياه
طيب ،لمانروح نبقي نتكلم علشان احنا مش ناقصين تهزيق.