نبدأ بالصلاه على النبي 🥰
رهف: بصت ولقت اللي موجود في الوجبة مش بتحبه ومبتحبش غير نوع واحد الوجبه كانت عبارة عن (زبادي، بيض مسلوق،لبن،رغيف عيش) وهي مش بتحب غير الزبادي
رهف باستغراب: هو دا اكل المرضى
الممرضه: ابتسمت ايوا هو دا ولازم تاكليه كله
رهف: لا مش هاكله انا مش بحب البيض ولا اللبن هاكل بس الزبادي ومن غير عيش
مرضى: بس كدا هتتعي من قلة الاكل
رهف: بصت لروز وملك بمعني أنقذوني
روز وملك ضحكو
ملك: تمام روحي انتي واحنا نخليها تاكلهم بالعافية
الممرضة: تمام
رهف: الحمدلله مشيت ازاي كنت هاكل بيض واشرب لبن يععع انا عايزة طعميه وفول الهي تنسترو
روز: خلاص خلاص متزنيش هنديكي بس حاجه بسيطه علشان مش تتعبي
ملك: اي خدمه يا معلم
رهف: حبايبي والله يابو الصحاب بحبكو اوي يا برعي ويا رزة
ملك،روز،بغضب: طب وايه لازمتها بحبكو دي مع برعي ورزة دي
رهف: محصلش حاجه يعني خليكو حونينين ههه
ملك: اسمها حونينين يا جاهلة يا بتاعت طب
رهف بتكبر: اه مزاجي كدا اسميها براحتي
روز: يارب صبرنا من البلوة دي بس علي قلبنا زي العسل
رهف: حبيبتي يا رزة وضحكو هما التلاته هههه
وهنا دخلت عليهم العيلة
وفاء: عامله ايه انهاردة يا رهف
رهف: متقلقيش يا فوفه انا بخير الحمدلله ومش هموت انا قاعدة علي قلبكم هه
محمد: زي العسل علي قلبنا يا رهفي
رهف: حبيبي يا مودي والله وبعدين ايه الحلاوة دي ما تجيب بوسه ولا فوفة هتموتني
وفاء بغيظ: بس يبت دا جوزي متقربيش منه وبعدين ضحكت والكل ضحك
آسر: عامله ايه يا مفجوعه اكيد مكلتيش اكل المستشفى وكلتي فول وطعمية
رهف: حبيبي والله حافظني انت يا آسوري
آسر: امال وبعصبيه وبعدين معاكي مكلتيش اكل المستشفى ليه إن شاء الله
رهف: مانت عارف يا آسوري اني مش بحب اللبن ولا البيض وكلت بس زبادي
وفاء بغضب: وانتي عارفه انك عايزة تغذيه والمفروض تشربي اللبن علي الاقل
رهف: اهدي يا فوفه محصلش حاجه يعني أنا بخير اهو
محمد: تهدي ايه يا رهفي وبعدين امك معاها حق لازم تتغذي
رهف: يا مودي مش عجبني الاكل دا لا والغدا برضو اكيد مش هحبه انا وحشني اكل فوفه القمر
وفاء: إن شاء الله تقومي بالسلامه واعملك اللي نفسك فيه
رهف: حبيبتي يا فوفه والله
وفاء: اه يبكاشه انتي وبعدين حتى احترميني قدام الناس ومتقوليش فوفه
رهف: حاضر يا فوفه وضحكت
زين: عامله ايه يا رهف
رهف بلا مبالاة: كويسة يا مستر زين
زين: كويس وفي سره زعلان اوي على معامله رهف ليه
الكل طبعا اطمنو عليها(عايزة اختصر مش عايزة ارغي😹😹)
آسر: هروح اشوف الدكتور يجي يطمن ويكتبلك إذن علي الخروج
زين: خليك انت يا آسر انا هروح
آسر: ماشي
زين جاب الدكتور واطمن عليها
محمد: هااا يا دكتور بنتي عامله ايه
الدكتور: بخير الحمدلله وهتخرج النهاردة بس بلاش أي ضغوطات أو مجهود لان لو جات تاني هنفقدها
