رواية من أول لقاء الفصل الرابع 4 بقلم نور ربيع
رواية من أول لقاء الفصل الرابع 4 بقلم نور ربيع
اللهم صلي وسلم وبارك على نبينا محمد ❤
♡ تعريف الشخصيات ♡
زياد شاب عمره 28 سنه ملتزم بفضل الله شاب رياضي انسان محترم محبوب لكنه بــ يغضب بسرعه من اي حاجه
لديه شركه في السعودية مهندس
نادين عمرها 25 سنه غير ملتزمة انسانه جميله جدا جواها طيبه لكن ظروف حياتها اللي تخليها تغضب ربنا
محمد ابن عمت نادين العمر 24 سنه في كليه طب قسم بشري اخر سنه لي وهو عايش في روسيا هو و اخته علشان الدراسه. شاب ملتزم و طيب
فريده اخته و تبقي بنت عمت نادين عمرها 20 سنه تالت سنه ليها في كليه الطب بنت مغرورة. و بــ تكره نادين. لانها عايشه معاهم من صغرها
طارق هو و زياد صحاب نفس شخصيه زياد لكن في فرق كبير ما بينهم في حاجات مش شبه بعض فيها. زي الالتزام مش شبه بعض في كدا و ده قطع ما بينهم العلاقات اللي كانت بينهم
روح اخت طارق الصغيره عمرها 15 سنه. و مختمرة في تالته اعدادي
زهراء اخت زياد عمرها 22 سنه شخصيه محترمه و تتحب بسرعه و ملتزمة. جدا و مختمرة في كليه علوم
سيف و نغم اخوات زياد و زهراء الصغيرين. و هما تؤام الاتنين عمرهم 16 سنه في اولي ثانوي
و كدا يبقي عرفنا الشخصيات
♡♡♡♡♡♡♡♡♡♡♡♡♡♡♡♡♡♡
استغفر الله العظيم الذي لا إله إلا هو الحي القيوم واتوب اليه 🤎
في منزل عمت نادين
عمت نادين بــ تحذير: ياريت نتصرف صح و التعامل يكون كويس مع النااس و تغيري شويه من شكلك ده شويه و طريقه كلامك. يا حلوه
نادين بضيق وحزن من كلامها:انتي شايفه كل حاجه غلط مني ليه عاوزه اعرف انتي بــ تتعبيني بسبب الكلام ده
عمتها بسخرية: انتي كلك غلط والله ي نادين ظبطي نفسك خليكي حلوه شوفي فريده بنتي كانت عامله ازاي حلوه و جميله في نفسها انتي كوني زيها لو مره بقا
نادين دموعها نزلت بحزن جواها حست انها مش حلوه و انها قليله جدا
طلعت عمتها بره الغرفه بضيق شديد وزهق منها
وقفت قدام المرايه بدموع وحزن مالي قلبها. وقالت: الجمال جمال الروح يا نادين اوعي تخلي حاجه تقصر فيكي اكتر من كدا بقا
اتنهدت من قلبها و حزن و قالت لنفسها بـ.امل : بكره تروحي بيت اللي انتي طالباه من ربنا و حياتك تبقي احسن و احلي ان شاءلله من دي يا نادين
_________________________
الضيوف جم البيت علشان يروحوا يجيبوا الشبكة
(نادين لبست دريس. نبيتي كله لمعه و لفت عليه خمار نفس اللون )
نادين بصت في المرايه بابتسامة خجوله و عينيها تلمع من السعاده
نادين بسعاده وخجل: ياااه انا مبسوطه اوي اوي يارب كمل فرحتي ع خير يارب. يارب كمان اعجبك كدا يا زياد وانا لبست الخمار علشانك اهو (يا جماعه نقطه مهمه عشان الموضوع بقي اوفر اوي مفيش حاجه اسمها انا لبست خمار او حجاب عشان خطيبي ولا جوزي انت لبساه ابتغاء لوجه الله عز وجل وانك عايزة الجنه ربنا مش هيساوي واحده لابسه الخمار عشان ربنا وواحده لابساه عشان خطيبها ربنا اهم من خطيبك )
سمعت صوت الباب خبط
نادين بصت وراها بتوتر
نادين: احم اتفضل
