بقلم همس كاتبة
عمار بشك : شيرين … محمد اخوكي من ست تانية مش كدة ؟؟
شيرين : اه … بس مامته ان..تحرت من 6 سنين
شعر عمار بصدمة و كأن الدم انسحب من وجهه …فصار شاحب اللون في لحظة
عمار بقلق : مامته اسمها شادية ؟
شيرين باستغراب : ايوة عرفت منين ؟
عمار بتهرب : لا ابدا … بس سمعت من غزل قبل كدة عن الموضوع ده
شيرين بشك : عمار … ما تخبيش عليا .. قولي في ايه ؟ انت صوتك تغير لما قولتلك اه مامته اسمها شادية … ايه الموضوع ؟ و انت تعرفها منين ؟
عمار بهدوء : هبقى احكيلك بعدين … المهم دلوقتي اول ما الاوضاع تهدا قوليلي … عشان افاتح اهلك بموضوع جوازنا
ابتسمت شيرين بخجل .. احمرت خدودها اثر كلماته
شيرين بحب : انا مش مصدقة نفسي … حاسة بحاجات عمري ما حسيتها … انت بجد جيت و شقلبت حياتي … رغم كل حاجة بتحصل دلوقتي بس برضو مبسوطة من قلبي على الاحساس ده
عمار بابتسامه عاشق : ده بقى تأثير الحب … كنتي صادقة لما قولتي اني معرفش حاجة عن الحب .. فعلا انا معرفتوش الا معاكي … فجأة حسيت اني بني ادم تاني … بقيت افكر فيكي كل ثانية … مش قادر اصبر اكتر من كدة … لازم نتجوز بسرعة
ظهرت ابتسامة دافئة على ملامحها … و لكنها انحمت عندما تذكرت والدها
شيرين بتوتر : عمار .. تفتكر رد فعل بابا هيكون ازاي ؟
عمار : مش عارف .. بس ما اعتقدش يوافق بسهولة … ده ما وافقش على غزل عشان هيا بنت اخو عد.وه … ما بالك انا ابنه
شيرين بقلق واضح : شكلنا هنتعب اوي مع العيلة دي … انا اصلا مش فاهمة سبب العداوة دي ايه … ده كان هو و عمك اعز اصحاب ازاي بقا باباك عدوه
شعر عمار بتوتر شديد فلا احد يعلم السر وراء هذه العداوة غيره و يخشى ان يصارحها بهذا الوقت … حاول اخفاء توتره قدر الامكان
عمار بهدوء مصطنع : ما تقلقيش يا حببتي .. كل حاجة هتعدي .. المهم ان احنا لبعض مهما كان خلافهم … و انا مليش في ابويا … مستعد اعمل اي حاجة عشان تكوني ملكي يا حببتي
استمرت وصلة الحديث بينهما لوقت متأخر … كان كل منهم يعبر عن مشاعره للاخر … فشعر كل واحد وكأنه وجد وطنه في الآخر … لم يعد الليل يكفي لحكاياتهما …. ولا القلب يتسع لفيض ما يشعران به
**********************
في المستشفى
بقيت غزل في السيارة بانتظار نديم بينما هو ذهب للدكتور حتى يتعرف اكثر على حالة اخاه
الدكتور : مين الدكتور الي كتبله الدوا ده ؟
نديم : معرفش .. هو كان مختفي من حوالي 5 سنين و لما لقيناه لقينا الدوا ده معاه و اول ما خد منه نام على طول
الدكتور : استحالة ده يكون بوصفة طبية … ده هالوبيريدول…. دوا قوي جدا و بيأثر على الاعصاب و السلوك البشري .. عادة بنستخدمه لمريض الانفصام او الهياج النفسي القوي … مينفعش يتاخد الا باشراف طبي و جرعات محددة بدقة… لانه بيسبب خمول شديد … بس واضح انه بياخد جرعات كبيرة منه
نديم بصدمة : يا انهار اسود … يعني هوا مريض انفصام يا دكتور ؟
الدكتور : مقدرش احدد الا لما يفوق و اعمل تقييم نفسي لحالته .. بس أنا شايف علامات اعتماد جسدي ونفسي على الدوا …لازم نبدأ خطة سحب تدريجي و نقلل اعتماده عليه … و ده ممكن ياخذ وقت لو كان اتعود عليه من 5 سنين حسب كلامك
نديم بذهول : يعني الي كان بيديه الدوا هوا الي خلى حالته تتطور بالشكل ده
