رواية حقى أكون أب
الفصل الواحد والأربعون 41
بقلم نجلاء فتحي
[فى منزل حبيبة ]
أتى أولادها من المدرسة أحمد ومحمد
حبيبة بأمر / أحمد عايزاك فى أوضتى،،،ثم نظرت لمحمد وقالت :- تقعد هنا فى أوضتك يارب أطلع من أوضتى ألاقى الباب مفتوح ولا أنت برا ،، خلى إسلام معاك
محمد/ فى حاجة يا ماما
حبيبة/ لا عايزة أخوك فى كلمتين ،،،،ثم قالت بحدة عند حضرتك مانع
محمد بلع ريقة/ لا لا
حبيبة/ ألعب فى تليفونك ثم خرجت برا الغرفة واغلقت بابها ودخلت غرفتها وأغلقت بابها
جلست حبيبة على حرف السرير وأبنها يقف أمامها متوتر وخايف / قلقان لية
أحمد/ مش قلقان
حبيبة/ مين اصحابك
أحمد/ حضرتك عارفاهم
حبيبة/ أممممم فعلا ،،أبن الدكتور وابن المهندس وابن الصيدلى صح
أحمد / أيوة
حبيبة / فى حد تانى مصاحبة معرفهوش
أحمد /لا،،،،،فى حاجة
حبيبة بأبتسامة/ مفيش بطمن على قلب ماما
تؤأمك بيقول مش بتذاكر لية
أحمد/ كداب
حبيبة بحدة / ميت مرة أقول ممنوع حد يغلط فى أخوة حتى لو هزار صح ولا غلط
أحمد/ صح ،،،،،أسف ،،محمد مش بيقول الحقيقة
حبيبة/ على العموم أختبار الشهر كمان يومين والنتيجة الأسبوع الجاي يبان بتذاكر ولا لا خلى بالك أنا أصريت تتعلم أنت وأخوك فى مدرسة خاصة وأبوك رفض مش علشان الفلوس لا علشان تكونوا على مستوى رغم أخوك الكبير كرم مدرسة تعليم حكومى ومش حسيت ولا تعبت فى تربيته وفى حالة مش بتاع مشاكل
أحمد بلع ريقة/ إن شاءالله درجاتى حلوة
حبيبة/ لا عايزاك تطلع بمركز ذى أخوك كرم وتؤأمك وأظن أنت كمان زيهم معنديش حد خايب،،اتفضل تليفونك قولت لابوك مسحت الألعاب ومش مسحت حاجة دة عقابك روحت المدرسة من غيرة
أخذة أحمد بفرحة وعند أحتضنها أبعدتة وقالت الحضن بعد نتيجة أختبار الشهر ،،،،وخرجت من الغرفة ودخلت غرفة أولادها أخذت إسلام الصغير ودخلت الحمام لأنة عمل حمام على نفسة فأخوة منعة من فتح الباب خوفآ من أمة وشدتها عليهم
وفى بال حبيبة هل تصرفت صح أم خطآ أبنها يشاهد محتوى غير لأئق وعند فتح الفيديوهات لم تكمل مشاهدة فيديو واحدة من المناظر التى تراها عينها ،، تعلم مرحلة مراهقة فهم ٣ أعدادى ،،،، لكن السؤال من عرفة طريقها ، يشعر بأيه عند مشاهدتها تفكيرة يوصلة لفين ،الخوف الحقيقى تجريبها ،،تريد تبليغ إياد لكن تخشى على أبنها إياد فى غضبة صعب ،،بعد تفكيرها قررت أدارة الأمر بحكمة ،،،،،،، تحدثت معة عادى وأعطت لة التليفون دون مسح أى شئ لكنها حفظت بذاكرتها أخر شئ تم مشاهدة بالتاريخ، ،،،،وقررت تضعة تحت عينها هو ومحمد توأمة ،،وأتصلت على زميلة ليها تأخذ لها أجازة أسبوع بدون مرتب حتى يوافقوا عليها، ،،،
