رواية هذا قدري الفصل العاشر 10 بقلم حنين شريف
~~~~~~~~~~~~~~~~~~~
حياه
الو مين معايا
عمر
انا عمر الي كلمتك امبارح بخصوص مرض حياه
حياه بصدمه
ايييييييه
مريم راحت لحياه ،وفهمت ان هي عرفت كل حاجه
مريم
حياه انا كنت هفهمك
حياه بغضب
تفهمينيييييي ايييييه؟!!
مريم
حياه لوسمحت افهميني
حياه وهي بتحالو تهدي
طيب احكيلي كل حاجه بالتفصيل
مريم حكت لحياه كل حاجه ،وحياه قالت بعصبيه
وهو انت فاكره لو انتو عملتوا كده انا هوافق،مريم انت عارفاني ،انا مستحيل اتعالج بالطريقه دي،ده غير اني مش عايزه اتعالج اساسا،(قالت بانهيار) مريم ان تعبت اوي تعبت من الدنيا دي ،تعبت اوي،انا كنت فاكره اني جايه هنا في الدنيا علشان اتبسط،كنت فاكره انه عادي لو مهما حصل اقف علي رجلي من تاني،مريم ان كل حاجه راحت ،انا امي اتوفت وانا صغيره،و بابا عوضني كل حاجه،لكن هو كمان مشي،مريم انا فعلا تعبانه ،انا كانت ممكن توصل بيا اني افكر اني انت*حر،بس كنت بتسغفر ربنا، ودلوقتي ربنا الي خلاني مريضه علشان ارتاح بقي ،لان الدنيا دي مش راحه ولا عمرها كانت راحه ،الراحه الحقيقية هي الاخره
مريم بدموع وغضب
حياه انت انانيه كده ليه،انت كده انانيه ،عايزه ترتاحي وانا اتعب بعدك ،حياه انت بالنسبالي حاجه كبيره اوي ،عمري ما هعرف اعيش من غيرك،انا عارفه ان الفتره الي قعدنا فيها مع بعض فتره صغيره ،لكن كانت كفيله اوي ان هي تقربنا من بعض وتعلقنا ببعض
حياه بدموع
مريم لو بتحبيني بجد سيبيني في حالي،علشان خاطري سيبيني
جريت حياه علي الؤضه وقفلت علي نفسها الباب،ومريم قعدت علي الارض وكانت بتعيط،مش عارفه تعمل ايه مع حياه،مش عارفه تقنعها ازاي ان هي تتعالج
~~~~~~~~~~~~~~~~~~~~~~~~~
عند شهد في المستشفى
شهد كانت بتمشي في المستشفي وبتكلم صاحبتها
شهد
طيب ماشي ه......
قاطع كلامها لما خبطت في شخص
قالت بعصبيه
مش تفتح يا....... ايه هو انتتتت؟؟!!
خالد بصلها ،وبعد كده ابتسم بسخرية
ازي حضرتك يا دكتوره شهد
شهد بتوتر
ك كويسه،وازي حضرتك يا خالد باشا
بص خالد للجرح الي في دراعه
والله يا دكتوره كلك نظر
شهد بقلق
ايه ده،ده من ايه!
خالد ضحك بسخريه
والله يا دكتوره انا ظابط شرطه ،مش بياع لب
شهد قالت بغيظ
طيب ممكن تتفضل اعقملك الجرح الي في دراعك
خالد
والله الي انا اعرفه انك دكتوره نسا وتوليد،احب أفكر حضرتك اني مش جاي اتابع الحمل
شهد بغيظ اكبر وقالت
خالد بس بقي!!...
خالد
خالد حاف كده،مش كنت من شويه خالد باشا
شهد اخدت بالها من الي قالتوه
احم مكنش قصدي،م ممكن بقي تتفضل قدامي ،هوديك لدكتور يشوفلك الجرح
مشي خالد مع شهد ،وشهد كانت متوتره اوي
كانو ماشيين لما قابلوا دكتوره وقفتهم
الدكتوره
ايه ده! ايدك بتنزف كده ليه ،تعالي معايا وانا اعقمهالك
خالد كان هيتكلم لكن شهد قالت بغيظ
لا متشكرين،احنا اساسا كنا رايحين لدكتور عبدالله ،مش عايزين نتعبك
مي قالت
دكتوره شهد،دكتور عبدالله مشي من شويه،ومفيش غيري انا ،(وجهت كلامها لخالد وابتسمت)ولا حضرتك رأيك ايه
شهد كانت هتتكلم لكن خالد قال بأبتسامه
لا ابدا يا دكتوره،وهو انا اقدر
مي
طيب اتفضل يا استاذ....