الدكتور : اه طبعا .. ده استغلال صريح لحالة نفسية خط..يرة …. و أنا لازم أكتب تقرير بالموضوع ده
نديم : طيب و مدة العلاج قد ايه ؟
الدكتور : يعني هوا محتاج حوالي 6 شهور حتى يقدر يستغني عن الدوا تماما … و بعدها هنبدأ باعادة التأهيل و العلاج النفسي عشان يقدر يستعيد شخصيته الطبيعية
نديم بتنهيده : طيب هنتعامل معاه ازاي دلوقتي ؟! يعني هوا بقاله فترة طويلة مختفي و في مشاكل كتير بالعيلة عندنا .. فهل ده هيأثر عليه ؟
الدكتور : بص يا نديم بيه انا شايف انه محتاج يفضل في مركز رعاية نفسية الفترة دي على الاقل خصوصا لو عنده تصرفات عد..وانية … و لما يخف اعتماده على الدوا و حالته تتحسن شوية ممكن يرجع البيت … و الكام يوم دول لازم يفضل هنا عشان اقدر اشخص حالته … و زي ما حضرتك بتقول في توتر في البيت يعني ممكن يعمله ضغط نفسي و اكيد ده هيأثر على حالته
ابتلع نديم ريقه بصعوبة … لم يتخيل ابدا ان اخاه يعيش هذه الظروف القاسية … كان يتوعد للميس بداخله فهي السبب في كل ما حدث معهم
خرج الى عمرو و ادهم
نديم : عمرو انت افضل معاه الليلة … انا هروح اودي غزل البيت و بعدين هروح اشوف لميس و افهم منها عملت ايه في محمد بالزبط
عمرو : ماشي
ادهم لنديم : و انا هسبقك لهناك … رحاب ملهاش اي اثر دورت عليها بكل مكان مش لاقيها
عمرو : روحت المستشفى الي فيها مامتها ؟
ادهم : ايوة قالولي خرجت منها
نديم : مش مهم خلاص احنا مش محتاجينها اوي …. المهم يا ادهم انت بلغ بابا بموضوع محمد … انا مش هعرف اسيطر على انفعاله .. و اوعى تخليه يشوفه بالحالة دي .. محمد حاليا بيعتبره هو السبب بالي حصله
ادهم : استر يا رب … اكيد بابا مش هيعدي الموضوع كدة بالساهل … و هيجنني عشان يشوفه ده تعب اوي و هو بيدور عليه كل السنين دي
نديم : دي مهمتك انت بقا … محمد وضعه صعب و يمكن حالته تسوء لما يشوف بابا … عشان كدة انت امنعه باي طريقة … بس مش لازم نخبي عليه حاجة زي دي
**************************
ذهب نديم الى السيارة فغزل كانت هناك تنتطره
غزل : طمني الدكتور قالك ايه ؟
نديم : قالي ان حالته حرجة جدا … و الدوا ده خط.ير و بيأثر على اعصابه … بس لسا عاوزينه يفوق عشان يفحصو حالته النفسية
غزل بشفقة : يحرام … بجد صعبان عليا اوي … مكنتش متخيلة ان مو..ت مامته هيأثر عليه بالشكل ده
انطلق نديم باتجاه البيت
نديم : المهم دلوقتي اننا لاقيناه بعد كل السنين دي … هيتعالج ان شاء الله و يرجع طبيعي
غزل بتفكير : بص انا حاسة اننا ممكن نقدر نساعده … و بنفس الوقت نساعد عمي يعرف حقيقة مو..ت مراته
نديم باستغراب : يعني ايه ؟؟
غزل : بص انا لما اتكلمت معاه عن مامتي اتأثر جدا و بقا يسألني اسألة كتير … هو قلبه محروق على ما يعرف مين الي كان سبب بانت..حار مامته … لو عرف الحقيقة ممكن ده يريحه و يخفف صدمته
نديم : بس الست انت..حرت … يعني مفيش جر..يمة
غزل : ما انا مامتي كمان انت..حرت بس كان في مجر..م … انت قولتلي ان باباك و مامت محمد كانو بيعشقو بعض … يعني طالما بتحبه ليه طلبت الطلاق و قررت تبعد عنه … و لو تفكر شوية بالموضوع … مامته ماتت من 6 سنين .. و انا كمان ماما ماتت من 6 سنين … يعني في حاجة مشتركة
نديم بصدمة : قصدك تقولي ان المج..رم واحد ؟!
