رواية قصص الحب الفصل الثالث عشر 13 بقلم منال كريم
أمام المستشفى
تخرج ياسمين من المستشفى وذهبت إلى سيارتها ،وقف شخص أمامها.
ياسمين بعصبية: أنت تاني
عامر بغضب شديد: ايوه انا انتي فاكره أنك تخلصي مني بسهولة كده.
سألت بعصبية: أنت ازاى خرجت من السجن
أجاب ببرود: لعدم كفايه الادله يا حلوة.
قالت بتحذير : ابعد عني أحسن لك يا عامر فاهم
مسكه من ذراعها بقوه وغضب ، و قال: عمرك ما تكوني غير ليا أنا يا ياسمين فاهمة.
نظرت له باشمزاء و قالت: سيب ايدي وابعد عني.د
أومأ رأسه اعتراضا و قال بهدوء شديد: لا ويلا معي.
سألت بخوف: اروح معك فين ابعد عني بقا، حرام عليك.
دخلها العربية غصب عنها
رأت يونس ينزل من سيارته
قالت بصرخة: يونس، يونس الحقني.
التفت يونس على الصوت
تحركت سياره عامر
صعد يونس إلى سيارته سريعاً وذهب خلفهم دون فهم ماذا يحدث ؟
$$$$$$$$$$
عند جاسر
تدلف جميله إلى غرفه ابنتها التي تبلغ من العمر عام، وجدتها تنزف من فمها بشدة.
انصدمت و قالت بصرخة: جاسر ، جاسر.
ركض جاسر إليها و سأل بخوف: فى ايه.
جميلة بدموع : مش عارفه دخلت لقتها كده.
جاسر بتوتر: اهدي ،اهدي يلا نروح ل دكتور الاطفال
$$$$$$$$$$$
عند سامر
يقود سامر السياره و بجواره سهر التي تستطيع دموعها أن تملي بحور..
ينظر لها سامر بحزن و قال: خلاص يا سهر ده أمر الله
سهر بدموع وصوت عالي: ونعم بالله , بس بعد كل ده الحمد لله ربنا يكرمني وأكون حامل ينزل من قبل ما اعرف اصلا اني حامل ،يارب أنا مش با اعتراض على القضاء والقدر بس انا عبد ضعيف وتعبت.
سامر بحزن: سهر كفايه والدكتور قال فى أمل تعملي العمليه فى لندن وتنجح أن شاء الله خير.
سهر بدموع: يارب يارب
$$$$$$$$$$
في شركة شمس
كان يجتمع مع مديرنا الاقسام
تدلف شروق إلى مكتب شمس دون طرق الباب
و قالت بدموع: شمس.
قام وقف شمس وذهب إليها و سأل بتوتر: فى ايه يا حبيبتي
ونظر إلى الموظفين و قال : نكمل بعدين.
خرج الجميع ، و شمس مسك ايد شروق و قال بحنان: تعالي يا حبيبتي اقعدي مالك
قالت بدموع: شمس أنا، أنا.
ولم تسطيع تكمله الحديث من كتر البكاء
شمس يمشي أيدها على وجهها و سأل بحنان: في يا حبيبتي.
وضمها إلى حضنه وتحدثت شروق وهى فى حضنه بدموع: النهارده وأنا قاعده فى البيت لقيت حد من الحراسه دخل ليا جواب وقالي أن فى ست سبت الجواب ده ومشيت.
شمس بهدوء: وايه اللي موجود فى الجواب يعمل فيكي كده ، اصلا في حد يستعمل الجوابات دلوقتي..
بكت بصوت عالي جدا
شعر بوجود شي مريب و مخيف و سال بتوتر: في ايه يا حبيبتي.
مدت شروق أيدها بالجواب لشمس
قراه شمس الجواب وشروق مازلت في حضنه
شمس وهو يقرأ: شروق ازيك أنا عارفه أنك مش عارفه أنا مين
أنا أمك يا شروق ،أنا لسه عايشه مش ميته ابوكي وجدك هما اللي عملوا كده ، كنت حامل فيكي شفت الذل فى البيت وكنت اتحمل علشان خاطر حسن وحسين وكمان انتي لكن يوم ولادتك وهما قالوا ليا اخرجي من البيت وانسي ولادك أو نموت ولادك قدم عينك خفت عليكم خفت يا شروق لكن بعد كل السنين دي مش قادره احبس شوقي لكي اكتر من كده سامحني يا بنتي سامحني نفسي اشوفك يا شروق من قريب انا ديما بشوفك من بعيد نفسي اشوفك من قريب
مع السلامه يا حبيبتي.
