رواية من أول لقاء الفصل السادس 6 بقلم نور ربيع
اللهم صل وسلم وبارك على نبينا محمد 💗
اليوم اللي فيه موعد كتب كتاب نادين وزياد طبعاً. اليوم الثاني من بعد يوم اللي جابوا فيه الشبكه
نادين كانت بدات تغير من حياتها بالفعل زي ما زياد.قالها بدات تصلي لكنها مش ملتزمه برضو في نفس الوقت بتغير من نفسها واحده واحده جواها ضميرها وجعها وندمانه وحاسه بالذنب وطول الوقت في خنقه والضيق رغم انها مبسوطه من حياتها اللي بدات جديده مع زياد الحلوه
في منزل عمت نادين
عمت نادين : نادين البنات جم ليكي زهراء و نغم
نادين كانت بتصلي و خلصت في الوقت ده قامت من ع سجاده الصلاه وقالتلها حاضر جايه
_________________________
في غرفه نادين
زياد كان بعت فستان ل نادين ل كتب الكتاب
نغم بابتسامة: اي رايك في الفستان وذوق زياد
نادين بفرحه و اعجاب: جميل اوي اوي بجد انا اول مره في حياتي اشوف فستان كتب كتاب كدا فخم بالطريقه الجميله دي
زهراء بحب: انتي تستاهلي كل حاجه حلوه ي حبيبتي هو جايبه عشانك مخصوص
نادين ابتسمت بحب: ربنا يديمه ليا وفي حياتي لاخر العمر
زهراء بابتسامة: امين ي قمر و يديمك لينا
نغم: عاوزين نقول ل روح علشان تجي
زهراء بحزن: افتكرش انه طارق بيه هيوافق
نادين باستغراب: مين دي روح؟
زهراء ابتسمت بسيط: روح دي تبقي صاحبتنا
نادين ابتسمت: امم طيب رن عليها تجي الليله ان شاء الله
زهراء.: هرن عليها وهشوف ينفع تيجي ولا لا
نغم: ان شاءلله يوافق خليها تيجي
_________________________
في منزل طارق
مروه: روح مش هتذاكري
روح بخنقه وحزن: مليش نفس اذاكر يا ماما
مروه بنرفز: نفسي اعرف اي اللي مانعك انك ما تذاكريش
روح بحزن: انا زهقت ولا حابه المدرسه ولا مذاكره ولا كل ده
في الوقت ده طارق سمعها وهي بتقول داخل الغرفه ليهم بعصبيه
طارق بعصبيه: لما انتي مش عاوزه مدرسه ولا المذاكره ما قلتيش ليه من الاول ما كنتش قدمتلك بعد سته
روح ما رضيتش ترد عليه
مروه بهدوء: قومي ذاكري الله يهديكي
طارق بصوت عالي غضبان: ما تردي ولا كلمه الصح ما ترديش
روح بعصبيه وصوت عالي: اناا مش عاوزك تدخل في حياتي تمام ملكش دعوه بيا اعمل اللي اعمله
طارق بــ جحود: تعملي اللي تعمليه اممم انا اخليكي تعرفي تتكلمي حلو معايا وتمشي عدل
طلع بغضب معمي من الغرفه يجيبلها الحزام
_________________________
روح جريت بسرعه ع مامتها بخوف منه و عياط
روح: ماما ماما قولي لي يسكت يا ماما
مروه بعصبيه: اهدي بطلي تردي و تعلي صوتك عليه
طارق داخل الغرفه بقا نزل فيها ضرب مع صريخ روح
روح بصرخه و ألم: مامااا ماااماااا
مروه بقت غضبانه من طارق جامد بقت تزعق و تحاول تبعد روح عنده
طارق بغضب شديد وهو بــ يضربها قال: انا من اول امبارح وانا مستحلفلك من ساعه ما مشيتي من ورايا اوعي تفتكري عديت الموضوع او نسيت لا يا روح والله والله لعلمك الادب على اللي انتي بتعمليه وعلى المذاكره وعلى عدم سماع الكلام وعلى كله
روح بصرخه و انهيار: انت ما خلي حياتي جحيم انا بكرهك اوي يا طارق مستحيل حد فينا يسامحك ع حاجه كفايه زهراء اللي سبتك اللي انت مش مالي عينك بيها
مروه بغضب و صرخه: كفاااايه كفااايه بقاا يااريت هي صغيره علشان كل ده يا طارق انت بتعمل كدا ليه
_________________________
في منزل زياد
زياد كان قاعد ع السرير كان بــ يفكر يرن ع طارق علشان يكون معاه في اليوم ده و يتصالح هو وهو
جاب التلفون بدأ يرن. لكن هو مكنش بــ يرد عليه
زياد لنفسه: مش بترد ليه؟ معقول يكون مش شايف التلفون ولا مش عايز يرد ولا اي؟؟.. رن مره كمان و ثالثة و مفيش رد