_________
[فى مركز جنة للعظام داخل مكتب إسلام]
السكرتير/ فى ست مصممة تقابل حضرتك
إسلام/ خليها تدخل
الست ببكاء/ السلام عليكم يا بيه
ترك إسلام مقعدة وذهب ليها وأسندها لكرسي المكتب وجلس أمامها وبينهم طاولة صغيرة قال:- خير يا حاجة
الست ببكاء/ مش خير أبدآ ،بقالى أسبوع أجى والأفندى دة مش يدخلني لحضرتك
نظر إسلام لسكرتير نظرة قاتلة وقال:- حسابنا بعدين ،أتفضل شوف شغلك ،،،تشربى إيه
الست ببكاء/ مش عايزة أعمل معروف ساعديني
إسلام/ أهدى يا حاجة المطلوب إيه خدامك
الست ببكاء/ يا خبر دة أنا إللى خدمتك يا بيه
أبنى عامل حادثة ويتحرك خفيف ومش معايا فلوس للدكاترة،،،،،،،،، فى دكتور فى المستشفى دلنى عليك أبنى دة متجوز من شهور ومراتة حامل وهو كان بيصرف علينا ثم أخذت وضع السجود تقبل قدمة ،،أبتعد إسلام على الفور وأمسك كتفها وجعلها تنهض وألتقط منديل من علبة على مكتبة وأعطاها لها
إسلام/ أنتى منين
الست/ المنصورة بقالى أسبوع اجى والأفندى برا يبهدلنى ومش أقابلك
إسلام/ أسبوع رايحة جاية من المنصورة لإسكندرية
الست/ أيوة وربنا يعلم جايبة حق القطر منين
إسلام/ أسف يا حاجة ،،،معاكى أى حاجة خاصة بحالة أبنك
الست بفرحة / أيوة اتفضل
إسلام/ الحاجات دى معمولة فين
الست / مستشفى
إسلام/ حكومى صح
الست/ أيوة ،،مش معايا حق الخاصة حتى دى دافعة فيها فلوس برضو
إسلام بسخرية/ عارف دافعة وبدون تقرير ،،،بصى يا حاجة إللى معاكى دى إشاعة عادية ملهاش قيمة والإشاعة التانية من غير تقرير والفيلم بتاع الإشاعة باهت أوووى ،،جات عليها ماية
الست/ لا مستلمه الإشاعة كدة خوفت عليها حطتها فى كيس
إسلام/ المفروض إى إشاعة تتحفظ فى غلاف ورقى مش تتسلم مباشر كدة اوووووف الجزء الواضح فى مشكلة فى عظم رجلين أبنك معرفش أى رجل بجد الإشاعة لو طلعة كدة منة لله إللى مسلمها معندوش ضمير بايظة. أتعبك معايا بكرة بأذن الله موجود من الساعة ١٠ الصبح للساعة ال١٢ الظهر بعد كدة فى العمليات معرفش اخلص أمتى حاولى تجيبى أبنك أشوفة قبل الساعة ال١٢ الظهر
الست بلجلجة / صعب الحركة قولت الأشاعة تحل مكانة
أخرج إسلام محفظتة من جيبة وألتقط منها بعض المال / أتفضلى حاجة بسيطة
الست/ لا يا بية مستورة الحمد لله
إسلام/ دايمآ يارب ،،،بس تجيبى أبنك أزاى محتاج عربية مخصوص
الست/ تدبر يا بية شيل فلوسك
إسلام/ حاجة بسيطة دول ألفين جنية يكفوكى ولا محتاجة أكثر علشان العربية
الست/ يا بية ٠٠٠
إسلام بمقاطعة/ هما بتوعك خلاص ،ووضعهم أمامها على الطاولة الصغيرة ،،،جلس على كرسى مكتبة الخاص وأعطى ليها كارت غير القادرين وقال:- الكارت دة تحافظي علية شكل أبنك فى حاجة فى عظمة ، الكارت دة مش تدفعي هنا جنية كشف ،،،إشاعات، ،،،،،أقامة كلة مجانآ عندى فى المركز
