رواية تاجر النساء
الفصل السابع والعشرون 27
بقلم حنان احمد ماهر
فضل جنبها بيتأمل ملامحها فرغم ملامحها البهتانه وتعبها
فهى هتفضل أجمل النساء بعيونه اتكلم معاها بعتاب وكأنها
سمعاه . بقى عايزه تبعدى عنى ياامنيه حياتى لسانك قدر
ينطقها فكره بسهولة كده ممكن أبعد عنك أنا عندى روحى
تطلع ولا تبعدى عنى
بدأت تتململ وتفوق ببطئ فتحت عينيها واول ما شفته
ابتسمت واخدت نفس عميق وكان روحها اتردت ليها
بدلها كريم الابتسامه وكلامها بحب ظاهر على كل
ملامحه . حمد لله على السلامه كده تتعبى قلبى معاكى
وتخوفينى عليكى انتى متعرفيش حالتى كانت ازاى
لما عرفت انك تعبتى وفى المستشفى
ردت أمينة بحزن ممزوج بدموع . أنا اسفة
حط كريم صباعه على شفايفها علامه لسكوتها . شوووووو
بلاش تتعبى نفسك بعدين نتكلم ونتعاتب عايزك تعرفى
وتتاكدى انى مستحيل ابعدك عنى غير بموتى وكمل
بتأكيد انتى روحى ياامينة وصعب استغنى عن روحى
وعند طارق قرب من حبيبة وتكلم بهمس . على فكره
انا اتصلت بالسيد الوالد واخت منه معاد اجى اشرب
الشاى أنا وولدتى
اتكسفت حبيبة ونزلت رأسها في الأرض بابتسامه وفى
نفس اللحظه ظهرت مريم وتكلمت بغيظ . اه ياندله
بقى متقوليش أن أمينة تعبانه
حبيبة بضيق . ما قولتك لما كلمتينى يامريم
وجهت مريم كلامها لطارق . طيب انا هشهدك ياجوز اختى
المستقبلى يرضيك اكون اخر من يعلم
ضحك طارق عليها . على شان كلمت جوز اختك دى
فانا معاكى ان حبيبة غلطانه وش
حبيبة بغيظ بصت لطارق وتكلمت بلوم . بقى كده ياطارق
بتقول عليه غلطانه
طارق بحب . ياجمال حلاوت اسمى اللى طالع من شفايفك
لا ياقلب طارق أنا اللى غلطان
مريم . لا انا ادخل اطمن على العيانه اللى جوه لحسن
من كتر العسل هنبدأ نلزق
طلعت حبيبة ليها لسانها علامه لغيظها ضحك طارق من
قلبه على مجنونته وصاحبتها . على فكره علاقتكم
حلوه اوى
حبيبة بجدية . على فكره انا ومريم وأمينة اكتر من
اخوات مش شرط يكون اخوات من امك و ابوك
أحيانا الصديق بيكون ليك السند وقت شديدتك
طارق . لا فى دى عندك حق بدليل وقفتك مع أمينة
وبدورى ازاى تساعديها بأى طريقة على العموم ربنا يخليكم لبعض
خرج كريم من عند أمينة وسبها مع مريم لقى طارق واقف
قرب منه اتكلم باعتزار . أسف ياطارق انى سبتك الوقت
ده كله
طارق . ولا يهمك يا صاحبي انا مقدر الوضع طمنى هى عامله
ايه دلوقتي
كريم . تعبانه اوى ياطارق الحي*وان ده ضغط على أعصابها
جامد
طبطب طارق على كتفه . متقلقش ياحبيبى هيعدى المهم
انا هامشي دلوقتي وهاخد اجراتى الموضوع ده بتاعى
ياصاحبى
كريم . شكرا بجد يا طارق على وقفتك جنبى
طارق . متقولش كده يابنى احنا اخوات
قربت عايدة منهم كلامها كريم باستغراب . كنتى فين ياأمي
عايدة . كنت فى مسجد المستشفى رحت اصلى وادعي
ليك ولامينة
بسها كريم من راسها . ربنا يخليكي لينا يا أمي
طبتطبت عايدة على ضهرة . ويخليكم ليا ياحبيبى أنا عايزاك تروح على البيت تجيب غيار لامينة وتجيبلها اكل من اى مطعم يكون كويس
كريم . حاضر ياامي خلى بالك من نفسك ومن أمينة وانا
مش هتاخر
وجه طارق كلامه لحبيبة . طيب تعالى اوصالك فى طريقى
حبيبة . ماشى بس أشوف مريم لو كده نوصلها معانا
وسبتهم ودخلت عند أمينة وقربت منها وتكلمت بابتسامة عملة إيه ياحبيبتي دلوقتي
أمينة . الحمد لله بقيت أحسن
مريم بجدية . أمينة اوعى تستسلمى وتسمعى كلام البنى
ادم ده احنا متعودين عليكى قوية أوعى تظهرى ليه
ضعفك واعرفى أن احنا كلنا جنبك وفى ضهرك وكريم