في الوقت ده سيف خبط و داخل
سيف: انت لسه ما جهزتش ليه قوم يلا البنات مشيت من بدري ل نادين
زياد: كنت برن ع طارق علشان يبقي عارف و يجي بدل ما يزعل اني مقولتش لي عن الموضوع
سيف بضيق: شوف ي خويا هو اللي زعل من نفسه وقطع العلاقه اللي ما بينا كان نفسنا نكون عائله مع بعض. هو اللي زعل من نفسه من الاول فسيبك بقا وبعدين هو كان هنا ليله اول امبارح
زياد باستغراب: جاه؟ جاه ليه و ليه و محدش قال ليه ليا؟؟
سيف: روح جت فضلت قاعده طول النهار في الاخر طلع طارق مش عارف خالتي مروه بس جاه بالليل عمل اللي مش يتعمل
زياد: عمل اي ي سيف؟
سيف تجارة لباب وقال: بعدين يا زياد المهم يلا مفيش وقت علشان تجيب المأذون.. و راح خرج
_________________________
عند نادين و البنات في منزل عمتها
نغم بزهق: زهراء روح مش بترد من اول امبارح ما انتي عارفه زهقت من رن
زهراء بقلق: انا قلقانه احسن يكون طارق عملها حاجه علشان كدا مش بترد
نغم بحيرة: مش عارفه بقا ربنا معاها
نادين بصت ع نفسها في المرايه بابتسامة كلها سعاده جوه قلبها
نادين بفرحه: يا بنات اي رايكم فيا
زهراء بابتسامة اعجاب: اللهم بارك يا نادين قمر ماشاء الله لا حول ولاقوة الابالله
نغم بابتسامة: ماشاء الله ولا حول ولا قوة الا بالله انتي و القمر واحد
نادين ابتسمت ليهم بفرحه: بجد شكرا يا بنات
زهراء بابتسامة: العفو يروحي انتي جميله اصلا
نادين بحب: حبيبتي انتي
♡♡♡♡♡♡♡♡♡♡♡♡♡♡♡♡♡♡
استغفر الله العظيم الذي لا إله إلا هو الحي القيوم واتوب اليه 🩵
الكل كان جم علشان كتب الكتاب و البيت اصبح مالي بالضيوف في منزل ام محمد و كان زياد و مرفت و سيف جم و جابوا المأذون
مرفت بابتسامة: اومال فين عروستنا يا ام محمد قوليلها تجي بقا
ام محمد بابتسامة:موجوده بس بــ تجهز هي و البنات هدخل انادي عليها
زياد بهدوء: استعجليها يا خالتي شويه احنا من بدري هنا
سيف بمرح: بلاش تستعجل انت بس
زياد بصله بغيظ منه: بس انت يا بارد
سيف ببرود: شكرا يا خويا ي حبيبي
ابو محمد ضحك جامد: عقبالك يا سيف
سيف قال بهزر وضحك: يارب ي عمي
_________________________
في غرفه البنات
(نادين لبست الفستان اللي زياد اختارو ليها بتاع كتب الكتاب. الفستان كان ابيض و عليه خمار نفس اللون و كان شكله فخم و كانت جميله جدا جدا مع فرحتها اللي ظاهرة ع ملامحها الجميله،)
نادين جت تمسك الروج علشان تحط زهراء مسكت منها الروج بسرعه
نادين: اي؟؟
زهراء بهدوء: بصي بلاش ميكب علشان حرام،.+ والله انتي جميله من غير حاجه و شفايفك و ردي و جميله من غير حاجه
نغم بصدق: اه ي نادين بلاش احنا مفيش عندنا حد بــ يحط ميكب احنا حلوين من غير حاجه اصلا. و زياد قال و احنا جايين امنعوا نادين تحط حاجه انا عايزها كدا وكمان حرام
نادين بــ اقتناع و رضا: حاضر شكرا ع النصيحة ي بنات
زهراء: انتي خلاص بقيتي واحده مننا و اختنا دا من حقنا ننصحك يا نادين
نادين حبيبتي تسلميلي. اه صح اومال البنت اللى اسمها روح يعني مش جت كدا؟
نغم بزعل: مش بترد شكله كدا طارق مش راضي يخليها ترد علينا
نادين: مين طارق ده؟
زهراء بتغير الموضوع: بقولك اي شكله المأذون جاه بره روحي شوفي كدا هو جاه ي نغم
نادين بزعل منها: ليه بتغيري الموضوع قولي في اي ليه مش راضيه ترد و هما مين دول اصلا يقربوا ليكم اي
زهراء ابتسمت بهدوء: بصي دا موضوع طويل ابقي اقولك بعدين احنا فيكي دلوقتي ي جميل
نادين: وعد تقوليلي بعدين
زهراء بابتسامة: وعد ي ستي