زهراء و نغم دخلو
زهراء بابتسامة: السلام عليكم ورحمة الله وبركاته عامله اي ي عروستنا القمر
نغم بابتسامة: السلام عليكم ورحمة الله وبركاته ي قمر
نادين ابتسمت بطمانينه: عليكم السلام ورحمة الله وبركاته الحمدلله اتفضلو
زهراء حضنت نادين بحب: انا زهراء ي قمر اخت زياد
نادين بدلتها الحضن بحب: اهلاً ي زهرتي وانا نادين
نغم بابتسامة: وانا نغم اخت زياد الصغنونه …و حضنتها هي ايضأ
و بعد التعرف البنات ع بعض و السلام نادين حبيتهم و حست بــ الامان معاهم و حبهم ليها
_________________________
في منزل طارق
" روح يا روح
روح خرجت من الغرفه بضيق
روح: نعم يا ماما
مامت روح بعصبيه: انتي ليل نهار هتفضلي قاعده قدام التلفون انتي مش علشان اخدتي اجازه اسبوع يبقي خلاص تنسي انك تذكري مفيش حاجه اسمها مذاكرة و انك في تالته اعدادي
روح بحزن: ماما والله ما ليا نفس ل حاجه سبيني بالله
مامتها بغضب: ايوه ايوه و بعد ما اسيبك تجي اخر سنه تجيبي اي إن شاءلله براحتك اعملي اللي يريحك بس والله العظيم طارق هيموتك فيها لو جبتي مجموع و حش علشان خاطر هو عاوزك تدخلي ثانوي عام
دخلت الغرفه بغضب منها
روح دخلت و وراها بدموع وحزن
روح بعياط وخنقه: ماما انا مخنوقه اوي زهراء و نغم محدش فيهم بــ يسأل عليا وحشوني معقول انا مش في بالهم كدا اخص عليهم اصلا مش مسامحه حد فيهم ولا حتي طنط ميرفت مش بتسأل عليا
بصتلها بحزن وشفقه: متزعليش الله اعلم بــ ظروفهم اي ي بنتي
روح بعياط وعصبيه: بس مش بالطريقة دي يا ماما
قربت منها اخدتها في حضنها بحنان وقالت: طيب بس اهدي متزعليش نفسك امسحي دموعك ي حبيبتي
روح بــ شهقات وحزن: زعلانه منهم اوي والله العظيم. يا ماما اوي
_________________________
وبعد وقت العائله جابت الشبكة و هما مع بعض العائله و جواهم الفرحة كبيره ل زياد و نادين
الساعه 12
في منزل ام محمد. عمت نادين
ابو محمد بابتسامة لطيفه: يارب تكوني مبسوطه يا نادين
نادين بسعاده غير متوقعه:دا انا يا عمي هموت من الفرحة كدا حاسه اني طايرة
ام محمد: على الله بقي تنسي اللي ربوكي بعد ما تروحي بيت جوزك يا ست نادين
نادين الابتسامة راحت ل حزن: انتي بتقولي اي انسي انا مش أنساك أبداً ولا انتي ولا بابا فايز دا انتوا اللي ربتوني طبعاً دايما هبقي فكراكم ان شاءلله
ام محمد: يارب نبقي فاكرين الكلام ده
نادين بحزن: يارب هو بابا مش هيجي؟
ابو محمد بهدوء: وانا مش مالي عينك ولا اي بقا؟
نادين بدموع : لا طبعاً انت ابويا اصلا في الاول و الاخر انتي اللي ربتني بس
قطعت كلامها عمتها: ولا بس ولا غير بس هو مش عايز يجي اصلا.
بصتلهابــ تحذير: وبعدين احنا اتفقنا ع اي احنا اهلك اللي جبوكي ع الدنيا وانتي ملكيش اهل تاني تمام
ابو محمد باستغراب: انتي بتقولي اي بس احنا لازم نقول ليهم كل حاجه
ام محمد بسرعه: لا لا موضوع ده مش هيخرج اياك تقولي حاجه ي نادين بقولك اهو
نادين بدموع وحزن شديد: حاضر
_________________________
في منزل طارق
روح بدموع: ماما عاوزه اروح اشوفهم ممكن توافقي!!
