رواية أميرة البلد العروس المناسبة الفصل الثاني 2
بقلم فاطمة سلطان
اذكروا الله
_________________________________________
انها الوحده
و الغربه اشعر انني اختنق
________________________________________
صعدت منار الي غرفه اختها اسراء وجدتها تبكي
كالعاده تخشي ان تظهر دموعها
امامه فتريد ان تكون قويه و
صلبه امامه تريد ان تجعله يعلم
انه لا يوجد سلطه له عليها فهي حره
منار : بتعيطي ليه دلوقتي
إسراء بوجع و قهره : بعيط علي خيبتي
بعيط علي اختي
منار بضيق: علي فكره بقا
العرض اللي كل يوم بتعمليه و العند
اللي بيشتغل مع محمود بالذات
بصراحه لفت نظر بطريقه متخلفه
فاكره ان كده هيبصلك مثلا ؟!
طول ما انتي بتعانديه
"" اسراء نظرت لها بنظره عدم استيعاب ""
ثم تحولت ملامحها الي ملامح حاده
اسراء بانفعال : ايييييه خلاص
انتي جبله ليييه كده
امته عقلك هيكبر وله انتي
بتتستعبطييي
الفت نظر مين يغور في داهيه
و الفت نظره ليه انا عايزه
اطفش من البيت ده النهارده قبل بكره
و اخلص منه
انتي و امك ايه
كانهاا كلبه و مااتت
هتحسي امته كل همك
ان الاستاذ يكون ليكي
و تاكدي ان ده لو اخر راجل في العالم
مش هفكر فيه حتي لو علي موتي
فاكر نفسه سي سيد اللي تتجوزه امه داعيه عليها
افهمي انه جوز اختك اللي مااااتت
و ادفنت من غير ما نعرف حتي كاننا غرب
يمكن تحسيي و يبقي
عندك دم شويه
اقول ايه غير حسبي الله و نعم الوكيل
فيكي و في ظنونك ......
______________________________________
جاء اليوم التالي و ذهبت عائله الشرقاوي
جميعها من اكبرها الي اصغرها
حتي العمده بنفسه الي المقابر
ليزوروا الفتاه الشابه
المتوفاه بعد زواجها
بثلاث سنوات
رجع الجميع و اشدهم انهياراا
هي اسراء لعلاقتها القويه باختها المتوفاه "" لبني ""
كانت ايضا منار حزينه
لم يكن احد سعيد او لديه شهيه لفعل شي
كان محمود يجلس في الشرفه الخاصه بغرفته و دخلت خالته
بفنجان القهوه التي تصنعه له دائما
ابتهال بابتسامه : فاضي يا حضره المحامي
ابتسم محمود :طبعا يا حب
لو مش فاضي ليكي هفضي لمين
هو مفيش غيرك فاكر الحلم ده
ابتهال بابتسامه : منساش حاجه انت عايزها
و بعدين ما انت متخرج فعلا من حقوق يعني مش بكدب
دخلت ابتهال و جلست بجانبه
و وضعت فنجانين من القهوه
علي المنضده الصغيره التي توجد بالشرفه
ابتهال : قولت اجي اشوف ايه اخبارك بما ان الكل مكتئب في اوضته
محمود بشرود : ربنا يرحمهااا
هعمل ايه يعني مينفعش ليها غير الرحمه
ابتهال بجديه مختلفه عن حديثها دائما : لازم كبير البيت
يتجوز من تاني تجربه و مرت
محمود نظر له باستغراب فقد مر سنه واحده فقط
ابتهال بهدوء : الحي ابقي من الميت يابني ممكن تفتكر اني جاحده او انها مش فارقه معايا بس هي اتخطفت في عز شبابها و واجعه قلبي برضوو
بس انت لازم تتجوز و تخلف كمان
ديه مش انانيه
االلي قدك عنده عيل و اتنين
و اربعه كمان
محمود بغموض : و بعدين
ابتهال: هندور علي عروسه تليق بيك
و اذا كان علي العرايس العيله مليانه
و اي واحده فيهم تتمني انها تكون مرات النسر
ثم اكملت بخبث : المهم في واحده النسر يتمني انها تكون مراته !؟؟؟؟
محمود بشرود و لم يتذكر غير
تلك العيون الحاده بتفاصيلها الغامضه
ابتهال بتردد : اسراء كان ممكن ارشحها ليك بس ...