غزل : ايوااا … انا شاكة جدا بالموضوع ده … خصوصا ان اونكل فريد و عمي بيعرفو بعض من زمان و كان بابا صاحب باباك … و فجأة بقا في عد..اوة بين باباك و عمي … يبقى ده السبب
نديم باستغراب : بس لو بابا عارف يعني ليه ما اخدش حقها ؟ ليه ما قالش حاجة عن الموضوع ده ؟
غزل : يمكن عمل زيي عارف بس معهوش دليل … او يمكن شاكك فيه
نديم بتفكير : كلامك منطقي جدا … بس احنا دلوقتي عندنا حاجة اهم بكتير من الموضوع ده .. لميس لازم تعترف بكل حاجة عملتها سواء بمحمد او بالعيلة
غزل : اوك .. بس بنفس الوقت يمكن نقدر نساعده يوصل للحقيقة و يرتاح بقا … كفاية عليه وجع السنين دي كلها … انا شوفت بعنينه نظرة انتقام … يمكن ما يصدقش ان باباه بريء غير لما يعرف الحقيقة كاملة
نديم بحيرة : يا حبيبتي افهميني … انا مش بقول اننا ننسى الموضوع … انا بقول ان في حاجة اهم بايدنا لازم نركز عليها … يعني لو هنقعد ندور ورا رجب الموضوع هيطول .. منتي بقالك سنين مستنية تمسكي عليه حاجة و ما قدرتيش رغم انك عشتي ببيته … ما بالك محمد ده تعبان و بيتعالج
غزل : بس انا عندي دليل دلوقتي … و ممكن اقدر اجيب دليل يثبت ان رجب ليه علاقة بمو..ت مامت محمد
نديم بصدمة : عندك دليل ؟؟ من امته ده ان شاء الله ؟ و انا ليه ما اعرفش حاجة عن الموضوع ده ؟
غزل : بالراحة يحبيبي منا هقولك كل حاجة اهو … عمار عارف كل حاجة عن موت ماما و معاه الدليل … و قالي ان عرف حاجات تخص ناس تانية فممكن يكون يقصد مامت محمد
اوقف نديم السيارة فجأة … و نظر لها باستنكار شديد
نديم بصدمة : انتي امته اتكلمتي مع عمار ؟؟ من امته في بينك و بينه حديث اساسا ؟
غزل بتوتر : طب هقولك بس ارجوك ما تتعصبش
نديم بجنون : انطقي خلصيني … ايه الي خلاكي تكلميه
كتفت ذراعيها
غزل بحزم : انا ما كلمتهوش من مزاجي … كلمته عشان حاجة ضرورية .. و مش هقولك في ايه الا لما تهدا
نظر لها و اخذ نفس عميق
نديم بصوت واضح : غزل لاخر مرة هسألك … كلمتيه ليه
غزل : منا لو قولتك و انت متعصب كدا هتتجنن … اهدى شوية خلينا نتكلم بهدوء
نديم : ماشي .. اهو هديت .. اتفضلي قولي
غزل : توعدني انك مش هتزعل ؟
نديم و هو ينفخ بنفاذ صبر : يا ربي تصبرني … ماشي اوعدك … بس لو كان الموضوع يخصك هولع فيه
غزل : ما تقلقش مليش علاقة بالموضوع ده … مش وقت غيرة يا حبيبي … انا كلمته عشان حاجة تانية خالص
نديم : ايوة الي هيا ايه ؟
غزل بتوتر : بص .. عمار بيحب شيرين
نديم بصدمة : نعم يختي ؟
غزل : ايوة بيحبها بجد …. و هيا كمان بتحبه اوي
نديم بغضب : انتي بتقولي ايه ؟ هوا يعرفها منين ؟؟
غزل : حبيبي انت قولت مش هتزعل … هوا يعرفها كويس … من ساعة ما عرف بجوزنا شالني من دماغه خالص .. انت اساسا عارف انه بيعتبرني اخته و عمره ما فكر بيا بطريقة غير كدة … هوا كان بيدايقني بس عشان بعدت عنه .. حس اني نكرت كل حاجة قدمهالي … فلما تعرف على شيرين حبها … عمار اول مرة يحب بنت اصلا … و شيرين كمان بتحبه اوي
نديم بذهول : يا سلام ! و انا المفروض دلوقتي اتبسط مثلا ؟
غزل : نديم انت عارف انك ما تقدرش تتحكم بقلب حد … هما بيحبو بجد .. و انت اكتر واحد عارف تأثير الحب على البني ادم … انا و انت حبينا بعض رغم اننا عارفين مشاكل العيلتين .. مع كدة ما قدرناش نبعد عن بعض و تحدينا الكل عشان حبنا … هما كمان من حقهم يحبو و يدافعو عن حبهم