بيحبك اوعى تضيعى حبك فى لحظة ضعف وخوف
فهمانى ياامينة
هزت أمينة رأسها بابتسامة وامتنان . بجد أنا بحمد ربنا
انكم فى حياتى ربنا يخليكم ليا وحضنو بعض
بعدت حبيبة . طيب ياله بينا احنا يامريم طارق مستانى
بره هيوصلنا فى طريقه
مريم بمشكسه . ياسيدى بقى حبيبة وقعت وبقى عندها إكس يوصلها
حبيبة . ماسمهوش إكس طارق كلم بابا وهيجى يطلب
ايدى
مريم بفرحه . مبروك ياحبيبتي ربنا يسعدك ويتمملك
على خير
أمينة بابتسامة . الف مبروك ياحبيبة ربنا يسعدك يارب
حبيبة . مبروك دى تتقال لما اسحلكم ورايا فى طلبات
الفرح و الخطوبه وكده يعني
مريم . من غير ماتقولى ياختى أنا عارفة انك مستغاله
ياله بينا لحسن نتأخر على حضرت الظابط طارق
وودعو أمينة وخرجوا
دخلت عايدة عنع أمينة . ها ياحبيبتي عمله إيه دلوقتي
أمينة . الحمد لله ياامي بقيت احسن هو كريم فين
عايدة . راح البيت يجبلك غيار واكل وراجع
سكتت أمينة بتفكير سألتها عايدة بقلق . إيه اللى حصل
ما بينكم خلاكم فى الوضع ده
ما حبتش أمينة تحكلها وتقلقها عليها حولت تفكر فى
اى حاجة . ما فيش ياماما أنا حاسه أننا اتسرعنا
وهو اتجوزنى بس على شان يساعدنى وخايفه يكون
مش متاكد من مشاعره نحيتى
عايدة . حرام عليكي يا أمينة ده كريم بيعشقك وانتى كمان
بتعشقيه بلاش يابنتى تدخلى الشيطان ما بنكم
دخلت عليهم الممرضة وتكلمت بعمليه . لو سمحتى يامدام
أمينة تتفضلى معايا على معمل التحليل الدكتور طلب
منى اخدك على هناك
عايدة باستغراب . طيب ماتاخدى منها الدم اللى هتحليله
وهى هنا
الممرضه بتوتر . لا مش هينفع على شان هتعمل اشاعه
بعدها متقلقيش حضرتك
عايدة . خلاص يابنتى وحولت تساعد أمينة قربت منها
الممرضه بلهفة خلى حضرتك انتى أنا هساعدها
عايدة . بس انا هاجى معاكم
الممرضه . لا حضرتك مش هينفع تيجى معانا عند الاشاعه
على شان خطر على صحة حضرتك
سكت عايدة باستسلام اخدت الممرضة أمينة وخرجت
وركبت الاسنساير
أمينة حست بقلق . احنا رايحين على فين
الممرضه بحدة . بلال بيه مستنيكى بره المستشفى فى
عربيتة واى حركه منك بيبلغك هتكون قدمها حيات
الست ولدتك
خرجت أمينة معاها باستسلام ووصلت عند عربيه بلال
بصت عليه من بره بخوف وقلق
بلال بحده ونظرة انتصار . إيه هستنى كتير اخلصى اركبى
ركبت أمينة جنبة وهى جسمها بيتنفض من الخوف
وبعد فترة كريم دخل المستشفى ودخل لامينة بس استغرب
لما ملقهاش لقى عايدة خارجه من حمام الاوضه .
امال أمينة فين ياماما
عايدة . جت الممرضة من شويه خدتها على شان تعمل
اشاعه وتحليل الدكتور طلبها منها
كريم بقلق . طيب انا هروح اشوفها عند المعمل
راح كريم وسأل عنها ملاقهاش راح عن الأشعة برده
ملقهاش الخوف والقلق دخلو قلبه سأل على مكتب
الدكتور اللى متابع حالتها ودخلوا وتكلم بحده
. ممكن اعرف أمينة فين
وقف الدكتور وتكلم باستغراب . فين ازاى حضرتك
كريم بضيق . الممرضه عدت عليها من شويه واخدتها
تعمل تحليل بونائن عن تعليماتك
الدكتور بنفى . لا انا مطلبتش من حد يعملها تحليل
كريم بغضب . يعنى إيه فين غرفة الكاميرات اللى فى
المستشفى الزفت دى أنا هطربق الدنيا على دماغكم
اخده الدكتور غرفة الكاميرات وطلب من المختص يشغل
الفيديوهات بتاعت مخارج ومداخل المستشفى
نفذ المختص طلبه
لحظها قلبه وقف اما شافها ماشيا بضعف مع الممرضة
وخرجه من المستشفى ووقفت قدام عربيه سودا
لحظه بصت بخوف وركبت العربية واختفت
طلع موبيله من جيب الجاكت وتصل بطارق .
اخدها ياطارق اخدها منى و.....