قاطعها محمود: اعوذ بالله يا شيخه ديه
هقتلها من اول يوم والله
هو احنا نافعين قرايب
علشان ننفع متجوزين انا و اسراء
نار و بنزين مينفعش نكون لينا رابط مع بعض
اكتر من اننا قرايب
ابتهال بتفكير : طب منار
محمود بهدوء : منار ايه يا حبي
منار ديه الفرق بيني و بينها حوالي
١٥ سنه
انتي بتهزري
ابتهال بمكر : انت مش باين عليك سن و هي سنها يدي اكبر من شكلها و انت عارف انهاا هتطير من الفرح لو انت اخت خطوه زي ديه اتجاهاا
الراجل ميعبوش سن و ان لسه في عز شبابك
محمود بتوضيح : بصي منار عقلها
مراهق شوويه علشان كده انا مش
بدقق في تصرفاتهاا
و لا بركز معاهاا بس هي متنفعنيش
ابتهال بحيره : البنات كتير عموما
المهم انت موافق علي المبدأ !؟؟؟
محمود بحيره تظهر عليه لاول مره : مش عارف ..
ذهبت ابتهال بعد نقاش طويل في هذا الموضوع و احاديث اخري فهو يعتبرهاا مخزن اسرارها و يحبها و يقدرهاا
كثيرا كوالدته التي توفت و هو في عمر العاشره
تحدثت هي كثيرا
و لكن هناك كلمه تتردد في عقله
فانه يعلم انه رغم طباعه الصعبه هناك الكثير
من الفتيات تتمناه
و لكن من يتمني هوو !؟؟...
_________________________________________
كانت عائشه تجلس فى غرفتها تفكر فيما حدث
اصبحت تخشي النوم تعاني من الوحده رغم وجود
الكثير من الفتيات في البيت بجانب سيده
و حراس للمنزل
و لكن هناك غربه و هي في منتصف بيتهاا كانت تتمني وجود اختهاا معهاا او وجود والدهاا او والدتها
و لكن الان هما تحت التراب
و ااااه من ذالك التراب الذي يخطف مننا الاحباء
الان هي وحيده !!
لقد امانت انها بمفردها و اليوم فلتت اعصابها حينما كانت باحد المزارع التي هي من ضمن املاكها
فلاااش بااااك
كانت ستدخل المزرعه بعد ان علمت موت كثير من البقر الذي يعتمدوا عليه في كثير من المنتجات و علي ما يبدو انه بفعل فاعل
و لكن استوقفها حديث الحارس و هو يتحدث مع العامل
الحارس : انت بتقول ايه يا راجل انت اتجننت
موت معظم البقر النهارده كان بفعل فاعل حب ياذي عائشه هانم
العامل بمكر : و ليه منقولش من مشيها البطال
الحارس بصدمه : يا راجل عيب عليك ده خيرها مغرقناا ديه عمرهاا
ما كان ليها في حاجه وحشه طول عمرها
جمايلها علي البلد كلهااا من بعد ابوها طبعااا
العامل بمكر : يا راجل انت اللي طيب ايه اللي يخلي واحده ست تشتغل وسط الرجاله ما كانت سلمت كل حاجه لخالهاا الا اذا كانت بقي تحب تكون حديث الناس و تكون وسط الرجاله
ما بالك انت هي لو كويسه !!!
كانت اتجوزت من زمان لكن مين الراجل اللي هيقبل ان ديه تكون مراته
الحارس بضيق : عيب عليك انت لحم كتافك من خيرها و عندك ولايه ديه ارجل من ١٠ رجاله
و طول عمرها محترمه
و ابوها خيره علينا من زمان
و بعدين البلد
.....