نديم : انتي بتقولي ايه ؟؟ استني .. استني … انتي قصدك تقولي انك روحتيله عشان شيرين كانت عنده ؟ ايوة صحيح شيرين رجعت امبارح بالليل …يعني … يعني كانت عنده ؟
غزل : ما تفهمش الموضوع غلط … شيرين مش عبيطة … و انت عارفها كويس … مش هتروحله برجيلها حتى لو كانت بتحبه .. هوا بصراحة الي خط..فها
نديم بغضب : ايواااا قولي كدة من الاول … و قولتيلي بحبها ؟! و بتدافعي عنه كمان … لا بجد برافو عليكي يا غزل … مكنتش متوقع انك تعملي كدة
غزل : طب ممكن تسمعني للاخر … عمار عمل كدة من حبه ليها … انا كنت عارفة من البداية انه بيلاحقها .. بس كنت فاكرة انه عايز يأذينا بيها … بس لما كلمته حسيت قد ايه بيحبها … انت عارف عمار كويس … هو مش شخص سيء و لا بيشبه باباه باي حاجة …. هو حس ان دي الطريقة الوحيدة الي هيدافع عن حبه بيها فعمل كدة … بس اول ما حس انه كدة بيأذي شيرين تراجع على طول و سابها ترجع البيت … و لما روحتله اعتذرلي عن كل حاجة عملها و قالي انه قدر يعرف انا ليه تغيرت … و قال كمان انه مستعد يقدم الادلة الي معاه للبوليس و يعاقب باباه على جر..يمته بس انا الي رفضت … ده كله بيثبت حسن نيته .. حبيبي ما تاخدش الموضوع بشكل شخصي ارجوك
مسح على وجهه بكفيه بتعب واضح
نديم : انا مش مصدق الي بسمعه … اليومين الي فاتو بس عرفت حاجات عمري ما توقعتها تحصل … ايه الي بيحصل ده انا مش عارف .. انا بجد هتجنن لو فضلنا كده
غزل : و الله يحبيبي حاسة بيك … بس صدقني كل حاجة هتتحل مع الوقت
نديم : انا مش قادر استوعب حاجة … كل المشاكل جات مع بعضها … حتى شغلي الي طول عمري بحلم بيه مش فاضيله و بجري ورا مشاكل العيلة
غزل : هتعدي و الله هتعدي يحبيبي … انت دلوقتي امشي وحدة وحدة … يعني حاليا خلينا نشوف لميس حكايتها ايه … و بعدها نتابع علاج محمد و نفهم حالته ايه بالزبط .. و حط موضوع عمار و شيرين على جنب دلوقتي.. بلاش نزيد مشاكل العيلة .. انا قولتلك حكايتهم عشان عمري ما خبيت عليك حاجة .. و لو قدرنا نعرف الحقيقة و نساعد محمد يتخطى الصدمة دي يبقى تمام … بس لو الموضوع هيأثر على العيلة يبقى ننساه احسن
نديم : عندك حق .. لازم نهدا شوية و نحل كل حاجة بالتدريج … بس انتي قولتي ان في دليل على رجب يثبت الي عمله مع مامتك … يبقى لازم انتي كمان تاخدي حقك
غزل بتنهيدة : لا .. مش عايزة .. وكلت امره لرب العالمين … مش عايزة اعمل شوشرة اكتر من كدة .. و خايفة يأذي نزار …البني ادم ده مستعد يعمل اي حاجة يأذينا بيها حتى لو كان على فراش المو..ت … و خايفة اكتر لو نزار عرف يودي نفسه بداهية … الافضل انسى الموضوع ده و اخلي العدالة الالهية تاخد مجراها
نديم : بس ده حق مامتك … مينفعش تتنازلي … فضلنا سنين ندور وراه على ما نمسك دليل واحد يدينه … و لما لقيته عايزة تتنازلي بسهولة ؟ … لازم يتعاقب
غزل بغصة : عقوبته عند ربنا هتكون اكبر … مش هستفيد حاجة لو بلغت عنه … ربنا ابتلاه بالدنيا و شفا غليلي منه … و في الاخرة هيتحاسب على الي عمله … انا كل الي عايزاه دلوقتي اعيش بسلام من غير ما اخاف من حاجة .. و لا اكون مرعوبة على اخويا منه … حتى لو ده هيكلفني اني اسكت عن حقي ما انا فضلت ساكته سنين
احتضنها نديم و امسك كفها بحنية
نديم : مش عارف اقولك ايه … كل مرة بتكبري بنظري اكتر … انتي بنت جدعة و بمية راجل … انا لو مكانك كنت ولعت فيه من اول يوم