تنهد شمس واغلق الجواب
و قال بهدوء: شروق اهدي وكفايه عياط
خرجت شروق من حضنه و قالت بدموع: شمس أنا مش فاهمه حاجه ومش عارفه ايه اللي حصل ،أنا اعرف أن أمي ماتت يوم ولادتي ازاي بعد كل السنين دي تطلع عايشه ازاى
مش فاهمه حاجه ومش عارفه اعمل ايه.
شمس بهدوء: أولا لازم تهدي علشان نعرف نفكر.
سألت بدموع: وبعدين
قال بهدوء: وبعدين نسأل أخواتك عن الموضوع ده هما عارفين حاجة ولا لا.
شروق بدموع: خايفه اسالهم يكونوا عارفين وكلامها حقيقي خايفه يطلع بعد كل السنين دي حياتي عباره عن كدبه كبيره خايفه اوي يا شمس
شمس بحنان: شروق الشمس اوعي تخافي من حاجه وأنا جنبك فاهمه
نظرت له نظرة شكر و امتنان و قالت: حاضر.
أكمل بهدوء : انتي لازم تقعدي مع الست دي.
سألت بتوتر: ليه
أجاب بهدوء: علشان نعرف هي عايزه ايه.
شروق: أنت تكون معي
شمس: عمري ما اسيبك ابدا
@@@@@@@
عند فارس
استيقظ فارس على رنت التليفون
فارس بنوم: الو
البواب بتوتر: دكتور فارس، مصيبة ، العياده بتحرق
نهض بفزع و قال: أنت بتقول ايه
البواب بصوت عالي : بقولك العياده بتحرق
تتقلب فرح بنعاس و سألت: فى ايه يا حبيبي
فارس بصوت عالي: العياده بتحرق
فرح بخوف: ايه
فى ثواني كان فارس وفرح ارتدوا ملابسهم وتركوا ابنهما عند إحدى الجيران.
يخرج فارس من الشقه سريعا و تركض خلفه فرح و تبكي بشدة
@@@@@@@@
في شقة عمار
تجلس ياسمين على كرسي مربوطة أيدها ورجلها
ياسمين بصرخة: عمار أنت يا زفت فكني خليني امشي
يخرج عمار من المطبخ ومعه زجاجة خمر و كاسين و قال ببرود: بجيب دول يا حبيبتي علشان القاعدة تحلو
ياسمين بعصبية أنت مجنون اكيد مجنون
صرخ بجنون: صح أنا مجنون بيكي يا سوسو.
قالت بصوت عالي: اخرس يا حيوان ، اخرس أنا بكرهك.
أجاب ببرود: وانا بحبك يلا اشربي معي.
وصل يونس إلى الشقة.
دق الباب لكن دون أجابه.
قال بصوت عالي جدا: افتح الباب
ياسمين بصوت عالي: يونس الحقني
يونس بصوت عالي جدا: متخافيش اوعي تخافي يا حبيبتي أنا جيت.
ابتسمت ياسمين عندما سمعت هذا الحديث.