غضبت عائشه بشده
و دخلت عائشه
عائشه بجديه : ممكن تيجوا معاياا
و ذهبت وسط المزرعه و الجميع ينظر لها
وقفت و وقف العامل
عائشه بدون سابق انذار انزلت يديها علي وجهه العامل لتصفعه وسط دهشه الجميع فلم يحدث مثل ذالك من قبل
عائشه بغضب يحرق الاخضر و اليابس : ديه اقل حاجه ممكن اعملهااا مع اي حد في البلد كلها هيفكر يتكلم علياا او يعيب فياا مدام انت شايفني واحده مش كويسه تقدر تمشي لكن هتتكلم عليااا زي شغل ميعملهوش غير الستات
ثانيا اتجوز متجوزش ده شي ميخصكش حضرتك
"" ثم وجههت كلامهاا للجميع ""
اللي شايفني انا واحده مش كويسه
يواجهني و يكون راجل في كلامه
اللي مش عاجبه يمشي و الباب يفوت الف جمل
انا واحده بس هقدر
اخد حقي من اجدع واحد هناا
"" ثم وجههت كلامها للعامل ""
انت مرفوض ميرضنيش انك تشتغل عن واحده سمعتها مش كويسه
و قسما بالله اللي هكشتف انه ليه علاقه باي كبيره او صغيره بتسميم معظم الحيوانات اللي في المزرعه اقسم بالله لهسجنه
و ثم دلفت لمكتبهاا
و الجميع اخذ يلوم العامل علي ما تفوه به
احد كبار السن الذي يعمل معهم
الرجل و هو يوجهه كلامه للعامل : عائشه هانم اللي صرفتلك مكافاه قد مرتبك تلت مرات لما مراتك ولدت
تقول عليها كدا اخص عليك
سبت ايه للحريم يتكلموا فيه
...
باااااااك
لاول مره عيونهاا تدمع رغم انهاا اخذت حقها و لكن ذالك الشي يتعبها لقد سئمت من اظهار القوه التي لا يوجد احد تستمدها منه
سئمت من اظهار عكس ما بداخلها تعلمت إظهار وجهه اخر للجميع
تعلمت اخفاء مشاعرهااا
دخلت سيده وجدتهاا تجلس بمفردهاا
سيده : ايه يا ست البنات
صاحيه لغايت دلوقتي ليه انا قولت زمانك نايمه
عائشه : عادي مش جايلي نوم
سيده جلست بجانبها : لسه بتفكري في اللي حصل
عائشه : اللي واجع قلبي ان ممكن حد يظن فيااا كداا !؟؟
سيده باسف : يا بنتي هي الدنياا كداا اي حد بيعوز يتكلم و خلاص علشان يبين انه فاهم
كلام الناس تحت الرجل ينداس
ارجع و اقول ده مش مجالك
انتي خريجه كليه دار علوم يعني ده مش مكانك اخرك حتي يوم ما تشتغلي تكوني وسط مكتب مكان يليق بيكي
مش وسط الرجاله و مزارع و حاجات
ملكيش دعوه بيها خالص
سيبي شغلك لخالك يمسكه
و الحاج صالح برضوو راجل محترم
عائشه : و اكون اتهزمت و بينت للكل اني ضعيفه و خوف من عمي و من ابنه و من كلام الناس
اختي ماتت برضو و مخدناش حقهاا لاننا خفنا من كلام الناس برضو
سيده : بصي يا بنتي مهما بينتي و حاولتي تبيني عكس اللي انتي حاسه بيه
برضو كلام الناس بيوجع سيبك من كده حتي لو بتاخذي حقك
من جواكي بيسيب فيكي اثر انتي بتحاولي تيعشي حياه مش بتاعتك
اتعلمتي ضرب النار و جبتي سلاح و رخصتيه بحجه الدفاع عن النفس طب و بعدين مهما عملتي لازم تفهمي انتي مش راجل مش ديه حياه البنت ...
