بقلم سلوي عوض
ليلي: اصبري يا دهب اوعي تخبصي علي يا بتي وتجوللي اني زورت الشهايد انا الشيطان والطمع كانو عاميني بس الحمدلله ربنا شال الغشاوه من عيني
وانتي يا فاتن يا بتي يارب تكوني مسمحاني من جلبك
فاتن: مسمحاكي يا اما
دهب :طاب وانا فاتن : انتي اختي وحبيبتي وكلنا معرضين للطمع بس زي ما اني جالت ربنا شال الغشاوة من علي عيونكم
دهب: الحمدلله انا لو كت طاوعت عبدالسميع كت روحت ورا الشمش
فاتن: الحمدلله ربنا رحيم بينا
ليلي: ياله يا دهب روحي المركز عشان تنجي المظلوم يا بتي
دهب: انا ماشيه
(لتتركهم دهب وهيا في طريقها الي القسم)
نواره: اما نواره فكانت تتحدث مع نفسها يارب يكون اللي فيه ديتي كابوس معجوله ابوي يموت وأخوي يتحبس وبيتنا بجا سداح مداح مافيش فيه ظابط ولا رابط
نواره: هو صحيح جاسم كان بخيل وماسك علي الدنيا بس بردك كان حاكم الكل استرها معانا يارب ياخبر ابيض ده محدش ساءل علي عيال جاسم كل واحده واخده بالها من عيالها ياعيني ودول امهم هملتهم وابوهم محبوس انا هروح اشوفهم
(لتخرج نواره من قاعتها)
(لتذهب الي قاعه الاطفال لتجد زياد يبكي)
نواره: مالك بتبكي ليه يا حبيبي
زياد: عيال عمي اشرف بيجولولي ابوك الحكومه خدته وابويا هيبجا الكبير ونشغلوك انته وأخواتك خدامين عندينا وهنوكلوكم مدمس واحنا هناكلو اللحم ومش هتروحو المدرسة تاني
نواره: عادل جالك كده
زياد: اه والله يا عمتي وكمان عمتي عفاف ضربيتني لما جولتلها عايز ابوي جالتلي ابوك خلاص راح ومش راجع
زياد: وكمان جالتلي من دلوك وجاي انت و أخواتك هتاكلو عيش ناشف وجبن جديم
نواره: له يا حبيبي انتو هتاكلو احسن وكل وانا هنزلها اربيها واديها علجه زينه
زياد: خلاص ياعمتي ربنا يسامحها بس هو صح ابويا راح ومش راجع
نواره: له ابوك راح مشوار شغل وهياجي علي طول
نواره: جوللي هما خواتك كلو جبل مينامو
زياد: له نامو جعانين
نواره: انا هنزل اجيبلكم وكل وانت صحي اخواتك
زياد: حاضر ياعمتي
(لتتركه نواره وتنزل الي الأسفل)
نواره: بصوت عالي انتي ياست عفاف
عفاف: عايزه ايه
نواره: انتي ازاي تمدي يدك علي زياد واد الكبير والله لاموتك
عفاف: يا احلام يا هدي تعالو نربو البت ديه
هدي: من عيني لينهالو
(ثلاثتهم بالضرب علي نواره لتصرخ)
نواره: شعري شعري اوعي يا بت انتي
عفاف: لما نربوكي الاول
(لتدخل حليمه علي صوت صراخ ابنتها)
حليمه: سعي منك ليها والله لاجطع ايديكم اللي اتمدت علي بتي
عفاف: طلبتيها ونولتيها هملو البت ديه وتعالو نعجنو المرا العجوزه ديه
هدي: واحلام ياله بينا
(وبالفعل ينهالو ضرب علي حليمه)
نواره: امي يا اما سيبوها
عفاف: هتسكتي ولا ناجو نكملو عليكي
حليمه: (تصرخ) يا اشرف يا شريف يا شرف تعالو شوفو حريمكم
عفاف: (بضحكه شريره) محدش منيهم هنا
نواره: (باستعطاف) حرام عليكم سيبو امي
عفاف: من دلوك ورايح هتعيشو زي الكلاب وتخدمونا سامعين ولا كل يوم ندوكم علجه زينه
نواره: خلاص حاضر بس سيبو امي
عفاف: خلاص سيبوها اطلعي يا احلام شوفي كده ليكونوا رجالتنا جايين
احلام: هطلع ولو شفتهم جايين هاجي جري انبهكم
عفاف: جدعه ياله روحي
لتخرج احلام
وبعد عشر دقائق تدخل احلام جري: جايين جايين عفاف طاب جطعو هدومكم منك ليها وانكشو شعوركم وكل واحده تدي نفسها جلمين بسرعه واول ميخشو نصرخو ونجولوهم امكم واختكم موتونا من الضرب جومي ياابت يا نواره عدلي حالك وانتي يا حليمه اعملي زي بتك