نادين افتكرت وقالت بحزن وندم: وانا كمان عاوزه اقولك حاجه و تقوليلي اعمل بس لما اليله دي تخلص ان شاءلله ع خير بالحلو اللي فيها
زهراء: باذن الله ي حبيبتي انا اختك و انا اسمعك في كل اللي انتي عاوزه
_________________________
بدأ كتب الكتاب في و جود ابو محمد ع اساس انه ابو نادين و شهود تاني
مرفت باستغراب: اخو نادين و اختها مش جايين ولا اي ي ام محمد
ام محمد: والله هو مش هينفع علشان خاطر الكليه و المشوار زي ما انتي عارفه طويل
مرفت لنفسها : اول فرحه ليهم و مش جايين اخوها و اختها اللي هما اكبر منها اي العالم دي
بعد شويه كان المأذون كتب الكتاب مع فرحه الكل ليهم و سعده
المأذون: بارك الله لكما. و بارك عليكما وجمع بينكما في الخير
و هنا حست انها من لحظه دي مش حاسه انها مبسوطه. او فرحانه فرحه بس لا حاسه انها طائره حاسه انها بقت شخص جديد من اللحظه دي وحاسه بالامان في حياتها والحب والاحساس الجميل
زياد بص ل نادين و بقا يملا عيونه بيها من كل نظرها بينظرها ليها
قام و قال بضحكه مليئة سعادة: طبعاً خلاص كتبنا الكتاب ومن حقي اعمل كل حاجه.. مسك ايديها بكل حب وهو باصص ليها ونادين بصه ليه بنفس النظرات الجميله وراح حملها وبقى يلف بيها ونادين حاسه بالسعاده والفرحه بالفعل وصوت ضحكتها السعيد مالي بالبيت
_________________________
زياد قائلا وهو حضنها : عارفه من اول لقاء وانا عشقتك فعلاً ♥️
نادين بحب وصوت عالي: بس مش اكتر مني اااكيد بحبكككك ♥
زياد بحب: وانا بعشقك يا اللي وقعتيني في حبك من اول مره
عمت نادين قالت جواها بفرحه وعدم صدق: ياااه مكنتش اتوقع ان بعد ده كله نادين تلاقي نصيبها الحلو ده والله انا كنت خلاص ع اخري و كنت تعبت منها الحمدلله يارب انها لقت ابن الحلال بعد المعاناه دي كلها فيا و في روحها. و من كل واحد يدخل البيت يظهر عليها الحب علشان خاطر نفسهم يا الله بــ حمد ربنا اني أخيراً هشوفك بالفستان الفرح يا نادين. ي بنت اخويا ي اللي تعبتيني معاكي
و بعد شويه لبسو الدبل و كان الكل بارك ليهم
زياد بابتسامة: ممكن تسمحولي بقا يا جماعه اخد نادين مشوار معايا بس ساعه
ابو محمد بهدوء: معنديش مانع بس ع فين ان شاءلله
زياد ضحك بهزر: تتفسح ان شاءلله
ابو محمد ضحك: ان كان كدا معنديش مانع
ام محمد بابتسامة: مفيش اي مشكله بس بلاش تتاخر ساعه بس
ابو محمد: و تاخد بالك منها
زياد بحب: دي في عيوني
مرفت قامت بابتسامة: و احنا يلا بقي يا ولاد
ام محمد: لا تمشي اي احنا لسه ما قعدنش يا ام زياد اقعدي
زهراء بابتسامة: الايام جايه كتير ي طنط باذن الله
سيف بتعب: لحد كدا و كفايه بقي يلا علشان عندنا مذاكرة كمان يا بنات
زياد مسك ايد نادين وقام: طيب يلا احنا بقي يا قمر السلام عليكم ورحمة الله وبركاته
_________________________
زياد ماشي هو و نادين بالعربية بتاعته
نادين بصت لي وهو ماشي بابتسامة جميله ع ملامحها وقالت: احنا هنروح فين كدا؟
زياد وهو بــ يسوق قال نفسها: انتي عاوزه تروحي فين؟
نادين بابتسامة: مش عارفه اللي يريحك
زياد بصلها بحب و بعدها بص ل قدام وقال: اي رايك نروح الكافتيريا؟ عايز نكون لوحدنا في جو هادي كدا علشان نعرف نتكلم
نادين بابتسامة: ماشي.. بضحك و مرح: بس ناكل اي
زياد ضحك: دا سوال ي نادين خلاص يا ستي سيبي عليا موضوع الاكل ده اكلك ع مزاجي
نادين بحب: خلاص انا موافقه
زياد واقف بالعربية و جاب كيس جواه علبه وادهولها
نادين باستغراب: دا اي ده؟
زياد: شوفي
نادين بدأت تفتح الكيس و لقت علبه تلفون بصت لي بفرحه