حتي لو حاولتي تجبري نفسك علي ككده الحياه دييه مش لايقه عليكي
عائشه : انا تعبانه بس في ايدي ايه اعمله انا مش هسيب الناس تدير فلوس ابويا لازم اكون ااحق بيها من عمي و ابنه لازم ابين ليهموكلهم ان بابا جاب بنت احسن من ميت راجل
ابويا قعد سنتين قاعد علي كرسي بعجل من قهرته علي اختي و فيي نفس الوقت مكنش
عارف ياخذ حقهاا علشان صله القرابه
تنحرق الف مليون صله قرباه اللي تخليني في يوم من الايام اتنازل عن حق بنتي اللي من صلبه و لحمه و دمه
سيده : متلوميش ابوكي يا بنتي اي واحد في مكانه كان هيعمل كده
عائشه : انا خلاص عرفت ان مفيش فايده من اللوم انا وحشوني اووي حاسه بالغربه اوووي
كاني مش في بيتي
سيده بعتاب : علشان لما اقولك ان لازم يكون ليكي حياه و اسره تتريقي علياا
عائشه : فقدت الامل حتي في اني الاقي الحب
سيده : نامي يا بنتي و ارتاحي متفكريش كتير و سبيها علي الله ربنا قادر يغير الدنيا في يوم و ليله و قادر ينصرك و ياخذ حق اختك
انا هسيبك تريحي و بعدين متقوليش غربه انا معاكي يعلم ربنا انا لو كان ليا بنت مكنتش هحبها قدك
عائشه : و انا كمان بحبك يا قلبي والله انتي اللي بتهوني عليا حياتي ربنا يخليكي ليااا
و ذهبت سيده
كالعاده لم تستطع عائشه النوم
فشغلت الاغنيه التي تعشقها
**ألجرح من نصيبي ** ** ليلي غفران **
مشتاقه ليك حبيبي .. وأغلي من حبيبي ..
هيكون الدمع بختي .. والجرح من نصيبي ..
لكن صعبان عليا .. مبقاش فيه حد ليا ..
والدنيا ضلمة بعدك .. والحزن هد فيا ..
وداع يامية خسارة .. والمر زاد مرارة ..
في نار بتهد قلبي .. وتلف الدنيا بيا ..
مشتاقه ليك حبيبي .. وأغلي من حبيبي ..
لم تنم حتي اذان الفجر
و كان هذا هو الشي المعتاد لهاا يظن الجميع انها نائمه و لكنها مصابه بارق شديد حتي احيانا تاخذ منوم لتنام ساعات طبيعيه ليس اكثر من ذالك غير انها تفيق اكثر من مره ....
_________________________________________
في الصباح الباكر تحديدا
في بيت النسر
في غرفه اسراء
كانت والدتها تتحدث معهاا
نسرين بنفاذ صبر : يا بنتي انزلي
اسراء : علشان يفتكر اني خايفه
منه و لازم علشان انزل يفتكر انه ذلني
ان شاء الله عني ما طفحت يا ماااما
نسرين بضيق : واضح فعلا ان لسانك طويل حتي معايا انا شخصيا مش معاه هو بس
يا بنتي استهدي بالله ابن عمتك جاي بكراا و هيكون شكلنا وحش مش معقول يجي يلاقي حضرتك بتاكلي في الاوضه و عمتك بتزعل علي زعلك و بتاكل هي كمان في اوضه
اسراء : ولما انزل علشاان اكل معاه
هيفتكر ايه مثلا و بعدين انا ميهمنيش حد
نسرين : يا بنتي انتي لو ليكي اخ كنتي
هتتطاولي في كلامك كده معاه !؟؟
و هو في مقام اخوكي حاليااا
اسراء بغضب مكتوووم : ماما احنا لازم نرجع بيتنا
و متقوليش اخوياا لو سمحت
نسرين بهدوء : هنرجع بيتنا نعمل ايه يا بنتي
نقعد فيه انا و انتي و اختك لوحدنا
من غير راجل و لا حد يكون في ضهرناا
اسراء بنفاذ صبر : مااما احنا في 2019 مش لسه في القرن ا١٨ علشان تخافي تقعدي من غير راجل
نسرين برفض تام للفكره : و لو احنا من زمان اتربينا علي كده احنا مش في القاهره و الناس كلها تتمني انها تتكلم عليناا و احنا هنكون ولايا لوحدناا
اسراء : خلاص يا ماما
ممكن الناس تتكلم علينا برضو
اننا قاعدين هنا مع ابن عمتووو
و هو حاليا عازب و انا و منار نجوزله برضو وله الناس مش هتقدر تفتح بقهاا مدام
احنا في بيت النسر ؟!!!
