رواية متمردة في جحيمي الفصل الخامس 5 بقلم سندس عمر
سلطان.. انت حسابك تقل معايا اوي يا زين..!!
زين.. يا بابا انا هفهمك ممكن تديني فرصه اشرحلك؟
سلطان راح قعد علي الكرسي واتنهد بتعب.. اتفضل فهم!!
زين.. انا بحب جميله يا بابا وطلبت ايدها للجواز اكتر من خمس مرات وهيا رافضه..
سلطان.. يعني علشان رافضه تلبس ابوها واخوها قواضي زي دي؟ يابني دي توديهم ورا الشمس تقدر تقولي لو كانه راحوا المحكمه واتحكم عليهم ب مأبد كنت هطلعهم ازاي!
زين.. يا بابا انا محطتش دا في دماغي قولت ان حضرتك ظابط وانا اكبر رجل اعمال، فا سهل اني اطلعهم.
سلطان.. يا زين بلاش تستسهل كل حاجه علشان وسطت ابوك و وستطك كده غلط يابني هيا مش موافقه عليك ربنا يوفقها بعيد عننا الجواز مش بالعافيه يعني.!
زين اتنهد بتعب وقال.. حاضر يا بابا.
وعند جميله وصلت البيت عندها.
جميله.. ايوا نزلنا هنا لو سمحت.
حسام وقف بالعربيه. وجميله نزلت وحسام نزل وراها جميله بصت ل حسام باستغراب.
جميله.. ايه دا؟
حسام بص علي البيت اللي نزل قدامو وقال.. هو دا بيتك؟
جميله بنفاذ صبر.. لي؟
حسام.. بسال عادي..
جميله.. امم طيب بعد اذنك.
حسام.. استني بس.
جميله.. استغفر الله العظيم يارب ياعم انت عايز مني ايه؟
حسام.. بصراحه كده انا معجب بيكي.
جميله.. معجب بيا ايه؟ انا اول مره اشوفك!
حسام.. اه عادي مهو دا اللي بيسمو الحب من اول نظره.
جميله.. يا عم الله يسترك حل عني لا حب ولا مش حب.
حسام.. لي بس؟
جميله.. بعد اذنك بس علشان صدعت.
جميله مشيت من جنبو وطلعت بيتها.
حسام حط ايدو علي دقنو وقال بخبث.. كده انا عرفت بيتك وانا وانتي والزمن طويل يا قطه.
جميله طلعت البيت ودخلت الشقه وقعدت علي الكنبه بتعب. وحطت ايدها في جيبها علشان تطلع تليفونها بس ملقتهوش قعدت تدور عليه في جيبوها ملقتهوش افتكرت انها لما كانت بتكلم رنا صحبتها ووقفت قدامها العربيه ونزل منها التلت رجاله ورشو حاجه علي وشها التليفون وقع في الارض.
حطت ايدها علي راسها واتكلمت بضيق.. التليفون وقع مني اعمل ايه انا دلوقتي.
بعدها قامت وفتحت باب الشقه وقفلتو وراها ونزلت وراحت عند ست قاعده بتبيع خضار وقالت.
جميله.. ازيك يا خالتو ام محمد.
ام محمد.. انا الحمدلله ياحبيبتي انتي عامله ايه..
جميله.. بخير الحمدلله معلش بس عايزه تليفونك هعمل منو مكالمه.
ام محمد طلعت تليفون صغير من البوك بتاعها. خدي يا حبيبتي.
جميله خدت التليفون وبعدت شويه وكتبت رقم تليفونها واتصلت بيه.
جميله.. الو.
=ايه يا جميله!
جميله بصدمه. علي؟
علي.. ايوا يا جميله روحي علي البيت وانا عشر دقايق وجي انا وبابا.
جميله بفرحه.. بجد.
علي.. ايوا يا حبيبتي يلا روحي ومتقلقيش تليفونك معايا.
جميله قفلت مع علي وادت التليفون ل ام محمد وشكرتها وطلعت البيت.
وبعد مرور عشر دقايق باب شقه جميله خبط جميله راحت تفتح بفرحه لقيت علي ومجدي قدامها حضنت مجدي وهيا بتعيط.
جميله.. بابا وحشتني اوي.
مجدي.. وانتي كمان ياحبيبتي وحشتيني اوعي يكون زين عملك حاجه او ضيقك
جميله بتوتر. لا لا يا بابا مضيقنيش ولا حاجه.
مجدي.. طب انا هخش اخد دش علشان تعبان وبعدها هخش انام.
جميله.. طب اعملك حاجه تكلها وبعدها خش خد دش ونام.
مجدي.. لا لا مش قادر جسمي مرهق وتعبان.
جميل.. ماشي يا حبيبي.
مجدي دخل اوضتو علشان ياخد هدومو. وقدام الباب عند علي وجميله، علي كان بيبص ل جميله بضيق ومسكها من ايدها ودخلو وعلي قفل ياب الشقه بعصبيه ودخل علي اوضتو وهو ماسك ايد جميله و قفل الباب وبص ل جميله بغيظ.
علي.. لي بتكدبي؟
جميله بتوتر.. بكدب ازاي يعني يا علي!
علي.. زين خطفك انهارده وابوه هو اللي جي وخرجك من المخزن لما كان رايح بالصدفه علشان يقولو اننا معملناش حاجه واتفاجاء بيكي هناك.!
جميله بصدمه.. انت عرفت منين!
علي.. جميله احنا لازم نمشي من هنا كلنا.
جميله باستغراب.. نمشي ازاي يعني يا علي؟
علي.. نمشي من البيت دا خالص نروح اي حته بعيده.
جميله.. بس احنا اتولدنا هنا وحياتنا كلها كانت هنا يا علي.
علي.. مفيش حد عنده رحمه يا جميله مفيش حد بيحبنا بجد. زين هيعمل المستحيل علشان يتجوزك وانا معرفتش انه خطفك انهارده غير بعد ما سلطان بيه الله يباركلو اتصل بيا واعتذرلي وقالي ان زين مش هيقرب جنب اختك تاني كنت مستغرب بس هو حكالي علي كل اللي حصل وقعد يعتزرلي عن اللي حصل.
جميله.. خلاص يا علي هو قال ان زين مش هيجي جنبي تاني يبقي نفضل قاعدين هنا وعايشين في سلام واكمل تعليمي وملناش علاقه بأي حد.
علي.. انا مكنتش هقولك، بس لازم تعرفي.
جميله.. في ايه تاني يا علي؟
علي.. رنا صحبتك!
جميله بخوف.. مالها حصلها حاجه؟
علي.. كانت متفقه مع زين انه يخطفك.
جميله بصدمه.. نعم؟
علي.. قالتلو انهم هيتفقوا علي مكان، الكافيه اللي هتتقبلو فيه وهو هيقول للرجاله بتاعتو يخطفوكي ويودكوا علي المخزن.
جميله كانت واقفه مصدومه ومش عارفه تقول ايه!
#متمرده_في_جحيمي
#سندس_عمر