ابتسمت غزل بنعومة و قالت : و هستفيد ايه غير اني هتكلبش و ادخل السجن عشان واحد زيه … لا الاحسن افضل مبسوطة مع حبيبي … و هو ربنا ياخده بقا
قرص خدها بلطف و قال : يا قلب حبيبك من جوة … ربنا بس يخلصني من المشاكل دي و افضالك بقا
غزل بدلع : هتعمل ايه يعني ؟
نديم بخبث : هستفرد بيكي … هاخدك ايطاليا و افكرك بايام شهر العسل يا عسل
غزل بضحكة : على كدة يا رب تخلص المشاكل بسرعة بقا … انا بقى عندي جفاف عاطفي من الي بيحصل ده
اطلق نديم ضحكة رجولية أسرت قلبها … كانت سارحة به باشتياق عظيم … و كأنه غاب عنها لسنوات
غزل : نديم
نديم بابتسامة : اممم
غزل بنظرات عاشقة : بحبك
امسك يدها و قبلها بحب و قال : و انا بعشقك كل يوم اكتر من الي قبله
ابتسمت بسعادة كانت متعطشة لكلماته الدافئة
غزل بخجل : طب يلا نروح .. بقالنا ساعة بالعربية
نديم بعبوس : ايه الفصلان ده … ما تسيبني اتهنى بيكي شوية
غزل بضحكة : قولنا بس نخلص من المشاكل دي … امشي نروح نشوف لميس حكايتها ايه و نخلص من الحوار ده بقا … عشان تفضى للباقي
نديم بتنهيدة :فكرتيني .. دنا هطين عيشتها هي و الي خلفوها .. بس هوديكي البيت الاول عشان ترتاحي و انا هروح اشوفها
غزل بعناد : لا هاجي معاك .. مليش دعوة مش هسيبك تروح لوحدك عندها … عايزة اسمع كل كلمة بتقولها و اعرف لو كان الكلام الي قاله صاحبها حقيقي و لا لا
نديم بصدمة : يا ساتر … كل دي غيرة .. دي وحدة معفنة
غزل : مليش علاقة … انا بغير عليك انت مش بغير منها
**************************
بعد اكثر من ساعة
وصل نديم و غزل وجدو ادهم بانتظارهم على باب المستودع
ادهم : فين كل ده يا نديم … بقالي ساعة مستنيك
نديم : كنت بتكلم مع غزل بموضوع … المهم انت تكلمت مع لميس بحاجة ؟
ادهم : لا لسا ما دخلتش … قولت نستجوبها مع بعض احسن
نديم : طب يلا تعال
كانت لميس جالسة على الارض و يداها مربوطة … كانت تنظر للحراسة بثبات و هدوء رهيب
دلف نديم و ادهم و غزل
نظرت لهم بابتسامة ماكرة
نديم : الشاطر يضحك بالاخر يا لميس هانم
لميس : اوعا تفتكر اني هخاف منك او منهم … انا مش هسيب حد فيكو يتهنا .. اوعدك هبقى عملكم الاسود بالدنيا دي … حتى لو دبحتوني مش هرتاح الا لما اخلص حقي كله من عيلة شاهين
نديم بغضب : حق ايه ؟؟ ليه تعملي كدة اصلا ؟؟ ايه الدافع الي يخليكي تاذي الناس الي وقفت معاكي ؟؟مفيش حد بالعيلة تعرضلك بكلمة … بالعكس عاملناكي على انك وحدة مننا .. و شيرين كانت تعتبرك اخت ليها … بس انتي طلعتي بتخططي للاذية
لميس : حقي و حق محمد برقبة باباك و برقبتكم كلم … انتو الي ظلمتو محمد .. و ظلمتو خالتي معاكو .. لحد ما تدمرت و انت..حرت
غزل باستغراب : خالتك ؟ هيا مامت محمد تبقى خالتك ؟
لميس : ايوة يا حنينة .. و انتي ربنا رحمك من تحت ايدي و لا كنت هعمل فيكي زي سلايفك
غزل بغضب : و انتي مش مكفيكي الي عملتيه ؟
ادهم بصدمة : استني يا غزل … سلايفهتا الي هما مين ؟
لميس بضحكة : اوووه انت لسا ما عرفتش … ما مراتك خدت الي فيه النصيب هيا كمان .. سوري اقصد طليقتك
ادهم : قصدك ايه يعني ؟؟
لميس : هقولك بعدين … بس نشوف نديم بيه عايز ايه الاول
ادهم بغضب : انتي باردة كدة ليه ؟ دنا هخلص عليكي لو ما نطقتيش …. عملتي ايه مع سلمى ؟
لميس : على اساس اني كدة هخاف يعني ؟ … انت يا بيه اول واحد بدأت بيه …………. يتبع