برضو مينفعش نقعد مع راجل
عازب يا ماما وله انتي ايه رايك
مش ديه الاصول !!
احنا ملناش حد في الشرقيه خلاص
احنا نسافر لاهلك في الاسكندريه ايه اللي مخليكي متمسكه ااوووي بهنا ايه اللي هنا باقي لينا
اختنا و ماتت
عايزه ايه تاني يا ماما انا لو فضلت قاعده هنا هرتكب جريمه في محمود
ياماا يقولي اختي ماتت ازاي و يقول الحقيقه و مقوليش قضاء و قدر
لاني شبعت من الكلمه ديه
و زهقت منهاا
نسرين انفعال : انتي ليه مصره توجعي قلبي ديه بنتي اللي ماتت و مهما اتوجعتي مش هتتوجعي قدي كفااايا
بقاا وجع فينا كاانك انتي بس اللي بتحسي صدقي ان اختك ماتت بقالها سنه علشان احاول
انا كمان اتخطي ازمه انها مبقتش موجوده
اسراء : خلاص نمشي احنا ملوش لازمه نفضل قاعدين معااه هو مش وصي علينا
احناا نقدر نرجع بيتناا
ما انتي عندك عائشه مهران قاعده في بيت طويل عريض لوحدها و بتحكم
نص البلد بكلمه منها محدش
بيقدر يفتح بقه معاااهااا
و لا معاها راجل و لا حتي اخت و لا اام
ايه المشكله
احنا مش تحت رحمه الناس احنا نقدر نخلي الناس يحترمونا غصب عنهم ارجوكي
بقاا انا حاسه اني مخنوقه هناا في البيت
نسرين بعدم اقتناع : ملناااش دعوه بحد كل واحد حر و بعدين مين قالك انها سالمه من كلام الناس انتي شايفه الظاهر و بعدين احنا منقلدش الناااس في الغلط
احنا هنفضل هناا لغايت ما تتجوزي انتي و اختك و كل واحده تروح بيت جوزهاا
و كل واحده ساعتها حره مش هقولكم حاجه وقتها ان شاء الله تعيشي في اخر الدنيا مش هتبقي مشكلتي
ثم قالت محذره قبل ان تذهب : بكرا تنزلي و تكوني في استقبال ابن عمتك و هو جاي من السفر و تفطري معانااا اانا بحذرك والا
هتشوفي تصرف مش هيعجبك خالص
و ذهبت و تركت اسراء تموت من الغيظ
________________________________________
في بيت العمده كان محمود يجلس مع اخيه حمدان فحمدام يكبره بخمسه عشر عام
و حمدان لديه ابن يدرس في الخارج و ابنه في
كيله العلوم
و جاء ذالك العامل التي صفعته عائشه
العامل : يا حضره العمده ديه ضربتي بالقلم قدام الخلق و مسرختني قدام اللي يسوي و اللي ميسواش
و اسمها حرمه لولا انها واحده ست كنت
فرجتهااا
انا جيت اشتكي لحضرتك لانك المفروض تخليها تردللي اعتباري
حمدان : انت اللي طولت لسانك من الاول و لو هي مكنتش ضربت كنت انا اللي عملت اللازم معاك انتي اتجننت ازاي تقول عليها كده و تعيب في اخلاقهاا
و عايزها تسكت
العامل : يا ناس انا قولت الحق
هو الحق بقا بيزعل الايام ديه
ثم اكمل مستنجدا بمحمود : طب احضرناا يا محمود بيه
محمود بغموض : هو انت قولت ايه عليهاااا
العامل بفرحه و كان محموود سينصفه
العامل : قولت ان سمعتها وحشه و ان مشيها بطال و مش لاقيه راجل يحكمهااا
و انها متجوزتش لان مفيش راجل يقبل ان مراته تكون كده
محمود بهدوء تام : و هي عملت معااك ايه بقاا
العامل : ضربتني وسط الناس بالقلم
و طردتني من الشغل
محمود قام وقف و ضربه كف اسقطه ارضااا
حمدان : محموووود انت اتجننت
ليه عملت كده
محمود بهدوء تام : لانه اتجرا يحكي
و يقول قال عليها ايه مره تانيه
حتي لو بناء علي اامري اناا
اللي شتمتها ديه انا هتقدم ليها
تفتكر هعمل فيك ايه ؟!