زياد بابتسامة: كملي كملي
نادين فتحت العلبه بالفعل و كان تلفون
نادين بدموع تلمع في عيونها بسعادة قالتله: دا ليا انا
زياد بحب: طبعاً ليكي
نادين حضنته بحب: بحبكك بحبكك كتير اوي
زياد بحب بدلها الحضن: بس مش اكتر منى ي جميلتي.
طلعها من حضنه و طلع جواز السفر بتاعها وقال بابتسامة: وادي كمان يا ستي جواز السفر بتاعك
نادين مدت ايدها اخدت الجواز بفرحه اكبر
نادين قالت بصدق وحب لي: زياد انا مش عارفه اقولك اي انت حقيقي عوض ربنا بعد تعب و معاناة في حياتي انا فعلاً مش مصدقه ان ده كله واقع
زياد قائلا بحب:مش عاوزك تقولي حاجه دا انا اللي محظوظ ان ربنا اداني قمر زيك. يا نادين والله الحمدلله انك من نصيبي انا
نادين بدموع وتانيب ضمير: زياد كنت عاوزه اقولك حاجه بس سامحني بالله عليك انا بحبك والله العظيم مش قصدي بكدا نهائي بس انت لما تعرف هتسامحني
زياد بهدوء: بصي يا نادين قبل ما تقولي اي حاجه سيبي اي حاجه عاوزه تقوليها دلوقتي خليها بعدين احنا دلوقتي في اليله الجميله دي لازم تكون فيها احلي ذكريات سيبك من الحزن و الدموع و من اي حاجه تعكنن علينا. ثاني حاجه بقا هقولك حاجه. الرسول صلى الله عليه وسلم تزوج. المطلقة السيدة زينب بنت جحش ثم من ارملة زينب خزيمه. تزوج الكبر و الثيب. من تكبره سنأ و تصغره تزوج اشرف الخلق المرأة بجميع حالاتها فانا كزوج ليكي هخليكي زوجه صالحه ليا باذن الله فسيبك من اي حاجه تنكد عليكي دلوقتي و مش عايز اسمع منك اي حاجه وانسي اي حاجه في اللحظه دي و فكري في الحلو وبس
نادين مسحت دموعها: عليه افضل الصلاة والسلام حاضر باذن الله هنبقى زوجين صالحين يا حبيبي
زياد ابتسم بحب: باذن الله ي قمري 😊
نادين قالت بحزن: اخر حاجه بس انا مش بعرف في التلفونات ولا بفهم فيه حتى اول مره امسك تلفون غالي زي ده
زياد بابتسامة و هدوء: و مالو انا اعلمك بس ابتسمي و شيلي الحزن من جواكي
نادين ابتسمت: ان شاءلله حاضر
زياد شغل العربيه و ماشي على الكافتيريا. طول الطريق و هما يهزروا ويضحكوا مع بعض واخدها الكافتيريا واتعشوا و بعدها اخدها مشاوير كتيره بالعربيه وكان مبسوطين جدا مع بعض وعملوا ذكريات جميله مع بعضهم.في اليوم ده و كانت اسعد ليله في حياتهم
-----------------------
في يوم جديد
في منزل اهل طارق
ابو طارق: صباح الخير
مروه: صباح النور
قاعد ع السفرة باستغراب: خير مالك في حاجه ولا اي و فين طارق و روح لسه نايمين لحد دلوقتي؟
مروه بتعب: روح نايمه تعبانه شويه و الاستاذ طارق ماشي من الصبح شغل علشان في بضاعه تنزل انهارده المحل
ابو طارق: هو في حاجه ولا اي مالك طارق و روح كويسين
مروه بتنهيد: يلا يا ابو طارق بسم الله كل
ابو طارق بنرفز: بقولك في اي طارق و روح عاملين مشاكل مع بعض ولا اي؟
مروه بحزن: يعني لو قولتلك يعني هتعمل اي انت مفيش جديد ولا فايده مع طارق ابنك ده مفيش غير ضرب في روح وهي عنيده اوي تعبوني على الاخر والله
ابو طارق بضيق منهم: استغفر الله العظيم انا مش عارف هما مالهم فيهم اي علشان خاطر كل ده كل يوم و تاني مشاكل مشاكل سوا
مروه بحزن: دا كله علشان تروح ل مرفت عاوزه تشوفهم و هو انت عارف بقا بيتجنن لما حد يجيب سيرتهم
اتنهد بشده ضيق الاب: الله يهديهم يصلح حالهم يا مروه
_________________________
في منزل عمت نادين
عمت نادين: نادين انا ماشيه البيت التاني
نادين: هو فين البيت ده اللي بتروحي لي هتيجي امتي
عمتها بصتلها بضيق: ملكيش دعوه المهم خدي بالك انا حاطه اكل على البوتاجاز اوعى تنسي سلام.