وهنا يدخل الرجال الثلاثة ليجدو زوجاتهم يبكون
اشرف: فيه ايه مالكم ومين اللى عمل فيكم كده
عفاف: بتمثيل امكم واختكم ضربونا وعدمونا العافيه كل ده عشان بجولهم عايزين نطبخو للرجاله الشجيانين
اشرف (بصوت عالي): انتو ازاي تعملو فيهم كده
احلام: هو ده اللي ربنا جدرك عليه
ليقترب اشرف من نواره ويصفعها بالقلم
حليمه: جطع يدك ازاي تمدها علي خيتك ده هما اللي ضربونا
شريف: هما اللي ضربوكم كيف وهدومهم مجطه ووشوشهم معلمه من كتر الضرب
شرف: اللي هيمد يده علي مرتي هجطعاله
حليمه: اه يا مدلدلين يا متنين ياشوره الحريم
اشرف: طاب من دلوك ورايح انتي وبتك هتجعدو ف جاعه واحده وهتتحبسو فيها كمان ومافيش غير الجزمه بعد كده
حليمه: اه ياجاسم فينك ياولدي تاجي تنجد امك من الكلاب دول
اشرف: اطلعو علي فوج غورو جاسم ولدك لما يطلع بجا ابجي اشتكيله
عفاف: خلاص سامحهم معلش امنا واختنا وضربونا
اشرف: شايفه يا اما بنات الأصول خلاص بس بعد كده اللي حريمنا يجولو عليه هو اللي يمشي سامعين
حليمه: سامعين
اما دهب فها هيا قد وصلت الي القسم العسكري
دهب: راحه فين انتي دهب عايزه اجابل الظابط العسكري ليه
دهب: بجولك عايزاه ف أمر مهم جوي العسكري طاب خليه واجفه لما اخش اديله خبر
وهنا تقف سياره فارهه وينزل منها رجل يبدو عليه أنه شخصية مهمة ليقدم له العسكري التحيه
عصام باشا: اتفضل يا سياده اللواء
لتجري عليه دهب: يا باشا اعمل معروف دخلني للظابط عايزاه ف أمر مهم جوي
عصام: تعالي معايا يا بنتي
لتدخل دهب مع اللواء عصام ليتجه عصام الي مكتب الظابط حمزه ليدخلو عليه
حمزه: سعاده الباشا نورت القسم معاليك
عصام: اخبارك ايه ياحضره
الظابط حمزه: تمام ايه مين ديه
عصام: مش عارف كانت واقفه مع العسكري وبتقول عايزاك ف أمر هام
عصام: خير انتي مين
لترفع دهب النقاب
دهب: انا دهب وجايه لحضرتك ف جضيه كبيره جوي جوي وكمان عشان في إنسان مظلوم هيروح ف الرجلين
حمزه: مش فاهم تقصدي مين
دهب: جصدي علي جاسم البكري
اللواء عصام: قصدك قاسم البكري ابن محمد البكري
حمزه: هو حضرتك تعرفه
عصام: اه طبعا ده هو اللي وصلنا لعصابه الجبل وساعدنا عشان نقبض عليهم
حمزه: حضرتك بتقول ايه إذا كان هو نفسه متهم ف فضيه مخدرات وكمان انا مطلع المخدرات من مكتبه
عصام: مستحيل قاسم مش محتاج أنه يتاجر ف المخدرات ده غير أنه سلملنا كذا قضية مخدرات هو مشكلته الوحيدة هيا البخل لكن تاجر مخدرات لاء طبعا مصدقش
دهب: انا عندي الدليل أن جاسم مظلوم
حمزه: دليل ايه دهب
دهب: بس بعد اذن حضرتك ياريت نجيبه هنا
حمزه: اجيب مين ده متهم والصبح هيتعرض علي النيابه
عصام: بقولك أن قاسم يعتبر من رجالتي بس عشان انته لسه منقول قريب متعرفهوش ابعت هاته
حمزه: اوامر حضرتك شاويش منصور
منصور: نعم يا افندم
حمزه: هاتلي قاسم من الحجز
منصور: تمام يا افندم
حمزه (يتحدث الى دهب): فين الدليل اللي معاكي
دهب: معلش لما ياجي جاسم
وهنا يدخل منصور ومعه قاسم
قاسم: عصام باشا ودهب كمان هو فيه ايه
عصام: متصلتش بيا ليه لما قبضو عليك قاسم
قاسم: محبيتش أزعج حضرتك بس هيا دهب هنا ليه
دهب: بعد اذنكم انا هشغل التليفون عشان اعرفكم الحجيجه
عصام: شغلي يا بنتي
لتشغل دهب تسجيل المحادثه بينها هيا وعبد السميع
وبعد ان سمعو المحادثه
قاسم: ايه ده معجوله امي هيا اللي جتلت ابوي وكمان عبدالسميع هو اللي عمل فيا كل ده
قاسم: وانتي اختي يا دهب
دهب: انا هجولكم بجا علي كل حاجه