العامل بتوتر و قلق و اعتذار : اسف والله يا محمود بيه
والله ماكنتش اعرف
انا مكنش قصدي
والله
حمدان : قوم امشي و اتعلم بعد
كده متجبش سيره حد كان هو اللي فاتح بيتك
و انا هتكلم معاها ترجعك تاني
محمود : مفيش رجووع للشغل عندها تاني
ده مش هيرجع شغله و لا هيتشغل في حته تانيه
في اي
حته تانيه
حمدان : امشي دلوقتي
و بالفعل مشي العالم فكان يظن ان محمود سيقطعه الي قطع
حمدان بغضب : انت بتمد ايدك عليه وسط بيتي
فاكرها ايه يا محمود قهوه بتتخانق عليهاا
و كمان حضرتك ايه اللي قولته
ده هتتقدم لمين مش فاهم انا !!؟؟؟؟
محمود بعدوء و ابتسامه غريبه : انا هتقدم لعائشه مهران ايه المشكله
حرام وله عيب مش برضو من
حقي اتجوز
انا بقلك همشي معاهاا !
حمدان حاول ان يهدي من تفاجئه باخيه الذي لا يتغير : و ايه اللي لم الشامي علي المغربي هو انت
من امته بتفكر في الجواز و يوم ما تفكر بعد
موت لبني تفكر في عائشه مش شايف
انها غريبه وله انا اللي مستغرب علي الفاضي
محمود : مش غريبه و لا حاجه هي مش برضو عروسه مناسبه وله انت ايه رايك ؟!!!
انت نفسك واقف في ضهرها
كانها بنتك ايه المشكله انها
تكون مرات اخوك
حمدان : بص انا بعتبرك ابني مش اخويا بس عائشه متنفعلكش انت بالذات
يا نسر
حضرتك هتقبل بشغلهاا هتقبل انها تشتغل وسط الرجاله هتقبل بكده انت فكرت من كل النواحي ايه عواقب الموضوع قبل ما تفكر فيها انها تكون مراتك
و عائشه مش زي ما انت فااهم انك هتعرف
تسيطر عليها ده مسيطره علي عمها و ابنه
و مسيطره علي معظم المنتجات في البلد
انت عارف انت بتفكر في ايه ؟؟؟!
انا بحميها اه لان ابوها كان عزيز علياا
انت شايف عملت ايه في ابن عمهاا
ضربته بالنار و متهزتش منها شعره
محمود بهدوء : بالعكس ده كداا كل
المواصفات مناسبه جداا
حمدان : محمود بلاش غموضك و هدوئك اللي من غير سبب
و قراراتك اللي مش مفهومه بلاش تاخذ قرار منغير ما تفكر فيه ده جواز و جواز مش من اي واحده
محمود متجاهلا لما يقوله :فاضي امته تيجي معايا نخطبها وله مشغول كده
كده هعرف اروح لوحدي انا مش صغير
بس لازم تكون معايا علشان انت زي ابويا
حمدان : يا حبيبي افهم و فكر اكتر من مره
محمود : انا مش صغير و اكيد فكرت اكتر من مره من قبل ما اقولك
حمدان : ده جواز مش مغامره
هتنجح فيها كالعاده
محمود : فاضي امته
حمدان : اانا خلصت ضميري و قولتلك
روح كلم خالها الاول
اعرف منه هي بتفكر في الجواز وله لا
في الموضوع قبل ما تكلمها هي شخصيااا
ده كل اللي اقدر اقوله لو حضرتك
مصمم اووي كده علي الموضوع ده
_______________________________________
و بالفعل ذهب محمود الي شاهين و قال له انه يريد االزواج
من عائشه
لم تقل صدمه شاهين عن حمدان بل انها فاقته و لكنه فكر في الموضوع كثيراا
حتي شعر انه هو المناسب و فعلا في الصباح الباكر ذهب الي بيت عائشه و فاجئها بهذا الكلام
لم تري عائشه
محمود تقريبا غير مرات تعد علي الإصبع
لا اكثر من ذالك
و لكنها تسمع عنه الكثير من الاقاويل
كان شاهين يحاول ان يقنعها بكل الطرق
و هي
كانت جالسه و متوتره او بمعني ادق لنقول انها في حيره ممزوجه بالخوف هي من تباشر عمل الرجال من خلفها و كلمتها تمشي عليهم الان لا تستطيع ان تاخذ قرار في حياتها هي !!