الست/ إلهى يعمر بيتك،،إلهى يزود مالك ،،،يجعلك نصرة للغلابة يا بية ،،،،يبارك فى ولادك ويحفظهم
إسلام/ اللهم أمين ألف شكر ،،،،لسة مصممة على بيه أنا دكتور يا حاجة ههههه
وبعد خروج الست وأخذ نمرتها حتى يضعها فى دفتر الخير الذى يعملة ،،،، ثار إسلام على السكرتير وخصم من مرتبة حتى لا يكررها
بقلم نجلاءفتحى عاشقةالكلمات
_______________
[ أتى المساء ]
تسحبت حبيبة على أطراف أصابعها من جوار إياد لغرفة أولادها التوأم ولحسن الحظ الباب مفتوح بسيط نظرت فى الخفاء للداخل وجدت محمد نايم فى سابع نومة وأحمد سهران على التليفون ومركز ومش حاسس بيها. تريد تعلم هل يشاهد هذا المحتوى أم شئ أخر دخلت غرفتها وفتحت باب غرفتها التى لم يفتح مدام إياد موجود معها حتى لو نايمين ،،لترى حركتة فى الشقة، وعينها على الساعة أتت الساعة الرابعة خرج أحمد من غرفتة للحمام وأغلق الباب. ،، بسرعة أسرعت هى لغرفتة أمسكت الموبيل وفتحت سجل جوجل وأخر فيديو مشاهدة من دقيقتين. أغلقتة ووضعتة مكانة ثم أخذت موبيل أخوة لم تجد علية شئ خارج ،،رجعت لغرفتها وجلست نفس الجلسة ،،،
أنهى أحمد قضاء حاجتة ودخل أوضتة يكمل مشاهدة ،وفى الصباح الساعة السادسة ،،تعلم لم ينام ولا هى. دخلت كالعادة تصحيهم وجدتة يصتنع النوم ،،تعاملت عادى لم يأتى وقت تفجير القنبلة ،،،
(وبعد وقت)
من قلة النوم رابطة حبيبة رأسها من المقدمة بطرحة من الصداع و التفكير عينها حمرا
إياد/ مالك
حبيبة/ صداع
إياد/ من إيه معندكيش حاجة ونايمة جمبى كويسة
حبيبة رفعت حاجب/ بجد ، تصدق بأمارة شبعانة نوم
إياد/ شكلك مش متعودة على الأجازة لسة أول يوم ،، هاتى بوسة قبل العيال ولاد ال***** ميجوا
حبيبة/ قولت الحاجات دى فى أوضتنا برا هنا ممنوع دول صبيان
إياد بضيق/ فين حبيبة بتاعة زمان
حبيبة/ موجودة فى أوضتنا بينى وبينك ،،،،،،أنت زعلان لية زمان كنت عايزنى مؤدبة دلوقتى أرجع صايعة تانى
إياد بضيق / مش بعرف أتلم عليكى غير بليل وبتنامى
حبيبة بسخرية / أنت بتنام من التعب والشغل طول اليوم وتجبها فيا
إياد/ قصدك إيه يا روح أمك بت أنا راجل أووى ومخلف تيران أهو يسيدوا عين الشمس
حبيبة بعشوائية خبطت على صدرة/ مش بالخلفة يا *****
عض إياد على شيفاة السفلية / بعشق لسان أمك دة مجنني، ،هاتى بوسة بقا
حبيبة رغم تعبها غمزت لة / خلينى مؤدبة يااااض
إياد شدها لحضنة. أبعدتة هى وقالت بتحزير/ قولت إيه فى أوضتنا وأى غلطة كمان بالكف فأى حتة أهدأ يا حليتها العيال جاية
إياد بضيق / كف. وغلطة متجوز صاحبى يا بت أنا جوزك