محمد بحزن علي ابنته: تمام يا دكتور شكرا
وكتب إذن للخروج وخرجت
كل واحد وصل علي بيته
في بيت زين
زين: قاعد بحزن وباين عليه ليه يا رهفي بتعامليني كدا دي اكتر حاجه بتقتلني وانتي عارفه انا تعبت يا رهفي ولازم اشوف احل وهصالحك ونرجع زي الاول
روز: دخلت عليه وسمعته طالما بتحبها ليه متواصلتش معاها حتي لما كنت مسافر
زين: مش عارف يا روز انا قولت نسيتني واكيد هي مشغولة بس هي علطول كانت في بالي وبحبها اوي وان شاء الله هصالحها وهتبقي ليا
روز: إن شاء الله يا حبيبي بس انت اهدي كدا واتعامل معاها برقة وبلاش عصبيتك اللي بخاف منها
زين: حاضر يا روز
ونزلوا تحت
احمد: انا بفكر اقول لمحمد يجو يقعدو معانا في الفيلة زي الاول جمعتنا ولمتنا بتبقى حلوة اوي
سارة بفرحة: انا ياريت بالله يا احمد وحشتني القعدة معاهم ومع وفاء اوي
دخل زين وروز في الوقت دا
روز بشقاوة: فرحانين ليه كدا يكونش الاستاذ احمد بيعاكسك وغمزتلها
سارة: عيب يبت كدا
احمد: يبت بطلي شقاوة واعقلي بقى
زين بضحك: مش هتعقل غير لما تلاقي اللي يلمها
روز تصتنع الحزن: كدا يا بابا عايزين تخلصو مني
احمد: لا يا حبيبتي انتي علي قلبنا زي العسل المهم كنت بتكلم في أني اقول لمحمد يجو يعيشو معانا في الفلة
روز بفرحه: بجد يا بابا الله وهقعد مع رهف في اوضه واحدة وعملت حركات تضحك والكل ضحك
زين: بانت في عيونه الفرحه وكان فرحان جدا أن حبيبته هتكون تحت عيونه علطول كويس يا بابا حلو القرار دا
احمد: إن شاء الله بعد ما رهف تخف هتصل اعزمه علي الغدا واكلمه
زين: تمام يا بابا هروح انا علي الشركه
سارة: مع السلامه يا حبيبي
في بيت رهف
آسر بيسندها وهو بيدخل البيت خبطت في الباب
رهف: آاه حاسب يا خنزير قول انك عايز تموتني
آسر: اكتمي يا بقرة بدل ما الزقك في الباب
رهف: دا اخ دا
آسر: وميشرفنيش اني اكون اخوكي وانتي زي الكارثة المتحركه
محمد: بس بقا بطلو شغل عيال
رهف: حاضر يا مودي هسمع كلامك ودخلها اوضتها وطلع تاني
آسر: انا ماشي علي الشركه
وفاء: خالي بالك من نفسك يا حبيبي سلام
آسر: سلام يا ماما سلام يبابا
محمد قعد لقي تلفونه بيرن
محمد: الو يا احمد
احمد: ..............
محمد: تمام إن شاء الله هقول لوفاء ونيجي علي الجمعة
عدى اليوم وآسر رجع واتجمعو علي السفرة
وفاء: يا رهفف تعالي علشان الغدا
رهف: جايه يا فوفه
وقعدو ياكلو بعد الاكل
محمد: احمد عازمنا نروح نقضي اليوم عنده يوم الجمعه هاا حد مشغول
وفاء: معنديش مشكله سارة وحشتني اوي وعايزة اقعد معاها
آسر: ولا انا هاخد إجازة من الشغل ونروح
محمد: وانتي يا رهف
رهف: كانت سرحانه وبتفكر واد ايه هي فرحانه وفي نفس الوقت حزينة وخايفة مشاعر متلغبطه
محمد: رهفي سرحتي في ايه
رهف: لا مفيش يا مودي بس انا مش موافقة
يا ترى رهف رفضت ليه!؟