رواية الزواج من زوجتي الفصل السادس 6
بقلم ايليا
قربت من الحيطة تتفـقد الصور بتحسـس عليها بصوابعها " مـين دول ؟.. "
سرحانة بتبص فوش كل بنت منهـم دخل هو بيتسحب مخدتش بالها من وجوده لدرجة واقف جنبها و محستش غـير لما نطق " ايه رأيك ؟.. "
خضها بعدت بمقدار خطوتين ، شاورت على الصور " مين البنـات دول ، و ليه صورهـم متعلقة هنـا ؟.. " نرفزها سكـوته " ساكت ليه رد عليا .. "
ياسين مبتسم " بتغـيري يا بصلايتي .. " بيقـرب ، فتلقائي بتبعد " توبتي هتفضلي لحد متى ع الحال ده .. "
تـوبة مركزتش معاه قد ما مركزة على الصور ، بتقارن نفسها بكل وحدة منهـم ، جف ريقها " مردتش عليا مين دول ، ياسين بتخوني صح ؟ " مسكت فراسـها فجأة " ااهـــه .. "
شالها لما لقـاها بتدوخ و موجوعة قعدها على السرير و جبلها مية و كل شوية يسألها " بقـيتي أحسن ؟.. اهدي متضغطيش ع نفسك أحسن ؟ .. "
" بتخونـي .. "
" توبتي أخونك ايه بس ، عيني مبتشفـش غيرك بس مش هقلك مين دول ، المفـروض تفتكريهم بنفسك .. "
مبوزة " يعني هتفضل صورهم متعلقة هنا لغـاية ما افتكرهم ولا هي حجة عشان تفضل مستأنس فيهم .. "
ابتسـم ، قرب وشه من وشها جامد " بتغـيري ؟.. "
لفت وشـها الناحية الثـانية ، توتـرت من قربه و ضاق نفـسها " لو سمحت .. خليك .. بعيد .. "
تنهد و بعد عنـها " هنزل أجهز الفطار مكلتـيش أي حاجة من اول مبارح ، حصليني .. "
دبت رجلها فالارض " و الصـور ؟.. " مردش تعصبت ، مدت إيدها عشان تشدهم تشيلهم من الحيطة ، سمعـته بيحذرها " متحاوليش يا توبتـي .. "
على كرسي التربيزه ، قاعدة عاقدة ذراعاتـها عند صدرها مكشره مبتاكلش ..
بحنية " توبتـي كلي يلا ، عملتلك الفطار اللي بتحبيه ، لازم تاكلي عشـان الادوية حتى لو ملكيش نفـس .. "
" مش هاكل غير لما تعرفني البنـات اللي صورهم فوق مين ؟.. "
" مش هقول متحاوليش ، و هتاكلي .. "
عـندت " لا .. "
رفع حاجبه " مصرة .. "
مردتش ، و ملقتش نفـسها غير بتتشد بالكرسـي اللي قاعدة فيه لعنده ، همس جنب وذنـها ، خلا الرعشة تتمكن من جسمـها كله " لو مكلتيش هقـرب ، هقرب أوي .. "
متلبكـة " طيب .. خلاص .. هاكـل " حاولت ترجع الكرسـي محل ما كان بس رجله مبتسمحش " ممكن ..
" لا مش ممكن يا توبتـي ، يلا كلي .. "
اضطرت تاكل و هي متوترة بعد صمت سأل فجأة " يونـس كنت فاكراه أخوكي كان تعامله معـاكي زاي ؟.. "
حست بغصب فصوته " مكنش عايش معـانا فنفس البيت بيجي لو ماما فاطمـة طلبته بس ، مكـنش في أي تواصل ما بينـا .. "
من نبرتـها باين مبتخبيش أي حاجة " متعرفيش قالولك لـيه انه أمي هي أمك .. "
مرفعتش عينـها من على الطبق " لا معـرفش .. "
" و ابراهـيم ؟.. "
كشـرت " مين ابراهـيم ؟.. "
" أبوه ليونـس .. "
" باباك يعـني .. "
" لا أنا بابا متـوفي الله يرحمـه ، هو زوج أمي بـس ، متعرفتيش عليه ؟.. "
هزت راسها و استغرب زاي متعـرفتش عليه طيب راح على فين فجأة ، الشك اتحول ليقـين انه في حاجة غلط بيخبوها عـنه اداها الادوية بتاعتها ..
قاعـدين فوش بعـض هو بيتأملها و هي متلبكـة ، استجمـعت كل شجاعتها سألته " فين عيلتي ؟.. "
توتر " عيلتك ؟.. "
استغـربت نبرته ، بصتله " بابا و ماما عـندي اخوات ؟ هما فين و ليه مسألوش عـني ؟.. "
قام من غير ما يعطيـها أي جواب طلع لفـوق ، فضلت هي قاعدة مكشرة بتكلم نفـسها " بيخوني باين بس بيتحجج و بيفضل يسأل بس مبيرضاش يجاوب عـن اسئلتي .. "
شغلت التلفزون و قعدت تتفرج من كثر ما حست بالملل بعد ساعة نزل يطمن عليها و كـان باين عليه تعبـان ، ريح راسه على الكـنبة و نطق مغمض عينه ..
" توبتـي آسف سبتك لوحدك بس عندي شغـل لازم يخلص .. "
كانت عايزه تسأله بيشتغل ايه بس توقعت ميجاوبش فمتعبتش نفـسها تسأل مقدرتش تتجاهل تعبه عاطفتها تجاهه تحركت " انت كويس ؟.. "
ابتسم بس مفـتحش عيونه " قلقـانة عليا .. "
كشرت " اعـتبرني مسألتش .. "
" هـــممم .. "
سكتت كم دقيقة مقـدرتش تصبر " انت كويـس ؟.. " مردش هي خافت يكون جراله حاجة مكنش بيتحرك ، قربت و حطت صباعها قريب من انفـه " لسا بيتنفـس .. "
فتح عيونه فجأة و هي قريبة منه خلاها ترجع تبعد " لو سمحت متخوفنيش ، انت كـويس ؟ .. "
بلع ريقـه ابتسـم عشان ميقلهاش " راسي واجعـني شوية ، ممكن بس تجيبيلي حبايتين صداع مـن اللي في الدرج ، اول اوضة على اليمين بعد السلم .. "
هزت راسـها و راحت جابتله الحبايتين و كبـاية مية شربهـم ريح راسه شوية و هي بتبصله مركزة معـاه تشوف اتحسن ولا لا ، حس بشعور غـريب بعد دقايق من شرب الدوا حاول يقـوم مشي خطوة و الثانية اختل توازنه كان هيوقع اجت تلحقه وقعـو سوا ..
همـس ، و هو باصص فوشـها القريب منه " شربتينـي ايه ؟.. "
" مــ .. معــرفش ..
لقراءة جميع فصول الرواية من هنا