حببية بعشوائية/ إذا كان عجبك ،واد صايع ناقص رباية
،،،أتنفضت حبيبة من مكانها حين عمل ليها إياد حركة أركب الهوا وزغزغها وقال :- أنا برضو إللى ناقص رباية يا بيبا ههههههههههههه،،،،
ضحكت هى رغم تعبها ،،،،،،،رجعوا لطبعتهم بحضور أبنائهم، وهى الجدية
حبيبة أطعمت أولادها وزوجها ومتجاهلة النظر لأبنها أحمد حتى لا تفقد أعصابها ،،،
إياد/ وشك مرهق بقالك كذا يوم حاسس بحاجة يا أحمد
حبيبة بين أسنانها/ حاجة حساسة تعباه
إياد أخذ كلامها هزار/ بتكلم جد يا بيبا ثوانى
أحمد بلع ريقة/ كويس يا بابا
إياد/ عينك منفوخة وحمرا
حبيبة / يا عالم إيه عندة تعبان تانى
إياد بين أسنانة/ حبيبة بتكلم جد مع الولد
حبيبة/ أهو عندك أشبع بيه
أحمد بلجلجة / مش حاسس بحاجة عينى دى من المذاكرة يا بابا
إياد/ خف مذاكرة شوية أنت لسة أول الترم
حبيبة بأعتراض/ دة( ٣) إعدادى شهادة يا دكتور كلامك دة ميفتحش كتاب ،،على العموم أمتحان الشهر بكرة ونتيجة تعب عينك من المذاكرة على كلامك تبان فى الشهادة
إياد/ بس برضو عينة شكلها صعب واخد فيها بوكس
حبيبة نهت الحوار / إياد رايحة معاهم المدرسة
إياد/ لية
حبيبة/ عادى أوصلهم مش ورايا حاجة
إياد/ هما صغيرين
حبيبة/ علشان خاطرى
إياد/ تمام ، خدى عربيتى
حبيبة/ لا أخذ تاكسى متقلقش ما أنت عارف مليش فى جو السواقة مع أنى بعرف
وافق إياد و أرتشف أخر رشفة من كوب الشاى ولم متعلقاتة الشخصية وأرسل لحبيبة قُبلة فى الهواء ثم ذهب لعملة
حبيبة بهدوء مخيف/ مش عايزينى أوصلكم المدرسة
أحمد بضيق/ أصحابنا يقولوا إيه
محمد بفرحة / معنديش مانع
حبيبة/[ ٥] دقايق أجهز ونطير على المدرسة،،،،، جهزوا أخوكى إسلام
محمد/ مش عايز ماما تجى لية
أحمد/ اخرص خالص عيل خايب أكيد فى سر ماما تغيب من شغلها وتجى معانا المدرسة
محمد/ أقول لماما على فكرة أنت بتشتمنى،،،،أنت شايل هم ماما لية ياعم نوفر المصروف وتمن التاكسي
أحمد بحيرة/ يمكن زيارة عادية
[فى الشارع ]
أحمد بلجلجة/ متتعبيش نفسك خليكى مع إسلام فى ملاهى هنا جنب المدرسة
حبيبة😈/ أوصلك لحد الباب يا قلب أمك وبعد كدة الملاهي
محمد/ عايز كيس حلويات
حبيبة/ قشطة يا غالى عنيا وأنت يا أحمد عايز إيه
أحمد / مش عايز أوووف
إسلام الصغير / بيبا حلويات
حبيبة/ حاضر ،،،،،،
ثم تحكمت فى أعصابها من أبنها أحمد
__________
(فى كلية الطب )
كرم / صباح الخير
جنات والبنات / صباح الخير
كرم/ بعد أذنكم يا بنات عايز جنات على إنفراد
جنات/ أهو بقينا لوحدنا خير
كرم عدل نظارتة الطبية بهدوء/ ممكن متبينيش شعرك حرام
جنات / فين دة
كرم / من أدام