و كانت تتحدث مع خالها الحبيب "" اخو والدتها في الرضاعه و صديق لوالدها""
عائشه بنفاذ صبر من الحاحه المستمر من يوم ما قال له محمود الشرقاوي علي طلبه للجواز منهاا : انت ليه مصر يعني يا خالي علي الموضوع ده
شاهين:انتي عارفه اني بعتبرك زي مريم بنتي بالظبط بس انتي كبرتي يا بنتي و شويه و هتدخلي علي التلاتين و العمر مفهوش قد اللي راح انا مش هعيشلك العمر كله يمكن رغم كل اللي بتعمليه ابوكي كان مرتاح لانه موجود حتي لو قاعد علي كرسي بعجل
و لما مات كان مطمن انه سايبك معايا لكن انا مش هدوم
الاجل بيجي مره واحده
عائشه: بعد الشر عليك يا خالو انا مسنوده بحسك انا ابويا مات و كان بيقولي اسمع كلامك انت و مقاليش اسمع كلام عمي الي انا من دمه و من لحمه
بس انت عارف ده النسر !!
يطلب يتجوزني انا غريبه
"" كانت تفكر ما الذي يريده النسر منهاا و لماذا يريدها هي بالتحديد فليس لجمالها فهي جميله جدا و لكن هناك الاجمل في عائلتهم او في البلد باكملها و هناك من اصغر منها هي فما الدافع لذالك ""
شاهين:و لا غريبه و لا حاجه انتي محتااجه سند و راجل يكون في ضهرك انتي معاكي المال و القوه بس معملوش ليكي حاجه
انا مش هستني لما فعلا ابن عمك ده يعمل فيكي حاجه الحمدلله انها جت المره الأولي علي قد كده
عائشه: يا خالو انت عارف اني بميت راجل و اديك شفت عملت فيه ايه
شاهين:برضو الامر ميسلمش انتي محتاجه تتجوزي راجل هيصونك انا متاكد ان ابوكي لو عايش كان وافق عليه علطول محمود راجل و يعتمد عليه
عائشه:و اشمعنا ده اللي انت بتشجعني اني اوفق عليه بخلاف انه اتقدملي كتيير و انت مكنتش بتوافق او بمعني اصح كنت بتقولي و انت عارف اني هرفض عمرك ما اقنعتني بحد منهم
شاهين: علشان انتي مش وأخذه بالك ان انتي اميره البلد
و العروس المناسبه لاي راجل او شاب بمالك و الكل عينه عليكي و علي فلوسك بيتقدموا حباا في مالك مش فيكي انتي
عائشه: طب ما يمكن هو زيهم ايه اللي
يفرقه هو عنهم
شاهين بضحكه ممزوجه بالسخريه من كلامها: انتي واضح انك هبله
محمود الشرقاوي معاه فلوس و سلطه و قوه انتي بالنسبه ليه فلوسك متجيش نقطه في بحر من املاكه
غير انه راجل فعلاا و كذا موقف اثبت كده و كان دايما بيود و بيحب ابوكي جدااا و انا لو ده عريس جاي لمريم وربنا اوافق من غير ما اعرف رايها ايه
و علشان انتي بنتي انا بقولك هو المناسب ليكي جداا محدش من
عمك او ابنه هيقدر يفتح بقه معاكي لو بحرف لما تكوني مراته
عائشه بتردد : معرفش يا خالو انا متفاجئة
و مش عارفه اقرر حاجه سبني
افكر و اخذ وقتي ......