رواية ندوب الذكريات الفصل الأول 1 بقلم سحر السحرتي

رواية ندوب الذكريات الفصل الأول 1 بقلم سحر السحرتي

ندوب الذكريات

سلسله قصص حقيقيه حدثت بالفعل تمت كتابتها بناء على رغبة أبطالها

القصه الاولى 

حلقة ١

*كانت تجلس على وجهها علامات القوه الخارجيه ولكنها من الداخل مدم-ره بعد ان اعتقدت انه السند ومن سيعوضها سنوات الع-ذاب والشق-اء جاء هو لي-دفن ما تبقى من روحها وسعادتها 

*افاقت من شرودها و المأذون يقول

: راجعوا انفسكم الطلاق ابغض الحلال 

*ردت هي بقوه 

:خلصنا يا شيخ انا ما صدقت اخلص منه 

الزوج :ما تلم لسانك ولا عايزه عل-قه من اياهم 

:انت لك عين تطول لسانك ولعلمك انا معايا ورق يس-جنك فطلق وانت ساكت وغور من هنا وما اشوفش وشك ثاني .... منها لله اللي بالتني بيك وقالت انك راجل محترم وما شفتش من رجولتك غير الشنب 

*امام نظراتها الممتلئه قوه والثقه بالنفس لم يعهدها منها استجاب لما طلبت وتم الطلاق

 *اعرفكم بنفسي انا نادين 45 سنه وده طليقي وده طلاقي من زوجي الثاني مطلقه مرتين وطبعا مجتمعنا المتحضر هيبص لي بصه لطيفه لكن مش مهم بعد اللي شفته على ايده لو الناس في الشارع هتح-دف علي طوب وانا ماشيه هستحمل لان ما كنتش هقدر استحمله اكثر من كده انا قصتي واقعيه وحصلت فعلا عايزه اعرف رايكم وبلاش تظلموني ....  لان ظلمت نفسي وحاولوا تستفادوا من تجربتي المريره  .... عارفه اني غلطانه وان اخترت غلط والعمر جري مني وضاع بس ربنا هيعوضني انا متاكده 

بقلمي سحر السحرتي 

*بدايه الحكايه ان انا البنت الكبيره في اسرتي وعندي اخت اصغر مني ساكنين في حي مصنف متوسط الدخل بابا كان بيحبنا وبيصرف علينا كويس 

*عارفه اني كتبت كلمه كان لانه فجاه حس ان العمر جري بيه وان ماما كبرت ففكر زي اي راجل ازاي يرجع شبابه غير انه يتجوز بنت صغيره ترجع شبابه اللي ضاع

*انا طول عمري بنطوي على نفسي ومش قريبه منه بس زعلت قوي على امي لانها كانت بتحبه قوي لدرجه عمري ما شفتها على حد .. عشان كده غلطت غلطتي في جوازي الاول اني اختار شخص من غير ما احبه 

*ماما كانت قريبه لاختي ندى عشان طبعي بحب الوحده وبرتاح وانا بعيد عن الناس حتى ما ليش صديقه قريبه بس بعد بابا ما اتجوز حاولت اتغير شويه 

*بابا اسمه صابر في يوم كنا بنتغدى قال لماما سعاد 

:انا نويت اتجوز 

:ماما هههههه انت بقى لك ١٦ سنه كل يوم بتقولها بقى لك يومين مبطل ايه اللي رجعها تاني 

:انا بتكلم بجد المره دي الجواز بعد شهر وانت والبنات مش هيبقى ناقصكم حاجه انا بقول لك عشان تعملي حسابك 

*شكل ماما اتغير و حست انه بيتكلم جد

: ليه يا صابر قصرت معاك في ايه اذا أثرت زمان عشان البنات كانوا صغيرين ومحتاجين اهتمام انما دلوقتي الناس بتحلف بادبهم وتربيتهم

: ما قصرتيش بس انا زهقت وعايز واحده ترجع شبابي وتدلعني انما انت عجزتي وكل شويه تشتكي بضهرك وركبك يا شيخه انا حاسس اني متجوز جدتي 