جنات شدت طرحتها وعدلتها/ مش مقصودة أنا تربية الدكتور إسلام وماما أميرة
كرم / مش قصدى،،أنا تربية إيدهم برضو ،،بفكرك بس، ،،،،،، أنتى لسة أولى جامعة مش عايزك تقلدى حد هنا
جنات بملل/ عبيطة مثلآ حتى لو كدة ماما تسمح ،،دى فيها بهدلة ليا ،،
كرم/ تخلصي أمتى النهاردة
جنات/ أممم الساعة ٣ العصر
كرم/ تمام وأنا الساعة ١٢ الظهر أستناكى أروحك
جنات/ لا روح أنت
كرم/ عمى إسلام يزعل ،،،،،المفروض عندك محاضرة دلوقتى سيباها لية
جنات بعدم أهتمام / دكتور غلس ورغاى
كرم / أنتى لسة فى سنة أولى الحضور مهم
جنات/ كبر دماغك كدة كدة داخلة الكلية دى غصب عنى مع انها حكومى ومجموعى سمح بكدة ،، كنت عايزة كلية أدارة أعمال
كرم/ دكتورة حلوة مش وحشة
جنات بحزن/ مش لازم أكون دكتورة علشان بابا وأختى كدة ،، أنت تبقا دكتور علشان عمى إياد دكتور أكيد غصب عليك صح
كرم/ لا من حُبى فى بابا وعمى إسلام والكلام الحلو وسيرتهم الطيبة نفسى أكون زيهم وخصوصآ عمى إسلام باباكى
جنات بخنقة/ دة حلمك وتنجح فية انا هنا أفشل علشان مش بحب الكلية دى
كرم / حاولى تحبيها
جنات/ لا ،، بعد أذنك رايحة لأصحابى
كرم/ أستغفر الله العظيم
________________
((كافتيريا الجامعة ))
جنات/ إيه الكلام دة كرم أبن عمى وأخويا
صديقتها/ طريقتة معاكى تدل حاجة تانية
جنات/ ولا تانية ولا تالتة ،،بابا قايلة يوصلنى بعد الكلية لو جنة تتأخر فى محاضرتها وبس،،،حب بقا وكلام فارغ متلقيش ،،،ثم شهقت وقالت:- ماما تبهدلنى بس بابا طيب ،،،،بخاف من مامتى اوووى شديدة
صديقتها بفرحة / بجد علاقتكم أخوات
ضيقت جنات عينها/ عينك منه خديه ،،خلى بالك مش ينفعك دة محترم بزيادة وهاااااادى خالص ودماغه كلها علم وكتب ودارسة وبس أبن عمى وانا عارفاه صحيح أكبر منى بسنة بس عارفاة ويعتبر متربين سوا
صديقتها بحماس/ أزاى
جنات/ يوم ولادتة ماما كانت حامل فيا فى شهرين، ،ومامتة صغيرة وبتدرس ،،،تروح مدرستها وتسيبة لماما وتيتا وأخر اليوم تأخدة وهكذا وأنا بقا أتولدت وكبرنا سوا ،،،لعبنا وأكلنا وذكريات الطفولة مع كرم حتى الثانوية العامة كان يزاكرلى أمال بابا سايبنى أتعامل معاة لية من الأخر كرم تربية ماما وبابا
صديقتها بفضول/ مامتة بتشتغل إيه
جنات/ أستاذة فى كلية التمريض، ،دكتورة يعنى ،أتجوزت أصغر منا فى السن ومخلفة كرم وهى صغيرة ،،بقيت أخواتة مامتة هى إللى ربتهم فهمتي
صديقتها/ بس الدكتور إياد باباة أمور وشيك اووى شوفت صورتة على النت محدش يصدق عندة أبن كبير ذى كرم
جنات/ عمى دة بعشقة. نفسى اتجوز واحد زية يدلعنى ذى ميدلع مراتة. بت أنتى مركزة مع كرم وحياتة لييييية عمالة تسألى وأنا ذى العبيطة أجاوب.
