رواية الصديق الخائن الفصل السابع 7
بقلم ملك ياسر الشرقاوي
دخل عليهم عمار و كانت عينه بطلع شرار....
عمار بعصبيه: انتي ازاااي تبدأي الميتنج من غيري انتي اتجننتي.
سما بهدوء و بتسلم على العميل: تشرفت بوجود حضرتك ي فندم نتقابل وقت التسليم ان شاء الله.
عمار بعدم فهم: انتي عملتي إيه... زمانك دلوقتي ضيعتي الصفقه عليناااا.
سما بهدوء رهيب: اولا حضرتك محترمتش معادك و جيت فيه... ثانيا مبوظتش حاجه و الصفقه خلاص اتفقنا عليها و البضاعه كمان... ثالثا و ده الاهم.... مستر مارك هيتكلف بالبضاعه الجديده كلها غير اللي اتحرقت في المخزن.... رابعا رجعت شغلي و ليا فيه زي م انت ليك فيه.... سلام.
عمار بقا واقف مصدوم من اللي بيحصل و ازاي قدرت تعمل كده بس فرح من جواه انها رجعت تاني و قدرت ترجع الصفقه معاها.
محمد بشر: نفذ اللي قولت عليه الصفقه دي مش هتم غير لما يتنفذ كلامي انت فااهم.
المجهول: فاهم ي فندم.
المجهول: بيقول لحضرتك العمليه دي مش هتتنفذ غير لما تيا ترجع.
مستر مارك بغضب: هو مجنون ده فيها رقبتنا كلنا هو مش عارف عمار ممكن يعمل إيه؟؟؟
المجهول: طب هنعمل إيه؟
مستر مارك بمكر:........
المجهول بضحكه مستفزه: دماغ شغاله.
مستر مارك بأمر: نفذ.
المجهول: أوامرك يباشا.
سيليا بدموع: تيتا انا عايزه ماما وحشتني اووي.
ليلى بزعل: هاخدك عندها بس لما بابا يسافر.
سيليا بفرحه: بجدد ي تيتا.
ليلى بحب و حضنتها: بجد ي روح تيتا.
سما كانت تعبانه اووي بس بتقاوم و اكلت و اخدت العلاج و نامت....عمار جه و لقاها نايمه زي الملاك تأملها بحب و ملس على شعرها بحنان ووو
سما قامت بعصبيه و شدت إيده و بعدت عنه و قالت: متحاولش تقرب مني تاني انت فااهم انا بكرهك واحد حقير معندهوش إنسانيه و اللي يحاول يقرب من ابني او يأذيه اكلوو بسناني و قامت نامت على الكنبه.
عمار كان مضايق اووي من كلامها بس سابها براحتها بكره تعرف كل حاجه....
الصبح....
السكرتيره: البضاعه جهزت ي فندم فاضل حضرتك تروحي تشوفيها.
أروى: تمام خلي الشوفير يحضر العربيه و روحي انتي على شغلك.
سيليا راحت عند سما و بقت فرحانه اووي انها شافتها من تاني...
سما بحب: ي روح مامي انتي وحشتيني خاالص.
سيليا و هي بتحضنها: وانتي كمان ي مامي... و قالت بحزن... ليه مش بتسألي عليا و مش بتكلميني.
سما بحزن: انا اسفه ي قلبي بس كان عندي شغل و ان شاء الله هرجع قريب... اه صحيح مين جابك.
سيليا: تيتا ليلى.
سما: و مش دخلت ليه معاكي؟؟؟
سيليا: قالت انها هتروح مشوار و تيجي تاخدني.
سما حضنتها تاني و باستها و قالت: استني اجيبلك العاب و نلعب مع بعض.
سيليا: مامي انتي بطنك كبيره ليه؟
سما ابتسمت و قالت: هنا في بيبي اخوكي ي سيليا.
سيليا بفرح: الله يعني انا هيكون عندي اخ و اخيرا.
سما بضحك: و أخيرا ي حبيبتي.
أروى راحت المخزن و لقت....
أروى بصدمه: تياااا؟؟!
الصديق الخائن🙂
بقلمي / ملك ياسر الشرقاوي 🌗