عمار بغضب: ايه هو ده حبيب القلب الجديد
كسر يونس الباب ودخل
سأل بخوف: ياسمين انتي كويسه
هزت راسها بمعني نعم
كان عمار يقف خلف ياسمين ويضع على رقبتها سكينه
و قال بغضب شديد: قرب خطوه كمان ونقول أنا وأنت الله يرحمها
يونس بهدوء: اهدي وابعد السكينه عنها وأنا انفذ اللي أنت تقول عليا
عمار بغضب :تعال أقعد على الكرسي ده
أجاب بهدوء: حاضر
اقتراب يونس بهدوء و بحركه منها رفع ايد عمر من على رقبه ياسمين
وحدث شجار بينهما
( ياسمين بخوف) خلي بالك يا يونس
يونس ضرب عمار بوكس و سأل : خايفة عليا
زفرت بضيق و قالت: ده وقته
ضرب عمار يونس بوكس
صرخ بوجع و قال : اه عجبك كده مش ناويه تقولي بحبك
ياسمين بعصبية : اخرس يا يونس
عمار بغضب شديد: ياسمين ليا أنا فاهم
يونس بغضب شديد: لا ياسمين حبيبتي انا فاهم
و جاء البوليس لأن يونس طلب البوليس وتم القبض على عمار
نظر لها و سأل بغيرة شديدة: ممكن أعرف مين ده
أجابت بتعب: : ممكن توصلني البيت لأن بجد تعبانه
يونس بغضب مكتوم: اتفضلي
@@@@@@@
في العيادة
جميلة بخوف:خير يا دكتور
أجاب بهدوء: محتاجين نعمل شوية تحاليل و إشعاعات حالا.
جاسر: حاضر..
@@@@@@@@
عند سامر
يحضرون الشنط لذهاب الى لندن
سامر بهدوء: خالص يا حبيبتي
سهر بتوتر: ايوه
ذهب سامر إليه وضع أيده على كتفها و قال بحب: حبيبتي احنا نعمل اللي علينا لكن اي أكان أمر ربنا أنا وانتي نرضي بيا تمام يا سهر الليالي.
سهر بدموع: نفسي اكون ام نفسي اكون ام اولادك أنا عارفه أن طنط كل يوم تقولك اتجوز عليا وانت ترفض نفسي افرحها و افرحك
سامر بحنان: وانا فرحان طول ما انتي معاي
سهر بحب: بحبك يا سامر بحبك
سامر بحب: وأنا بعشقك يا قلب سامر
ويلا بقا نلحق معاد الطيارة
&&&&&&&&&
عند فارس
وصل العياده فارس وفرح وجدوا العياده احترقت
يقف فارس وينظر الى حلم عمره وتعب السنين أصبح رماد أصبح لا يستطيع الوقف، جلس على الأرض بضعف و حزن، جلست بجوارها و قالت بدموع: فارس اجمد
فارس بحزن: تعب السنين وحلمي راح يا فرح
أجابت بدموع: قدر الله وماشاء فعل يا حبيبي
رفع يديها إلى السماء و قال بحزن: لله الامر من قبل ومن بعد ،اللهم لك الحمد والشكر كما ينبغي لجلال وجهك وعظيم سلطانك
$$$$$$$$$$$
عند شمس
تجلس شروق على السرير حزينه ، تفكر ما القادم؟ في لحظة انقلبت حياتها..
جلس شمس بجوارها و قال بهدوء :شروق
شروق: نعم
شمس: لازم تنامي يا حبيبتي
شروق بتوتر: شمس أنا خايفه من مقابله بكره حاسه أني تسرعت أني طلبت منها تجي هنا
شمس: لا مفيش تسرع لازم تفهمي كل حاجه ومش تفهمي الا با المواجهه يا حبيبتي
مسكت شروق أيده ،و قالت بهدوء: أنا مبسوطه انك معاكي شكرا انك معايا ديما
أبتسم و قال: العفو يا شوشو
@@@@@@@@
لم يستطيع جميع ابطالنا نوم هذه الليلة بسب
الحزن و الحيرة والخوف والتوتر
$$$$$$$$
عند يونس
ينام على ظهره و ينظر إلى السقف و يحدث نفسه بحيرة:
يا تري منين عمار ده يا ياسمين ويكون ليكي ايه ، يارب فرج هم قلبي ليه مش مكتوب على قلبي الحب...
$$$$$$
ياسمين تقف في الشرفة و تنظر إلى البحر بحزن، و تحدث نفسها: ليه رجعت يا عمار وأنا بحاول انسي، وأنت يا يونس عايز مني ايه فعلا بتحبني ولا أنا مجرد مسكن علشان تنسي جميلة، يارب هون عليا تعب الايام...
$$$$$$$
في غرفة النوم
تأخذ فرح ابنه في حضنها و تبكي بصمت حتي تكون قوية أمام فارس: و تقول بهمس: استغفر الله العظيم يارب اكيد لك حكمه فى كده ان ده يحصل ربنا يقويك يا فارس.