خالد قال بأبتسامه
خالد،الظابط خالد
مي بأبتسامه
طيب اتفضل معايا
طبعا كل ده وشهد عينيها بتطق شرار،ومش طايقه مي
~~~~~~~~~~~~~~~~~~~~~~~~~
عند عمر
عمر لنفسه يا تري ايه الي حصل لحياه،وايه ردت فعلها(طبعا عمر كان سامع المكالمه كلها وعرف ان حياه رافضه تماما العلاج)
طيب انا دلوقتي اعمل ايه
بعد شويه تيلفون عمر رن وكانت مريم الي بترن
عمر رد بسرعه
مريم
السلام عليكم
عمر
وعليكم السلام ورحمه الله وبركاته
مريم
اظن ان حضرتك سمعت المكالمه مش كده؟؟
عمر
الصراحه انا سمعتها،وكنت حابب اني اقابل الانسه حياه
مريم
ازاي؟؟...،حضرتك سمعت الكلام الي حصل،ومستحيل ان حياه توافق ان هي تقابلك
عمر
انسه مريم ممكن تكون دي الفرصه الوحيده اللي قدامنا علشان نقنع حياه ان هي تتعالج،مش قدامنا حل غير ده،بعدين سيبيني مش ممكن اعرف اقنعها
مريم اتنهدت بقله حيله
طيب ،بس ممكن تقابلها ازاي؟؟...
عمر
ممكن تحاولي تقنعيها اني اقابلها
مريم
طيب ،هحاول اقنعها ،بس اكيد مش النهارده
عمر
طيب بس حاولي تستعجلي،وافتكري ان كل ما نتأخر اننا نبدا العلاج كل ما الموضوع بيبقي صعب
مريم
حاضر،متشكره جدا يا استاذ عمر
عمر
العفو علي ايه
قفل عمر المكالمه مع مريم وقعد طول النهار يفكر في حياه
~~~~~~~~~~~~~~~~~~~~~~~~~~~~~~
عند منير
منير
الباب خبط
السكرتيره
منير. بيه ،هيثم بيه عايز يقابل حضرتك
منير
دخليه
هيثم دخل وقعد قدام منير
منير
خير يا هيثم ،في ايه
هيثم
مفيش بس حبيت اجي واقولك ان صفقه السلاح عدت من الحكومه ،ونجحنا
منير ابتسم ورجع لظهر الكرسي
مش قولتلك طول ما انت بتتعامل مع منير بيه متقلقش من اي حاجه
هيثم
معاك حق،صحيح عملت ايه مع قاسم
منير بقلق بيحاول اخفائه
انا مش مطمن ،من اخر خناقه حصلت مابينا وهو ساكت،وانا متعود طول ما قاسم ساكت يبقي بيخطط لحاجه
(تخيلو بقي قاسم مين وبيعمل ايه)
هيثم
مش هيقدر يعمل حاجه،لانه مش معاه اي دليل
منير بتوتر
ربنا يستر
(اللهم قوي ايمانك يا منير بيه😂😂)
~~~~~~~~~~~~~~~~~~~~~~~~~
عند شهد وخالد
الدكتوره مي كانت بتعقم الجرح لخالد ،وكانت بتكلم وتهزر معاه
وطبعا شهد كانت هتطق
مي بأبتسامه
طيب انا كده خلاص خلصت
خالد
تصدقي فعلا انا ما اخدتش بالي خالص من الوقت
شهد بغيظ
اممم،طيب متشكرين جدا يا دكتوره مي واسفين علي الازعاج
شهد كانت هتمشي لكن مي قالت
حقيقي انا مبسوطه جدا اني اتعرفت علي حضرتك يا خالد باشا
خالد بأبتسامه
وعلي ايه بس الالقاب دي ،تقدري تقوليلي يا خالد علي طول
شهد بغيره
طيب انا من رأي بقي ان حضرتك اتأخرت علي المدام
مي بصدمه
مدااام
شهد بضحكه خبيثه
اه هو حضرتك مكنتيش تعرفي،يلا بقي يا خالد باشا
مشيت شهد و خالد ،وخالد وقفها وقال
ايه الي انت قولتيه ده؟؟..