صديقتها بكذب / فهمتي غلط علشان سمعتك بس متقفيش معاة ثم شربت من العصير بتوتر
جنات / أعديها مع أنى شاكة فيكى
__________
وصلت حبيبة مدرسة أولادها التؤام يسرون أمامها وإسلام الصغير فى إيدها بحجة تمشى براحة علشانة، وتبان الأمر طبيعى،،،،،
دخلوا المدرسة وتركتهم على الباب ظن الأولاد أنها رحلت لكنها لم تفعل أعطت لحارس البوابة فلوس يدخلها بعد نصف ساعة ويأخذ بالة من إسلام الصغير ،،،سارت فى طرقات المدرسة لا يعترضها أحد فهى مَدرسة خاصة تسير بخطوات ثابتة من ينظر لها يظنها مُدرسة ،،،نظرت فى الخفاء من شباك الفصل لترى سلوك أبنائها التؤام. لأسف لا يجلسون بجوار بعضهم ،،محمد بيذاكر و الميس تلهو فى التليفون الخاص والفصل ضوضاء،،،،،أحمد الذى تراقبة ،،،،يجلس أخر واحد فى المقعد أخر الصف يلهو فى تليفونة الذى ماسكة تحت الديسك لم تعلم ماذا يفعل لكنها متأكدة يشاهد هذا المحتوى ومعة أثنين من أصحابة ومندمجين فى جوال أبنها ،،،،،أخرجت هاتفها وصورت فيديو حالة الفصل ،،،،ذهبت لمديرة المدرسة وطلبت منها الإطلاع على دفتر السلوك الخاص بأولادها ومستوى التعليمى لهم ٠٠٠٠٠،،،،،،بعد الإطلاع وجدت كل شئ تمام وأولادها من المتفوقين لم تفرح بل شككت فى المستوى التعليمى فقط السلوكى لا ،،،،، مما جعل مديرة المدرسة متوترة
حبيبة/ عايزة نتيجة أولادى بتاعة الشهر دة ذى ماهى يا فرحتى طلعين من الأوائل والامتحان الكبير يسقطوا أمتحان الشهر دة أنزار لولى الأمر، ،دول ٣ إعدادى شهادة
المديره/ حضرتك لية متأكدة بنلعب فى النتيجة
حبيبة/ عارفة عيالى أنا جيت وتكلمت بكل أدب واحترام ،،،محمد وأحمد اولاد الدكتور إياد أخصائي الحالات الحرجة وحراجة القلب كدة عارفتيهم أهو نبهى على مدرسينك نتيجتهم تجيلى ذى ماهى بدون تزويد الدرجات كدة حضرتك بتأذى العيال فى سبيل مدرستك نمرة واحد فى المستوى التعليمى ،،ياريت حضرتك تلفى على الفصول وتشوفى المدرسين فى الفصل عاملين أزاى. ثم تركتها وهى كاتمة غضبها لأنها تحدثت مع المديرة بهدوء ،،حفاظآ على سمعة زوجها و أولادها ثم رجعت البيت بطفلها الصغير إسلام
بقلم نجلاءفتحى عاشقةالكلمات
_______
[فى فيلا إسلام ]
(فى غرفة ناجية )
ناجية / أنا كويسة متتعبيش نفسك
جنة/ تعبك راحة يا تيتا الحمد لله ضغطك كويس بس سُكرك عالى من فضلك حافظى على نفسك
ناجية / محافظة مش عارفة بيعلى لية
جنات / علشان أنتى سُكر يا سُكر يا ملكة الحلويات أنتى هههههههه
ناجية/ ههههههه والله أنتى عملة فى البيت حس وفاكهة يا جنات
جنة بعتاب/ وأنا يا تيتا
ناجية/ أنتى نسخة من أمك أميرة فى الشكل والطبع والهدوء نسمة هادية ،، أنما جنات دى تروح تقعد فى بيت إياد وحبيبة والمرستان بتاعهم. وكرم يجى هنا ههههههههه
جنات/ ياريت ههههه
جنة /سيبك من جنات دلوقتى، ،،،،ممكن يا تيتا تكلمى بابا هو بيحبك وبيسمع كلامك على موضوع أمبارح
ناجية/ السفر