كان يجلس في الخارج و قال بدموع: عايز اسال ليه وخائف تزعل مني يارب، بس أنت عارف عبدك ضعيف ،اللهم لا اعتراض.
&&&&&&&
في الطائرة المتجهة إلى لندن.
ينظر سامر لها بحزن و قال في سره:يارب مش علشان خاطري علشان خاطر سهر هي اطيب مني و تستاهل تكون أم جميله أكرمنا بطفل يارب.
كانت تنظر من شباك الطيارة و قالت بدموع غزيرة: يارب يارب قادر على كل شيء
ياكريم يا حليم يا عظيم
نفسي اكون ام لو مش علشان خاطري يكون علشان سامر هو اتحمل معي كتير.
$$$$$$$
في شقة جاسر
تأخذ بنتها في حضنها و تبكي، و تخشي أن تفقدها، قالت بندم: عارفه اني غلطت مع شروق ويونس و جاسر والكل وأن أنا السبب أن صداقتنا تضيع بس يارب بلاش عقابي يكون فى بنتي.
يجلس جاسر أمامها و ينظر إلى بنته بخوف و حزن و قال:
أنا مش احمل كل الذنب لجميله انا انا كمان خاين وقلبت اخون شروق ويونس
بس يارب بلاش عقابي يكون فى بنتي.
$$$$$$
في فيلا شمس
في غرفة المكتب
جمع شمس معلومات عن السيدة التي تتدعي أنها ام شروق و عرف حقائق تكاد تدمر شروق: يارب أنا مش عارفة شروق تعمل ايه لما تعرف الحقيقة ، و المفروض اقولها أنا و لا اسيب المهمة دي ل اخواتها، ربنا معاكي يا حبيبتي الايام الجاية صعبة عليكي.
في غرفة النوم
تنظر شروق في البوم الصور و لم تجد أي صورة ل أمها فقط اخواتها و ابيها، و كانت دائما تسأل يخبرها أنها أمها لا تحب الصور، تحدث نفسها:
ميه سيناريو فى دماغي و خايفه اوي خايفه من المجهول اوي خايفه من مواجهه الست دي و خايفه من مواجهه اخواتي الحاجه الحلوه فى الموضوع ده وجود شمس
///////////////
كان الليل حزين عليهما
هل يكون الصباح يحمل معه السعاده أما لا؟
////////////
اشرقت الشمس ولكن مازلت تحمل معها الحزن للأصدقاء
@@@@@@@
عند يونس
في المستشفى
يدلف إلى مكتب ياسمين دون طرق الباب
ياسمين بعصبية: ايه قله الادب دي مفيش باب تخبط عليا.
يونس بصوت عالي: لا مفيش زفت
قالت بعصبية: أطلع بره يا يونس.
جلس يونس على الكرسي المقابل لها و قال بهدوء: ياسمين أنا مش نايم طول الليل عايز أعرف مين عمار ده
سألت بهدوء: وأنت مالك بصفتك ايه تسالني.
أجاب بعصبية : بجد مش عارفة بصفه ايه بسالك ،بصفه أني بحبك تنفع الصفه دي.
أبتسمت باستهزاء و قالت: بتحبني وجميله ايه
قال بصوت عالي: كانت ماضي صدقي بقا أن بحبك انتي.
أجابت ببرود: بسهوله دي، أنت بتضحك عليا ولا على نفسك
تنهد بحب ثم قال:: قولي اعمل ايه علشان اثبت أني بحبك يا ياسمين.
سألت بتوتر: بتحبني وتقبل اي حاجه فى الماضي..
يونس بدون تفكير: أقبل زي ما انتي تقبلي أن جميله ماضي أنا اقبل الماضي بتاعك
اخذت ياسمين نفس عميق
تحاول تسيطر على التوتر و قال بهدوء مصتنع: أنا مطلقه
يونس بصدمه: ايه
@@@@@@@@
عند سامر
وصل سامر وسهر إلى لندن وذهبوا إلى المستشفى أولا
في غرفة الطبيب
يمسك سامر أيد سهر بقوه حتي يشعرها أنه معها
الطبيب بابتسامة: مرحبا
سامر بابتسامة: مرحبا
الطبيب بهدوء: أريد أن أكون صريح معاكم.