شهد بنرفزه
بقولك ايه اسكت علشان انا مش طايقه نفسي ،تقدر تتفضل ولا المستشفى كبيره وممكن تتوه ،تحب اناديلك الدكتوره مي توصلك
خالد بأستفزاز
لا مش مستهله ،انا كده كده اخدت رقمها لو عايزها هكلمها
مشي خالد وشهد هتمووت من الغيظ
~~~~~~~~~~~~~~~~~~~~~~~~~~~
عند حياه وقت صلاة الفجر قامت علشان تصلي ومريم برده قامت علشات تصلي
بعد لما صلوا مريم قالت لحياه
حياه انا عايزاكي تسمعيني وبعد كده اعملي الي انت عايزاه ،دكتور عمر كلمني وقالي انه عايز يتكلم معاكي ويحاول انه يقنعك وهو كان مسر جدا،انا قلتلو ان في الأول والاخر انت الي لازم توافقي،نصيحه مني ليكي روحي واتكلمي معاه عجبك كلامه كويس اوي ونبتدي العلاج مش عاجبك خلاص اعملي الي انت عايزاه
مشيت مريم ودخلت الاؤضه وبعد شويه حياه دخلت وراها وقالت
مريم ممكن تكلمي الدكتور ده ،و تقوليلو اني موافقه اقابله
مريم بفرحه
حاضر ،بكره الصبح هكلمه
~~~~~~~~~~~~~~~~~~~~~~~~~
تاني يوم في فيلا عمر
كان عمر والام سعاد بيفطرو وتليفون عمر رن
الام سعاد
مين الي بيرن عليك يا عمر
عمر
مش عارف هشوف
لقي مريم بترن عليه
عمر رد بسرعه
الو ،صباح الخير
مريم
صباح النور،انا رنيت في وقت مش مناسب ولا ايه ؟؟..
عمر
لا ابدا،هو في جديد حصل
مريم بفرحه
اه حياه وافقت ان هي تقابلك
عمر بفرحه
بجد حياه وافقت
مريم
اه ممكن تقابل حضرتك في***** وانا هكون معاها
عمر
طيب تمام ان شاءالله هكون هناك
عمر قفل التيلفون ولقي مامته بتبصله
مين حياه دي يا عمر،انت بتعرف بنات؟!
عمر
لا طبعا ياماما هو انت ربتيني علي كده،حياه دي بنت تعبانه وانا بساعدها
الام سعاد
ربنا يقدرك علي فعل الخير يابني
~~~~~~~~~~~~~~~~~~~~~~~
عند عمر في المستشفى
خالد دخل
صباح الخير
عمر
صباح النور
خالد
في جديد علي موضوع حياه
عمر
ده الجديد كله هنا
عمر حكي لخالد كل حاجه
دلوقتي بقي انا حكتلك كل حاجه،وانا دلوقتي عايز اعرف انت عايز حياه ليه
خالد
عمر انت عارف دي أسرار شغل
عمر
طيب ،انت لو مقولتلكيش عايزها في ايه،انا مش هاخدك معايا
خالد
في ايه يا عمر ،هو انا ابن اختك،بقولك شغل
عمر
بقولك ايه انا قولت الي عندي ،هااا
خالد اتنهد
طيب ،احنا بنراقب راجل اعمال وشاكين ان مشيو بطال، علشان كده بعتناله واحد يقرب منه علي اساس يعني انه يشتغل معاه ويخليه يثق فيه،والراجل ده طلب منه يدور علي حياه،بس استريحت بقي
عمر
امممم،ده شكل حكايتها حكايه ،طيب بص بقي انت هتيجي معايا بس حياه مش هتشوفك ،هتقف بعيد وانت تشوف هي دي ولا لا،بعد كده يحلها حلال
~~~~~~~~~~~~~~~~~~~~~~~~~~~~~~
في المكان الي اتفقت فيه مريم مع عمر انهم يتقابلوا
عمر كان قاعد مستنيهم لغايه ما جم
حياه بأستغراب
هو انت؟!
عمر ابتسم
اتفضلوا اقعدو
عمر بص لحياه
دلوقتي انا هكلمك بجد وهسألك اسئله وتردي عليا بصراحه
حياه هزت راسها بمعني ماشي
عمر
ايه الي مخليكي مش عايزه تتعالجي؟؟...