*ردت عليه بحده بعد ما شفته بيهين امي وعايز يطلعها غلطانه عشان يتجوز

: بابا لو سمحت عايز تتجوز اتفضل ده حقك لكن ماما عملت كل اللي عليها كزوجه وام ما تحاولش تبرر لنفسك اللي انت عايز تعمله عشان تريح ضميرك من ناحيتها

*لقيت قلم نزل على وشي الغريب انه مش من بابا كان من ماما

: اخرسي ما ترديش على ابوك كده يعمل اللي يسعده

: انت بتضربيني عشان بدافع عنك هو حبك ليه مش مخليك تحسي انه عايز يحط الغلط عليك وانت مش مقصره مع حد فينا ... ايه يعني امراض السن هو اصلا مش صغير هو كمان

 بابا :شايفه تربيتك اللي بتقولي عليها 

ماما :معلش يا اخويا هي زعلانه عشاني اعمل اللي يريحك طالما هتبقى مبسوط اهم حاجه عندي في الدنيا سعادتك .. بس ما تزعلش و تطلقني

: مش هطلقك ومش هقصر معاكم انت عشره عمري 

: ربنا يخليك لنا احنا ما لناش غيرك 

*بصيت لها مش عارفه اشوفها ازاي طيبه لدرجه اله-بل ... ولا بتحبه حب مغيب عشان تقبل وضع زي ده ... ولا عشان الطلاق وقتها كان عيب ..  ولا عشان معاها بنتين عملت كده 

*عايزه ابرر لها رد فعلها مش قادره

بقلمي سحر السحرتي 

*جريت ودخلت غرفتي اعيط في صمت 

*طب ما انا طول حياتي بدخل غرفتي اقعد فيها لوحدي ما حدش بيحس بيا وبيعتبرني موجوده اصلا ... ويوم اما احاول ادافع عنها تض-ربني 

*ثاني يوم خالتي سميره جت زياره لقيت ماما عينيها وارمه من العياط ض-ربت على صدرها وقالت

 :في ايه يا سعاد مالك 

*حكيت لها ماما عن اللي حصل

 :يعني هي تدافع عنك وانت تض-ربيها بنتك ما بقتش صغيره المفروض كانت وقفت له العيال هي اللي ممكن توقفه

 :هو اصلا اتجوز من كام شهر وعرفت بالصدفه وانا بغسل هدومه ولقيت قسيمه الجواز في جيبه وعملت نفسي متفاجاه لما قال ...  ما فيش حاجه هتوقفه 

:تقومي تض-ربيها وتصغريها قدامه انت طول عمرك سايباها قاعده لوحدها وقاعده بس مع ندى الصغيره عمرك ما ناديتي عليها تقعد معاكم

 :يعني هي جت تقعد معانا قلت لها لا هي بتحب الوحده كده طول عمرها

: ما تسيبيهاش يا سعاد البنت دي طيبه وطول عمرها تقول لك حاضر ولما ض-ربتيها لو عمل لك حاجه بعد كده وجت تتكلم هيض-ربها زيك ما انت اللي كس-رتيها قدامه 

:هو كده كان هي-ضربها بس مش قلم واحد انا عملت كده عشان هي-فتري عليها و اقفل الموضوع و لأنه خلاص اتجوز 

:وما تعرفيش حاجه عن اللي اتجوزها 

:طبعا عرفت كل حاجه 

:صغيره وحلوه طبعا 

 :اه ومطلقه ثلاث مرات وكل مره بعيل 

:يا لهوي وايه اللي وقعه في واحده زي دي

 :دلعها ولسانها وحركاتها غير انها لما بيكون عندها بتسيب العيال مع امها و فاضيه له ... غير بقى جو انا اتظلمت من كل اللي اتجوزتهم وانها مسكينه والدنيا جات عليها وان هو العوض حركات الستات إياها ما انت عارفه 

:وانت عرفتي كل ده ازاي

 :واحده صاحبتي ساكنه جنبها سالتها ان اخويا عايز يتجوز و شافها و بنسال عليها ... قالت لي كل ده والبيه بيصرف وهو مبسوط متكفل بايتام الاحياء زي ما بتقول له 