جنات/ تتفسحى ،،،،معاكى ،،،سامعة
ناجية/ أختك عايزة تخلص جامعة وتطير برا مصر وتعيش هناك
جنات بصدمة / عايزة تسافري!! وتسبيني
جنة / أنا أخر سنة فى كلية الطب المستقبل برا
جنات بصراخ/ عايزة تبعدى عنى ،، ملناش غير بعض ،،،عايزة تبعدى وبابا روحة فيكى عنى دة كتب المركز بتاعة بأسمك، ،،عايزة تعيشى لوحدك وتبعدى عن حضن ماما ،، عايزة الوحدة وأهلك موجدين لو عملتى كدة لا أنتى أختى ولا أعرفك 😭😭😭ثم تركتهم وخرجت منهارة ،
ناجية / أستغفر الله العظيم ،،،،أبوكى روحة فيكى أنتى وأختك أظن عارفة خلفكم أزاى تبعدى عنة لية،،،
جنة بحزن/ شايفة المستقبل برا عايزة أكون نفسى وأسمى
ناجية بحكمة / صحيح ست كبيرة وأنا والسرير واحد ،،المستقبل بأيد ربنا محدش ضامن عمرة ،،،،أزرعى علمك فى بلدك ،،أخدمى أهلك وناسك لية تعمرى أرض مش بتاعتك وفى الأخر تتهانى و تسبيها وتمشى. لو رجعتى بلدك ترجعى فى صندوق إذا عارفنا نجيبك ،،،،بلدك جملية تستحق تعيشى فيها ،لما أنتى من دلوقتى عايزة تسبيها ودة يسيبها ودة ،،ودة أمال مين يعمرها ،،مين يزرع ويطور ويبنى ويعالج ويكتشف ،،يا فرحتى حفيدتى سفرت برا وليها أسمها وغنية ، عارفة أول ناس تتأذى مين؟ أهلك ، لما واحدة زى عجوزة تتعب متلقيش دكتور كويس لية سافر برا مصر ،،،أمك لو عايزة علاج مفيش لية الصيدلى سافر ومفيش علاج لما إسلام ابن عمك إياد يتعب ومفيس دكتور أطفال كويس علشان سافر برا ،لما يحب يروح مدرسة ميلقيش مدرس حلو لية سافر برا يبقا الأذى طال الاهل ولا لا ،،، أبوكى أتعرض علية زمان يسافر رفض وفضل هنا علشانى انا وجدك بهنساوى الله يرحمة ،،دلوقتى إيه ،،ماشاء الله مكانة أبوكى اللهم بارك وعمك إياد حلوة ،،ولو على الفلوس مش محتاجة عايزة لنفسك حاجة حلوة خليكى تحت طوع أبوكى وكونى نفسك خليكى تحت جناحة أمانك أنتى مش شايفة نفسك نسخة من أمك وأحلى منها كمان حد يطمع فيكى ،،،،هوووش أكتمى لما أخلص مهما كان كبرتى فيكى الطمع يا جنة بسببك حاجات كتير زمان أتغيرت للأحسن سنين نحاول تتغير مفيش نورتى الدنيا حلتى أيامنا كلنا بينى وبينك فرحتنا بيكى أكتر من فرحتنا بجنات يوم متولدت ،شيلى الفكرة دى ومتقوليش لأبوكى
جنة/ كدة أنانية
ناجية/ لولا عارفة الكلمة دى نطقتيها وقت غضبك كنت زعلت منك ، عايزة تموتي أبوكى سافرى يا جنة بس يارب تحافظي على نفسك يا دكتورة ومتجيش بفضيحة وندمانه
جنة/ أقدر أحافظ على نفسى كويس
ناجية بحدة / وإللى يقرب لبنت ويعتدى عليها ياخذ أذنها ها ردى ،،،،حتى لو بتعرفى تدافعي عن نفسك ،،،حباية مخدرة تكونى تحت رحمتة وجزمته ذى الكلبة ،،،فوقى لنفسك دة انا بضرب بيكى المثل أنا وأبوكى ،،،خلى الهبل دة للطايشة جنات
جنة بدموع/ دة حلمى
وهنا أنفتح الباب بهدوء
جنة/ ب ب ب بابا!!!😲😲
يتبع
بقلم نجلاءفتحى عاشقةالكلمات
حقى أكون أب
رأيكم
رد فعل إسلام !!!!!
ماذا تفعل حبيبة مع أبنها أحمد!!!