و راحت مشيت
نادين راحت قعدت بزهق: يوه وانا اقعد لوحدي في الزهق. ده
دخلت الاوضه قعدت على السرير مسكت التليفون بدأت تفتحه و تقلب فيه زي ما زياد علمها وبدات تفتح المعرض وتجيب الصور تتفرج عليها اللي تصوروها ليله امبارح. وهي مبتسمه وفرحانه. نادين غصب عنها بدات تروح في النوم وعيونها بتقفل وتروح في النوم وتليفون وقع من ايدها نامت خالص من غير وعي
_________________________
بدأ يعدي وقت الاكل شاط على البوتاجاز وكان في فوطه بتاعه المطبخ جنب البوتاجاز لقطت والنار مسكت في كل حاجه في البيت ونادين نايمه نوم عميق مش واعيه لاي شيء ولا حاسه بحاجه حواليها والنار مسكت في الفوطه والنار بدات تسحب مسكت في الستاره اللي على باب المطبخ وبدات تسحب لبره في الصاله وفي كل مكان في البيت
بيت كله تعبى بالدخان نادين بدات تصحى ع الريحه بخنقه وبدات تستوعب كل حاجه حواليها واتصدمت من البيت قامت تجري بسرعه وبقت تصرخ بخضه ورعب
نادين برعب و عياط: ياربي اي دهه انا ازاي نمت ع نفسي بس يارب يارب
بعد تصرخ بقى على صوت وبدات الناس تتلم بره وبيحاولوا يكسروا الباب وهي مش عارفه تقرب تجاه الباب عشان النار في كل مكان والنار بدات تسحب عليها وهي منهاره وبتصرخ باعلى برعب
كل حاجه النار كانت بتاكلها في البيت والستائر كانت بتقع النهار اكلتها وكانت بتقع في الارض وكل حاجه ساحت نادين في البيت نادين بقت شايفه النار محوطاها من كل مكان حست انها خلاص دي نهايتها وفي اللحظه دي حست بندم الدنيا جواها وفاكره كل حاجه عملتها وحشه في حياتها بقت تصرخ باعلى صوت تقول يا رب انجيني وسامحني واغفر لي
نادين غمضت عيونها باستسلام تام وقالت بانهيار لنفسها: يارب دي نهايتي دي خلاص على كده صح؟ يا رب انا ما كنتش عايزه اموت دلوقتي لما تغفر لي و اصارح زياد بالحقيقه واشوف امي و ابويا واخويا اللي انا ما اعرفش هم فين اصلا اللي سابوني يا رب ما كنتش عايزه اقابلك بكل الذنوب والمعاصي دي والله العظيم كنت عايزه لما اكون بين ايديك اكون واحده طاهره يا رب سامحني واغفر لي انا عارفه اني ما عملتش حاجه حلوه في حياتي ترضيك بس نفسي دلوقتي فعلا اديني فرصه يا رب يا رب
فتحت عيونها بكميه رعب واستسلام ولقت مره واحده نار نازله عليها حطت ايديها على وشها بسرعه وراحت النار وقعت عليها ونادين صوت صرختها مليئا المكان كله عباره عن نار والنار بقت عليها كلها.