سهر بتوتر:ماذا؟
الطبيب بهدوء: مدام سهر بعد كل هذه الفحوصات، للاسف حالتك صعبة وآمل الانجاب لديكي ضعيف جداً ، يكاد معدوم.
لم تتحدث أو تجيب ، تبكي فقط .
سامر بهدوء: حتي بعد اجراء العملية.
الطبيب: العملية لن تفيد في حاله مدام سهر.
ركضت إلى الخارج و هو خلفها..
$$$$$$$$$
عند جاسر
في العيادة
تجلس جميلة وتأخذ ابنتها في حضنها وتبكي بشده
جاسر بحزن: كفايه يا جميله أن شاء الله خير
جميله بدموع: يارب، هو الدكتور اتاخر ليه
قبل أن يجيب جاسر جاء الدكتور و قال : السلام عليكم
أجاب جاسر: و عليكم السلام ، طمنا يا دكتور
جلس الدكتور و قال بابتسامة:
طبعا احنا عارفين أن ربنا رحيم بعباده، و كمان انتوا دكاترة و عارفين أن الطب أتقدم و بقا في علاج لكل مرض.
كانت جميلة تموت رعباً ، سأل جاسر بخوف: فى ايه يا دكتور
الطبيب بحزن: للاسف البنت عندها سرطان في الدم.
اول كلمة جميلة قالتها: لا يارب، بنتي متدفعتش تمن خيانتي ، بلاش هي ، عقابني أنا
أما جاسر لم يتحدث.
@@@@@@
في شقة فارس
يجلس فارس في غرفة النوم والاكيد أنه حزين جداً
تدلف فرح و قالت بهدوء : حبيبي بابا وماما و عمو و طنط بره عايزين يشوفك
فارس بحزن: مش عايز اشوف حد.
فرح بدموع: حبيبي هما قلقين عليك عايزين يطمنوا عليك
قال بصوت عالي: وأنا قولت مش عايز اشوف حد
جلست فرح بجواره على السرير و قالت بدموع: حبيبي قدر الله وماشاء فعل ده أمر الله بلاش تعمل في نفسك كده علشان خاطري.
نظر فارس لها ،وضع قبله على جبينها و قال بدموع: فرح أنا فاشل ،ومش اعرف احقق ليكي عيشه كويسه ولا حتي لا ابني لازم تبعدي عني.
فرح بدموع: انت بتقول ايه يا فارس اللي حصل ده يحصل لاي حد بلاش تقول الكلام ده
غمض فارس عيونه ونزلت منهما دمعه و قال بدموع: انتي طالق
فرح بصدمة: ايه
@@@@@@@@
عند شمس
تنظر شروق من شرفه غرفتها
إلى السيدة التي تدعي امها كانت السيده تعطيها ظهرها
كانت تتمني شروق و تري وجهها
دلف شمس إلى الغرفة و لا يعلم كيف يخبرها الحقيقة
سأل بهدوء: جاهزه يا شروق
أجابت بتوتر: خايفه اوي ومش عايزه أنزل ،ونفس الوقت عايزه أنزل اشوفها،و خايفه من الكلام اللي ممكن اسمعها و في نفس الوقت عايز اسمع تقول ايه
خايفه ومش فاهمه حاجه خلاص.
شمس بعصبية: شروق امك ست خاينة
نظرت له بصدمة...
طبعا كل مشكلة فيهم كبيرة مش صغيرة، بس شايفين مين مشكلتهم اكبر و صعب حلها...
وللحديث بقية
🍒🍒🍒🍒🍒🍒🍒
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له الملك وله الحمد وهو على كل شيء قدير
اللهم انصر اخواننا في فلسطين والنصر لجميع البلاد العربية والإسلامية
اللهم صل على سيدنا محمد وعلى ال سيدنا محمد
اللهم انك عفو كريم تحب العفو فاعف عنا
لا اله الا انت سبحانك اني كنت من الظالمين
🍒🍒🍒🍒🍒🍒🍒🍒.
لقراءة جميع فصول الرواية من هنا