:يعني ايه ايتام الاحياء 

:يعني بيتعاملوا زي الايتام اللي اهلهم عايشين وراميينهم مش سائلين فيهم كانهم مش موجودين شفت اختك واللي حصل لها 

:وراضيه ليه ما طلبتيش الطلاق ليه 

:هعمل بيه ايه هتجوز ثاني 

:وماله ايه يعني اشمعنا هو اتجوز 

:وادخل على بناتي راجل غريب وهما عرايس دلوقتي وما افتكرش ان حظي هيوقعني في حد احسن منه غير ان البنات على وش جواز ولما يبقى ابوهم متجوز امهم هيصرف ويجهز و يقعد مع العريس ما تبقاش راس بناتي مكس-وره

 :ما كده او كده هو ملزم يصرف على بناته

: وهو متجوز امهم الوضع مختلف تعرفي واحده اتطلقت وفضل طليقها يصرف عليها زي ما كانوا متجوزين 

:للاسف لا كلهم بيبقوا رجاله عرر 

:تفتكري بقى هعوض ده بأن انزل اشتغل في السن ده فين وبكام 

:عندك حق عين العقل وقدرتي تفكري في كل ده ازاي 

: من ساعة ما عرفت وانا بفكر هعمل ايه وكنت مستريحة انه مخبي وقلت مش هواجه لما يقول هو

: معلش ربنا يعينك

: غير اني مش عاوزاه يبقى فرداني يقعد عندها طول الوقت وتبقى نجحت انها تاخده مني ومن البنات ويبقى كله ليها لوحدها 

:جدعة ربنا يقويك و يصبرك بس ادخلي راضي البنت الغلبانه دي 

: حاضر بس مش دلوقت

: امال امتى ادخلي ما بقاش ليكي غير بناتك

: بصراحه خايفه تكسفني 

:بنتك بقت كبيره مش صغيره كلميها بصراحه و اشرحي لها وانا معاكي ... ولو عايزه مني اكون موجوده عشان الحقك قبل ما تلبخي ماشي

: اه يا سميره يا اختي خليكي معايا مش عايزه اخسرها هي كمان وخصوصا ان علاقتنا مش قويه مع بعض 

بقلمي سحر السحرتي 

*خالتي نادت عليا

: ازيك يا خالتي عامله ايه 

:تعالي يا حبيبتي انا كويسه انت اللي عامله ايه

 :كويسه الحمد لله 

:دائما يا رب .. شوفي يا حبيبتي انت طبعا زعلانه من ماما عشان اللي حصل بس هي لو ما كانتش عملت كده كان هو اللي ض-ربك اكثر وانت عارفاه لما بيغ-ضب او يتع-صب اي نعم هو مش بيحصل كثير اللي انا عايزه اقوله لك ان امك بتحبك و خاف-ت عليك

 :عارفه يا خالتي .. بس انا كان نفسي اخذ حقها هي دائما تعبانه معانا وهو مش من حقه يتجوز عليها  .. هي عمرها ما قصرت ويانا كلنا وهو عايز يجيب الغلط عليها 

:امك عرفت انه متجوز اصلا من كام شهر هو بس حب يبلغكم فكلامك ما كانش هيفرق معاه في اي حاجه 

*بصيت لماما

 :وايه اللي مصبرك على كده يا ماما ما تطلقي منه وانا معاكي و هشتغل و اصرف عليك 

:شوفي يا نادين و اسمعي خبره سنين 

*ماما قعدت معايا و فهمتني وجهه نظرها  ... وانا قدرت اللي بتعمله رغم اني مش مقتنعه بس ما يهمنيش كان لازم تطلق  ...هي بصت لبعيد وانا كان كل همي كرامتها 

*فهمت ده لما كبرت ان في حاجات لازم تكون موجوده لو هنضحي بكرامتنا 

                   الفصل الثاني من هنا

          لقراءة جميع فصول الرواية من هنا 

تعديل المقال