مامتها بهدوء: بس طارق مش يوافق متنسيش ان مانع ان حتى الكلام معاهم
روح بحزن: مش هقول لي ولا انتي برضو اروح بكرا وهو في الشغل و اجي قبل ما يجي ان شاء الله
مامتها بــ تحذير: روح سيبك من الموضوع ده انتي عارفه طارق لو عرف هيعمل اي بلاش تخليه يتجنن
روح بــ رجاء: بالله بالله يا ماما نفسي اشوفهم
مامتها اتنهدت وقالت: ماشي بس براحتك بقي لو عارف انتي عارفه لو عارف ممكن يضربك ع فكره انتي عارفه ان غضبه وحش زياده عن اللزوم
روح بــ فرحه: هيهيهي الحمدلله هروح متخافيش مش هيعرف و مفيش حاجه تحصل ان شاءلله
سمعو صوت طارق جه و نادي عليهم
روح خرجت من غرفة هي و مامتها
روح بابتسامة: مسا الفل يا طروق
طارق بابتسامة: مسا العسل ي قلب طروق عامله ايه
روح بابتسامة: الحمدلله ي حبيبي
مامت روح: يلا ادخل غير ع ما احط العشاء ي طارق وانتي تعالي اعملي معايا حاجه
طارق: تمام ي ست الكل
روح: حاضر
_________________________
في يوم جديد
اشرقت الشمس في المنزل
نادين كانت قاعده بتوتر ع السرير تفكر
نادين لنفسها بخجل: انا بحبه اه والله حبيته من اول مره زياد
ضحكت بخجل جامد وقالت: ابو عضلات حبيته هو عسل في نفسه
فضلت ساكته شويه تفكر وجواها متوتر. قالت لنفسها بتردد
نادين لنفسها: انا عاوزه اقوله اني بحبه و اعرف هو كمان بيحبني ولا لا
افتكر شئ حصل معاها من زمان و في لحظه حست انها مخنوقه و دموعها بدأت تنزل منها بيأس
نادين بيأس وهموم: بس افرض عمل معايا زي اللي قبله كمان و قال عليا واحده رخيصة اعمل اي وقتها لا مش عاوزه اخسر ده كمان انا ما صدقت
سمعت صوت عمتها بــ تنادى عليها
نادين مسحت دموعها بسرعه: نعم يا عمتي. و قاامت بسرعه طلعت ليها
_________________________
في منزل طارق
روح بلهفه: ماما طارق ماشي اهو البس و روح بقا بالله
مامتها بتردد: انا قلقانه عليكي من طارق لو عارف براحتك بقا انتي حره انتي وهو مع بعض
روح برجاء: ماما بالله بقا هو مش هيعرف بلاش تقولي لي تمام
مامتها: براحتك يا روح
روح قامت: ادخل البس و امشي بسرعه يا ماما بقا اوعي تقولي لي
راحت دخلت بسرعه بلهفه وفرحه جواها.
مامتها بضيق منها: والله وانا ما اعرف اكدب ع حاجه لو عارفه و سألني براحتك ي بنتي
_________________________
من الاحداث التاليه
وقفت بــ شده رعب و انهيار و النار حواليها من كل مكان و خلاص استسلمت تمامأ ل الموت
نادين بندم ياكل قلبها و انهيار: يارب انا عارفه اني عصيتك كتير انا معترفة بالغلط والله العظيم بس اديني فرصه فرصه لو واحده بس اتوب و ارجع اليك انا مش عاوزه حاجه خلاص من الدنيا انا عارفه اني مش اخدت حاجه منها و خسرت كل حاجه و حتى الأخرة الحلوه مش من نصيبي بس بس سامحني يارب يارب سامحني
استلمت نهائي و حطت ايدها ع وشها و نار نزلت عليها كلها و هي تتمني لو انها في لحظه دي بتحلم و جواها نفسها ربنا يغفر ليها و تصلي لو مره واحده قبل موتها.
وقالت وهي دي نهايتك السوده يا نادين
اروع القلوب قلب يخشي الله
و اجمل الكلام ذكر الله واتقي
الحب الحب في الله ♥
اذكر الله 🤎🫶🏻.
تعليقات
إرسال تعليق