حياه سكتت شويه وقالت
لاني تعبت تعبت من الدنيا الي من ساعه ماجيت وانا متبهدله،سوا متبهدله في الذنوب والمعاصي او متبهدله في حياتي،بعدين انا تعبت اوي وعايزه ارتاح
عمر
يعني انت متخيله انك كده هترتاحي ،يعني هترتاحي لما تسيبي حقك،هترتاحي لما تسيبي مريم،مع انك عارفه كويس ان مريم بتعتبرك اختها ،هترتاحي لما تتعبي مريم ،مش خايفه عليها ممكن يحصلها ايه
حياه بدموع
و انا ،وانا المفروض اعمل ايه،انت متعرفش انا مريت ب ايه ،انت متعرفش يعني ايه لما اقرب الناس ليك يمشي ويسيبك ،انت متعرفش يعني ايه لما تلاقي نفسك في يوم وليله لوحدك،متعرفش يعني ايه لما تلاقي ان كل الي حواليك كانو معاك مجرد مصلحه، ولما الدنيا تضيق بيك يسيبوك،(كملت بأنهيار)متعرفش يعني ايه لما تبات في الشارع وانت مش لاقي حد يطبطب عليك،انت متعرفش اي حاجه انا مريت بيها،متعرفش انا قد ايه ساعات كتير ببقي نفسي اعيط بالساعات لكن ابين للي قدامي اني كويسه واضحك،انت متعرفش اي حاجه يا عمر ،علشان كده انا نفسي ارتاح،انا مريت بحاجات كتيره اوي يا عمر،سيبني ارتاح شويه
عمر
حياه انت معاكي حق في كل الي قولتيه، لكن في حاجه انت ناسياها،حياه ربنا عايز يديكي فرصه تانيه،بيختبر قوه تحملك،بيشوف هل انت هتتحملي الابتلاء ده ولا لا ،وانت عايزه من اول ابتلاء تواجهيه تستسلمي بالسرعه دي ،حياه انا زي ما قولتلك قبل كده احنا مش جايين هنا الدنيا علشان نرتاح ،احنا جايين علشان نتعب ونشقي ونلقي في الاخره،حياه لو من اول مره انت هتستسلمي كده يبقي انت لسه متعلمتيش الدرس ،ممكن يكون كمان فكره انك هتتعالجي بطريقه مش عاجباكي ،لكن انت ممكن بعد ما تتعاجلي ترديلي الفلوس، في كذه طريقه،لوسمحت فكري كويس اوي في الموضوع ده،وبكره ان شاءالله قوليلي رايك، صحيح نسيت اقولك مبروك الحجاب
عمر قال كده ومشي
مريم
هاا،ايه رايك في كلامه
حياه
مش عارفه ،هفكر واقولك
مريم
طيب يا ستي استنيني اجيب حاجه من السوبر ماركت واجي
~~~~~~~~~~~~~~~~~~~~~~~~
في الشارع عند منير وكان جمبه اسر
منير
ها يا اسر عملت ايه في الموضوع الي كلمتك فيه
اسر
احب اقول لحضرتك اني قربت جدا اني اوصل لحياه،يومين بس وهتلاقيني جايبلك كل اخبرها
منير
وده ال انا واثق منه،علشان كده اديتك المهمه دي
اسر
بس حضرتك كنت متمكن في لعبه التنس
منير
هه عيب عليك ده انا لسه شباب،تعالي نروح السوبر ماركت نجيب مايه
~~~~~~~~~~~~~~~~~~~~~
عند مريم وهي بتجيب حاجه من السوبر ماركت خبطت في واحد
مريم
انا اسف.......اسر!؟!
قاطع كلامها لما لقيت اسر قدامها
اسر
مريم!! انت ايه الي...
قاطع كلام اسر لما لقي منير بيقول
انت بتعمل ايه يا اسر!؟ انت تعرفها
اسر بجمود
لا ابدا يا فندم
مريم بأستغراب
اسر انت ايه الي بتقوله ده،انت ناسي ان خطوبتنا الاسبوع الجاي
منير
اسر البت دي بتقول ايه؟!
اسر بجمود
ابدا يا فندم ،دي بتنصب علينا مش اكتر
منير بغضب
امشي يا بت انت ،مش عايز اشوف وشك هنا
قال كد وزقها بعيد
مشي اسر ومنير
ومريم كانت مصدومه،مش عارفه هو عمل كده ليه، وقفت علشان تمشي لكن فجأة داخت ووووووووو
~~~~~~~~~~~~~~~~~~~~~~